خذ بيدي ولا تسألني الفصل الثالث عشر 13 - بقلم نهى

خذ بيدي ولاتسألني
للكاتبة nuha-d-h

رضوان
-رونق جيبي جنطتج وتعاي يالله حتى نرجع للبيت
رونق-لا رضوان ما ارجع وياك الي سويتة بية انت واهلك مينسكت عليه اسفة
رضوان هذا هو براحتج ما اجبرج بس كرار راح اخذة وياي ولو تموتين متگدرين تاخذينة مني
فلتخلين راسج براسي انتي مو بگدي
رونق شفت رضوان اخذ كرار وطلع بي لباب الشارع واني اجيت اتخبل
سهير-ولج روحي يالمعزاية وراه لاياخذ ابنج وتظلين على گلبي ولو تموتين ما الفيج وخلي ببالج ترة گعدتج ببيت ام مروة واكفة وعندها ولد ويريد ياخذ راحتة خو متظلين گاعدة على گلبهم
:اني سهير تحجي واني گلبي راح وية الي اتوجه لباب الشارع
ركضت وراه بخوف وبتوسل
-رضوان ابوس ايدك اعتقني لوجه الله من هلعذاب ترة ميصير هيج التسوي بية اكبر حرام
رضوان-اخر مرة اگلج تجين لو تبقين هنا ترة اذا خطيت بعتبت الباب تحلمين تشوفين ابنج وتحلمين ارجعج الي مرة
رونق شفتة شلون راح عالباب واني گلبي اجة يطلع من صدري من الخوف صرت بحيرة معذبة مابين اختار كرامتي لو اختار ابني على حساب الكرامة
والذل والعار يركبني
للاسف كان اختياري لابني هو الي ربح لان اني بدون كرار ما اعيش هو كل الي بقالي من الدنيا رونق وبصوت خايف مهزوم
-رضوان انتظرني جاية وياك
التفتت دخلت عالبيت وصارت بوجهي سهير عفتها وحجيت مع ام مروة
-خالة اني رايحة وية ابني ما اكدر اتركة اموت بلياه
ام مروة-خالة معليج بكلام سهير خالة اذا متشيلج الكاع تشيلج عيوني وبيتي مفتوحلج بَـــأي وقت
رونق والدمعة بعيونها -اشكرج خالة متقصرين
مروة-هو بكيفة ياخذ ابنج من عندج قابل هي هيتة
-لا مروة اني ما اكدر على رضوان

رحت لبست عباتي واخذت جنطتي
اصعب شي على الوحدة ان مايكون عندها خيار غير الاستسلام الخضوع
رجعت عالبيت واني حاضنة ابني وكأنه راح ياخذونة مني بس ابد محجيت وية اي واحد
وصلنا عالبيت ودخلنا واخذت ابني ودا اصعد بي عالدرج سمعت صوت رضوان الخشن
-شوفي رونق وانتو كلكم تسمعون
وحق الحق خلي اسمع واحد جايب سيرة او فاتح موضوع يخص هاي السالفة لاحرگ البيت على راسة
وخلي حاضركم يعلم غايبكم ومرتي وابني مالكم دخل بيهم
واي حجاية زايدة اعوفلكم البيت واطلع اعيشً بعيد عنكم
وهو ينظر لامه لان كانت هي المقصودة بالكلام
ورجع التفتت على رونق الي واكفة عالدرج
-وانتي رونق رجلج اكسرها لو عتبتي باب البيت صدگيني بوكتها محد راح يگدر يفرغج مني

