خذ بيدي ولا تسألني الفصل الرابع عشر 14 - بقلم نهى

خُذ بيدي ولاتسألني
للكاتبة nuha-d-h

رونق

بعد ما خلصت شغلي بالبيت صعدت فوك لغرفتي حتى احضر نفسي لحفلة عيد الميلاد
لبست فستان كلش حلو تركي خاص للمحجبات
وخليت ميك اب لوجهي ولبست شال مناسب وية الفستان
صرت احس بروحي عبالك اميرة لاول مرة بحياتي هيج اكشخ واطلع غير شكل
باوعت عالفستان الي اشتريتة اني وخالة ام مروة
شكلة قالب عالجسم ومن جوة يصير مثل الحورية
وردن طويلة وكان لونة ماروني غامق
ولبست حذاء كعب صار قوامي رشيق
دخلت علية هاجر
-عفية رونق سويلي سحاب الفستان ميقبل ينسد
اقتربت منها وكان ظهرها كلة طالع
وحالولت اسد السحاب بس هي كلش سمنانة خطية
اخير شي بالگوة انسد
حسيت علية اختنكت من گد ما ضيق عليها انقهرت عليها خطية تريد تلبس وتحاول تحسن نفسها مثل البنات لكن كلما واحد من البيت يسمعها حجاية ويغثها اشوفها تهد عالثلاجة وتهجم عليها وشبيج ياثلاجة من اكل
-هجورة انتي ليش هيج هاملة نفسج حرامات هذا الجمال كلة ضايع من ورة السمنة
هاجر وهي تريد تحجي بس مستحية وگعدت تحوس
وعيونها گعدت تلالي بالدمع
-رونق اني من وعيت عالدنيا واني سمينة ولاعندي اب يهمتم بية ولا ام الي تنتبه علية لان اجيتهم بالاخير بالوقت الضائع بالوقت الي همة كبروا وما عاد محتاجين طفل يثقل عليهم صرت من ايد لايد والتهيت كلة ببيت يم بيبي واشوف امي يوم عن يوم من ورة سمني متقبل تاخذني وتطلعني وياهة كلة تاخذ رشا اختي
جرت حسرة وطگ سحاب البدلة وكامت تبجي
هاجر وهي تلطم على وجهة
-عزة شلون والله امي اليوم تدفني خربت البدلة
رونق-شلون هسة حتى لو اخيطة هم راح يرجع يطك
لان سمانة يالعوبة اني الج منا ورايح الا اموتج جوع بس اصبريلي
وضربتها على كتفها
وهاجر تمسح بدموعها وتبتسم
الظاهر اول مرة واحد يشجعها عالتنحيف
دخل رضوان والشرر بعيونة وزمخ بية
اقترب مني ورفع صبعة يتوعد
-رونق هاي اخر مرة اسمعج تهينين هاجر وتقللين من قيمتها فااااهمة

