#خنجر_الغضنفر
#الجزء_الثاني_بارت٥٦
#حنين_حاتم
قيصر....
من لتفتنا على صرخة قسورة من صاح بابا ودخل ويا رجال ومرة
غضنفر الدنيا ماسايعة فرحتة وذبح جوا رجلي
كلما يسألهم عن إمتنان يغيرون الموضوع
كلسا يهمس الي يكلي بسلا معرسيها ومايرضون يكلولي
هذا جان اقصى توقعاتة
اصر يروح وياهم رغم همة كلولة غير يوم احنة نجيبهم ونجي
الى ان رحنة للبيت وياهم جانت فرحتة متنغصة يتصور منة معرسينها وخايفين يكلولة
وصلنا وجانت الصدمة اكبر من استيعابنا
خصوصا من عرفنة لتفاصيل
وشاء الله ان يكشف كلشي جانو ناوين يضمو علينة
بيوم دخل قسورة معصب وجاب دفتر من فوك الكنتور ملفوف بوصلة كلها تراب ونطا الي
كلبت بي جان دفتر مذكرات وملزكة بي صور مغنين وممثلين وكاتبة اشعار يمهم وحكمة اليوم ومن هاي سوالف المراهقين
عيوني تتلاقف لكلام وتبتلع الأسطر
الى ان توقفت عد سطر مذكور بي
ليوم رحنة اني وماما لبيت خالة ام بدور
ماما بقت يم خالة ام بدور واني صاحتني بدور ليجوا لكيت موسى بلغرفة جان بملابس الدوام دفعتني بدور للغرفة وسدت لباب
اول مادخلت سخبني حيل لصدرة وبقة يبوس بية ويحظن اني دفعتة وكمت اصرخ
سد حلكي بيدة وكالي شنو هاي الحركات وتقرب للباب يهمس الها من ورا لباب
ترة اني تعبت كلتيلي مدة وكت احظرها الك واني كل هلمدة اتاني وتالي هيج تسوي وتصدني وتصرخ
بدور مو هذا اتفقانة اني كتلج اريدها برضاتها اني مادافع حتة ينشلع كلبي
كتلج اريد اتونس ووياها مو وية غيرها لتكليلي اجيبلك اغاتها
صار كومة انتظر
ترة اسحب لسيارة ولفلوس وكلشي
من ورا لباب تهمس الة
شبيك هاي عيارة تتدلع اضربها راشدين وسوي لتريدة
ماكدرت بعد اقرة شي
ومايحتاج اقرة المستهل شارح كلشي
احس الدم صعد براسي وعيوني صارن بكصتي
فرفحت عليها طفلة
وكلبي يغلي على انعام
اميش الي يتحرشون ببتها ويضيع شرفها وهي ماتدري
بدون شعور كمت اصيح عليها وقررت اخذ قسورة لأن بعد لصار مستحيل يبقة يمها
هي البنية الي جوا جناحها ماكدرت تحافظ عليها
لولد الي يطلع ويطب ويلتقي شلون تحافظ علي
ياريت بس موت
الموضوع طلع اكبر من الموت
تزامنت قرائتي لبعض اوراق الدفتر بمعرفتي برغبتها بشوفة ابوها قبل متموت ولاحة بهلشأن وباجية ولحد قبل متموت فازة من النوم تتحلم وتبجي علي
وامها مانعة هلشي وحايلة دونة ومجذبة عليهم ومقشمرتهم لمن محاولين يوصلون الي
ولقهرني اكثر بتنا دمنا لحمنا لاوكفنا على قبرها ولاكلفو نفسهم ينطوني خبر بموتها وهمة يدرون بية بلعراق وعدهم معلومات عن شغلي
وجمالة حاليها وية اهل القاتل ومصفين كلشي
وكأن لبنية مكطوعة من شجرة لو ماعدها اهل تاخذ بحقها
غصب برضاتهم جبناهم واجينة
لا إحنة الي مأمنين عليهم ولاضلتهم وحدهم ترهم بعد لصار وغضنفر اعرفة ماناوي يعديها على خير
بلطريق ادية تسللت للدفتر وبدون شعور بديت اقرا
والدمع يتجمع بعيني وروحي تفور
رجعت عدت الكلام وكملت لأن ماجنت اربط
قريتة بأستعجال
جان مكتوب
بعدها صدك ضربني وراح يأذيني طلع مسدسة
وكلي اذا تصرخين افرغة براسج
بقيت ابجي واتوسل الة
ليش تأذيني اني موحبيتك
انت موكتلي اتزوجج واعيشج بسعادة
ليش هسة تريد تأذيني
حباب عمو حباب الله يخليك اني والله حبيتك ليش تأذيني
شنو عمو ولج انتي شكد عمرج ليش
١٥
رجع ليورا واستغفر شمر لمسدس وايدة على راسة
تقرب لباب فتحها وصاح على وصاح على بدور ينتر بيها
ولج موكلتيلي عمرها ٢٠
وانت شعليك بعمرها
بت الكلب بكد بنتي نمارق ولج تجذبين علييييية
هذا جان اخر سطر مكتوب ورا ماكو شي كلبت الدفتر كلة
بقيت اغلي وروحي تفور كلما اتذكر المكتوب
تمنيت لو بس موجود جان اجرمت بي
رجعنة للبيت ورة دخلتنا بتلث ارباع الساعة دخل غضنفر
