#خنجر_الغضنفر
#الجزء_الثاني_بارت٦٦
#حنين_حاتم
انعام
دموعي تنزل لوحدها واني اشوفة ينتر وجسمة يرجف من لعصبية ولانفعال
رجلية لوحدها ترجف
مااعرف شوكت وصلت يمة ولزمت كتفة
بصوت حاشر بي الألم والغصة الي تجرعتها لمجرد سمعت هلكلمات منة
همست يممة قسورة احجي ابوك شبي عمليتة نجحت
مات عاش حاجيني قسورا
صفن بوجهي وكع التلفون من ايدة
حيل خضيتة برعب احجييييي ابوك شبي ولك احجي
ما ما مابي شي مابي شي انتي شمدريج جج
ادري كلشي ادري ياابن بطني
ادري بيك تتواصل ويا ووية عمامك ووية حمزة وتخابرهم ويخابروك
وتعرف اخبار ابوك كلها وتعرف موعد عمليتة وكل تحسنات وتطورات صارت بحالتة
وتشوفني متلوعة اتمنة اسمع خبر عنهم
عايشين ميتين وصلو لاء
ماتكلف روحك تريحني
ماما صدكيني غصب عني والله همة الي
اششش هسة مو وكت هذا الحجي شيل لمبايل خاف انكسرت شاشتة وحاجي عمك افهم منة ابوك شنو وضعة
دنك من لكاع شالة يسوي بي ورد علية
بابا طالع مرتفع ضغطة وداخل نوبة قلبية دكات كلبة كلش متخربطة نوبة تتباطئ نوبة تتساررع
اثناء العملية ومامسويلة شي مطلعينة ومأجلينها
لاحول ولا قوة إلا بلله هاي ليش هيج ديصير ويا
كعد علقنفة كبالي ادي على راسة
مثل حركة ابو بلظبط
صوتة شكلة طولة كلشي بي يوم عن يوم يتشبه بقيصر حتة بلقيس من شافتة اول مرة كلبها رفرف علي تكلي جن شايفة قيصر
على كعدتة حاضن راسة بأثنين ادي وهمس بصوت باكي تتخللة الشهكات
لو تتصورين شكد صارلة ينتظر هاي العملية وشكد بيع عقارات علمود يصير زين ويسويها
ولو تدرين شكد باني عليها امآل
جان متأمل يسويها ويصير زين ويجي لهنا ويرجعج على ذمتة من جديد ونرجع نعيش سوا
بيت وحدنا يخليلنا ويخلي خالة سللامة وحمزة وحد
بعد مانلتم ابببد
جان املي نلتم ورا ميسوي هاي العملية
هسة بعد مستحيل نلتم اببد
كلبي رق لصوتة وكلماتة الماليتها الحسرة والحزن
رغم سوايتة بية واخفائة عني كل هلمدة بس ماكدرت
تقربت الة اخذت راسة لحضني وهمست الة
ليش تكول هيج ماما
اذا عبالك اني عفتة بأرادتي واذا همة فهموك هيج
تكون غلطان
عمري ماعفتة بأرادتي وعمري ماشلت علي مقدار ذرة
علاقتي بي مو مثل علاقة اي مرة بزوجها
علاقتي بي مثل روح وجسد
كل المرات الي عفتة بيهن جنت مجبرة ومااكدامي اي خيار ثاني
وثق لو كدامي خيار ثاني ابد مااختار لبعد
وكل لمرات الي عفتة بيهن سببهن هوة وكذباتة علية
لحد آخر مرة خلة ايدة بأيد سللامة حتة يبعدني بحجة خايف علية
ماخاف على كلبي
ماكال تموت بمكانها لو شافت لصورة واقتنعت متزوج عليها
جان كدامة الف حل بس هوة دائما يختار اسهل الحلول
ودائما يفضل امان وراحة لكل على آمانة وراحتنا اني وياك
امنهم وطلعهم برا واحنة مافكر بينا ماكال ينضرون وراي ماكال يحاولون يوصلولة بينا
هذا يدل على انو احنة ماجنة ولاراح نصير جزء من عائلتهم
لا ماما لاتكولين هيج
بابا موبس علمود هاي عافج
بابا عافج لأن ميريد يحملني ويحملج مسؤلية عبئة
هوة يكلي انت كافي على انعام مااريد اصيرلها حمل اضافي وياك
وترا قبل ميبعدج عن لبيت وقبل ميتفق وية سللامة عمو منصور مخابرة وحاجي ويا وكايلة راح نطلع لأمريكا ونطلعهم ويانا
وهوة محسب حسابة يطلعون لثلاثاء لعمان واحنة نطلع لأمريكا لخميس
حتة من تواصل وياية عبالة احنا بأمريكا تخبل من كتلة احنة ببغداد
