#خنجر_الغضنفر
#الجزء_الثاني_بارت٥٧
#حنين_حاتم
بلقيس ...
اسبوع عدا اني اتصل حتة صميدع كلما اخابرة يكلي طالع من ارجع اخلي بسعاد تحاجيج وميرجع يدك
كلبي لعب
شي بداخلي يكلي قيصر،يتهرب مني لأن مالها غير تفسير
شمعنة لاهوة رجع دك ولا صميدع
هنا حسيت كرامتي تبعثرت مني
وبيني وبين نفسي جنت اهمس اني اسااهل كل الي صارلي
حتة ابطل اثق بي
ابطل انتظرة بكل مرة وكإن هوة فرصتي لضاعية
ابطل اكون الطرف الي يضحي ويصبر وينتظر
وهوة يبقة الطرف الي ينهزم دائما ويحطني بأسخف المواقف كدام نفسي والحوالية
بهاي المدة امي وخالي ماشايلتهم لفرحة
وكأن أيوب فرصتي لوحيدة بهلحياة
وحجايتهم لولد مينرفض كفر ترفضي كفررر
منو يقبل بوضعج انتي
هذا لكَطة
رحم ماكو ابن منغولي
كلبي يتكطع من حجيهم
عبالك بدون لرجال رح اموت
بليل خابرت خالو احجي ويا
اجة هوة ونوفل
فتحت الموضوع وكلتلهم اني مااريد اتزوج
لا ايوب ولا غيرة
اول من كب بوجهي امي صارت تنتر بعصبية وصياح
متتزوجين لوكبرتي منو يسندج ابنج هوة يريدلة حايط ينتجي علي
ابنج بوسط هلغابة ينوكل منو الة
بلقيس:- اني عندي راتب واعيشة بي وماطولني اشم لهوا نصير يعيش احسن عيشة
خالو احمد كام من مكانة وكعد بصفي وصار يحجي نيابة عن امي
-خالوو ابنج ينراد رجال بضهرة
باجر عكبة لو كبر يتقشمر ويسكطو الج
ابنج بعلج يتقشمر ويروح وية اي واحد غريب
بشنو تسندين نفسج
لراتب ميحمي ابنج
ولا يلم كبرتج
ولا يصيرلج عون من لدنيا لو ماتت امج
_خالو انت ليش هيج تفكر يجوز اني ونصير نموت قبلها وبعدين اني ماببالي الزواج هسة اني مرتاحة
اترجاك رجع رفض لأيوب
_ترفضين لولد على يامال
بزرة مابيج وعندج طفل من ذوي الأحتياجات الخاصة وهم قابل لولد بيج
ترفضي يكدر من عين باجر يلكالة ارملة او مطلقة عدها جهال يعيش احسن حياة وياها
يعوض حرمان جهالها من الاب ويعوضو حرمانة من الخلفة
النقاش تحول الى جدال والجدال صار اوامر ورأي غير قابل للنقاش نفرض علية بارادتي غصب لازم ارضى
اخر حل جانلي انو اتصل بزياد
اطلب منة يتدخل ويكللهم مااقبل تتزوج واذا تزوجت اخذ ابني منها وهنا تكونلي حجة اكدر ارفض بيها
جنت خايفة من هلخطوة
وماعرف ليش كلبي يرجف من هلطاري
مااريد ابقة اعيش تجارب فاشلة
وكاسر خاطري قيصر ماتزوج كل هلسنين
شقا عمرة دفعة حتة يحررني وتالي من انال حريتي اجازي بأنو اروح لغيرة
جان عندي استعداد ابقة العمر كلة لا إلة ولا لغيرة
افضل مااسوي بي هلشي
لساني خجلانة من الدين الي شتايلتة الة بركبتي
شلون اكدر
يسمع خبر خطوبتي وهوة دافع دم كلبة علمود راحتي
ومستعد يدفع اضعاف حتة ينالني
بقيت ساعة اكول يتهرب مني وميرد خلي اوافق واخلص
وساعة اكول لا مستحيل وكلبي يخلقلة اعذار ويذكرني بزيناتة وحبي الة
زياد اريد اتصل بي واتردد شلون اذل نفسي الة
واخاف يفضحني ويحجي لخالي على اتصالي
كلشي اتوقع منة
صبحية اجة خالوو برا حجة ويةةامي بلباب طبت فرحانة وتضحك
شكو
ماكو شي
شنو ماكو شي خالو شحجة وياج
يكول باجر لعصر ايوب يجيب اهلة وهية مشية هية عقد حضرو نفسكم
واسألج تلكليلي ماكو شي . صدك تحجييييييييين
رجل قنفة اني
لو زغيرونة وتقررون عني
لتخلوني اسوي بروحي شي وافضحكم
بدون شعور حجيتها
مدري شوكت اجة لنعال بجتفي
وحيل صارت تصررررخ شتسوين بعد بلقيس وشتفضحين من عدنة
ليش هوة شبقة
شو شرفنة نحجة بي سمعتنا راحت وابوج نهزم لآخر لدنيا وتالي مات من ورا سالفتج
لعشيرة تكوم وتكعد تصيح شنو هلبلقيس الي من وراها يومية طلابة
ياخاطفة مرة ياداكينة من وراها يا شاردة وعايفة رجلها يشيع عليها اشكال
محد يلزمها ويفصم ضهرها
شحجي وشجاوب ابلعها واسكككككت
وينك ابو بلقيس مااخذتني وياك المن بقيتني وعفتلي مسؤلية هدت حيلي
شتردين حاجينيييي
ولج هاي رواء مرة نوفل لبارحة كايلة لخالج خل تولي هاي بلقيس تتمنن خل يجي يخطب اختي
اختها مطلقة وعدها ثنين جهال كايلتلة خل يجي يكبع وياخذها ماعدهم كل شرط وهي اختها صيدلانية وآية من الجمال لعب عليها رجلها وسافر وكل يوم اسحبج وماكو
وتالي اكتشفت متزوج وحدة اجنبية علمودالجنسية وكامت وطلكت روحها
صيدلانية وراتب عدال راتبج وصيدلية وعدها ٣ اخوان وابوها عايش وولد عدها ثنين وتريد تتزوج وكاتلة روحها علسترة ولا ستقرار
لان عقلها براسها مومثلج يغببرة
ميجاوب ولا رح يجاوبج
لأن جبان ومن اول مرة من نهزم وعافج عرفتة جباااان
دفع فلوس لزياد حتة يكفر عن ذنبج
بس ماياخذج شلة بوحدة مابيها بزر
ابقي دكي علي خليني اكسر لمبايل براسج واخلص
وحتلو اجة وخطبج زياد يعووووفج
خالج اول ماتقدم ايوب اتصل بي وبلغة
