خذ بيدي ولا تسألني الفصل الثاني عشر 12 - بقلم نهى

خُذ بيدي ولاتسألني
للكاتبة nuha-d-h

رضوان دخلت للبيت وسمعت صوت كرار يبجي مفرفح
صحت على رونق ماكو رحت عالمطبخ ملكيتها دخلت للغرفة شفت كرار لوحدة لكن بس سمعت وحدة تصرخ بصوت عالي
رحت ركضت بتجاه الصوت
كان بغرفة ضياء مديت ايدي اريد افتح الباب

انصدمت من شفت رونق فتحت الباب والخوف مرسوم بعيونها ومنظرها كان جداً مخيف
لكن الصدمة الاكبر من شفت اخوي وراها اجيت اتخبل
وبسرعة وضحت عندي الرؤية
رضوان -لا يالنذل لا يالخسيس ولك تندك وية عرضي
وهجم على ضياء وطاح عليه ضرب ورفس

رونق
من شفت رضوان هجم على ضياء اني من خوفتي شردت للغرفة مالتي ورحت على كرار كان يبجي اخذتة وحضنتة وكأن اريد استمد من عندة الامان وكرفصت على نفسي وسمعت صياح زلم برة وسمعت خوان رضوان ديفكونهم وسمعت صياح رضوان وهو يريد يهد على ضياء
دخلت علية هاجر متفاجئة بشكلي
هاجر -شنو الصاير اريد افتهم انتي ليش هيج منظرج ورضوان ليش ديضرب ضياء
ظل كرار يبجي ويدفع يريد ينزل من عندي لهاجر
راحت هاجر اخذتة مني
واني سمعت صوت ضياء وهو يحجي لرضوان
-هي الي اتحارشت بية اجتي دخلت بغرفتي وقفلت الباب وفرضت نفسها علية
بس اني صديتها وكلتلها مو اني الي اطعن بأخوي وگمت من حرگت گلبي لزمتها وضربتها حتى اربيها وتتوب وتتجنبني ومتذب نفسها علية
ام رضوان وهي تلطم
-يمة الله لايرضى عليها خرابة البيوت خلت الاخوان يتعاركون من وراها يمة كعدت تتبلة على وليدي
ام الرياجيل
رضوان بغضب
-لك ناقص بكل عقلك تريدني اصدك ان رونق تسوي هيج شي
- بس انت متشوفها غريبة شوية يعني اذا اني المتحارش بيها المفروض اني اكون بغرفتها مو هي بغرفتي لان هي اجتني للغرفة مو اني روح اسألها
شتسوي جاية لغرفتي
رونق وهي تشهگ وتلطم على صدرها
عزة بعينة يمة بس لا يصدگة ربي دخيلك

دخل رضوان للغرفة وكل شر الدنيا بعيونة
رضوان -هاجر اخذي كرار وطلعي

هاجر اخذت كرار وضلت تتلفت على رونق الي وجها انخطف
رضوان وبصوت عالي
-هاجر اخذي الولد وطلعي
سد الباب وراهة بالمفتاح ودار وجهة على رونق
رونق ايست من رحمة الله لان هذا عيونة ناوي عليها
رونق وهي تگوم من مكانها وتمد ايديها امامة بدفاع
-رضوان الله عليك اسمعني قبل لتحكم علية
والله هو الي اتهجم علية
رضوان وهو ينزع حزامة
-زين اذا هو متهجم عليج مثل مگلتي شعندج بغرفتة ياشريفة
رونق وبقهر -والله شريفة اسأل خالة هي گلتلي انظف غرفة ضياء والله جنت انظف
رضوان-لج سكتي عار ما اريد اسمع منج اي صوت
اليوم الا اربيج

وهجم على رونق ضرب بالحزام وهي ظلت بس تصرخ
وتستنجد لحد ما كطع هدومها عليها
رضوان بكل غضب جرها من شعرها
وشمرها على السرير
رضوان-تردين رجال مو خلاص هذا انة موجود
رونق -لا لا لا رضوان لاتظلمني وتكسرني والله مظلومة
شگ ثوبها وهي صرخت بصوت خايف
لاااا عفية رضوان والله ذنبي برگبتك لاتدمرني لااا
لكن رضوان كان اعمى من الغضب
وهجم عليها وافترسها بكل بقوة واخذها
وصارو جسد واحد مع بعضهم لكن جسد مملوء بالجراح
رونق
وهي تتقوقع على روحها بالسرير بعد ما قضى عليها رضوان
حست عليه نزل من السرير وشمر عليها الغطة
وراح للحمام

