#خنجر_الغضنفر
#الجزء_الثاني_بارت٥٤
#حنين_حاتم
بلقيس
ماتصورت هذا ليوم رح يجي
خمس سنين نسنني حتة وجهة
صدمتي من فتحت لباب وصار بوجهي والي صار بعدها ماجنت واعية علي مثل حلمان وفز من حلمة
اتصالي بقيصر جان الغلطة الي مااسامح نفسي عليها للموت
الغلطة الي نطت الحق لزياد وللكل بأتهامي
وصار الحق كلة وية زياد
ربطو شردتي من زياد بقيصر وكبرت لسالفة مثل كل سالفة يتدخلون بيها بيت عمو
لازم تكبر وتاخذ اكبر من حجمها
وتدخل خوالي جان القشة الي فصمت ضهري
اخذونا يمهم غصب هلمرة ماكدرت اسوي كلشي
هلمرة لوحيدة الي استسلمت بيها
احس حقي بلدفاع عن نفسي وتبرأتها نسلب مني وبعد ميحقلي افتح حلكي بحرف
كبرت لسالفة وصارت عشائرية وقيصر جاب عشيرتة ونحجت على كل لسان
(حبيبها لازملها لدرب ومنهزمة ويا من رجلها )
هذا الكلام اخرسني تماما
من تحس انو التبرير فقد قيمتة
وماعادلة قيمة يم ناس همة ميردون يسمعوك اصلا
رحت وية خوالي مكسورة واكثر كسرتي جانت على نصير الي بطل يحجي من يوم ضربت ابو كدامة
جان قبل يحجي يهذي بعض كلامة بصعوبة افهمة ولبعض افهمة بحكم تعودي علي
بس من يومها مانطق حرف
يكتفي بلأشارات
طول هلفترة جان زياد يتردد علينة يجي يعارك ويهين ويهددني بنصير ياخذة مني
جنت منهارة ادك والطم مااعرف شسوي
وامي تلوم اكلت كلبي
ورة روحتي وية خالو محمد الي شافلنا مشتمل بلفرع الي وراهم اخذت نصير لطبيب كال مشكلتة نفسية حبالة لصوتية وحنجرتة وكلشي عندة سليم
حاولي تخلقيلة جو عائلي هادء وابتعدي عن المشاكل قدر لأمكان
خالو بلبداية حجة ولام
بس امي فهمتة لسبب الي خلانة ننهزم من زياد
وبقت تلوم كلتلة محد سوالها حل لاعمام ولاخوال شتسوي لعد
اول مرة شفت امي توكف وياية وتدافعلي
بس اتصالي بقيصر ماجانت راضية علي واني نفسي ماراضية ولا اعرف شلون سويتها جنت بوضعية متسمحلي حتة بلتفكير على كد ماجنت مرعوبة وخايفة يكون مات
عدت علينة ايام وتفاجئت بورقة طلاكَي توصلني للبيت
على كد ماعانيت وتعبت حتة احصل عليها ماحسيت بذرة فرح
على كد ماتمنيت الطلاك كرهتة
على كد ماتعبت واني اسعى للتحرر كرهت حتة تحرري
جنت ابجي واعاتب ربي اكلة
ليش حتة بطلاكَي نفضحت ونحجة بشرفي وسمعتي
ليش من دون الخلكَ حتة بهجمان البيت انذل واكل وحل
حاولت افرح وانسا لصار واتوجه لأبني الي طلعت بي من هلدنية
نوفل ترك بيتنا ورجع كعد وية اهلة بعد ماصارو عندة ٣ اطفال وميكدر على لأجار
امي كلتلة اكعد بي ببلاش مااريد منك فلوس بس هوة ماقبل كللها هذا بيت اليتيمات حرام علية
طلع من لبيت وجواريننا اجر لبيت لبنتة ارملة وعدها جهال اجارة شي كلش قليل لإن محد اجة علي ضطرينا نقبل
لأجار وراتب بابا ندفعة للمشتمل الي كعدنة بي لأن المنطقة اجاراتها غالية
زغير شوية
استقبال ومطبخ بلوسط وغرفة نوم وصحيات وطارمة زغيرة كلت مؤقت بينما نستقر ونشوف بيت اكبر منة
ورا مدة اجتنا بسعاد وصميدع وجهالها علوصف وصلولنا بقو يمنة باتو
بليل ضلينة سهرانين نسولف
فاجئتني من كالت
شفتي النذل اخذ فليسات قيصر المسكين وصفا علحديدة
والله صميدع كالي نبيع ذهبي وننطيهن الة خطية عاد يحصلة قطعة باجر عكبة ورا زواج ولبيت ميكفي
يافلوس ياولد ذهبج شجابة بلنص شكو فهميني
ياا جا انتي ماتدرين
جا بعينج هوة شكو غير افهم
غير رجلج الشفية ماخذ من قيصر ١٦ مليون علمود يطلكج منطي ١٠ و٦ كالة لحد ماتخلص العدة يلله انطيهن الك
