#خنجر_لغضنفر
#البارت_الرابع_والعشرون_٢٤
#حنين_حاتم
قيصر...
صوتة يهمسلي بحسرة
عاد انت عندك جد وبيبة لموكم وعشتو بخير درستو ووصلتو
تدري هاي اختي لكدام عينك جانت تشتغل بلبيوت حتة توفرلي لكمة اكلها وحتة اكمل دراستي
امي وابوي توفو
هم مثلك احنة ايتام ام وابو
_لا إلله إلا الله شلون توفو
-نايمين احنة بلصالة وهمة بغرفتهم فجأة سمعنة صوت صراخ
نفتحت باب لمنور وطلعتلنا امي واجة بيها نار
كلشي منشوف من ملامحها
عبارة عن كتلة نار وتتحرك وتكمز من مكان لمكان ولنار لبيها تلهب لفراش واثاث لبيت واحنة علقنفات صاعدين ونتصارخ برعب
ابوي وراها يركض وبيدة بطانية
حضنها بكل قوتة حتة يطفيها
ولنار نتقلت من عدها لجسمة
لهبت هدومة بساع بساع جانن ملابسة بيهن نفط
وكدام عيونة حتركو ثنينهم
هيفاء جانت تجيب مي من لحمام بطاسة زغيرة علما توصل الهم وهية تركظ ينجب لماي نصة بلطريق
اما اني جنت اصرخ بكل رعب
عمري ١٠ سنين لخوف من منضرهم خلاني متجمد بمكاني وبس اصرخ
وراها اغما علية فتحت عيوني بلمستشفى ويمي خالتي لزغيرة رجعتني للبيت
مااعرف شصار لكيت بيتنا مليان نسوان واطفال
هيفاء معصبة بربطتها لسودة وتدك وتلطم وية لنسوان
وتملخ بروحها
وراها فهمت انو امي حاركة نفسها
وبابا من حاول يطفيها لهبت لنار ملابسة بساع لأن بيها نفط
من دايرة على نفسها نفط هوة متصارع وياها حتة ياخذ لجلكان من عدها ومطفر على ملابسة
مااعرف شنو لسبب ولا عرفت لليوم وبقت حسرة بكلبي اعرف امي ليش ختارت لموت وعافتنا
ليش ختارت نار جهنم وعافت اطفالها لليتم
منا بدت رحلة كفاح هيفاء
ثالث متوسط وشاطرة
تركت دراستها علمودي صارت تشتغل بلبيوت بيت عمي بينا وبينهم بيت واحد بس
يمر علينا عمو يتداين فلوس من هيفاء الي جانن لنسوان يشفقن عليها وينطنها عدا فلوس شغلها
صدقة وزكاة ومن يذبحن تنترس ثلاجتنا لحم
جان وراد هيفاء اختي يعيشنا وجزء منة ياخذة من عدنة عمو بحجة اظمة الكم وماشفنا فلس لليوم
هيفاء طول لنهار تتنقل من بيت لبيت وماشوفها غير ورة صلاة لمغرب
تجي تذب ملابسها تسويلنا لكمة وتنام على وجهها من لتعب
وهيج مرت سنين حياتنا هيفاء اختي كبرت بس لادك بابنا احد ولا احد تقدملها رغم شوفة عينك حلوة وماناقصها شي
بنات عمي ازغر منها تزوجن
اني كملت معهد معلمين جنت متمني اعوظها
وانت معلم مثلي و ادرى لناس بلفلاسين لينطوها النا كراتب
كراوي ماتكفي
_اي وانت لصادك يخوي انة لوما غضنفر اخوي بلظيم حالي
_طلعنة لهنا وحصلتلها شغلة وجاي تدرس خارجي
_شعجب طلعتو اكو واحد يعوف لعراق
_يعني انت ماعفتة هسة
_انة ياخوي مجبور لو بيدي ماعوفة
_احنة هم مجبورين وجيتنا للأردن مؤقتة احنة ناوين نطلع لإمريكا عدنا ابن عمي عايش هناك ونتواصل ويا رغّبنا بلعيشة هناك
وسولفلنا عليها
بلد لفرص ولمستقبل لمظمون
_شنو لجبركم تطلعون
شال إستكان لجاي يشرب بي حسيتة توتر ووجهة إحمر
بلع ريكا وكال
_علمود هيفاء طلعنة صارتلها مشكلة بلمنطقة وية وحدة من جاراتنا وهي تعقدت ونفسيتها تعبت واني كلت نطلع بلكي تتحسن
ولحمد لله حسيتها فرحت بطلعتنا واول ماوصلنة دورت على شغل وقدمت خارجي كالت بينما نلم النا شكم فلس ونكدر نفيز لأمريكا تاخذ شهادة لسادس احسن ماتضيع هلوقت
