الفصل السابع

رواية خريف أغسطس الجزء السابع 7 بقلم حميدة عبدالحميد خريف أغسطسرواية خريف أغسطس الحلقة السابعة استقبلني أبوي ب إبتسامة خفيفه مديت يدي و سلمت عليهو وكان واقف ع يمينو عم مدثر ودا صاحب ابوي روح بالروح سلمني سلام حار وربت ع اكتفي بلُطف وبعبارات ممزوجه بضحكات خفيفه قال لي ٠٠

=ماشاءالله ي معتصم كبرت والله اخر مره بتذكر كان خليتك شافع بتلعب بالطين ، ضحكت وقلت ليو الشافع ب شافعو حاليآ ي عم مدثر ابتسم وقال لي ربنا يحفظكم، وتاني جا عم كمال ودا صاحب ابوي من زمن الأساس وزن نظارتو وجا سلم على وقال لي ماشاءالله تبارك الله ي ولدي كيف حالك، قلت ليو الحمدلله وانت كيف قال لي تمام نحمدالله ونشكره، ابوي قال لي نادي مرتك تسلم عليهم قلت ليو كويس ، دخلت جوا المطبخ لقيتها ماف مشيت ليها ف الهول لقيتها بتربط ف نقابها ويوسف قاعد ف الكنبه بيلعب ، قلت ليها عائشة الضيوف جوا وحاليا واقفين برا عشان يسلموا عليك قالت لي حاضر ، وزنت النقاب سمح وقالت لي كدا تمام؟

قلت ليها مية ف المية رفعت يوسف ومشينا ، عائشة اتقدمت كم خطوه ووقفت من مسافة قد قريبه شويه ورفعت يدها من بعيد وقالت ليهم السلام عليكم ورحمة الله وبركاته كلهم ردوا ليها بصوت واحد وعليكم السلام ورحمة الله وبركاته، طبعآ عائشة ماشاءالله ملتزمة وم بتصافح حتي طريقة كلامها راقيه جدا وموزنه وم بتجيب خارجيات نهائي او تتعدا حدودها ف الكلام، سألتهم من أحوالهم كلهم وهم برضوا سألوها من حالها ، وشالو مني يوسف لعبو شويه وفضلتهم

الصالون سامع عم كمال بيوشوش مع عم مدثر وقال ليو ماشاءالله تبارك الله مرتو محترمه شديد ومؤدبه قال ليو حال اولادنا بزوجة زي دي يارب م عارف بس لقيت نفسي ببتسم تلقائيآ، بعد م فضلتهم الصالون ، رجعت المطبخ وفضلت أرص مع عائشة ف الاكل ، بعد عشرة دقيقه خلصنا رفعت الصينة ومشيت بيها جوا ، مليت الحفاظه مويه باردة وجبت موية سخنة ف الجك ، غسلوا يدينهم وابتدينا ناكل ، طبعا عيونهم عملت قلوب قلوب، عم كمال قال لي م شاءالله ي معتصم

الاكل ظريف جدا وانت عارف اول مرة أكل لي عصيدة ب تقلية ظابطة زي دا ردا ليو عم مدثر وهو بيمد يدو علي صحن الشطة وقال ليو ،

=تصدق ي كمال انا لفيت ف اكتر من١٠٠مطعم وف كل مطعم كنت بطلب نفس الأكلة دي لكن م حصل اكلت زيها ياخ بجد حاجة خُرافيه ، ابوي يشيل ويبتسم ساي ، وماشاءالله أكلوا وماخلوا شي ف الصينيه وحرفيا عائشة طباخه ماهرة والاحلي من كدا بتعمل الأكل بكل حب ، رفعت الصينيه ورجعتها المطبخ لقيتها عملت الشاي بنعناع وجهزتو ف السيرميس وعاملة تحليه خفيفه شلتهم ومشيت بيهم الصالون ، وقعدنا ونسنا قريب الساعة واصحاب ابوي اتكيفو كتير وانبسطوا م

شاءالله وعائشة رفعت راسي قدامهم وقدام ابوي ، أذن الظهر اتوضينا ومشينا المسجد صلينا وهم فاتوا وابوي برضوا فات رجعت البيت لقيت عائشة بتصلي ، دخلت المطبخ شربت مويه وشلت المفتاح وطلعت من دون م اقول ليها عائشة شكرا ع تعبك ومجهودك أو كدا ٠٠٠ اتصلت لي رهف وكُنت مبسوط للنهاية قالت لي ماشاءالله مبسوط كدا مالك حكيت ليها بتفاصيل اليوم كلوا قالت لي بعدين لو جوك ضيوف ح اكرمهم زيادة من كدا، قلت ليها وانا واثق فيك وح تكرميهم احسن

من عائشة عشان انتي بت عمي ، قالت لي بالضبط وحتشوف عز زي العز ، ونست معاها كتير وطلبت منها ترسل لي صورتها قالت لي حاضر ، قفلت الخط ودخلت الواتس ووقتي رسلت لي خمسه صورة وكلهم فاكه فيهم شعرها وعاملة كم حركة كدا وصراحة انا انبهرت بيهم شديد وسرحت فيهم مسافة وحفظت كل تفاصيلها، لحظات بس ونزل مسج منها كاتبه لي اها الصور عجبتك ، رسلت ليها شديد ومعاها تلاتة قلوب ، طبعا انا حاجز رحلة سياحيه ل دبي وناوي امشي اغير جو شويه انا

ورهف وقت نعرس ، وماوريت رهف عايز اخليها ليها مفاجأة ، قفلت الشبكه وواصلت طريقي وانا بغني لحدي م وصلت بيت ناس امي ، لقيت عصام واقف جمب موترو الإكس بركس وكان بينضم بالتلفون ، كرشت العربية ونزلت وجيت ماري بجمبوا نزل التلفون من اضانو واتلفت على وقال لي =معتصم!!

_رديت عليهو من دون م إتلفت وقلت ليو اها ؟ جا وقف قدامي وهو بيدخل تلفونو ف جيب البنطلون وقال لي انت عارف انا بتكلم مع منو حاليآ؟ قلت ليو خير مع منو؟

قال لي مع عبدالله ضربت راسي بيدي وقلت ليو بس م يكون وراك ، قال لي اي وراني وعرفت انو انت ماشي شهر العسل دبي مع رهف ، بس يبقي السؤال الوحيد ي اخوي مرتك المسكينة دي وقت صبرت معاك وقعدت معاك ف راكوابه وأكلت معاك أل ما بتأكل ووقت شديت حيلك وبقيت زول موش هي أولى انو توديها سياحه وتفرحها وتقول ليها شكرا ليك ي مرتي ع كل شي عملتي؟ ولا دا جزاها تخليها مرمية كدا ؟

وانت تعيش حياتك قلت ليو بس انا م قصرت معاها وبنيت ليها احسن بيت تاني دايرة شنو قال لي احسن بيت؟ ودايرة شنو؟ يعني دا فهمك ؟ قلت ليو ح اتجاهلك عشان انت اخوي الكبير عاين لي بطرف عينوا ودور موتور وفات هزيت راسي ودخلت جوا٠٠٠ ….. لقراءة الفصل التالي : لقراءة الرواية كاملة اضغط على : (رواية خريف أغسطس) مدونة كامومنذ 12 ساعة 0 3 دقائق