الفصل السادس

رواية خطيئة الجزء السادس 6 بقلم سولييه نصار خطيئةرواية خطيئة الحلقة السادسة بلعت ريقي وانا ببصله …اروح للبنت اللي بيحبها واطلب منها أنها ترجعله …اتحمل الغير.ة والقهـ ر …دموعي نزلت …بس رميت انا.نيتي على جنب …خليني اعتبره أنه عقا.بي عشان ربنا يسامحني وهو يسامحني وكمان شيراز تسامحني …. هزيت رأسي وانا دموعي بتنزل وقولت : -حاضر هرجعها ليك …لو حتى هضطر ابو.س رجليها !! تاني يوم ….

في محل عطارة ابو شيراز ….كانت شيراز قاعدة ماسكة موبايلها ووالدها مش موجود … اتنهدت براحة عشان هقدر اتكلم معاها براحتي وقربت منها -شيراز . انتبهت ليا وقامت …ملامحها مكانش بتوضح اي حاجة ودي فعلا شيراز حتى لما اتجوزت مروان موجهتليش اي كر.ه ولا اي حاجة …بالعكس انسحبت برُقي لايق على شخصيتها ….أنا كنت مكسوفة اووي وانا ببصلها …ببص للست اللي انا د.مرت حياتها …ابتسمت شيراز بلطف كعادتها وقالت بطريقتها الترحييبة اللي بتستخدمها

مع زياين العطارة : -أتفضلي اقدر اساعدك ازاي؟! لو كانت بصتلي بكر.ه او عاملتني و.حش مكانش ضميري هيأ.نبني بالشكل ده …لكن ذوقها ورُقيها كان زي السو.ط اللي بيجـ.لد ضميري …دموعي نزلت وصوت عياطي ارتفع … انفـ.جرت في العياط قدامها فاتخـ.ضت هي وقربت مني وهي بتقول: -إنجي …. نزلت وكنت عايزة ابو.س رجلها فبعدت بسرعة وهي مخضوضة فقولت :

-سامحيني …ابوس رجلك سامحيني …بلاش تعامليني بالطريقة دي …أنا مستحقش الاحترام …أنا استحق انك تكر.هيني …أنا فرقت بينك وبين الإنسان اللي انتي بتحبيه …أنا …. دموعها نزلت وساعدتني وقومتني وقالت : -طيب بس اهدي شوية … ساعدتني اقعد على الكرسي وبعدين جابتلي كوباية ماية وقالت وهي بتمسح دموعها : -اتفضلي …. اخدت منها كوباية الماية وقولت :

-لما عملت اللي عملته وبعدت مروان عنك بالسحر وملقيتش منك ردة فعل حسيت انك مبتحبيش مروان …بعدتي بطريقة راقية …لا لومتي ولا عملتي اي حاجة …بس انا دلوقتي فهمت انك ارقى مني بكتير …قوية وبتقدري تتخطي حزنك بسهولة …. دموعها نزلت مرة تانية وابتسمت بكـ.سرة…كـ.سرة يمكن أول مرة اشوفها وقالت:

-صدقيني الموضوع مكانش بالسهولة دي …أنا بشر وحبيت مروان اووي …بس هو بعد ..بعد وانا مكنتش فاهمة …كنت بحاول اتمسك بيه عشان مستحيل الاقي زي حبنا تاني بس زي ما يكون حاجة كانت بتبعدنا عن بعض …وفجأة فـ.سخ الخطوبة …وقتها انها.رت وتعبت. ..تعبت اووي وخاصة لما بعد فسخ الخطوبة أنه اتجوزك …حسيت وكأن حد ضر.بني في قلبي…..حسيت اني هتجـ.نن وانا بسأل نفسي لييه…هو حبه ليا كان سراب للدرجادي …فضلت ايام وانا مصدومة …كان نفسي اروح له