هد حيلي منظرة
اسأل بي وين جنت يكلي ماادري خذتني رجلية وردتني
عافنة ودخل جوة يسبح
ضليت الوم بمنصور واعاتب
طلعت الدفتر وشوفتة الحجي بقة مصدوم يكلي
مستحيل امها ابد ماعايفتها حتة من تطب للحمام توكفلها علباب
لعد هذا الحجي شنو قابل جبتة من جيبي
صرت اضرب علدفتر واصيح بأنغعال روحي فايرة
شوية ودخل غضنفر لدفتر بيدي خليتة جوة لقنفات
صاحتني انعام تتوسل الي تكلي لاتحجيلة على لدفتر ولرسائل
وعدتها مااحجي واني اصلا ماجنت ناوي احجي
لأن لبي مكفي وماريد ازيد الطين بلة
خلي لبنية ماتت بسترة ماريد ينجاب شرفها بشين كافي علي امي وكويكة وكابوسهن الي لليوم يراودة
وية دخلتي شفتة جان يسولف وية منصور
طلعت برا احجي وية لولد اريد اعرف شسوة وليش،مصر انو جليل الة يد بموتتها
عرفت ماماخذ ويا لاصميدع ولاستار رغم عينهم وية حمايتة من اول مااشتغل بس مودائما ياخذهم ويا اكثر شي يتكل على ثنين ولد عينهم قبل مدة
لزمت واحد منهم على صفحة وسألتة شسويتو من رحتو لجليل وولدة
بقة يتوسل ويكلي غضنفر محرص علينا مانحجي لاتكطع خبزتي فدوة يروح يبطلني اذا عرف
مالك غرض مااحجيلة ولا اجيب طاري
بقة خايف ماحجة الى ان نطيتة كلمة شرف
بعيد عن لبيت اخذني وكال
اخذناهم لبيتكم لقديم بقة يضرب بيهم الى ان اعترفو بكلشي حاجي على زوجتة
وكلهم ذبوها براس واحد من ولد عمك جليل وكالو هوة صاحب الفكرة وهوة الي بث هلأشاعة احنة صح ايدنا بس مالنة دخل
ماخلانة نطب جوا يمهم بس ربطناهم الة وبرة ضلينة واكفين نسمع صياحهم ولصريخ والحجي
وراها فتح لباب واشر النا كال اخذوهم شمروهم بعتبة بيوتهم وتعالو
جانت دنية ليل فوك ال١
من دخلنة جان الولد الي كالو علي باث لأشاعة على زوجتة حلكة يجري دم بشكل فضيع
اتضحلي كاطع لسانة وثنين من اصابعة
حيل ضربة قبل ماناخذة وكالة
مااكتلك ولك لموت هم بي راحة
كطعتلك لسانك حتة تفكر الف مرة من تجيب سيرة وحدة باطل على لسانك وتتسبب بسلبانها لشرفها واعز ماتملك
لباقين جانو مضروبين ضرب مبرح بحيث مااميز شكولهم
اخذناهم شمرناهم بباب بيتهم ورجعنا
هاي اولها وهاي تاليها
بس فدوة خوية ماوصيك
طبطبت على جتفة اطمنة ودخلت جوة اريد احجي ويا وافهم ليش مصر انو ولد جليل الهم ايد رغم ماكو اي دليل وشوصلهم الها وشدلاهم بيها
وية مادخلت دخل وراي حمزة بيدة الدفتر
نداريت اريد اخذة منة
توجه لمنصور ويكلة عمو هذا دفتر مذكرات منة لكَيتة بيد الجهال برة هاك ضمة
غضنفر كام على حيلة ملهوف عيونة يلمعن
سحب لدفتر وبلمكان الي جنت كاعد بي كعد فتحة يريد يقرا
تقربت الة باهت افكر بجذبة
ومنصور يمة يتلوفت وجها مخطوف
تقربت الة ردت اخذة
نطينيا خوية هذا دفتري بي شغلي مو مال منة هذا حمزة اثول
حيل سحبة من ايدي ونتر
دفترك بي بزازين
لو هذا خطك
يأشرلي على خطها بلورق
بقة يقرا بي ويكلب وانة افور يمة وادعي الله مايقرا ذيج الورقة
لكلام لجان يقرا اغلبة شكواها هن اشتياقها النة ولأبوها وفدعم وشكم مرة حاولت توصل الية وماكدرت
كام على حيلة اخذ لدفتر وطلع برا
لحكتة جان كاعد بلسيارة
رحت يمة دكيت علجامة ولا رفع راسة وهوة مدنك علدفتر يأشرلي بيدة
روح
دخلت جوا اروح وارجع بلأستقبال ومنصور وجهة ينطي الوان بس عوزة يبجي
على كعدتنة ورا اكثر من ساعة
وسمعت صياحة من لباب بعلو صوتة يصيح
انعاااام وينج
لكحتة
جان داخل جوة وية مادخلت بكل قوتة شمر الدفتر عليها صرخت و ليورا رجعت مااعرف شصارلها
هجم عليها مااعرف شجا
يصرخ بكل قوتة
انة مشغلة بنتي وية الموزيناااااات
بين مصدوم بلي اسمعة لأن متأكد ماقريت هيج شي وبين احاول اسيطر علي وابينلة انو فاهم غلط
فقد اعصابة شيجي بيدة يركعة براسة ويصرخ
