#خنجر_الغضنفر
#الجزء_الثاني_بارت٥٩
#حنين_حاتم
بلقيس......
لحظات مرت علية فرحانة بيهن شفافي تضحك لوحدها
نصير يمي يسأل ماما شبيج ماعرف شنو اجاوبة
امي تروح وترجع تكلي مايكتفي بيج يتزوج عليج خلفة ماكو مايقتنع رجال عربي واحدهم يخلف جيش ومايكفي
احاول مااخلي كلامها ينغص علية فرحتي
اعرف رايدة مصلحتي واعرف خايفة علية واعرف تشوف ايوب انسب الي وتشوفة انسان يكتفي بية وماممكن يفكر يتزوج غيري
بس شلون افهمها انو الحب تضحية وصبر
والي سوا قيصر يكفي يخليني واثقة منة تمام الثقة
لليل اتصل عمو صوتة عالي ويمة صياح
شكو عمو خيرر
هذا النذل زياد اخذ مهرج ويكلي هذني فلوسي لوتموت بلقيس متشوف دينار من عدهن
لفرحة لبية ماواسعتها لدنيا خلتني ماافكر بكلشي وفلوس من زياد مااريد لأن اعرف مااتنها بيهن
من زمان جربتة من ينطيني فلس تبقة عينة ورا
لو اذب لفلس علمستشفى لويطير بدون مااحس علي
كتلة خلي يولن عمو مااريدهن
ياكل نعل ينطيهن الج كاملات واني هسة رح اتصل بلشيخ انطي خبر
وخاف يخابرج يسألج كلت احطج بلصورة
فعلا ورا شوية اتصل بية لشيخ يتأكد
لأن مخابر زياد بعد ممخابرة عمو وزياد ناكر كايللة وصلتهن الها
كتلة ماوصلني ربع
شوية وطبت علية امي
زياد متصل بيها وكايللها كلي لبلقيس تتنازل عن الفلوس ترة اخذ نصير من عدها
جريت لتلفون من ايدها
دكيت علي
رد رأسا
هاعمة بشري
بشروك بنار جهنم ان شاء الله
شوف زياد ال٥٠ مليون ملات مهري يوصلني حالااااا
ونصير متشوف وجها بعد واطل حيوانة اذا خليتك تشوفة او تسمع اخبار عنة
سمعي وللللج
موطبختوها سوا انتي وصاحبج
الفلوس متشوفين منهن فلس واذا الحيتي وحرجتيني وية لشيخ وعمامي ادز لفلوس مو ماادزهن بس نصير اخذة منج برضاتج غصب
لو اعرف اخطفة
خوش همزين كلتها بعضمة لسانك
هاي مكالمتك سجلتها وراح ادزلها للعشيرة كلها نفر نفر ونصير اذا نضرب بلشارع ابليك الك
سمععععععععت
سديت التلفون حيلي كلة يرجف
لمكالمة مامسجلتها ولا عندها امي برنامج يسجل
بس ردت اخوفة
رجعت اتصلت بلشيخ حجيتلة عللي كالة زياد
وخابرت ولد عمي لجبير متوفي هم نطيتهم خبر بتهديد زياد وكلتلهم انتو تشهدون باجر عكبة اي شي يصير على ابني اني ابلي زياد
خلي يتقي شري احسنلة
بقيت اغلي وخايفة على نصير
عدن يومين ايوب داز امة يريد يفهم شنو لوضع
امي كايلتلها ماكو قسمة ابو نصير مايقبل تاخذ ايوب وسوالها مشكلة
نسدت سالفة ايوب حسيت براحة فضيعة
رغم نقهرت علي جان باني امال
بس كلشي بلقسمة ولا اني قسمتة ولا هوة قسمتي
وراها اجة عمو زياد للباب وجابلي لفلوس
لمن حسبتهن جانن ٣٨
عرفتة ماخذ منهن
بيني وبين ربي مابريتة لذمة ودعيت مايتهنا بيهن ولا الله يتقبل عمرتة
وسديت لسالفة لأن مالي خلك لمشاكل ماعاولت اخلص
يوم لجمعة ساعة بل٢ لضهر كملنة غدة وشلت لمواعين غسلتهن وعزلت لمطبخ وكملت واريد ادخل لغرفتي اتمدد كاعدة من لصبح ومتعودين على كسرة لضهر
ستوني حطيت راسي ونصير يمي يحوص مايرضة ينام
ندكت لباب وتلاها صوت امي تصيح
بلقيس فتحيها مابية اكوم
كمت على حيلي وصلت يمها صحت منو
صوت حجي برا وصوت جهال
صوتة رد علية
مو صوت حسيت كلبي نخطف ويا
بقيت اراوح بمكاني مااعرف شسوي
ركضت على امي صحتها
كامت وياي وتلف بحجابها
عاينت على روحي بلبجامة وبيتنا مابي استقبال معزول مفتوح شي على شي
ركضت للغرفة لفيت روحي بصاية وشال
عاينت للمراية وجهي شحالة حتة حفافة ماحافة الي اشهر
