رواية خنجر الغضنفر الفصل الثاني والستون 62 - بقلم Hunen23Hatum

للغرفة صاحني لدكتور وجان حيل مهتم بغضنفر وانخبص من شافهم
بعد مقدمات هواي مالها داعي
كالي
اكون صريح وياك
اكو احتمال انو اخوك ينشل نصفي أو كلي

نترت وآثار الصدمة بية
هاي شجاي تحجي دكتور لعد انتو شسويتولة

جاي اكلك احتمال نسبتة ٧٥% ولعلم يم ربك
يصحا يلله نكدر نعرف

يعني شليتوووو

شعلينا بابا ترا عمليتة خطرة جانت ونسبة نجاحها دون ال٥٠ وانتو وقعتو على مسؤليتكم
ويجوز يصحا مابي شي ٢٥ % نسبة موقليلة جائز يكون محظوظ
وحتة وان نشل لاسامج الله اكو احتمال تصيرلة عملية حسب حالتة نحدد اذا نكدر نسويها هنا لو نكللكم طلعو برا
لتسبق لأمور
اني جان لازم اخليك على بينة
بس مومعناها تقطع لأمل
خلي املك بلله جبير

ونعم بلله
كلتها وطلعت واني اجر خيبتي وحزني على اخوي

تلكوني لولد يسألون جنت منهار احجي بغضب
تفاجأت بأنعام الي جانت وراي تتسنط

بدموع تربعت وصارت تتشكوَّن وتبجي
كومتها وكلت لصميدع يرجعها
بقة تتوسل تبقة ماخليتها جانت دنية صبح ساعة فوك ال٧ وية طلعت انعام اجت سللامة وعمتي امريكا واماني
مابقيتهن لأن ممسموح احد يشوفة بعد ضلتهن مالها داعي
اخذهن عمي ابو ستار وراحن
شوية واجو لدببة لطيبون لناس طول فترة خطفة ماقصرو رايحين راجعين كل اسبوع رغم بينا وبينهم طريق مسافة اكثر من ساعة ودزو فلوس على مرتين غير عن المسواك الي يجيبو من يجون تارسين سياراتهم صناديك من مزارعهم
اجو شافو من برا الصالة محد خلاهم يطبون وراحو
صميدع ودة انعام وقسورة ورجع
من رجع اخذني على صفحة بعيد عنهم وهمسلي
بلقيس تريد تحجي وياك خبصتني صار ٣ ايام تخابر ماحجيتلها شي بس كتلها غضنفر مصوب ولاهين ويا
وهوة يحجي دكت
اخذت لتلفون ووخرت مسافة
ماسامع صوتها من يوم خطف غضنفر
على كد الخبصة الجنت بيها حتة نسيتها

فتحت خط وكلت الو

صوتها بلهفة رد علية

ها قيصر فدوا لعينك وينك ليش هيج تسوي بية والله حرام هليك مرمرتني لاترد علية ولا تطمنني

بلقيس تعباااان

حبيبي اسفة بس والله ضل بالي ومشلوشة عليك صار مدة اخابر صميدع ماينوخذ منة لاحق ولاباطل ساعة يكلي شغل ساعة يكلي سفر واخر شي من ترجيتة يلله سولفلي على خطف اخوك
شلونة شلون صار هسة

موزين احتمال ينشل

لاحول ولا قوة إلا بلله العلي العظيم

دموعي نزلت بضعف وكسرة ماكدرت امنعهن
وبصوت مالي الندم والعجز جنت اهمس الها

اني لسبب راد يبقي لأوراق يمي واني ماخليتهن
خفت علي وحلفت اذا نطاهن الي احركَهن حتة لايورط روحة بيهن
ومن سمع حجيي ماقبل ينطيهن الي وحاول يطمنني وغير لسالفة
اني لسبب

لاتكول هيج حبيبي انت شعليك هوة اخوك شايل جفنة ويا من زغرة
انت شنو ذنبك

هاي قبل بس والله من تزوج وخلف صار يخاف على روحة من الهوا لخاطر مرتة وجهالة
الله لايوفق الي جان لسبب بهجمان بيتة وضياع مرتة وبنتة من عندة