صفكت صدري مصدومة
صدددك تحجييين
اي جا شني زياد يطلكج ويطلع خسارة تتصورين
عمة بعينة ان شاء الله
عسنة لاتهنة بيهن والله إلة افضحة واتصل حتة بلشيخ واكلة على سوايتة للنذل
ماتانيت يطلع الصبح بنفس اليوم اتصلت بعمو ابو زياد وحجيتلة ضل يسب بي ويتوسل يكلي لاتحجين لأحد خزانة هذا
سديتة من عندة طلعت رقم الشيخ من تلفون امي اتصلت بي وبلغتة واتصلت بباقي عمامي وولدهم وعماتي ماخليت احد ماكتلة
ورة اكثر من ساعتين جان لصبح طالع اتصل بية زياد مااسمع بس صياحة وفشارة وغلطة بقة يهدد
تانيتة كمل وكتلة
شفت هسة الفرق بينك وبينة
انت بعتني بلرخيص وهوة اشتراني بكل الي يملكة
وياريت اشتراني اشترة حريتي فقط
شتراها بشكَة عمرة وتعب شبابة
وانت بكلما عندك وبكلما تملك تدمرني وتذلني
الله ليوفقك وعسنك ماتهنيت بفلس
اريد الله يفجعك واجي فرحانة اتشمت بيك
بعدة يهذي ويتجاوز سديتة بوجهة
الحسرة مالية صدري
يافشلتي رجلي باعني مثل سلعة
شكد كبر بعيني بعد هلموقف حتة امي تعض بأصابعها ندم علي
عدت ايام اني اكل بروحي على فليساتة مقهورة ومستحسفتهن بزياد النذل
كلت اسوي سلفة وارجعلة جزء من عدهن واوفيهن الة شي ورا شي حتلو مو كلهن
بس ادري ماراح ياخذهن
بقيت افكر بطريقة ارجعهن الة
بليل رحت لبيت خالو علمود نصير
سولفت حالتة لخالو وطلبت منة يدز ابن نوفل يمة يلعب ويا بلكي يتحسن ونفسيتة تتغير
خالي وافق وكال لعصر ادزة الكم
صار لمغرب وماكو تأخر كلت يمكن نسا دكيت على خالو ماجاوب رجعت دكيت على نوفل ردت علية رواء سلمت ورا دقايق سحب التلفون منها اسمعة يكللها
ليش تجاوبين على تلفوني
شعدها بت عمتك تتصل عليك
سدي حلكج وولي سويلي جاي
كال الو ميدري عبالة نسد لخط
سلمت وسأل عن غايتي
سلامتك والله بس داانتظر امير خالو كال يدزة لعصر يلعب يم نصير
ها هوة كللج
اي
ماادري مانطاني خبر يلله هسة اجيبة
بعدة يسلم سمعت صوتها
اسمع صياحها لاعيوني وين تودي ابني يم ابنها الأخرس تريد تخورسلي الطفل وينعدي منه
سدة قبل متكمل
رجعت اتصلت اكثر من مرة مارد
وراها اتصل هوة وجانت بعدها تلعلع صوتها بعيد عنة
هاخوية كولي
لا بس علمود امير لتجيبة نصير نام
ها خوش لعد باجر اجيبة
لا ميحتاج
سديتة ودموعي تنزل رحت يمة اعاينلة كاعد وصافن
رحت على امي كلتلها بدلي خل نطلع
وين نطلع يمة وكت اذان خليها باجر
كسرت واهسي رحت يمة حضنتة يدفع بية
اسمع صوت الجهال بلدربونة رغم اخاف علي من الشارع وادري لجهال ميرحمو بس كلت اخذة واوصي علي واكابلة واكعد
احسن من حبسة لبيت وتزيد حالتة
طلعت برا جان اكو جهال بلدربونة وبينهم ولد يطلع عمرة ١٢ أو ١٣ سنة صاعد على نبكَة وينكت الهم نبكَ وهمة يلمون
اخذتة وكفت يمهم دحستة بينهم دنك يلم نبك
شوية رجعت ليورا وبقيت واكفة بلباب
اعاينلة رفع فالينتة عاضها بحلكَة ويلم نبكَ وياهم
لهناك طفر الولد الي متشلبي علنبكَة وطلع ابو لبيت صارت مراكض نصير اجاني يركض ميت من الضحك تطشرن نبكَاتة والجهال تلم بيهن ورا
جان دبدوب ابيضاني بحمار وجهة ملائكي لأطفال يعاينولة ويكرصون بخدودة
اشوف مهامسهم يحجون وية بعض وادري يحجون علي ويمكن لوما جنت واكفة جان حجوها علملأ وموبعيدة ميخلو يلعب وياهم اصلا
لولد الي جان متشلبي علشجرا اتضح هوة القائد صار ينتر بيهم وين النبك يلله جمعو
