الفصل الخامس

رواية خطيئة الجزء الخامس 5 بقلم سولييه نصار خطيئةرواية خطيئة الحلقة الخامسة -متعرفش طيب مروان فين ؟! قولتها بيأس للشيخ فهز رأسه بأسف وقال : -للاسف الشديد معرفش حتى رقمه مقفول علطول على الأغلب غير الخط بتاعه … بصتله بيأس وانا بفكر أن طريقي طويل عشان الاقي مروان عشان يسامحني ….. بصلي الشيخ وقال : -أنتي اذ.يتي مروان وشيراز ولازم تتعبي عشان يسامحوكي …يمكن ده تكـ.فير عن اللي عملتيه …

دموعي نزلت وانا باصة في الأرض …كنت حاسة بالكسوف من نفسي اووي ..اووي ….وفكرت لما كنت مت وانا على المعـ.صية دي كان ايه اللي هيحصل فيا ايه …ازاي كنت هقابل ربنا …قلبي و.جعني على اللي حصل لمروان بسببي …مش قادرة انسي القـ.هر اللي في نبرته ….الانهيا.ر اللي باين في عينيه …مشيت من عند الشيخ وروحت البيت …شوية والضهر إذن …صليته وانا حاسة بأ.لم شديد في جسمي بس مش زي امبارح ….نزلت الرقية الشرعية على تليفوني وشغلتها في البيت وقعدت على الانترية وانا دموعي بتنزل لوحدها .. كنت حاسة بحركة حواليا ….الشيخ قالي أنهم هيحاولوا يخو.فوني عشان اقفل القرآن …بس انا جمدت قلبي ….

بدأت أفكر مروان ممكن يكون راح فين ..هو يتيم وده من زمان ….بس ….عينيا وسعت فجأة وانا بفتكر أنه ليه قريبة من بعيد تبقى بنت عم أبوه وزي والدته بالنسباله…حضرت فرحنا …قومت بسرعة وانا بجري على دولابي وبحضر هدومي وباخد فلوس عشان اروح المكان اللي هو فيه ….كان مفروض طريق سفر لأنها ساكنة في الصعيد …. …….. تاني يوم …

كنت وصلت لاني استنيت اسافر بالليل بالاتوبيس ….كنت عارفة العنوان هو قاله قبل كده ….بصيت على البيت البسيط بس شكله جميل …بيت صغير حواليه جنينة صغيرة وجنبه اوضة وفيه بعيد شوية ورشة كمان …قلبه دق وانا بشوفه …سواء أنكر ده او لا أنا بحبه …بحبه أووي ويمكن عقا.بي الكبير اني اتحر.م من حبي …. قربت من الورشة وصوتي طلع ضعيف : -مروان … اتجمد وبصلي …نظراته فورا بقا كلها نفو.ر وكر.ه وغضـ.ب …بلعت ريقي فقرب وهو بيمسك دراعي بغضـ.ب

شديد وبيقول : -خير عايزة ايه أنطقي !! -مروان أنا جاية وطالبة منك تسامحني. ..أنا توبت لربنا بس عايزاك تسامحني …والله أنا ند.مت … زقني وضحك وهو بيقول : -تو.بتي…ند.متي واسامحك كمان ؟! هو انتي دوستي على رجلي …انتي د.مرتي حياتي …ضيـ.عتي مني البنت اللي بحبها اكتر من حياتي …خلتنيني اكر.ه نفسي …انتي د.مرتيني. قوليلي اسامحك ازاي … فضلت أعيط قدامه ونزلت وكنت هبو.س رجله بس هو بعد بقر.ف وقال بكر.ه :

-واحدة زيك تستاهل تعيش في تأ.نيب الضمير ده …تستاهلي تفضلي كده متعذ.بة ويا.ئسة …وانا عمري ما هسامحك يا إنجي …تعرفي لو دخولك للجنة واقف اني اسامحك مش هيحصل …ويالا غو.ري … وبعدين سابني ودخل ورشته …. -أنا مش هستسلم يا مروان …هفضل هنا لحد ما تسامحني . قولتها وانا بعيط …

وفعلا فضلت طول اليوم قدام الورشة في الشمس ….مكنتش حابة اريح نفسي واقعد …كنت بعا.قب نفسي …بالليل جات بنت عم والده ودخلتني بيتها بالعافية عشان ابات فيه وهو كان بيبات في الاوضة اللي جنب البيت ..

فضل ده روتيني افضل واقفة قدام الورشة في الشمس …كنت بدخل بس البيت اصلي وأخرج …مكنتش باكل كويس…كنت مصرة أنه يسامحني. …كنت بفكر احيانا اني حسيت بالكسوف من الشيخ احمد لما واجهني لما عملتله سـ.حر وبالكسوف من قريبته اللي هو حكالها عني …فازاي كنت هقابل ربنا …بأي وش …عشان كده كنت مصرة أنه يسامحني . .حتى لو همو.ت وانا واقفة من الشمس …. مر أسبوع …اتنين وانا بنفس الوضع …يدوب باكل …واقفة قدام ورشته وهو مش بيلين …

مر شهر كامل وانا واقفة .. في يوم ..كان باين عليا التعب …الشمس كانت قوية جدا في اليوم ده …حسيت أنه هيغمى عليا في أي وقت….خرج هو من ورشته بغضب وقالي : -بطلي هبـ ل وادخلي البيت يالا …الشمس سخنة… هزيت رأسي بتعب وصوتي بيخرج ضعيف وقولت : -لا مستحيل …أنا مش هدخل…مش هبعد ولا هستسلم الا لما تسامحني … اتنهد وقال : -هسامحك بشرط ! -أيه هو ؟! قولتها بلهفة فقال ببرود : -رجعيلي شيراز ! …..