رواية خيال الكحيلة الفصل الرابع وثلاثون 34 - بقلم nashwa_alsltani

الثالث والثلاثون

خيال #الكحيلة

#بقلمي_نشوى_السلطان🧚‍♂️
مساء الحب

كمت الحيلي كتلهم رايحة اتمدد شويه ...

طلعت امشي اخذت التلفون ..  صفنت منو هذا الرقم ...

جاوبت الووو..!

الو كحلاء ...

نعم منوو الوو ...

شبيج اني ذياب اريد احجي وياج اطلعي على صفحة ...

ذياااااب..!

اي  شجرالج يمعودة..!

شترررريد وشجاب رقمي عندك...!

مناال اتصلت عليه قبل شويه شفته رقم غريب كتله رقم منو هذا
كالت مالت كحلاء ...

منال اتصلت عليك من رقمي شوكت وشلون شو مادري..!

هسه لا تسويها سالفه رادت مني غراض من المحل وخابرتني المهم
دحكي عليه ..

اكف دقيقه ... فتحت باب الغرفه وطبيت بسرعه ...
قفلته .... كتلو ذياب انت وتالي وياك ..! تره اني مخطوبه

شبيج. لا تفهميني  غلط مو زلمة الي يركض وره حرمة بحبال زلمة
وانوب بنت عمي ... هيج اني بنظرج ؟؟ وسفه

لا بس انت تعرف سلطان وطبعه واتصالك هذا راح يسببلي جثير
مشاكل ... ارجوك كف عني

يابنت عمي تره فهمتج اني اتصلت حتى اكلج حاجي منال فهميها
انو اني صح بالبدايه جنت ماحبها بس هسه تغيرت

الله يصلح بينكم ويديمكم ...

يسلمج الله ... بس خل تبطل شك وغيره كلشي ولا مره تحاسبني
اني ادحگ عليها طفله اكول تتعلم بس الى متى تبقى تنغار من كلشي
وشوكت مااجي الكاهه التلفون بيدها تفتش لو اذا اصفن تكلي تفكر بيهاااا ... تعبت من هالسيره ...

يعني تتوقع هي راح تسمع مني ..!

اي خاصه انتي راح تسمع منج ...

زين ليش شمعنى ..

انت راح تخليها تفهم انه اني .. طلعتج من كلبي

نعم ...

شبيج شو نعم .. اي طلعتج .. ماكو حرمة بالدنيا تذلني بحبها

اي وهسه اني شكايله الله يسعدك ...

هاااا شكايله ... المهم مثل ماوصيتج

اي اوك بس لا تتصل عليه ارجووووك تره راح تسببلي مشاكل
واذا اتصلت مره اخرى تأكد ماراح اجاوبك ...

لا مااتصل لا تخافين

اوك اني اروح لان الباب ديندك ...

سديت الخط وجسمي كله يرجف عفت التلفون وتمددت عالسرير
...تفضل

انفتح الباب لين سلطان

-ها شو وحدج ؟

..هاااا مو شسمه نعست
..دكومي اكلي شي ابويك انتي  واخذي علاج حتى ارجع الف رجلج

..نعسانه والله اريد انام

-شبيج يولي ؟؟

..شبية ما بية

داحاجي دك تلفوني

سلطان منو يتصل هالحزه

  هااا مادري

احاجي واني قططططرة دم مابقت بيه كلت خلاص هذا ذياب وسلطان يمي انتهيييييييت

-ردي شبيج

..دحكت عالتلفون وايدي ترجف  مكتوب (مريومه) يممممممه مريم صديقتي  الحمدلله

رديت
..
الوو ها مريومة

.. اكلج كحولة باجر لازم تروحين تسجلين معلومات بكلية الاداب مال اربيل بجامعة صلاح الدين

..اسم جامعتهم صلاح الدين ؟

..اي

..يولي خاف جيهان

..لااااا بالحكومية

..مو رجلي انفسخت مااكدر امشي

..عززززه ليش

..وكعت

...انتي وين كاعدين كلتي ؟؟ احنه كعدنه بفندق مرجان بلازا

..ول ابختياري كتلج

..عجل عادي اجي عليج اشوفج ؟؟

دحكت على سلطان كتلو
مريم صديقتي الدي اخوها جان يشتغل يمك تتذكرو ؟ تريد تجيني عادي؟؟