وكفت عللمراية اشلع بحواجبي بملقط
ادية ترجف خفت اخربهن
شمرت لملقط وخليت شوية حمرة بحلكي وخدودي وخطيت حاجبي وطلعت
اعاين للصالة عبارة عن نسوان وجهال
تقربت اتعثر من لخجل
كبالي لأستقبال بي زلم وولد ماركزت بيهم
تقربت اسلم راسي مارفعتة ولاميزت شكولهن من لخجل
شعور اتمنا لكل بنية
خجل على رهبة على فرح
سعادة ماواسعها كلبي احس فاضت منة وغمرت كل جسدي وحواسي واعضائي
كل وحدة تلزمني تبوس ربع ساعة
وشلونج وشخبارج وشعلومج وشلونج بعد
وشلونج زينة
سلامهم وكلشي بيهم حلو بس اني موحمل سلام من الخجل ودي اختل بهدومي
رحت للمطبخ ماكو شي اقدمة
طلعت فاكهة كَصصت ورتبتها بمواعين زغار
وخليت لقوري علنار
رحت قدمت لفاكهة للنسوان
ستوني طبيت للأساقبال كلت سلام عليكم واريد اقدملهم
غضنفر،صاح على ولد وكالة اخذة من عمتك
تقرب يضحك بدون سبب اخذة من ايدي
نقذني من مهمة تكاد تكون لأصعب في حياتي
رحت اشوف لجاي لحكتني امي
كالت لا فشلة مومال جاي رح اجيب ببسي عصاير واجي
راحت وعافتني يمهم لوحدي
نصير ادور علي ماكو
ام تهاني بتسمت واشرت الي علأستقبال
اعاين بحضن قيصر على رجلة مكعدة ويكشرلة برتقال ويوكل بي
ركزت بيهن متغيرات هوااااي
عمتهم امريكا كبرانة ومعجزة وام فدعم اكثر منها بحيث متشوف زين يتجولها
كشمش متغيرة وسمنانة بس بيضانة
زوري جنها دعبلة وبسعاد اختي صايرة تشبههن
حتة لبسها جاية بلدشداشة وشال وعباية
ووياهم ثنين يشبهن تهاني حيل
بلجسم يحطني جوا اباطهن بس من حجن تأكدت بعدها لطفولة بروحهن
اماني وهبة
لجهال ناس علقنفات ناس على محجر الدرج
وغضنفر كل صوت يصيحة عليهم يكعدولهم دقايق ويرجعون
عمة امريكا تضحك وتكللهن
وين فدعم عنهم
راح صكارهم
بسعاد عافتني وراحت للحمام
ضليت ابلعم
كلتلهم رح احط غدة
كالو ابد وحلفو متغدين بلطريق من ل١٢
شوية ودخلت امي وياها خالي ونوفل ومرة خالو
دخلو يمهم بلأستقبال
وامي ومرت خالو اجن يمنا
الحت عليهن علغدا كالن متغدين
اشرتلهن امي علحمام
خاف تردون تغسلون تنزعون حجاباتكم
نزعن عبيهن واخذن راحتهن الي راحت للحمام والي راحت للمطبخ
ناس مدت سجادات تصلي وناس سبحت ونامت بلغرف
رغم بيتنا زغير بس لحلو بيهم ميتعالون رغم بيوتهم فخمة
يعني عمة امريكا تمددت بلكاع وجهال زوري نومتهم ودحستهم جوا لجرباية
اخذن الهن غفة ساعة وصاحو عليهن كالو كعدوهن
كعدناهن
طلعن بلصالة امي جايبة كرزات وحب ونساتل للجهال
طلعتهن بلصالة كاعدين واسمع صوتهم يحجون وية خالي
غضنفر يحجي وية خالو
_احنة صح اخذنا لموافقة من عمامها بس انتو ماتهونون
انتو لأصل ولفصل
وموافقة عمامها لاشيء كدام موافقتكم وموافقة والدتها
ولجواب منها نسمعة
خالو رد علي بصوت عالي يسمعنا
_طبعا احنة ماقبلنة على عمامها لأن ماحطونا بلصورة ولأن لبنية بعدهة امها وبعهدتنا راح يصيرلها اكثر من سنة
بس انتو بهاي جيتكم اثبتو انتو ولد اصول
ومالومهم من نطوكم كلمة من اول مرة
وهاي والدتها تسمعني
وهي الي تقرر لأن هي تعرفكم اكثر مني
امي من مكانها كالت
اني موافقة وجيتهم على راسي بسعاد عاشت عدهم اكثر من ماعاشت عدنا و تمدح بيهم وبمعاملتهم مانسمع عنهم الة كل خير
واني يشرفني نسبهم ويفرحني بناتي وحدة عينها علثانية
وبنفس لمكان مااضل اتعنا واخسر كراوي من ورا لنسابة
كالتها بضحك وكلهم ضحكو وياها
صوت قيصر،يهمس
بعد نسمع رأي لبنية
صديت ناحيتة جان ودي اكوم املخة على هلموقف
