رواية خذ بيدي الفصل العشرون 20 - بقلم زهراء العراقيه

ايامي مع وسام اتمنيت تنمسح مسح من ذاكرتي لكن لا مهرب منها اسببت الي بالفراق من حسن ...اه يا حسن ....
أرجع وياكم بذاك اليوم الي وصلت بيه گدام محلات اني وسمير .... نزل من السيارة راح اشترة شي
وانه وعيت لنفسي ....ياربي اني وين ...ويامن ...هذا غريب ... وحدنا بالشارع !! انه شسويت يااااربي
رجع گعد وانطاني ... كاسة مسلفنه .. كان عصير بگلاص ابيض لايلوني ومسلفن بغطا مرسوم عليه بنية شقراء ضاحكه .... وگصبة ...اخذتني الصفنه عليها .هم يجي يوم واضحك مثلها ... على شنو ضاحكه هاي ما اعرف .. اكيد بعدها ممزوجة ..
اهنا الدنيا ليلت ...اريد بس أسألة شوكت نوصل استحي ....!
ضل يفتر بيه وانه باوع للطريق
- اختي ترة اني تيهت بيتكم بس دليني انت ...ااه يا ندامتي طلع ناسي مكان بيتنا ...انه شندل
- احنه بحي ................ خوية
بالقوة الها طلعتها للكلمه
-ادري خوية احنه هسة بمنطقتكم بس هي چبيره ونسيت وين بيتكم بأي شارع
باوعت لگدام شفته يباوع الي من المراية . ما اعرف ليش نظراته خلتني اعدل عباتي ..بلعت لعابي بقلق
- خوية انه ما ما ...
سكتت استحيت اكمل ..يعني وين اكو وحده ماتندل بيت اهلها!!!
- شكو خوية شكلچ هم تيهتي ....؟؟؟
دنگت وهو عرف بيه سالفتي مليوصة
ضل يمشي على كيف ...ويسأل المارة ...
عن بيت اهلي ... المشكلة لو اندل الشارع چان صارت اسهل النا ...يمكن ساعه كاملة احنه نروح ونرجع ونلف بالحي !!!!
گالي نرجع لبيت وسام انه رفضت اذا ارجع غير يموتني ....اااه اتمنى هسة الگه بيت امي والبد عدها كل العمر .
ضلينا ندور على بيت اهلي المصيبه الدنيا ليل والولد ما جاي غير مرة وحده هم بالليل فحقه يتيه الا اني بيت اهلي وناسيته وين ...انه لو ندخل للشارع اعرف بابنا !!
يمكن ساعاتين ونص ويمكن اكثر احنه نفتر نسأل ..
لحد ما وصلنا ... ما صدگت من دخلت شارعنا گبل فقدت وصحت
- هذا هذا فرعنا سمير منا منا ادخل
هو التفت عليه وابتسم
خجلت من نفسي وغطيت حلگي بعباتي
وصلنا من نزلت هو هم نزل اخذ مني الجنطه ..
دگيت الباب وانه ارجف وهو راح لسيارته ...حتى ما اشكرته استحي ...
انفتحت الباب بس مچانت امي .. جان وسام ..فزت روحي ورجعت للخلف ردت اشرد بعيد عنهم
سحبني من زندي ودخلني وطلع لسمير يحچي وياه ..
طلعت امي جرتني ودخلتني ... وشبعتني دگ على متني
- وين چنتي ولج سايبه يابت......
رجلچ داخ عليص واجاني ...وگلبي وكلني عليچ
وانت دايحه وين چنتي
چانت تضرب بية ودخل وسام وخرها عني
- هاي شنو اهدي ليش اضربيها
امي - خل اربيها
- هسه اهدي خل نشوفها لیش طلعت
خفت منهم خليت وركضت لغرفه امي وسديتها هو ورايه فتحها بكل سهولة وانه اتراجعت للخلف من الدفعه اباوعله واعيوني ادمع وارجف
بهدوء سأل
- ليش طلعتي من غير اذني و وحدچ ؟؟؟
مگدرت اجاوب گمت ابچي
دخلت امي اصيح.. جانت شبه العمشه تردم باالي گبالها نظرها ضعيف نرت بيه
- وين چنتي
وسام يباوع بتمعن
-عمه صديقي هذا موصلها يگول متيها البيت
گالها بهدوء وتفهم بس امي صاحت
-عزةة يااا اشلون تمشين ويه غريب وحدچ
بس كنت ارمش بسرعه واباوع الهم بخوف
صرت اخاف من امي اكثر من وسام چان هادي
ضلت اترزل بيه واتريد تضربني لو لا وسام واگف الها ما يقبل تلمسني وانه نسيت الموضوع الرئيسي الي طلعني من البيت زعلانه وضليت خايفه من سالفه التوصيله وشيخلصني من امي
وسام - عمة يلا كافي هي بعد ما تعيدها
مو هدى
باوعلي بحدة . انه هزيت راسي موافقه
- يلا هسة هي حبابه راح ترجع لبيتها وبعد ما اسيوها مووو
رفع راسي من حنكي وانه اباوع اله واهز براسي بمعنى اي .. شال الجنطه واخذني من ايدي وامي
ورانا تمشي واتصيح ... قبل لا اطلع لزمتني من ايدي وگالت گدام وسام
- اذا اجيتي لهنا مرة ثانيه احرگچ والله البنية المحترمه ما تطلع من بيتها فاهمه والله احرگج وما ارحمچ ...
