#خنجر_الغضنف
#البارت_السابع_والعشرون٢٧
#حنين_حاتم
بلقيس...
خلصت لفاتحة وطشت لناس وخلة لبيت علينة اني وامي
مامصدكة لحد هاي اللحضة
يمكن لموت هوة اصدق شي بلحياة بس كأني دااتعامل وية كذبة
عقلي رافض تصديقها
لضوضاء الي بداخلي جانت اعلى من اصوات صراخ لفاتحة
جنت احس دواخلي تنهار
اعضائي تحتضر
حلفت ماارجع لزياد لو تنكلب لدنيا
امي جانت تعبانة حيل ماناقشتني بقراري رغم حسيتها ماراضية
وعدت لأيام احنة يومية نتكابل ونبجي
لانطلع لا احد يجينة
بس لحزن مخاوينا
شما احاول انسة تصد عيني على مكانة على كرسية على زرعاتة الي جان يحبهن
طلعت عصرية جان لجو بي برودة بس جنت محنوكة لبست لروب مالتة وطلعت بلبستان
نداريت ورة لبيت
وتحديدا بلمكان الي وكفنا بي اني وقيصر
صوتة من همسلي مااطلع منا إلة وانتي وياي
اثاري الحب حلم ونباك من عدنة
واثاري لقسمة مكتوبة إعلى جبهتنا
عذاب ولوع
شباب يضيع
موت مكدر ومكتوب بس شيطفي لوعتنا ....حنين حاتم
اذكر فزة كلبي من تخلة لسلاح براسة وصوتة صاح
طاهر شجابك هنا
صوتة من همسلي
وصليها لأبن عمج احنة نرد لشينة بأضعاف والي يضرنا يعد ايامة على اصابع ايدة
عقلي توقف عد هاي لجملة
شنو جان يقصد بيها
وليش طلب مني اكولها لزياد وهوة يدري زياد ميعرف بية احبة
كعدت بلكاع احس حيل بعد مابية
معقولة زياد الة يد بلصار لقيصر
عقلي صار يربط شي بشي
الي اسمة طاهر شمدري بمكان قيصر وشلون يندل بيتنا
قيصر اكدلي انو هوة جاي بدون علم اهلة
محد يدري بي جاي يخطبني
شلون جدة دزلة طاهر واخذة غصب
لا لا مستحيييل
ركضت للبيت
دكيت عليهم
رد علية صوت ولد طلبت احجي وية بسعاد
نطاهة الي
اول ماكالت الو بجت
بسعاد سمعيني حبابة لتبجين
اريد منج شغلة
وهلشغلة كلش مهمة بلنسبة الي سمعيني زين ونفذي الي راح اكولة الج
احجي ترة راح كلبي خير شصاير
اريدج ترحين لأبو خليل وتسألي بس بدون متجيبين طاري
تسألي شلون ندل مكان قيصر وعرف بي جاي،يخطبني
ليش هوة قيصر اجة خطبج
يااا اشو ماكالو
عرفتها ثولة مثل لعادة اخر من يعلم غيرت لموضوع وكلتلها تصيحلي انعام
صاحت عليها علما نزلتلي اني اتكرضم وجسمي يرجف واعصابي منتهية
بدون مااسلم سألتها
انعام جدو ابو خليل شمدري بمكان قيصر من اجة يخطبني ودزلة طاهر اخذة بلسلاح
_بلقيس عيوني شللج بهاي لسوالف لولد سافر وانتي تزوجتي انسي وعيشي حياتج ليش تتعبين نفسج بهلتفكير
_انعام اترجااااج جاوبيني لأن راح اتخبل اكو خاين واني لازم اعرفة
_صراحة مااعرف بس غضنفر يعرف راح اسألة واجيج
رادت تسد لخط كلتلها عوفي
شوية ورجعت
_بلقيس يكول غضنفر واحد من اصدقائة جاي لجدي ومسولفلة على جية قيصر الكم
_وشلون ندلو لولد الي دازهم جدج مكان بيتنا بلضبط ووصلو النة
حسيتها رتبكت
وبقت متحيرة تدور على اجابة
همست بدموع وتوسل
_انعام بروح ابوج احجيلي لصدك ولاتجذبين علية
_وشراح يتغير لو حجيتلج ياعيوني ،، لفات مات ة و انتي تزوجتي خلص عيشي وانسي
_يعني زياد هوة الي حجة لأبو خليل على مكان قيصر هوة الي دلا هوة
احجي جاوبيني لاتسكتيييين
