خنجر_الغضنفر
#الجزء_الثاني_بارت٦٧
#حنين_حاتم
بلقيس
دخلت امي ودخل وياها خالي
ادفع بي ثكيل ونعسان يدفع بأدية ويكلي خليني مرتاح هيج
لمن خالي كال بصوت عالي سلام عليكم
لحمد لله علسلامة خالو
طفر على حيلة يغطي بية صعد لجرجف لراسي ادي يمي وعينة على خالي مصدوم
ندار علية يكلي هذا خالج هنا صدك لو اني مسطور
بضحكة تقرب خالو تسالم ويا وتحمدلي لسلامة
اعرف جيتة موعلمودي ولا علمود يتحمدلي لسلامة
واعرف كلش زين امي هي الي ودت علي علمود يضيقون الخناق على قيصر خاف ينهزم مرة ثانية
على كد ماضوجني وخلاني للملامة قررت مااتدخل اببد وخليت لمهمة لخالي ولأمي
يسحلو ذهابا واياب
بس على منو
ماكدرولة يذبو على راسة يوكع على رجلي
انتهى نقاشهم وهمة يتعذرون من عندة لمن شرح الهم حالة غضنفر الي جانت صعبة كلش
واجتهد بلشرح وعينة دامعة وهوة يشرح الهم كيفية طلعتهم من لعراق وشلون بليلة الي رادو يطلعون بيها داخل شخص لغرفة غضنفر ورايد يكتلة لو ما الله ساتر ثواني فصلت بين موتة اخو ولطلقة الي رماها
وبسكوت منهزمين مثل لحرامية
وبلطيارة غضنفر متخربط
وباقي اسبوع كلبة تعبان وملتهي بي يبات ويا
وخبصتة وية عائلتة الي كوة كدرو يحصلون الهم مكان يسكنون بي على كد الفلوس الي عدهم ودافعين اجار ٣ اشهر
وراها من متحسن بايعين بيوتهم الي جانو يسكنون بيها ومشترين ٣ شقق هناك و باقي يراجع عد دكتور قلبية كل فترة الى ان مستقرة حالتة
وسمحولة يسافر للهند وهناك بادي رحلة علاج صعبة بين علاج طبيعي وتداخل بلأجهزة ونتلات وهواي تفاصيل جان يمسح دموعة وهوة يشرح الهم
ويبين علي شكد تعب وعانة حتة يخلي غضنفر يوصل لهلمرحلة
يشرح الهم وضعة اول مااخذة مثل لطفل شيل يشيلة وللحمام يدخلة يسبحة
يسولف علي شلون يبجي ويعصب وينهار من ضعفة ووضعة وعجزة الي مامتقبلة ابببد
واكثر من مرة يلزم سجينة لو موس ويريد ينهي حياتة ويتلاوا ويا ملاوة
شكد يرفض لعلاج ويكعد يتوسل الة يكلة حصللي مسدس خل انهي حياتي واخلص اني مااريد اعيش هيج عالة على احد
رغم هوة جان يحاول يحسسة بأن هوة مامشكل عبئ وطول لوقت يحاول يضحك ويا وابد ميتذمر ولايبينلة انو ضايج منة أو تعبان
رغم يتعب ويهلك
وبقة يشرح حالتة الي بمراحل معينة عانا من الأكتئاب وجان يرفض لعلاج ويحبس نفسة وميقبل يحجي وية احد
اجهد نفسة وهوة يشرح معاناتة وية غضنفر والتعب والمجهود البدني والنفسي الي بذلة حتة يكومة على حيلة
وبانت تباشير الفرح والأمتنان لله
من بدة يشرح شلون بدة يمتثل للشفاء ويتحسن
ويوم عن يوم يكبر لامل بداخلة وهلأمل جان سببة قسورة الي يحجي ويا ويشجع بي ويكلة بابا تعالج حتة تجيبنا اني وماما يمك
اني وماما محتاجينك ومشتاقيلك
وهواي كلام بعضة جان قسورة يحجي من كل كلبة وبعضة جان قيصر يعلمة الة ويدرسة حتة يأثر بغضنفر وميضعف ولاييأس
رحلة علاجة جانت صعبة ومتعبة وبطييئة جدا
اشهر يتحمل الألم والمعانات والأجهزة والنتلات التحفيزية وهواي امور وبنهاية الشهر إما يصير تحسن ملحوظ او يعدي لشهر وكلشي ماكو
وهذا لشي جان يدفعة للتمرد والرغبة بترك لعلاج واحيان كثيرة جان راغب بأنهاء حياتة وتخفيف الحمل عن اخو وازاحة العبئ الكبير عنة
خصوصا وهوة يشوفة تارك حيااتة وتاركني معلكَة ويعرف بكل المشاكل والظروف الي تصير