كافي حبيبي لاتقهر بروحك بعد هذا الحجي لايقدم ولا يأخر ان شاء الله يكوم بلسلامة ويقر عينك ويرجع يلتم شملكم

ان شاء الله
انتي شلونج نصير شلونة امج

بلعت ريكها وجرت حسرة حسيتها مهمومة بس ماكالت غير بخير
كل احنة بخير
لمهم انت طمنني عنك وعن غضنفر لا تكطع بية فدوة والله يضل بالي

احاول
وانتي هم عذريني والله تعبان

عاذرتك والله
شلون مااعذرك

سديتة وبلكاع كعدت على دنكة نتجيت مهموم
حسرة ورا حسرة
اجو عمي ابو ستار وستار جايبين ريوك
ماكدرت اكل كلشي مااشتهي حتة الماي

ل١٢ صحة اعاين الهم نخبصو بي
دخلو يمة ثنين شافو ماادري شنو سوو للأجهزا وخلولة مغذي وطلعو

بقيت اعاين الة من بعيد
طالب وصميدع وستار يمي وثنين من ولد الدببة الطيبون ماقبلو يرحون بقو يمنة كالو نطمأن علي ونروح

ساعة بل٤ لعصر كالو حالتة استقرت وراح ينقلو للصالات لبرا

نقلو وراها وخلو يمة جهاز لقلب وقنينة اوكسجين لصالة جانت بيها ٣ اسرة بس فارغات محد اكو بس هوة
وراها فهمت موصين علي ولهلسبب حولو المرضى على صالة ثانية وفرغوها الة وللشخصيات الي تجي تزورة
والي مااعرف شنو سبب خبصتهم بي رغم هوة مستقيل ورغم بوقت حاجتنا الهم ماشفنة بشر منهم
وكل ليجي ينطيني رقمة ويطلب انو من يصحا غضنفر اتصل بي وابلغة
دخلت يمة جانو منومي على وجهة بلأنعاش جانو خالي على ضهرة نايم علمود لأجهزة ولوايرات الي بصدرة
لزمت ايدة حجيت ويا
ميجاوبني عيونة مفتوحة تك عينك تصد علية ووحدة منهن شبه مسودة
لزمت ايدة بستها وصرت ابجي واحجي ويا

شسويت بروحك وبينا
روحك رخيصة عندك احنة هم رخاص
مافكرت بينا
ماكلت شنو الي يصير بيهم وراي
مافكرت بمرتك وولدك
ستمريت تعاتب بي
غمض عيونة دمعة نزلت من عينة وبعد مافتحها
ادري بي كاعد
شكد حجيت شكد عاتبت شكد توسلتة بش يحجي اسمع صوتة ماحجة ولا جاوبني

تانيت لطبيب اجة يجيك حالتة ويكتبلة علاج من برا
وحجيت ويا سألتة عن وضعة
كال بعدة هسة فد يومين يلم جرحة ونجيك اعصابة نختبر حركتة
حاليا صفحة وجهة اليمنا وايدة اليمين ميحس بيهن
تقرب الة وبيدة ابرة نبتها بخدة
حسيت روحي طلعت
رجع نبتها بزندة وبجف ايدة
ماطلع منة صوت ولا بين علي يتألم

لدكتور همسلي
شفتة بعينك لجهة ليمين ميحس بيها
بس احتمال خدرانة أو اعصابها متضررة
لحد ميستقر وضعة اكثر نحاول نمشي ونشوف
جنت متأكد بهذا كلامة جان يحاول يهديني وضعة واضح وحالتة مالها تفسير ثاني
واليأس من حالتة واضح على محيا الطبيب

لليل هوا على وضعة ينام ويرجع يفز
عيني على هيئتة وبنيتة هواي متغير
جسمة كلة اثار ضرب
ساعة ب١١ بليل جنت نايم تعبان حيل
لولد راحو تعبو كلتلهم ارتاحو حتة باجر تجون بمكاني ما جنت مقرر ماعوفة ابد بس اقنعهم حتة يرحون لأن محد بلبيت بس لنسوان

