رواية خنجر الغضنفر الفصل الرابع والأربعون 44 - بقلم Hunen23Hatum

بلكاع نمت اتمرغل بلرمل من الم رجلي

واني على وجهي نايم وادفن بوجهي بلرمل من الألم
صوت ٦ طلقات وحدة ورة لثانية
وصوت فدعم يمي نهبد بلكاع
تقربت الة ازحف
مااعرف صوابة وين
لزم ايدي بقوة
بين ادية طلعت روحة وهوة يهمس الي
وصل سلامي لأمي وحبوبتي لاتكللهن مات
كللهن سافر برا لعراق هوة وغضنفر
لاتجيب طاري موتي لمخلوق
ولحبيبة كَللها متت ونفسي بيج
حييل عصر ايدي وهمس بتقطع صوت وشفافة إبيضت
منة امانة بركَبتك ليوم لدين

بين ادية طلعت روحة
ومات صاحب عمري واخيي
ماتت الضحكة والسالفة على شفافة
وشبابة لماشاف شي منة يحتضر بين ادية
ماتت لوكَفات ولكَلب لصافي لنقي
ماتت لمرجلة ولخوة لمامثلها خوة

بين ادية وصوت رمي من بعيد
سيارتين اقتربن
وحدة راكبها غضنفر وحدة بيها تلث ولد شباب مااعرفهم بس خمنت انو همة من لجماعة الي ناوين يطلعو

قبل مايوصل علينا ركبو سياراتهم ونهزمو

تقرب غضنفر بلسيارة
نزل يمي
بلكاع ذب روحة حضن فدعم لصدرة
حيل يصرخ
يحزام ضهرررررري
كتلوك فدعم
كتالك مايطلع علي صبح وحكَ دمك الطاهر

ركب ومشة بلسيارة وراهم
لسيارة لجان راكبها قديمة
ساق بيها ماشفت ورا بس لعجاجة

بلكاع بقيت حاضن جثتة لصدري واحجي ويا
شلون يحلالك لكبر
فدعم كوم والله اشتريلك كل الشرب الي بلسوكَ
خايب كوم حاجيني
ولك شكَل لأمك وشحجي
كوم ياصاحب كَلبي ياخيي

بقينة بلدرب
ورة مدة رجعلي غضنفر هوة ولولد الي ويا
ملابسة كلها دم ولسيارة دعاماميتها كلها منتهية
سألتة شسويت
عيونة على وجه فدعم لشاحب وهمس
حنيت ادية بدمهم
تقرب لفدعم
على دشداشتة طبع من لدم الي بأدي
ويتمتم يم اذانة
قبل ماادفنك اخذت ثارك
هذا دمهم اخذة وياك وتفاخر بي بلجنة ياشهيد ياعريس

لولد الي ويا واحد منهم مصوب بأيدة
جثة فدعم لانكدر ناخذها للمقبرة ندفنة
نخاف نتأخر
و نسوانهم ضلن ماندري شبيهن مابيهن
ولانكَدر ناخذة ويانة للبيت
بلكاع حفرنالة بأدينا
لاكرك ولا فاس
خمستنة تعاوننا وحفرنا قبرة بجفوف ادينا الى ان تشلعت اضافيرنا

لنكرة لحفرناها جانت مسافة قليلة
وغضنفر كال مؤقت بينما اشوف اهلي وأمنهم وارجع اغير مكانة
توجهلنا بلحجي وكال
لومتت امانة تطلعون فدعم من هلمجان وتدفنو بلمكبرة وتغسلون جسمة وتجفنو على حسب لأصول
امانة لاتخلون جسمة هنا خاف تحفرة لحيوانات وتاكلة

رجعنة وراها لبيت اهلة
تبادل وية واحد من لولد الي ويا بلدشداشة يخاف على اهلة يشوفون الدم لبيها
من بعيد عايننا للبيت
وتقربنا نتخنس بيدنا اسلحة
رجلي تنزف ربطتها بشماغ فدعم
ماحس بيها و مااكدر امشي عليها عدل

.........