بقيت اسمع صوت همسها وهي تهدأ بية
سديتة وبلكاع يم لتلفون بجيت لحد ماخويت
اجت امي تقربت الي تسأل شبية
وصوتها يهمس الي بترجي
_يوم ماناوية ترجعين لرجلج
سابع اني مااسوي ولا اريد اي منافق يجيني همة اهلة الي دمرو صحتة وموتو
من يوم جبرو ينطي بسعاد فصلية وهوة ماضاك لراحة
لحد ماصيحوج بيوم رحتي انتي وزياد وجبتو ام مهودر وكبروها وسووها سالفة شرف
واخرهن اعمال مرة عمج
_وترديني ارجع الهم
زياد بعد لو يصبني ذهب ماارجعلة
ششفت اني من هلزواج كليلي
خسرت صحتي وخسرت بابا وسمعتي للمرة لثانية تضررت ولسبب زياد الي بلا شخصية وامة لحقودة
_يعني تطلكين ؟؟
معناها تبينين للناس كلام ام زياد عنج صحيح
وتثبتين حجيها صح وانتي موبنية
وكعت بلكاع وصارت تلطم على وجهها حيل وتصرخ
_ولج بنص لفاتحة واسمع مهامسهن والفن لقصص وحدة تكل للثانية
طلعت موبنية وابن عمها ماخذها سترها وام زياد ماكدرت تتحمل ابنها يصير كبش فداء كامت وفضحتها يم ابوها ومات لرجال من سمع
هذا لحجي لينكال عنج يابلقيس
ولوتطلكتي وبقيتي مكابلتني راح تثبتين كلامهن
رجلج اخذج ويعرف بيج شريفة لاتخلي يتأثر بهذا لكلام رجعي وكسري عينهن وعين امة لرادت تفرقكم شلون ميصير
_ماارجع وشيكولن خل يكولن
اذا اني بعين بابا موزينة
ميهمني عيون لناس شنو تشوفني
وشراح يفرق اذا شافوني زينة او لاء
اذا جان بابا مات وهوة يتصورني موبنية
اذا بابا اقرب لناس الي صدك لكلام الي نكال عني
شلون تردين لناس متصدك شلوووون
طبيت للغرفة بجيت لحد ماخويت من لتعب ونمت
كعدت احس نار بية تغلي
دكيت على تلفون بيتي جانت دنية مغرب
رد علية صوت مرة
بس كلت الو نسد لتلفون
جسمي كلة يرجف اعصابي نتهت
رجعت دكيت رد علية هوة
_الو
_هاي منو الي ردت علية هسة منو هاي الي جايبها لبيتيييييي
_لتصيحين هييي
_جاوبني منو هاااي
_مامجبور اجاوبج احجي شتردين ترة اسدة
_هين يازياد اشبع بيها هي هيج نماذح تناسبك
وترة عرفت كل سوالفك وتصرفاتك والفتن مال لنسوان الي يجري بدمك وعرفت انت الي موصل لجد قيصر ومدلي بمكاننة
متعرف تواجه مثل لزلم
مثل سوالف لنسوان من جوة ليجوة
_ادبسسسسسسسز اجي اكسر راسج
اني تكولين عني مثل لنسوان
جايج هسة واعلمج منوة الي مثل لنسوان
سدة بوجهي
جان ضني تهديد ماتصورت راح يسويها ويجي
ساعة فوك ل٩ صوت باب سيارة نطبك حيل
وبابنا نربدت
راحت امي فتحتها
واني جوة سمعت صوت صياحة
_وينها بتج طلعيها الي دااربيها لأن للأسف لا انتي ولا عمو عرفتو تربون
جنت واكفة بباب غرفتني وشفت ماما بكل حيلها صفكتة راشدي
هوة صفن بوجهها مصدوم
حيل صرخت بي
اني وابوها ربينا احسن تربية وانتو ياولد لعم صرتولهن سجينة خاصرة واحد ضيع ذيج وراح لأمريكا مسعد وانت بهلزواج لاكشر ضيعت بلقيس ضيعت ابوها
اطلع من بيتي لابارك الله بيكم
نهزمنا من عدكم ولهنا لكتنا مصايبكم
موتتتو للرجال بعد شتردون
شتردوووون بعد
حيل دفعتة من صدرة وطبكت لباب
وورة لباب بلكاع تربعت وتصرخ
ابو بلقيس متتت ورتاحيت وعفتني لأهلك ينهشون بية
ليش مااخذتني وياك لييييش