_عاشت ايدها لدراسة سلاح لمرة
تريكت يمة وسولفنا هواي
ماحسينا على نفسنا غير بطبة اختة ساعة ١٢
جانت تشتغل بقاعة مال تأجير بدلات وفساتين حفلات
سلمت ودخلت شايلة بيدها لفات
نطت وحدة الي ووحدة لهادي
عاينت الها دخلت جوة يم لثلاجة وكفت طلعت خيارة وخظرة بلخبزة لفتهن ووكفت تاكل وخلت قوي لجاي علنار
ستأذنت من اخوها وطلعت راد يوصلني للباب كتلة كمل غداك
واني اتمشة للباب خليت اللفة على طبلة وطلعت
وبباب شقتي وكَفت
صارت عندي خوفة من طبت لشقة
من ادخلها علحيطان اشوف وجه بلقيس وعيونها لدامعة
وعد نطيتها ووعد لحر دين
ونقضت لوعد
لرجال كلمة ووعد وانة اثبتت الها لعكس
تمنيت ميت ولا ناقظ وعدي
ولحجاية تدك براسي
مااطلع من ديالى إلة وإيدج بدية
خجلان من نفسي ومستحي
حسيت لحيطان تقترب على بعظها ولكاع تخسف بية للأسفل تخيلات هلوسة ماعرف شنو لجاي يصيرلي بس الي ادري بي اني موبخير
من يوم لأجيت بي لهنا ستجدت عندي امور ومخاوف غريبة
يمكن لأن مافديوم بقيت لوحدي ببيت
ويمكن هلشي لازمني بعد خذلاني لبلقيس وتعب نفسيتي
ندكت لباب
حسيت لحياطين رجعت لمكانها ولأرضية ستقرت بعد ماجنت اشوفها تتحرك جواي
فتحتها
ستقبلني وجهها لغضبان
_هاي ليش عفت اللفة انت ابن عشائر وهيج تخلي الفة وتطلع بلبوكة
رفعت تك حاجب وايدها دخلت بشعرها وبدلع كالت
هاي عليها كَعدة عشائر انت هنت مضيفنا
ضحكت وتداركت لموقف بكذبة
لا لعفو موش قصدي بس انة من طلعت
وانة البس حذائي خليتها علطبلة وطلعت
وليش طلعت مابقيت يم هادي اني راح اطب انام تعبانة وهوة يضوج وحدة
حسيت كأن نقذتني
رحت وياها
ببيتهم مانتابني هذا لشعور ولا ختنكت من لمكان بلعكس جنت مرتاح كلش ماعرف لسبب اندماجي وية هادي بلسوالف لو لخلل بلشقة نفسها
رحت يمهم بقينة نسولف همة يسولفون عن طفولتهم
واني اسولف عن بيئتنا وطبايعنا
صافين ثنينهم على كلامي وكل حجاية احجيها اعقب وراها واحاول الكالها مرادفة بلهجة اهل بغداد
طول لوقت جانو يضحكون من اسولفلهم على بيبي شكرية وسوالفها
واجت على بالي كشمش بحسرة جنت اسولف عنها
ماعرف شوكت تسلل للساني طاري بلقيس
ولا اعرف شلون حجيت عنها
فزيت على ايد هادي وهوة يمسح دمعة من عيني ويهمس
الله يعوضك بلي احسن منها
عيون هيفاء غارن دمع وشفافها تبتسم وتهمس
عاد هي هم تبادرك بهيج مشاعر
غمضت عيوني وايدي على يسار صدري وبحسرة همست
وأكثر بعد
بسبي خسرت هواي امور وعرضت نفسها للخطر
نززني صوت هيفاء وهي تنتبه علساعة وكالت برعب
عززززة شوف شلون ضيعتو وقتي وتأخرت حتة نوم مانمت
بساع جرت جنطتها ويم لباب تصيح على هادي
لازم نشوفلنا سيارة مؤقت خوما نضل هيج
راحت لشغلها
وهادي حسيت علي نعسان بقة يتثاوب
طلعت بحجة اروح للمحل
لبست حذائي ونزلت اتمشا
وببالي افكر
ليش بس بشقتنا اشوف هلأمور
لشقة لفوكانا فارغة فكرت من ارجع اطلب من ابو لملك اسكن بيها
جائز شقتي مسكونة
تمشيت لحد ماحسيت رجلية بعد ماتشيلني اجرت تكسي ورجعت
بيت ابو لملك قريب مسافة على لعمارة
تمشيت الة وطلبت منة انتقل للشقة لفوك
مامانع وكالي بليل امرلك وانطيك لمفتاح
حاولت الملم اغراضي بينما صار اليل