هاجر-لا لا رضوان لتحجي على رونق ترة رونق كانت تساعدني والله خطية.محجت شي
رضوان-انتي سكتي وطلعي برة ادري بيج تتدارين عليها وتسترين من يوم يومج تحمين الي يأذوج ومتقبلين لاحد ياخذ حقج
رونق
باوعت عليه واحس بگلبي بركان يفور من كلامه وياي
صايرة تصرفاته كلش صعبة
احس بي بس يريد يدور الزلة وياي
لان اني من ذاك اليوم بيوم الي تحارش بية ضياء صارلي شهرين ما احجي وية رضوان الا للضرورة
هو صحيح اخذلي حقي من عند اخوه وامة لكن اني بعدني مناسية من اتهجم علية
والظاهر هو ممتعود على وحدة متديرلة بال
باوعتلة بعتب وعيوني صارت بعيونة
دنگت عفتة وردت اطلع للباب
-اوكفي وين طالعة وشنو هذا اللبس والحفلة بيها واولاد خالي واخواني بالله شو تعاي غيري ملابسج
-رضوان دخيل الله انت ليش احس بيك كل ساعة تدور حجة على لطمة رونق اي مو كافي عاد مصختها وسويتها بلية ملح
تريديني ابقى هنا ما انزل عادي هذا هو خلاص راح اكعد هنا وانجب وانت احضر عيدالميلاد لوحدك
رحت دخلت عالغرفة ومن حرگت گلبي نزعت شالي
وفتحت الزنجيل مالت البدلة ونزلتها من على كتفي وطلعت ايدية من الردان ونزولتها ليجوة حتى انزعها وهو دخل علية فجاءة
رضوان واتوقف بصدمة اتكئ على الباب وهو يباوع باستمتاع على منظرها
رفعت الفستان بسرعة
-رضوان عفية اطلع برة اريد ابدل بسرعة
لان راح يجون
رضوان
من يوم الرجعت وياي للبيت واني لاليلي ليل ولا نهاري نهار من وراها اكضي الليل سهران تالفة اعصابي
صرت احلم بيهة وهي بين ادية بس برودها جنني وخلاني اريد اطولها وانولها لكن هي تتصرف وياي عبالك اني مموجود بحياتها احس بيها شاطبتني من حياتها وتحسسني اني اخر اهتماماتها
واني المصيبة الله علگلني بهواها وهي مو يمها ابد
من غيضي وقهري احاول اداهرها حتى تستسلم وترفع العلم الابيض بس اشو كلما استفزها تتصرف وياي
ببرودة اكثر واني احر ما عندي ابرد ما عندها
مرات من ادخل عليها بالصدفة للغرفة بالليل اشوفها شلون نايمة وحاضنة المخدة والله صرت اغار حتى من المخدة هذا حالي صار وياها
كمت اشوفها وارغبها كزوجة مو مثل الاول جنت اوهم روحي هذا احترام متبادل او هذا عطف وخطية لا
المرحلة اتعدت هذا الشي صرت متولع بيها وبصوتها المبحوح اخ الله من اتصل عليها صرت مثل المراهق ادور الاعذار حتى اتصل عليها اسألها على كرار حتى اسمع بحة صوتها الهامس صرت اريد هذا الصوت يهمس بأذني من تصير بين اديدية واخذها الي
وهسة هي واكفة گدامي بمنظر يذوب الصخر

شفتة اقترب مني واني صرت ارجف
-ليش نزعتي منو كلج نزعي البدلة
-اة اة انت مو گلت بدلي اني راح ابدل واشوف شنو البس
-اي تعاي بالله شوفيني شراح تلبسين
-اي بس اطلع بالاول
-هههه هذا عشم بليس بالجنة ولج كضيت عمري وياج بس اطلع وانطيني مساحة حتى ابدي اتقبلك واريد فرصة
وكضيتيها علية حجج بس هسة لا لهنا وكافي
رونق انة اريدج وهسة وبالهلحظة وممجبور بعد انطي
فرص او مجال بالله شو تعاي
هو يحجي ويقترب مني واني احس بگلبي راح يطلع من صدري اباوع على عيونة شلون افترستني واكلتني اكل وانتبهت لنظره نزل من وجهي لجسمي واني مديت ايدي عالبدلة حتى ارجع ارفعها ليفوك شفت ايدة انمدت على ايدي حتى توقفها
-لا رونق لا اتركي عنج
سمعنا صوت دك الباب
-اخ الله بختج بالي دك الباب لزمني عنج
التفتت على الباب وگلبي يدك وهو استغل انشداه عقلي
وخمط بوسة من شفايفي مثل الحرامي السلاب
حسيت بشفايفي خدرت
ابتعد عني وهو يبتسم

- يالله هسة هاي اعتبرها تصبيرة بس
اليوم وين تشردين شوفي حبابة جهزي حالج اليوم
اتوقع انطيتج هواي مجال حتى تتعودين علية
رونق-شنو رضوان الظاهر نسيت اني منو
-انة موگلت الموضوع ينسد وما اريد اسمع بي
- اهاا يعني تريد ابلع واسكت وانت تدوس علية
-لج انتي شنو من متعبين من اللسان والمداهر
رونق وهي تأشر على نفسها
-اني اداهر والاسن هاي شوكت اشو كضيتها كالة ضاربة الصامت
-اي لعد هو شنو المداهر غير ضرب الجينكو ومادة بوزج علية اربع وعشرين ساعة ومتجنبتني
شوفي يبنت الناس ترة انة رجال والي احتياجاتي وانتي مرتي وانتي تعرفين حق الله والي حق يمج اريد اخذة
برضاج او مو برضاج اخذة اخذة فاحسنلج لتخليني اتبع غير اسلوب
اندك الباب مرة لاخ
وطلع من عندي واني بقيت ارجف من اثر المشاعر الي هجمت علية على فجاءة صرت لازم اقدم نفسي لرضوان
يارب ساعدني شلون راح اگدر والله صعبة علية مو بيدي
يعني لازم ادوس على گلبي واتحمل واجاري السفينة حتى تبحر لخاطر كرار بس والله اني مو بيدي احس بروحي اسيرة لگلبي وما اعرف شوكت اتحرر من هذا السجن