لمو كلة نطو الة اتضح اسمة موسى صار يوزع الهم شي قليل واخذ لباقي الة ترس جيوبة وادي
باوع لنصير سألهم هذا منين لكل اشرلة علية
اكتفيت بدور المتفرج اباوعلة يخاف يحاجي يبتسم بوجهها جذب
عدن ايام يومية اطلعة عصرية يمهم
موسى يتعاطف ويا ويحبة
كمت مااطلع ويا من ورا لباب اعاينلة
لازمة بيدة ميهدة وكلسا يكرص خدودة
بديت اسمع صوتة يصيح ويلعب ويتعارك بجال موسى
بس بلبيت قلبل يحجي
يومية يرجع مكسب دعابل كومة نصهن موسى يبوكهن من الجهال وينطيهن الة
احسة يقلدة
شخصيتة قوت ينتر ويعارك ويعلي صوتة
مرات مااسيطر على نفسي ابقة اضحك
الدنيا ماواسعة فرحتي بي هاي اللحظة جنت خايفة منها
جنت افكر شلون لو كبر وطلع بلشارع محد رح يتقبلة كلها تعيب علي وتتنمر
بس الله دزلة موسى مثل رحمة
احسة متعلق بي ونصير شايخ علجهال بجالة
عصرية طلعت اريد اروح للاسواق واعاين لموسى لازملة واحد من خوانيكَة ويعت بي وصاح على نصير يكَلة ضربة
واشوف نصير شال طابوكة يريد يضربة
تقربت الة من شافني هدة ونصير شمر لطابوكة وختل ورا
تقربت الهم انترمعصبة
هاي شدتسوون
تقدم موسى وضم نصير ورا
خالة هذا الحقير الحيوان يكل لنصير منغولي مخبل
واني اريد اربي يروح فدوة لوجهة هوة المخبل جنة وجه صخل
لولد دقايق وجاب امة واجة
من بعيد شمرت عن اديها وتريد تتعارك ضخمة فاتحة عبايتها وتصيح من بعيد ساحلة ابنها من ملابسة وتنتر بي
شبيك اغم يمي اللسان شطولة وبرا تجيني مكتول
قبل متوصل الي سحبت نصير بساع بكل جبن
ومشيت وعفت موسى يواجه مصيرة
شكلها وصياحها رعبني
بعدني ماعابرة الفرع وماحس غير طابوك جوة رجلينة يتشمر
نداريت واشوفها مجيشة الجهال كلهم ويشمرون علينة طابوك
طابوكتين اجن برجلي بعد ماكدرت امشي شاغت روحي
بركن بيت على دجة كعدت
نزعت جاروبتي بيها دم
هي إستغلت لفرصة بساع سحلت ابنها وتقربت الي تنتر ها
شردتيي
ستوها تقربت يمي وطلع موسى ويا رجال تلاثيني تقرب النا
بعدها تصيح واني احاول افهمها تقرب الولد وكللها
ام قحطان الطفل معلي هذا موسى صاحب المشكلة
عوفي هوة هلواحد لأمة ومريض ومابي اذية موسى هوة سبب المشكلة
لا عيوني اني بعيني شفتة لازم الطابوكة القحطان ويريد يضربة شنو ششافو تايه الهم
بقة يحجي وياها وكلسا يكفخ موسى بساع سحبت نصير ومشيت اعرج
شتريت من الأسواق واجيت خايفة اطب للدربونة من كل عقلي اجيت من ورا لبيت من لدربونة لورانا
بعدني اريد اوصل اجة لولد الي طلع ورا موسى
إستوقفني سلم ودنك على نصير باسة وصار يفصح عن غايتة
خوية هذا وليدج زغير وفقير لتخلينة يمشي ويا موسى هذا ابن اخوي شيطان ماورا بس المشاكل
وانتو نسوان لوحدكم هنا لناس شرانية تدور فصول على ابسط شي
هزيت راسي بدون مااناقشة ودخلت جوا
نصير من لباب بدت مناحتة يريد يطلع يم موسى
مديت راسي صحت علي دخل جوا يلعب يمة
شوية ودك لباب عمة
فتحتة
موسى يمكم
اي جوا يم نصير يلعب
لاياحيوان غير تكول تحجي
تصدكين فريت المنطقة كلها ادور علي نخاف منة هذا بس يختفي معناها جايب مصيبة وهاي العالم تدور حرشة
سحبة من ملابسة واخذة
عدت ايام هوة يومية يجي يم نصير وعمة لمغربية يجي علي
عدت مدة خلصت عطلة نصف السنة وبدت المدارس
نصير يضوج توصل بي يبجي علجهال
اخذة يم جهال نوفل تكب لعيطة
عصرية امي كاعدة بلباب ومكعدتة يمهة
شوية ودفعت لباب صاحتني
وكفت واني اشوف عم موسى ايوب سلم وكمل حجية وياها وتوجه الي