بس ارادة قيصر وصبرة والأمل الي عندة وحبة لعظيم الأخور وتمسكة بي واصرارة على ان يرجعة على حيلة
انتصر بلنهاية
دموعي نزلت واني استمع لحجية
امي وخالو بقو يبررون موقفهم الي تلكو بي
خصوصا خالو الي بداها بعتب قوي لكن بعد ماسمع اسبابة ومبرراتة وخصوصا انو همة ميعرفون بي جان يتواصل وياي وجنت اتعارك ويا وانهيتها بحضرة من كل لبرامج وكل لأرقام الي تخصهم
بأبتسامة انهى خالو النقاش وهوة يطبطب على كتفة ويكلة
لحمد لله على سلامتة مرة ثانية وعاشت ايدك ان شاء الله اجرك عند رب لعالمين جبير ويتمم شفائة وان شاء الله هاي الظروف الصعبة تنذكر وماتنعاد
مشكور عمي الله يبعد عنكم المرض
_هسة رجعتك هلمرة ان شاء الله بيها كل الخير ونفرح بيكم وليدي انت تعرف بلقيس وضعها مختلف ووراها شمات راح يصير سنتين انتو مخطوبين وهي مطلقة ماترهم خطوبتها هلكد تطول وانت كلك مفهومية
_بدون متكول عمي اني راجع حتة اخذها ورجلها على رجلي ان شاء الله تتفضلون انت ووالدتها تجون ويانا وهناك بحيل الله اسويلها احلى عرس
نصير فجأة طفر يريد يصعد فوكي يحضني
سحبة قيصر لحضنة ويكرص بي ومدري شيتمتم الة
خالي ضحك وهوة يمازحة وكلة
اني اجي وياكم ماترهم احضر عرس بت اختي انت ابن عشاير هاي اهانة الي ههههههه
لا عمي ماعاش الي يهينك بس قصدي حتة يتم كلشي بحضوركم
لاوليدي قابل انتة غريب انت نسيبنا قبل ماتاخذ بلقيس واختها عدكم وامها تجي وياها ان شاء الله وهناك تسوون عرس متسوون انتو احرار بس يبقة عقد المحكمة اريدكم تسوو قبل متطلعون من لعراق
اكيد عمي اني محسب حسابي وجايب مستمسكاتي كاملة وهنا نعقد لأن بعد ماترهم نرجع لبغداد رجعتي صعبة شوية
اني اسبوع اشتغل على جيتها واتصالات ووكلت ناس اقاربي يحجزون ويرتبون كلشي حتة اجي واخذها بدون ماتصير مشاكل
بذهول نفتحن عيوني
شنو رتبت شنو وكلت ناس
عاين الي صفح ودار وجها كمل حجي وية خالي وامي
مديت ايدي من لميز سحبت مبايلي
لكيت انعام داكة علية اكثر من مرة وصديقاتي بلدوام داكات ومرة خالو
دخلت على لواتساب لكيتها دازة رسالة
لحمد.لله علسلامة حبي ترا اني معلية هوة كلي راد يسويلج.مفاجأة
عفية عائلة شغلها كلة بلسر والجذب متكاتفين موبيدنا
وخالة سمايل يضحك( 😂)
دزيت الها
ها ولج منا لهنا صرتي من ضمن العائلة الكريمة
وضامة علية كمتي مثلهم تشتغلين بلسر
جانت نشطة رأسا جاوبتني كتبت
شسوي من عاشر القوم
شلونج شخبارج شلون صارت صحتج
لحمد لله زينة بعدني بلمستشفى بعد شوية نطلع انتي شلونج قسورة شلونة اختج
كل احنة بخير
انتي وين
بعدني بأمريكا مبقةشي ويخلص لعام لدراسي وانقل قسورة وننتقل يمهم وخالة سمايل لقرد لخجلان
ورا دزت وانتي شنو صار وياكم
ماصار شي ناصبين محكمة لقيصر عود ديحاسبو تالي صفو يبجون علي وعلى اخو
عبالهم ينكدر عود مسوين علي اتحاد ميدرون يوديهم للشط ويرجعهم عطشانيين
ههههههه ميحتاج تشرحين عندي نسختة ٢ مو واحد
يلله صيري زينة بساع خل نفرح بيكم صار سنين ماضكنة فرح بس الهم والقهر
والله يااختي اني لو بيدي من عين باجر اكوم على حيلي ههههههه
اعرفج عباس لمستعجل انتي وابو طويلة مفلحمين
ههههههه يلله خل اروح كام يخازر ابو طويلة شلون لازمة لتلفون واضحك
براحتج حبي ديري بالج على صحتج وعندج لعافية ان شاء الله
سديتة ورجعتة لمكانة
عاين للساعة كال يلله بساع خل نلم لغراض ونطلع خلص وقتنا اذا تعبر ل١١ بعد بحسبو علينة يوم ثاني