رجع رضوان للغرفة رضوان وهو لابس ملابسة واتوجه عالباب والتتف علية
-شوفي متبقين بهذني الملابس غيريهن سامعة

دخلت هاجر بعد مطلع رضوان
-خو مظل يحجي عليج
-لا بس مسح بية الگاع هذا اخوج الله خالقة من ياطينة
-لا والله اخوي طيب بس انتي طولي خلكج وياه
-عفية ما الكة عندج فد بدلة على قياسي مرتبة
-بالله تعاي وياي لغرفتي خل اراويج الفساتين حتى تگعدين تعدلين ترة تلحگين على مايجون
دخلت لغرفتها وفتحت كنتورها وطلعت كومت فساتين وحدة تكول للاخ گومي اني احلى منج
واختاريت فستان موديلة حلو ورحت للغرفة كعدت اكصف بي حتى يصير يكفيني ولبستة طلع علية يجنن وبعد احلى من الفستان الي جنت لابستة وعدلت الميك اب وعدلت شالي
ونزلت وية هاجر بعد ماعدلت الهة الفستان مالتهة
وصارت بوجهي عمتي ام رضوان وشهكت من شافتني
-خالة شنو عروس ومسعدة ومحد بگدج داخلين ببختج
سودنتي الولد وخليتي جنة مخبل يحتار شلون يرضيج
رونق -خالة مالة داعي هالكلام هسة مو وكتة عندنا خطار ياريت تأجلينة
والله طلعت روحي منها ........
تركتها وفتت عالمطبخ ........

ام رضوان وتحجي بسرها
هين يارونق انة اعلمج بس اصبريلي ولج انتي تمشين كلامج علية وتخلين ابني مايطيق يسمع مني حجاية بسيطة بس اصبريلي
.........................

طلعت من المطبخ وسمعت الاصوات بالصالة الجبيرة وبدو اقاربهم يجون شفت كروري شلون شايلتة هاجر وتكص وياه صور وسنابات شكلها وشكلة يضحكون
اخذت صينية التقديم وفتت عليهم كنت مستحية لان هواي من اقاربهم ما اعرفهم وجانو هواي شباب الله يحفظهم كاعدين على صفحة وانتبهت على واحد من اول مدخلت عليهم عينة مو وگعت من علية وبديت اقدملهم شفت وشفت رضوان عيونة شلون اتسعت وكصني من فوك ليجوة وگعد يتلمس بلحيتة وينظرلي صارت عيني بعينة انتبهت عليه شلون عض الشفة وهمسلي اول ما اقتربت منة حتى اقدم
-تركي الصينية من ايدج ولتقدمين همة يگومون وياخذون وبسرعة وبجهج للمطبخ اذا هسة مطلعتي لا اك..........
-اي اي افتهمنا راح تكسر راسي وتمسح بية الگاع حفظناهم. هاك الزم خل اطلع امري لله
تركتهم وطلعت بعد ما سلمت على الكل وشفت بنات خالة شلون حلوات وشابات واباوع عليهن شلون يراقبن رضوان بعيونهن اكلنة اكل بالنظرات
واني طلعت بس ادردم بيني وبين نفسي
جاي امشي باتجاه المطبخ
اتفاجئت بالايد الي انمدت من ورة وسحبتني ودخلتني على غرفة عمتي
وندفعت عالباب
رضوان-شنو ولج جاي تتحديني لو شنو ناوية
اني مو كلت لبسي لبس مستور
رونق وهي تتخصر
-وهسة اني شنو طالعة مصلخة
دفعها علباب وقرب وجهة عليها
-لج لتحجين كلمة ثانية زايدة وتلكين نفسج بالغرفة الفوك
مربطة بالحبل
-شنو لابالله شنو قابل عندك سجينة اني وتعذب بية وتقييد لو جندي وتعاقبني
ردت ادفعة من صدرة بس ياريتني مخليت ايدي على صدره حسيت بحرارة صدره وصارت دگات گلبه جوة ايدي ونفسه السريع بداخل صدرة الي يصعد
ومكدرت اقاوم ان امسد على صدره بيدي ونسيت نفسي ومحسيت على روحي من گعدت استكشف صدره بلمسات ايدي
وهو وكأنه جان منتظر هاي اللحظة من زمان
دنگ راسه واخذ شفايفي بين شفايفه وصار يتفنن بيهم
بشراهة لدرجة من ابتعد اني حسيت على شفتي بيهة دم صار بس اني ولاحسيت غير برجلية الي ترجف ونفسي الي صار ثقيل
حتى نسيت نفسي اني وين وشنو نسوي هنا اني ورضوان وشفت رضوان شلون نسة نفسة ومد ايدة لتحت الفستان حسيت بلمسات ايدة تتلمس على طول السيقان واني صرت ارجف من جوة ايديه احس اتخربطت احوالي وطلع الامر عن سيطرتي وكان هو المسيطر الي كعد يتحكم بية وبخبرتة صرت بيدة مثل الطفلة المطيعة
صارت لمساته اكثر جرئة
وشهگت ودفعتة من سمعت صوت الموبايل مالت رضوان اندك
رجع سحبني الة لحضنة
-عوفي تركي عنج تعاي معليج بالنقال
انتبهت عليه يحجي ولاحظت اللهفة الي بعيونة
وانفاسه رجعت تلفح رگبتي رجع يشم برگبتي مثل الدايخ
رجلي صارت خيوط وماقاومتي جداً ضعيفة باتجاهة حسيت فر راسي فر بكلامه وحركاته ولمساته
ضيعت الاول والتالي معرفت شلون اطلع نفسي من هاي الدوامة الي وكعت بيها
رغبة ولهفة رضوان غرگتني

