الفصل الخامس عشر

رواية خريف أغسطس الجزء الخامس عشر 15 بقلم حميدة عبدالحميد خريف أغسطسرواية خريف أغسطس الحلقة الخامسة عشر فضلت أدخل وامرق وأنا بحاول اهدئ من أعصابي ، لحظات بس والباب ضرب مشيت وفتحتو وكان دا عمي وأبوي ، وعمي قبل يدخل وهو واقف ف الباب قال لي معتصم ف شنو ؟

رفعت اصبعي ف الهوا واشرت ليهو ع مكان رهف قاعدة وقلت ليو إتفضل جوا وح تعرف براك الحاصل شنو فتح الباب ودخل طوالي بخطوات سريعة ابوي قال لي ف شنو قلت ليو انت برضو اتفضل جوا ي ابوي وح تعرف ف شنو رفع يدينوا بنفاد صبر وقال لي الله المستعان بجد ، ودخل طوالي قفلت الباب ولحقتهم جوا لقيت عمي بارك رجولوا الإثنين وقاعد قُصاد رهف وهو بقول ليها احكي ف شنو ي بت وبتبكي كدا ليه ؟

وقفت ف الباب وربعت يديني وقلت ليو بالمختصر ي عمي بتك بتتكلم مع واحد غيري وانا قبضتها بالثابته، رفع نظرو مني وكل لوحات الغضب سيطرت عليهو ورجع عاين لي رهف وقال ليها بجد ؟

رجع وكرر ليها السؤال تاني ، زاد صوتو وبنبرة حادة قال ليها افتحي زفت خشمك دا ، رفعت راسها وبقت ترجف ، قال ليها تمام وعايز يديها كف مسكت ليو يدو وقلت ليو بغض النظر عن أي شي ي عمي كدا م ح ينفع وانا بتك ح أطلقها بس ، قال لي معتصم ، البت دي تجيني هناك بقتلها، مسحت وشي بعصبيه وقلت ليو وطيب اعمل شنو انا خربت بيتي بسببها وهي دا كلو م شافتوا لي؟

، ووقت م شايفاني راجل قدامها خلي بحررها مني وتمشي للبتتكلم معاو دا وخلي يعرسها ، ابوي اتعصب وقال لي اقفل خشمك دا ف النهاية دي بت عمك ونحنا طلاق م عندنا حتقعد معاها كدا كدا وبنسبة ليها هي تاني تلفون بعينها م ح تشوف تاني والشارع دا لو ما معاك م بتطلع، فاهم كلامي دا ورجع عاين لي رهف وقال ليها اوع تاني تعيدها وح تفتحي صفحة جديدة مع راجلك فاهمة هزت ليو راسها بمعني اي عمي قال لي شوف هنا ي معتصم انا رهف اديتك الأذن فيها ولو

عملت اي شي دقها لمن تتأدب بس م تتطلقها هسي والناس حتقول علينا شنو لو طلقتها وانت عارف عمك زول ضغط وسكري والمره دي امسحها لي ف وشي ي ولدي قُلت ليو حصل خير ي عمي وانا المره دي ح اسامحها عشان خاطرك وخاطر ابوي بس تاني لو كررتها انا ما ح إتردد لحظه إنو أطلقها ، قال لي تمام وهي تاني ح تقدر تعيدها خلي تجرب بس ، قلت ليو، طيب، ابوي قال لي الكلام دا م يطلع برا سامع وامك زاتو ما لازم تعرف ، سكت وعاينت ف الفراغ قال لي سامعني انت

؟

قلت ليو تمام ي ابوي ، عمي طلع بعد م زفتها مع رهف تاني وابوي لحقوا، وقفت مسافة وكل تفكيري أرجع عائشة كيف ، شلت مُفتاحي وطلعت من البيت مشيت قهوة ود النور ، لقيت لطفي قاعد هناك ، سلمت عليه وجريت بنبر وقعدت جمبو قال لي مالو وشك شاهب كدا؟ قلت ليو والله ي لطفي حياتي بين ليلة وضُحاها اتغيرت قال لي خير قلت ليو والله حصل كدا وكدا ، صلح قعدتو وقال لي وانت م لحقتها يعني؟

