#خنجر_الغضنفر
#الجزء_الثاني_بارت٤٦
#حنين_حاتم
بلقيس......
تمشيت ليجوة باب لمطبخ مسدود بس مامقفول فتحتة على كيف ودخلت
لصالة كبال لمطبخ
تمشيت محد اكو بيها
وصلت للغرفة جريت نفس عميق
وحيل ضغطت على ليدة وفتحت لباب
عيوني نفتحن
زياد نايم بلشورت ولفانيلة وبصفة وحدة مغطاية بس راسها طالع وعلى جهتها كاروك بي طفل
من فتحت لباب طلع صوت تحركت هية عاينت لأبنها ورفعت راسها
شافتني
نترت منووو
مارديت بقيت اتمشة بأتجاه زياد
دموعي تجري رجلية ترتجف تحتك حك بلفراش كوة جنت ارفعها
من شافتني تقربت حيل خضت زياد من متنة
بصوت عالي نتر بيها
دعوفيني لايمج ارتاح ولايم ذيج
جر لغطة على وجها ودفع ايدها
حيل نترت بي كوم شوف منو طب علينا كووووم
شمر لغطا عنة
شافني
كام على حيلة تقرب الي
جزاني راح علضوة شغلة
هي تستر بنفسها بلجرجف رغم مجانت لابسة شي مكشوف بس واضح رادت توصللي شي
تقرب الي سحب ايدي وهمس بلقيس تعاي برا نحجي لموضوع مو مثل ماواصللج
واصللي ؟؟؟
اني دااشوف بعيني زياااااد
تجذب عيونييييي
دتعالي هنا لتوعين حمادة بي خرعة
بصوت عالي صرخت افقدني صوابي بهاي الجملة
خايف علي
خايف على ابنك
وابني المسكين ماخفت علي بيوم عفتنة حتة تكمل لبناية الخسران بيهاااااااااااا
ماخفت علية من سحورة امك الي خسرتني رحمي واعز ملكيتي
ولك وكلبي
كلبي لوثق بيك وتحمل منك الي ماممكن مرة تتحملة
ماخفت على كلبييييييي
كلبي الي نطاك بدال لفرصة الففف
ماوكفن بعينننننك
دمرتوني انت وامك
دمرتو شبابي الله ليوفقكككككم
بلقيس ولج والله ردت اعوفها بس لغايب مالها يكسر الضهر
ياخي شكد مقرف انتتتتتت
شكد مقزززززززز
علمود لفلوس كل هذا
كل لعندك ومتكدر تدفع مهرها
صوتها بنتر طلعت من باب لغرفة تصيح
ليش تجذذذب انت ماعفتني علمود المؤخر
احجي لصدك
انت بنفسك كتلي بقيس فرصها بلأنجاب صفر وماجابتلي غير طفل مريض واني اريد اطفال خوما ابقة علي نصير وهوة معيوب
ينحسب علية ولد وهوة منغولي
هنا حسيت قيمة العتب تضاااائلت
للحد الي ماكدرت اتفوه بحرف عتب
حرف واحد ميستحق
ولايسوا
عفتة وطلعت ودموعي تجري
على طفلي الي سمع لعارات من اقرب ناسة
ابو الي لمفروض يوكف بوجه اي بشر يعيبة أو ينتقص منة جان اول انسان كسر مجاذيفة وإعترف بأن هوة انسان ناقص ومينحسب علي ولد
يستكثر على ابني ينحسب علي
واني الي اخجل من ان اكول هذا زوجي
زياد الي مليان عيوب وثغرات ونواقص
من اقبح النفوس الي ممكن تمر على انسان
بقيت اسامح واسامح وانطي فرص
بس هذا جان الذنب الي لايمكن يغتفر
جان اخر كاس مر ارتويت بي من عشرة زياد الى حد الثمالة
هذا الكأس جعل قلبي صلب الى درجة مخيفة
لخطوات الي خطيتهن من بيتة الي جان اول بيت جمعني بي الى بيتي الي اسكن بي
هللحضات جانن موتي بلون ثاني
جنت امشي وابجي بلشارع اشاهك مثل طفل
حسيت روحي ثكيلة على صدري تمنيت الله ينزعها مني وارتاااااح
صوت بداخلي يصرخ ليش ابجي
زياد يسوة لو عشرتة تسوة
ويرد علي صوت كلبي