لجان يربطني بيهم مات

كمت على حيلي
نداريت اريد احجي
صوتة متفاجأ بية
ام إمتنان هاي انتي معقولة

قبل مااحجي شي صراخ منة صار يتعالة
منو الي مات احجييييي
تجذبين علية جنتيييييييييي

تقربت الها جانت بحالة ذعر
منصور وانغام حاولو يهدئوهة
تدفع بيهم وراحت على لولد الي بلكاد عرفتة على لشكم مرة الي شفتة بيهن
وقبل مااتقرب الة حتة انبهة انو ميحجيلها ويتدارك لجملة الي ذكرها ويصححها بأنو لمات موشخص صداقة أو علاقة أو اي شي ممكن يقنعها

تقربت الة وحيل تصرخ
منو لمات عموووو
منو لمات حاجيني
بابا عمو فدعم لو صميدع
احجييييي
لو لتحجي ميحتاج مبينة
الي يربطك بيهم ماكو غيرة

عين عليها وعين علينا
صد عينة علبيت وماحجة
تقربت الها حاولت احضنها دفعتني وصرخت
تجذبين علية وتضحكين على عقلي كل هلسنييييين
ليش لييييش

حيل قيدتها بكل قوتي وحضنتها
وبلكاع هوينة ثنينة
على كد مارافست ودفعتني وصرخت اكرهج جذاااابة انتي اكبر جذابة
على كد ماحاوطتها بقوة جان بودي ارجعها لبطني
احشرها بأحشائي حتة لايصيبها حزن وهم
محد يعرفها شكد حنينة وحساسة بكَدي
هذا الي خلاني اضم عليها
حيل جنت عاصرتها وهي ترافس كارهتني
عيوني علبيت مفتوحة بكل وسعها
وكل ذكرى لعينة مصرة تحضرني
وتشضي قلبي وكلشي بية
كلت انسا كلت الحب لمابي امآن مو حب
وكبرت وعجزت يايمة ومانسيت
متت بكل مرة وكفت كبال مرايتي وتذكرت اخر وداع واخر حجايات كلتهن الة
ماحسيت على نفسي من حجيتهن
ماادري اذا بعد ماسمعهن بقة بصدرة نفس لو مات
مثل مااني متت ونسلب كلشي مني
يم اذانها جنت اتمتم
تعرفين ليش نهزمت بيكم
لأن ماعاد عندي بهلدنية غيركم
لأن نسلب كلشي مني وانتو اعز ملكيتي
جرعت الغصة ولأول مرة بحياتي احجيها
حتة شرفي يابعد امج تلوث
جنت رايدة احميكم من لعشتة وشفتة
ايام جانن بس لضيم لمر علية بيهن بعدال سنين
قرون
هنا حاوطونة من كل مكان
هنا كتلو جدج وبلكاع سحلو الى ان تملخ جسمة وتمرعد كدام عيونة
هنا قيدو عمامج واخذوهم ماندري وييين
وهناك بلصالة الي ياما جانت ملتقى لأحباب وكعدات السمر والسهرات
سوالف بيبي وقصصها
وضحكنا اني وعماتج
نضرات ابوج وغزلة كدام لكل من جان يكلي من اباوعلج انسا لعالم وانسا اني وين
سوالف عمج فدعم وخبالاتة
صراخة ودموعة من سلبو من عندة تهاني
بنفس هذا المكان خلونة مثل لمواشي بلكاع راكعين على ركبنا وحوطونا بسلاحهم
منتضرين لجماعة الي اخذو فدعم يدليهم بأبوج ويجيبو ويجون
منتضرين يجيبو حتة يسوون بي مثل ماسوو بجدج
شنو لصار وياهم ماندي
بقينة نتاني ساعة وثنين وتلاثة من ايسو
قررو يخلونة اني وياكم طعم حتة يرجعو بينة
وقررو يأذو بية
سحلوني من بين قطيع المواشي الي بلأرض محطوطين وممنوع يسمعولنة نفس
بدينا جنة نسد حلوكهم انتو وباقي لجهال
سحلني واحد من عدهم للغرفة

ايد انغام على حلكي وهمست الي بغضب
اششششش انعام شبيج تخبلتي شلون تحجين هلسوالف للطفلة