وهوة الي لح علية بسالفة تغيير لبيت واني حجيت وية عمو منصور وخليتة يطلب منج تبيعين لبيت وننتقل لغير مكان
لمن صورتلة صور لبيت لجديد يلله اطمأن
ورغم هذا بقة يلح علية ويكلي شد حيلك حتة تنجح وتطلعون واجيبك يمي
وموصي علينا ابو رياض المختار ولعقيد الي يتواصل ويا عمو قيصر خلة دورية يم المدرسة الي كبالنا علمودنا وكل مااطلع يحاجوني يسألوني محتاج شي اكو احد مأذيك احد معترض طريقك
عيوني مفتوحة بذهول ودموعي تجري
ماصارلة من عرفهم غير شكم سنة ويتفق ويخطط وياهم من وراي
واني الي كبرت وربيت بدموع عيني وفنيت شبابي وكل شي املكة
يستخسر بية يطمني ويريحني
يستخسر بية يصارحني ويحجيلي ويخليني على بينة
موضالة مثل لأطرش بلزفة
بهاي افعالة اثبتلي انو هوة نسخة ابو
كضيت لشكم سنة الي عشتهن ويا يجذب علية كل يوم جذبة كل يوم خطة كل يوم مؤامرة واني خارج قوس
خارج السرب واكتشف جذباتة من اكثر انسانة تكرهني واكثر انسانة تتشمت بية
وهوة جاي يعيد امجاد ابو وياي
عفتة ورحت للغرفة
لحكني بقة يتعذر ويحلف انو متنعاد
بقة موقفي منة واحد
مستغفلني وماهامتة ولاتهمة دموعي
سحبت لمبايل من عندة ماحجة شي عبالة مثل كل مرة شكم يوم ويذبلة دمعتين وارجعة الة وينتهي كلشي
بس هلمرة قررت بعد ماكو تلفون
طلع برة ورا ساعتين رجع صابلي غدة وجايبة بصينية
اشرتلة من لباب
اطلع برا لغرفة وسد لباب وراك
رفع تك حاجب خازر وابتسم ابتسامة ماكرة وطلع
لاحجة ولا توسل
يبيع علية كرامة وعزة نفس متناسي شنو سويت علمودة وشتحملت
عصرية اجت انعام تحجي وتتوسل تكلي رجعيلة لتلفون بالة يم ابو يريد يطمأن علي
كلتلها ممنوع تتدخلين لا انتي ولا منصور هلمرة قسورة سوايتة بية مااغفرها لو يسوي لعمايل
عدن اسبوعين على هلحالة
يذب حجي يطب من لباب يتغزل لو يكركر بية ويبوس
يستكثر علية يرجع يعتذر مرة ثانية
رغم يعرف بية اول اعتذار دائما اقفل وابد ماارضا
خصوصا اذا جانت عملتة جبيرة مااقبل من اول محاولة
يعرفني زعلي صعب
بس يشوف روحة طول وخطن شواربة عبالة صار رجال
حسيت علي بدة يستخدم اسلوب امتنان وياي قبل
يهمل دراستة عود يضغط علية ويلزمني من ايدي لتوجعني
ابد مانصاعيت الة وكلما يدز انغام لو منصور حتة يأثرون علية ويشوفوني اوراق لفحص مالتة ودرجاتة السحك
جنت اضحك كدامه واكللهم يطبة مرض مستقبلة وحياتة وهوة حر بيها
شهر عدة على هلحالة
ادري بي يتواصل وياهم من تلفون منصور وادري ملحة منصور وتدخلة همة سببها
همة الي يطلبون من عندة يحجي وياي حتة ارجعلة لتلفون
لأن منصور مو على طول موجود يغيب ايام عن لبيت
اصراري خلا يسوي المستحيل واول شي سوا
رجع يدرس ويمتحن وينجح من شاف هلموضوع مو فارق عندي ابد رغم من داخلي احترك وميتة مااعاول ينجح
جنت نايمة بغرفتي وهوة يم انغام جلبت بي على لعشة هي ومنصور
اعرف هاي حجة حتة يتسنالة وقت كافي يكدر يحجي وياهم ويتواصل بس مغلسة بمزاجي
لباب نفتحت
متمددة مانايمة مااكدر انام الة يجي واقفل لبوب بيدي
صوت اقدامة على كيف تقرب الي
رفع اللحاف وبوسة على جبيني نطبعت ووراها على كيف سحب ايدي وباسها
وعلى لميز مااعرف شنو خلة وطلع وورا طبك لباب على كيف
فتحت عيوني
كمت على حيلي جان بوكيه ورد وبي كارت زغير
فتحتة
ماما حبيبتي وروحي عيوني الي شفت لدنيا بيها
والي فنت شبابها على مودي الي حرمت نفسها من كلشي تحبة علمود توفر النا لأمان
اني اسف
والله اسف