بس روحي تسوا
جسمي يسوا
جسمي الي ضعف ويوم عن يوم
عشرة زياد جانت تبتلع مني وزن الى ان اصبحت مااكدر احمل طفلي ابن ال٤ سنوات
رحمي واعضم علاقة خلقها الله تسوا
رحمي الي خسرتة ولسبب زياد وامة
طفلي لمات يسوا
كلشي ضاع مني وافنيتة بهلعلاقة جان يسوا
يسوا هواااي ويسوا زياد وامة لباطلة
شكد شفت وشكد عشت وعانيت موت وفقد وخسارات بس لاشيء يضاهي احساسي بهللحظات
اكولها واني على يقين تام اعظم حزن مو موت لأحبة ولا فراقهم
اعظم حزن حزنك على نفسك
حزنك على نفسك الي ترميها بعلاقة ثقيييلة عليها وعلى وايامك
علاقة تخسر بيها كلشي وتتحمل حتة تعيش
وتالي هاي العلاقة هي الي تميتك وتقضي عليك
ماعرف شوكت وكفت كبال بابنا
طبيت جوة بلحديقة مسحت دموعي
طبيت للبيت
وراي ندكت لباب
امي تلكتني تسأل شكو
الي برا زياد لتفتحيلة لباب ابد
ليش
لتفتحيلة وخلص
لعد يبقة يدك فشلة من لجوارين دنية ضهر
ماما كتلج لتفتحيييين لتفتحيييين هوة شنو لدمرني غير هاي ملحتكم شنووووو
مالاحضتي وجهي
مالاحضتي دموعي
كسرتي ماشفتيها بعيوووني
بس محتارة بزياد ولناس شتكول
والله من دنعل ابو لناااااس لا بو زياد لابو لساعة لجمعتني بي
عفتها وطبيت للغرفة
نصوري جان نايم على صوت ضربة لباب فز رفع راسة يفرك عيونة ويريد يبجي
تقربت الة رجعتلة نومتة طبطبت على جتفة
اسمع صوتة برة لو احس روحي نار جهنم اشتعلت بيها
طلعت وسديت لباب على نصوري
بلصالة شفتة يحجي وية امي
دفعتة من صدرة للمطبخ وليبرا للحديقة
جان يدفع ايدي بخفة ويسال شبيج بلقيس هاي شدتسوين
خل نحجي
بلحديقة وكفت ونترت بي
شنو الي تريد تحجي شنوووو
وجمالة بكل جرأة والصلافة وتريد تحجي وتتناقش
سحب ايدي من عكسي يريد يطببني جوا
بلقيس فوتي خل نحجي وبلا صياح
ماااريد نحجي ولا اريد اسمع شييييي
اطلع برا بيتي ولتوصلنييي
وورقة طلاكي توصلك
غايبي وحاضري وكلشي منك ماااريد
لان ادري بنفسك لقذرة ميطلع منها فلس وحتلو طلع مااتهنة بي
ولا اني بحاجتك وحاجة فلوسك مال لحرام
بلقيس اهدي وبعدين نحجي طلاك ماكو شيليها من راسج
خلة وطلع
طبيت ليجوة امي من باب لمطبخ تلكتني تسأل
طبيت لغرفتي
يوم ثاني مارحت للدوام اتصلت بلمعاونة مالتنة ابنها محامي سألتها عن عنوانة
عندي كم قطعة ذهب لبست ورحت ابيعهم ادفعهم للمحامي حتة يخلصني بأسرع وقت
عفت نصير وامي نايمين
بعتهن بخسارة ورجعت
امي شافتني تفاجأت تسأل ليش رجعتي عبالها جنت بلدوام
اخذت اجازة ورجعت
ليش
تخربطت
شبيج
ضغطي مرتفع
شكلج مابي شي
شنو لسالفة ماما شبيج
بلقيس ماجنتي بلمدرسة هسة صديقتج اتصلت تسال تكلي شبيها ليش ممداومة
وين جنتي احجي بلقيس
طلعت لفلوس خليتهن علميز كبالها
بعت ذهبي
ليش ولج
كمتي تتصرفين من راسج مو
اي ايييي اتصرف من راسي ومحد الة شغل بية
بلقيس لتكبريها ماما تزوج يطبة مرض هذا بيتج وهذا ابنج وخلي بس بلأسم رجال
تتطلكين تاخذين احسن منة مثلا
ماااريدة ولا اريد احسن منة
اريد روحي
متت اني بعشرتة متتتتتت