خوية اني عندي الكم مقترح
نصير ليش باقي يبجي علجهال ولطلعة
خلي يمنا سجلي
وين يعني
بلقاعة الي اداوم بيها
قاعة شنو
جودا وكراتي هم يتعلم يدافع عن نفسة تصير عندة لياقة يصير زلمة خشن بعد محد يدوسلة على طرف
يكرص بخدودة ويحجي وياي ويضحك
شوفي هذا موسى كلها تخاف منة
من عمرة ٤ سنوات علمتة يفتح ١٨٠ هسة يكتل لأكبر منة
بقة يشرح واني اتذكر بسعاد من جان بابا يعلمها
دخلنة جوا واني انطي وعد افكر وارجعلة خبر
طلع لصبح واني احسم قراري بلموافقة صح صعبة وتعب والم ويطكون عضام رجلي من هلعمر يتألم
بس كلت احسن
لأن الي مثلة بهلحياة معرض لأذى الناس ومحد يعوفة بحالة
من ثاني يوم بلش وياهم
ايوب جابة الي يبجي ويمشي اعوج
وصيتة يدير بالة علي ويخفف التدريب
يوم عن يوم يبجي ويتذمر
اسبوع عدا هوة بلغصب يروح
شهر كامل كضا بجي ونوح يومية
وراها بدة يتعود حركاتة وسوالفة تدمع عيني من الفرح
يروح ويرجع وية ايوب حتة موسى نسا
كام يحبة تعلق بي موشلون ماجان حتة ابو ميذكرة عكس اول مااجينة جان يسأل عنة
الى ان ايوب عرض علية يشارك ببطولة على مستوى المحافظة بس كال بيها تعب وتدريب مضاعف ومجهود اكبر واني داخل بنصير يعني من بين كووومة ختاريتة هوة
مولأن احسن واحد ولا لأن اكثر واحد يستجيب أو عندة مرونة بس لأن اريدة يحس نفسة ميختلف عنهم بلعكس احسنهم
ولو كسب البطولة راح يكونلة اسمة وراح يشارك ببطولات ورح يكونلة مستقبل حلو
قبل ماانطي جواب حاولت افهم نصير انو هلشي صعععب وبي تعب ومجهود
لكيت بي فرحة وحماس موطبيعي
اكلة تتعب وتتألم وتتأذة ورجليك تأذيك
يكلي تعودت ميخالف
وبدة نصير تدريبة شهرين تدريب مستمر
حتة من يتمرض ميعوفة
ونصير يتعبة كلش لأن جسمة ميستجيب مثل لباقين وسيطرتة على جسمة اقل
وبسبب ثقل وزنة رغم ضعف هواي من كثرة الحركة بس يبقة خشونة عضمة شي مختلف عن اقرانة
باقي على لبطولة اسبوع فرح على توتر على خوف وترقب اندعيلة اني وامي وفرحانين بي
بليل دك تلفون امي
صاحت علية واني بلصالة
تعالي هذا ايوب يريدج
لزمت التلفون اتصور علمود نصير لأن ميتصل غير علمودة مرات يغير وقت التدربب يتصل يبلغنة عندة شغل
كلت الو سلم وسكت
قطعت لصمت وكلت
ها تغير لوقت
لاء موهيج بس
شنو
ام نصير اني .............
مااسمع غير صرختة
ماما تعالي تعاي شوفي بساع بساع لحكييييييييي
ركضت علي عاينت
اشرلي علتفزيون
صفنت بي
هوة بشحمة ولحمة
وجوا بلتايتل مكتوب
عضو مجلس المحافظة غضنفر رحيل المسعودي
جفلت من الصدمة
اعاينلة دشداشتة وشماغة وسبحتة هندامة فارض صدرة وتارس الكرسي ويحجي ويحاجج ويناقش
نززني قسورة خض جسمي حييييل
ماما هذا بابا
بابا عضو مجلس محافضة
يعني بابا صار شخصية وديني الة حتة بعد محد يتجرأ يعيرني بمنة لو يجيب طاريها من يشوفون بابا
بعد محد يندك بية
فرحان يحجي بإنفعال وينتر بية يلله لبسي خل نروح للقنا ونقابلة
بعدني ممستوعبة الجاي اشوفة
الحقد يغلي بداخلي عايش حياتة وراجع للسياسة الي تدمرنة وضاع شرفي من وراها يمكن حتة ماكلف نفسة يدور او يسأل علينة
ويجوز حتة نسانة
قسورة بعدة على نفس المنوال
نترت بي قسورة شبييييك وين اخذك
دتشوفة دتشوف احوالة معقولة بهذا منصبة ماكدر يحصل خبر عننا
ماكدر يسأل علينة ويوصللنا وهوة هيج واصل واكيد يعرف الدنيا كلها
وبعدين وين اخذك ترا هذا لقاء مسجل مومباشر