بقيت مدنكة وكاتمة الضحكة كوة عني
صوت عمة امريكا قطع لصمت والترقب والعيون الي مبحلكَة علية وكالت
شني هاي لبت غدت طماطة حرجتوها شمالكم
عمي لسكوت علامة الرضا
هلهلت بصوت عالي
وكشمش بعبايتها وكفت وتهوس
جبناها بتعب موش بتواسيل
جبناها بتعب موش بتواسيل
قرو لفاتحة
مااسمع شنو يكولون
يحاجوني اهز راسي
يسولفون واني ابتسم وماادري كَضت سالفتهم لو لسة
عجيب شلون تنجمع كل احلامنا بهيئة بشر
شلون يكدر بشر يكونلك كل لأهل وعالم من الأمان
ماادري شوكت جابو وكعدو يمي
ولا ادري شوكت جابو شيخ
كل الي اتذكرة جنت مدنكة ودموعي مغوشة لرؤيا وصوت لجهال ساطرني
وطش لجكليت كلسا وحدة تجي براسي
ماوعيت غير واني اكول نعم وانت وكيلي
وايدة تلمس ايدي ويهمس
مبروك يااحلى سواليفي
يمن لخاطرج هانت خواطر
الله يبارك بيك
بهمس ماسمعني
باس راسي وفتر على عماتة وامي ولبنات سلمن علي كلهن وراح للأستقباب
اسمع صوتة يكل لعمي
لا ابد هذا لامهرها ولا محسوب وية الحكَ مالها
هذن جرة اذن لزياد وعوض سنينها لغبر لعاشتهن ويا
مهرها يوصلها ذهب ونيشان وكلشي
ادز عمتي ولبنات وتروح هي وياهن تشتري لجمعة لجاية
خوالي ماقبلو بقو يتناقشون ويا كلولة موشوية لدزيتو
قاطعهم وكال
لاعمي مو انة الي انيشن مرتي من فلوس غيري
ولا انة عايزلة من اخذتهن منة
بس ردت ائذي بأعز شي على كلبة
مثل ماهوة اذاني بأعز ماعلى كلبي
كالها وندار علية صفن
ايد غضنفر على جتفة تطبطب ومدري شيهمسلة
بقو يسولفون
جرو لبردة فاصل بين لاستقبال ولصالة
عصرية ساعة فوك ال٥ ونص طلعو من عدنا
بلطارمة واكفين اني وامي نسلم عليهم طلعو كلهم امي برا واكفة بعبايتها
واني بلحديقة اعاين من ورا لباب
اشوفة رجع بعد ماركبو كلهم وهمس لإمي
خالة جكايري نسيتهن بس من رخصتج
اشرتلة تفضل وية مادخل عمة امريكا نزلت ومدري شتسولف وية امي
دخل جنت ورا لباب
صار بوجهي
ماعرف شنو لصار كل الي اتذكرة وجهي جان يم ركبتة وجسمي من لكاع مشيول وادي حول خصري وشفتة تتحسس ركبتي وصوتة يهمس
يشالع كلبي من سنين
هلبت تنشلع منة
قيصر امي اهلك
شتعلت صفحة اهلي
صوت امي ورا لباب تدفعها
جان منتجي عليها
همستلة نزلني ووخر فدوة من لباب
نطاني خدة ويهمس ماانزلج الة
قبل ميكمل حيل بستة برتباك وخوف اريدة يوخر اعرف امي تخزيني وتاكل كلبي
نزلني
على كد ماطويل دنك يلله رجلية لاحت لكاع
وخر من لباب وخدة بي وردي من حمرتي
دخلت امي تخازر بية وتنافخ ماحجت شي
نصير جان نايم
وكت مغربية دخلت كعدتة
ستوني اكركر بي وابوسة اريدة يكعد دك تلفوني
شتلة
الو
صوتة يهمس
نعلعلة بليسج هية هاي سواية
شكو
لحمرة لتارسة خدي
ماشافوهم من باكَو شافوهم من تقاسمو
هههه تستاهل مال لحرام ميطيحلك
تضحكين مو
انة الج
سديتة واني لفرحة لبية مابيعها بملايين
بليل اتصل بية
وللصبح بقينة نسولف
حجينا لماكدرنا نحجي من سنين
صوتة ليهمس اااااخ ياتالي لشكَة ولج والله ضاملج ضميييمة لأطلع ضيم كلبي مربع منج
جنت ابقة ساكتة مااعرف شجاوبة
ومن فرحتي كلبي احس دكاتة مو نظامية
بقينة كل يوم بليل نسولف
يتصل بية بلنهار يفتحلي تحقيق يومية وين رحتي وين اجيتي شنو اكلتي شنو سويتي على كلبي مثل لعسل
يحجي وية نصير يومية
ميفوت يوم مايحجي ويا ويسولف
ورة اسبوعين من خطوبتنا جاني هوة وغضنفر ووياهم ولد زغير
نزل قيصر،وهمة راحو
دخلتة جوا
بقينة نسولف امي كاعدة يمنة هية ونصير كلسا وسألتة شلونهم اهلك
صوتة يهمس يم اذاني