وسام ابتسم - سمعتي امچ ...بعد لا اسويها ..
اخذني ورحنا بتكسي للبيت ...
دخلت للهول شفت عمتي تاكل هي وبناتها
عمتي
- هم رجعت الخنزيرة هاي
رحت لغرفتي ... دخل ورايه وسام ... كنت انزع بعباتي .. وگف خلفي من وصلت للحجاب لزم اطرافه هو وظبها على رقبتي من خلف ...
شهگت
- ش ش شسوي
بصوت مخيف وهامس
- شسويتي ويه سمير سافلة ..
باوعتله من فوق رافعه عنگي وباوع اله ...گام يضب خنگني ....دمعت عيوني من الاختناق ....
هدني من وصلت للموت .. على الارض اخذ انفاسي بضعف ...
گومني وانه بعدني احك برگبتي اريد اشتم الهوى
دگ راشديات استلمني
ويحچي بصوت ناصي
- شنو سويتي ويه سمير ...
عبالي صدگ اتفهم زعلي ...طلع ضامها الي واكلت كتله ما من بعدها كتله كلها على وجهي خشمي نزف وازورگت .. كان يسألني أسأله موتتني
يحط حلگه يم اذني ويگول
- وين اخذچ
هم لمسچ
شسوالچ ..
واخرى ما اگدر حتى اذكرها ...
ضل يضرب بيه وانه صافنه حتى بچي گمت ما ابچي ..كنت مصدومه ...اشلون صدگته واجيت وياه ...!!! اخذ حقة وانه مربطه ....
الصبح نسى يفكني مدري متعمد .. وانه ما صحيت وياه ..لأن نمت من الآلم شبه مغمى علية .. صحيت يمكن الضحى ... كانت ادية مربطةبحجابي ورجلية برباطه الي لبسه بعرسنا ! وثوبي مشگگ من كل اكتارة ...

اندفرت الباب اصلا هي ابوابهم كلها بدفرة وحده تنفتح عاوية ...
دخلت امه اصيح
- تردين نخدمچ ام السحورة دخلت مدرعمة
ضلت صافنه عليه .. وانه استحيت لأن شبه عريانه
بالگوة طلع صوتي
- فكيني عمة
صفنت عليه اشويه بعدين ابتسامتها صارت شعرضها
وصاحت
-فرح ...حلى ..ولچن تعالن .... فرررح
اجني يركضن
- شوفن شمسوي بيها ...يباوعن عليه ويضحكن ..وجهي مزورگ شعري مهلس من شده عليه و كله دم يابس عليه من خشمي ومورم ومربطه وايده مزورگه ورجلية نفس الشي كلها اثار ..وروحي خاويه ما ماكلة شي وانه حامل !
ضلن يضحكن عليه ...وفرح تفلت عليه وراحت ..ضليت احاول افك بيه ..بس هو قوي . حتى اكفوفي صارت زرگ ...الدم انقطع يسري بيها من قوة الشده والمدة المطولة الي ضليت بيها مربطه ...
دخلت سراب تتخنس ردت احچي اشرت الي اسكت
اتقربت عليه ..
همست - راح افكچ بس الله عليچ لا گولين اني اجيت
هزيت براسي موافقه ..
لزمت ايدي ودا اتريد اتفك وايدها ترجف خايفه من امها
- وجع سراب شسوين .
اخترعت سراب شافت حلى واگفه
خلفها
-يمه يمه تعاي هاي سراب اتريد اتحل ادين هاي ام السحورة
شردت سراب وخلتني مربطه انازع الموت .. گمت احس بمعدتي توجعني حيل ... والوجع انتقل لكل انحاء بطني ...ضليت ابچي ..گلت ابني راااح مني

العصر انه من كثر المحاولات تعبت واديه خدرن .. غرفتي مو على شمس فمن تنطفي الكهرباء اذا البردة نازله والشباك مسدود اظلم ... صارت شبة عتمة ..