كَرة عيني بنتي وية الموزينات تشتغغغغغغغغل
هذا الأمان الي جنتي موفرتة الهم
احجي ويا اريد
مايستوعب ولايمي فاصل
اخر شي سوا جر نركَيلتي علدرج حاطها حيل ضرب لشيشة براسة ويصرخ
كرة عيني بنتي بت ال١٥ سنة عاهررررررر
دم يجري على وجهة وهوة بعدة يريد يلزمها
يصرخ بعمتي امريكا مااسويلها شي بس نطوها الي خل تجاوبني ليش هيج سوت ليييييش
وين جانت عنها
حيل سحلتة اني ولولد ليبرا
بلحديقة بكل قوتي خضيتة
شبيك غضنفر شنو هلحجي
فضحكت بتك وانت فاهم غلط
ولك ياغلط ياغلللللط
صاح على لجهال كللهم جيبولي الدفتر
جابو الة
فتحة وطلع اخر ورقة
ماجان بي هواي كتابة ومبين كل الأحداث الي ذاكرتهن يخصن شهر قبل وفاتها مو اكثر
بديت اقرا بآخر ورقة
ماجانت نفس الورقة الي قريتها
لخط لكلام الي بيها كلشي يختلف
اخر ورقة قريتها جان بيها اخر سطر ذاكرة انو موسى ستغرب من عرف عمرها وصاح على بدور بنتر كاللها بكد بنتي هاي
وبتعد عنها
لهنا ذاكرة ومتوقفة
وماكو اي شي متكوب ورا بيدي كلبت لدفتر بلسيارة ورقة ورقة
اما لورقة الكدامي جان بيها تفاصيل اغتصاب تهميش كم حدث
ووراها مذكور انو بدور بدت تهدد بيها تفضحها كدام امها اذا متشتغل وياهن
وكامت تشتغل وياهن خوفا من انو يحجن لأمها
شكيت لورقة من لدفتر وقربتها على لورقة الي قبلها واشرتلة
شووووف ترة الخط مونفسة
هذا لكلام هسة نكتب
شني هسة نكتب مو هذا دفترها وسألت منصور وقسورة كدامك كالو اي صح دفترها
مااعرف بس متأكد هذا لكلام هسة نكتب
ولخلق محمد ماجان مكتوب انة كلبتة ورقة ورقة ولدرب كلة قريت لكلام لبي بدل المرة ثنين هاي لورقة ماشفتها
هاي توني اشوفها
بصوت عالي دخلت جوا وصرت اصيح بيهن
تعالللللللن
بعدني اريد احجي دك تلفوني
فتحت خط وكلت الو
صوتها خطف كلبي وبوسط ضياعي بهلمشاكل حسيت تنهيدة ملت صدري بلكاد كدرت انطق وارد
بلقيس هاي انتي
اي اني
نص ساعة واخابرج
سديتة منها جريت حسرة وعتني بوسط المشكلة
كملت واني اعيط بيهن فاير
وينجن
كلجن هنا كدامي شو
تقربن كلهن مشتغربات يسألن شكو
رفعت لدفتر بيدي
هذا لدفتر احد تلاعب بي وضاف علي كلام ماموجود وحجي ماانزل الله به من سلطان
تهم باطلة والي سوا هذا الشي مايختلف هن جليل وولدة
وياخذ عقاب مو اقل من عقابهم
بس اني رح انطي فرصة ربع ساعة مبايلات تارسة لبيت الي سوا هلشي يدزلي رسالة ويعترف بغلطة ويتعاقب بدون مااحد يدري وبدون مااشهر بي وحتة لغضنفر مااحجي
اما اذا محد دز رسالة اني اعرف اطلع الي سوا هيج وعقابة ضعف وكدام لكل وعقاب غضنفر انة مالي غرض بي هوة ويا
عفتهن كل وحدة تكول مو اني وتحلف وطلعت برا
لكيتة طالع
سألتهم وينة كالو ركب سيارتة وطلع ماقبل احد يجي ويا
دكيت علي سألتة وين رحت
كال اخيط راسي واجي ويصير خير
بقيت انتظرة
شوية واجت اخت انعام سألت على رجلها
جان طالع برة سألتها شتردين منة
انعام تريد نمشي كلبت لدنيا هسة تكلي ماابقة لحظة
وينها صيحيها الي خل احجي وياها
دخلت جوا وبعد مارجعت
رجعت دزيت لجهال على انعام كالو ماترضة تجي وعينها كلش متأذية
انعام :- صدمة كطعت كلبي
مااعرف شلون نسيت لدفتر من شدهتي وماحاولت اخفي يمي ولا ادري بيهم جايبي وياهم
بقيت اغلي على قسورة ودي اذبحة
ومااعرف اذا لكلام الي مكتوب بلورقة فعلا ستوة نكتب مثل ميكول قيصر لو جذب علي حتة لايضربني أو يأذيني عويحاول بهلجذبة يهدي غضنفر حتة لتصير مشكلة
بقيت ادك والطم
شوكت صار كل هذا واني جنتلها مثل ضلها
بقيت ابجي والوم بنفسي
انغام كاعدة يمي لازمة خدي بيدي لسيم نبت بي وجزء من لدفتر لطمني بعيني شاغت روحي للستار
بقيت الح على انغام اكللها كلي لمنصور خل ياخذنة هسة
طلعت ورجعت علية تكلي ماهوة برا