اي اخذينا الهم نسألهم اكيد همة يندلون عنوانة
عفتة ورحت على انغام مصدومة
من لباب حجيتلها
اجتي تشوف مامصدكتني
دخلت والكة قسورة متصل بمنصور من تلفوني ويحجي ويا يبشرة
انغام تعاين مصدومة
شلون بية كليلي شسوي
شتسوين اخذي لأبو خل يشوفة
ومنة لو سألني عنها شحجي وشكول
شبررلة وشنو موقفي
ليوم او باجر لابد يعرف لوبعد مية سنة
لازم تحجيلة
شوية واجة منصور بقينة نحجي همة يكلولي ناخذة واني رافضة خايفة من ردة فعلة وخايفة من المشاكل لو يكوم يحملني ذنب موتتها
استقر رأينا وانتها لنقاش ومنصور كال ناخذلة قسورة ونحجيلة كلشي
اني مااروح انتو اخذو وروحو
مترهم لازم يسمع منج
مااكدر اشوفة ولا عندي كَلب
بقيت اتوسل الهم يرحون بدوني
انغام وافقت بس منصور كوة علي
ركب منصور يوم ثاني وراح للقنا محد منطي نشد
راشي موظف ومحصلة رقم الحماية مالتة
جاب الرقم منصور اتصل بي شرحلة
كلة اني عديلة وزوجتة وابنة يمنة وديدورون علي
بقة يسألة عن اسمي واسم قسورة وهواي تفاصيل لمن تأكد اتضح انو هوة ستار ابن عمة امريكا
وصينا ميجيب طاري اتصالنة بي ولاينطي خبر
لأن الموضوع مومال تلفون
يوم ثاني ركبو منصور وانغام وراحو الهم
بقيت بلبيت بثينة اجت يمي هي وطالب
بلصالة والوب خايفة من ردة فعلة وبنفس الوقت خايفة من شوفتة تفتح جرحي القديم
صار العصر وندكت لباب من لصبح اني بدون اكل من ندكت لباب حسيت حيلي طاح مني
راح طالب فتحها
اسمع صوت حجيهم برا وسلامهم
صوت زلم اكثر من واحد غير منصور
سمعت صوتة لو احس الدنيا ماتوسعني اريد اختل بملابسي
بدون شعور ركضت للغرفة قفلت لباب علية مرتين
صوتة من المطبخ بصوت عالي صاح
وينها انعاااااااام
وين امتنان
بلكاع على ركبي جثيت ومن ورا لباب اصرخ
ليش ماحجيتولة
ليش عفتو هلمهمة الصعبة على عاتقي واني الي ماالي عين حتة اواجهة
دزيتكم عون صرتولي فرعون
صوتة يتقرب يم لباب وصوت ادي على لباب بخفة يدك
وينكم طلعو
وينج يبوية طلعي خل اشوفكم ماكاااااافي
مابسسسسج فراك
كَولي هذا بشر
ماطاب جرحج كل هلسنيييين
موتة وطاب جرحي عليهم وتناسيت برضاتي غصب عني تناسيت
معقولة ماتناسيتي لصار
على ركبي بلكاع جثيت
صوتة صاح
لاتطلعين
طلعيها الي خل اشوفها
عاقبتيني بلفراك بس فروخي مالج حكَ تعاقبيني بيهم
صوتة ارتفع بعد ماعجز من الحجي
صار بنتر يصرخ بية تفتحين لو اكسرة
ماكدرت لاادين ولارجلين تعينني
شحجي وشكول
اكلة بيدي دفنتها واجيت
لو اكلة ليلة كاملة معلكة بلشجرة الى ان إزركَت
مالي عين ولاكَلبي يعيني وكل جزء بية يرمي المهمة على الثاني
انتهى بية المطاف واني اختل بلكنتور بوسط الملابس واسد لباب علية
جسمي يختض دموعي تتجارة صوت شهكاتي يدفع ايدي من حلكي ونفسي يختنكَ بصدري الي يرتفع وينزل بخوف وإرتباك
نزيت على صوت لباب نكسرت وصوت اقدامة من دخل يهمس وينها بعد ابوها
بس لا مثل امها تتشرد مني
غمضت عيوني نززتني فتحت باب الكنتور
وصوتة اليهمس
لهلدرجة شوفتي حمل ثكَيل ؟!
انغام ورا تهمس تحاول يغير الموضوع
ايي غضنفر لايكلك القاط
قسورة رد عليها حتة لدشداشة تلوكلة
بابا كلشي يلوكَلة
ندار علي ايدة على متنة جر حسرة وهمسلة
ماجذبت ابوك كلشي يلوكَلة حتة التعب
ندار علية
جنت مدنكة راسي ماعاينتلة
بأرضية الكنتور دنكت
احس جسمي نسحب مني بعد مابية اوكف على طولي
صوت انغام تهمس لقسورة شنو امك كالتلة ؟!