حسيت بيدة الباب اتحركت من ورة ظهري وسمعت صوت عمتي وكان صوتها حاد
واني ابتعدت متفاجئة مثل الواحد الي وگع على راسة سطل مي بارد
شهگت ودفعت رضوان
وحسيت برضوان اتخربط همين مثل حالي متفاجيء
بوضعنا اثنينا كانت دكم قميصة كلها مفتحة هاي شوكت واني شالي مشمور والسحاب مفتوح رحت ركض لميز الرايا يمة عزة هاي شمسوي بية داخل علية محتل ولاعب طوبة بوجهي ورگبتي سمعت صوتة
-احم احم هَـا يوم جاي جاي
ام رضوان وحست على غياب هذولي الاثنين وگلبها گرصها
اي شنو حصرتهم بعد ميگدرون يقاومون وراحو لغرفتي
يمة هاي الحية طلعت مو هينة شوف جنها تكلي ((اخذة منج وبغرفتج وگدام عينج العب عليه شتردين تسوين ))
بس ماحزرتي يالحية انتي مو بگدي

التفتت على رضوان حالة اضرب من حالي قميصة مخربط وشعرة مهوس والربطة مفتوحة ظليت فاتحة حلكي هاي شوكت ليمتة
-اخ الله لج شسويتي بية اكلتيني اكل ولج والله لوما الناس هنا جان تحلمين اخليج تطلعين من الغرفة اثاري طلعتي مو هينة ولج انتي خطر تطلعين لازم تظلين محبوسة حفاظاً على سلامة عقلي
رونق
دنگت استحيت انتبهت على رگبت رضوان الي واكف بصفي على ميز المرايا ويعدل بربطة القميص وانتبه على الاثر الي برگبتة وابتسم
-لج هاي شمسوية اخ يابة راح تخبليني صدك الي يشوفج يگول بزونة مغمضة طلعتي بزونة تخرمش

رونق حصرتها البجية والله عيب
حجت بصوت يرجف -كلة من وراك انت
والله اني مو هيج ..........
ومكدرت تكمل كلامها
رضوان بستفزاز لذيذ متعجب بالزوجة اللذيذة الي عندة
وميدري بيها
-اي كملي انتي مو شنو
رونق وهي تتركة وكملت تعديل ملابسها وجرت نفس
ورادت تطلع
-لاهيج ماكو شي
خلت وطلعت وعافتة
رضوان ضرب على راسه
اخ يابة والله حتى نستني على شنو اني جبتها هنا
والله لعبت باحوالي لعب واني عبالي جاي ومسيطر طلعت گلبت الموازين كلها ودارت عقلي دور ومدري شصار لگلبي من وراهة

يتبع