عالة علية مو رجال عااااالة
لاهوة سند لاهوة بمصرف لاهوة اب صالح
على شنو بعد على نومة الليل لو واجهية للعالم
اي واجهية
خوالج لو تطلكتي مايسوولهم زفة جدييدة
لتخليني اسبهم
خاف عبالج رجعت لزياد خوفا منهم ومن سوالفهم
رجعتلة بقناعتي لاخوف منهم ولا من عندة
وياريتني ماسويتها
نزلت دموعي ندم على هذا لقرار
عفتها وطبيت للغرفة
من ورا لباب بقت تلوم وتحجي
يمة حرامات ذهباتج وفليساتج تذبيهن علي وتالي لايطلع منة مؤخر ولانفقة ولا مصرف مامنة رجا تدرين بي
وطلاك ميطلكج اول ماطب كالي عقليها عمة
طلاك مااطلكها لتتعب نفسها ولا تحاول ولاتروح للمحامين ينهبون بيها
موبكييييفة اكو قانون ويطلكني منة
غطيت راسي وخليت لمخدة علي مااريد اسمع شتحجي
للعصر لبست واخذت نصير اريد اروح للمحامي امي عرضتلي بلباب كوة ملصت روحي منها ورحت
بعدني ستوني وصلت للشارع اريد ائجر تكسي
شفت سيارتة من بعيد
تقرب الي وكف وفتح لباب ونزل
وين رايحة
ماالك شغل بية
تعاي ركبي اني اوصلج عليمن لكراوي
وخر من وجهي زياد سيارات وعالم ماريد اعلي حسي
حيل جرني من ايدي ودفعني للسيارة دفعتة
دفعني من ضهري حيل صعدني وصعد نصوري يمة
بلصدر
نزلنييييي
بلقيس شنو لتردي بلضبط
تزوجت مااجرمت
تزوجتها لأن بوقت ماردت افسخ ماجان عندي انطيها مؤخر وامي قشمرتني كالت اكتب مؤخرها اي شي هاي سوالف شكليات اهلها ميدورون فلوس
بس ماتصورت جانت رايدة بهلشي تكربسني بيها
انت اخر بشر يكول ماعندي
عيب عليك تحجيها هلكلمة عييييب
ولك مشتري عماااارة الدكاترة الي بلركن وامك فضحتك
وتكلي ماعندي
انت شنو من ملة شوكت ترضا وتقنع وتحمد الله
شوف نفسك شحالك
شايف روحك بلمراية الي يشوفك يكول عمرة ٥٠ سنة
ولك امنيتي اشوفك لابس بنطرون بي حظ مثل لزلم
دشداشة جديدة
شحاطة مامكطوعة ومخيطة الف مرة
امنيتي اشتم بيك عطر فاخر
اشوف بيدك ساعة لو سبحة بيها حظ
شايف نفسك لو لاااااء
اصحا على روحك اصحا شوف خلقتك شوف هندامك
الي يشتغلون عمالة احسن من حالك
امنيتي تطب علية بعلاكة مسواك
تشتريلي هدية محبس كلادة حتلو شبه
تذكر ابنك بهدمة بايسكل لعبة
عوفنة احنة مابعازتك والله ليعوزنا الك
شوف حالك ساوي لبشر ساويييهم
ساوي ربعك
ساوي لشباب لحلك
اشكر الله ولو مرة بذبيحة بدجاجة لوجه ربك الي مغركك بهلنعم
ولك اني اخجججججل اكول هذا رجلي
اتحمل عبئ لنفرات ولمشي مرات في سبيل محد يشوفك ويشوف بنطرونك مال عمو لكاحت
ودشداشتك الي كلها زروف مال جكاير ولونها رايح
سيارتك شايفها
تدري اني هسة وين رايحة
رايحة لمحامي وراح اذب مياية يمة بس حتة يخلصني منك
شفت لفرق بيني وبينك
اني بعت ذهبي ومستعدة ابيع حتة اثاث بيتي و رايحة اشتري نفسي
نفسي لعزيزة لرخصتها بعشرتك
وانت بعت نفسك بيوم قبلت ببت خالتك بس حتة لاتدفع لمؤخر مالها رغم تملك اغاتة
شفت لفرق بينا شكد
بكد مرك ومر عشرتك
بكد قباحة نفسك لدنيئة الي مايشبعها غير لتراب
جنت ابوح تراكمات سنييين