ورب محمد اسف
وداعة عافيتج الي ماكو اعز منها على كلبي
ياورد الباجلة اسف
ياحبيبة بابا اسف
ياام قسورة اسف
يا نعومة المهمومة اسف
بروح منة كافي زعل والله مااتحمل زعلج
شكد بعد اعتذر بس كليلي
ترا انحرف اذا ماتسامحيني
دموعي تجري
حجاياتة صايرة حجايات ابو
عجيب شكد متعلق بيهم
شي يقهرني ويفرحني بآن واحد
كمت على حيلي جان بلصالة
متمدد ايدة على عيونة ورجلي وحدة رافعها على لثانية
هاي لنومة نومة غضنفر المفضلة
من فتحت لباب وخر ايدة من عيونة وكام على حيلة وتقرب الي رافع ايدة ويكلي اريد ابوس
وخر عني ولك تكش روحي
ابوس ابووووووس
يتقرب الي ويسوي بأدي حركات مثل لزومبي
حيل حضني راسي يم صدرة وباسني من راسي
دنك باسني من خدي ووياها شمة وصوتة يم اذاني يهمس
هاي من بابا
رتبكت ماعرفت شنو احجي
دفعنة وردت امشي للغرفة
سحب ايدي ويهمس
نعومة المهمومة وين رايحة يغمز ويكلي راح تطبين تفكرين بلحجي
نجب ولك
شوفي ماما اني دااتواصل ويا ماريد اضم عنج
حتة من سحبتي لمبايل اني اتواصل ويا من عمو منصور ومن يروح حمولة اتواصل ويا من اصدقائي
نطيني لتلفون ورد لباجلة ترا نذليت هواي من وراج
دخلت للغرفة وسديت لباب وراي
طلعت لتلفون فتحتة طول لفترة لفاتت اني مافاتحة
دخلت علمحادثة مالتة
رسائل هواي جاية من عندة
اول رسائل جان يكلة بيهن
وينك قسورة ليش مترد خوما صاير وياك شي
وراها باقي لرسائل جانن الي
قريتهن واني دموعي تجري
ورد لباجلة لاتقسين على قسورة ترا هوة ماالة علاقة انة الي حلفتة واصريت علي مايحجيلج
بداعة العشرة لاتقسين علي
قسورة مراهق صاحبي وتحملي مدة وكت بس اصير زين اشيل كل لحمل عنج
واردكم لحضني
انة بعدتج عني مو من فراغ
انة كلشي اتحمل إلة اني اكون عاجز وياج بلفراش
افضل ابقة بعيد عنج ولا احس بهذا الشعور
هذا لشعور يوجع لرجال ماراح تفهميني ادري
شلون ترديني احس بروحي مو رجال وياج
رجعتج الي وانة عاجز معناها اصيرلج حمل اضافة لقسورة
انة ماريد ازود حمولج
انة لو اكونلج عون لو مااكون
بوقت الي جنت واكف على طولي وحيلي مانفعتج ولا عنتج بتربية لجهال
وهسة ارد اصيرلج حمل جديد
انة ياوردتي تعبتج وتعبتي بعشرتي
وانة والله ثم والله مارايدلج لتعب
انة جاي اتعب واكافح حتة اصير زين وارد اشيلج انتي وقسورة واشيل لحمل عنج
واذا ماصرت زين خليني بعيد عنكم
انة بهذا وضعي وعدمة واحد
لا والله وجودي حمل ومضرة اكثر من عدمة
دموعي تجري ماكدرت اكمل باقي لرسائل صوتة برا يهمس ها ماما شنو غيرتي رأيج
طلعت من لمحادثة وطفيتة وطلعت
نطيتة الة
فتحة بقة يكلب بي بقيت كاعدة يمة الى ان غفة على روحة ولتلفون بيدة
كعدتة ينام بغرفتة كال عوفيني مرتاح
اخذت لتلفون من جوا راسة فتحتة ودخلت على لمحادثة بديت اقرا من رسائل ليوم
دازلة ها بابا شلونك
مجاوبة هلا يبعد ابوك صالحت امك ؟
اي صالحتها وجبتلها ورد وكتبت الها اعتذار
معدل وليدي هسة انة رتاحيت اياك تزعلها بعد ترا حسابك يمي
ضايج على زعل ورد لباجلة لوما زعلانة من وراك لأن ضام عنها تواصلي وياك
اي بس طول هاي المدة جنت تكدر تصالحها
ليش عايفها زعلانة امك ثم امك ثم امك ثم ابوك
انة صح وصيتك ماتحجي الها بس توقعت تكون حاجيلها وتضم عني
يعني انت تريدني العب على لحبلين حجي
ههههه ملعون ماتنكدر شلونها امك ان شاء الله طيبة
زوينة بس انت شراح يصير على عمليتك