المن ضالة اني كلي ليا ضيم وليا قهر
تقربت الها ردت اكومها دفعتني وراحت لغرفتها
اسمع صوتة بعدة برة
فتحت لبردة
جان واكف يم لسيارة وفاتحها مدري شيسوي بيها لضاهر بيها عطل مثل لعادة وين مايروح بيها لازم تعطل
اكو وحدة بلصدر كاعدة يمة
ركزت بيها لا امة ولا وحدة من اخواتة
ركضت ليجوة جريت عباية امي وسحبت لمكناسة وطلعت وببالي املخها هي ويا
مجرد مافتحت لباب ركب لسيارة وحرك بساع
دخلت ليجوة مفرفحة تمنيت الزمها واطلع ناري بيها
عدت ايام اني يم امي لا زياد اتصل ولا اهلة
انعام كل فترة تتصل بية تحجي وياي وبسعاد هم تحاجيني همس تخاف من سلامة لو شافتها تخابرني تسوي سالفة وتكللهم اني هم اريد اخابر اهلي
متمددة بفراشي صبحية وحسيت معدتي تكلب
وراها حسيت نفسي راح اتقيء
ركضت للحمام
ماكو شي
للعصر اني لعبان لنفس ماعافني احس اريد اتقيء بس ماكو شي
سوينا لغدة اني وامي
اكلت وتمددت احس ماعندي طاقة
حسيت لعبان لنفس زاد من كد ما دايخة مالحكت اوصل للحمام تقيئت بلممر
اجت امي تعاين علية فتحت عيونها
لثاني يوم اني اي شي اكلة اتقيئة
لخوف تسلل لكلبي
خوفي ام زياد رجعت لأعمالها وتريد تأذيني
عدن ٤ ايام اني دوخة ماعافتني ولعبان نفس امي بلعدة واني مااكدر اطلع لوحدي
كلت بلكي اتحسن بس ماكو اي تحسن
لبسنا صبحية اني وامي ورحنة من لاجارة
لمستشفى بعيدة رحنة للمستوصف
حجيت لأعراض لعندي للدكتورة
سألتني متزوجة
وطلبت تحليل دم
رحت على غرفة لتحليل سحبو مني دم
واني وامي نلوب من لخوف
كل فكري يم ام زياد واعمالها وببالي نرسمن ايام مرضي ووجع لعمليات وراسي
بقيت افتر بلمستوصف مثل لتطلك انتضر لتحليل
الى ان صاحو اسمي انتي لخوف اذاب تفكيري
اخذتة ورحت للدكتورة
لزمتة بيدها
عاينت الي وهمست ماما .........
قيصر...
لتفتت على صرخة هيفاء الي حاطة ايدها على حلكها ودموعها يجرن وتعاين
ركزت جان اكو شخص يلوح الهم
راسة اصلع وضعيف ضعف بشع كلش
بحيث جان عبارة عن عضام ووجها
فكة مبين
هادي تقرب الها لزمها ويهمس
كافي لتحسسي بشي خطية
كافي بجي سكتي
مشينة متوجهين الة
ماجنت اعرف ليش جانت تبجي
تصورت لسبب انو مشتاقتلة أو فرحانة بشوفتة
عيوني جانت تتجول بفخامة لمكان والكوفيهات والمطاعم ولحدايق الي بلمطار
سلمو علي ثنينهم بعدها لدمعة بعين هيفاء وتباوعلة بنضرات لشفقة وتبتسم بألم
هادي ندار علية وهمسلة
هذا قيصر جارنا عراقي وصدفت سفرتا ويانة وعلى نفس لطيارة
تقربت الة سلمت وصلتني فزتة من صوتي
من رجفة ايدة لجانت تحتضن ايدي للمصافحة
مشينة واول خطوة جانت ببالي اتعالج
وهذا لسبب الي دفعني للمجيء لهنا
صح ماافصحتلهم عنة
لكن رغبتي بلعلاج جانت اكبر من كل دافع
بس محتار من ياعاهة ابدي
صوتة يهمس لهيفاء وايدة على كتفها
_كافي بجي ولج ادري صاير قبيح بس عاد مولهلدرجة
_ لاء لتكول قبيح تبقة احلى شاب بعشيرتنا كلها لمرض اختبار وانت كدة ان شاء الله
مشينة متوجهين لسيارتة وهوة يشرح ويكللهم
اخذتلكم شقة بعيد عن شقتي بشكم شارع وسحبتلكم تلفون هسة انتو مجرد سياح مدة وقت وتقدمون على لأقامة وان شاء الله تحصلون لموافقة