لحجية ماناوية تحن علينة شوية خل اروح تأخرت
جلبنة بي على لغدة ماقبل
طلع وطلعت ورا
بلباب وكف يم لمغسلة يغسل
تصير كدام لأستقبال معزولة على كتر
تقربت يمة نطيتة خاولي
ماحس غير ادي تقيدني بشدة
تقرب الي برقة باس شفايفي حسيت راح اوكع بلكاع
وخطوة تنزل شفايفة توزع بوسات على وجهي وحنجي وركبتي
مجرد ماوصل لركبتي تحولت لرقة الى قسوة
حاولت ادفعة ماطلني ولاوا ادية
مابتعد عني غير واني لازمة ركبتي وانتر بزعل
ليش هيج قيصر شوف صارت حمرة هسة امي تشوفها فشلة
هاي وحدة الي وياج واخذت ثاري
ضحكتيهم علية لدرب كلة انة هلكدوتني وكلسا واحد ناطيني كلينس ويكلولي امسح امسسسسح
ضحكت ورجعت ليورا منة
اي مو انت ردتها اني شعلية قابل جابرتك
لا والله ماجابرتني بس انة ماكدر اكض روحي على كولة ذاك لزلمة
هية لحجية لومطيتنا مجال مااطلع اذا ما
اسسسسس
ايدي على حلكة وعيني علأستقبال امي فتحت لباب وتعاين يمنة يسرة
صوتة يهمس من ورا اصابعي
اصيحلها
ها اصيحلها
اشششش تاكل كلبي والله مروتك متعرفها شتسوي
خوش لعد وحدة بوحدة
ماحسيت غير من لف رجلية على خصرة ووجهي صار يم وجهة وادي جوة حوضي
وصوتة هامس
سفوح صدركِ مسجدا يشتاق توبة ملحدِِ
بين ادي سهيت لحد ماوصلت شفافة يم صدري
دفعتة ونزيت
قيصر دخيلك روح لاتطلع امي يمعود هاي من اول جية هيج شخليت للعرس
مافتحلك لباب بعد
تمشة يضحك ويأشرلي ويغمز
اعبر من لحايط
طلع سديت لباب ورا
وصوت امي تلكاني
ادري ماشايفة رجااااال ماضايكة قبل
شبيج خانبة بلولد بلحديقة جان ستحيتي
ماكلتي حوارين تشوفنا
ماكلتي ابني يطلع فجأة ويشوف
ماجاوبتها دخلت للغرفة مااريد شي ينغص فرحتي
صحت على نصير بقيت العب ويا
بطبعي من افرح ودي لناس كلها تفرح وياي
عدت مدة كل شهر يجي يوم لجمعة يذبة غضنفر يمي ويروح هوة ولطفل الي ويا
والي عرفتة متأخر
ابن انعام قسورة
من عدها وسولفلي على وضعها ويحجيلي كل فترة مقتطفات عنهم وعن اهلة
من اسولف ويا اسألة عنهم
يكلي اني اريد احجي وياج لتسأليني عن اي بشر
كل مايجي يتعدا الحدود اكثر
صار ميكتفي ببوسة وحضنة ولمسات
اهددة بأمي اكلة اصيحلها
يكلي صيحيها خاب كدامها اشيلج واحطج بحضني
انة رجال بايع ومخلص
كلبي نكَطع وطكَت حوصلتي
انة سنين صايم خاطر افطر بيج خل تجي لحجية صيحيها حياها
اضحك علي ماعندي جواب
امي احسها تتنزعج من جيتة رغم مايجي بكثرة ومايبقة اكثر من ساعة أو ساعة ونص ومايجي ايدة فارغة
يخجلني على كد مايترس لحديقة علاليك مسواك
نبقة اسبوع ناكل بلمسواك الي يجيبة
عدا الملابس ولهدايا الي ولنصير والها
جنت اعاين عليهن تنزل دموعي من اذكر زياد ومذلة زياد وعشرتة المرة
كل فترة تكلي حاجي بسالفة زواجكم
فتحت ويا لسالفة ومستحية لو ما ملحة امي ماسويها
كال والله مامأجلة إلة علمود دورة سنة بت غضنفر
وإلا اني من عين باجر اخذج يمي
لابية اصبر ولا ضل شي من لعمر
بس شسوي فشلة من اخوي لسا مامستوعب موتتها
ماكافي وكفتة الي وركضتة تسوا لدنية
كلتلها لأمي ماقتنعت
بقت كلما يجي تتذمر وتتعمد تصيح على نصير كدامة لو تصيحني ترزلني على شي تافه وتتعمد تسمعه
هوة يسمعها يتخبل
الى ان تعبت منها
احاجيها تكلي خالج اكل كلبي هوة ونوفل يكلولي شنو هوة ولد زغير ونتاني يكون روحة
شنو معناها طاب طالع
يريدها خل ياخذها ويفضها
اتصلت بي جنت معصبة
كتلة من باجر تحدد زواجنا
نتر بية روحيييييييي وسد لتلفون ..........