جرتها من حضني بعد ماهدأت من جانت تستمع الي
وعلى كعدتي بلكاع كملت الذكريات حصتها وياي
ثيابي الي تمزقت بأيدة
جنت اصرخ غضنفر الحكَنيييي
رغم ادري ماهوة ولاراح يسمع صوتي
بين ادي راحت طهارتي
ماتت انعام ومات كل طيشي الي خلاني امشي ورا كَلبي وادخل عقلي بحالة سبات
بهاي اللحضة تحديدا تذكرت حجايات امي
صوتها على اذاني يردد كلمات جنت اجهلهن لابل اتجاهلهن
(طاوعيني يمة وكافي تخبلين بنفسج كضة شبابج
يايمة ذولة ماتعيش بينهم غير الي من طينتهم
ناس ثارات وفصول واعراف انتي مابيج عليها لحب وحدة مايكفي )
بأذاني صوتها كأن هستوني اسمعة
صوت صراخ بيبي شكرية ولبنات برة
وحتة يسكتوهن جانو يضربون طلق
بس ماخوفهن لطلق
ستمرن يضربن على لباب وبصرخن كلهن
رحموها والله مالها دخل
مرة ياناس مرة شنو الي بيدها
لا تاخذوها بذنب رجلها
وبصوت عالي يرد واحد عليهن
وشنو ذنب نسوانة الي غتصبوهن
ليش مارحموهن لييييييش
شنو ذنب بناتنة الي حتة مامتزوجات والي كضن سنين لحبس تسلاية الهم ولأمثالهم
هذني الكلمات اماتن قصة الحب العظيمة الي ماتخيلت أن بيوم راح تنتهي
وبهللحظة حلفت ايمان عظيمة بأن كلشي يربطني بي مااات
حسيت بحركة الرجال لجان يصرخ شنو ذنب بناتنا
تخيلتا بابا من صرخ عوفو بناتي ماالهن ذنب اخذوني اني
مااكو اسوء هذا ليوم
ماانسا كل كلمة نذكرت منهم وكل حرف جانو يدينو بي بتهمة معينة
ماانسا صراخ لبنات برة وبجي لأطفال
ولا انسا لعشتة بهاي الغرفة بهللحظات
رغم متزوجة الي سنين ومخلفة ثنين طبيعي بس من تقربلي حسيت كأني بنية مامتزوجة على كد الألم والدم الي نزفتة
اللحظات الي مرت علية واني انذبح على ادين شخص جان يتصور انو هوة جاي ياخذ ثارة
وينطي لنفسة كل لحق بأن ياخذ مني مبتغا
من جان يكلي ياخذوكم بذنبي مافهمت شيقصد
ولاتخيلت انو ذنبة يكون بهلبشاعة
جنت اصرخ ياويلي من ذنبك ياغضنفر
ذبح طهارتي وطلع برة لغرفة واسمعة يكللهم منو يطب وراي
هنا حرفيا ملخت نفسي تملللخ
جسمي الي لمس كل شبر بي
ملختة زلغتة
شعري كطعتة
طبن علية كلهن الي تستر بية والي تلزم ادية
جنت بركان
تمنيت بهاي اللحظة يطب ويشوف حالي
تمنيت انو يشوف بعينة شنو لسوو بية
جنت اصرخ وخرن عني وخررررن خل اموت روحي
بقيت انفش بكنتور بيبي ادور على اي شي انهي بي حياتي
شلون اكمل تالي عمري واني ملوثة
شلون اباوع لروحي بلمراية واني مغتصبة
وشلون راح تروح هاي الذكريات من راسي
شلون راح اكمل باقي عمري بهلذكريات البشعة
بلكاع كعدت واني ادك والطم وهنة الي تسكت والي تلطم وياي
جريت ملابس من لكنتور مال بيبي ولبست شلون ماجان
اخذت اطفالي لصدري ونزويت بركن لغرفة
جانو يبجون واني ابجي وياهم
انو تنكسر بسبب انسان حبيتة شعور اسوء واعظم من انو تتكسر،عضامك قاطبة
جنت دوم اكول بيني وبين نفسي جان احلى شي بحياتي
بس،ليوم اقولها بملئ فمي غضنفر جان اعظم هاوية رميت نفسي بيها
احساس الشك لجان بداخلي
عمرة مااجة من فراغ
على كعدتنا ودخل واحد سحب قسوَّرة من عندي
كلنا كمنا نصرخ ونسحل بي من ادي وهوة يدفع بينا ويضرب ادينا بكفا لسلاح
برا سمعنة صوت اطلاق نار
طلع عافنا وعاف قسوَّرة
مانعرف شنو لصار
بقينا نسمع اصوات لرمي
وراها طبو ثنين حيل سحل طلعونا اني ولجهال
وهنة مجلبات بينا ويبجن ويتوسلنهم تملخت اطراف ثيابنا بديهن
سحل سحلونا واخذونا للسطح
ومن فوك على لستارة وكفونة اني ولجهال
ولأسلحة بروسنا مخليها
وبصوت عالي يصرخون
سلم نفسك لانشمرهم الك من فوك
من ورة سيارة طلع هوة وويا ٣ ماعرفتهم جانو مدنكين مارفعو راسهم
بس،هوة جان يباوع ليفوك رافع تك ايد ولثانية لازم بيها خاصرتة
تلكوهم لموجودين جوة سحلوهم لداخل لبيت
نزلونا
بلصالة جانو مخليهم وموجهين عليهم لسلاح
من نزلت هوة لوحيد رفع راسة عاينلي
منة تعاينلة وحيل صرخت بابا هذولة اخذولو ماما للغرفة و
ايدي على حلكها كتمت صوتها وحيل سحلتهم هي وقسوَّرة للغرفة جوة
اسمع صوتة يصرخ
شنو سويتو لزوجتي
شنو سويتولهااااااا
جان يصرخ اريد احجي وياها
شرطين اذا متنفذوهن الي لايمكن ادليكم بمكانهم