كايلة ماعندي مانع خل تتزوج وابنها الها
الة في حالة يتقدملها صاحبها اخذ ابني يمي
وخل تاخذ صاحبها
لوتموت ماانطي الها ولا اتمم فرحتها وتاخذ الجانت تخونني ويا وموبعيدة جانت ويا من شردت مني
طلعج ....... زياد وموبعيدة يتبلة اكثر وياخذ نصير منج
تضحين بأبنج علمود راحتج وحبج واللعب مالج
اذا عندج استعداد هسة اخلي خالج يرفض ايوب وخابري قندرتج خل يجي يخطب وخلي الطفل يتشتت عد مرة ابو واب بلا مسؤلية
دموعي تنزل مااعرف شجاوبها
كل الي حجتة صح بس غير لوعندي كلب ويقتنع
دخلت لغرفتي قررت وانتهى لا اريد ايوب ولا اريد قيصر ولا اي رجال أكعد على ابني اربي واعيش لا اول وحدة ولا آخر وحدة
نار بية تغلي من حجيها
طبيت للغرفة اريد اطلع حركتي بي
اريدة يعرف للمرة الثانية جاي يضيعني من ايدة
اريد اعرف ليش ميرد على اتصالي
للمرة الثانية كلمة من عندة ممكن تحييني او تميتني
جنت محتاجة كلمة
كلمة وحظن دافي ويتصلح كل الخراب الي خلفتة عشرة زياد بية
بس ليش بكل مرة احس مامكتوب النة ننجمع
وليش بكل مرة تتحد كل ظروف العالم والمعوقات على انو تخرب البيننا وتفرقنا
اني دنيا بغير دنيا بيها راسمات القدر*
وانت عالم غير عالم كله احلام وصور *
اني كون من التعب والإنكسار
وانت جبرة لخاطري والإنتظار
جانت امنيتي زفة بمارسيدس
وتترس الدربونة صفكَات الجهال
صارت امنيتي ريحتك صوتك
همساتك وحظن دافي بلحلال....حنين حاتم
رفع الخط نترت بصبر نافذ
باركلي
على شنو
باجر عقدي
باجر عقددددددي
للمرة لثانية اتاني منك اتصال وماكو
تتانين ؟؟
ليش شكد توسلت شكد قنعت هسة طلع لصوج بية
لابية لصوج خلص قيصر روح عوفني بهمي
ولج شنو رووووح
لعب هوة
انة ساكت وصابر عبن انتي الي رافضتني كل ذيج المدة ورافضة حتة اتصالي كلت خليها على راحتها
بس هسة اسألج للمرة لثانية
الح نفس بية
لو ادز اوادمي توكفين وياي
ليش يايوم ماوكفت وياك
بس هي الظروف دومها تحط روحها بيني وبينك
هلمرة ابني صار بلوسط واني لأجل ابني روحي تهون اضحي بحبي وحتة بنفسي
اريد انطيك خبر اني راح احاول مااكون لا الك ولا لغيرك لأن لاجاي اكدر اصير لغيرك لأن ماطلعت من نفسي لليوم وبعد كل هلسنين
ولا اكدر اصير الك وزياد مايعوفنة ادري بي يحرمني من ابني
_شفهم هسة من كلامج هذا
افهم الي تريدة بس ردت ابلغك انو اذا نجبرت على ايوب سامحني و ابريني الذمة واحاول ارجعلك لفلوس الي دفعتهن لزياد علمودي
يافلوووووووووووس ولج يافلوس
انعل ابو الفلوس
انة فلوس لدنية ماتنسيني كسرتي بيوم نجبرت اعوفج وانهزم
ولا تعوضني خسارتج لو رحتي من ادية هلمرة
ذيج المرة صارت وإستسلمت علمود حياة اهلي والي عفتج علمودهم راحو كللهم
بعد ماعندي شي اخاف اخسرة
انتي كل الضالي
وهلمرة انة لوكاتل لومكتول
قيصر لتتهور دخيلك تذكر اخر مرة تهورك شنو سوة بية وشخسرني
سدة بوجهي
بقيت الوب اتصل بي مايجاوب
وللمرة لثانية الوم نفسي على اتصالي بي
شسوي وكلها ضدي
هم مثل لبشر اريد اختار مرة بحياتي
ولو مرة
ليش مكتوب علية اخذ الي ماهاوي كلبي
هلمرة عيوني مابـجـت بس كَلبي بـجة
وروحـي متوجعـه مخذوله و مُـرهقه
انـي ما استاهل كل هذا والله مااستاهلة
دخلت للغرفة على كد القهر بس خليت راسي علمخدة غفيت
كعدت ضهرية غديت نصير كلبت بتلفوني شوية رجعت دكيت علي ماجاوب
رجعت نمت
مخنوكة اشرد من روحي والهموم بلنوم
وعيت على صوت امي حيل تخض بية وتنتر
ولج اكعدييييي
انتي متتوبين من هاي سوالفج
كمت على حيلي مرعوبة
اعاين جانت دنية المغرب
شكو شصاير
اني الي اسألج شصاير ولج شمصخمة
هسة خالج دك علية يصيح
يكلي هاي بتج متجوز من دروبها عمج ابو زياد مخابرلة وكايللة اني جاي بلطريق ليوم اعدمها لبلقيس
لييييش شكو شصاير شمسوية ويعدمني
جريت تلفوني اتصل على قيصر ميجاوب
دكيت على خالي افهم منة
صوت صياحة رعبني اريد ينطيني مجال احجي ماكو
الي فهمتهن جملتين
ابنج بعد متشوفي ومبايل جايج اكسرة براسج
وصاحبج ال ....... لازمينة عمامج ينهد وينفلت ورح يجنزو
ايدي على كلبي الي للحظات حسيتة راح يطلع من مكانة
ودموعي تجري اتصل بي ميرد
ركضت على نصير طببتة قفلت باب لغرفة وحاضنتة لصدري وكاعدة
امي كلسا تدك لباب تحجي علية وتروح
ساعة ب٨ بليل سمعت صوت زياد برة يصيح وينها
حضنت نصير لصدري حيل حسيتة راح يدخل بصدري على كد ماعاصرتة
يدفع بية ضايج
صوت ضربة علباب وصياحة
مدري شوكت زحفت وتخفيت جوا الجرباية من الخوف
من ضرب لباب وتكسيرة
صوت صياحة يزيد والضرب علباب يعلة
سادة اذاناتي بدية
صوت دبة وخطوات
حسيت رجلية تنسحب من جوا الجرباية ......