صوتة يأن جنت نايم على كعدتي
قاومت هواي ماردت انام بس غلبني النعاس والتعب
وعيت على صوت انينة
طفرت اسألة شبيك
دموعي نزلت على كد ماحاول يفهمني بس ماكدر
مافهمت علي حرف
بلكاع تربعت ابجي مثل لنسوان
طلعت برا بباب لصالة اكو كرفان مفتوح بي ممرضين ودكاترة جنت منهار ماعرف شنو احجي

دكتور لخفر اجة وياي
بقة يحجي ويا نطا مبايلة يكتبلة بي الي يريدة
ماكدر يستخدم ايدة ابد
بليسرا كتب قرة فهمت علي يقصد قسورة وكتب اسم لعقيد ناقص احرف كوة يحرك ايدة ويكتب

سألتة شنو تريد منة كتبلي اتصل

طلعت رقمة ودكيت علي
اسأل بي شنو اكلة ماحجة شي

مجرد ماكلت الو نتر بية
وينك اني موكلتلك تتصل بية ضروووري

نخبصت راح عن بالي
ليش تريدني اتصل شكو

اخوك وعائلتة وحتة انت حياااتكم بخطر
وانتو بمستشفى حكومي يعني ماكو اي امان على حياتكم

يعني انقلة لمستشفى اهلي
لا لتنقلة اذا نقلتة بعد مااكدر اساعدة لامن بعيد ولامن قريب
بقيت ٣ ظباط مدنيين واحد برا وثنين داخل المستشفى يفترون بس مااوعدك بأمان حياتكم
حاول تاخذ اذن من المستشفى وتطلعة برا بسرية تامة
سويت كل الي اكدر علي ومااكدر بعد اتدخل ولا بأي شكل
جيتي للمستشفى تسببلي اذى
الي اجوكم للمستشفى ترا مااجو حبا لله وراهم ابواب جهنم
وثنين منهم اسمائهم مذكورة بلأوراق يعني علأغلب ناويلة نية كشرة واجو اسقاط فرض حتة لو صارلة شي محد يشك بيهم ولأعلام يبعد لأنظار عنهم
الي علية سويتة وبلغتك اضمنلك بقائة آمن لمدة اسبوع فقط ورح احاول اضغط على الجهات العليا ميفضحون اوراق الفساد منا لمن تحصل اذن بخروجة حاول تاخذة للهند أو لأي مكان بحجة علاج المهم اطلع من لعراق واخذ عائلتة ويا

بقيت منصت الة وماعندي اي جواب
عقلي لايزال يحاول يستوعب الجاي يحجي
طلبت مساعدتة لآخر مرة وترجيتا بس يأمنلي وصولنا للمطار واني رح اشتغل على طلعتة خلال هليومين
وعدني بأن يساعدني وكال ركبتي سدادة ائمن وصولكم لداخل لمطار بس حاول قبل الخميس تطلع

سديتة مذهول
تانيت لصبح اجة واجة لدكتور يفتر علصالات
على صفحة اخذتة اطلب منة يكتبلي خروج وتحويل حتة اخذة للخارج وينقل بطيارة

بلغني انو وضعة حاليا ميتحمل وميكدر يركب طيارة قبل نهاية لاسبوع اقل شي للجمعة
حاولت اقنعة
كلي ركوب لطيارة بي خطر على حياتة لتنسة اخوك كلبة تعبان الموضوع ميتعلق بضهرة واعصابة المتضررة وترا ضغطة مديستقر ابد من لبارحة
وسبب تاخرنا بلعملية هوة ضغطة

ماعرفت شنو احجي
كلت اتاني لباجر وارجع افتح الموضوه ويا بلكي تستقر حالتة

للعصر فز وبقة يأن مافهم علي شي
نطيتة لتلفون رجع كتب اسم قسورة
خابرت على لولد كلتلهم جيبو
بأيدة يسحل ببجامتي واني احجي وية صميدع