اسمع يضربو وينترون بي
تتشرط انت ابو لراهي
ذولة عائلتك نكتلهم واحد واحد اذا متدلينا

ائمن عليهم ويطلعون كلهم من لبيت وادليكم واحجيلكم كل لتفاصيل لتردونها

صوت صياح تعالة وواحد يصيح هدوني علي يتشرط ابن ...

ورة اكثرر من نص ساعة صياح ومصايح
طبو علينا ثنين طلعونا
جنة نتباجة صوتة من بينهم يطمننا
لتخافون راح ياخذوكم يعبروكم لمحافظة
مناك ركبو للفلوجة منطقة ....... سألو على شيخ إحمود التكريتي كلولة احنة امانة شيخ عكَاب وغضنفر
وهوة يأمنكم
صوتة يهمس ماعوفكم
انة الحكَكم لاتخافون

ام فدعم تقربت الة
تهمسلة يمة وين اخيك
دار وجهة على واحد من الي ويا
جانو مدنكين كلهم
مارفعو راسهم طول مااحنة نمشي بلصالة متوجهين للمطبخ حتة نطلع
جنت اخير وحدة اسحل بلجهال واعثر بثوب ببيبي لطويل
بلكاع جانو مكعديهم من مريت من يمة وكف على حيلة يريد يحاجيني واحد ضربة بلسلاح بضهرة
نعفست ملامح وجهة ولزم خاصرتة
بيدة دار وجوه لجهال علصفحة لثانية وتفل بلكاع دم
صوتة يهمسلي لتخافين ماعوفكم اذا مااحميكم

تحمينا؟
احمينا منك
من ذنبك الماينغفر
تعيش تموت ليربطني بيك مااااات
لتحاول ولتدور علية بس اعبر منا بعد متشوفون وجهي

شجاي تحجين انعام

بعدة يحجي ويمسح بأثر لدم الي على شفتة بردان دشداشتة
واحد واكف ورا حيل بلسلاح ضربة وكَعدة للكاع
تمشيت من كدامة متوجهة للمطبخ قسورة مشبختة على خاصرتي ومنة بثوبي مجلبة
بيدي ارفع بدشداشة بيبي الي كلسا اريد اوكع على وجهي من وراها
منة تندار الهم وتبجي بلكاع جانو مخليهم رافعين اديهم ليفوك على راسهم وعلى ركبهم كاعدين وداير مدايرهم ٤ بديهم سلاح
تذكرت جنطتي بقت بلغرفة بيها مستمسكاتنا وفلوس وذهبي رجعت اجيبها
واني اعبر من كدامة
ايدة لزمت جف رجلي
وهمس
هاي شنو لدم

دموعي ترسن عيوني
خفيف رفعت ثوبي حتة اراوي مسار لدم ومصدرة منين
وبألم وغصات غمضت عيوني وهمست
هاية ضريبة ذنبك
سوو بية مثل لجنت تسوي ببناتهم