قلت ليو خجلان شديد وم قادر اعاين ف وشها ووش ابوها و اخوانها ، قال لي شوف هنا ي معتصم لو عايزها ترجع ليك شيل ولدك منها بس وصدقني ح تكون مجبورة ترجع ليك ، وبعدين لمن تجي حنسها بطريقتك قلت ليو بس ولدي عمرو سنة داب كيف اشيلوا من امو قال لي بس دا الحل الوحيد عشان ترجع ليك ٠٠٠٠ ف مكة المكرمة ٠٠٠٠

صحيت ع صوت المنبه مررت يدي تحت المخدة وطلعت ، التلفون قفلت المنبه وقعدت ف السرير مسافة ، وتاني قمت استحميت ولبست لي بنطلون أسود ومعاهو جكت جينز اسود وفلينه بيضاء، دخلت المطبخ عملت لي قهوة اصلا انا م بحب الشاي اتوضيت وشلت شنطتي علقتها ف ضهري ومن امس قررت سافر ودا بعد م اصلي الصبح ، طلعت برا وقفلت الباب وسلمت المفتاح ل سيدو وفضل نص ساعة للصلاة وكان ف هواء شديد او عاصفة والواطه كانت مُظلمه شويه وماشه تفتح ، الحمدلله

العاصفة هدئت شويه واصلت طريقي ووصلت الحرم ، صلينا ودعيت كتير وقعدت مسافة لانو زمن سفري لسه غشيت مكان الهدايا واشتريت لي ناس البيت حاجات وغشيت مكان التلفونات اشتريت لي قبس تلفون ولفيت شويه لحدي م الشمس شرقت ، وبعدو اتحركت ع الميناء اصلا ح اسافر بالباخرة ، خلصت الإجراءات كلها واتحركنا ، مسافة الطريق خالي اتصل لي عبر الواتس سلمت عليه وسألني من أحوالي قلت ليو كويس الحمدلله، وسالتو من اخبار حبوبه٠ قال لي دي ياها اديك

تتكلم معاها لحظات بس وجاني صوتها ف الخط ابتسمت وقلت ليها السلام عليكم ي امي طبعآ انا بقول ليها امي ، قالت لي وعليكم السلام وبقت تبكي ، قلت ليها خير ف شنو قالت لي مسخت على البيت فاقداك شديد قلت ليها وانا اكتر ي امي قالت لي م تطول مننا قلت ليها أبشري ، وتاني رجعت ضحكت ضحكه خفيفه وقالت لي أمس حلمت ليك حلم سمح سماحه، ضحكت وقلت ليها اها بشري ، قالت لي ف رائيك حيكون شنو ، ابتسمت وبصوت كلو فرح قلت ليها حلمتي بي عرست صح؟

ضحكت وقالت لي زكي كيف ، ضحكت تاني وقلت ليها بجدد حلمتي بي كدا ولا… ضحكت بصوت عالي وقالت لي الحلم دا حلمتو براي ضحكت و قلت ليها وف زول بيحلم براهو ي امي قالت لي اي قلت ليها طيب حلمك ح يتحقق ان شاءالله، والمهم اسي انا ح اقفل الخط قالت لي طيب لمن توصل ارجع لي قلت ليها ان شاءالله، قفلت الخط ونزلت التلفون ف جيبي طبعآ الرحلة بالباخرة بتاخد يومين ٠٠ ٠٠ ف جانب آخر٠٠٠٠

كان ف زول بيضرب ف الباب قمت من المُصلاية طبقتها وقلت ليو اتفضل واتضح دي امي دخلت وهي شايلة يوسف ، قالت لي اختفيتي وين ي بت، قلت ليها كُنت مضايقه شويه ، سرحت مسافة وقالت لي تعالي مسكتني من يدي وقعدنا ف السرير شلت منها يوسف وقلت ليها اها ، قالت لي عائشة بتفكري ف معتصم صح ؟

قلت ليها لالا قالت لي انا امك وبعرف اي حاجة قلت ليها ي امي هو صح انا فكرت فيو بس م عشان قلبي حن عليه أو كدا فكرت فيو عشان يوسف انا ي امي خايفه يجي يوم ومعتصم يشيل 1 2الصفحة التالية مدونة كامومنذ 4 ساعات 0 5 دقائق