ويرد عليها
لابعدها
لعد شبي ابوك ايدة ترجف
مدت راسها صاحت منصور دخل
تقرب الة يحجي ويا
ابو امتنان شبيك كَلبك بي شي
لا بوية مابية
لعد شبيها ايدك ليسرة ترجف
ندار علية ويهمس اله
والله لمايرجفة فراكَ موزلمة
هاي خاتلة هنا جا ذيج الفوصة وينها
دنكَ جوا لجرباية يدور عليها
صوتي الي طلع مني من غير شعور ومن غير ادراك
بغصات صرخت
ماتتتتت
بنتك ماتتت
تقرب الي
كل هذا مارفعت راسي ولااكدر
احس راسي اثكل من ركبتي مابية طاقة ارفعة
دخل جسمة بلكنتور يمي وحيل خضني
هاي شجااااي تحجييييييييييييييييييييييييين
منصور دخل جوا ولحكة صميدع
جنت بلتراك صار كدام الكنتور وينتر بمنصور
بنتي وييييييين
منصور :- ابو امتنان كول يالله لبقاء بحياتك لبنية ماتت بحادث الله يص
بعدة يحجي شفت غضنفر تحرك يمنة ويسرة وراها ماسمعت بس الدبة وجسمةالجان مغطي علية توسط غرفتي وصارو الولد كبالي بعد ماجان يحول دوننا بوكَفتة
بلملابس الداير مدايري جنت ساترة جسمي
واشوفهم تعاونو علي وشالو
مثل الحلمان
مثل الي بكابوس
اعاين الهم بس مااكدر احرك جسمي ولا اكدر انطق
الى ان طلعو اني على حطتي
دخلت يمي انغام طلعتني من الكنتور للمطبخ اخذتني غسلت وجهي ونطتني ماي
سألتها عن قسورة
وينة
طلع وياهم حتة طالب راح
بثينة وينها
طلعت لبنية من دخلو استحت
تقربت الي حسيت عليها تحتضن متوني وتهمس الي
اانتي لثانية شبيج ترجفين
يمعودة لاتوكعين علية دخيلج وين احير بيج
ليش ماحجيتولة
ليش خليتوني بهلموقف واني دازتكم حتة اخلص
ماكدرنة والله لا اني ولامنصور
انتي ماشفتي فرحتة من شاف قسورة شالة على متونة شلون الطفل ودز ولد عمة جابو طلي وذبحو جوا رجلي
والله استحينة نحجيها ونخرب فرحتة
منصور كال اصلا منحجيلة نكلة مسافرة تدرس
بس خفنة لايلحكها
تالي من كال امشي وياكم كلنة يجي لهنا ويعرف منج احسن
اي عاشت ايدكم طلعتو من الحمرة وذبيتوها براسي
بقينة نتاني منصور ناسي تلفونة بلبيت طالب ندك علي ميجاوب
اجت بثينة يمنا
ورا اكثر من ساعة اتصل بينا طالب
اخذت التلفون من بثينة احجي ويا
جنت حرفيا ارجف واسألة شنو صار شبي غضنفر
مابي شي ضغطة مرتفع شكلولة مغذي وصحة مساع
وهسة يريد يطلع بس مايخلو
اتصلت بيج اسألج شنو نكَلة عن موتتة امتنان لو منحجي لأن اكل كلبنة جاي يسأل
احجولة عفية لتعوفون سؤال كلشي جاوبو مااريد يسألني عن شي
وفرو علية هاي المهمة الصعبة والله مابقة عندي كَلب
سديتة اترجا ربي يخفف علي الم الصدمة وشعورة المرير
للحظة غمضت عيوني تذكرت نفسي من شفتها
اجة على بالي حالة من راح يصفن ويتخيلها ويرسم بمخيلتة لصار وياها
احس كلبي تكطع
رجعت اخذت تلفون بثينة واتصلت بطالب دكيت هواي مارد علية
استمريت ادك
وراها رد
جان يمة صوت صياح وحجي مافهمت علي شيحجي
بس جملة ترس اذاني اجت
كلتلكم خلوني اكتلهم ذولة حرام يعيشون كلتلولي لاااء لثار يبقة لجهالك
كلتولي سامح والله يغفر
وسامحتتتتتتت وهلراحت بنتي من ايدي
ولكم ليوم رحمة الله لو تنزل هم متخلصم منييييي
صرت اصرخ طالب نطيني غضنفر
نطي اليييييي
سدة بوجهي بلكاع وكعت منهارة اصرخ والطم
احس هسة ماتت وهسة راحت من ادية
ليش هيج يكول
معقولة صدك كلامة
بقيت اتصل بخبال اللتلفون جان يوكع من ادية على كد ماتختض وترتجف
على كد مادكيت المبايل كام يعلكَ ومحد منهم يجاوب
اكثر من ساعة مرت اني الوب
اغسل وجهي ارجع اسبح ارجع اروح للباب اباوع
الى ان ندكت لباب اني منتهية
ركضت قبل انغام فتحتها
دخل طالب ياخذ طريق تكترت عن لباب