دنكت يمة همستلة هنا شنو تريد بعد قسورة رح يجيبو الك هسة

يأشرلي بأبهامة على حلقتة
همستلة بغصة
تريد انعام
اشر بعيونة

طلعت برة واني كوة لازم دموعي كلت لصميدع جيبها وياك

يمعود هسة يجلبن كلهن يردن يجن

لايابا بس هي جيبها شعدنا زفة

اي ماتدري بسوالفهن يكللي شني يس انعام تروح جا احنة هم نريد نطمأن علي

بوية كلهم هوة طالب يشوفها

سديتة وبقيت يمة احجي ويا مينطيني وجهة بس يأشر بيدة وهوة داير علجهة لثانية

شوية واجت انعام هي وقسورة
تقربت من لعتبة تبجي جانت تعبانة تكسر لخاطر
شكد جنت معصب عليها اول مااجت وشكد محملها مسؤلية لصار وية غضنفر
بس من شفت حالها اخر فترة نقهرت عليها حيل صرت حتة مااحاجيها
فعليا جانت مومياء
وجها نخسف خدودها ختفن بنيتها ضعفت هواي مو شهر واسبوعين جانن سنين كل احنة تعبنة بيهن ولوقت ماجان يرضة يمشي
لحظات لأنتظار طويلة ومميتة

قسورة ندار من لجهة لثانية وكعد يمة بلكاع وهية بقت ورا خالة راسها على راسة وحاضنتة

طلعت برا بلكاع كعدت طلعت جكارتي وبقيت اتنفس لدخان ماجان يدخل لصدري هوا على كد الخنكة والتعب لبية

......انعام دخلت يمة للغرفة بعد ماجابني صميدع بلطريق فهمت منة هوا الي طالب يشوفنا

رحتلة واني خايفة
مااعرف شلون رح اشوفة وشنو احجي وبيش ابرر موقفي
وياترا يسامحني ويفهمني لو لاء

من دخلنة طلع قيصر برا
قسورة فترلة من لجهة لثانية جان نايم على بطنة وداير وجهة وضهرة ملفوف
خليت راسي على راسة ولفيت ايدي على ضهرة بعيد شوية عن لجرح
صرت ابجي بسكوت وقسورة لازم ايدة حاضنها لصدرة ويبجي

حسيت على ايدة من لفها وعلى راسي خلاها ويمسح علي

كمت على حيلي ونداريت على جهتة
ايدي تتلمس شفافة المشكوكة واحد من اسنانة ابي كدام جان مكسور
سحب لمبايل وصار يكتب بي
ايدي لازمة ايدة لثانية الي شبه ميتة
وقسورة لازملة لمبايل يحاول يساعدة

كتب جملتين ونطاهن الة
تقربت اقرا ويا
جان كاتبلة دير بالك على روحك وعلى امك انت سبع واني فخور بيك وبتربيتك

بهلع همس ودموعي تجري
هلمرا وين ناوي غضنفر فدوا لعينك
حاجيني

دار وجهة من لجهة لثانية
كمت على حيلي نداريت من جهتة وقبل مااندار الة رجع ندار على صفحة قسورة
ردت اندار قسورة يأشرلي على عيونة
فهمت جان يبجي ويدور وجهة عني ميريد اشوفة
كعدت ورا ومديت ايدي على وجهة مسحت دموعة وحدة من عيونة بس تكتب دمع ليمنة شبه مسدودة
اكثر شي اذاني هنا جنت رايدة احضنة بكل قوتي بس مااكدرت

رجع يكتب لقسورا من كمل نطا لمبايل كمت على حيلي اريد اندار من جهتة اشوف شنو كاتبلة
بساع سحب لمبايل من ايدة ومسح لكلام وخلا جوا مخدتة

ندست قسورا الي دنك ونزلت دموعة
اسألة شنو كتبلك يكلي مالحكت اقرا رغم متأكدة قرا وشفت شفافة تتحرك لحد ماسحبة من ايدة