عمليتي تاجلت الى اجل غير مسمى ورا دكتور لقلب الي ان يسمحلي اجريها مرة ثانية حسب وضع كلبي
هسة بدللي لعلاج
واحنة نبقة هيج لا انت لتجي يمنا ولا احنة نجي يمك
قنع امك خل تجي للأردن
انة هنا بعمان رديت صار شكم يوم
وشعدنة جايين اذا لا انت ترضة ترجعها هسة وراهن رجعتك الها بلعملية ولا هية ترضا ترجع الك وتكول ميريدني ولعملية هاي حجة وهوة من لأول عافنة لو رايدنة جان طلعنة ويا عندة الف وسيلة بس هوة اختار لأسهل
هاي جانت آخر رسالة قاريها هوة بس مامجاوبة
عدة اسبوع كلما افتح تلفونة ماالكة شي
على اخر رسالة
لا هوة دازلة شي وراها
ولا غضنفر راد علرسالة
عزلت لصالة بليل وغطيتة بعد مانام ودخلت لغرفتي
طبيت بفراشي
اخذت لأفكار حصتها مني كلبتني من كل لأتجاهات الى ان خويت ونمت
ضوة قوي بعيوني اتكلب واغطي وجهي بلبطانية وبعدة لضوة
اتعاجز اكوم اطفي
بصوت عالي صرخت طفي لضوة متكول بشر نايم
نتر بية قميصي ماكو تأخرت على دوامي كومي دوري الي
بلخانة البلوسط معلك
اسمع صوت لنفش مالتة وبساع لبسة وطلع وضرب لباب ورا
مااجاني نوم وراها ابد
كمت على حيلي ادوس على لملابس امشي واشيل وارجعن لمكانهن عافس لدنيا عفس
طلعت برا لصالة نفس لحالة قنادرة تارساتها
بقيت كاعدة بلبالكون شربت جاي وسويتلي لفة جبن
دخلت للمطبخ اسوي غدا
طلعت منة ساعة فوك ال١٠ بقيت اقرة بكتاب مال كاتبة كويتية كلش تعجبني كتاباتها كل اصداراتها عندي
طفيت لغدا واخذت لكتاب ونزلت جوا
كبالنة مساحات خضراء كعدت بيها
اختنك من لبيت حيل
دك تلفوني
صوتة بفرح كال انتي وين
بلبيت وين يعني شعجب متصل بية ليوم
بلعادة حنة من اني ادك مترد تكلي مشغول
عندي الج مفاجأة
شنو هي
تحضري وحضري غداج جايج وجايبها هسة
شنو هي غير اعرف
اجي وتشوفيها
كمت صعدت للشقة كترتها من جديد ومسحت لغبار وبقيت انتظر
صارت فوك الوحدة وهوا ماكو
تغديت ونعست حيل رجعت لفراشي بلغرفة شغلت لتدفئة ولفيت روحي ونمت
فزيت ورا ساعة بالي يمة رجعت اتصلت بي ماجاوب
كمت لبست ونزلت يم انغام
دكيت لبلب فتحتها الي تلكتني طيوبة ستوها تخطي وتوكع
صارت كبالي تصفك وتضحك الي
تقربت شلتها ابوس بيها واشمها
شوية وندكت لباب راحت انغام فتحتها صوت بنية تحجي وياها
كمت اشوف منو
جانت رواسي بت جارتنا
من اجيت اني سكتن هية وانغام
وراها ضحكت انغام وكالت الها تفضلي
همست ميرسي تسلمي خالة مستعجلة غير مرة
راحت لبنية وانغام دخلت
سألتها شتريد كالت ماكو شي علمود سيارة منصور
دخلنة جوة الاعب بطيبة واسولف وياها اكلها ليوم تأخر
تهمس الي
وانتي جنج غيرانة من رواسي ترا طفلة ومتفهم
بابا لتشدين لوثاق علي ترا همة يكرهون القيد
خلي على راحتة يتأخر يجي من وكت وين يروح قابل غير دوام
جريت حسرة وماجاوبتها ولا ببالي رواسي اصلا
لهناك اتصل بية كال وينج
جوا يم انغام
تعال
اجة
كمت على حيلي اسأل بي وين لمفاجأة
من جيبة لوراني طلع علبة بيها ساعة كلش جانت عاجبتني بس مااخذتها لأن غالية
اخذتها من ايدة فرحانة بيها بس هوا مدري شبي حسيتة ضايج رغم من حاجاني جان حيل فرحان
حتة فرحت على فرحتة
همس يستأذن من انغام يدخل لغرفتها يتمدد
كلتلة اخذ راحتك
طب جوا بعد ماطلع تغدينة وكملنة وهوة نايم
ساعة بل٤ لعصر فز كال طالع
لحكتة اسأل بي وين
نتر بية مالج علاقة كافي تحقيق تحقيق بلطبة وبلطلعة ترا زهكتينييي
طبك لباب بوجهي وطلع