جانن فراشات وملابس وتلفزيون فقط
حتة ملابسي لساهن بنفس لجنطة اغسلهن اشرهن وارجعهن للجنطة
لميتهن ونقلتهن للشقة لفوك
سديت لباب وتمشيت بداخل لشقة
اول ساعة مرت علية جان كلشي طبيعي وماكو اي شي
حسيت براحة
تمددت علفراش وغمظت عيوني
صوت يهمس يم اذاني
ليش عفتني قيصر ليييش
حسيت نفسي مختنك وعركان
ولصوت يتكرر
فتحت عيوني
عيني لسقف جانت
نفتحت عيني كل حيلها واني اشوف لسقف ينزل علية ويقترب
طفرت على حيلي وركضت علباب
اسحب بليدة واردد بسم الله الرحمن الرحيم
كوة نفتحت لباب
ركضت بلصالة اريد اوصل للباب لباب تبتعد عني
كلما اوصل الها تبتعد اكثر وصوت بلقيس يهمس بخفوت
ليش عفتني قيصر ليييش
بلكاع بنص لصالة كعدت وصرت اصرخ
اني ماعفتج والله
هذا قدري وقدرج
ولو علية ماعوفج للمووووووت
لباب نفتحت وهادي وهيفاء يتقربون الي مذهولين
لمكان رجع لوضعة لسقف لحيطان لباب
حتة لصوت اختفة
هيفاء ماتقربت الي حسيتها خايفة
اعرف صوتي من اصيح يصير كلش قبيح ويخوف
من غير كلشي هوة يخوف
اقرب شبه لصوتي اصوات لأشباح الي تطلع بأفلام لرعب
هادي لزم ايدي كبالي بلكاع كعد
_شبيك قيصر ليش هيج تصيح ترة رعبتنا
فركت راسي مااعرف شحجي ولا ادري اذا حجيت راح يصدكوني لو لاء
واني نفسي مومصدك لجاي يصير وياي
تقربت الي على كيفها دموعها تنزل وخطواتها ثقيلة
صوتها يهمس
تدري بصراخك ذكرتني بيوم حركَة امي وابوي
تدري نعاد لمشهد كلة كدام عيني
واني اركض على لدرج كلسا اوكع على وجهي كوة وصلت
رفعت ايدها جانت مزلوغة وطالع منها دم
بهللحضة من لخجل تمنيت اختفي ولا هلموقف
همست وعيني للأرض
اني اعتذر كوابيس راودتني
رفعت راسي وهمست الها
اني هم مثلج كتلو امي كدام عيني
كدام عيني شفت اخوي يكتلها وجزؤ من كبدها يطلع بلخنجر مالتة
تقربو الي ثنينهم
حسيت كل جملة انطق بيها يحسون بية همة
صوت هادي يهمسلي بحسرة
كوم خوية سمي بلله وتوضا وتعال نصلي اني وياك
تعال بات يمنة اذا هيج
لا تسلم يخوي ماتقصر
بقو يمي شوية
لبنية رادت تسوي جاي
كلتلها ماعندي كلشي اني مااطبخ شي بلبيت اكل برة وبلكهاوي اشرب جاي
راحت لشقتهم سوت جاي وويا كعك
جابت كعدنة ناكل ونسولف
طول ماهمة يمي اني كلشي مابية ولبيت كلشي مابي
مجرد ماكالو راح نروح ننام بعد تاخر لوقت
عاينت للساعة جانت فوك لعشرة
طلعو وسديت لباب وراهم
مجرد مانداريت شفت لسقف يتحرك ولأرضية تغوص للأسفل
بساع فتحت لباب وطلعت
وبلكاع تمددت
حذائي سويتة مخدة ونمت
تعبان منهك
ماانجز اي شغل لتعب بروحي موبجسمي
وخايف من لجاي يصيرلي
صبحية فزيت على اديها تخض بمتني
فتحت عيوني خجلان
صوتها يهمس بغظب صدك.جذب قيصر ليش نايم بلكاع
افرك بعيوني وافكر بجذبة همست بخجل وماعرف اذا راح تصدكها او لاء
فراشي نجفت علي دولكة مي وتنكع
واني اختنك بليل احب انام بلسطح
ضحكت على نفسي واني اهمسلها
تعرفين بعد ولد لريف معلمين على نومة لبراري
ضحكت واشرتلي
دكوم تريك وية هادي شلون جبن جايب وخبز حار
كمت على حيلي عدلت شعري ورحت يمة
واحنة ناكل ندكت باب لشقة مالتة
راح فتحها وتاخر
شوية وصاح علية
قيصر تعاال هذا واحد جاي عليك
ستغربت
تقربت للباب
وخر هادي لجان ساد لباب
شفتة كبالي واكف وصوتة يهمس بمكر..........