دخل قيصر وكف يمي يسأل ها شنو كال يريد شي منكم لو بس يشوفكم

لا مااعرف شنو كتب لقسورة بس ماشوفني هسة اخذة برا وافهم منة

وية ماحجيت نداريت علي جان يقرا بلتلفون بس سافني بساع طفا وخلا جوا مخدة ابو

تقربت الة نترت بي واخذتة برا
وكفنة برا وقيصر بقة يمة

شنو جان يكتبلك
ماكو شي

شنو ماكو شي شنو كتبلك وليش ميريدني اشوف

كتلج ماكو شي ماعرفت اقرا يكتب غلط ميسيطر

قسووورة لتخبلني

ماما ترا احنة بمستشفى صوتج

دخل نرجع للبيت واني اعلمك

اهووووو

حجاها وهوة ينتر بأيدة ودخل جوا

لحكتة جان قيصر يحجي ويا من دخلت سكت

تقربت يمة اسأل بي شوكت رح يطلع

_مااعرف منتظرين لطبيب لمن تستقر حالتة يلله يحددلة خروج

شنو الي يستقر بعد شو صحا وعمليتة ناجحة يبقة العلاج الطبيعي ورا ميشيل لخياط يراجع علمودة

لا وضعة ميسمح يطلع

شنو الي ميسمح

بقة يغير الموضوع ويجاوبني اجابات صريحة حسيتة ضام علية شي وحركات قسورة كلبي لعب من عدها رجعت واني مامطمأنة اببد وقسورة نفذ من عندي بساع طب يم عمامة وماوخر منهم يتعمد يدري بية انحرج ماكدر احجي شي كدامهم

شوية واجت كشمش يمي تسأل على حالة
كلتلها زين بس قيصر يكول مايقبلون يطلعو حسيتة ضام علية شي ماادري ليش

شيضم خية هية اول وتالي تطلع بس يجوز مبقي يمهم كنوع من لأهتمام من عدهم لأن شخصية ومعروف

يجوز
كلتها واني احاول اقنع بروحي
دخلت عمة امريكا هي واماني مهمومة
اماني عيونها وارمة

اشرتلها تجي يمي وسألتها
شبيج تبجين

دنكت تهمسلي ماكو شي

شنو لصاير

قاطعتنة عمة امريكا بصوت عالي كالت

باجر مدينة تجي

شعور غريب لسا بية من ينجاب طاريها رهبة على فزة
اتذكر جهالها وسواياتهم

صوتها بضحك تهمس الي تهدأ بية

شمالج نزيتي ماضل عدها بس دعيبل كلهم عرسو
نرجس وأويتة خذوهن ولد عمومهن ولويلاد هم خذو ولد عمومتهم كصة بكصة وركدو كلهم وعقلو من عرسو وحتة كامو مايجون وياها بس دعيبل صايرلها عليليجة وين ماتمشي تاخذة ويا
عبن مخبل نسوان اخوتة ماتخلي يمهن

شكد عمرة هوا

كصة ظاهر وحمزة

وشلون طباعة

مثل اخوتة كَبل واخس بس مركدتة بلمبايل تنطي الة ماينسمعلة صوت ننسا

همس واني اجر نفس
لحمد لله عاد عندة نقطة ضعف ينلزم منها

اماني كامت تريد تطلع
لحكتها ليفوك صعدت يم باب غرفة بسعاد جانت مكرفصة وتبجي

من سمعت خطواتي رفعت راسها مسحت دموعها وكامت على حيلها سوت روحها تدك باب غرفة بسعاد

تقربت الها بضحك همست
عليمن تدكين لباب على بسعاد لجانت كاعدة بصفج جوا

توهدنت ماعرفت ترد
ها مو والله نسيت عبالي صعدت قبلي عبن عندي سالفة وياها كلت الحكها

شبيج تبجين اكو شي صاير
جان كلبي لاجمني من شفتها تبجي خايفة من حمزة وقسورة الي يتعمد يجاكرة بيها
ابني اعرفة تفكيرة طفولي لا ببالة اماني ولا غيرها
بس يجاكر حمزة بيها ويتعمد يثير غيرتة عليها
حتة بعد ماصارو اصدقاء وعلاقتهم قوت
احس اكو نوع من الغيرة من جانب حمزة خصوصا من يشوف قيصر وصميدع وستار مهتمين الة وميخلو يطلع حتة بلباب
اما هوة عادي يدزو بلدراجة لمكانات بعيدة ومامهتمين
يتصور يفرقون او ميحبو
بس ميعرف سبب خوفهم علي هوة اني ومبالغتي بمراقبتة والركض ورا
من شافوني حتة علحمام اوكفلة ولجهال تضحك علي
كامو يحاولون يعوضون مكاني حتة يحسسوني بلأمان وابطل الح ويا واسببلة احراج سبب ماهوة يكول ويشكي مني
وبنفس لوقت خايفين علي لأن يعتبر خطار وامانة
مومثل حمزة هذا بيتة وربة بينهم