قيصر
سديت التلفون من عدها حرفيا جنت فاقد
تروح لغيري واني سنين ضاعت مني علمودها
سنين صارلي انتظر تنسي السالفة واروح اخطبها
ضاع عمري واني انتظر
لأن ادري ماتترس عيني مرة غيرها
ولااكدر اشاطر غرفتي غيرها
جربت وذقت المر
جربت وصرت اشوف صورتها على حيطان غرفتي ومنين ماالتفت
يا سيدة العالم
سوف يظل حنيني اليكِ
أقوى، أعمق، مما كان
فأنت امرأة لا تتكرر في تاريخ الورد
وفي ذاكرة الزنبق والريحان
باجر عقدها رعب انتابني من هلفكرة
واعرف هلمرة ميحول بيني وبينها غير زياد
وادري بي مذهبة الفلوس
اكو ولد صديقي عاجبتة سيارتي واكثر من مرة يحاجيني عليها واكلة ماابيعها
بوجهي الة
دكيت لباب وكتلة اني بايع
تشتري ؟
بيش
كالها مامصدك
سيارتي موهافي موديل ٢٠١٠
كال ماعندي هسة غير ٨ انطيهن الك ولباقيات ورة المداور
اخذتهن من عندة وركبت سيارة ورحت
مابيدي غير هلحل وكلت اغري زياد واخلي يتدخل ويمنع زواجها من هذا لولد علما تخلض سالفة غضنفر واروح اخطب
لأن مال اخطب هسة صعبة
مااكدر افتح هيج موضوع وية اهلي
غضنفر بيا حال بنتة ستوها ميتة
وتايه بدوامتها لسا مامستوعب الخبر واني البطران اكلة تعال اخطبلي
وصلت لبيت زياد
نزلت دكيت لباب فتحها الي
اول مافتحها ابتسم
سلمت وتقربت احجي ويا
سالمني عادي وسحبني كال تفضل خوما نحجي علباب
دخلت جوا
جابلي مي واستكان جاي
ويعاين لمبايلة كلما اريد احاجي يقاطعني يطلع برا يخابر
شوية وندكت لباب طلع يركض
رجع ويا ٢ ولد من كصتة
تقرب الي يريد يتضارب
وينتر تعال ابن الحرام اجيت برجليك
تكاثرتو علية انت واخوك وابن عمكم واخذتوني غدر
عبالك ناسيهاااااا
لتمو علية تلاثتهم
لتفتت عدهم سيف لأمام علي معلكَينة تحفية صح موحاد بس ماكدامي غيرة
جريتة وصعدت علقنفات اي واحد يتقربلي اضربة
ضربت زياد بمتنة نشكت دشادشتة ودم نزل منها دافعت عن نفسي صديت ضربهم هواي
وضربت وانضربت
بس واحد منهم من ورا صعدلي اخذني غدر تلاوة وياي ولثاني جتفني اخذو من عندي ولتمو علية
ضربتهم هواي خصوصا زياد على كد مارافست ورفساتي تجي ببطنة كام يتقيء
دخل واحد منهم جوا جابلة خشبات ونطاهن الهم وضربوني
يضربوني واكوم الى ان بعد ماكدرت بلكاع وكعت كل طاقة ماعندي الم برجلية وادية من اثر ضرب الخشب
وراها طلعو وقفلو لبيبان علية
لباب الي على لبيت ولباب الى علحديقة
طلعت تلفوني من جيبي شاشتة متكسرة
فتحتة بي ضوا شوية وجزء من الشاشة اسود
دكيت رقم غضنفر
رد علية هوسة يمة
حجيتلة واني اتفل دم من حلكي
تكاثرو علية غضنفر وطكوني
انة غلام ابوووووي
ياهو الطكك انت ويييين
اني ببغداد
شوداااك
ودتني رجلية
يردون يحرموني منها غضنفر
اموت وروج جدتي اموت لو خذوها مني
ماطلعت من نفسي وشرف امي
ماطلعت
اريدها غضنفر روحي بيها
مابية اخسرها
ضاعت من ادية مرة وهلمرة ماتضيع وانة لو كاتل لو مكتول
جيبلي سلاحي
شضلي خاطر،اعيشلة
ورب محمد بلقيس ماتصير لغيرك
وانة جايلك وكل من طكك ليوم اعلكَ ايدة بركَبتة
بقيت انتظر جيتة
نص ساعة ورجعو فتحو لباب ودخل واحد منهم
حط يمي ماي وطلع
مابية اكوم واتلاوة ويا علباب واطلع
رجلية الم بيهن كلش قوي
بقيت اسمع صوت حجيهم برا
مادري جنت اغفة لو يغمى علية
بس اخرب وارد اسمع صوت واوعة على لحوالية
الى ان فززني صوت رمي برا
اسمع صوت حجيهم بلحديقة تقربت للباب
يتلاوون علباب ثنين ويحجون
ولك افتح لباب خل نطلعة من لباب مال الترك واذا كالو يمكم ندخلهم يفتشون لباب كلشي مايلكون
مااهدة كتلك مااهدة اني الي حق يمة هوة ضربني واني ضربتة واريد اخابر ابوي وعمامي هسة واكللهم هوة جاي يتهجم علية وضربتة
واطلعلي من عينة شكم فلس
ذولة حرامية بلحكومة نايمين على ملايين
وانت فلوسك قليلة زياد لتورطنا خل نهدة
ماهدة كتلك هذا صيدة
احنة صوجنة وكفنة وياك اجيت تحشم بينا كلنا ابن عمنة ونضرب ماترهم ماناخذ حقة
بس لو ادري هاي غاياتك فلا اتدخل ولا اضربة وياك