بلقيس...
صوت قبيح يهمس باسمي بطريقة مرعبة
ادين حاوطن ركبتي وحييل يضغطن عليها
رجلية نسحبن بقوة ومن لجرباية بلكاع وكعت
حسيت راسي نصدم بشي
وزياد بكل صوتة يصررخ شبيج بلقيس شبييييج
فتحت عيوني بلكاع واكعة وارافس
ماشفت زياد شفت كدامي جسم انسان برأس وحش
وجهة اسود وبي شعر وكرون كبار
صرخت بكل قوتي
وخر عنيييي وخررررررر
يتقرب الي ويسال شبييج ولج شبيج
واني على ادية بلكاع وازحف ليورة
واصرخ وخررر وخررررررر
راح علضوة شغلة وعافني وطلع برة
رجع بيدة كلاص ماي
شكلة طبيعي لاكرون ولا وجه يخوف
تقرب الي يهمس شبيج تخبلتي
شتخبلت شنووو
ترة شفتك بهيئة وحش
هيج تكرهيني ؟؟
شجاب لكره بلنص زياد مااعرف شصارلي اني شفتك بهيئة وحش مو هذا شكلك
بلقيس كولي مااريد تتقربلي وفضيها
كولي لساني عايشة على لأطلال
عيب علييييك
عيب علية اني ؟؟
عافني وطلع
سمعت صوت باب لشارع
شوية واجة ويا امة ووحدة من عماتي من لباب اسمع صوت امة تهمسلة
لعيارة تسوي افلام عبالها تعبر علينا
بس فتحت لباب عطت بيها
اسوي افلام لييش
شنو لغاية جاوبينييي
عمتي عاطت سكتي عمة عيب هيج تحجين وية مرت عمج
اي لعد متشوفيها شدتحجي
دخلت امي وراهن ركضت على لقران فتحتة وتقربت الي طلعت سورة لبقرة وصارت تقرة جزؤ وتطبك لقران بوجهي وتكررها
ندارت على زياد وهمستلة
خلص عمة اجلوها سالفتكم لباجر هية جاية من سفر تعبانة وماقبلت تاكل
اجلوها ولصباح رباح
همسلها هذهو عمة شنو طايرين احنة
طلع برة هوة وامة مدري شيججون
بقت امي وعمتي يمي يسألن بية
ام بلقيس:- ماما يعني من راد يتقربلج هيج شفتي ؟؟
_هوة مجرد ماتقربلي حسيت جسمي ثكل موكأن زياد عبالك عشر اشخاص على جسدي
ادية ورجلية احس تصنمن مااكدر احركهن
وراها حسيت شي سحبني من رجلية
فزيت على صراخ زياد واني واكعة بلكاع وارافس واهامش بدية
وشفت زياد شكلة يخوف كإنما وحش
صفكت امي صدرها
صخام بوجها على هلعملة
وسودة بوجهي على قسمتج يايمة
مدري شتهامسن هية وعمتي وكالتلها باجر اني اخذج لوحدة صديقتي وان شاء الله مجلولة
انتي لتجيبين طاري لأحد هسة
بقت امي يمي طول اليل وهوة بات بلصالة
فجرية كعدني امي وعمتي كالن لبسي
لبست شلون مجان لنومة بعيني وطلعت وياهن
رحنة على بيت بسيط وبنائة قديم
دخلنة ستقبلتنا بنية ودخلتنا على عجوز ماتشوف
بقن امي وعمتي مدري شيهمسن الهة واني اغفي على روحي
نززتني وبقت تسال عن تفاصيل وشلون شكل زياد
بعدين كلتلهن اكو جوة وحدة من كاشيات لبيت مطموم عمل طلعنة وجيبنا الي ولاتحجن لاحد ولاتكولن لكينا عمل لان تروح تجددة
ماريد مخلوق يعرف
طلعنة من يمها رجعنة للبيت
جنت تعبانة كلش كبل نمت
فزيت على صوت صياح
ركضت للصالة امي وام زياد يتصايحن وحدة صوتها اعلى من لثانية
ام زياد:- تردين ابني يشيل من لبيت علمود تبعدنة عني
بس عوزها تاخذي يمج لديالى
هوة انتي هاي لترديها ولو تموتين ماتنوليها
ماكافي عزلتن بي وهوة هلواحد وبيت ابو مليان غرف