كمت على حيلي اعصاب ماضلت عندي
شتاني
اتاني يجي ويذب اللوم علية اكثر
مااتحمل احد يتهمني بتقصيري
لأن لو مقصرة فعلا بتربيتها ماانقهر
وليوجع اكثر انو اللوم يجي من عندة وهوةلسبب بكل لصار النة لوماجذبة ماجان وصلنة لهلمواصيل
ولابعمري تجرأت ادخل نفسي بينهم
تقربن كلهن الي يكللي كعدي ماتمشين ويحاولن يقنعني
فكرة لبقاء بينهم ولكل يشيرلي بأصابع الأتهام ترعبني
وكلة بكوم ونظرات التشفي والشماتة الي بعيون سلامة بكوم ثانيي
اسمع صياح برة وقيصر صوتة عالي
طلعت واشوف قسورة فوك حمزة وبلكاع يتمرغلون واحد فوك لثاني وقيصر يفاكك بيهم
تقربت مرعوبة
تذكرتة من جان بلمدرسة يومية كاتل واحد من الطلاب ومودين علية
كلت ماكو غير حمزة جاب طاري امتنان لوحجة شي عنها وهيج خبل قسورة
فاككهم قيصر وكل واحد اخذلة راشدي وجلاق وسحل طببهم للأستقبال
ردت افهم شكو ماخلاني ادخل
بقة هوة وياهم جوا
شوية واجاني قسورة
سألتة شكو ليش تتعارك ميرضة يحجيلي
طلعت برة سألت قيصر
ماكو شي سوء تفاهم وحليتة
قيصر احجيلي حمزة جاي يعير اخو بأختهم مووو
هوة هذا لجنت خايفة منة
لاء يابا موهيج ترة حمزة طيب وعلى نياتة ماعندة هيج شي بس هوة
تقرب يمي يتلفت وهمس
هوة يحب اماني بت عمة امريكا ومااعرف قسورة حاجي وياها مدري مباوعلها وهوة متسودن واجا علي يريد يفهم منة شكو
وماشاء الله ابنج ايد مو خشمة يابس
رأسا متعارك وية حمزة كايللة انتة شنو تحاسيني احجي وياها مااحجي وتضاربو
صحت على قسورة افهم منة
بقة ينتر ويحجي على حمزة
خل يولي هوة هذا يحجي بكيفة اني كلشي ماعندي دخلت للمطبخ اغسل وسولفت وياها لأن نفس صفي شو هوة اجاني يريد يتعارك
هوة رادها اني ماقصرت
نترت بي
احترم نفسك واحترم حمزة اخوك اكبر منك شلون تمد ايدك علي حتلو يضربك تروح تشكي لعمك لو لأبوك
شلون تمد ايدك علي
هاي تربيتي
ولو شعتب وشحجي غسلت ايدي منك على لشفتة ليوم
نزلت دموعي وردت ادخل
تقرب الي يهمس
ماما شبيج ليش تبجين
ميخصك لو تهمك دموعي ماجان سويت لسويتة ليوم بسببك اجيت ذليلة غصب عني مثل لأسير
وبسببك رح يلزموني من ايدي لتوجعني
ردت اهلك ذولة اهلك اني امشي ماابقة بعجبك تضل ضل
ماما هوة شنو لصار ليش هيج تسوين
يعني لازم اخسر واحد منكم
ميصير حالي حال لولد عندي ام وابو على راسي
هاي الي لايمكن تصير تكبر وتفهم محد بهلدنية راد مصلحتك بكدي
دخلت جوا خضرت ملابسنا وتحضرت
صحت على منصور كتلة تحضر حتة نروح وقسورة خلي هنا هوة ختار ابو يطبة وجع ماغزر تعبي
منا لهنا باعني
شوكت عرفهم شوكت حبهم ماادري
ميخالف بس خلي غضنفر ونطمأن علي زحمة نطلع من بيتة وهوة ماموجود
دخلت جوا اتاني
شوية واجة
مااعرف شنو لصار بقينة نسمع صوت سوالفهم جوة
شوية ودخل قيصر طب لغرفتة وبقة يصيحهن وحدة وحدة
كلسا تطب وحدة يمة وتطلع
وراها خنسو وطشو بلبيت
صحت على منصور مرة ثانية كتلة نمشي
واني احجي ويا بلحديقة طلع غضنفر من جوا
راسة ملفوف شامر شماغة علي
تقرب وهمس
وين ان شاء الله
منصور:- والله ابو إمتنان انعام ماترضة تبقة وتكول قسورة اذا يعجبة يضل خل يضل
قيصر:- انعام خوية كسري لشر ودخلي جوا بس هليومين وانة وعد بيدي اخذج لبيتج
غضنفر :- من رخصتكم اريد احاجيها
سحبني من عكسي للأستقبال ردت اسحب نفسي منة بس مااعرف ليش،من شفت سللامة بباب لمطبخ تعاين دخلت ويا بدون مقاومة
اول ماسد لباب حسيت جسمي كلة يرجف
ذكريات صور احداث كلة شريط نعاد كدامي
صرت ارجف
اريد اسبح
بعيد عني كعد وهمس
مااتقربلج لتخافين
واذا متردين تشوفين وجهي
هم نطيني ضهرج عمي راضي بس اريدج تسمعيني
ايدي صارت على اذاني بدون شعور
صوتة يحرك رغبتي المللحة بلسبح
نترت واني دايرة وجهي