وهمة يحجون باب لشارع نضربت
ومصايح برا
اسمع صوت زلم برا
ماالك حق تدخل للبيت
اخوك شيسوي عدنا
موجايب حمايتك وجاي هداد تخوفنا بيهم عيب عليك
لبيوت الها حرمتنا
وعلى جثثنا ماتدخل لبيت
صوت غضنفر ينتر بيهم
خوش لعد يعني اخوي موعدكم
اي شيسوي عدنا
جا راح ادك علي كدامكم واسكمعكم صوت تلفونة
دك علية
بس ضوة يطلع صوت ماكو
بقيت اضرب على لباب بكل قوتي طاقة ماعندي
مااعرف اذا يسمعون لضرب لو لاء
دقايق ولباب نضربت حييييل
وصوت صميدع من ورا لباب يصيح
قيصر اذا انت جوا وخر عن لباب وخررررررر
سحبت نفسي من لباب بتعدت وعلحايط انتجيت الم برجلية لايطاق وايدي مااكدر احركها
صوت رمي علباب
ضربتين نكسر لقفل ونفتحت
دخلو علية صميدع وثنين من لحماية شالوني
صياح غضنفر برا
ولخلق محمد كلمن الة يد بلي صار لقيصر اليلة اهجم بيييييييتة على راسة
بس خل اطمأن علي وراجعلكم
حضرو عشايرررررر تشفع الكم
انة عشيرتكم مااستقبلها ببيتي
والله ثم والله
يوم وليلة الكم
اذا مادزيتو اوادم زياد دمة مهدوووووور
طلع بلعتبة رمة بلرشاشة الى ان خلص كل الطلق لبيها مشت لسيارة بية وانة اعاينلة بعدة جان واكف يرمي
وراها ركب السيارة ولحكنا
عيوني مغوشة وحيل ماعندي
تعب على نعاس على الم
ماراضي على الي سوا غضنفر بي هوة وصميدع ذيج المرة بساعتها ولا قابل
رغم هوة يستاهل
علنذالة الشايلها
رجال يبيع مرتة بفلوس هاي الي ماجنت متخيل اكو رجال يسويها ولا تخطر على بالي
وصلت للمستشفى اشعة سوو لكل جسمي لأن ماجنت اشخص لألم وين
طلع كسر بيدي اليمنة وخلع بواحد من اضلاع صدري
وباقي جسمي كدمات ومكانات زوركت
صح غضنفر وصميدع ضربو بس ماستخدمو اي شي
بديهم ضربو ضرب عادي ماتصور سوولة عاهة
ولكاتلني اكثر ضربني ببيتة
ضيف جايلة ومن لباب تلكاني وطكني رغم انة ماشتركت بضربة
جبسولي ايدي وطلعت رجعنة للبيت
الطريق كلة جنت نايم
وصلنة للبيت نزلوني بلأستقبال كملت نومتي
فزيت على حجيهم صوت غضنفر جان ينتر معصب
مايدرون بية كاعد
بقو يسولفون شي اسمعة وشي يتداخل بنومي
نززني صوتة
اسمعة يكللهم لنذل من فوك السطع مصورني ويهدد
بوية جاب اجلة بيدة هذا
كعدت اسألهم شكو يكلولي كلشي ماكو
كومني صميدع بحجة الحمام
فتت من يمة
سحبت المبايل من ايدة
اعاين فديو لغضنفر وهوة يرمي ومبين من فوك السطع احد مصورة
فتحت المحادثة حساب غريب بأسم ماعرفة
مكتوب بي
عضو مجلس المحافظة يتهدد على عائلة عزل بلسلاح ويستعرض بطولاته
جوة كاتبلة وحدة بوحدة
لولد بقو يحجون ويلومون بغضنفر كلولة انت غلطت من سويت هيج
غضنفر :- شنو غلططططكطت
اني انسان واذا عضو مجلس
اني بشر وضربو اخوي وكسرو ماخذينة غدر وخوانة
ضيف جايهم للبيت بغاية من لباب يطكَو
انة ابن ديوان
صرت عضو صرت رأيس مردي لعشيرتي
وماتحل جايناتنا غير العشيرة
المراكز ماينوخذ منها لاحكَ ولا باطل
بجم فلس يحركون قضية وينيمون قضية
حييل سحب التلفون من ايدي واتصل على لحساب الي مراسلة بقة يدك ماجاوبة
واكف على راسة واعاينلة كتبلة
تحب اني انشر لفديو عنك خاف كلافة عليك
ولك انة ماتهدد خاف بعدك ماتعرفني منو
وطزز بلكرسي الي اتهدد بي
انشر وين متحب
اديك ومامدت
عدة لنهار وضلتلكم ليلة والله لمعبود إن مادزيت اوادمك هذا بيتك يصبح غربال
مارد على الكلام الفوك كلة
بس رد على اخر رسالة كاتب
لبيت مومالتي ترا اجار مال لعالم
نطا حظر وطلع من المحادثة وكام يدك على كرابتنا وشيخ الفخذ ويحجي وياهم
دخلت للحمام
تعبان جيست ايدي وسبحت
صمدع دخل ساعدني
طلعت اسأل على سللامة كالو باجر تطلع ب٨ لصبح
وعمة امريكا بايتة يمها
سألت على انعام واختها ومنصور ماشفتهم
كالو بلمستشفى
اسأل شبيها لبنات وحدة تباوع على لثانية ماجاوبني
دخلت جوا
سألت لولد
يباوعون لغضنفر وساكتين
جر جكايرة ورث وحدة ودنك
كعدت بصفة همستلة
شكو شصاير
سللامة مشتكية على انعام على اساس هي طاكتها