بقيت مخنوكة
خليت وصعدت للشقة
وية دخلتي اجة اشعار على تلفوني
فتحتة رسالة من عندة
قريتها مكتوب
المفاجأة الي ردت اجيبها الج بابا
بس ماقبل يجي
لأن يدري بيج ماراح تتقبلين شكلة وضعة
لان بكل بساطة انتي انانية لو تدري كامل مكمل لو ماكو
وهوة يعرف هذا لشي بس ماحجاها كدامي اني وحدي حسيت
ميريدج تشوفي ولا يريد يشوف لاشمئزاز بعيونج من شكلة وحالة
اني مااسامحج للموت وان شاء الله اموت مثل منة وتخلصين من عندي
تعرفين شنو لفرق بينا وبينج تعرفين ليش احن الة رغم بعد لمسافات واتمنا يمي بكل ثانية
لأن هوة يوصيني بيج ويحلفني ماازعلج وكل يوم وبكل اتصال يسألني عن صحتج عن اكلج وشربج عن طباتج طلعاتج ولناس الي تعرفيهم حتة عن لبسج يسالني
هناك ويغار عليج يكلي لتخليها تلبس ضيق لتخليها تطلع وحدها
وانتي تكرهيني بي وتشوهين صورتة كدامي وتحجين علي
مايوم سالتيني عنة
مايوم كلتيلي شلونة وشلون عافيتة
ماتكلفين روحج حتة تطلبين رقمة مني او تحجي ويا
دموعي تنزل حسيت ابني سل سيفة وطعني بي
مومجرد كلمات جانن موتي
دكيت علي منهارة ودموعي تجري هواي دكيت يلله جاوب
بصراخ جنت اكلة
ولك انت شجاي تحجي حيوااااااان
ولك اني ابوك من جان كتلة من التناقض والأغلاط والذنوب حبيتة واخذتة وواجهت لدنية بحبي الة وبيبيتك ماتت وهي ماراضية علية
كلة علمودة وعلمود حبة
اني ماشمأزيت منة من جان يكتل بدون رحمة
ماشمأزيت منة من جان يتعارك ويرمي علمود قنادر جوبلس
اشمأز منة لأن مريض
المرض موعيب ولا شي ينخجل منة وهوة يعرف حبي الة تعدة هاي المسميات
ابوك تعز علي روحة يحس نفسة عاجز
ابوك بعد كل لصار وعندة عزة نفسة وعنفوانة وغطرستة فوق كلشي
ابوك هوة لاناني اني عمري ماجنت انانية غير حتة احميكم
ابوك الي كاعد تدافعلة وتبري وملبسة تاج وتكول يسال عنج وعن تفاصيلج هوة ميسوي كل هذا من فراع
ابوك يحس بلذنب تجاهي ولو مهما يسوي يحس روحة مقصر
تعرف ليييييييييش
بصوت عالي جنت اصرخ واني اسمع انهياراتي من لداخل
لأن ابوك ضيع شرفي بيوم من لايام
ابوك الي بنظرك كااامل مكمل ضاع شرفي من ورا جذبة
امك لأنانية نهزمت بيكم وتخاف عليكم لأن تساومت على شرفها حتة تحميكم
امك خلصتكم من لموت
ولليوم تسعا لخلاصك وتتهرب بيك
لليوم اتحمل اشوه صورتي كدامك وتشوفني رايدة لبعد وراغبة بلفراق ومتحملة كل هذا وحاطة قندرة بحلكي وساكتة حتة احمييييييييييك
حتة اوصلك واكبرك وتصير شي افتخر بي
وانت شنو
انت نسخة من عندة
حياتكم وياي جذب بجذذذذب
مستغفلني اكثر من سنة صارلك وتضم علية
ماكسرت خاطرك لحظة
ماوكفت بعينك تضحياتي
ولك انت مو ابني لا والله جذب
اخر كلمة كلتها بصراخ واني اركع لتلفون بلكاع
ايد على متني نززتني
نداريت شفتة ولتلفون بعدة على اذانة
حيل بكل قوتي بدون شعور ضربتة راشدي
رفع ايدي لثانية ويضرب بوجها ودموعة تجري
بلكاع كمبص يم رجلية ودنك على حذائي وصوت بكائة يهمس
ماما عليج الله كولي غيرها
حبابة كولي غيرها
دنكت يمة
لا ماراح اكول غيرها
اكولها وابقة كل عمري ارددها
كافي اجمل صورتة بعينك واخرب صورتي وبلمقابل حبك الة يزيد وعلاقتك بي تقوة وتحملني ذنب بعدك عنة كل يوم
ولك اني تحملت الي ماممكن احد يتحملة
اني نحرمت ونظلمت ونكسرت علموووودكم وانت تكلي هيج
كافي تعبت تعبتوني انت وابوك واختك
محد نصفني لا انتو لا اهلي لا قسمتي
كافي عوفني وولي روح يمة