كامو هوة وامي يلمون بلغراض وكترو لمكان وجابولي كرسي متحرك وطلعنة
خالو بلطريق كال اني اروح للكراج عندي دوام مانطوني اجازة بس يومين
قيصر جلب بي كلة خل نريكك عاد
اخذ اكل سفري ورحنة للفندق
السويت حجمة زين تريك خالو وشرب جاي واخذة قيصر وصلة للكراج ورجع
عدت لأيام بسرعة وتحسنت ووضعي استقر قيصر مايكعد راحة حتة امي حست علي
يتانيها تطب تتسبح ويقشمر نصير بلمبايل ويسد لباب لايفيد حجي لايفيد تدفع
شكد اشرح افهمة اكلة امي حاطة ببالها عبالها احنة متزوجين فعليا لتزيد شكوكها
يضحك علية يكلي خل تزيد شكوكها بلكي يصير عدها حساس
نايمة علجرباية واكلب بلمبايل ودخل بساع قفل لباب وطفر علجرباية وسحب لتلفون من عندي
وبهمس كال لحجية افتهمت لموضوع كامت من تشوفتي احوس كبل تاخذ هدومها وتدخل للحمام
بضحك رديت واني ادفع بي واحاول اخلص روحي
مااريد نصير يحط بالة يمنا كلما ينسد لباب يضل يسأل بية شنو وليش
بعدني ادفع بي وندكت لباب وصوت نصير برا
كام يفتحها ويتذمر
دفعة نصير ودخل وكف يمي وكال دوس (فلوس)
شلك بيهن
يباوع على قيصر وكال
(اليدهن ) قيصر طلع من جيبة الف خلا بيدة
رجعة علي ويكلة مو هذا اريد ازرق بلو
يهز بيدة ويضحك
شوفي شوفي وانة اكول من اهل الله واتبرك بي
من هسة كام يساومني
دنك علي شالة ويضحك يكلة
ولك هاي محسوبة عليك ترا
جنك طالع على ابوك كاعد تبيع امك بخمسة عيب على شواربك
نترت بي امشي باوع تلفزيون وفلوس ماكو تريد حلويات تطلع بيبي وتنطيك من كنتورها
من شافني عصبت اخذة وطلع برا
شوية واجة يتخنس فرحان
تقرب الي ويهمس نام نااام والحجية اجتها لندارة كاعدة تغسل ملابس
طلعي ورقة وقلم وسجلي اللحظة والتاريخ
هاي اللحظة راح تذكريها بحياتج ومماتج
ايبااااخ مو لحظة جائزة نوبل ماتلحكَها
تستهزأيين مووو
لا مااستهزأ
ولله مااستهزاااااااااأ
جنت لبارحة شايلة خياطي وناوين باجر نروح نبدي بأجرائات عقد المحكمة
ماانتهى الموضوع غير وهوة متقرب الي ومتتمم زواجنة
رغم ماجنت قابلة وخايفة بس ماكدرت
جان فنان بمعرفة نقاط ضعفي لدرجة نسيت نفسي بين ادري ونسيت امي ونصير
نايم بضهري وراسة بشعري وصوتة يهمس يم اذاني وهوة يداعبها بشفايفة
اقيمج جيد جدا والمرة لجاية اريد امتيااز
دفعتة واني احاول اتملص من حضنة واتحجج بعمليتي
لا لا حضرة المشرف بعد ماكو مرة ثانية منا لزواجنا
يصير خير يصير خير ان شاء الله
نطيني وعد
لا ماانطيج وعد لأن راح اخلفة
لافدوة قيصر ترا ماترهم هسة امي بس تطلع انت تاكل كلبي اكللل وحتة نصير يتحسس من يشوفنا نسد لباب هسة شنو لازمتها نتزوج والله كريم لا حكين
شلون شنو لازمتها غير نسوي بروفات منا للعرس
حتة بليلة زواجنا تاخذين امتياز
قيصر احجي صدك ترا
ومنو كالج انة اتشاقة
كوم لعد يلله اطلع منا ورايح اقفل باب لغرفة انت ميتأمنلك
كام على حيلة يلبس ملابسة ويضحك ويأشرلي على ركبتي وصدري
عاينت الهن وضربت على وجهي اتخيل ردة فعل امي لو شافتهن
ميصير هيج ترا
بوية شنو ميصير غير درجتج هاي
صححتلج واخذتي ٧ من ١٠
تقرب يحسبهن ولمصادفة الي ضحكتني
انو صدك جانن ٧
ضحك وهوة يأشر بلسبابة على راسة
ضحكي فطيرة عبالها صدفة بوية احنة نخطط ونتكتك مباراة شبه نهائي هاي مولعب
والجمهور برا مترصديلنة امج ونصير
هسة اخاف اطلع وياكلوني
اسكت بلله كلة من جوا راسك شكو عليك