قيصر....
طلعت انعام وطلع غضنغر وية طلعتها
حاولنا نمنعة اني ولولد ماقبل دفعنة وركب
اتصل بي غالق تلفونة
دخلت جوا لبنات وعمتي يبجن
لليل تأخر وهوة ماكو
كلت ماكو غير راح لقبرها
للساعة ب١٢ يللة سمعنة صوت سيارتة
طلعنة اني ولود نلوم بي على تأخرة
نزل وية مانزل لمسدس طفر من جيب دشداشتة
مر من يمي وكال
منا ورايح تعودو
دخلت ورا
شني تعودو غضنفر شبيك
كلي مابية ممشي عليك روح جدتي عوفني
دخل جوة من لباب سأل وين سللامة
اشرولة على غرفتها
عيني على حمزة كام من مكانة وتقرب للغرفة
دخل للغرفة حمزة راد يدخل ورا دفعة و
قفل لباب
لكحتة دكيت لباب ردت ماكو
دفعني صميدع هوة وعمي رحيل كسروها اعاين
جان صاعد علجرباية وبثنين ادي خانكها وهي ايد مجبسة وايد تضرب بيها علجرباية وترافس
حيل سحلو لولد وعمي من فوكها
يدفع بيهم ويصيح
هدوني ولكم هاي مثل ولد جليل حرام تعيش
وللمرة لمليون انطيهة فرصة تصير ادمية لخاطر ابني بس هي مصرة تصير حيوانة
اعاين الها زركة وتكح وجها شاحب مختنكة
حمزة حيل شابكها على صدرة مثل طفلة
وغضنفر يدفع بيهم يكلهم هدوني اريد اموتها حتة دفن ماادفنها بلزبالة اشمر جثتها مثل لحيوانات
جنت تك ايد احاول احجي ويا والزمة مااكدر
حمزة من سمعة من مكانة طفر وينتر بأبو
عوف امي عوفهاااا
مولأن غريبة وماعدها احد تتكاثرون علية
ادري انتو كاسرين ايدها لازالكة ولا واكعة
وهسة تريد تموتها
ام قسورة تبجي عليها بجي وامي تريد تموتها
ليييييش تفرق لييييش
ولك تعرف ليش كسرت ايدهااااااا
امك لشريفة بت لخوش اوادم
تحجي بشرف اختك
تتهم اختك لميتة بشرفهاااا
امي معليها
عمو اسماعيل هوة الي سوا هيج
ندار علية غضنفر متفاجأ ويسأل
قسورة شمدري
سمع مني
قسورة:- لاماسمعت من عمي
انة شفتة بعيني من كتب بلدفتر وامي مالها غرض
دفع لولد وكاللهم هدوني ماسويلة شي
تقرب الة خلة ايدة على ركبتة وبصوت هادء همس الة
احجيلي لدفتر شوصلة لأيد امك
مادري
حمزززززززززززززة
احجي احجي بس لاتضرب امي والله مالها دخل
احجييييييييييييي
انة جبتة الها اني
بس والله ماادري جدو يريد يكتب بي هيج وهي هم متدري
ندار عليها
متدرين مو يمة
موصح متدرين
مدنكة ومتحجي
غضنفر :- لاء تدررررررري
امك لمصون هي الي مخططة
واستغلت فترة غيابي من رحت لقبر اختك وحاكت خططها الي ابليس يصفكلها عليهن
امك لشريفة الي كاعد تدافع الها تتهم اختك لميتة بشرفها باااااطل
هم عليها يريد يضربها
لزمو عمي ولولد وعمتي
صرت كدامة حاولت اهدي جان فاقد
غضنفر لضرب ميفيد سبق وان جنزتها وسوت لأتعس
عوفها خل تطلع من بيتنا وتروح لاخوانها يذبحوها يستقبلوها همة احرار
الي عليك سويتة وزايد
بس هي متستاهل وحرام ملفين جلبة بيناتنة
بس نندار تعضنا
صوت عمي ابو فدعم وعمي ابو ستار ولولد وعمتي ايدو كلامي ويكلولة
اي عوفها خل تطلع منا وخلص
بصوت عالي ينتر،بأعصاب
مثل جليل وولدة من كلتوليي عوفهم يطلعون وسامح
وسامحتتتتت تالي كتلو بتي وضي عيني
كسرو ضهري يابشر
كسرو ضهري
وهسة تردوني اعيد نفس لغلط
ميخالف مهما يكون ماترهم تكتلها وتشيل دمها بركبتك
تبقة ام ابنك
شلون كلبك ينطيك تكتل امة
تتصور يباوع بوجهك بعد