عدت سؤالي
دنكت تبجي

حاولت اهديها وخوفي زاد من بجيها

صلت اسأل بيها بخوف
منو وياج حمزة لو قسورة اخاف ظاهر احجي واني اكسر راسهم والله
ولج بس احجي شبيج كلبي راح

سللامة كلبج خالة مابية شي والله

لعد ليش تبجين

امي ضربتني

عليش تضربج شمسوية

والله مامسوية شي هية سمعت بعمتي مدينة رح تجي وهي وهكَت بية ضرب وعض تكلي رح يجي دعيبل ورح تبدي المشاكل من وراج وورة عيارتج

ليش دعيبل شعندة وياج

ماعندة شي بس من يجي اسمة معارك هوة وحمزة
وامي تكلي من وراج وتحطني وتكتلني
واخر فترة كامت من تجي عمتي مدينة توديني يم تهاني اضللي شكم يوم الى ان يرحون

هلمرة كلتلي ترحين يم تهاني عاندت وكتلها مااروح

ليش تعاندين ياعيني روحي يم اختج تجنبا للمشاكل حمزة مخبل ويحبج مبين من تصرفاتة ويغار عليج
قسورة ابني طفل ترا لاتشوفي يحاجيج لو يتشاقة وياج يتعمد يجاكر حمزة حتة يثير غيرتة ويضحك علي
ناصب علي اعرفة

بقت صافنة علية ماجاوبت شي
رغم عدت الكلام اكثر من مرة احاول اطمنها من ناحية قسورة
مدري اطمن روحي

غيرت الموضوع وهي تحجي عن رفضها لروحة يم تهاني وتكلي
انة ماعادنت هيج من راسي
من ورا رجلها وسوالفة
من اروح يمهة يتعار وياها على اسباب تافهة ويهينها ويتجاوز عليها كدامي
اضل لااكدر احجي لأن كاعدة ببيتة ولا اكدر اسكت اختي تنهات وتنطك كدامي
ماادري اذا يتعمد يسوي هيج كدامي لأن مايريد جيتي
لو هوا هذا اسلوبة وياها
عمرها ماشكت منة ولاحجت شي نسألها تكول بخير

جريت حسرة من كلامها
اجة على بالي فدعم لحد هذا ليوم اتمنا لو صايرة من نصيبة وعايشين هوا وياها قبل ميموت ولو شهر واحد سوة بس تطلع من نفسة

سحبت اماني لحضني وصرت ابجي
جنت محتاجة ابجي بحضن احد
جانت انغام تحضني من انهار من ابجي
من اجيت لليوم محد حضني غير ادين قسورة الي كوة تلتف حوالية
جنت كل يوم احضن دشداشة غضنفر وانام واوهم روحي انو بيها ريحتة رغم مابيها غير ريحة التخزين لأن من اشهر مالابسهن

نومت اماني ليلتها يمي وكلتلها لتخافين اني مااخليها تضربج واحاجي قيصر اخلي يعيط بحمزة وميتعارك حتة لتصيرلج مشاكل
سبحان الخالق شكد بينها وبين تهاني شبه
رغم بلصغر ماجانت تشبهها
الخدود الحمر الي يمشكَن بلبرد الخشم الي جنة خشم مهرج والبياض الناصع الي تبين شرايينها من عندة
كل بناتهم متعوبات رغم جمالهن بس يسومرن ويتعبن من وكت بس الي من كصة اماني وجوة مالاحهن تعب لا طاشن بلكيعان تمر ولا حاشن زرع
ومن وكبرن بعمان ووراها من رجعو بعد استقرو بلمدينة وخلصن