-الف هلا بيهم

..اوك مريومه

..ماشي باجر ان شاء الله وانطيني العنوان كامل

..راحت مريم وسديت الخط دحكت الساعه ب12 و40 دقيقة بالليل

-بدلي ملابسج وابدل ملابسي واسويلج رجلج ونامي

..زين

..طلع سلطان من الغرفة لزمت گلبي يربي شلون بذياب يعني يامنال شلون تخابري من خطي

..كمت ذبيت العبايه والدشداشه لبست غيرها ورجعت تمددت شوي وفاتت ساره

-محتاجه شي كحوله ؟؟  شلونج هسه

..سلامتج يعمري الله يسعدج

..حبيبتي عجل نامي ارتاحي

..ماشي وانتي اخذي راحتج هم
نامو ؟؟

-اي اهلج خطية نامو وسراب يم شهد كاعده والولد يتعللون بالربعة واني وخالج هم راح انام عاب گلبي تعبان

..اي والله تعبان

..تصبحين ع خير

..وانتي من اهلو

راحت ساره تمددت وغمضت عيوني بس رجلي اهجس صارت ثگيلة وشوي تأذيني بس غفيت شويه

كعدت على صوت الباب دحكت سلطان وبيدو كلاص عصير وماعون بي قطع كيك هذا التركي ولفاف لرجلي

..اكعدي اكلي شوي يلا لتنامين هيج

..ماجوعانه والله

..اسمعي الكلمة يا ابويه

..كعدت عدلت نفسي شوي كعد يمي رفع دشداشته شوي وكعد اخذت منه العصير شربت شوي واكلت نص قطعة كيك

...اشوف حرارتج

خله ايدو ع وجهي

..لا زين ماكو حرارة .....)))

هذا المسكن اشربيه يريح جسمج

نطانياه شربته

-صحة وعافية

..الله يعافيك حبيبي

..دك الباب احد

كله سلطان فوتي

شهد-عمي هذا الماي بس مو حار چثير خليتله مي بارد شويه
اساعدكم بشي ؟.

سلطان-لا شهوده روحي نامي وكولي لمحمد يفوت السياره

..تصبحون على خير

..شتسوي بالماي ؟

..نزلي رجلج

نزلت رجلي وشكل ردانو وكعد هو بالكاع ولزم رجلي خلاها بالماي وسحبتها رأسسسسساً

..شبيج يولي ؟؟

لا اني اسويها شلون  تندك على رجلي مقامك اكبر من هالشي

..ههههههههههه دجيبي ولاتعاندين شنو مقامك اكبر ؟؟ عجل انتي شنو مو حرمتي ؟ يعني اني اذا صار بيه هيج ماتكعدين تداريني ؟

..اداريك بعيوني والله

..عجل ليش انتي ما اداريج ؟؟

..لا سلطان سراب موجوده هي تجي تسويلي ابد مااخليك
سحبت رجلي وهو لزمها قوي ورجعها للماي

-اياج تفكرين هيج تفكير هيج امور بين الازواج مابيه مقام وكرامة

..بعد ماتزوجنه تره

..اسبوع الجاي نتزوج ولايهمج ومن البارحه بديت وداعتج كلت باجر اكعد ويه ادهام وابوج انطيهم خبر وهم شويه غرفتنه تحتاج ترتيب بسيط

..بس يعني ماكو داعي نسوي حفله وهوسه تره وضعنه مو مال احتفال

-صح حبيبتي هو ردت اقترح عليج يعني بس يوم العرس بس كلت هاي احلى ايام لكل بنيه خاف تزعلين وماتقبلين

..لو احنه بديرتنا ووضعنه زين جان سويت حفلات مو حفلة وحده بس وضعنه مايسمح اكو ناس الفرحه راحت منها

..صحيح حبيبتي خلص ها هي

يحجي وهو يفرك برجلي طلعها من الماي خلاها على الخاولي ونشفتها اني وهو فتح المرهم خلاه على رجلي ودهنها علىكييييف

فتح لفاف جديد لف بي رجلي بس ماضبه قوي كال حتى ماتورم اكثر وبقيها متمدده من تنامين