انعام تربعت بنص لحوش تدك وتلطم وتصرخ شنو هلدهاء شنو هلبشر وتكومت بلكاع
شلتها للمستشفى عدها هبوط
هي من ضربت سللامة كدامها وطلعت بلشارع مرعوبة من رجعتها جانت مو على بعضها ترجف وسخنت
ونوب عمتي اتصلت بلغتنا
وهي لا اكل ولا شرب من اليل
وهسة شلونها
زينة صاحية مساع حاجتني اختها
دكتور كاتبلها دخول انة ماقتنعت خفت لا تطلع جذبة ومناك تركب وتمش لبغداد
خليت قسورة يمي
بس انعام هلمرة مايلزمها قسورة ماشفت حالها
من شافتة يشكي منها ورايدنة
لاماتكدر تعوفة انة اعرفها
وانة هم ماالي نية احرمها منة
بس اريد ابقيها ومالكيت غير هلطريقة
هسة شراح تسوي بسالفة سللامة
سديتها من يمي بشكم فلس وصارت تنازل
هية عبالها مااكدر اسد لسالفة
وخل تطلع هلمرة كلشي مايشفع الها حتة حمزة
شتسوي يعني
الك لصافي
ضلينة كاعدين وراها طشو كلهم كلمن راح لغرفتة وضلينة اني ويا بلاتستقبال
اعاين علي الليل كلة يحجي بلمبايل يطلع برا يخابر ويرجع يطب
صبحية فزيت من وكت باوعتلة جان بعدة كاعد
خيرك
اليل كلة طاب طالع مانمت من وراك
سلامتك
المن تخابر ها
احجي ويا واغمزلة
كام يضحك بصوت عالي وتقرب شمر التلفون بحضني
جان مفتوح على سجل المكالمات
اباوع السجل عبارة عن اسم رافد مكالمة واردة مكالمة مستلمة مكالمة فائتة وعلى هلمنوال السجل كلة مال لبارحة رافد
الي هوة واحد من حمايتة
شعدك ويا شني صاحبتك
عينة على الجامة الي بلمعرض يدكم بدشداشتة ويحاجيني
شعدي ويا غير مبيت الولد يم المستشفى صالبة اخاف لا تطلع
مامأمن لسالفة لدكتور كاتبلها مبيت
وضعها ماشوفة يستوجب
انت شمدريك بوضعها شنو رحت وياها ؟
مرتك نفسيتها تعبانة حيل ترا
شمدريك انت
لصارلها موشوية غضنفر وشردتها من عدكم تثبت انها ماتكدر تتقبلك ورغبتها بلرجوع لبيتها ورفضها بلبقاء هنا وعدها استعداد تعوف قسورة وتطلع كل هذا ماالة غير تفسير واحد
والي هوة
الي هوة مرتك ماتكدر تتقبللك بعد لصارلها
يعني اهدها تروح ؟
اخليها تضيع مني هي وابني للمرة لثانية
انة بعد مائمن على قسورة غير يمي الي يريد يضرني هسة قسورة صيدة سهلة يكدر يضرني بي
مااعرف والله شكلك ياخوية
كلشي لاتكول كوم البس وامشي وياي نجيب مسواك
ومنو يكول يجون
يجون يجون مالك غرض
وإن مااجو اوادمنا جايين شنوكلهم حو
طلعنة انة ويا شترينا لحم ومخضر ورجعنا
من رجعنا جانو ولد عمومتنا كلهم جاين همة وولدهم واحفادهم
ذبينا المسواك برا ولجهال دخلو على وكفتي يم السيارة متانيهم يكملون واقفلها وكفت سيارة ونزلت منها عمتي امريكا وسللامة وياها
تلكاها حمزة باس راسها ويتحمدلها لسلامة تجالها ودخلها جوة
قفلت لسيارة ودخلت شوية واجة لشيخ واخوانة وولدة وكرابتة
نترس لأستقبال بيهم
ساعة قريب ال ٩جة منصور جايب انعام واختها
نزلن ودخلن جوا
قبل لأذان صوت سيارات برا طبكت ولجهال طبو يصيحون اجو اجو
طلعو برا تلكوهم ماخلوني اطلع
بقيت جوا بدو يدخلون ناس ورا ناس
كعدو كلهم
جابولهم كهوة وضيفوهم
بدا شيخنا يحجي بلسالفة بعد ماشرحنالة لصار
وفهمتة غايتي بلروحة
بس هوة كال ماتكللهم هيج تركبنا الباطل وتفضح البنية
اذا سألو على غايتك نكللهم طارش دازتك بسعاد ودازة بيدك امانة لامها واختها ولكونك متندل لعنوان ومخربط رايحلة للبيت تسألة على مكانهم
بدا يحجي وشرحلهم غايتي
زياد من مكانة كال
مااصدك بي جذاب بسعاد شمعنا مادزت رجلها وليش مانطتة عنوان اهلها وتلفونهم وعلأتصال يوصللهم
ستأذنت من لشيخ ارد علي
اشرلي بلسموحة
_شيخنة انتو تدرون احنة لاهين وية غضنفر اخوي وسالفة مقتل بنتة وصميدع لكونة واحد من حمايتة هم ملتهي ويا مايشوف دربة
انة جنت رايح لبغداد بشغل للوزارة ودزت بيدي امانة فلوس لأمها انة رحت لمنطقتهم وسألت بس ماكدرت اوصل
دكيت على امها تلفونها مغلق
رحتلة للبيت اسألة والي ادري بي لكلوب متصافية ومن ذيج المرة السالفة نحلت وراضيناكم ورضيتونا