اني هسة تموتني امي روحي تطلعها بلحجي ولملامة
لتخليني اطلع اتعارك وياها شني بوية زغار احنة لو ناهبج
لا هاي ولا هاي بس احنة موااجانب ومبقة شي على عرسنا هسة تكلي شنو ماشايفين مخابليل لو جهال
كليلها اي ماشايفين
وين شايفين بوية محرومين سنين كاعدين على دكة لأحتياط هاي اول مرة ننزل بلساحة
اطلع اطلع
كمت ورا اريد اقفل لباب
بساع همش لمفتاح من لباب وخلاني اتوسل
ماطلع اذا مو لمفتاح بجيبة
وصيتة مايسبح الى ان تنام امي
بعنادها دخل للحمام واني الوب
تانتة نزل للاسواق وبدت معزوفتها حاولت مااخلي كلامها يخرب فرحتي للمطبخ رحت خليت سماعات لتلفون بأذاني وضليت اسمع واشتغل حتة لاتستفزني واضكر اجاوبها وتصير سالفة
نزيت على صوتها وايدها على جتفي ونترت
حاطة سماعة واني اصيح صار سااااااعة
ماادري ماما ممنتبها
قيصر وراها ستوة دخل وتقرب غمزت الها عضيت شفتي ولا تفهم
ستمرت بنتر وصياح تكلي
اي عيني وين تدرين انتي اخذتي لمقسوم من لأفندي ومنتعشة اني الي مسوية العملية عمي مو انتي
روحي سبحي عاد وتعاي غسلي مواعين موجاية بنكَاستج تشتغلين
امشي للحمام لابارك الله بيج
وية ماندارت صار بوجههة بقت فشلانة ماعرفت تحجي
تقرب كال سلام عليكم وكللها
خالة ترا اني خلصت لماي لحار-وهي متانية يدفة لماي
وترا هي مرتي ولاعيب ولا حرام
بتسمت بتوتر وكالتلة
اكيد عيوني اني ماكلت شي بس مكروه تبقة على نكاسة
دفعتة بيدها علكيف وفاتت للصالة راحت
تقرب الي
جانت دموعي نازلة من كد الخجل من الموقف لصار
ايدة على متني وجرني لصدرة ويهمس
اكص ايدي اذا ماطلعت امج تغار
هاي شجاي تحجي يمعود
بابا امج زغيرة وابوج مات من وكت هاي من تشوفنا هيج تغار لأن بعدها روحها خضرة
ترة تصرفاتها هي الي تثبت هلشي انة مالي غرض ركزي وياها وشوفي
مادام هيج لعد بطل سوالفك وارحمني ترة تزهكني بسوالفها من اكولك ماتصدك
يلله بوية نحاول لخاطرج شنسوي جا
امشي خل نروح يمها لعد هسة تطلعنا مسوين سالفة بلمطبخ بهلدقيقتين
ههههه لا على هلحجي هداف الدوري لأسباني مايلحكني
طلعنة من لمطبخ نضحك
تلقائيا من وصلنة يمها حتة لضحكة كتمتها
بقينة نباوع وياها تلفزيون نصير غفة بحضني
عبرت ل١٢ هية هم غفت قيصر تقرب الي خلا راسي على صدرة وبقينة نباوع
شال نصير خلا بفراشة
اجيت اريد اكعدها على كيف يهمسلي
اشششش عوفيها نايمة نوم الظالم عبادة
يوووو شدعواك عاد بايكة عشاك
اي والله بايكة مني احلى عشة
وعيتها نامت بفراشها واني نمت بصفها حتة تأمن وخليت قيصر نام بلغرفة
يوم ثاني رحنة للمحكمة وبين محكمة ومصرف لدم خلص لنهار
يوم ثاني بس راح قيصر استلم نسخ لعقد وصرنا متزوجين رسميا
وراها بدينة نتحضر للسفر كملنا اوراقنا وخابرنا خالو دزلي ملابس وشغلات محتاجيها وحاجة زياد علمود سفرنا وفهمة ماجان عندة مانع وكال خل يتصلون بية واذا رادو حضوري اجي
حضرنا الجنط بليل وكلشي جاهز ولمينا اغراضنا وكملنا
ولفجر نطلع للمطار ساعة ب٩ طيارتنا
فرحة ماواسعتها لدنيا امي مترددة بين تريد تبقة ويانا وتستقر ماتكدر تفارك نصير وبين تكول صعبة وخاف فشلة من رجلج
انتهى تفكيرها بأتصالها بخالي الي رفض وكاللها اقلها موهسة بعدهم عرسان
ورفض لفكرة وبقة يخربها براسها لأن مخططة يخلي نوفل ومرتة يكعدون وياها ويوفرون اجار