...شكرا حبيبي

..عافيات حياتي
يلا نامي وباجر نسولف ان شاء الله اذا ردتي شي بس خابريني

تمددت وغطاني باسني براسي وطلع

..الله يحفظك اليه ياسلطان ويديمك طول العمر يارب

نمت وماكعدت لوييييييين ثاني يوم ومحد اجه كعدني واسمع بس هوسة البيت

..تحركت ردت اكوم بس رجلي احسها نااار مابيها وجع بس حاره وماكدرت ادوس عليها

اخذت التلفون دكيت على سلطان نطاني رفض شويه واتصل

..صح النوم عمري

..هلو حبيبي هسه كعدت

..ها شلونج هسه

..وين انت
-طالع بشغل وهسه كملت بس امر على ولد واجي

..زين
..اكلي واخذي علاج علما اجي

..ماشي

..بلغت ابوج وادهام  بس تتحسن رجلج خلص نتزوج

..هاااا

..اااااااااااي عندج اعتراض ؟ 

..هههههه لا

..يلا ساعه واجي  تهيري للعرس ابوية

شتهير يعني ههههه

مشتاااااااااك جثير وعندج الحساب

هو يحجي واني شلون الحسرة وكفت بلعومي مادري شبيه جاملته وضحكت ضحكة خفيفة  سلم عليه و

سديت الخط وكمت طلعتلي شال لبستو وفتحت باب الغرفة وطلعت لزمت الحايط وتمشيت على كيفي لاكاني محمد

محمد-هااا شو وحدج يولللللن شهد يمممه تعالن الزمن كحلاء

..لا اكدر امشي

..اكلج شيخلصنه من عمي

..هههههههههههه

..طيبي بسرعه تره راح تعرسون

..يبوووووووو عالفشله هههههههه

فاتت اميره شايله فهد تدحك علينه كالت:

-هااا شو صايره وكفاتج چثيره

..شنووو ؟؟

..لا هيج

محمد-ام فهد لاتطولين بالحجي.....

عافتنه وراحت كبر طمج اي والله

ديحجي دحكت جت  شهد

..هاااا اكحيله صح النوم

..ساعه شكد هساع

..بال1 وربع

..يااااا هلكد نمت

.. ااي تره علاجج ينوم للمهم عافيات يلا تعالي يمنه راح نصب غده

..كادتني شهد ورحت كعدت بالهول الحبايب كلهن هين بس امي خطية بغرفتها

سراب-فان حظج يولي شلون راح تلبسين حذاء عاب گلبي على ذيج الفرده ...   اخ يمصباح السحري شسويت بالاخير هربتها

...وجع اسكتي  هم رديتي عالحذاء هههههههه

سراب حذاء لو مصيبة ... الف مره كتلج انطيني فرده مافاد بيج

شهدهاي..كاااتلها الحذاء   ههههههههههه
..

هااااااا انوب انتي شهد

..لالا والله ههههههههههههههه شعلي

صاح محمد عليهن وكامن  طلعن يركضن يصبن الغده واني بقيت كاعده  اتذمرت مريم .. شلت تلفوني راسلتها كتبت العا  شوكت تجين كالت العصر  خليت التلفون وكمت

تغدينه وكملنه والولد طلعو وبقينه بس البنات وسلطان ماكو لهسه

دكيت عليه مارد))))

صارت بال3 وهو ماكو والبنات كالن نروح للصالون كلتلهم اني مااكدر رجلي مااكدر ادوس عليها

سارة-شلون عجل ؟

..والله مااكدر ادوس عليها
..يلا من تتحسنين اوديج اني راح نروح اني وسراب وشهد وامها ومنال اذا اجت خلي تلحكنه

..ماشي

طلعن البنات واني كمت رحت على غرفة امي دكيت الباب وفتحته ماكو بابا بس هي وبعدها نايمه خطية بسبب العلاج رجعت كعدت بالهول فتحت التلفزيون وكلبت بي طلعت الاخبار والله تكطع الگلب الاخبار عفيه عراق من حرب لحرب وواكعه براس ولد الخايبة

..هلووووووو وين البنوات
قاطعني صوت منال

..هلو حياتي والله راحن قبل شويه خلي احد من الولد ياخذج عليهن

..اهووووو ليش عافني

..تعالي بغرفتي اريد احجي وياج بشي

..شكو حبي

..تعالي ساعديني ونسولف

..كادتني منال ورحنا لغرفتي سديت الباب وكعدنه

-شوفي منولة اني چثير احبج واعتبرج اختي مثل سراب واعرفج گلبج طيب وبريئة بس يعني اسمعي مني واذا ماعجبج كلامي اعتبريني ماحجيت شي

..واني احبج والله

شوفي حياتي منوله ذياب عصبي ومايتحمل واحد يبقى ينگ براسة
انتي با تبقين وراه تفتشين وادقييت على امور راحت بوكتها
انتي حلوه وشاطره وتفتهمين الف من يتمناج ليش تبينين كدامة انو انت ضغيفه وتحبي وماتكدرين بدونه تره هيج مثا الطفل من ادللي وتطلع عينة ويكوم يتحجج ...