بس انتو مانطيتوني خبر عن جية لولد وياكم
بهاي لحالة يحتاج نرتبلة سكن مشترك
راح اسألة معارفي واشوف
_هيفاء :- اي فدوة لعينك اسعد نريدلة مكان قريب علينا ياريت لو نفس لعمارة
_نشوف شلون ترهم
دخلنا على شقتهم جانت صغيرة صالة وغرفة نوم ومطبخ وغرفة معيشة وصحيات بالكونات شوية كبار
بيها اغراض بس لأساسيات فراش قنفة وحدة طباخ وكاونتر وجرباية بلغرفة وكنتور ابو بابين
دخلت هيفاء للغرفة خلت اغراضنا وبدلت واجت
اخذت ملابسي وطبيت للحمام
سبحت وبدلت
لبست سترة جلد جان لجو بارد
طلعت اتمشة وتركت الهم فسحة يسولفون حسيت نفسي وجودي مضايقهم
تمشيت هواي حاولت ماابتعد حتة لا اتيه
بس ماعرف شوكت اخذتني رجلية لمكان بعيد
صعدت على جسر
جانو كبالي عرسان ومصور علبحر جانو واكفين يتصورون
ايدي على صدري
رتجيت على لمحجر حسيت نفسي راح اوكع
رعشة بأجزائي وبرودة تسللت لجسمي
غواش بعيوني
غمضت وكرفصت
صوت واحد يهمسلي ويخض بجتفي
فتحت عيوني جان لمصور يحاول يكعدني
يهمس الي
انت بخير
لملمت روحي ووكفت على حيلي بعد مافهمت منة محتاج يصور بلمكان لكدامي واني جنت اطلع بلتصوير
مشيت عائد للشقة الي ماعرف شلون راح اوصللها
بقيت امشي واحاول اتذكر
عدن ساعتين واني بلشارع افتر وارجع لنفس لمكان
نتهى بية لمطاف اكعد بلكاع واحضن جسمي احاول ادفي نفسي
جنت منهك روح وجسد
ماعرف شوكت نمت
ولااعرف شوكت صرت وين مااحط راسي انام
اني الي جنت يسموني خفاش
والي جنت ماانام اذا تغير مكاني
هيج صرت بلشارع انام
شسوة بية فراكج بلقيس وشراح يسوي،
فزيت على صيحتها وهي تضربني حيل
فتحت عيوني جانت دنية ليل
عيونها لحمر وصراخها وهي تضرب بية حيل
جانت فاقدة
_انت شنو كلي شنووووو
متكول لحيوانات الي اجيت وياهم يضل بالهم علية
متكول حرام علية هيج اسوي بيهم
مثل لمخابيل نفتر بلشوارع ندور عليك
بس هوة موصوجك صوج لغبية الي جابتك
ندارت على هادي همست الة
ماتنلام من كتلي بس اني ثولة
راحت للسيارة
هادي بصفي كمبص ويهمس الي
_قيصر والله حاس بيك بس ياخوية مايصير هيج
لجاي تسوي بنفسك لا يرضي الله ولا يرضي عبادة
اني جنت خايف من جيتك ويانة من ورة هاي سوالفك
جنت خايف على ساعة تضيع روحك ونحتار بديرة لغربة
_موقصدي والله
رجلية جابتني لهنا
دخت وعيوني غوشن تعبان جنت خفت استمر بلمشي واوكع كلت خل ارتاح وارجع
_علساس انت تندل طريق لرجعة
_اجذب اذا اكلك اندلة
_كوم يلله وبعد لتسوي هيج خبلتها لهيفاء
تلطم وتلوم بروحها لأن هي الي جابتك
ركبت لسيارة ورجعنة لبيت
طبت للغرفة بعد ماطلعت عرفتها زعلانة
هادي صب شوربة هيفاء مسويتها اكلنة وبقينة نسولف
اسعد:- هادي انت وضيفة ادبرلك بس تحصلون لموافقة عندي معارف فتح دار تعليم مال بطيئي لنطق ولحالات لخاصة لأجر زين بس لشغلة متعبة وينرادلها صبر وانت كدها ان شاء الله
بلكي تحصلون لموافقة بسرعة
_ان شاء الله
ندار علية عاينلي وكال
_انت ماادري بجيتك
عقب هادي على كلامة