كانت اقسى لحظة على رونق ان تتعرض للاغتصاب من الشخص الي بدت تثق بيه وتحترمه وتعتبره بر الامان
لكن مع الاسف اصبحت تشعر بالخذلان بتجاه رضوان
ربي انظلمت واريد تاخذ حقي منهم
گوة گمت من الفراش واني ارجفت وجسمي كلة مزورگ من الضرب لازم اطلع من البيت مالي مكان بينهم
بعد ما ابقالهم بالبيت
صرت لعبة بين اديهم واحد يذبني على الثاني
بالغلط والاهانات ما اتحمل بعد....
هو اني علمود منو اتحمل منو اليستاهل
جنت اتحمل واسكت علمود كرار و رضوان وهذا هو اول واحد بيهم طعني وصدگهم
رحت للكنتور وطلعتلي ثوب وشال بدلت ملابسي بسرعة
وهو كان بالحمام يسبح
لبست عباتي واخذت غراض كرار بسرعة
ورحت نزلت اخذت كرار من هاجر
وشفت عمتي ام رضوان
رونق تحجي وهي تبجي
- حاطة الله عليج وعلى شاهدتج الزور والله ياخذ حقي منج ومن ابنج على الي سويتو بية ليش عمة مو انتي الي كلتي نظفي غرفة ضياء بس ما اكول بس حسبي الله ونعم الوكيل حوبة المظلوم متروح عند الله
ام رضوان-يعني فوك سوايتج تدعين علينا يمة منج يمة الا اخلي رضوان يكسر راسج بس اوكفيلي
رونق-خلي رضوان يمج اني ما راح ابقالكم دقيقة وحدة بالبيت
رحت وطلعت من البيت واني احس بغبنة وهضم مرية ضعيفة مشيت للشارع العام حتى اخذلي سيارة
اجرت تكسي ورحت بسرعة قبل لا احد يشوفني
ورحت على بيت خالة ام مروة
واول مفتحت الباب مروة شمرت روحي بحضنها واني مفرفحة من البجي وشافت حالتي ما تسر لاعدو ولا صديق. اجتني ام مروة تركض على صوتي واخذتني لحضنها ومروة اخذت من ايدي كرار ودخلوني لبيتهم
وكعدت اسولفلهم شنو سوو بية رضوان واهلة
ام مروة -يايمة بالله رجلج ما عليه عتب ساعة عصبية وحقة الرجال ترة هيج موقف يجرح كرامتة وكبريائه
والمصيبة انتي كلها ضدج والموقف كلة ضدج وعمتج وحماج هم شهدو عليج وهو شافج بعينه تطلعين من غرفتة يعني ردت فعلة طبيعية
بس لتخافين لكلشي الة حل وبالتفاهم ينحل كلشي
بس اهديلج شوية
ودخلي سبحي وهذا وجهج متروس اثر ضرب ودم
دكومي گومي
مروة انطيني كروري واخذي رونق خليها تسبح وتبدل ملابسها وتهدي شوية وترتاح

رضوان جنت احس بنار بگلبي معرفت شلون اطفيها وابرد ناري
اخذتها بالغصب وهي ظلت تقاوم وكلما تقام اني انثار اكثر
وتخليني اخذها بالگوة لكن فقدت وصرت اعمى من الغضب حسيت بيها صارت بين ايدية ضعيفة
لاحول ولاقوة من انتهيت منها كمت وشفت بعيونها الانكسار والدموع

بس مو بيدي اخوي وزوجتي صعبة علية مو سهلة لكن ما اعرف ليش كلامها الي اذاني
طلعت من الحمام ومليكيتها بالغرفة وشفت باب الكنتور مفتوح حسيت بگلبي خمطني. رحت نزلت جوة بسرعة اصيح باسمها بصوت عالي