-يعني شلون شسوي ؟؟

اسمعيني الاهتمام صح مريود بس مو جثير
يعني انتي دتحسسيي انج ماتكدرين بدونه لحظة تركضين وراه ليل نهار ومقهوره ياعمري صدكي هيج مايفيد حاولي تقللين من هالاهتمام تدرين ليش لان راح يكول بداخله كلشي اسوي راح تتحمله منال لانها ماتكدر بدوني  تحبني   حاولي تغيرن طبعج
اللبسي مكيجي اهتمي بنفسج تره الحياة مو بس رجال هو بس
يشوفح تغيرتي راح ينتبه ويتغير وياج

والله صحيح كلامج

اي مادام هو ممهتم لهذا اهتمامج خلص اتبعي طريقه ثانيه

واهم شي باعي لاتبقين تسألي وين رحت وين جيت الزلم كلهم يتخبلون من المره اللي تراقبهم هسه تكليلي مو انتي تضوجين من اميره صح اضوج ومرتين اخذت  تلفونو بس اني وضعي غير يعني متزوج قبلي بس انتي ذياب مامتزوج غيرج ولا اكو وحده حاطة عينها عليه بس اني اميره تركض وره سلطان وشفتي بعينج

..اي صحيح

..عجل اسمعي كلامي وروحي للصالون غيري وصبغي وسوي اي شي بس لاتحسسيه مسويه هالشي علموده لا علمود نفسج حبي نفسج منال خليج واثقة بنفسج

خليك خد وعين لا كلش تهتمين بي ولا كلش تهملي بس اهملي بعقل خلي هو يركض وراج

عجل من اليوم  هيج  وراح  اروح للصالون

..ههههههه الله وياج حياتي

..ماتجين

..مو رجلي يولي

..عود اني اخذج عجل

..ماشي حبيبتي الله وياج

..راحت منال ورجعت دكيت على سلطان نطاني رفض://

سمعت صوت بابا من المطبخ كال يااا الله

..بابا اني هين تعال  ماكو احد

-السلام عليكم ها بنتي شلون صرتي

..زينة الحمدلله  شوماكو وين جنتو

..والله رحنه على فاتحه مال جماعة نعرفهم وهساع اريد اروح اجيب الزرع مال امج طالع

..ها خير يارب

..بعدها نايمه

..اي والله هذا علاجها بي منوم

..خليها ترتاح اكول بنتي تره شيخ حامد انطاني خبر على زواجكم هالايام بس تتحسنين

..هااا اا اي بابا

..الله يسعدكم بنتي
واحنه بس تتحسن امج ناخذ بيت نأجر احنه وخالج ادهام

..هااا ان شاء الله بابا

..كام بابا للغرفة ربع ساعه وطلع واني رحت شوي شوي مشيت اريد اكعد بالحديقة ضجت چثير الساعه ب4 الا ثلث وماكو سلطان  وكلهم طلعو والحجيه ام ضرغام هم مدري وين راحت واميره مختفية 

..كعدت بالحديقة اتصلت بمريم  شفتها تاخرت

..الوووو يولي شوكت تجين

..هساع بس ابدل اكلج شلون اندل البيت

..من توصلين خابريني مايتيه انطي التلفون لواحد من الحرس يدليكم

..خوش يلا اروح ابدل

.. بهالاثناء سمعت صوت الباب  اندك وراهه انفتح الباب الخارجي وسديت  الخط  دحكت لين ذياب  سكتت خفت يجي سلطان وياكانه وحدنه
تهضت  ردت اكوم  وهو جة اتقرب مشي للحديقه

.. كال  كحلاء اكفففي 

وكفت التفتت عليه

اكلح حجيتي ويه منال ؟

..اي حجيت

..وشكالت

..انت هم على كيفك وياها عودها على طبعك

..واني شنو اللي مسوي الها

..طبعك عصبي وهي عكسك

..زين  سهلة هاي

..من رخصتك

..وين ؟

..شنو وين شعندي هين  اريد افوت

..وعليش تتهربين مني

..ذياب اني ماتهرب بس وكفتي وياك غلط لو شافنه سلطان بالقران يسوي مصيبه لاتكلي ابن عمي اي ابن عمي على عيني وراسي بس زلمتي مايفهم هيج