جنت منتجية علحايط وكوة واكفة على طولي
دخل جانو ويا صميدع وستار يتجولة
دخلو جوة وراهم دخل قيصر اخذو بدون مايسلمون علية ولاباوعو
اعاين الهم بحقد
واسأل ليش هيج يسوون
نززتني انغام من شمرت عباية على راسي
دنكت اباع لروحي
شوية ودخل قيصر
تقرب الي قبل ميوصل ايدة على عيونة ورجع للحايط ونتجة
ايدي صارن على راسة
دنك وصرت اسمع صوت نحيبة
كام على حيلة جكارتة بيدة بعدني مثل لمخبلة واكفة اريد افهم الي سمعتة صح لو مجرد اعتقاد
تقرب الي دنك على راسي باسة ويهمس
لبقاء بحياتج
وين جنتو متكليلي موكلب الدنيا عليكم
رفعت اصبعي بدون شعور وبصراخ اهدد بي
بنتي منو موتها
اني سمعت كلشي
جليل وولدة همة السبب احجي قيصر احجييي
صوت صياحة جوة يصيح على طالب
ليش حجيت عود اني وصيتك
دفعت قيصر الي يحاول يلم لسالفة وركضت للأستقبال
دفعت لباب ودخلت
جان بعدة يحجي وية طالب
دخلت بصياح بدون شعور
شوصييييييتة وصيتة يضم علية سبب موتة بنتي
وصيتة يخفي الحقيقة عني
واني الي اكول ليش من دونهن علكَوها علشجرة
ليش من دونهننننننن
يعني بنتي ماماتت بذنب الموزينات
بنتي نقتلت وراحت بذنبك
لهنا ولحكَني ذنبك غضنفر لهنااااااااااااا
جان كاعد علقنفة ويفرك بصدرة ويفتح بدكم قميصة
منصور سحبني طلعني ليبرا
جنت منهارة اسحل بروحي منة
بلحديقة غسل وجهي من المغسلة هوة وانغام
ويهمس الي
كافي انعام حرام عليج الرجال حالتة كلش صعبة
ولج تربع بلمستشفى ويدك على راسة
ويصرخ عسننة مات ابوج ولايسمع خبرج
قدري وضعة ستوة سامع المصاب وبعدة مامستوعب الخبر
دمة يفور هسة يريد يروح ينبش عمة وولدة ويكتلهم وكوة جبنا سحل وتواسيل
شرطت علي اذا مايرجع للبيت ويعوف لسالفة ماادلي بقبربها
صوتة من جوا يرد على منصور
انة مارديت علمود هاي منصور
عبن انة مااروح لقبرها ولا اوصل اذا مااخذ بدمها
انة رديت عبن هلكَلب السكَط ماجاي يعينني
دخلت للمطبخ بقيت اسمع حجيهم جوا
يم لباب كاعدة اريد اسمع اليحجو بلكي اعرف شي يبرد كلبي الى ان سكتو عرفتهم نامو
على كعدتي وغفيت بلصالة ونززتني انغام كالت
تعاي يريدج
ماادخل جوا ولا اوصل كليله شيريد
قيصر يريد يحجي وياج
صيحي للمطبخ
طلعت بلمطبخ جان واكف بلباب
رجع ياخذ من خاطري ويهون علية
طلع جكارتة وكمل يسولف
خوية انة قبل مدة اتصلو علية اوادم برقم غريب
رجال جبير ومرة يتوسلون يكلولي خل اخوك يعوف ويلادنا
انة عبالي غلطانين بلرقم بس ورا ماجابو اسم غضنفر بلطاري بقيت استفسر منهم واسأل واتضحلي انو غضنفر ماخذ ولدهم ومايدرون بيهم وين صارلهم يومين واتضح هلوادم من قضائنا وتحديدا قريبين على ديارنا
مافهمت من الحجي والحجية كل واحد يحجي شكل نطو لتلفون لجنتهم وفهمت منها
لولد الماخذهم غضنفر واحد منهم
سكت بقيت متانيتة يكمل
ورث جكارتة وكال
وروح بنية اخيي مااكدر احجيها ولالساني ينطقها
يمكن فهمتي علية منو ذولة لولد
لغصة ترست زردومي ودموعي نزلت همستلة
فهمت
اي خوية اتضح همة ذولة لولد نفسهم
اي اي ايييي عرفتهم مو دااكلك كمل
صفن علية وهمس ام إمتنان بوية صيحيلي اخيتج انة احجيلها وهية تسولف الج
لاء كمل اني اسفة عليت صوتي بس هلموضوع يوترني
حكج بوية وانة لهلسبب اريد اختج تحجي الج
لاء قيصر مااصيحها اترجاك كمل
جر حسرة واسترسل يكمل
انة سديتة منهم اتصلت على غضنفر حاولت افهم منة ليش ماخذهم وشوصلة الهم
تحبين تسمعين الجواب من عندة هوة كاعد ترا
خاف تكولين قيصر يبالغ لو يدافعلة
لاء مااريد اسمع شي من عندة انت كمل
براحتج