صوتة انخرس من صد على حمزة الي واكف كدامها وفاتح ادي يدافع الها بكل براءة
انفاسة علت
حيل على رجلة ضرب
امري لألله ولواحد لقهار
اشر عليها ونتر لمي جرودج وطلعي ربع ساعة اذا تأخرتي اطلعج سحل
طلعنة من لغرفة حمزة بقة يمها
شوية ونفتحت لباب حمزة يتجيلها وحاضنها من خصرها
تقرب لأبو وهمسلة
مع لسلامة بوية
نفتحت عيوننا وغضنفر يباوعلة متفاجأ
غضنفر:- وين
وية امي
يا ام
بعدك تسميها امي
طعنت اختك لميتة بشرفها وبعدك تسميها امي
طلكت انعام من وراها ونحرمت من اخيك وامة
وبعدك تسميها امي
ولآخر يوم بعمري
انة ابن
والله امرني اكون بار
انة مااصير عاااااق لو مهما تسوي تبقة امي وتاج راسي
احس بهلكلمة جان يوصل رسالة لغضنفر
عيوني علي لمعة بعيونة ويعاينلة متفاجأ
غضنفر:- وابوك ؟
الله ماامرك تكون بار بي
وانة ماقصرت وية ابوي
طول عمري سمعا وطاعة
لأهانات تنزل علية مطر
عسا لزمت لمبايل تهينني كدام لجبير ولزغير وتضحك لفروخ علية
ردت اربيلك كللللب
بس انة مامسوي شي غلط
انة من اجة قسورة لهنا حسيت روحي نكرة
كل وجود ماالي هوة لأول بلأول
تعاين لحلكة وانة بس للصخرة
تخاف علي من صون لطلق
وانة تخلي سلاحك على ركبتي بكل سهولة
عيوني علي متفاجأ وكل لموجودين متفاجأين بحجية
هذا موحمزة
حمزة الي طول عمرة ياكل لأهانة ويضحك
جمزة الي شالع كلب ابو وماعلي اعتماد ابد دومة مفشلة بجفصاتة
غضنفر تقرب الة مصدوم
بغصة يهمسلة
اخوك الي تكول مسوي لكل بلكل
محروم مني سنيييين
سنين مايعرف كلمة بابا ولاشايف وجهي
سنييين انة مقصر ويا
انت بس للصخرة؟
ولك انت جبيري واعتمادي
انت لربيت هنا ولماتخاف لامن سلاح ولا من طلقة
انت لزلمة لمشورب
هذا طفل ماعاش بيننا ولايعرف هلأمور غريبة علي
يسويها على روحة من صوت لطلق
ولك انة لخاطرك ربيت حية ببيتي
سنين حاطلي علة لخاطرك
واكول لجل عين الف عين تهون
وانت تكلي افرق بينكم
انت جبيري واول فرحتي
انة لجلك سنييين متحمل امك وهية سوت بية لعمايل
هاي هية كدامك واسألها
حسافة ولك حساااافة ضاع رباي
طلعت ابن سلامة موابني
امشي
امشي يلله اخذها واطلع
حمزة دموعة نزلت ويعلين لأبو
تقرب الة يهمس
بوية انة اسف حكَك علية
والله موش غصدي بس
راد يبوس راسة
دفعة
تقربت الة
غضنفر خطية لاتكسر خاطرة حمزة طيب
تلكاها تقرة براسة هذا موحجية
وهوة شمالة فرخ وتقرا براسة
ابنك تعرفة من اهل الله وعلى نياتة
شنهو لحل حاجيني
حرت انة وحيرنني نسواني بزماني
تالي موتتي على اديهن تصير
خوية حل وسط
طلعها من لبيت اجرلها يمنا وخلص نخلص من سمها
ولو هية مابين سمها غير من شافت انعام
بس ميخالف تبقة قمبلة موقوتة وماالها امان
بقيت احجي ويا وعيني على حمزة لازمها ولايرضة يكعد ولايرضا يطلع
الى ان لان غضنفر بعد ماحجينا ويا وكال
امي لا لله
من باجر اطلع عمال واقسملها من لحديقة مشتمل
اريد اشوف تالي لصبر وين يوصل وية سللامة
طلعنة عمال وقطعولها من لحديقة مشتمل وكعدت بي
علساس نخلي بي باب داخلية بس غضنفر،ماقبل
بقة زعلان على حمزة
مدة الى ان كام يبجي ويتعذر الة بندم يلله صالحة
لأسبوع لورا سألني على خطوبتي
كتلة ورا دورة لسنة مال منة خليها
ماقبل وكال لا ماترهم