الي مكتوب بدفتر بنتي احد كاتبة وانت كأب واجبك تعرف منو هلشخص وتعاقبة
لأن شرف بنتي موهين
خلوها بقبرها ترتاح
حتة الميت مايسلم
عرفت هسة ليش مااريد اجيييي
اذا الميتة ماسلمت اني اسلم على روحي لو اسلم على قسورة الي بعدة خطار وتعارك ونضرب كدامي يتمالخون هوة واخو تكول اعداء
تقرب الي حسيت صدرة التصق على ضهري
برعب بتعدت عنة
لتتقرب الي
احلفك بروحها لاتتقربلي ولاتلمس شي بية
عندك شي احجي بسرعة وخليني اطلع
انعام الي سوة هلسالفة ولخلق محمد مايطلع صبح قبل مااعرفة منو انة شاك بعمي اسماعيل بس مايطلع صبح اذا ماعرفت لفاعل منو ووحق روحها الفرفحت على شوفتي الي خطت اصابعة هلكلام لباطل عنها
اطلع بروحة بيدي
طلعة من لبيت ماكو انة مأأمن عليكم
ماعاولت الكاكم لاتناقشيني بلطلعة شيليها من راسج
مااكدر ابقة هنا مااااكدر افهم
لييش
لأن كلشي يذكرني بذاك ليوم
شوفتك صوتك قربك عطرك كلشي منك يذكرني بذاك ليوم اترجاك خليني اطلع
ضللتي هنا تأذيني وتأذيك وتأذي لحوالينة ومن ضمنهم ابننا
اذا هيج شوفتي تأذيج
ماتشوفيني اعزل روحي عنكم
اطلع من لبيت اروح ببيت عمتي
بس لاتكليلي اهدكم
طلعة منا ماكو
شيليها من راسج مااكدر على بعادكم خليني اشم ريحتها بقربكم
هونو علية فراكها ولخلق محمد احس ثيابي ثكَلت علي
حسبيني غريب وفاكَد ضنا
سويها لوجه الله انة اشوفن قسورة اهون روحي بي اكول اعيش لجلة واعوضة حرمانة
ها نعيمة لاتسكتين
لاتعليني
كافي علية علتي
حسيت انفاسة صارت قريبة علية وصوتة يهمس
ويلاااااه
هذا انة لجنتي تتوسديت ضلوعي ليوم تجز روحج مني
صوتي لجان يطربج ليوم تسدين اذانج عنة
دارني الة
راسي للكاع
اصابعة الخشنة على لجرح الي بخدي وعيني مررهن
حسيت راح اصرخ بكل قوتي
مااعرف شلون جنت اصبر على نفسي
صوتة يهمس
عسنها بلكسر ايدي
رفع ايدي على وجهة خلاها ويهمس الي
طكَيني
انة ماقصرت خذيت حكج مني
ايدي على جرحة واللفاف خلاها وهمس
بس ميخالف اخذي حكَج مني بيدج
تعاي لصدري
خل تلتأم جروحنا ونطيب واحد بلآخر
جرحج انة طيبة
عااااااذر ولخلق محمد عاااذر بس لاتجيبين طاري فراكَ
كافي هواي اخذ حصتة الفراك من عدنة
جنت مدنكة وبس دموعي تجري كأن سحر كلماتة بطل
ماعاد يأثر بية
مااعرف شوكت لكيت نفسي بلحمام لدوش مفتوح وبلكاع استفرغ كل الي بمعدتي
صوتة يضرب على لباب
نعيمة شمالج بوية
فتحي لباب
اخذج للطبيب
جان ودي اصرخ
بس ابتعد عني ابتتتتتعد
طلعتني انغام من لحمام
بقت تسأل شبيج ليس استفرغتي خوما دايخة
مااعرف انغام من اشوفة من يتقرب الي اقرف من نفسي
تعببببت والله تعبت قربة جاي يهلكني
ماعاولت اتشافة من الوسواس
داايرجعلي انغام ماجاي اكدر اقاوم تعببببت
حضنتني لصدرها وتهمس الي
شكد كتلج خل اخذج لطبيب
صارحي كليلة بلي يصيرلج وانتي ويا ابدو رحلة علاج الى ان تتشافين
اكلج قربة يهدني هددد تكليلي انتي ويا كافحو برحلة علاج انغام شبيج
براحتج انعام شتفصلين البس جاي تشوفين وضعنا اني ومنصور لانكدر نعوفج هنا ولانكدر نرجع نخاف لايطلع صدك جليل وولدة الهم يد بموتة منة ويجون يأذونة
شلون بينا احنة نبقا هيج
انتي مرتة وقسورة ابنة
اني ومنصور شنو موقعنة من الأعراب
خطار حالكم من حالي
اني هنا ماابقة تخلص سوالفة وثاراتة وكل احنة نروح
اما قسورة يعجبة يبقة يعجبة يجي ويانا هم هوة حر حتة باجر عكبة ليكول حرمتيني منهم
صبو اكل
جنت بلمطبخ واكفة اغسل
وكفت كبالي متخوصرة وتفر بيدها
والله انتي ثور الله بزرع الله خايبة شني متصورة يضل على اطلالج كل هلسنين
لا وازيدج من الشعر بيت ترا هوة ماطلكَني اصلاااا
يعني انة مرتة واضل مرتة بحجرتي ينام ويتوسد فراشي ليلية ومايتكَربلي ؟! ليش شكَالولج نبي هوة