اذا حصلنا موافقة ماعتقد يكدر يحصل شغل بسبب رجلة هوة اهلة ممقصرين ويا يدزولة ليش ديتعب نفسة بلشغل
هوة موحمل شغل ولا حمل عجرفة لناس
هوة احنة لكاملين ومخلصانين
اسعد:- ديلة علساس اني وياك خارقين لجمال
لرجال ميعيبة شي وقيصر ماشاء الله شاب حلو ومرتب
_قيصر:- اني عندي شهادة و اريد اشتغل
اي شغلة عسما زبال مااريد ابقة بلبيت
واهلي بعد ميدزون لأن ماراح ادليهم بمكاني ولا اريد احد من لعراق يندلني
همة ضيعوني خل يتحملون نتيجة لسوو بية
بقة هادي يقنع بية
ميصير هيج تسوي ذولة اهلك واكيد رايدين مصلحتك ومن خوفهم عليك ميصير تخليهم بقلق عليك
طلعت بلبلكونة
طلبت من اسعد يدبرلي سكن بأسرع وقت بعد ماطلع
نمنة اني وهادي بلصالة هيفاء ماطلعت من لغرفة
كعدت لصبح على دكة لباب
فتحتها
جان اسعد جايب ريوك
_صباح لخير عيني كعدو يله شلون كيمر جبتلكم
راح دك لباب على هيفاء
_هيوفة يلله كعدي
فتح لباب ودخل يكعد بيها
لاااختي ولاتقربلي بس شالتني غيرتي ورفست هادي ردتة يكعد مايعجبني هيج وضع
كعد مخروع سأل شكو
_اجة اسعد
_وينة
_دخل يم هيفاء للغرفة
_اهووو راح يخرعها
بعدة يحجي طلعت هيفاء من لغرفة تصرخ وتكمز
_هاك إستلم بعد شيخلصنا منا ورايح ماكو نوم من ورة هيفاء
طلع اسعد من لغرفة جان شايل بيدة حية صطناعية
وهي كامت شكو شي يجي بيدها تشمرة علي
دموعها تجري وكل معاني لفزع مرسومة بوجهها وهوة يضحك عليها وكلما يتقرب يزيد صراخها
عفتهم وطلعت للبلكونة روحي لعبانة
لحد ماختفة صوت صياحها وضحكة
صاحو علية جانو خالين لريوك بصينية
اخذت كلاص جاي وكعدت علقنقة كلتلهم مااشتهي
اسعد:- حضر روحك لكيتلك سكن مشترك بعد شكم شارع منا نكمل ريوك ونروح نشوفة
دخلت للغرفة فتحت لكنتور جانت هيفاء مرتبة لملابس
فتحت جنطتي دورت عن فلوسي ماكو
تأنيت ورجعت دورت لكيتهن بس موبنفس لمكان لخالهن بي خليتهن بجيبي وطلعت
تمشينة كل احنة للسكن وويانة ابو لملك
جانت شقة جبيرة بيها ٤ غرف وصالة ومطبخ وصحيات
كل غرفة بيها ٤ ولد طلاب كلهم عرب بيهم خلايجة وبيهم سورين وواحد ايراني واحد مصري
طلبت اسكن لوحدي بغرفة
_اسعد:- يصير اجرها عالي عليك اسكن بغرفة مشتركة
تذكرت حالتي ولهلاوس الي تصير عندي
وافقتة لرأي
طلعو وهمة يوصوني على نفسي
بيدي دحست هيفاء رقم لتلفون مال لشقة واكدت علية اتصل بيهم وطلبت مني بليل امر الهم نطلع سوة
سكنت بغرفة بيها ٢ سوريين ولد خالة
من اول لحضة عرفت معدنهم من اصرو همة يرتبون اغراضي وسوولي غدة وغسلو ملابسي
حسيت نفسي راح ارتاح بلمكان وبديت اتأقلم
ثنينهم جانو يدرسون ويشتغلون
واحد طالب هندسة ولثاني صيدلة
ناعمين بيضان لابسين نضارات اعمارهم بداية لعشرين
يامن وياسر
ياسر لأكبر دك صدرة وكالي
_لاتاكل هم لشغل تركها عليي بس تقدم معاملة لأقامة وتنقبل إعتبر شغلك موجود
ورة لغدة حاولت انام ماكدرت
جان اكو واحد مصري برة كاعد يغني وصوتة كلش حلو للحضة تخيلت عبد لحليم وجاي يغني
طلعت برة جانو بلصالة كاعدين ولد يمة وهوة مسلطن ويغني
توبة
توبة
توبة إن كنت احبك ثاني توباااا
بس قابلني مرة وهتبقا دي اخر نوووبا