رونق
اباوع على اهله كلها انبلعت الساناتهم حتى امة الي السانها متبري منها مفتحت حلگها وياه
كملت الدرج ورحت على غرفتي
وانتبهت عليها منظفيها ودخلت وراي هاجر
-هلو رونق شلونج تحتاجين شي اسويلج اياه
رونق وبنترة -لا انعم الله عليكم مقصروا اهلج وياي كلش كافي الي شفتة منكم والله ينتقم من كل ظالم
انتبهت على رضوان دخل علينا
رضوان وبزمخة
-رونق شنو هذا التجاوز ما اسمحلج تتطاولين على هاجر. ترة مسوتلج شي حتى تسمعيها هيج كلام
هاجر -لا خوية رونق محجت شي جنا دنسولف اني وياها اني راح اطلع واخذو راحتكم لاتشغلون بالكم بية ترة انتو ما ناقيصيني هو البيكم كافيكم
طلعت وسدت الباب وراها
رضوان-شوفي يابنت الناس رجعتج لهنا مو خاطر سواد عيونج والله لخاطر كرار والا انتي سوايتج مينسكت عليها فسدي الموضوع ولتجيبين سيرتة
والمفروض اكسر راسج بس اكول خطية وراح اسكت لخاطر لهل الطفل
رونق-ليش رضوان تخنگون الحق وتنصرون الباطل اذا انت متريد واحد يذكرك بالي صار فهاي مشكلتك مو مشكلتي اني حقي ضاع لان ما وراي واحد ياخذلي حقي ما اكدر اسكت عالظلم
رضوان-رونق رحمة على والديج سدي السيرة متعرفين انتي شيصير بية من تجيبين طاري للي صار اتخبل من اتخيلج جنتي تتوددين لضياء ليش ولج شنو شفتي بي
ورحتي عليه
وبصوت عالي
احجي ولج لخاطر الله
رونق وعيونها كلها دمع
-لك رضوان خاف ربك ولاتظلم بهتان لاترة ربك يعابيك
يعني احلفك بالله انت فديوم شفت او سمعت عني شي من قبل لاتتزوجني يعني من جنت انت تجي عالبيت واني لوحدي لاحظت علية تصرف يدين باخلاقي
رضوان -لا
-زين اذا اني مسويت الرذيلة واني حرة ولوحدي تريدني اسويهة واني على ذمة رجال بالله شلون عقلتها
وصدكت اخوك وامك وتهجمت علية اتوقع لازم انت تكون اكثر واحد بيهم عندك فطنة وراح تعرف باخوك شكد العيبي وما يكعد راحة وعينة زايغة
وانت هم صوجك لان گمت كل يوم تنام عند ضياء وخليت الكل يعرف ان زواجنا مو طبيعي
وهو اخوك شافها فرصة بكل ضنة يستغل هاي الفرصة حتى يختلي بية