امي تتحجج وتكللها
لبيت قديم وتعبان كلش بوارية تعبانة لحمام ينتل
كهرباتة تعبانة
اي خل تقنعة للأفندي ويعدلة الها لتكليلي يشيل
هاي كطنة وشيلنها من اذانجن
شيعدل وهوة حتة لثلاجة فارغة
دزيت ابوها جابلها مسواك مساع
عجزت امي وهي تحاول تقنعها وهي مصرة انو ميطلع من لبيت
دخل بابا على صوتهن كام يحجي
_شتكول علينا لعالم بمصباح لعرسان تتمالخن وصياحجن لراس لدربونة
هسة لناس كبل تكول لعروس بيها شي
ام زياد عوجت حلكها وهمست
والله جنها هيج لسالفة
بابا نتر شنو قصدج ام زياااااد
والله ماادري اسال بتك ومرتك
ماخلت لولد ياخذها وبلصالة نام للصبح
شنو تفسرها يا ابو بلقيس
بابا تقرب الي بصياح
شنو هذا لحجي بلقيييس
رجعت ليورة ودموعي نزلت
امي صارت بيني وبينة وهمستلة
_ابو بلقيس اهدأ لبنية عدها عذر شرعي
ستغفر وعافنة وطلع ضايج من كلامها
عمتي كالتلها ام زياد عوفي لبنية هي وامها تفهم منها شبيها
وتعلمها يجوز خايفة
اخذتها عمتي بلكوة
كعدت بلكاع ابجي على حضي
وامي كبالي تتلاطم ماتعرف شتسوي
ام بلقيس:- ولج ماما شلون بينا هاي من اول ليلة صيحتج تكول بيها شي
حاولو ليوم خلي ياخذج ياامي بس خل نخلص من لسانها هي ناويتلنا على شر وتتشمت وتكيف لو مااخذج
انتي كسري عينها
تحملي غمضي عيوني لتباعين بوجها
همست بحسرة على حالي
ماشي ماما
لهناك اجن عماتي يباركن
وية لغدة عمو ودة علينة جان مسوي ثواب لوجه الله
رحنة يمهم تغدينا وبقينا للعصر مرة عمو تسمم بينا
عصرية اجو اقاربها خواتها وبناتهن
شكو هدية جابوها اخذتها الها
حتة لفلوس الي يحطوهن بيدي تكلي جيبيهن همة ديرجعون واجباتي
مغربية قبل لعشة رجعنة للبيت
صليت وطبيت للمطبخ وهوة راح يتفرج تلفزيون
سويت عشة من لمسواك لجايبة بابا
جبتة اكلنا وبقة شي قليل ميسوة ينضم
واكفة اعزل لمواعين لميت لأكل لباقي شي فوك شي واريد اذبة
تقرب الي يصيح
_لييييش مو نعمة الله هاي لبش،تذبيها بلزبالة
ترة ميسوى تنضم نعمة على راسي
هنة كشور طماطة وصفار مال بيض محد بينة اكلة وشوية مخلمة
اي لتذبي عالم كاتلها لجوع وانتي تتبطرين
نترت بي بغضب
هذا لمسواك بابا جابة واني حرة اذبة انطي للبزازين
عود من تترسلي لثلاجة ذيج لساعة تمنن علية واحجيلي بلحلال ولحرام
ماتنلام امي من تكول مامؤدبة
هوة انت شوكت ماتلكة روحك عاجز عن لرد ترجع على مقولة امك لشهيرة
انتي شنو ولج محد تارس عيننج
درت وجهي علسنك اغسل بلمواعين
وهوة رجع للغرفة يتأفأف
كملت مواعين غسلت ادية وطبيت للغرفة
جانت لساعة ستوها ب٨
طفة لضوة واجة يمي للفراش
غمضت عيوني حييل عاصرتهن واردد بأسم الله بداخلي
ايدة على ركبتي
حسيت ايدة تطول مو إيد كأن حية وفترت على ركَبتي حاولت اتحمل وبعيني صورة ابوي وتوسلات امي
بس من بدة تخنك بية وحسيت لهوة نكطع
فتحت عيوني اصرخ زييااد شبيك تخنك بية
ماشفت زياد شفت كدامي .........
تهاني
صوت لشيخ يهمس الي
هل تقبلين الزواج من فدعم رحيل عكاب على مهرٍ مقدمه....