وبعدها توووبا
تقربت كعدت يمهم
بقيت استمع لصوتة الي ثار اشجاني وحنيني
وراها غنة واحد خليجي وكلما يسكت واحد يغني لثاني اغنية بللهجة بلدة
جنت مدنك صافن واستمع الهم
الى ان ختفة لصوت
رفعت راسي جانو كلهم يباوعون علية
ملت اكتافي وهمست
بضحكة تجرعت بيها مرارة ذكرياتي من جنت اغني ولكل يطرب على صوتي
وهمست اخاف عليكم من صوتي لقبيح
كلهم كالو غني مولمهم لصوت
نريد نسمع لطرب لعراقي
غمضت عيوني ونسابت لكلمات من شفافي
اريد اعتب بعالي لصوت ياهلناس اسمعوني
لناس بليلها ترتاح وانة مساهرة عيوني
حبيبي لجنت امشي ويا ولمدلل تسموني
هسة لوحدي ادير لعين واخجل من تلاكوني
صار لماحسبت يصير ولمنة تخوفوني
واعز لناس ياهلناس ماضنيت ينسوني
زرعوني مثل وردة وبدون لماي خلوني
ياسامعين لصوت دلوني دلوني علراحو ببسكوت
ماادري راحو وين وليادرب ماشين
اتكلب آعلى لنار خلوني خلوني
ياسامعين لصوت دلوني دلوني
يلماخذين لروح وياكم لاهية عشرة يوم وانساكم
يلراحلين بعيد عن داري وياماي الي يطفيج ياناري
وينك ياصبر ايوب ساعدني علمكتوب
دنكت راسي واديهم على اكتافي يضنون حزني سببة خجلي من صوتي
عن لعلة لبية شحجي وشكول
دخلت للغرفة عصرية
جانو يامن وياسر كتبهم بيدهم ويدرسون
عفتهم وطلعت
نزلت من لشقة حديقة كبال لعمارة كعدت بيها وبقيت اعاين للمارة
رجعت للبيت جانت دنية ليل سوو لولد عشة
طلعت فلوس وقدمتها الهم مساهمة مني
_هاي لفلوس وترة طبخ مااعرغ اطبخ إعفوني من هلمهمة نطوني مواعين ملابس ماعندي مانع
ياسر:- خلص انتا اخذ لجلي لأنو نحنا موفالحين بي
وترك لباقي علينا
بقو يدرسون واني ستعاريت كتاب من عبدو لمصري
جان للكاتب مصطفى لمنفلوطي
بقيت اقرة بي لوقت متأخر
نمت ولكتاب بيدي
فزيت صبحية جانت لغرفة فارغة وكتبهم مطشرة وملابسهم بلكاع ولكنتور مفتوح ومطشر
عرفتهم رايحين للدوام
طلعت من لغرفة ابتعد عن فراغها
لصالة جانت فارغة وكذلك باقي اجزاء لشقة
حاولت اطلع بأسرع وقت من لمكان
دخلت للغرفة ادور على حذائي مااذكر وين خليتة
نداريت لباب جانت مسدودة مااذكر سديتها
تقربت افتح بيها
مثل لعادة لقفل يحشر ولباب تتحول كأن فولاذ متتحرك ولاتتأثر بدفعي وضربي لمستمر
بقيت اضرب بيها بقوة حيل ارمي جسدي عليها
الى ان فتحت بلأحرى نكسر قفلها
تلكاني بلصالة مشهد مايروح من بالي لليوم
جنت اشوف بلقيس كبالي ببدلتها لبيضة
واسفلها لكاع تنخسف وتنسحب ليجوة
وبلقيس تنسحب وياها
ايدها تمند الي وتصرخ ساعدني قيصر
تقربت الها لزمت ايدها
حسيت بديت انسحب وياها
مادري شوكت فلتت ايدها من ايدي
ووراها كام لأثاث ينسحب ولأغراض تنسحب للحفرة وكلشي يتهاوة بداخلها
عيوني غوشن راسي فتر بلكاع وكعت
عيوني تنفتح خفيف
من بين رموشي الي ثكلن جنت اشوف جسمي ينسحب للحفرة
مثل لحلم
فزيت على فتحة باب لشقة وركضة لولد علية مذعورين
ذبو على وجهي ماي وعوني
راسي جان بحضن يامن
فركت عيوني اباوع للمكان
كلشي مااكو
عيوني تتجول بلمكان مذهول
حسيت محتاج احجي محتاج اسولف
لبية تعبني تعبنيييي