عقلي فصل ماردتها تتشفة بية ابتسمت وحابسة الغصة وهمست الها
عادي حبيبة شبعي بي الله يهني سعيد بسعيدة تلوكَون البعض ويني ووين هلدهاء اني وشجابني على هلملة وشورطني
طلعت من المطبخ افوووور رحت برا صحت علجهال يصيحو الي
شوية واجة جان مشمر عن ادي وواضح جان ياكل
اشرلي بيدة خير بوية
هاي تاليها تطلع كل حياتي وياك جذب بجذذذب
شنو الجنيتة وياك غير التعب
اني تضحك هاي السلاب علية
اني تستغفلني كل هلسنين
وتكول احبج
خي عون كَلبك شكَد صلف
اني مثلك ماشفت كل عمري شوف تالي جذبك وين وصلنة حسااافة والف وسفة بيوم امنتلك حرامات السنين والعشرة حرامات بيوم صرت ابو جهالي وحرامات كل لحظة ضيعتها وياك
هاي شجاي تحجين
سؤال جاوبني علي وبدون جذذذذذب
طلكتها لو جان فلم حالة حال كلشي عشتة وياك
شبيج بوية منيلج هلحجي
جاااوب
صفن بوجهي جسر حسرة صدرة ارتفع
زفر الهوا وهمس وحك الله بيني وبين ربي طلكتها وحرمتها علي نفسي حالها حال كشمش
وروح منة
لاتحلف بروحها
مامجبور تجذب وتكلي طلكتها مامجبووووور
لاء مجبور
كتلج طلكتها حتة ماتكدر تغشج بأفعالها مثل ماسوت ذيج المرة
وحتلو حاولت ماراح تصدكيها لأن عندج خبر هي مو على ذمتي
ماردتها تبقة تثير غيرتج علية وتخرب صفو حياتنا
ردت نبقة مرتاحين وبنفس لوقت ردت احافظ لأبني على حياة حالة حال لجهال
ماردتة يروح من ادية ويتشتت
ضلتها بيننا وهي موعلى ذمتي ماترهم
ماترهم مرة غريبة تعيش بيننا
بعد شمجذب علية احجييي
كول
كافي تصدم بية كافي
طلعهن كلهن من هسة
مامجذب بشي انعام
وحتة لجذبة الي لازمتها علي زلة مالي بيها غاية من حبي الج
ماردتها تأذيج واعرفج انانية من يصير الموضوع يخصني
والله محد اناني غيييييرك كضيتها وياك جذب بجذذذذب
سنين عشتهن وياك يومية جذبة
سنين ضام علية شغلك عايشة وياك مثل لعمية
بموتتة امي جذبت علية وخليتها ماتت ماراضية عني وحتة ماوكفت هلى جنازتها
بطلاك سللامة
وموبعيد تطلع تتقرب الها وهم تجذب علية
ماعندي بعد ثقة بيك
ضلة هنا ماالي
ابنك الك
واني مولية يندلني شوكت مايريد يجيني ولو هوة نكرني بساع بساع
دخلت جوا صارت بوجهي
بغل همست الي
لتصدكين بي ترة ماعافني على ذمتة علمود جمزة
خلاني على ذمتة لأن هددتة احجيلج حقيقة شغلة
علمود هاي خلاني على ذمتة
هاي الجملة حرفيا اماتت ذرة الرغبة بلبقاء
وصرت على اتم الأستعداد للفراق حتلو كان يترتب علي خسارة ابني
لميت ملابسي وطلعنة اني وانغام
وكف بوجهي ونتر متطلعوووون
انعام كسري لشر ودخلي جوا
مرتديني لاترديني وجعي متشوفي بس طلعة منا ماالكم كتلج مامأمن على حياتكم
انة مومثل قبل الي اعداء وناس واصلة واول متفكر تضرني تضرني بيكم
انة مابايعكم
ابنك يمممممك
اني مالك دخل بية وكاالك كلشي علية
متطلعين كللللللت
لتخليني اجبرج على شي
سحبني من ايدي بكل قوتة للأستقبال انغام دخلت ورانا تحاول تفكني من ايدة
دخل قيصر من برا
سأل شكو
غضنفر:- ماكو شي انت شسويت علسالفة
تقرب الة مااعرف شنو همسلة
ايدة على شواربة وظرة تركز على المطبخ
بصوت عالي صاح سلللامة
اجتلة تتلاطم طبك لباب نززني
بأقل لثانية
ايد سللامة نطبكت ليورا
لساعد نطبكَ على جتفها
احس عيوني طلعن من مكانهن وروحي شاغت وية شوغتها ووجها الي إزرك مثل لأطفال من تفحط
شفت اصابع جفها يم جتفها وجزء من عضم المفصل طلع من اللحم
صرت اصرخ وحيل اضرب على وجهي
كاااافي كااااافي
انغام بلكاع كاعدة وعيونها مسلهبة
ماادري شوكت لكيت نفسي اضرب بي بكل قوتي وقيصر يسحب بية
ولااعرف شوكت لكيت نفسي بلشارع اركض حاافية
سيارتة تقربت الي وحيل مد ايدة سحلني
رجلية بلكاع نسحلن
للسيارة دخلني تكومت جوا راسي على رجلية
...