گمت اشوفه گروون تطلع من الحايط ... طلع الي ابو گرون مثل الي يرگص .. يهز براسه وبذيله المدبب گمت دسمع مثل الهلاهل المرعبه والزهاريج اريد اسد اذني ما اگدر ... حسيت الجربايه تهتز وهاي اول امرة الي اشوف بيها القزة يطلع منها ... بشكله المرعب ..ضل يزحف عليه ...منا من وصل لوجهي ضل يشم بدمي .. احس احد يلعب بشعري وراسي صار ثگيل .. واشوفلك عجوز بأنياب مرعبة وعدها گرن صغير بگصتها واعيونها لازكه ببعض .. عبالي داحلم ...اريد اذكر اسم الله ما اگدر چان اللفظ صعب عليه ... من اتقرب عليه ابو گرون احسه يريد ينام عليه بس ما يگدر يبتعد ..انه اهنا لا عقل ضل بيه ولا فكر ... اغمى عليه من الخوف ...
صحيت على صوت وسام .. يضرب على خدي بخفه ...ااااه اشكد كنت متعذبة منه تمنيت الموت زايرني ولا هو يصحيني
من شاف حالي واديه الي يمكن توه رجع الدم يسري بيهن من فكهن گعد يم رجلية من خلص فك قيدي وانحنى ما اعرف شسوي هو، انه گمت من مكاني ...بس حسيت بدوخه فضيعه رجعت گعدت على الطرف الثاني من السرير
وهو خلفي ...
اهنا طلع الي ابو گرون مره ثانيه ياشر الي
متت
اشنجت كلي ومثل المصروعه ضليت ارجف و اون انتبه الي وسام .. اديه جمدن وهو انرعب اعيوني انگلبن بس بياض .. لزم اديه وضل خايف محتار شسوي .... انه تهسترت ما اعرف شصار بيه ...
هو عباله من الآلم لكن بالحقيقة اعصابي فقدت السيطرة عليها كنت بداخلي اريد اوگف رجفتي بس ما اگدر اعصابي هي الي تتحكم بيه والساني صار جوة اسنوني ! ...
ضل يصيح وسام ...دخلت امه وبس صافنات كلشي ما يسون
باوع الهن وصاح
- يمه شسووي؟؟؟
گعدت فوگ راسي وضلت تقره ايام ..بس أياتها ابد ما سون الي شي بالعكس تعبني گمت احس بوجع براسي والنوبة وحدها راحت بعد ما اغمى عليه ..
گعدت لگيت وجهي متروس ماي وبس اسمع صوت بكاء واحد ...التفتت شفت وسام گاعد على الارض وماد رجليه ويبچي بصوت وبحرقه ...مكان احد يمنا ... يمكن مبدي علية دوركه ماي ...
ضليت اباوع اله بخدر ودوخه ..مستغربه هذا الرجال هو الظالم بس ليش يبچي ؟؟
من شافني گاعده .. اجاني مسرع خوفني ضميت وجهي عنه عبالي راح يضربني ...لكن هو حظني وضل يبچي !!!!!!!!!!!!!!!
،
مرت ايام هو زين وياي خاصه من رحت للطبيبة گالت طفلچ رجع نزل ديري بالچ عليه ..
گام ما يتقرب الي لمده ايام بس .... لكن بعدها رجع لعادته العنيفه وياي .. مختصر الكلام كلها التمت عليه هو واهلة والجنون الي كل اشويه تطلع ...گمت ما يغمى عليه لكن اشنچ من تطلع الي .. قررت اسولف لأمي ... لكن خفت لا توديني للاحد مرة ثانيه يلعب بيه .. طبعا كل الي بيت اعيالي ما يصلون بس وسام
واول مرة اشوف ام ما اصلي ! الي هي ام وسام
ومرت ايام حملي بين الضرب واهانه امه ومن اشكي لأمي اسكتني ....
بمرة صارت مشكله بين وسام وامه لان رجعت ذبت البيت كله عليه ... واجت ام محمد اصير زوجه ابن عم وسام مسيره .. وشافت المرة عركتهم اشگد فشله ... ضلت اتفاكك لان وسام لزم فرح شبعها كتل من غلطت عليا گدامه ..
