الفصل الخامس

رواية خريف أغسطس الجزء الخامس 5 بقلم حميدة عبدالحميد خريف أغسطسرواية خريف أغسطس الحلقة الخامسة

صحيت بصوت رعدة قويه من شدتها حسيتها وقعت جوا البيت قمت مفجوع ومخلوع وانا بضغط ع عيوني عاينت للساعة لقيتها 2ونص اتلفت يمين وشمال م شفت عائشة عاينت للشاشه لقيتها شغالة لسه والانوار شغالة ، قمت ع حيلي عشان اقفلهم الكهرباء قطعت من قوة العاصفة الكانت مصحوبه بالأمطار وصوت الأشجار وحركة الرياح و إصطدام الأبواب والشبابيك مع بعض ، مشيت وقفلتهم ، وندهت ع عائشة بس شكلو م سمعتني مشيت ع الغرفه لقيتها فارشه مُصلايتها وخاته يوسف

جمبها جيت ودخلت وقعدت ف الكرسي ،أثرني رنة صوتها وهي بتقرا في سورة مريم ، وتاني م عارف نمت متين وماصحيت الا ع صوتها وهي بتضرب خدي برفق ، فتحت عيوني تدريجيا وقلت ليها اها ، قالت لي الصلاة قلت ليها تعبان بصلي هنا ماعايز امشي المسجد قالت لي وضامن نفسك بعد شويه تصحى افضل تصلي هسي وقت انت صحيت اصلا ، و قوم النوم م ح ينفعك ف شي ، قمت من الكرسي ومشيت ع السرير واتجدعت فيهو وقلت ليها عائشة عليك الله م تشغليها لي، إبتسمت وقالت

لي حاضر وطلعت ٠٠ بس حرفيا م قدرت انوم فضلت اتقلب ف السرير لحدي م قمت تاني مشيت إتوضيت وعملت كل طقوس الصباح المعروفه، وطلعت طوالي من دون م اشرب الشاي ، مشيت ناس امي لقيتهم داب صحو ، ابوي قال لي خير ف شنو ، ردا ليو عصام وهو طالع وقال ليو ٠

= دا فرحان ساي ي ابوي!! قلت ليو لو مُلاحظ بديت تكترها شديد ، ي عصام ودا ما بيعني عشان انت اخوي الكبير مسموح ليك تتكلم معاي زي م عايز ، قال لي اوكي وطلع ، عاينت لي امي وقلت ليها الإنسان دا احسن يطلع من سكتي ، ردت لي وهي بتكب لي ف الشاي وقالت لي ، = اقعد ي معتصم وبعدين اخوك زعلان منك بس قلت ليها بس يزعل لي؟ وفي شنو ؟

قالت لي بسبب عرسك دا وزي ماقلت ليك هو بيحترم عائشة شديد وشايفها زي اختو الصغيرة ، قلت ليها بس دا م بخلي ينسي إنو انا اخو الصغير برضو وبعدين المشكلة وين لو عرست تاني؟ قالت لي انسى وم تشغل بالك ابوي قال لي اها عملت شنو قلت ليو بنسبة ل شنو ي ابوي قال لي للعرس قلت ليو ف زمنو ان شاءالله ، ردت اختي داليا وهي لابسه وطالعه للجامعة وقالت لي = يعني فضل 26يوم؟

قلت ليها ان شاءالله قالت لي حلووو طبعا لازم امشي السوق واعز نفسي قلت ليها تمام سوقي امي الاسبوع الجاي وامشو وانا بديكم القروش قالت لي حاضر ويلا مع السلامه طالعه انا امي قالت ليها الله معاك، وفضلت اتونس مع امي وابوي لحدي م الشمس شرقت ، ودعتهم وطلعت الشغل راس ، مسافة الطريق رهف اتصلت لي طبعا لمن بشوف مكالمتها بتخلع عديل وم بصدق انو دي هي شايفها زي المعجزه فتحت الخط وشغلت الاسبكير، ردت لي = يسعد صباحك ي راجلي السمح

_وصباحك اسعد ي حلوه وكيف أصبحتي ؟ =بخير الحمدلله ، اسمعني ي معتصم اتصلت ليك بخصوص الصالة وشاورت صحبتي إيناس وقالت لي حنسويها ف صالة بطه قلت ليها حلو اسي انتي اتصلتي لي بخصوص الكلام دا ؟ قالت لي اي قلت ليها اها لالا تمام ، قالت لي يلا باي قلت ليها الله معاك وقفلت الخط ، ماعارف بس بقيت اقارن تصرفاتها بتصرفات عائشة، هزيت راسي وصادف وصلت مكان الشغل خلاص ٠٠٠ اتفاجأت ب اخو عائشة من بعيد ، وهو طالع من مكان الجوازات ٠٠ …..

لقراءة الفصل التالي : لقراءة الرواية كاملة اضغط على : (رواية خريف أغسطس) مدونة كامومنذ يومين 0 2 دقائق