...قصدج انتي ماتريدين تبقين يمي  تكرهيني ادري بيج

..مارديت عليه عفته يسولف التفتت

لين اميره واكفه اباب المطبخ تدحك علينه وتضحك وتعلچ بحلكها
التلفون بيدها

..مشيت فتت من يمها وهي ماحجت شي دخلت  للهول كعدت فتحت الباندج شفت رجلي شوي احسن

صارت بالخمسه لا مريم ولا سلطان شنو الساااالفه ياربي

توني اريد اكوم وفات سلطان 

..ها حبيبي شو تأخرت

..غير عندي شغل (حجاها بعصبية)  ومشه من جدامي

..اوكي

..دكت عليه مريم وحجيت وياها كالت دليني

..حبي بس تدلي مريم وين البيت

..جيبي

اخذه مني وطلع بره

-شبي سلطان    ،،،،//

دقايق ورجع نطاني التلفون

..شبيك حبيبي

..اليوم ثنين
مو هذا الخميس الوراه زواجنه

..ماشي

..تحتاجين شي للعرس كليلي حتى افرغلج نفسي ونطلع

..اوكي حبيبي بس خلي تتحسن رجلي

..اخذتي علاج

..اي حبيبي
تقربت منه لزمت ايدو بستها وخليتها على گلبي

..شكثر احبك اني

..واني اعشگج غاليتي ونظر عيني انتي

..ابتسمت باسني بسرعه بشفتي
امشي شلون هين واكفين هيج

..لا هساع تصل مريم

..اي ذكرتيني
تتذكرين اول يوم اجيتي بي علي؟

..اي طبعاً

..عبالج ماسمعتج من تحجين انتي ومريم وتكولن يشبه ماجد المهندس

..ههههههههههههههههه

..يولي والله ما اشبه ماجد بس ملامح هيج يعني ومن البس النظاره انطي شبه

..اي صحيح بس هيج يعني نطيت شبه مو چثير

..تلفون سلطان دك

-الحرس اكيد وصلت مريم

..ها عجل يلا روح عليهم

..راح سلطان وكعدت انتظر مريومه شكثر مشتاقتلها

دقايق وسمعتها تحجي ويه سلطان كمت لحيلي فاتت

مريوووووووووم اجت ركض عليه حضنتها وبچييييييييت وهي تبجي

..شتاقيت اكحيله

..واني اكثر عمري انتي يولي شكثر افتقدتج

..تعالي

..كعدنه وسلطان سالها اخوج وصلج ؟

..اي ينتظرني بره ..ينتظر شنو مو عيب هساه اطلعلو

..يولي شبيها رجلج

..وكعت المهم شخبارج

..زينة الحمدلله شكو ماكو

..ماكو شي جبتلج كم ملزمة واستنسخت كم موضوع الج يفيدوج

..فدييييييتج يعمري انتي

دخلت علينا اميره تدردم افففففف كلهن راحن للصالون معرسات
ليش لا

حجت هيج وطلعت شبيه هاي

مريم-منو هاي يولي

... هاي طليقة سلطان

-شنوووووو وشعدها هين ؟ صدك تحجين ؟

-مو هي بنت خالو عشتو وعلمود  فهد هين

...خلخاله تخلخل عظامها وهي شلون كرامتها تقبل تبقه هين

.. اوووووووف اشوف اسكتي وخليه  

كعدنه نسولف  وسلطان واخو مرين بالحديقه ...

اميره تروح وتجي تعوج بحلكها ...

شوي واتصل اخوها كالت راح اروح ماكدر اتاخر

كمت للباب داوصلها تلكانه سلطان كضبني كال لا تكعين

مريم ... اني اروح هسه وعود

..اجيج يوم الحنه

..اكيد ؟؟

اكيد والله وديري بالج على نفسج

..استاذ سلطان اني بس اريد اوصيك على كحلاء ديربالك عليها
تره كلاء حبابة وفقيره 

..لاتوصين خيتي  لا توصين حريص

طلعت مريم وطلع وراهم سلطان اني رجعت كعدت بلهول وادحك عليهم من الجامة ... شفتهم طلعوا ... وجة سلطان يمشي
فات دحك علية ماحجة شي