سنيين اكول يولي خلي واجهية للناس مااتعب نفسي بلحجي اعيش براتبي وخلي بس بلأسم رجال
بس لرجال الي نحسب علية بلقوة وتالي يكسرني هلكسرة
نعال وانزعة
ماطولني احجي جان مركز بلطريق ووية كل جملة احجيها جنت اشوف تأثيرها علي بقبضة ايدة الي تقوة على لستيرن وسرعة لسيارة الي تزيد
والي كلما تزيد تبدي تطلع اصوات عجيبة غريبة
الى ان حجيت اخر جملة
وكفت بصورة مفاجأة سمعت ارتطام جسمي بكشنات لسيارة
مد ايدة ليورة من يمي فتح لباب عاينلي وكال
نزلي
نزلت ونداريت اخذ نصير
نزلتة بقة يبجي يريد يروح ويا
تكترت على صفحة اجرت تكسي وصعدت
توجهت لمكتب لمحامي
استفسارات وتساؤلات واخذ مستمسكاتنا استنساخ
واتفقنا مبدئيا على مبلغ ويزيد حسب لجلسات
رجعت للبيت
امي من لباب تسال وتحجي تجاهلتها وكعدت اني ونصير بلصالة نباوع تلفزيون
ورة كم يوم اتصل بية لمحامي وكالي لأحد اتواجد بلمحكمة لصبح
رحت وجانت اول جلسة
دزولة تبليغ حظور
بلجلسة لثانية ماحظر
نطو مهلة شهر عسا يصير صلح
وراها جلسة جانت هم ماحظر الى ان طلقني القاظي غيابي
وتطلكَت من عندة بلمحكمة ونحكملي بحضانة نصير ونفقة
بس بقيت على ذمتة شرعا
لزمت خط الطلاق بيدي
جنت فرحانة
صح بعدني على ذمتة بس حسيت هاي اول درجة للسلم
وبنهاية لسلم لخلاص من زياد
عدت ايام هوة يتردد علينا يدك لباب يجيب مسواك علاكة مابيها غير مخضر
مااطلعلعة ولا اشوفة
امي تطلعلة بلأستقبال وتطلعلة نصير يكعدلة نص ساعة ويروح
ورة مدة فتحت ويا موضوع طلاكي عند المؤمن
حاولت اقنعة
بلين اكثر من مرة
حجيت ردت جانت حجايتة
بلقيس لاتتصورين تطلكتي من لمحكمة معناها لويتي ذراعي واطلكج
اني ابني مااعوفة
انتي انسانة طايشة ماعندج ذرة مسؤلية اهم شي نفسج مافكرتي بهذا الطفل شنو مصيرة يربا بلا اب
ليش نشتتة وهوة لبي مكفي
ليش انت فكرت بي فد يووووم
لتعيش دور الاب الصالح اني وياك ندري نصير عمرة ماشكل فرق بحياتك
وانت بنفسك كايللها للخاتون نحسب علية طفل وهوة مريض
لوجنت اب صالح متكول هيج عن ابنك
من ليوم ورايح ممنوع منعا باتا تجي للبيت ونصير متشوفة وشتريد تسوي سوي
يصير خير يصير خير
عافني وطلع
عدت مدة كلما يجي ماافتحلة لباب الى ان كطع رجل كام اصلا مايوصللنا
عدت اكثر من سنة زياد اشوفة ويشوفني صدفة بلمنطقة واني طالعة
اشوفة يفتر بلسيارة مالتة عصريات يشتغل تكسي
يعوف لعامل بلمحل ويشتغل تكسي بلسيارة
شكد اقرف منة من اشوفة هيج يسوي
نصير نطقة موسليم يسولف بي دائما احسة ماناسي
استغرب هلشي لأن هوة اصلا ممتعلق بي من لأول زياد ميتواجد بلبيت غير بليل يجي تعبان ينام على وجهة جفي من التعب
عدت مدة ماعدنا شي مرتاحين زياد اكثر من مرة يجيني للمدرسة يجي لحارس يكلي مااطلعلة
اوصي لحارس يكلة عدها درس
لمعاونة مالتنا انقلت ولمديرة اختارتني بمكانها
جان يوم احد وجنت رايحة للتربية بشغل
كملت شغلي واريد اطلع لممر ضيق
اكو شخص جان واكف بطريقي يحجي هوة وواحد
همست من رخصتك دااعبر
اي تفضلي
ندار علية صفنت بي ..........