بس ما اكول غير حسبي الله ونعم الوكيل على كل واحد ظلمني
شفتة طلع من الغرفة وهو نار ومحجة اي كلمة
رحت بدلت لكرار وغسلت ملابسة وكان جسمي مكسر اتكسر من الالم ورة ساعة سمعت صار مصايح جوة بالبيت وما اهتميت
عساهم نارهم تاكل حطبهم
خصلت ملابس كرار
ونزلت اني وياه وسويت عشا الي ولكرار
شفت رضوان دخل عالمطبخ وعيونة جمر وكان يشرب جكارة سحب نفس منها
- صبيلي عشا وصعديلي اياه للغرفة
اني ابد محجيت اي كلمة تركتة
وكعدت اسوي العشا انتبهت عليه طفة الجيكارة باوع لكرار الي مد ايديه الصغار لرضوان حتى يشيله
شفتة راح عليه وشاله من كرسي الاطفال الي موجود بالمطبخ وطلع بي اسمعة
-تعال باباتي حبيبي مشتاقلك
كملت العشا وصبيتة بالصينية واخذتة فوك للغرفة دخلت شفتة يلاعب بكرارويضحك من شافني سكت وغنتب وجهة حطيت الصينية على الميز
كام وراح للصينية
-تعاي اتعشي
-لاممشتهية اكل عودك من اجوع اروح اسويلي لكمة
اخذت كرار الي زحف لعند رضوان
وهذا كرار صاير هواي متعلق برضوان.
راح لعندة ومد ايدة عالصينية ردت اشيلة من يمة حتى يخلي ياكل براحتة
-لالا خليه اني اوكلة وياي
-ترة هو يريد يلعب
-لا عوفي حتى لو يلعب
تركتهم ورحت علغرفة وكعدت ارتب بملابس كروري
سمعت رضوان
-ولك طحش شسويت بوجهك دتعال خل اغسلك لا امك تشوفك وتكوم علينا
رونق
والله الي يسمعك يگول خايف مني والله ياربي
دخلو عالحمام واسمع اصواتهم رحت نزلت الصينية
وغسلت المواعين وكترت المطبخ وراي وطلعت
وصارت عمتي بوجهي
-شوفي ولج مو عبالج گعدتي توزين برضوان وخليتي يطرد اخوه من البيت كلة من وراج لاحبابة مو انتي الي من تالي وكت تهجمين بيتي والله وحق الحق احطمج ومايرفلي جفن
حرت شحجي وياهة يعني شنو رضوان طرد ضياء معناهة اقتنع اني بريئة فدوتك ربي حنن گلبة علية والله ماعندي غيره ياخذ حقي منهم
صعدت فوك شفتة منوم كرار بسريرة
اني ظليت منتظرتة شوكت يطلع من الغرفة حتى اروح انام اشو هذا طول الاستاذ ماخذ راحتة
ونازع ملابس وظال بطرك الشورت
بالله شلون بلوة هاي اجتني
حسيت بروحي صخنت من منظرة وهو ولا يمة
رحت على الكنتور وطلعت ملابس الي حتى انام
دخلت للحمام بدلت ملابسي ولبست دشداشة محتشمة ولو بيدي حتى البس شال بس هو ميقبل بس كانت فتحة الصدر مالت الثوب عريضة شوية مااهتميت لان راح انام
وطلعت وشفتة بعدة بالغرفة هذا وتاليهة وياه
شفتة التفتت علية وظل يباوع علية

-بالله شو تعاي يمي خل اشوف
رحت اقتربت منة وبتسائل
-شكو شتشوف
گام من السرير واقترب مني ومد ايدة على فتحة الثوب
وزحهة جانبي وباوع على الاثار الي برگبتي من وراه هيج صار بيها
شفتة راح اخذ سويج السيارة وبدل ملابسة وطلع
استغربت من عندة
بس كانت نظراتة كلها ناروغضب
اني رحت نمت على السرير
ومسألت وين طالع لان متعودت ما اسئلة وين يروح وشوكت يجي يعني اني من هاي الناحية كلش باردة احس هذا شي ميخصني
يعني لو قصي اكل گلبه واريد اعرف وين يروح واعرف كل خطوة يخطيها لان كانت حياتي وياه عادية لكن رضوان لا ماكو شي عادي بحياتنا

رونق وهي تحجي وية نفسها
اهووووو رونق راح تظلين تقارنين كل تصرف من رضوان بقصي
ميصير رونق هذا الشي ميصير لان اذا ظليتي تقارنين بينهم محد راح يتعب ويتأذة غيرج انتي وبس
ولتنسين انتي تحبين قصي لذلك مراح تكدرين تشوفين عيوبة ولا راح تتذكرين اخطاءه باتجاهج لان كنتي تنظرين لقصي بعيون الحب والحب اعمى ويخليج هواي تتجاوزين عن اخطاء الحبيب
اذاً مو من المنصف تكعدين تقارنين بين قصي ورضوان
شي اكيد هاي المقارنة راح تبخس حق رضوان لان
متحبينة صحيح اتعودت عليه وصحيح احترمة واحس بالامان واثق بي
شفتة ورة عشر دقايق دخل علية وفتح الضوة واقترب مني وكان بيدة عصارة استغربت منة
-هاي شنو
-رحت للصيدلية جبتلج عصارة مرهم للكدمات
بالله شو نزعي الثوب خل احطلج المرهم
رونق وهي تفتح عيونها على وسعهن
-تحجي صدك لا عفية شنو انزع ملابسي مستحيل
رضوان وبخزرة
-اكول اشو جنج محاسبتني زوجج ترة شوفي يبنت الناس مو تشوفيني ساكت ومتحمل وصابر عليج عبالج راح اكضي العمر ملاك وياج لا منا ورايح راح نعيش حياتنا سوية ونتقاسم كلشي سوية ونتصرف مثل كأي متزوجين حتى نهيء حياة صحيحة لكرار
وهسة بعد هاي المحاضرة اقتربي
خل نطبق اول خطوةً
سحبني وگعدني وفتح سحابة الدشداشة من گدام وشفتة غمض عيونة على كيف فترة وخذ نفس عميق