لا ااريدك ولا اريد ملكاك
مو تريدة وتكول حارمتك منة
روح للبيت اخذ فلوس من لكنتور وروحلة
وجهك مااريد اشوفا ولا اريد اسمع صوتك
كام على حيلة نجفة علية حيل حضني ويبجي
صرت جوا على كد ماماخذة لطول ولضخامة شهر عن شهر ديتغير
صوتة يم اذاني بصوت باكي يهمس
ميوخر عني حتة لا اشوف دموعة خافي وجهة ورا متني ويهمس
اني ماردت واحد منكم
اني ردتكم ثنينكم
ردت اعيش وية ام واب حالي حال كل الي بعمري
ليش ثنينكم تكابرون
ليش محد بيكم يرضا يتنازل علمودي
ماالي معزة يمكم
ماما اني تعبت
تعبت واني احاول اوفق بينكم وارجعكم لبعض
احجي وياج تطلعين بي عيوب لدنية وتطلعي مقصر من لالف للياء
احجي ويا يكلي امك متتقبلني واني مااريد اتعبها وازيد حمولها اكثر من هيج
كل واحد بيكم يفكر بنفسة
اني شوكت تفكرون بية
اني هلمرة اكلج ياماما الحل والربط بيدج
كلللللشي بيدج ولتكولين مااكدر ولتكولين صعبة
اذا تحبيني كلشي تسوين علمودي
موتكولين ضحيت وسويت وكسرت نفسي علمودك
اني جنت طفل وكلشي ماشفت من هلتضحيات بس اسمع بيها
ليوم اريد اشوف بعيني
بابا هسة راح للفندق يبقة ٣ ايام ويروح جاي ويا عمو ستار
لو ترحيلة وتتصافون وتحلون اموركم بينكم وترجعون لبعض لو متشوفون وجهي ثنينكم ورب محمد
هاي شجاي تحجي قسورة تهدددني يعني
اي اهددج ولتكليلي اي عذر ولا اي حجة
اني هيج عيشة ماتعجبني
اني من حقي اعيش بينكم ثنينكم
ترديني اموت مثل منة حتة ترتاحوووووون
اسم الله ماما لاتكول هيج بيش طالب روحك
شوفي ماما اني رايح اكلة هذا لكلام الي كلتة الج والكم لليل انتو احرار فكرو زين ورجعولي خبر
مااريد لعب وحجي واتفاقيات
قبل ميمشي لزمت ايدة
وين مكان ابوك
نطاني اسم لفندق ولمكان وعافني وراح
صحت ورا ردت ولا جنة يسمعني
قسورة :- مشيت واني امسح دموعي بطرف قميصي وهلمرة حلفت اسوي الي براسي لان تعبت منهم ثنينهم
رحت كعدت بلكوفي غسلت وشربتلي فنجان كهوة وركبت سيارة متوجه للفندق
صعدت فوك دكيت لباب مال لغرفة
صوت رفيع مال وحدة من ورا لباب كالت منو
استغربت وفكري راح بعيد
كلتلها اني قسورة رايد ابوي
نفتحت لباب
درت وجهي وبتعدت وكلتلها بلا زحمة اريد تصحيليلي ابوي لو عمي ستار
ماحس غير قميصي نملخ وحيل نعتيت
درت وجهي اباوع ......
انعام :-
ركبت سيارة وللفندق الي نطاني عنوانة رحت
مو لان هدد ولا لأن حجة واعرف قسورة مايسويها
بس لان جنت محتاجة احجي وية غضنفر
جنت محتاجة اصرخ بي شلون هيج تضن بية
شلون تضني اشمأز منك لان معاق ومريض
شلون خطر على بالك انو اني اريدك اما كمال او زوال
واني الي ردتك بأعظم مساوئك واغلاطك
اعوفك وانت مريض
واعوفك وانت محتاجني
نزلت نطيت اسمي للرسبشن كلولي صعدي بعد مانطوني رقم لغرفة وصعد وياية عامل دلاني
تانيتة راح ودكيت لباب
فتحها الي ستار صفن بوجهي
طلع برا وسد لباب ورا
وكف يمي سلم علية سلام حار وكال ام امتنان خوما اكو شي شجابج
قسورة بي شي
بصوت ماليتة لغصات همست
جاية اشوف رجلي واتحمدلة لسلامة بيها شي
ابتسامة نرسمت وبين لفرح على محيا
وصوتة رد
لابوية مابيها شي تفضلي خوية حياج
فتحلي لباب وتكتر مبتعد
سديت لباب وراي ودخلت
جان متمدد علجرباية وايدة على راسة بس هلمرة رجلي ماصايرات وحدة علثانية
لباب يصير معزول عن لغرفة بممر وعلى يمين لممر ويسارة تواليت وحمام وبلأخير مطبخ
تقربت
رفع راسة شوية شافني