كمت على حيلي من لكرسي واني اتجاهل حجيي لشيخ
وبذهول اهمس لابوي وستار،
فددد فددعم فدعم جاي يكول فدعم
اي وصمخ فدعم شني شمالج ماسامعة اسمة قبل
كعديييي
رجعت للكرسي كعدت
صوت لشيخ رجع يعيد لكالة عبن ماجاوبت اول مرة
ياتهاني هل تقبلين لزواج من فدعم رحيل ...
رديت طفرت
بوية جا وابن عمي شنهي مواتفقتو تقرون فاتحتي ليوم
ستار حيل ضربني على راسي وصام ايدة
ولج هودي لااقرة لفاتحة على روحج خل لزلمة يحجي كلسا مقاطعتة
كعدت علكرسي من فرحتي احوس
رحع عاد حجية ياتهاني هل تقبلين ..
لدمعة وكفت بطرف عيني تذكرت كشمش
جريت شيلتي على وجهي
ياكشمشة ياخية تتضكرين من جنتي تكليلي يو عرستي انة اسويلج شيرة
ياخية ياكشمش هلراح اعرس انة ياهو ليسويلي شيرة
ستار سد حلكي بيدة ويهمس
سكتي خزيتينة ولج ياكشمش
شتهرنا
ماشوف غير فدعم فتح لباب مال لمطبخ وتقرب الي
لزم راسي بثنين ادي وحيل ضربني كلة
عيوني صارن بكصتي
طب ورا جدي كوة كضة
انة ابجي ودخت اريد اشوف بعيوني بعد ماكدر
كمت ابجي وانتر بي
ماريدك وحكَ الله
حطيت حلكي علباب واهمس عمي لشيخ تسمعني
انة ماراضية ماراضية
ماشوف غير فدعم هد علية وجدي وابوي لازمي
وستار على صفحة ميت من لضحك
كمت على حيلي اريد اطب للغرفة
وهوة يصيح هدوني ويأشرلي بيدة
وحك الله إلة اهطرج بلحبيّب بس خل نعرس
اخليهم يحتارون منين يخيطوج يحطولج سحابة
طبيت للغرفة سحلتني زوري وطلعتني برة وتحجي علية
ولج عيب من لزلم لبرة
تكعدين علكرسي وتكولين قبلت
لو اطلع اكللهم تحبي صارلج كومة واسمنة خانب بيج بلزرع
ها شكلتي
ايدي على عيوني امسح بدموعي ورديت
وحك الله لو كشمش هنا جا جيبتج على هلعملة ولج تردين تشهريني
جا حتارينا وياج
شنهي اول طيحتا لعرس شمالج تسودنتي
كعدوني علكرسي وفدعم اخذو جدي وابوي وهوة يهادد علية
ستار واكف على راسي هوة وزوري
رجع لزلمة لشيخ عاد حجية
ماحس غير زوري كرصتني وتهمس احجي كولي قبلت
كلتها وكمت على حيلي طبيت للغرفة
شوية وراحو
واجة ابوي صيح علية ورزلني
ورا امي
ونوب ستار،
رحت على زوري جانت كاعدة بلمطبخ تسوي عشة
ها خية انتي مااخذتي لمقسوم مثلهم تعاي رزليني
عافت لبيدها وتقربتلي تتدهرب هي وبطنها
جرتني بوستني وتضحك
ولج شسويتي ليوم همزين ماجايبين احد غريب بس عمامنة وولدنة
هسة انة شكلت همة مدري شمالهم ليوم
وهذا اخوج شبعني كتل راسي معنجر،من كل صفحة منين مااحط راسي علمخدة تشوغ روحي
كرصتني وتهمس يلله خية كتل لحبيب مثل اكل لزبيب
وانتي لصادكَة غطيت حلكَي اضحك بخجل
امشي امشي مسودنا والله بلا بيج
طبيت للغرفة فرحانة وادندن ورة لعشة امي كالت نمشي لبيت جدي غضنفر مسوي حفلة لفدعم بلحديقة بينهم وجديتي خابرت كالت لأمي جيبو تهاني هم نحتفل بيها
لبسنة ورحنالهم
ابوي مارضة كال فشلة شلون ترحون
بس امي كالتلة جا همة غربة شني
غير بيت جدها
رحنالهم خذانا ابن عمي لثاني
بلطريق سأل امي كاللها
_موعلساس حكيم يريد يخطب تهاني
_والله يابعد عمتك انة شبيدي غير عمك سحتة من طبت ابوي وعمامي واخوتي وحرجو كالولة مانشرب جاينة ولانطب ديوانك بعد اذا ماتكول مكضية
ماكدر بعد نحرج منهم
وهوة يحترم ابوي وعمامي