وگعد يحطلي المرهم بالاول اتأذيت من الالم مال الرضوض ورجف جمسي من ورة اللمسة الغريبة على جلدي كانت اصابعة خشنة على جلدي دنگت وغمضت عيوني مستحية من الموقف المحرج
انتبهت عليه شال الغطة ورفع ثوبي عن سيقاني اني شهگت وبسرعة مديت ايدي ولزمت ايدة حتى اوقفة
لكن هو خزرني بعيونة الي تجدح نار
يعني عرفت بي هو جاي يعاني مثلي من الموقف الي خلة نفسة بي
كمل رفع الثوب لاعلى الفخذ
وبدة يمسح المرهم على مكان الضرب اني حسيت من الارتباك صخنت بس انتبهت على رضوان نفسه ثكل
لكن لمسات ايدة اتغيرت وصارت اكثر حرارة على جلدي
ما اعرف هي اللمسات اتغيرت لو اني احساسي الي اتغير سحبت نفس
واني ارجف اذا ما يتوقف هسة
راح اتصرف تصرف افشل روحي واحط نفسي بموقف مخزي ما اعرف شصار احس بروحي قطعة لهب
ابتعدت عنة
رونق-اةةة احم احم هذا كافي مشكور مقصرت
رضوان
اخخ يالله شورطني وصرت شهم وگمت ادهن جسمها بالمرهم اي جان اكتفيت وانطيها المرهم وهي تخلي
ليش هيج خليت نفسي بموقف لايحسد عليه
هو اني من غير كلشي ابو ابوي محترگ
وما انام الليل من وراهة
واليوم جمل الغرگان غطة
خل اگوم واستر على نفسي واكمل جميلي عليها
واطلع ما دام صرت شهم خل اكمل شهامتي للاخير
كمت من على السرير
وردت اطلع
-رونق الموضوع مال ضياء اعتبري انتهى
بس اترجاج من يصير وياج موقف او مضايقة من اهلي لتسكتين تعاي احجيلي حتى اكون على بينة من احجي وياهم
مو اكعد وياهم مثل الاطرش بالزفة احجيلي كلشي عنهم حتى اعرف شلون اخذلج حقج وهذا ضياء اني حسابيً وياه
اخذلة مخدة وبطانية وطلع للغرفة الثانية ينام
يوم ثاني گعدت واحس هموم الدنيا كلها على راسي
احس بروحي ما اريد انزل واكعد اگابل امة العكربة
وخاف اصادف العار ضياء وما امتلك اعصابي وتصير مشكلة
بس المفروض لازم اواجهم ما اسكتلهم
اني صاحبة الحق على شنو اخاف المفروض همة يتخوفون مني
رحت اخذت كرار وياي
شفت هاجر بالمطبخ وقبل لا ادخل سمعت عمتي ترزل بيها وهاجر ساكتة
ام رضوان-اي انتي ظلي كربي جنج بقرة بس تاكلين وتنامين ما بيج خير وصايرة شكبرج ياكل بيج السبع شهر ومتخلصين
هاجر-اهووووو يمة ماعندج غيري اليوم تطلعين حركتج بي والله ابتليت بيكم انة ياهو اليجي يرزل بية شنو قابل اني الشماعة مالتكم تعلگون عليها ضيمكم
دخلت عليهم شفت هاجر تغسل الواعين
ام رضوان-ايه صلوات گعدت المسعدة ام الرياجيل
رونق
ابد مجاوبتها تركتها ورحت اسويلي ريوك الي ولكرار
وقبلها طلعت اللحم حتى اسويلهم غدة لان عمتي مابيها خير گاعدة بس للمشاكل