…اكلمه…بس انا متعودتش اني اترجى حد يبقى معايا …متعودتش اطلب مبررات من حد طلب يبعد عني..دي أنا ودي طريقتي …كبريائي منعني أعمل كده …مقدرتش احارب عشان واحد هو اللي بعد عني ….عشان كده قررت اخبي جر.حي جوا قلبي وأكمل …أعيش واشتغل ….دي الطريقة الوحيدة اللي خلتني اقدر اقاو.م …اني اشتغل ومفكرش فيه …مفكرش في الطريقة اللي خذ.لني بيها …بس لحد دلوقتي أنا مجر.وحة …لحد دلوقتي بحبه …

بكيت وقولت: -وهو كمان بيحبك ..واللي حصل ده كان بسبب السـ حر … -عارفة .. -طيب ليه رافضة ترجعيله ؟! اتنهدت شيراز وقالت:. -خايفة …مبقتش حاسة بالأمان ….وهو طلب مني اتجوزه وانتي على ذمته وانا مش هبان قدام الناس الست الشر.يرة اللي خطـ.فت راجل من مراته ….يمكن ده احسن …إن شاء الله ربنا يعوضني بالأحسن …

-شيراز والله هو بيحبك ….هو بعد عن الحارة وساب القاهرة كلها بس عشان مش قادر يشوفك وانتي بعيدة عنه ….لو سمحتي ارجعيله…ارجعيله أنا مش قادرة اتحمل ضميري يو.جعني اكتر من كده ….أنا والله بمو.ت كل يوم من الذ.نب…انا د.مرت حياتك وحياته. .ودي الطريقة الوحيدة اني اكـ.فر بيها عن اللي عملته … مسكت ايديها وكملت وقولت :

-شوفي انتي واحدة راقية وبنت حلال وهو بيحبك. ..أنا كنت دايما بقول ليه محبنيش زي ما حبك حتى لما عملتله سحـ.ر بس فهمت ..أنا عمري ما هكون زيك …وعشان كده انتي تستاهليه …تستاهلي الحب الكبير اللي في قلبه ليكي !

بكت شيراز قدامي …البنت القوية كانت بتبكي بإنكـ.سار …ومع دموعها أنا كنت بكر.ه نفسي اكتر …بكر.ه هو.سي ….أنا كنت فاكرة أني حبيت مروان أكتر بس لا هي حبته اكتر مني. ..حبته لدرجة أنها محاولتش تأذ.يه لما بعد عنها …بعدت بكل احترام وسابته يعيش حياته …لكن أنا بسبب هو.سي د.مرت حياته… ….. بعد شهرين … -أنا بحلم يا شيراز صح ؟! حاسس اني بحلم حلم جميل أووي ….نفسي احضنك عشان أتاكد اني مبحلمش … قالها مروان فضحكت شيراز بكسوف فكمل:

-ايه رايك أحضنك ؟! ضر.بته على كتفه وهي بتبص حواليها على القاعة اللي مليانة ناس جاية تحضر فرحهم كانت بترقص معاه سلو وقالت: -أتلم يا مروان ..لينا بيت يلمنا…. -ياما نفسي الوقت يعدي بسرعة عشان نتجمع في البيت اللي يلمنا يا كراميل أنت .. ضحكت هي وقالت بحب : -هانت يا حبيبي ..

بصلها وعينيه مدمعة …مكانش مصدق أنها رجعتله اخيرا …هتكون معاه طول حياتها …إنجي ردتله البيت اللي كان مفروض يتجوز فيه شيراز وهي اللي فضلت وراها يومين كاملين عشان ترجعهاله …ودلوقتي هي سافرت عند عمها اللي في السعودية عشان تعمل عمرة وتعيش عنده حبت تبدأ من جديد في مكان تاني . -بحبك يا كراميل ⁦⁦♡ قالها وهو بيقرب ويبو.س رأسها ابتسمت ودمعة نزلت على خدها وقالت: -وأنا بحبك يا قلب الكراميل ⁦⁦♡ تمت