هي هم امتثلت لرغبتة وحجتها ماتريد تفارك لأئمة ولزيارة كل اسبوعين جانت تروح لمزار ام لحملة ليمنا كامت بدون متسألها تسجل اسمها تدري بيها تكيف
تاخذ نصير وتروح
صبحية دفعنا اجور الفندق وطلعنا
ركبنة ورحنا للمطار
بقينة ننتظر ينادون على رحلتنا تريكنا هناك وامي ونصير غفو الى ان صارت بل٩ وعيناهم
ركبنا لطيارة وغادرنا اربيل وبمطار عمان نزلنا
سيارات جانت اكو بباب لمطار اجرنا وتوجهنا للمكان الي يسكنون بي
امي لطريق كلة تسأل بي
يعني شنو تسكن وية اهلك لو شنو
زين ليش ماتأجرون وحدكم
لو اكلك اجرو انتو وبسعاد وصميدج بشقة
خلاها تنطي حلولها ومن كمل كاللها
خالة ان شاء الله هلأيام منتظر يدزولي فلوس اخر عقار بقالنا بلعراق وهوة بأسمي مسجلة غضنفر رح اشتري بي شقة ونستقر بيها
وترا بسعاد مرتاحة هي وسللامة بشقة وعازلات كل وحدة مطبخها وحدها
وعمتي امريكا وحدها هي ورجلها واماني ولولد بشقة وكشمش وزوري بشقة هم وحدهن
وانة اريد اخذ لشقة لفوكهم جانت صالون وهسة صاحبتها تريد تبيعها صارلي مدة ادفع اجارها رغم ماشاكن بيها بس ماريدها تروح من ايدي كلت ائجرها بينما ينباع لبيت
واشتريها وباقي لفلوس ناخذ بيهن سيارات اني ولولد ضالين كل احنة معتمدين على سيارة عمي ابو ستار
بقت امي تثني على قرارة
سألتة ليش مااجو يستقبلونة شعجب
ماعدهم خبر بجيتنا ولا يدرون اصلا بس غضنفر يدري لأن انعام كايلتلة
وصلنة نزلنا من لسيارة عمارتين وحدة كبال لثانية مساحة لشقق يطلع ٢٥٠ مو اكثر
صعدنا ليفوك واحنة نصعد يأشر وشرح النا
اول مااجينة جننا كلنا بهاي لشقة لأرضية بيها ٣ غرف وصالة وغرفة طعام ومطبخ وصحيات
على كد ماجنة مخنوكيت استغلينا لبلكونات وحدة سويناها غرفة لحمزة وضاهر وابن كشمش لزغير حميد ووحدة غرفة لأماني ورقية وكشمش ووحدة سونها لبنات مطبخ ولغرف لأساسيات لجبيرة انة وغضنفر وولد كشمش لكبار بيها ووحدة لعمتي امريكا
ووحدة لزوري وستار ولمطبخ لبسعاد وصميدع
غراض ماخلينا وكناتير لبنات بلصالة جنة مخليهن عبن لبلكونات زغار حتة جرابي مابيهن ينامن بلكاع
وراها غضنفر خابر على ولد عمام ابوي باعلهم ٤ بيوت وكل فترة يدزولنا مبلغ رغم ماكدرنا ندورهن بأسمهم بس خطية عدهم مطلق لثقة بينا
وهسة صارن لبيوت ملك الهم ومن الله يسهل ندورهن رسمي بأسمهم
بكلما يدزولة مبلغ ياخذ شقة وعلى حضنا لعمارة كلها جانت فارغة محد يسكنها لأن كلش حارة بلصيف وشوية مشاكل بلماي بس جاي نسويهن راح نجمع فلوس من كل لشقق ونأسس جديد
لأرضية شقة غضنفر بس ماساكن بيها صعدنا طابق ثالث اشر على شقة عليمنا كال هاي شقة عمة امريكا
وبلطابق لرابع لجهة ليسرا شقة كشمش وزوري
وبسعاد بلطابق لسادس هي وسللامة
بضحك كتلة
هيج شامرين اختي فوك هاي لو تذبحها سللامة هم محد يدري بيها
لايمعودة مثل لدهن ولدبس بسعاد نهارها كلة يم عمتي ولبنات بس بليل تصعد للشقة من يحل صميدع وسللامة نطيها مسلسلات تركي وهندي متسمعيلها صوت اصلا
ليش صميدع شيشتغل
محطة مال بانزين هوة وستار شفت مسائي من ٣ لل١٢ واردهم زين نعمة همة شعدهم قابل
اشر يلله تعالو
وكف يم شقة عمة امريكا ودك لباب
امي كالت خلوني اصعد لبسعاد كلبي طاك عليها وبعدين انزل اسلم علجماعة
بضحك رد عليها
لا لتتعبين روحج هنا كلهن تلكيهن يم عمتي للعصرية يطشن
دك لباب فتحها الة عبوسي
فتحها وركض جوا يصيح على بسعاد