طلع بيومها وسام
ام محمد دخلتلي للغرفه عبالها صدگ اني احيلة على امه ...لكن بس حچت وياي بچيت وكتلها ماعليه انه هو يحچي ما يقبل اشتغل، شافتني فطيره وكلام عمتي مااله صحه ..ضلت اسولف وياي وسألتني عن بيت اهلي وين صاير وليش ما اعيش ويه امي اذا هي وحيده ..
بالصدفه طلع بيتها بنفس الحي مال امي ..
...
من رجع وسام گلت اله فكرة ام محمد وهو گال امچ ما تحبچ شو تروحين الها خطار ما اتريد احد حدانية وعدوانية
حز بنفسي طلع ملاحظ وسام وعارف انه ما الية احد
؛؛
بيوم راد يتقرب الي وانه اتعمد اضل بوسخي حتى ما يدنى الي ؟؟
اتعارك وياي انه ما اجادل بس اسكت واستفزة اكثر
من غلست ما سبحت ... شبعني كتل واخذ الي يريده مني ...بس هالمرة اخف من كل مرة ..گمت متكسره اغسل وهو طلع برة ما اعرف وين .. جنت اخذ حمام واحس احد يراقبني وميته خوف بالحمام
سمعت اصياح وسام ..
يصيح على احد ...هو مو طلع ؟؟؟
لبست وطلعت شفته لازم امه يريد يكتلها وخواته يبچن
انه وگفت خلفه
- حباب عوفها هاي امك
من سمع صوتي رجع لوعيه وهد رقبه امه
دخل للغرفه وانه خافه يصيح
- ولچ طلعت هي تخلي الج سحر حتى اكرهيني ...واني اكول ليش انت ما طايقتني ..
من وراهه هي هاي هم ام اهم شي نفسها ....
اثاري عبالها ما يرجع ابسرعه وداخله اتحط شرها وتدري بيه فاهية بالسبح ..

گعد وسام طالعه روحه على امه لأن خنگها ورفع ايده عليها ...
انه ما اعرف اهدي احد ما اعرف اطبطب على احد لأن فاقد الشي لا يعطيه اني ما لگيت احد يهديني ...ضليت واگفه حارنه واشوفه مغطي وجهه بأديه وگام هم يبچي حسيته طفل .. گعدت يمه وسكتت ما عرفت شگول ... وضليت افرك باديه
حسيته حط راسه على متني ... وهو الي رفع ايدي خلاها على ضهره !
بصوته الباكي
- ليش اكرهيني ....ليش ما ترديني
احتظنته وضليت صافنه على زماني ....!!! اساسا انه ما چنت اميز بين المحبة والكره هاي المشاعر ما وراده عليه .....

بالليل نام ...
الصبح من گعد واحد ثاني بس يصيح وحسيت يدور زله حتى يكتلني انه اجنبته مع هذا هم ضربني راشدي ....وصار دوم يضربني بالرايحه والجايه وانه هم تعودت لشتي على الكتل لا كمت ازعل ولا اطلع من البيت ...وين اروح لأمي هم نفس الشي !!! هي هاي الحياة الطبيعية مالتي صارت ..المهم ما يضربني على بطني لا يوگع ابني .. صرت بشهر الرابع ... وامي صارت كلش اتعاني من الربو ومن اعيونها تقريبا عمت ومتقبل اتروح للطبيب ... بيوم اخذني الها واجه سمير وگف ع الشارع بالصدفه وعزم الا يوصلنا انه من اصر وفتح النا الباب كل ظني وسام هاي هي راح يوافق لأن الرجال اصر فمن غير قصد گعدت وسام خزرني گدام الرجال گومني انه وبطني
بعنف ولوة ايدي بالشارع انه بس اباوع للشارع لا احد يشوفنا مستحية ...ما متأثره بالوية لأنها شي عادي ..
بس سمير وگف يمه
- يمعود ايدها ...وسام هد المرة حامل ..
خجلت حيل ودمعتي طلعت من شفت احد يعطف عليه وانه انكتل واخيرا شفت احد يحس بوجعي من يشوفني انضرب !!!
سمير- يا رجال اشبيك ...بس گول الي
اهنا وسام هدني وضل خازرني
جرة سمير على صفحه وضل يتعاتب وياه ليش قاطع بيه وهمه جيران بنفس الحي . وليش هيچ يتعامل وياه ويجنبه .. ...اتعذر وسام بالضروف كأنه استحى من الرجال صديقه وحباب وياه وخلاه يوصلنا لبيت امي ...
من رجعنا لبيتنا امرني وسام من اطلع اتبووش ؟؟
گلت اله صار رغم قله طلعاتي ...

...