ادين حيل دفعني من ضهري
وصوت صراخة تجاوز طبلة اذاني
ليوم احركَ سما وكَاع عليييكم

حيل ركضت واني اسحل بلجهال
واندار ليورة جنت اشوفة يتمالخ وياهم هوة والي ويا ويتلاوون علسلاح
شخص يدفع بية من ورة الى ان وصلني ليبرة
صوت رمي من جوا
اتضحلي الي جان يدفعنة طالب
بوحدة من لسيارات الي برا سيارة بيك اب زغيرة
ركبنا حشك ناس فوك ناس حسيت لسيارة راح تنفجر بينا
ناس بلبدي وناس ليورة
وبأقصى سرعة ساق بينا
لحظات مرت طويييلة
لحظات كلمة الموت قليلة بحقها
حاضنة لجهال لصدري ولطريق كلة يبجون من ضيق المكان
ليورة كعدو سللامة وكشمش وجهالها وجهال عمة امريكا
واني وبلقيس وزوري وعمة امريكا وام فدعم ومرة عمو اسماعيل وقسمة وبيبي كعدنا ليكدام شلون ماادري بس الي اتذكرة جنة فاتحين لجامات كل حيلها ورغم هذا كوة نتنفس
لطريق كلة جانت ام فدعم مجلبة بقميص طالب وتهمس الة
يمة وين فدعم
يمة ريح كلبي وكلي وينة
ماجان يجاوبها بس جنت اشوف لدموع تتجمع بعينا وبطرف ردان دشداشتة يمسحهن حتة يكدر يسوق
الى ان وصلنة لمكان قريب على اخر سيطرة بلمحافظة وراها نعبر حدود المحافظة
فجأة وكفت لسيارة بينا
نزل طالب حاس بيها راد
ماشتغلت
فتحنا بيبان لسيارة ونزلنا نتنفس
لجهال ثنينهم بس جرو نفس تقيئو وبقيت محتارة بيهم
بقة طالب اكثر من نص ساعة هوة يحاول بيها وماكو صار اليل علينا واحنة بلشارع
ياسيارة لتفوت يحاولون ويا متصير سيارتة
مايرضون يسحلونها لأن يشوفونة كومة ويشوفون رجلة بيها دم وملفوفة
وياهو الي يشوفة يكلة طبعا توكف على كد ماحاط بيها بشر
شني طليان وهيج حاشكهم
وراها قررنا نمشي
هوة رجلة ملفلوفة مايكدر يمشي عليها
كال خل نركب سيارتين
ركبنة للفلوجة لنفس المنطقة الي كاللنة عليها
طريق طويل
مرة علية بسنين
سنين عذاب عشتهم بين قرار يتأرجح بداخلي بين القبول والرفض
وصلنا للمنطقة وضلينا نهبد من سيارة لسيارة الى ان وصلنا لبيت لرجال
دخلنا هوة وعائلتة ورحبو بينا
مانمنا للصبح
طالب مجرد ماوصلنا احذو لمضمد سوولة رجلة
وبس أامن علينا ووصة لرجال
عافنة ورجع
فجرية طبيت للمطبخ
مااعرف شنو جان يدور بعقلي
وجهتي جانت سجينة
دورت على سجينة حادة انهي حياتي بيها
لزمتها
خليتها بخاصرتي
حاولت وحاولت
صورة اطفالي تجي بعيني
لا اب ولا ام يصفون
شمرتها بلكاع وتعوذت شيطاني
بصوت باكي على سجادتي وكفت واني اشكي لربي لصار وياي
اشكيلة تلوث طهارتي ونكَاسة جسدي
اشكيلة هول الالم الي احسة بكل مرة اشوف جزء من جسمي بيها
صبحية طلبت تلفون
واتصلت على انغام
باختصار شرحتلها حجم لمأسات الي عشتها
صوتها يرد على صوتي لباكي برجفة

سودة بوجهي انعااااام
صدك تحجين
بأقرب طيارة جاييج اني ومنصور
لتخافين

وبقينة شكم يوم يمهم جنت مفصولة عنهم
شيحجون شيكولون
لرجال دز طارش للمنطقة يسأل عنهم
اجة يكول مجرد جبت طاريهم لزموني من خوانيكي ورادو يموتوني
بقينة ماندري كلشي محبوسين
نسوان لاحول ولاقوة
بليل ساعة ب١٢ ندكت علينا باب الغرفة الي مخصصيها النا وصوت مرة لشيخ من ورة لباب تصيح .....يتبع
مساء لخير
عذروني تأخرت عليكم بس مااكدر اضغط على ايدي لسة ماوكعت على علتها كل فترة يلزمني دمار بيها