كبالي صارن كلهن جانن كاعدات وبنصهن صينية بيها باكلا يفلسن بيها ولجهال داير مدايرهن
ندارت علينا كشمش وصاحت وهية تطفر على حيلها
هلا بيك وبلجايبة وياك
فز لكلب من ضلوعي حياك
تقربت النا تسلم وعمة امريكا تضحك وهلهلت تكلي تطلبيني هلهولة
بسعاد اجت من لمطبخ معصبة ولجفجير بيدها شافتنا ركضت تحضن بيها وتبوس بأمي
بعد ماسلمنا على لكل كعدونة وجابن لبنات عصير وعمة امريكا دزت لجهال جابو جكليت وطشت علينا
سوالف وناس تسأل على حال ناس ويتحمدولي لسلامة ولجهال خابصة لأمة كل مجموعة بصفحة تتمالخ ونصير اندمج وياهم وبساع استفحل وطلع كل لوكاحة
وراها صبن لبنات غدة واخذنة اماني ورقية للغرفة مالتهن اني ولبنات عود ارتاح كضيناها سوالف ونزعت حجابي اريد ابدل وشافن ركبتي وصدري جان اكو اثر خفيف باقي خبلني
وكشمش تكرص وتكركر بية وتضحك
قيصر يراسلني كلسا شامرة لتلفون بلجنطة وصامت
طلعنة برة جانو صابين غدا
تغدينا وكملنا
ورا شوية اجو ولدهم ورجل عمة امريكا نعزلو همة بلصالة واحنة بغرفة لطعام هم مسويها صالة
لهناك اجت سللامة سلمت علينا وكعدت تسولف وتتسأل انتبهت الها بطبعها تتسأل هواي ومن واحد يسألها متنطي اجابة كاملة واذا ماعجبها تجاوب تتهرب بطريقة سخيفة أو تغلس عينك عينك
شكلها حلو وجسمها هم حلو تارسة وكصيرة كشرتها شوية موحلوة
طبيعتها زينة تنحب لو مااسوالف قيصر عليها وكرهني بيها طبيعي جنت راح احبها
بس هوة كشش روحي من عدها على كد مايضوج منها
شوية واندكت لباب راحو لجهال يفتحوها
دخل وياهم .......
انعام
كلت منو بصوت ناصي ورفيع
صوتة همس بنتر اني قسورة رايد بابا لو عمو ستار
فتحت لباب جان داير وجهة ومتكتر عن لباب
وهمشتة حيل من قميصة
ندار بفوضوية دفعني من شافني تفاجأ
رجع ليورا يضحك وكال
هاي شوكت اجيتي
اجيت قبل شوية تتصور ابوك يجي لهنا ومااجي اشوفة واتحمدلة لسلامة
ياالله نازلة عليج لحنية نعومة المهمومة الله يهديج كون وتضلين هيج دوم
طب ابو لسان الك عين وتحجي
دخل جوة كعد يم ابو خال ايدة على جتفة ويهمس الة هاحجي وجهك مورد وفرحان
شفت الحجية الله ربك شتريد بعد
يعدل بياخة قميصة وفاتح صدرة ورفع راسة ليفوك ويكلة لفضل يرجع الي
خليتها تجي طياري
نجب ولك اني مايلوي ذراعي لا تهديدك ولا حجيك وانت تعرفني لوما مقتنعة بلشي هذا مااسوي
منة بلواتتها ودهائها وذكائها ماجانت تكدر تلوي ذراعي
انت تلوي ذراعي
غضنفر دنك يم راسة ويهمس الة
احسنلك هيج بوية
يأشر على روحة ويكلة
لأشطر منك ماكدر يلوي ذراعها انت تكدر
خليها سكتة انة وياك منا ورايح ناكلها الله يعيننا على مزاجيتها
شتوشوشون احجو بصوت عالي
لا بوية ماكو شي سلامتج
اطلع شوف عمك ستار صيحة ضال برة
طلع قسورة
اشرلي تعاي
رحت يمة ايدة على متني لفها وهمس
ها يبوية شفتي فرحتة عيونة تريد تنط وتارسها لدمع ولضحكة شاكة وجها
كافي نعيمة قسورة ماشاف راحة من ورانا
تبهذلنا وبهذلنا بصراعاتنا وظروفنا
من حقة يعيش بعائلة سليمة ومن حقة يعيش بين عمامة وولد عمومتة ويكونلة ضهر
وانة هم من حقي ارتاح بحضنج تعبان
ومالي راحة غير بحضنج وانتي تدرين
ليش انت تتصور على شنو اجيت لهنا
اني جاية حتة نفتح صفحةجديدة وقبل مانخطو اي خطوة اريد تعاهدني جذب ماكو
اي شي يصير وياك متكعد تألف شي وتضم عني
ومتحط ايدك بأيد سللامة وتشمتها بية ولا لأي سبب الزمني صارحني ولا تحط ايدك بيدها وتطعنني بضهري