انة من اتصلت بي جان عصبي ماعرف شصاير ويا بقة يصيح ولك انة حطيت ايدي بيد شكو نذل وخاين للوطن خاطر بس اكدر اخذ ثاري
زلمة انة لوثو شرفي وكتلو اعز ناسي كدام عيوني
زلمتييييش
خرب بلسياسة وبلي يريدها دخل اوصل للي اريدهم وانعل لشتي اذا ابقة
سألتة انت وين مارضة يحجيلي
وراها من رجع فهمت من عندة رايح للمنطقة وماخذ ستار وصميدع وثنين ولد حماية ورايح لصوب اهلنا
سائل ومستفسر وبلفلوس مدلي عليهم كلهم
وماخذهم ماكاتل احد بيهم حلال بس ضاربهم ومصوبهم وجالدهم
٦ بس همة نفسهم الي كتلو جدي والي والي اذاج هم منهم لباقين كلهم الي باك والي سوا ضوضاء ورمة وبقة يحشم كلهم عايفهم لأن غايتهم النهب مو قتل ولا اذية
وراها تصورت للموضوع انتها وبقيت كل يوم اسألة شوكت تعوف السياسة وتقدم استقالتك كل يوم يطلع حجة
الى ان قبل شهر فهمت منة وهوة يضرب بلبولد كايلية احنة شعلينة عمك وولد عمامك كالو على زوجتك رفيقة وكالو هية جانت تحضر لبنات المسجونات للظباط وتهيئلهم وين الحلوة ووين الباكر وهواي حجي باثينة عليج ودافعين هلولد الشباب الي عدهم من بناتهم محبوسات جانن والي معدومات
بقة يحاول يوصل لجليل وولدة
الى ان فاجأني وكال وصلت الهم
سألتة شلون
كالي انة ادري بعمي اسماعيل ماعايف حسن وحسين ولدة وكل فترة يروح الهم يطمأن عليهم وينطيهم فلوس وساكتلة بمزاجي
اكول خلي يندلهم حتة يبقون ولدة تحت عيني واندل مكانهم من خلالة
اخاف يصير شي لو يفكرون يأذونة عاد اندللهم درب
رغم كلبي محمل على عمي الي يلعب على الحبلين
وعايش ويانا وياكل من خيرنا ويحط ايدة بيد الي طعننة وتسبب بأذيتنا بس كتلك عايفه بمزاجي الي غاية
رحتلهم للشفية حسن وحسين براشديين اعترفو على مكان جليل وولدة تحضرو باجر نروحلهم
هلمرة ماعوفهم اذا مااكتلهم حلال
انة تخبلت ماعاولنة نرتاح ونخلص من المشاكل وبراسنة كومة لحم
عارضتة وماقبلت علي
كالي خليك انة ماعايز اعرف اخذ حكَ مرتي وحكَ لماتو من عيون جليل
مااعرف شنو سوا وياهم
سألتة اكثر من مرة يلف ويدور ومينطيني اجابة صريحة بس هسة من عرف بمقتل منة والطريقة الي ماتت بيها كبل صاح جليل وولدة همة الي كتلوها ويحجي كأن متأكد
يعني من ورا ماتت بتي
كمت على حيلي رحت للأستقبال اريد اعرف شسوة لجليل وولدة وليش متأكد همة الي كتلو منة وشلون وصلو الها
دفعت لباب ودخلت جوا
عبرت من فوك ستار وصميدع ومنصور وصلتلة لفراشة
رفعت لغطا اباوع .....يتبع
ماراح الوم ولا اعاتب بس اكللكم شكرا جزيلا للي عذر وللي تجاوز وللي وصلت بي يسبني شكرا الكم
شلون اوضح الكم وشلون احجي واني حتة لبارتات طلبت من عندي الغي نشرهن تخاف لايطلع بلبحث ومليوووون مرة وضحت الكم اي شي يخص القصة ينزل بلفيييس هنا مااكدر انزل كلشي حتة بلتعليقات مااكدر راح احاول اختصرها بأقل مايمكن واخلصها الكم وشكرا على تجاوزكم تعودنا ننهان وونسب وتعودنا علتجاوز ولازم نحط قندرة بحلكنا ونسكت جماعة لواتباد حتة تفاعل مااريد من عدكم اريدها تخلص وبس لأن صدقا تعببببببت ناس حياتها على المحك واني افرفح الي ٥ ايام واجي الكة التجاوز على قفا من يشيل
البعض اكيد وفئة قليلة شكرا للي عذر والي قدر والي كلف نفسة يسأل ويستفسر قبل ميتجاوز
اكو ناس انتقدت تأخر لقصة لكن بأسلوب غير جارح مابيها شي ومن حقهم وماالومهم بس الي تجاوز علية وعلى اهلي
اهلي مادخلهم تجاوزو علية اني دخلت هلمجال وغصبا ماعلية اتحمل بس اهلي شنو ذنبهم
الي تجاوز خصيمة ربي يوم القيامة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!