قيصر:- لزمت لجهال قررتهم واحد واحد
الخط جان مال شخص جبير خط مرتب
حمزة حسيت علي يريد يحجي شي بس خايف
قبل مااوصل الة بلسرة من وحدة كال
عمي اني اعرف منو سوة هيج
منو
جدو اسماعيل
هذا حجي جبير عندك دليل علي
اي
شنو دليلك
طلعلي دفتر مال محل غضنفر لدفتر قديم بي حسابات وقوائم دين مال لمحل اصحاب سيارات يجون يسوون وتبقة عليهم فلوس عمي اسماعيل هوة المسؤل عن احسابات
قارنت خطة بلخط الي بلدفتر اكو شبه جبير
وتقريبا محد بلبيت يعرف يقرا ويكتب غير شكم شخص واغلبهم جهالنا الي بلمدارس ولجهال خطهم يبين اعرفة لأن انة بيدي ادرسهم
اخذتة وبلسيارة رحنة
على صفحة لزمتة وكتلة عمي تحجيلي ليش هيج سويت
حاول ينكر كتلة بلا لف ودوران كل لأدلة ضدك
كالي احجيلك بس بشرط
اشرط والله والك عين
اخذ عيالي واطلع ومايمسنا سو
ماشي
قبل مااحجي تودي على عيالي يجوني لهنا
وانة احجيلك بلتفصيل
وديت على عيالة ردت اعرف لسبب ومااكدر امد ايدي علي واجبرة
مااكدر ابد شكد حاولت
مو لأن عمي
بس شيبتة وكفت بعيني
لمن ماشاف قسمة ومرتة
يلله كال
سللامة طلبت مني ووعدتني بس يتم حمزة ال١٨ تخلي يحول القطعة لي بأسمة بأسمي
هي ماتعرف تقرة وتكتب ورادت تخلص من انعام
انة هم ردت ائمن مستقبل عيالي
لبنية ماتت لشي الي كتبتة لايضرها ولايفيدها
لايقدم ولا يأخر
ياعمي هاي لدنية صعبة وانة كلشي ماضلي ردت ائمن حياة هلنسوان الي بركبتي
لللليش هوة مقصر وياهن
ولك لو طالب منة بسجل شي بأسمك يقصصصصر
هديتة ورجعت للبيت فاير ماكدرت كلشي اسويلة
وكلت احجي لغضنفر وهوة حر شيسوي ويا يسوي
وانة بلطريق اتصلت بية بلقيس
بصوت ناتر كالت
باركليي
على شنو
نخطبت
هاي شجاي تججين
سدتة بوجهي
بقيت ادك ادك ماتجاوب
روحي فارت
❤
دخلت جوا سألت على غضنفر كلولي طالع
دكيت علي
وين انت
رايح لبغداد
شتسوي
اريد ازور قبرها مااكدر بعد اصبر
تندل
اعرف لمقبرة واسم لدفان واهبد والكاها لتخاف علية
وين انت
بعدني قريب توني طلعت جاي افول بانزين
تانيني لعد انة هم اريد ازورها
خوش راح اتانيك يم لسيطرة لوردة لمحطة
ركبت ولحكتة خفت علي لايوكع
وصلتلة نزلت من لتكسي وركبت ويا
شموازيك خليها على غير وكت
وازتني روحي الحنين هم مثل لخلكَ وليوم هب ريحها لية
كلما ترمش عيوني اتذكر ملامح وجها الناعم
غيونها الشهل بياضها شفايفها الماشوفنهن كد ماحلكها زغير
اتذكر بيوم شلتها على صدري من جانت بكد ايدي وتمتمت يم اذانها
حلفتها تصون رباي وتحفظ ماي وجهي
حلفتها لو كبرت ماتكسرني مثل لكسرنني
وحلفلتها اصيرلها سند واحميها هي وامها
حلفتلها الي يرشها بماي ارشة بدم
والي يكسرلها خاطر اكسرلة ضلع
تالي لاانة لوفيت بوعدي ولاهية
قيصر:- جنت ناوي احجيلة على عمي بس ماكدرت
كلت ائجلها
جان يمشي كلش سريع
وصلنة ورحنة للمقبرة دلونا بلدفان مالتها ودز ويانة ولد دلانة بقبرها
جانو خالين صورتها علقبر
شكلها وحسنها تشبه امها بيوم طبتلنة قبل سنين
وجهها ملامحهها برائة على حسن
بقيت صافن اتمعن شكلها ودموعي تجري
اتذكر المكتوب بلدفتر وروحي تعتصر