خير لبر عاجله ولوادم نطونة كلمة هسة شيكولون
هونو
يوم جمعة ركبنة ورحنالهم كلنة
ضلت بس سللامة واجت يمها تهاني بقت
علساس،تجي ويانا بس عمتي ماقبلت لأن ستوها جايبة
كلتلها ضلي احنة مانتأخر
رحنالهم كلنة وصارت بلقيس قسمتي
ايام مرت علية مثل لحلمان مامصدك حصلتها
اروحلها اطلع ضيم لسنين وتعبي وصبري بيها
ارتوي الى ان اوكع على صفحة
اطلع من يمها جسمها مزورك
ارجع للبيت اكلها دزيلي صورة
من تدز اضحك عليها اكلها هاي منو كاتلج
هاي امج وياج
ليوم اكلب لدنية
راح اتصل بيها واتعارك وياها
اكلها ليش مزوركة بلقيس
من كل عقلها تتوسل بية تكلي لافدوة هسة تجي تشوف جسمي
عدت مدة ايام جنت فرحان بيهن اشكر ربي عليهن بعدد اسمائة
كل فترة نروح على قسورة ومناك امر بيها
غضنفر هاي لفترة تعبان هواي
بكل روحة لبغداد يطلع اغنية حاتم روحة رجعة
عليكم جذب لكال اني مرتاح
ياراحة لبلياكم تجيني
لعطش ذبل شفافي وعافني وراح
ومتت لكن روني دموع عيني
شلون ارتاح واصبر يلبعيدين
وابد بفراككم مانامت لعين
اتمنا انة طير وعندي جناح
ياخذني وعليكم يوديني
ياراحة لبلياكم تجيني
اذا ماشوفكم شيفيد عمري
واذا اضحك دمع ضحاتي تجري
ليالي تمر علي كل ليلة مانام
شوفتكم حلم ضاع وية لأحلام
همكم علكلب مايوم ينزاح
وبين همومكم ضاعت سنيني
ياراحة لبلياكم تجيني
تعالو بعينكم شوفوني شلون
بعدكم ماغفن لحظات لعيون
كل لعاشكين ايامها فراح
وانا علخد تسيل دموع عيني
ياراحة لبلياكم تجيني
بعد ايام تحولت هاي لأغنية الى نغمة تلفونة
وبليل للصبح اسهر وية بلقيس واسمعة بلغرفة مطلعها وللصبح يسمعها
على كد ماسمع هاي لاغنية كل نفر بلبيت حفظها حتة لجهال
اطب علي لفجر الكا بلكاع ولجكاير داير مدايرة مزروعة لغرفة بيهن وغافي على روحة وهوة كاعد
ركبتة مكسورة
ولمبايل يمة مشتغل علأغنية
اطفي لأغنية واكومة اخلي بفراشة واطلع من يمة كلبي معصور
كلما يشوف قسورة يسأل بي عنها عن كل تفاصيلها ويوصي الف وصية يكلة لاتكللها بابا يسأل عنج
يوم بعد يوم غضنفر يذبل ويتعب
كل الي بلبيت مقهورين علي
حتة اللكمة مانتهنا بيها
بعد مدة حسيتة شوية طلع من جو لكآبة
بدت تكثر طلعاتة من لبيت واكثر لأوقات هوة برا
اكول خلي يغير جو
بدل حمايتة مرتين
اسألة ليش يكلي شفت منهم تصرف موحلو
صميدع وستار بطلهم من عندة وشافلهم شغل بغير مكان
فاجأني قرر يغير بيتنا
كلنا سألنا عن لسبب ينطي حجج واهية مانقتنع بيها كل احنة
الى ان بيوم جنت طالع بلدوام خابر علية كال تعال
عندي شغل مبقة شي واحل
لاهسة تعال ضروري لموضوع ميتحمل تأجيل
اخذت زمنية ورجعت
دخلت للبيت سألت عنة كلولي بلسطح
صعدتلة متفاجأ دنية ضهر وجو حار شعندة بلسطح
فتحت لباب اعاينلة مفرش بلكاع وداير مدايرة ورق
تقربت يمة
اشرلي اكعد
هاي شنو
تفاجأت بي وهوة يوصيني
انة مسجل بأسمك قطعة وبأسم عمتي امريكا
وبأسم كشمش وبأسم حمزة ولبيت الي كاعدين بي بأسم قسورة وامة
وهذا اقل شي اكفر بي عن ذنبي وعن لأذية الشافتها وياي واعوض قسورة بي
ولبيت لقديم بأسمي تتقاسمو قسمة حك
هذن لورق خاف اموت امانة بركبتك ليوم لدين
توصلهن لعقيد اسمة ........ بيتهم بمنطقة ......