نفتحت عيونة
ايدة ليورا رجعها يريد يكوم
رفع نص جسمة
وصوتة يهمس
ويلااااا ورد لباجلة
صوتي لمليان غصات يرد علي
اي
ورد لباجلة الي عفتها ورحت
حيل فتح ادي وهمس تعاي
تعاي طبي بضلوعي خل اجر لنفس مثل لأوادم
على وكفتي وراسي يتحرك يمنا ويسرا
همست لاء
انت متريدني
تعاي
تستحي اشوفك بهذا الحال
تستحي مني مو
تعاي ولج لتمرمريني ماعندي رجلين تعيني
وية ماكالها وكف على حيلة ويريد يتقرب الي
حيل ركضت علي
بكل قوتي حضنتة
ليورا رجع وعلفراش وكعنة ثنينة
على صدرة جنت وصراخي مكتوم بي
وصوتة يهمس
ماعفتج وروح منة
عفتني عفتنييييي
ماعفتج ولج خايف عليج
ولج انة لو يخيروني بين لكون بما فيه وبينج
والله ثم والله ماسهيت لحظة عن اختيارج
بين رجلي صرت بلكاع وههوة كاعد علقنفة
ووجهي بين ادي
دنك علية باس شفايفي ويهمس
ويلاااااااه يبعد لراحو ولأجو
توني ضكت لزاد والله
زادهم الهم وانة شفايفج زادي
ايدي تتلمس وجهة
لجهة ليمنة تتحرك مابيها شي بس عينة شوية ازغر من ليسرا
ايدة ليمنة يحركها بس ترجف
ايدي تلمست رجلة ودنكت اطبع بوساتي عليها لحد ماوصلت لجف رجلة
دنك علية ماقبل ابوسة
دفعت ايدة وبستة اكثر من مرة
وصوتة يهمس
لايبوية مايصير وخري
وخري محلفج بروح منة
كمل يتعذر ويبرر
انة ماعفتج لان مستحي تشوفيني هيج
انتي روحي وجسمي وحيلي وكلشي مني وبية شلون استحي منج.
بس انة ماردت اصير عالة عليج
انة ردت اتعالج واردلج حيل وعافية
مو علة ومرار
ولحمد لله نطقي رجع وايدي احركها بس مااكدر اشيل بيها شي
وضلت بس رجلي مااكدر امشي عليها إلة عكاز
وانة من عفتج منصور كالي رح نطلع لامريكا بعد يومين كلت خل تطلع وحدها احسن ماتطلع وياي وتنضر
شلون اسامح نفسي لو نضريتي مرة ثانية من وراي
شلون بعد اكدر احط عيني بعينج كليلي
صافنة بي
واتفحص شكلة متغير مومثل من جان بلمستشفى
وجهة راجع سمنان وجسمة بنيتة مثل قبل معضلة رغم عندة شوية كرش
لباب ندكت عرفته قسورا
اشرت لغضنفر اششششش
وبصوت ناعم همست منوووو .....
بلقيس
اسمع صوت احد وراي صاح اسمي
اللغة عربية
والصوت مألوف
نداريت ليورا من مصدر الصوت واني اتذكر المرات الي دخلت بيهن للصالة واني اتمنا اشوفة قبل ماادخل
اتذكر شكم مرة تشاهدت على روحي واتمتم تعال شوف حالي ياقيصر وشوف شصار بية من ورا امانتك
اتذكر من كتبت رسالة الة واني بين لحياة ولموت ونطيتها للسستر وكلتلها لو متت سلميها لأهلي وكليلهم ينطوها لقيصر
تالي طلعت ناطيتها لزياد
اتلفت ادور علي
نداريت من جهة لخروج
شفتة كبالي
للحظات عيوني رمشت مامصدكة جاي لشوفة
لمن تقدم خطوتين تجاهي يلله وعيت
دموعي نزلت
قبل ميوصل الي اني على سكمليات حديد وراي كعدت
حسيت راح اوكع
تقرب الي دموع بعينة
حيل شالني من لسدية وعلى صدرة بكل قوتة حضني
جنت ادفع بي وابجي واكلة ليش هيج سويت بية ليييييييش
حالك من حال زياد مرمرتني بعشرتك
ليش عفتني معلكة هيج لييش
صوتة يهمس ماعوفج بعد ورب محمد ماعوفج
انة حيوان انة مااستاهلج
انة كل التكَولي عني واكثر
وعاذرج شماتكولين
بس ورب محمد ماجان بيدي حل ثاني
مشتاااااقلج ولج ميت على حضنج وريحتج
ولج ربات كَلبي انتي شلون اعوفج
جحيم ايامي من فركَاج والله
مااريدك بعد وخر عني عائلتك واخوك اهم مني
افاااا ولج انتي اهم من كل مهم
و هوة عمري اذا مو يمج شيسوة
ايدي سحبها وعلى خدودة خلاها ويهمس