اول مافتحت لباب اتفاجأ بي يتصل بولد عمة و انضرب بنص بيتة
غضنفر قاطعني وكال
موبس مسألة ضرب عملتة جبيرة وماتنغفر
ضيف نذبحلة واحد من فروخنة لوماعدنة نكرمة حتة لوجان عدو
ماطولة داس عتبتنا
وهوة من لباب يتلكا اخوي ويطكة
زياد كام على حيلة وصار ينتر
جذابين والله جذابين
لو صدك جاي علمود امانة شمعنا تصدف جيتة وية خطبة بلقيس
لشيح نتر بي اسكككت ولاتجيب سيرة بت عمك بكعدة الزلم تبقة ام ابنك موبكل كعدة تشهر بلبنية
هية ماعادت على ذمتك بس هية تنتمي لهلعشيرة والي يجيب سيرتها بشين بدون دليل ايا كان نكَص لسانة
على اي اساس تندار انت وولد عمك علولد وتضربة وتتكاثرون علي
حتلو جانت غايتة مو لأمانة
فهمت منة شنو غايتة من دك بابك
زياد:- لامافهمت بس هوة قبل هم ضربني هوة واخو وابن عمة
غضنفر:- منيلك هذا الحجي عندك دليل علي
كل لكاعدين كالولة اي شنو دليلك على هذا لشي
ماعندي دليل لإن همة ضربوني بمكان فارغ وبعيد عن لبيت محد اكو اصلا واني من ضربتة وحدة بوحدة لإن همة ضربوني قبل
الشيخ :- شوكت هذا الحجي وليش ماحجيت بوكتها
دنك راسة وماجاوب
غضنفر من مكانة كالة
شيخنا تريد احجيلك شنو لسبب
كول ابو قسورة تفضل
ضربنا بباب المكتب الخاص بعقد القران والطلاق
لأن حضرتة ساومنة على زوجتة ب١٦ مليوون
تقربت لغضنفر همست الة وكرصتة
غضنفر اسكككت راح تثبت التهمة علينة
راح تبين الهم انو فعلا اكو شي بيني وبين بلقيس وإلا مال شنو ادفع ١٦ مليون
صوتة يهمس الي مالك غرض ولخلق محمد ليوم اركبة لباطل واصفي علحديدة وبلقيس من عيونة اشلعها
خليك وراي ومالك غرض
كلهم يتسائلون وليش قيصر دفعلها ١٦ مليون شنو غايتة وشعندة وية لبنية
صوت غضنفر بصوت عالي قاطعهم ووكف على حيلة تقرب للمعرض طلع قران خالي بمحفظة ولزمة
وعلى وكفتة صار يحجي
انة متوضي كبل دخلتكم وردت اصلي
وهذا كتاب الله الي تخافة الأنس والجان شاهد بيني وبينكم
كلهم كالو لاتحلف مصدكينك واخذو القران من ايدة
سحب قسورا من برا وخلة ايدة على راسة وكال
على عافيتي وعافية وليدي كل حرف راح احجي
لابد تتذكرون قبل شكم سنة بتكم اجتنا خطار
واخوية امنها امانة ولأمانة مرية
وبتكم بت اصول هي وابن عمها جابو لأمانة وخلوها يمهم وهلأمانة هي الوحيدة الي شاهدة على طهارة انسانة ميتة ولهلسبب اخوي راد يضمها يم انسان مايخطر على بال احد
واجت على بالة ام نصير لكونها بعيدة عننا وغريبة راد يبعد العين وتكون بعيدة عن الشك
وراها صارت امور ونكشفت الأمانة يمكم ونضرت بتكم ونجابت سيرتها بلموزين وبيت ابوها ندك
وشالو بسبب هلأمانة وزوجوها لأبن عمها غصب عنها حتة تنسد السيرة وبعد محد يجيب طاريها بلشين
زياد من مكانة حجة
شنو زوجوها غصب عنها انتو منيلكم هذا الحجي وشعرفكم بحياتي وحياة بت عمي
نسيت اخت مرتك جنتنا ومن عدها نعرف كل اخبار ام نصير وليصير وياها
سكت زياد وكمل غضنفر
اخوي ضال من يومها يحس بذنب تجاه ام نصير
واي شي يصير ويا يكول هاي حوبة لبنية لمسكينة الي ورطتها وياي وحجو بشرفها بسببي
احنة وادم نخاف من لحوبة
وخصوصا من عرف منهزمة من رجلها هية وامها حتة يخلصن من اذيتة
قرر يقدملها ولو شي بسيط يكفر عن ذنبة
سأل ام ظاهر جنتنا ولبنية اقترحت علي هذا لشي وبعضمة لسانها كالت
الي يريد يرحم ام نصير اختي ويقدملها معروف يخلصها من زياد لأن هي تعبانة ويا
سألها شلون يخلصها من زياد
كالت بلفلوس
زياد يخرب علفلوس
هاي حجاية ام ظاهر
اخوي ماجذب خبر لم لعندة كلة وقدمة لزياد
وزياد من اول لحظة باع زوجتة بأرخص لأثمان
شيخهم بقة ساكت مايعرف شنو يحجي ويبرر
غضنفر،ماخلالهم حجة
ابو زياد عينة على ابنة ويخازر بي
دليل ضدنة ماعندة زياد وسالفة ال١٦ مليون حسيت ماتفاجئو من درو بيها كأنما عدهم خبر
وكف شيخهم على حيلة وكال
انة ليوم جايب زياد جوا رجليكم وشتفصلون احنة نلبس
زياد تهستر يلتفت على ابو وعمامة يتهامس وياهم