كتلو حبيبي اليوم تاخرت ... عبالك تعبان

.. داحجي قاطعني كال شوكت ذياب جان هين الحرس كالولي
جان هينه
..
اي مو  وصل منال هين

..شوكت راح ؟

..شمعرفني شوكت راح ؟

-طول يعني ؟؟

..مااعرف سلطان

..اكيد ؟

..اي اكيد

-خير ان شاء الله ماشي كحلاء

..راح هو واني بقيت افكر بس لا شافت شي  لو اميره حجتله 

..شويه ووصلن البنات دخلن عليه يبووووو صابغات وحافات بس سراب كاصه شعرها ومنظفة حواجبها وساره صابغة وميشه شعرها وكاصته ومسويه تاتو يبووووو تخببببببببل طالعة

..شخليتن لعرسي يولن

..شوكت صار العرس ؟؟

مو هذا الخميس الوراه

جان تهلهل ساره وكعدن يهوسن جبناها واجت ويانه

..العشااااا يمعودات هساع يجون الولد يصيحون

..راحت سراب على امي شوي وصاحتني كالت امي ضاجت تعالن هين

رحنه كعدنه يمها كلتلها امي تحملي السبت يرفع الخيط ان شاء الله

تحسنت ماما عالعلاج وره العمليه وصارت تاكل احسن

..اكول منال وين ؟

راحت لبيتها

..ها زين
....................
منال

سمعت كلام كحلاء وطلعت للصالون سويت شعري مدرجات من فوك ليجوه وصبغت وخصلت وغيرت رسمة حاجبي وخليت مكياج وسويت وشم بزندي وكملت ورجعت للبيت لبست شي حلو وكعدت التهيت بالتلفون حاولت مااخلي بالي يم ذياب لأن تأخر لل11 بالليل يلا اجه سمعت صوت السياره جان اسوي روحي نايمة

سمعته فتح باب الغرفة وفتح الضوه

..منال نايمة ؟

..اممم اي

..شو اليوم ما انتظرتيني

..نعست شفت فلم ونمت

..عجل صبيلي عشا

..ماسويت هساع اسوي

..ليش ؟؟

..تأخرت بالصالون

..يولي شمسويه ؟ كاصه شعرج

-اييي
..ليش يولييييييي

..عجبني اغير

..وانتي بكيفج

..اي شعري لو شعرك

..هههههههه بس حلو

..هاااا
..اي والله طالعه حلوه

..شنو قصدك اني مو حلوة

..لا والله اقصد صرتي احلى شبيج تتحسسين

لا عادي ...

...تحبين نطلع نغير جو باجر ؟؟

..اشووف اذا مرحت لأهلي

..هااا  عحل بكيفج

..اي

..اي براحتج
................،.....
كحلاء

بال11 ونص بالليل صارت ماما خطية كال ابويه خلي تتحرك شويه ساعدتها ساره وسراب ومشوها كعدوها بالحديقة خلولها قنفه بره تتمدد عليها وغطوها وكعدنه كلنا بالحديقة

ضرغام لازم تلفونه وسراب هم  وكاعده واتوزع ابتسامات

صفنت شبيهم هذوله معقول الي ابالي صحيح ...

عسيتها
يولي شدسوووين 

..وصكع جفلتيني  تعاي اكعدي

مممم شغلتج مو خاليه

دسكتي اسكتي كلشي ماعندي  تره

مممممم واضح

ادهام -وره عرسكم ابوفهد نشوفلنه بيت ان شاء الله

..هي بيت ليش ؟

..عجل خما نظل هين

..وليش ماتظل ؟

..مو راهمه

..عجيييب ليش

..مايصير الشغلة مطوله شوف الاخبار

..عليش مصاريف والاجارات غاليه

..الخير جثير الحمدلله بس عاد نحصل موافقة

..ان شاء الله

دانحجي وجت ساره كعدت بسدي ...

دنجت عليها كتلها يولي كلتي الخالي عالحمل ....

لا والله بعد ماكتله ... ذكرتيني اديه مجروحة ماعقمها

اني وين وانت وين دكليله فرحي شبيج ...

شهد عمو سلطان ...

اللتفتت على شهد وهي تصيح عليه

كال الها ها شهودده ... تعاي حدري ويانه

لا بس اميره تريدك ...

من كالت هيج كلبي لعب التفتت ورايه لينها واكفه اتبسم وبيدها التلفون .... مادري ليش خفت منها ومن شرهااااا

يتبع ....

يتبع.....