يجرالج ماراح اوعد ولا راح ابرر ولا احجي شي بس اكلج لأيام جاية وتثبت وتشوفج غضنفر جديد
بس توعديني ماتبتعدين عني ولا لأي سبب ولا تحرميني منكم الى ان الله ياخذ امانتة
وانة اوعدج دام لنفس بية ماعوفكم لأي سبب ولا راح اسوي شي يعرض حياتكم للخطر
حاولت اصدك نظرة عيونة وبس
لأن كلامة سبق وان كالة ببداية زواجنا واخلف بي من ورا ولد جليل
لزم ايدي وهمس كومي خل نعقد هسة كافي ذنوب ترا مشتاقلج مااضمن روحي
بس قبل مانعقد اريد اصارحج بشي وسمعيني زين
انعام انة عااجز طول ذيج الفترة اثبت عجزي التام
بس بية امل لو نفردنا بغرفة يختلف لوضع
بية امل ورد الباجلة الي حيت روحي تكدر تحيي رغبتي وقدرتي
دنك يضحك وسحب ايدي وهمس
واذا مافاد الموضوع الصيدليات موجودة و
قبل متكمل اريد اكلك شغلتين
اول شغلة الي جاي تحجي ااااخر همي اني حبيت روحك ومستعدة اعيش وياك لعمر كلة بدون هذا لشي ولا تحطة ببالك اصلا
يكفي فرحة قسورة برجعتنا
اني لو اهتم لهاي لسوالف جان موهذا حالي الله وكيلك جان شايفة لروحي صرفة ومتزوجة من زمان
وشغلة ثانية ترا احنة مامنفضلين
شلون
انت من رميت علية يمين لطلاق اني جنت مونضيفة اصلا
حيل لصدرة سحبني ويهمس
جاماتحجين مخليتني اتحسر
ليش انت قصرت
صوتة يهمس ويلااااااه بس الله ليدري شكد مشتااااك
كمت فتحت لباب باوعت لا قسورة ولا ستار
اتصل بيهم اتضح انو ستار كال لقسورة خليهم يسولفون ويحلون مواضيعهم ويتصافون
وراها صعدو يمنة
٣ ايام قضيناهن نطلع مكانات حدايق ومطاعم سوينالهم سياحة وونسناهم واخذنالهم صوغة بليوم لثالث جان نزول منصور عزمهم يمة وتغدو يمنا وقضو ليوم كلة يمنا
قسورة احسة يخاف نضحك علي لو نمثل
عبالة بس نريد نقنعة ومن شافنة مارحنة عقدنة بقة يلح ليش وليش
غضنفر كلة طلاقنا باطل لان لحظة عصبية واني مارايد اطلقها وسألت بي كالو ميحتاج تعقدون تعتبر بعدها على ذمتك
حاولت ان اثبتلة انو احنة فعليا راجعين لبعض مو بس كلام وكدامة جنت احضن غضنفر واحرص على انو مااخلي احد يساعدة من يريد يكوم غيري
واتعمد احضنة من ضهرة واكون قريبة منة من اريد اساعدة يوكف
على عكازة يمشي
رجلة ليسار كلشي مابيها بس ليمين يسحل بيها سحل
وخلصن ل٣ ايام وبليوم لرابع ساعة ب٨ بليل جانت طيارتهم رحنة للمطار ودعناهم وبقة غضنفر يوصي بقسورة على دراستة ويكلة شكد حياك وانجح حتة تجون يمي بساع مو تجسي وتأخر جيتكم
وشجعة بأن اذا نجح يشتريلة سيارة وستار وعدة يعلمة لسياقة ماراح غير وهوة باث بي اصرار وعزيمة علنجاح
حيل حضني كدامة وبوسني وهوة يوصيني بي وبروحي ويهمس
ترا مااتحمل انة على ساعة تلكيني يمكم
خلة بيدي فلوس وعصرها وهمس من اوصل احوللكم
رجعنة للبيت وبدة قسورة يشد حيلة ويدرس كل يوم نخابرة كامرا ونحجي ويا ووية عمة امريكا ولبنات واخذت ارقامهن واتواصل وياهن
نسولف اني ويا للصبح مثل لمخطوبين
كلامة تفاصيل صوتة نبرتة لأشعار الي تنساب بأحاديثة وتاخذني لعالم ثاني جانت غرامي واحد اسباب تعلقي بي وادماني
غزلة واحلى مابي لأشعار لبدوية الي اغلبها ماافهمة بس نبرة صوتة ولبحة الي بي من يقرالي مواويل ويشعر بدوي جانت سحر من نوع اخر
مايسد لخط إلة اغفة على روحي ومرات هوة يغفة ويشخر واكعد اضحك علي
غزلة بية وبتفاصيل جسمي جان يكتب قصيدة كاملة على شعري لو خدودي عجيبة قابلية كلبة على لعطاء