رجع علشيخ يكلة عمي ماكو هيج شي يجذبون
ابو نتر بي وكالة سد حلكك خزيتنا لابارك الله بيك
نتهت بفصل وقدره ٥٠ مليون
ولشيخ تعمد هوة وغضنفر يطلب مبلغ هلكدة ناوين على زياد يجلطو
شيخهم كال يجرالكم وزايد
ونتر بزياد كالة اتصل بواحد من لولد خل يدزولك فلوس
ماعندي منيلي كل لعندي بلعقار فلوسي عد لعالم
طول ماهمة كاعدين كلهم ينترون بزياد ومحد محترمة بيهم وكأنو جايين ويا غصب عنهم
حتة ابو يخازر بي واي شي يحجي زياد يجذبة بلبرهان
والي استغربتة اكثر شيخهم رأسا وافق علفصل مانزل فلس من عندة خلا زياد مثل لجوا جمر يحوووص
كامو يردون يطلعون
جلبنا بيهم علغدا غضنفر سبكلهم بلباب لازم سلاحة ولازم حمزة بيدة
هاي من عاداتنا لو رفض لضيف ضيافتنا
نخلي سلاح على ركبة طفل الى ان يرجع لضيف
دخلو كلهم جوا
راحو لولد صبو لأكل ومدينة سفرا مناسف وخيرات الله
اكلو وشربو جايهم
وسولفنا شيخهم انسان راقي ومحترم ومبين هوة وكل لجاين زياد مايعجبهم ومدقوقين منة ومن سوالفة
غضنفر دخل جوا جاب سلاح جديد من فوك
وقدمة لشيخهم هدية
لرجال ماقبل ياخذة
غضنفر اصر وكالة هاي هدية من عندي
انة مايطب بيتي بشر ويطلع بلية صوغة
لرجال بقة يتشكر من عندة
وورا ماكملنة سوالف و كملو جايهم
كام لشيخ على حيلة جاب لفلوس من السيارة وحطهن بلكاع يم رجلية
غضنفر دنك شالهن بيدة رفعهن وتقرب الة وكالة
هذني ال٥٠ مليون مهر كريمتكم ام نصير
وهذا اقل شي نسوي حتة نكفر عن ذنبنا بحق البنية وهاي المرة لثالثة تنجاب سيرتها بسببنا ..........
انعام
سحلني للسيارة
للبيت رجعني جنت بعدني قريبة مامشيت غير امتار
دخلني حوا
صورتها ومنظر ايدها وشكلها من ازركت بين ادي حسيت روحها طلعت
ماتروح من بالي
ماعرف شنو لصارلي
دقايق وكمت ارجف وجسمي يختض
ذبت علية انغام بطانيتين بعدني ارجف
هواي سبحت من طبيتلهم ماتمر علية ساعات وادخل للحمام كلما المح خيالة او اسمع صوتة
شي اقوة مني مااكدر اقاومة
سخنت
عدن ساعتين اني على هلوضع
على كعدتي واتصلت عمة امريكا على تلفون لبنات تتصل على غضنفر مايجاوبها ناسي مبايلة وطالع
سدتة كشمش وجها يتخاطف وتسب بسللامة
سؤلوها شكو
كالت صاحية وسائلينها منو مسوي بيج هيج
كايلتلهم شريجتي
احس عقلي وكف عند الكالتة
مامستوعبة
صرت اصرخ بدون شعور فقدت
شلون ليش
شنو هلبشششر
انتر بانغام طلعيني منا طلعيني شتاني تذب علية نغل سللامة
اني مااكدر ابقة هنا بعد انغام دخيلج
طلعوني
اني ام مثكولة والله مابية على هلدهاء ولابية ادخل وية سللامة بحرب
تعبااااانة طلعيني انغام
طلعيييييني
مااعرف شنو لصارلي وراها وعيت بلمستشفى
ولدكتور يسألني عن اغتصابي ولصارلي
نهاريت اصرخ منو كالك منو حجالك
حاول يهدأني وفهمني انو انغام حاجيتلة بقيت الوم بيها واحجي عليها
نترت بية بصبر نافذ
شتتانين انعام شتاانين دتشوفين نفسج منتبها لروحج شكم مرا تسبحين بليوم
منتبهة لروحج شكم مرة تتقيئن كل التاكلي لمجرد غضنفر يخطف من كدامج
كافيييي وبعدين
عوفي غضنفر طزززز بي لترجعيلة
تعالجي لنفسج لأبنج النا
اني اختج مااستاهل لخاطري
اترجاج انعام والله دااتطكع عليج
ولج انتي كل لبقالي لاتأذيني خسارتي جبيرة
خليني اشوفج مرتاحة
تعالجي لخاطري
دموعها تجري جانت منهارة اكثر مني وصوتها عالي
همست اريدها تسكت
خلص خلص رح اتعالج بس سكتي
بقة لدكتور يسأل بية وكل سؤال جان يحفرني من الداخل احاول اجاوبة
بس تعبت اسألتة تتعبني
جانت دنية ليل
كتبولي دخول علمود ضغطي ولدكتور لنفسي كال لصبح يجي يشوفني
لصبح اول ماكعدت كلتلها طلعيني ماابقة
بقت تحجي رادت وعدتها اراجع عد دكتورة لأن مااكدر احجي بهلتفاصيل وية دكتور
طلعنة
منصور جان باقي برا
اول ماشافنة اشر لأنغام على ولد برا
اتضح واحد من حماية غضنفر وهوةيعرفة رجعت للبيت فايرة
جنت رايدة اخذ ابني وانهزم منا
يبقة ابنة بيني وبينا
دخلت ليجوا جان لبيت هوسة فهمت صاير ويا قيصر مشكلة وجايين ناس يحلوها