نززني صوت انغام من كالت
انعام تسمعين لولد شجاي يكول
صارلة ساعة يحاجيج شبيييج
كمت على حيلي مسحت دموعي
عيني على قسوَّرة ماحجة كلمة خازر ويعاينلي بغضب
تقربت عليهم
لولد سلم علية ويحجي وية منصور
_يكولون قيصر موجود بلعراق
منصور؛ شلون عرفت
_واحد من منطقتنا يراجع علمود نقل ويكول شايف قيصر بلتربية ببغداد
محولينة اشراف ولولد اكدلي شايفة اكثر من مرة
شوكت هذا الحجي
قبل سنتين تقريبا
منة تقربت الة تحجي ويا وتسأل بي
يعني متأكد
عيونة إتسعن صفن بيها
نترت بي
مو دااحجي وياك
متاكد هذا لشايفة عمو قيصر
اي متأكد ومسلم علي وحاجي ويا
منة؛ ماسائلة عن بابا وبيت جدو
مااعرف والله
ندارت علية بحماس
خلي نرجع لبغداد وندور على عمو قيصر بلتربية نسأل واكيد يدلونة
_هسة خل نرجع لبغداد عود والله كريم
_لتكيلي الله كريم
بقت تنتر وتلح
سحبتها من ايدها للسيارة ولولد لحكني يسألة على عنوانة
نطيني عنوانكم رقمكم حتة اذا حصلت معلومة عنهم ابلغكم
ماجنت رايدة انطي ولا رايدة يصير ويندلونة جبتها حتة اخلص من ملحتها وترجع لدوامها
بس ملحتها حرجتني وية لولد
خليت منصور ينطي رقم تلفونة وعنواننا
ركبنا لسيارة راجعين
شفت بعيونهم فرحة جبيرة
طول لطريق جانو متحمسين خصوصا منة
كلسا تاكد علية وتكلي اول منرجع لنروح للتربية الي كال عليها عمو ونسال عنة
رجعنة للبيت تعبانين وصلنة بليل
نمنة ويوم ثاني ماداومنة كلنة
وعتني ساعة فوك ل١١
كومي ماما يلله كومي راح ياذن خاف تعزل لتربية
عوفيني ولج مطايرة نروح بأي يوم
باجر جمعة وعكبة سبت عطلة بعد شوكت نروح
بقت تلح وتنك
ماعافتني الى ان بدلت ورحنة
بلسيارة جنت ارجف خوف
خوف لا نلكة قيصر او نعرف عنوانة
خوف لا يجي هليوم والتقي بيهم واشوفة
مجرد لفكرة رجعتني لذاك ليوم
غمضت عيوني وسرحت
اتذكر لسنين الي قضيتهن من غير رجال
اتذكر شكم مرة تذكرت ليالينة وسوالفة وغزلة وتنتهي ذكرياتي بكابوس حول ايامي الى ضلام
كاوبس جان الوحش الي ابتلع كل الوان حياتي وخلاها ابيض واسود
سنين مرت علينة لجهال يكبرون كدام عيني
واني كل يوم اشتاق الة
كل يوم احس روحي تحتضر على شوفتة وملكا
بس من اصفن واتخيلة كبالي
جنت اصرخ اتهستر اوكع من طولي بلكاع من غير مااحس على نفسي
خوفي من ملكا جان لاشيء كدام خوفي من انو يجي يوم ويندلون مكاني ويزل لسان احد منهم ويحجيها كدام اطفالي
خوفي من انو ينخلق من ابني غضنفر ثاني
يتعير بأمة ويبقة مدنك راسة كل عمرة
خوفي لاينعاد الي عاشة غضنفر وية ابني
هاي الفكرة جانت مستحوذة على دماغي بلكامل
وهاي لفكرة جانت اكثر شي خلاني مصرة على قرار لبعد ولهروب بيهم لو لآخر لدنية
كبرت منة وكبر قسورة
من كد ماجنت اخاف عليهم حتة لعب بلشارع ميلعبون مثل لجهال
جنت اجيبلهم اشكال لالعاب بس حتة ليطلعون
جنت اجبر نفسي العب وياهم طول لوقت
منة من عمر ل١٠ سنوات بدت تطول بشكل ملحوظ
بضرف ٣ سنوات صارت بطولي
خوفي عليها من لشارع ولبي صار اكبر
نززني صوتها من كالت ماما يلله لعمو يكول وصلنة
نزلنة اني وياهم
كل خطوة خطيتها متوجهة للداخل جنت ادعي انو مانحصل اي معلومة عنة
واشوفهم كبالي يركضون ليجوة متوجهين للداخل
طبيت ليجوة سألت اول شخص شفتة كبالي
اشرلي على غرفة بنهاية لممر
ماكال شي مدري حجة واني ماسمعتة
مشيت وراهم وهمة يسحلون بية كل واحد من ايد
ماجنت اسمع كلشي رغم المكام مكتض
جنت اسمع صوت دكات كلبي وبس
اشوف شفاه تتحرك
ولصوت الي باذاني دم دم
لاغير
وكفت كبال لغرفة
بابها مفتوحة بيها اكثر من مكتب
تجولت بنضري بينهم
جان اكو واحد منهم وجهة بللابتوب
صوت منة تنتر بية يلله ماما طبي
وقسورة يجرني من ايدي
عاينولي كلهم
وهوة طبك الابتوب وباوعلي .....يتبع
شكرا على تفاعلكم 😕
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!