اعاين علي بثنين ادي حضن القبر مثل اليحضنلة بشر
وصوت شهكاتة تعالة
وراها كام يحجي وية صورتها
ايدي على وجهي امسح دموعي
حيل سحب قميصة تكطعت الدكم بدي ويضرب على صدرة واشم اسمها واسم انعام
هايبوية انة اجيتج ووفيت بوعدي
بس انتي ماوفيتي بوعدج
يشيل تراب من لكاع وحيل يفرك بي بوجها
ويصرخ
اشم لهوا وتشمين ترااااااب منة بوية
عمت عين ابوج يابعد حيل ابوج المهدود
منين اخذ حكَج كَليلي
شلون تطفة هلنار كليلي
شسوة بحالج لتراب
ضل شي من ملامحج لو راحن
شعرج الحرير وجهج الترف
شضل منج كليلييييي
تسمعيني
ليش ياستري وهيبتي
ليش ياثالث عيوني وشيبتي
احسن مني بيش لكَبر يحلالج
ولج شنسا
،صوتج، سوالفج ،لعبح، دلالج
يمنة تغيريتي وصرتي مومنة
وبراسي ذكرياتج هنة هنة
شكد بجيت شكد دعيت يردج الله
وجنت اصيح اسم الله لو جاستج علة
وحيل لصدري المج لمة الزعلان من يتدلل
وصفيت الزم بكومة تراب واضمها لكلبي لمعلعل
كلشي بهلدنية يعدي و يهون
و موتتج هونت روحي وماترضة تهون ....حنين حات
بقة يحجي وية القبر ومرة يشعرلها
كطع باب كلبي
كومتة ردت
يدفع بية يكلي ماكومن اذا ماتحجيلي ياهو لموتها
احجي يبوية بردي ناري
ردي علية
ماتشكيلي تشكين لفدعم
ولج اسألمن انة حاجيني
اريد نارج تطفة اشكيلي خل اخذ بحكَج
تعبان يابعد حيل ابوج والله تعباااااان
ماشفت راحة شكثر تانيتكم وكل يوم اكول ليوم تتصلون كل يوم اكول يطيب جرحها امج وترد علية ماتكدر على فراكي
اوكف على كَبرج يابوية ماجانت بلحسبان
ولاضنيت هليوم يجي
ردتج لكبرتي وشيبتي يامنننننتة
كوة كومتة من قبرها وجبتة
جان هلكان سقت بمكانة اعاينلة قميصة لأسود ابيض من التراب وشعرة هم
شوية وغفة وكلسا يفز
وصلنة جانت قريب الغروب رغم امشي سريع
دخلنة جوة كمل نومتة وشوية وكعد
سألني على لسالفة
حجيتلة على سللامة ومكيدتها وسواية عمي
كوة فرغناها من ادي ركضت بيها للمستشفى
ستر الله حمزة جانو دازي للسوك
راحت وياي عمتي
كالو عملية كبرى جلبو بية للمركز كبل
لدكتور شخصها فعل فاعل كال
وصيت عمتي تتصل بغضنفر وكلتلها ساعة مااريد ابقة كليلة فورا يلحكني ويطلعني
اريد افهم من بلقيس
روحي فارت
لنفس كوة يصعد لصدري
ورة اكثر من اربع ساعات يلله طلعوني ودخلو واحد من حماية غضنفر بمكاني علما تصحا ويفهمون منها منو الي مأذيها
عمتي يمها بقت
طلعت دكيت عليها بقيت ادك
لحيت هواي يلله ردت
بنتر واعصاب نافذة
بلقيس شنو الي سمعتة ستونننننننني
باجر عقدي باجر عقددددددددي
للمرة لثانية اتاني منك خبر وانت حتة اتصال ماكلفت روحك
تتانين ؟؟
ليش شكد توسلت شكد قنعت هسة طلع لصوج بية
لابية لصوج خلص قيصر روح عوفني بهمي
ولج شنو رووووح
لعب هوة
انة ساكت وصابر عبن انتي الي رافضتني كل ذيج المدة ورافضة حتة اتصالي كلت خليها على راحتها
بس هسة اسألج للمرة لثانية
الح نفس بية
لو ادز اوادمي توكفين وياي ؟......يتبع
تأخرت والله من ل٤ لعصر اكتب على فد جرة اريدهن يصيرن ٤ الاف بلكوة صارن 😭
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!