-رونق رونق
ام رضوان -لاتصيح للخاتون اخذت ابنها وشردت وفكتنا من شرها خل تولي
رضوان بعصبية
-شلون تخلوها تتطلع شلون شبيج يمة شجاج اشو صرتي انتي والزمن ضدي ترة البية كافيني ومناقص مشاكل
صعدت فوك حتى اخذ سويج السيارة واتصلت عليها بس كان نقالها بالغرفة
اخ الله هاي وين راحت ماعندها غير بس سهير
رحت على بيت سهير واتفاجئت بية وماعندها علم عن رونق
اني هنا دخل الخوف لگلبي وين راحت
ما اعرف احس وصلة من گلبي انشلعت اي ليش دااحس بهذا الشعور هسة وبهاي اللحظة

رضوان -زين متعرفين صديقة تعرفها قريبة عليها
سهير-اي صدك شلون راحت عن بالي اتذكرت مروة صديقة رونق بالله شو تعال وياي خل انروح على بيتهم بلكي تطلع عندهم
اي بس صدك مگلت هي ليش شاردة من البيت
رضوان -منو كلج شاردة صارت مشكلة بيني وبينها وهي طلعت زعلانة
سهير
شوف البخت وجاي وراها يرجف عليها من الخوف
اي هذا الحظ مو مثل حظي

رونق
جنت نايمة بغرفة مروة وفزيت على صوت جرس الباب للوهلة الاولى عبالي اني بالبيت لكن من صحيت اتذكرت المصيبة وقهرتي
سمعت صوت مروان واني گلبي وجعني من الخوف
رضوان- عفية خالة خليها تلبس عبايتها وتجي وياي
لتخليني ادخل اجرها من شعرها
ام مروة -اهدء شوية خالة مو كلشي بالقوة ولتنسى هي ببيتي يعني على الاقل احترم حرمة البيت ولتصيح
وتعال اتفضل جوة بالبيت وخل افتهم منك ترة رونق اجت وهي كلش منهارة وانتو السويتوه بيها مو شوية
رضوان-اكو مرية تطلع من بيت رجلها بدون علمة
ام مروة -واكو رجال يمد ايدة على مرة ضعيفة بدون ما يسمع منها بالاول يعني انت حكمت بس على كلام اخوك وامك مع احترامي للاهل بس بتنا متسوي هيج سواية ورونق مثل بنتي من همة وصغار سوية مع بعض يعني ما يوم شفت منها الباطلة ومتربية احسن تربية
ابني كلكم راع وكلكم مسؤل عن رعيته
يعني هاي امانة ميصير تمد ايدك عليها فوك ما اخوك متهجم عليها يعني حقها تشرد منكم
يعني والله خطية المثل حالتها وين تنطي وجها اذا زوج وحمة وعمة كلهم دارو عليها بربك المن تريدها تنطي وجها وتشتكي

كلام ام مروة الهاديء كان له اثر المهدء على نفس رضوان
رضوان-خالة. ما انكر انة غلطان استعجلت بالحكم بس اني شفتها طالعة من غرفت اخوي شتتوقعين تكون ردت فعلي وهي الي بغرفتة مو هو
ام مروة-ابني هي كالت جنت انظف بغرفتة لان هو طلب من امة تنظف الغرفة
وترة خل ببالك هي لان بنت ناس ومترباية متشتكي
شنو جاي تسوي بيها امك ترة الوالدة منشبتها المر
رضوان-صوجها هي ساكتة اني مو گلتلها ان اي واحد يضايقها بالبيت تجي تكلي واني اخذلها بحقها
ام مروة-الله يخليك خالة هو انت هذا اول موقف واكلتها بكشورها تريدها تشتكي على امك الك صعبة عليها هم راح امك تظل تدورلها اعذار وهم انت راح تصدك الوالدة
وتطيح براس هاي الكرودة
رضوان -خالة رحمة على والديج صيحيلها خل تطلع
طلع كروري يزحف الي واني گبل كمت من مكاني وشلتة وشميتة من رگبتة رفعت عيني شفت رونق
واكفة بالباب تنظرلي بقهر ووجها عبالك خريطة من شفتها حسيت بروحي مثل الضايعلة شي عزيز ولكاه
يعني معقولة الله بلاني بحب هاي البنية من دون البنات ليش يارب گلبي عمرة ما رف وبيوم اليجي يريد يحب يوگع بحب وحدة بايعة وگلبها مو ملكهة

يتبع