همست بخجل احجي الهم بعد ماسألوني شنو صاير وياي
حجيت الهم عن هلشي من اول مرة صار وياي
بدخولي للشقة بعمان ومن اول مرة نسد لباب علية لوحدي
يامن هز راسة بتعسف وحجة بجدية
اتت ضروووري تشوف حكيم
كيف ساكت عن حالك طول هلمدة
لمسا باخذك على دكتور نفساني منيح انا بعرفو
لعصر،حاول يفرغ نفسة حتة ياخذني بس ماكدر
جان عندة امتحان
فهم ياسر على اسم لدكتور ولعنوان
ورحنة اني ويا
جنت متردد وماداخلة لفكرة بعقلي بس تعبت
اريد حل
دخلنة علدكتور
جان رجل خمسيني ملامحة مريحة
بديت احجيلة
لهدوء الي يعتري ملامحة جان يقودني للفضفضة غصبا عني
حجيت كلشي كلشي
من خسارتي صوتي ورجلي لخذلاني لبلقيس لسفري الي نجبرت علي للحالة الي بدت تصير عندي بعمان
صوتة من رفع لسماعة وحجة وية لسكرتير وهوة يطلب منها تلغي لحجوزات لبرة كلها
خوفني حيل
بقة يسأل هواي
اكثر من ساعة ونص اني يمة
نتهت لجلسة بصوتة
وهوة يهمس الي بحسرة انت تعاني من .......
انعام....
عدة يومين على تواجد عمة مدينة
طول هلوقت حسيت سللامة فرحان ومرتاحة وتحاول تتقرب الها
اما اني جنت متجبجبة من عدها ومبتعدة قدر لأمكان
بلقيس اتصلت بينة تسأل عن قيصر وشلون جدو ندل مكانة ودزلة طاهر
سألت غضنفر كلي زياد هوة الي متصل بيهم وحاجيلهم انو قيصر جاي خاطبها وابوها رافض
وهوة باقي عد جوارينهم ويحاول يعترض طريقها
وطلب من جدو انو يمنعة من هذا لشي ويبعدة عن بلقيس وإلا يسوي بي شي
ماكدرت اكللها خفت لتصير مشكلة بينها وبين رجلها بس هي اصرت
بقت بسعاد تبجي على حالها
وتسولفلي على ابن عمها واطباعة لصعبة وامة الي تكرهم وموعلى صلح وياهم من زمان
بليل اجت عمة امريكا وتهاني وزوري مثل عادتهم يتعللون يمنة
لتمينة بعد لعشة كل احنة نسولف
ايات ونرجس بنات عمة مدينة اعمارن ١٦ و١٧ شكلهن عادي موذاك لجمال
كلبهن طيب وبساع يذبن ميانة
كاعدات يمي وحدة منا وحدة منا
ويتعاركن علية يتدافعن
دخل غضنفر جان راجع من لمحل مدهن
طب للحمام صعدت جبتلة خاولي وملابس
نزلنة جوة بس كعدت ستلمني ايات ونرجس كل وحدة تريدني الها وامهن تخازر بيهن
تقرب غضنفر كعد يمهن وعينة علية
اني استحي من عدهن وماريد اكسر بخاطرهن
بقة يباوعلي ويأشر يريدني اجي يمة وهنة مجلبات
تالي ندار على عمتة وهمس
_عمة ترة انة مرتي اريدنها
_وياهو لكاضك ريدها شني ماكليها احنة
_لا أبد بس بناتج كاعدات بحضنها
صاحت عليهن
نجيرس إويتة كومن يمي شني هللواكة ماتشوفنها كاشة روحها وتعاينلجن بطرف خشمها
سللامة بكل حيلها ضحكت
من نتبهت انو بس هية تضحك ولكل ساكتين
فشلت وسوت نفسها تضحك على حمزة
غضنفر كام من مكانة ودفعهن
عكسة على رجلي صار
نتجى وتمدد
حمزة تقرب تمدد بحضنة
ايدة ورة ضهري صارت
جان يمسد على ضهري كأن يكلي لتزعلين
بتسمت ومابينت روحي ضايجة
بقيت اسولف وية لبنات
والاعب ابن زوري حمودي
عدن ايام عمة مدينة يمنا جهالها يومية مسويلهم مصيبة
فدعم يطب ويطلع يكتل بيهم
لايفيد كتل ولايفيد صياح
بناتها رعنات كلشي يحجن
يحجن ويسولفن بلشهرية بصوت عالي ولولد تسمع