انت تدري خيرهم مغركنا ولوما ابوي احنة لسانة ببيت جدك لجنة كَن دجاج
خلفلة على ابوي شرالنا هلكاع وبنينا
وعرس ستار على زوري كلة من ابوي من لأبرة لغرفة لنوم وغيرها وغيرها
بعد نكسرت عيوننا
ابوي ماد ايدة بحلوكَنا
سكت ابن عمي حسيتة قتنع بحجيها
بس بقة عمي ابو حكيم زعلان من ابوي
جدي كايل لأبوي مالك غرض جم يوم وانة اخذك تطيح علي واصالحكم
دخلنة جانو برة لويلاد مسوين كعدة بلكاع بسط وخالين فاكهة وحلويات صميدع بيدة دف ويغني ويدك وفدعم بلنص رافع دشداتة ويطك صبعتين
من شفت شكلة ضربت صدري
بس لاشارب
وية مادخلنة ليجوة لاكانة غضنفر جان طالع من لمطبخ
تقرب الي وهلهل تدنيت اريد احبة وماشوف غير فدعم صار بيناتنا
عاض شفتة ويهمس لغضنفر
انة بلله شبلاني جايب لروحي علة
همست انت شمالك وياي ماكافي طكيتني مساع
انة كل عمري محد طاكني
يندار على غضنفر ويهمسلة
طيرت لشرب من راسي بت لأصلع
يااااع
فدعم شارب شاااارب
بعد بعد سمعي لجدي
انة رايحة اكلة
ايد غضنفر لزمتني وهمس
تهاني هوة واعدني بس تصيرين يمة يجوز من لشرب وانة اريد الحك لجذاب لحد لباب نشوف تاليها ورة لعرس اذا ماتاب اكسر ضلعة وروح ابوي
طبي جوة يلله لبنات متانياتج
دخلن امي وزوري كدامي
مشيت اريد اطب لزم ايدي وهمسلي
كلي لأنعام يكول غضنفر
خل تطب للغرفة
ليش
كليلها ومالج غرض
.............
انعام...
ايدة على خدي تضرب خفيف
تقرب كعد بطرف لجرباية
يم اذاني همس
لجذاب وين يروح
فتحت عيوني خجلانة
جان عاكد حاجبة ومبتسم
ايدة على صدرة وراسة للسقف جر حسرة طويلة
ركز بنظرة علية وهمس
تزعل ليش هم شايف شني بصدري
هم حاجيلك على لكاسر ضلعي وظهري
هم مرلك ليل بلا كَمر
هم طرلك بدون دعوة ام فجر
ناس تشرق عدها يومية لشمس ؛، وناااااس
لابااااس،
خلها بصدري علتي وكاسرلي من شفتك كاس
كعدة عرب نكعد واحجيلك عنك واخذ لغيبة
انة مومثل لناس انة تشرق شمسي وي كعدة لحبيبة
يومين مامرني ضوة
يومين زاعلني لهوة
يومين ماسامع غزل
يومين حتة لميت بية عدل
ويلااااااه
حرام اتوسد لكاع
والله لجعل خصرك الي متااع
ارتوي اشبع وارد احصد بعد لأيام زعلك
انام اغفة وارد احضن واتغزل بشكلك ....حنين حاتم
قبل مااحجي شي ايدة على شفتي وهمس
انة سامع لصيام من لشروق للشروق
ليش انة صيامي يومين
حتة الله لمعبود مايرضة
اريد افطر
ايدة تلمست ركبتي ونزلت على صدري
همس ورافع تك حاجب
افاااا بس انة فطوري بارد
ضحكت وبصوت هامس يم اذانة
غير انت تأخرت علي وبرد
راسة ليفوك رفعة وبضحكة يشهك
ويلاااااااااه
ربي كاع صبخة وخيرك جثيير
ترضاها انت
دنك علية ويهمس،
انة احمي
دفعني ودخل بلبطانية
عتلة جسمي وهمس
انة اليلة اريد بنية
عيونها مثل عيونج واريدنها تشبه اطباعج واسميها على اسمج
ضحكت على كلامة
يعني انت تريد انعام ثانية
ييي بوية انعام وحدة ماتكفي
وشنو ليضمن احمل
افاااااا عتبري روحج حبلة
ضحكت من كل خاطري على كلامة وثقتا
ايدة على حلكي ويهمسلي
كافي بوية لاتزيدين خبالي بضحكتج
ايدة على خصري وسحبني الة
وبين شفتي وخدي باسني وهمس
هوة ليفطر يبدي بتمرة وماي
باس خشمي وهمس ويضحك هاي لتمرة
يم شفافي همس، منا لماي