وهاي صورتة
خلاها بيدي ويهمس الي
انة امنت حياتكم على كد مااكدر
وانة حياتي بايعها من زمان بس مالكيت بنيادم يشتريها
جان حرفيا يحجيلي وصيتة
هاي شجاي تحجي غضنفر
سحبت لورق من ادي
اذا هذني بيهن حز ركبتك انة احركهن هسة والله
وخل نطلع من لعراق كلة وعوفلهم لجمل بما حمل
ضحك وصار يهديني
لابوية اتشاقة وياك شمالك كلشي مابيهن
هذن اوراق محتاجهن مني لعقيد وانة هلأيام اوديهن الة بس لأن امانة ولدنيا تخوف
كلت اوصيك بيهن خاف اموت وديهن الة
غضنفر انة موطفل كدامك احجيلي شني هاي لأوراق
ماادري شبيهن وداعتك امانة وارد اوصلها لأصحابها وكتلك لدنيا ماتتأمن لهلسبب وصيتك بيهن
لأمانة صعبة
محد بينا يعمر لابد نموت على ساعة
هاي شباب بلجملة جاي تموت
بقة يطمن بية رغم مامطمأن ومن حاولت اخذهن متة واقرا لبيهن ماخلاني وبساع لمهت وخلاهن بلجنطة ونزل وهوة يضحك ويغير لموضوع
ويتشاقة ويكلي شكد حيلك خل نعرسك
ولو انت ماخذ ادوية هواي هناك خاف بعد مابيك خيؤ ولك
خاف تخزينا بعد اخوك
بقيت اضحك وكدر بسهولة ياخذ اطراف لحديث لغير مكان
عدت مدة وضعنا مطمأن
طلعاتة من لبيت قلت
حمايتة فجأة بطلهم كلهم
ورجع غير مكاننا مرة ثانية
هلمرة كلبي توجس خوف ضليت كل يوم اسألة
وميرد علية غير اغنية حاتم الي نطبعت براسنا على كد مايشغلها
هلفترة هجرنا وغير مكانة
يتصل بينا كل فترة يتطمن علينا
لايرضا يدلينا بمكانة ولايرضة يجي نشوفة
تخبلنا علي لاليلنا ليل ولانهارنا نهار
عماتي ولبنات بس يبجن وانة ولولد نهبد ونسأل ماخلينا مكان
الى ان بيوم جنت بلسوك واتصل بية رقم غريب
يهمس الي قيصر اخوك متورط بعمليات تصفية ورح يرووووح
لحكو علي ترا الي متورط وياهم ابد موكَدهم هوا
بعدني اريد افهم منة سدا بوجهي
رجعت اتصل
نغلق لخط
تخبلت اتصلت بي كتلة هسة تجي
اريد اشوفك
انت وين
اني بلسوك
وصفتلة مكاني
شوية واجاني على دراجة لاف وجهة بشماع وكف واشرلي اركب
كبت ويا
مشا بساع
غضنفر ويامن متورط احجيلي ترا كلشي عرفت
شوف قيصر،
شوف قيصر
انة ميت ميت
عاد خل اموت موتتة شرف
وفروخي من بعدي تفتخر،بية
خل اموت موتة احصل بيها دعوا من لفقرا ولمساكين
خل انال ولو رحمة زغيرة تغفرلي ذنوبي لماضنها تنغفر
يعني شنو
سيارتين طلعن صفح وحدة يمنا وحدة يسرا جانن يمشن بسرعة خيالية مادري شوكت صارن يمنا ولا منتبه الهن
لزم لدراجة بتك ايد وايدة لثانية حييل نبتها بصدري وبكل قوتة دفعني
صرت اتمرغل بلكاع ولتراب ترس وجهي وعيوني كلشي مااشوف
مسافة بعيدة تدعبل جسمي عن لشارع
وتراب عماني
فتحت عيوني الوب واتلوى من جسمي وراسي
رفعت روحي بلكوا اعاين الهم جانو مختفين
من بعيد شفتة شبه طاير وهمة ورا
حيل بكل قوتي ركضت وراهم مثل لمخبل الى ان ختفو من كدامي
بلكاع ركعت على ركبي الهث واصرخ
ليش غضنفر
ليش ضيعت روحك لييييييش
على كعدتي وتلفوني دك
وصوت غريب ينتر
اخوك يمنا تسلمنا لأوراق نسلمكيا
يااوراق ماعندي اي اوراق
عندة جانن وسلمهن يمكن
خوش لعد اذا سلمهن اقرا لفاتحة وحضر جادرك علي ......يتبع
حملوني امانة اوصلها الكم 👇
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!