اما مدينة فجانت كل وقتها يم امها
للصبح كاعدات وحدة راسها يم راس لثانية ويسولفن عبالك صديقات
طول هلمدة لااشوف غضنفر ولايشوفني
يجي لضهر يتغدة وينام ويرجع لشغلة
بليل يجي تعبان ميخلو يصعد ينام يجلبون بي سوالف ومسامر
يصعد للغرفة يلحكو حمزة وولدها
ابد مابينتلة ضايجة وحاولت اكون طول لوقت زينة وياهم رغم اذيتهم تدفعني للخبال
بطبيعتي كلش احب لخصوصية
جانت انغام تتوسل بية على لبسة لو حذاء مانطيها
واذا لبست شي بدون علمي بعد ماالبسة وراها
ماعرف نحاسة أو حب لأغراضي بس الي اعرفة خصوصيتي جانت عندي اهم من كلشي
من اجو صارو يقتحمون خصوصيتي بأي وقت
ميعرفون شي اسمة باب غرفة لنوم يندك قبل لدخول
كلة يجفتون جفت
نفسيتي تعبت بس جنت اتحمل واتعامل بكل ادب وذوق وياهم اكول خطار شما طال بقائهم اول وتالي رايحين
مكياجي صار اصباغ يلونون بيها
ملابسي من لحبل ياخذنهن لبنات وبسكوت يسون بيهن عرض ازياء يلبسنهن بغرفة سللامة ويتمضحكن ويقلدن علية
سللامة صرت احسها تأثر عليهم من ناحيتي
صح همة عبثين وضوضائيين بس وياي كانما احد موصيهم
بيوم جنة نايمين ساعة فوك ل١
جنت نايمة بحضن غضنفر لابسة ثوب كيمونة قصير ولغطة واكع عني
حسيت لباب نفتحت
ضوة يجي من برة
شخص عاين علينة ماركزت بشكلة لضوة عمة عيوني
جريت لغطة ووعين غضنفر
بساع كام على حيلة
طفر برة لكة بت اختة ايات جانت دتحاول تنزل علكيفها
صيح عليها ولامها على هلتصرف وكاللها مرة ثانية اذا دخلتي للغرفة بدون متدكين لباب اطيح حضج
نزل جوة يصيح عممممة
وينج عمة
طلعتلة من غرفا بيبي شكرية مخروعة شعرها مكوش
جانت تنام يم بيبي شكرية وهمة كلهم بلصالة تعوفهم يسرحون ويمرحون
للصبح اسمع صوت حركتهم بلمطبخ
نكعد لصبح لمطبخ عبارة عن مواعين واكل
وعلى شكم مرة يجيبهم فدعم من لشارع دنية ليل ويتسحبون برة
_بنتج علميها غرفة لنوم الها حرمتها
شوكت مايعجبها تفتح علينا لباب باجر عكبة تعرس وتروح عد عالم غربة هم تسوي هيج؟
بقت امها خجلانة وتتعذر
صعد فوك جان معصب وحجة علية لأن ماقافلة لباب
عدن شكم يوم احس لبنية كارهتني كإنما اني الي رزلتها مو غضنفرر
وامهم منعتهم يصعدون للطابق لثاني
بقيت شوكت مااطلع من غرفتي اقفلها
كاعدين عصرية اني وبسعاد وزوري برة نسولف ونثرم نسوي عروك للعشة
كمت اريد اجيب كرفس من لكاع
مدنكة اشلع بي وحسيت شي نبت بضهري
شهكت شهكة موت من لألم حسيت لكاع فترت بية
وكعت بلكاع من اثر لضربة
اسمع صراخ لبنات ويضربن على وجهي
جنت صاحية بس روحي مفرفحة من لألم
فتحت عيوني وجه زوري بوجهي وابنها سارح من ايدها
اشرت الها على رجلية احس شي يمشي عليهن
مدت ايدها تتلمس وتهمسلي هي لضربة بضهرج خية مو يم رجليج
رفعت ايدها بعد ماتلمست رجلية
عيني عليها من رفعت ايدها لكلها دم وجفلت وصرخت ولك غضنفر الحككككككك.....يتبع
لبارت لثاني بليل انزلة شوكت مااكمل
باجر عملية اختي اتمنة تدعولها تكوم بلسلامة
شوفوني تفاعل يلله فاجئوني موبس اني افاجئكم 🤭
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!