اليل كلة جانت تسولفلي على تهاني والي تشوفة من وضعهة ووضع رجلها من تروح يمها
والي فهمتة منها انو بعد ماميت فدعم هية متمرضة علي وباقية فترة تعبانة وعلأغلب رجلها حاس عليها ومن يومها متغير وياها
حتة جياتها الهم قللها كل ٣ اشهر يجيبها الهم تبقة يومين ولثالث ياخذها

نامت هية لفجر بس اني مانمت
فتحت مبايلي قيصر نشط راسلتة اسألة عنة كال زين ينام ويفز جسمة هلكان ومبين علي مانايم صارلة فترة
بقيت اسأل بي احاول افهم منة ليش ميرضون يطلعو
يكلي وضعة يحتاج عناية ورقابة
من شفتة يتأخر بلرد عفتة كلت يمكن مشغولة أو ديحجي وية احد غيري

رجع راسل
كاتب شلونج انتي وقسورة

استغربت سؤالة
جاوبتة بخير

رجع كتب مرتاحة بلبيت خوما احد مأذيج

لا لحمد لله مرتاحة

طلع من لمحادثة ورجع مرة لخ دزلي
ديري بالج على نفسج وعلى قسورة
هاي الجملة شكيت بيها

دكيت علي ينطي رفض
وراها بساع دز لتدكين قيصر نايم
رجع كتب قصدي غضنفر

هنا صرت متيقنة هوا لجان يكتب
دزيتلة مشتاقتلك
قراها بس ماجاوب

بقيت خايفة يكون قيصر الي قراها ويفهم غلط

نمت وراها غلبني لنعاس
وعيت لصبح على صوت عمة مدينة العالي
جانت بلصالة وتسولف وياهن وكلهم يحجون
اماني ماكو بفراشها
جريت تلفوني فتحتة جان اكو اشعارات من لفايبر
فتحتة
رسالة من قيصر
بديت اقرا بيها مكتوب

مـا اعتـب بعـد
خلصت عمــري اعتـاب
كــافي انلـوم وادم مـاراح تتغير

ردلي روحي
وعوفني وسافر لحالك
ردلي عمري الناهبه بحجة دلالك
شنهو الغير احوالك
شنو السويتة حتة انشال من بالك

نفترک
والله وكت مو جـنه ماي وبلم
منين طب الگصب

بقيت اقراها ودموعي تجري
اريد ارد علي بس اخاف لتلفون عد قيصر ويطلع مساح لكلام من يمة حتة ليشوفة قيصر

عيني بلمبايل ابجي ودخلت تهاني
شافتني كاعدة تقربت صبحت ووكفت تلم بفراشها
ركزت بيها عيونها دامعة
كمت على حيلي الم شعري واسألها شبيج منو وياج

مابية بس طلعت ثواني سلمت امي كلتني بخزراتها رحت للمطبخ لحكتني ترزل وعضتني

كشفت عن ردانها تشوفني لعضة

شطلعج انتي

والله لوماطالعة تاكل كلبي ادري بيها تكلي تتختلين
حيرتني وياها

ابقي هنا لتطلعين هسة اني اججي وياها

طلعت برا صبحت وتقربت اريد اسلم على عمة مدينة ضعفانة من لسكر ومتغيرة هواي
شافتني عبالك شايفة ميت شهكت وضربت صدرتها
حضنتني وتهمس
مت عيني شضال بيج كاضية
غادية عضام
شني ماتنطوها اكل

تندار على عمة امريكا واني حاضنتها بيها ريحة بيبي نفس الريحة يخلن بخور مال عرب مااعرف اسمة
بس جنت اشتمة بيها دوم
مااحبة بس لأن يذكرني بيها حسيت ريحتة طيبة وجان ودي ابقة حاضنتها واستنشقة

هدتني وكعدت وتسأل بيهم علي
ابنها كبالها مندمج بلمبايل يلعب لعبة عاطت بي كلتلة سلم
كام على حيلة واجة يريد يبوسني
عاطت بي عمة امريكا كالتلة رد لمكانك لعلوية ماتبوسك زلمة انت شني شايف روحك فرخ وتريد تبوسها

رجع لمكانة عينة بلمبايل رفع راسة وكال ....يتبع
عذروني تأخرت عليكم لبارت من لبارحة كاتبتة بس عيد ميلاد بنوتة اختي ولتهيت