گعدت اشتغل وافكر برضوان اشو اليوم طلع حتى ما حسيت عليه من دخل للغرفة
ومرت الايام وضياء سافر للخارج حتى يكمل دراسة هناك بس عمتي نزلت غصب الله على راسي كل حجاية والثانية تصيح كلة وراج ابني اهج للخارج مكدر على زعل اخوه
وصار عمر كرار سنة
ورضوان قرر يسويلة عيد ميلاد وفعلا زين البيت واخذة وياه للسوك واشتراله قاط الة ولكرار يجنن والمفاجئة اثنينهم نفس لون القاط نيلي وربطة نيلي بيها نقاط سمائي واشترة جميع الاشياء الي تخص عيد الميلاد
وسمعت. عمتي تتصل على خواتها وقرايبهم واني اتصلت على مروة صديقتي وام مروة وعزمتهم
ام رضوان -اي يمة رضوان سودة علية تلهط وتركض من الصبح لليل وهو حتى مو بزرك
رضوان-هَـا يمة شكو ليش هذا الكلام الي يسم البدن
ام رضوان وهي تسوي روحها تبجي
-اي يمة انت شعليك بية خليني احجي لوحدي لو حتى الحجي تمنعني عنا
اخت رضوان ام احمد
-رضوان كافي عوف امي واتركها لحالها
رضوان-شكو شصاير خير
فاتن ام احمد وهي تاخذ رضوان على صفحة بعيد عن امهم
-رضوان ترة امي مو زينة وحالتها كلش صعبة
رضوان حس بگلبه انخمط على امة
-شكو گولي احجي شصاير
-ليش رونق مخبرتك
امي اتخربطت وودوها للمستشفى وانگلبت الدنيا عليها لعد شنو ست رونق ضاربة السكتة
رضوان -مسألتج على رونق سألتج سؤال وجاوبيني على گدة حجي زايد ماريد
-شوف خوية راح اگلك ومو تگول ماگالت حتى منا ورايح تدير بالك على امك
البارحة ما راح للدكتور كالو امكم بيها جلطة خفيفة وفايتتها سلامات بس اذا اتعرضت لوحدة ثانية احتمال تنشل او تموت
وظلت ام احمد تبجي والله اذا صار بأمي شي اتخبل
اموت وراها عفية رضوان خلي نتعاون على امي وندير بالنا عليها
رضوان -اي انة شمسويلها
ام احمد-اي مدتشوف كل حجاية والثانية تگعد انت تداهر بيها وتراددها
رضوان -تدرين بية ماعندي حوصلة الي تتحمل سوالفها الي تنطق الصخر عاد وانة رضوان وتعرف بية عصبي وما اتحاجة
ام احمد-يعني شلون بالله اذا مو احنا الي نتحمل امي لعد منو اليتحملها نذبها بالشارع لو نتبرة منها
عودك هذا انت الجبير وهيج تحجي
رضوان -يالله هذا هو منا ورايح راح احاول ابلع واسكت امري لله
ام احمد-عفية وهاي سالفة اعوفلكم البيت واطلع بطلها ولك وحتى وهي نايمة بالمستشفى اسمعها تحجي لايمة رضوان لتعوف البيت ولك والله شالع گلبها
رضوان -الله اكبر هاي كلها بية لعد انة شكد عاق طلعتوني فدنوب هتلي ومسقط
ام احمد -لا والله خوية حشاك بس والله هذا الحجي مو بس وياك حجيتة حتى وية ضياء وفاضل ورضا
كلهم حذرتهم

يتبع