طبيت جوا تمددت راسا غفيت بلمتسشفى ماكدرت انام مامتعودة يتغير فراشي
بقيت نايمة كعدوني علغدا كلتلهم مااريد
لهناك واسمع صوت رمي كلش عالي
فزيت مثل المخبلة ركضت ليبرا اصرخ قسوووورة
على كد مالنومة بعيني ومفزوعة اتردم بلغراض
وصلت ليبرا واشوف غضنفر وستار وعمو رحيل وصميدع وبعد وياهم واكفين ويرمون بلباب
ولجهال جوا تلم البوش وتكمز وتضحك
اعاين على قسورة بلكاع كاعد بركن الأستقبال ومتدرر على نفسة
مغمض عيونة وملامح وجهة معفوسة وايدي على اذاناتة
تقربت مذعورة مرعوبة اكثر منة شلتة لصدري
رغم كبرة
حيل حضنتة ودخلتة ليجوا
صوتة يهمس الي يم اذاني
ماما اني مااريد اموت
اني اخاف
هاي ليش هيج يسوي بابا
كتلمن
كليلة لايكتل لناس حبابة خطية همة ماسوو شي
حيل احضن بي واهمس الة
لتخاف ماما اني يمك اني سندك وكل اهلك
اني مااريد ابقة هنا ماما حبابة اخااف
علما سكت رميهم قسورة ميت بين ادية من لخوف
كفت ناسهم وراحو دخلو كلهم جوا يسولفون صوتهم بلحديقة
طلعت برا بدون شعور بأعصاب جنت انتر
ابنك ماشفتة من جنت ترمي
ماشفتة جان وكف كلبة من الخوف
سواها على روحة والجهال تضحك علييييي
تقرب الة سحبة يمة
صدك قسورة
اي صددددك
ابني طفل بريء لاعايش ولاشايف هيج شي
طلقة بعرس اذا نرمت يجيني يبجي
عرفتي هسة شلون دمرتي الجهال بخوفج المبالغ بي
ولد عمرة ١٣ سنة يبول من الطلق
طللللق ؟؟
ليش الي رميتو رمي عاديييييي
اني مرة شكبرني ومتت خوف ابني طفلل تفهم شنو طفل
مومثلك بعمرة كتلت امك
تقرب الي ماادري شوكت طبع ايدة على وجهي
حسيت جمجمتي اختضت واذاني صدا لضربة بيها ونة
وصوتة ينتر لاتحجين هيج كدااااااااااااامة
مايحتاج احجي هوة شاف بعينة
وكفت كبالة وهمست طلكني اني مااكدر اعيش وياك ولا اكدر اخلي ابني هنا
وهوة هم بعد لصار مايريد يبقة يمكنم
هوة شنو لصار ليش محسستني انو اني جزار واكتل واذبح
اي صح انت موجزار ولاتكتل ولاتذبح
نسيت سللامة
كافي انعام كاااااافي
بس انتي الي تأذيتي
عائلة بكاملها تدمرنا
جدي تمثل بجثة فدعم بين ادية لفض انفاسة وجسمة منخل من الطلق
جدتي ماتت وندفنت غريبة واخيرهن بتي
اني محد عاش وشاف لشفتة
كافي تحسسيني انو انتي لوحيدة المضطهدة بهذا لبيت
كتلح عاذر وماريد منح كلشي بس خليلي ابني
هوا هذا لطلعت بي من لدنيا
تريدين تتعالجين حاضر،افرج الدنية واعالجج بس
كافي رحمة للميتين كافيييي لاتبالغين اكثر من هيج
ابالغ ؟؟
تريد احجيلك شكم مرة بليوم اسبح
لو احجيلك شكم مرة اتقيء من المحك
لوتريد اسولفلك شكم مرة غسلت القران مثل المخبلة لأن احسة نكس من لمساتي الة
تريد اشوفك الفطريات والأكزما والذبوح التارسة اصابع رجلية من كثر لسبح
ياريت اموت واخلص
يارييييت
هذا التكول عنة مبالغة دمرنييي
هذا شي موبيدي ولا باختياري
ماكول غير الله ليعيش بشر الي عشتة والي جاي اعيشة لحد هسة
لهنا وكافي
طلكني
اني على عيشتك مابية
وابني هم هذا كدامك وكدام لكل اخيرة لو اني لو انت
يريدني بجي وياي وتبجي تشوفة شوكت ميعجبك
يريدك هم هوة حر
تقرب الي نزع شماغا وهمس
هيج بكل بساطة تنهين لبيننا
واني مدنكة نترت لبيننا مات من زماااااااان
لحب الي بكلبج مات انعام ،؟؟؟
اي
عاينيلي ليش متعاينيلي شني لهلدرحة لعبانة روحج مني
مااعاينلك غضنفر روح منا ولتراويني وجهك بعد
اني ماريدك
لبينا مات بموتتها
موتتها الي ماضنيت بيوم تكون انت لسبب بيها
انعام عايني بعيني وكولي ماريدك وانة اعوفج ولخلق محمد
مااكدر ماكددددددددر
انت شنو كلي
ولك اني بخيالي مااكدر اعاينلك
اني من اشوفك اتذكر شرفي الراح
عوفني عوفنييييي احلفك بروحها الطاهرة
مااكدر اشوفك ولا اكدر اعيش وياك بعد لصار
بلع ريكة وهمس
انتي طالق انعام ......يتبع
مساء الخير يحلوين مشتاقة للتفاعل الحلو والتعليقات الي تفتح النفس
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!