وعجيبة قابلية لسانة واسلوبة شكد يسحرني
رغم اني احس روحي كبرت واستحي من هاي لسوالف بس هوة رجعلي روحي احس بهلمدة زغرت سنييين وتشافيت من كلشي بية
تفاصيلة وكلشي يبدر منة يخلي عندي واهس للحياة واريد اعيش عمرين مو واحد
بليل كاعدة ودك تلفوني قيصر
سلم وبقة يسولف ويسألني عليها ويسولف شلون حاضرتة وحاضرة كل ارقامهم
ويسولفلي يكلي اريد اجيبها يمي بس شلون واني مااكدر اروح لبغداد ولا اوصل وهية كطعت كل خيط وصل
شرحتلة على حالها ومرضها تخبل
ورا ٣ ايام خابرني كالي اريد منح خدمة
وطلب مني اتصل بيها واكللها انو اني حاجزة الها يم دكتور بأربيل وراح اتحمل كل تكاليف عمليتها وسفرها وسكنها ووصاني انو مااحجي شي و مااخليها تشك ونطاني اسم لدكتور الي حاجز الها يمة والفندق وطلب مني احول الها فلوس من يمي حتة لاتشك
سويت كلشي كالي علي وجنت وياها علتلفون بكل خطوة ولوما اريدلها لفرحة واريدها تتفاجئ وتكون فرحتها ضعف ماجان وافقت اضم عليها ومااحب هذا لاسلوب
وراها بشكم يوم راسلتني تعاتب بقينة نسولف ونضحك وتحمدت الها لسلامة
وراها حددو امتحانات قسورة والتهيت ويا اريدة ينجح واخلص
طول هلمدة غضنفر يتواصل ويا وعلى شكم مرة يروح للمعارض ويصور الة سيارات حتة ويكلة شوف شنو يعجبك وهوة هم يقرة وشاد حيلة ومتحمس
ورا اسبوع اتصل بينا غضنفر وجانت بلقيس يمة هي وبسعاد وحجينا وياها جانت فرحانة حييل وتكلي حددنا عرسنا بعد ١٠ ايام موهذا لأثنين لأثنين لجاي يلله تحضرو حتة تجون
تعذرت وكلتلهم مبقة شي على امتحانات قسورة ماقبلت اعتذاري وبقت تلح وتكلي اكثر من شهر بعد للامتحانات ماطايرة تعالو اقضولكم اسبوع يمنا نشوفكم وغيرو جو ورجعو وجيبو انغام وياج هم خل نشوفها
جان كاعد بصفها وياشر الها ادري بي وراها اخذ لتلفون من عدها وكال يلله اتانيكم على هذا لأسبوع تجون ماريد اعذار كل احنة مشتاقيلكم واريد قسورة يطلع من مود لدراسة ويغير جو شوية حتة يرجع متحمس وكلة نشاط
انتهى لأتصال واحنة نززل يم انغام
كيفت اتصلت بمنصور كاللها روحو تونسو ماطول هذا لسبوع اني موبلبيت
يوم ثاني طلعنة نجهز اوراقنا ورحنة للسوك اشترينا ملابس وشغلات رجعنة هلكانين
كملنة كل شغلاتنا وبليل يوم لخميس جانت طيارتنا
وصلنة بيوم لحنة نزلنا من لمطار ندور عليهم متوجهين لباب لخروج
قسورا كدامنا تقدم
نزيت على صوتة صرخ ماماااااا باعي بااعي
نداريت واشوف .......يتبع
مساء الخير حبايبي اكو ملاحظة ردت اوضحها الكم خلاتصها (قيصر من سافر تواصل وية بلقيس اكثر من مرة وبكل مرة جانو يتعاركون وينتهي اتصالهم بمشكلة جانت تعاتبة لأن عافها وتطلب من عندة اما يرجع أو هي تجي يمة وهوة جان الطلبين مايكدر عليهن لأن رجعتة بيها خطر على حياتة ولأن اصلا مامستقر حتة يكدر يسحبها جان مخبوص بغضنفر وعلاجة وعمليتة الي كل فترة يتهيئون الها وتتأجل اما بسبب ضغطة او كَلبة وحتة بسعاد جان عدها تواصل وياهم )اني ماذكرت هذا لشي لأن يتناقض وية حدث ثاني وسبب هلتناقض هوة تقديم وتأخير بلأحداث لدواعي كتابة لقصة
طبعا جنت رايدة اختم ليوم واستعجل بس لبنات علفيس كالو منريد تختميها نريد نتونس اكثر بتفاصيل سعادتهم واستقرارهم ونعوض ذيج لبارتات لمؤلمة
علأغلب لبارت لقدم راح يكون بارت لختام 🥰🥺
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!