شوفي هاي دموعي شكد غالية ولزلمة ماكو اعز من دمعتة
ولج ليلية تنزل عليج جدام الغريب والكَريب
انة جنت لو ابجي اتختل من اقرب ناسي
هذا انة بوسط المستشفى وكدام كل هلوادم ابجي من فركَاج
هانت ونكَضت ورديتلج
مشتااااااك
طيبي ولج وشوفي شيخلصج مني
ضاملج شوك ووله ومشتهى ماينحجن
بووووية شوف الخدود ولج شني هاي متفحة على فراكَي
يم خدودي قرب حلكَة وعضهن
دفعتة لمكان قريب على الصالة جوا لدرج جنة واكفين
امي اجت بأتجتهنا فرحاااانة وجهها يضحك
تقربت سلمت علي
دنك على نصير شالة ويبوس بي ويسألة شلونك
امي تسأل بي عن غضنفر ضحك وكال
زين غضنفر كلش زييين ويعاينلي ويضحك مافهمت علي
وراها جان لازم ادخل للصالة
دخلت واني اودعهم وهوة يحاول يقويني بكلماتة ويكلي
كومي بلسلامة بساع يلله حتة ازفج بمارسيدس
موهاي جانت امنيتج
ويتمتم يم اذاني ترا جد جدي مشتعل مابية حيل انتظر بساع صيري زينة وكوميلي بلسلامة حتة انة امرضج بيدي من السبح
دفعتة واني اأشرلة على امي
دخلت فرحانة
ماكأن داخلة لعملية
وعيت على ضوة بعيوني وحسيت ادين شالتني من سدية لسدية
وراها حسيت على بوسات على وجهي وصوت نصير يكمز يريد يشبكني ويكلولة وخر ميصير
فتحت عيوني
جان يم راسي كاعد
صوتة يهمس
لحمد لله على لسلامة
ياروحي وراحتي شني ولج كعدي تشخرين شمالج اول طيحتة لنوم
بتسمت مابية احجي احس بعدة لبنج بية
صفن بوجهي يبتسم ويهمس
يا فـزة عـيوني الثكَيلة ولج خي عوووووووووووونج شكَد نايمة بحلمي
نصير تقرب الي إلة شالة قيصر وحضني وباسني يلله ارتاح
من شاف قيصر ماادري شبي تخبل علية يريد كلسا يبوسني ويحضن
حطة قيصر بحضنة ويقرقر بي
يهمس الة
ولك ابو درب انة اكول فطير ومن اهل الله جدام عيني طحت الها بوس ماتكول هذا العبد الفقير مشتعلة صفخة الخلفو
طلبت عندك اخوية ومحنة على حظي
اضحك واشرلة على امي
يعض اصبعة لسبابة ويكلي لتخليني اسبها وغفت على كلبي مدري شمالها تتسأل وانة روحي طالعة
طلع برا جاب اكل وعصاير الهم ماماكلين
ورا شوية شافتني لدكتورة نطتني علاج وخلتلي ابر مسكنة بلمغذي وبلكانولا
بقو يمي كاعدين يسولفون
على اساس امي تبات يمي بس هوا كاللها خل ارجعكم انتي ونصير واني ابات يمها
بقيت خايفة من سوالفة كلت لأمي انتي ابقي
بس ماخلاها كللها هوا سرير واحد وبطانية وحدة شلون تنامون انتي ونصير قشمرها واخذها رجعها
بساع رجع لفندق قريب على لمستشفى
علما راح ورجع جنت نايمة لمسكنات صاطرتني
فتح لباب ويفرك ايد بأيد ويكول بأسم الله الرحمن الرحيم توكلنا على الله
تقرب الي شمر الجرجف
بين اضحك وبين اصيح علي اكلة ترا اعلى صوتي ويجن السسترات
حيل طبع بوسة على شفافي ويهمس
اتشاقة بوية شمالج فطيرة
بقة الليل كلة ماكعد راحة ابد
ياماد ايدة على رجلية يا حاط راسة بصدري يشمشم
دفعتة واني اضحك اكلة انت مثل نصير طلبت عندك اخوية
لا بوية انة طلبت عدي حرمانية واشتياقية
هية وحدة من لثنين لو اجودرج لو اطلع انام بلممر
بقينة نسولف ونضحك للصبح انام ويوعيني يضحك بية
صبحية فتحت لباب امي
جان كاعد علكرسي وراسة على صدري
دفعتة اوعي بي واهمس امي امي اكعد
من دخلت دخل وراها ......يتبع
مساء الخير حبايبي مبقة شي على لنهاية اتمنة تنصفوها قبل متنختم وتصوتون على لبارتات لقديمة وشكرا جزيلا الكم 🥰❤
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!