بيوم كنت الم بالزوالي حتى اغسلهم لگفني وسام انه چنت متفقه ويه عمتي اشتغل بس من يطلع وسام لأن ما يقبل من شافني صاااح بيه وراح لأمه ، اخته هم ادخلت وغلطت عليه من كتلها هالمرة ضلت اصيح يبوووو بصوتها العالي وكلهن گامن يصيحن ...غريب امرهن انه من انكتل شو اسكت لأن الآلم يزيد بالصراخ !،
امه طلعت من البيت واصيح فضحتنا ....

بعدها شافتني واگفه ساكته اجتني گالت الي روحي هديه ...تدريي بيه من اروح اله يهدأ ويعوفهن وبعدين يشتغل الدور عليه يعاشرني بوحشيه ردت اروح بس اكو صوت بداخلي يگول الي لا لا ترحين يستاهلن حيل وياهن طاوعت هذا الصوت وعمتي اتلح واصيح ... حطتني وگامت تكتل بي بالحديقه لان ما رحت ..دخلت جارتنا علينا ...وما اعرف اشلون صارن جارات مو جارة وفكني منها مخرمشه
- ام وسام جنتچ حامل ..اخذني منها وما اعرف اشلون غطني بعبيهن وطلعني من البيت ...لگيت نفسي ببيت غريب عليه ...
واضاهر الجيران ادخلوا وفكوا البنات هم... وهاي فضيحه اشكبرها .صرنا عائلة مفضوحه .
انطوني ماي .. وانه جنت بلا ربطه ..جابت المرة عبايه وغطتني بيها ...حسيت طفلي يتحرك بأحشائي
حبيبي يمكن حاس بوجعي ودا يطبطب عليه
عافتني المرة وراحت اجيب قطن لخشمي النزف
كنت ابچي بأستقبال الجيران ودخل عليه سمير ...من شفته غطيت شعراتي ..كان يباوع الي بشفقه واحسان ..دخل عليه وهو يتلفت منا ومنا خاف امه تجي
وكف گدامي
- انتي شبلاج بهاي العائلة العراكه ...والله لو تطلگين احسن الچ ..
صفنت عليه ..
اطلگ !!!؟؟؟ هذا الحل ابد ما فكرت بيه بيوم ولا اعتبرته موجود اصلا
گمت ابچي بصوت دخلت امه
- سوده عليه هاي عمتها شابعتها كتل .اجني الجارات اضاهر كانن ببيت عمتي من هده وضعهم اجني الي يطمنن
ضلن يحچن على عمتي ويتحسبن عليها لأن هنه شافن اشلون تضربني وانه حامل .. گالن الي عوفيهم
انه اشاهگ من شفت ناس عدهم الي اتعرض اله مو طبيعي وياي مو ضدي ومشفقين عليه
گمت ابچي واشاهگ
- م م عندي احد . ام امي ما تقبل
كان سمير واگف يباوع الي بشفقه يم الباب والنسوان گاعدات يمي يواسني
ام سمير- دوم يضربچ؟
كأني ما صدكت اشوف احد واشكيله
- ا اي اي دوم
كل يوم بااليل اشبع كتل
ضلن يغلطن عليه
اهنا اندگ الباب مالتهم بغضب واسمع صوت وسام
- وووين مرتي .... جيبوهاااا وينها طلعوها
راح اله سمير ...طلعت انه لابده خلف ضهر ام سمير وارجف ..شفت وسام دفع سمير وصاحلي من شافني
- يمه على كيفك
سمير- على كيفك ادري انت مزوج حتى اطلع قهرك عليها اهدأ فضحت نفسك
.. جرني من اتقربت عليه ورجعنا للبيتنا .... واشلون اطلعين من البيت من غير بوشيه واشمعنا لبيت سمير رحتي وليش وشنو سويتي
هذا سمير ابو البنات ما مخلي وحده بالحي تعتب عليه
هاي الاسئلة كان يسألها الي ونازع حزامه يضرب بالحايط ويباوع الي بنظرات بلت على نفسي من الخوف منها واجتني حالة تشنج الاعصاب من جديد اهنا گمت ما اشوف وسام ... گمت اشوف ابو گرون واگف گدامي ....
مع الاسف وسام هم مكان بوعيه بدل ما يحط اديه تحت راسي لا الطخ ..هو لزم فكي و..................
اني وارعش ... گمت احس روحي بدت تطلع
وراسي يرگع وهو ولا مهتم كان يستلذ بتعذيبي ورجفتي يتخيلها اني اتمتع وياه وعايش الدور !!!!!!!

يتبع
همتكم بالتصويت حتى تصعد القصة في المركز الاول