بسم الله
بتعد عني ويهمس مبروك
على شنو
على نعومة الي ببطنج
شنو هلثقة عيني
افاااا احنة كول وفعل بوية
هاي لأمور يم الله
ونعم بلله
كمت للحمام اضحك على كلامة
لصبحية فززني يهمس
كعدي بوية تريكي بنيتي جاعت هسة
ضحكت واني ادفع بي
عوفني بنيتك شبساع صارت تجوع
اي طالعة على ابوها تاكل اكل لسباع موش مثلج كلشي وكلتي مااشتهي
كمت بعد ملحتة واصرارة
نوبة اضحك على كلامة نوبة اندعي واكول يارب ينطيني لبنية ويفرحنا بيها
نزلت جانت لساعة ستوها بل٦ تريكنا اني وبيبي شكرية وكاعدين نسولف
شوية ونزلت بسعاد وياها ظاهر
صبحت وكعدت علصينية
وظاهر يهمس الها
يمة انة اريد ٣ بيضات
٣ بيضات وين تحطهن
شكرية :- شمالج عوفي لفرخ ياكل غضنفر بكدة جان يشرب لبيض شرب
انعام:- صدك بيبي
اي شمالج كشيتي ماتشوفينا قوي وماخذها بحيلة شمايطيج يكوم اقوة
وشكم بيضة ياكل
٣ يشربهن شرب و٣ اطكهن الة
عززززة شلون يكدر
فلك طرج حطت عينها علي
بيبي غير رجلي هوة شنو حطيت عيني
اي يمة مايحسد لمال إلة اهلة
صوت سللامة وراي متخوصرة وتنتر
وشني ان شاء الله لمال بس الها
بيبي تندار علية وتهمس
لجغلودة ليوم حامية
ياهو لوياج حبوبة ولي سوي للفرخ لكمة
تاشر بيدها وتهمسلة
تعال دويج لرز تعال
سللامة :- شني دويج لرز عدة اسم لاتخربين اسمة
غضنفر دخل من برة
تقرب لبيبي شكرية كعد يمها ايدة منتجي على رجلها
وصاح على حمزة
تعال دويج لرز تعال موتصيحك جدتك
واشر لسللامة
انتي مالج غرض لفرخ موش بس الج وجدتي تسمي بكيفها
راحت للمطبخ تغلي
رحت وراها
وكفت يمها احجي وياها
سللامة انتي ليش ضجتي مابيها شي هي تدلعة
انتي مالج غرررض
عفتها وطلعت
من زمان احاول احجي وياها اصلح لأمور بينا
اخليها تعرف انو اني مو مثل مامتخيلة
ولو غضنفر متخذها زوجة مااحاول افرق بينهم او اخرب لبينهم
عصرية نبصو كلهم
لبسو وكالو رايحين نخطب لفدعم
بعد ماخبص جدة يكلة تخطبها الي لو اروح اشرب واشهركم
راحو ورجعو كالو عقدنالهم
ستقبلنا بهلاهل وجكليت
غضنفر وصميدع وضمد ابن إسماعيل خوش ولد خدوم وصاحب مواقف
واحفاد اخوة جدو اصدقاء لولد بيهم عشرين ولد لتمو بلحديقة برة يغنون ويصفكون
واكفة يم لمطبخ
استمع للأبيات لحوة الي تطلع من شفاف غضنفر بعد مايرتجل
وصوتهم يصيحون الله
ويرجع يكول الهم واخوة جدو بعبيهم يهوسون
ابيات تخبل تلامس لروح
وكلمات كلها فرح وتهاني لفدعم
لهناك كالو راح تجي تهاني
تحضرنا ومتانيها وبيبي بلباب واكفة وبيدها جيس لجكليت ولجهال جوة رجليها
طب غضنفر جوة
صاح علية
تقربت الة همس شلونها بنيتي خوما متعبتج
انت شنو جذبت لجذبة وصدكتها
ايدة تتلمس بطني ويتلفت خاف احد يشوفة
ويهمس بوية جوعانة ااااخ
مموتج من لجوع هاي لمايعة
من لثلاجة طلع تفاحة ودحسها بحلكي وطلع يضحك
شوية ودخلت تهاتي وعمة امريكا وزوري
تلكيناهن بهلاهل وبيبي تطش جكليت
نعناعة بغرفتها خاتلة ماطلعت
تقربت الي تهاني بوستها
همست
غضنفر يكول خل تصعد لغرفتها
ليش شكو
مادري هوة هيج كال
صعدت للغرفة
فتحت لباب جانت ضلمة
شغلت لضوة
عاينت علجرباية ........يتبع
مساء لخير يعيوني 🥰
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!