رواية خيِّال ومُهرة الفصل الأربعون 40 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ
- تحبين الجلوس في الظلام؟
-أكثر ما أجيدهُ.
-لماذا؟
-لإني نجمة.

♡ـــــــــــــــــــــــ ♡

بعد مرور ثلاث سنوات

« مُهره»

مرت ثلاث سنوات واحنه ننتظر يصير عدنه
طفل رحنه هواي دكاتره وگالو ثنينكم ما بينه
مشكله..

عشنه حيات دافيه مليانه حب كل الدنيا هي
ياسر احبه اكثر من روحي..

قبل سنه من خلصنه امتحانات سافرنه اني وياه
لسويسرا بقينه عشرة ايام..

احلى ايام بحياتي چانت كل تفاصيل السفره
جميله حتى عركاتنه البسيطه حلوه..

بقيت يومين يم افنان لان قرب عرسها
وخالتي ام رضا ما خلت ياسر ياخذني..
رجع الوحده للبيت وكلش ضايج بس
اني چنت محتاجه هيچ طلعه شويه تنسيني
موضوع الحمل ماخذ نص عقلي..

اليوم الثالث رجعنه من السوگ اني وافنان
و عمتي گعدنه تغدينه ويانه رضا واندگ الباب
راح رضا فتحه وگال لافنان تلبس حجاب لان
اجه ياسر..

راحت افنان وهو دخل باس عمتي براسها
باوعتل مبتسمه بس هو حتى ما ابتسم
مبين زعلان مني لان بقيت..

گعد اكل ويانه وافنان اجت لابسه حجاب..

ــ شلونك ياسر؟

ــ هلا بالعروسه شلونج؟

ــ الحمدلله..

رضا: ما صايره بالعالم كله وحده تنخطب
ثلاث سنين عرسي وفضينه لزگتي..

افنان: گاعده على گلبك؟؟

رضا: اي..

افنان: بعدك ما متزوج وهيچ من تتزوج شتسوي؟

رضا: ما اخليح تلفين للبيت.

ضحكنه على سوالفهم بس اكو غصه بصدري
لان ياسر زعلان باوعت عليه ياكل وياهم
ويسولفون ويضحكون..

خلصنه شلت الماعين غسلتهن و افنان سوت
چاي وگعدنه بالصاله نشرب ونسولف على
العرس و افنان طول الوقت تسولف بـ أحمد
احمد هيچ گال
احمد هيچ سوه...

اخير شي عاط بيها رضا...

ــ يبووو عليچ وعلى احمد..
كافي راح اخرب كلشي بس تفتحين حلگچ بعد..

ياسر : عوفها زوجها وفرحانه بيه شعليك بيها
لو تغار لان بعدك ما متزوج..

رضا: اسكت فضحتني...

الكل: ههههههههه

ياسر: يلا اني رايح عاشت ايدكم الاكل
كلش طيب..

مُهره: انتظرني اجي وياك..

ام رضا: ليش ابقو يمنه؟

مُهره: لا عمه حبيبتي اروح للبيت..

ــ براحتج يا بعد گلبي..

رحت بدلت واخذت غراضي نزلت سلمت عليهم
وطلعت لگيته كاعد بالسياره ويدخن جگاره..

صعدت وطول الطريق ساكت مرت 10 دقايق
وگتله..

ــ انت زعلان؟

ــ شتگولين؟

مادري ليش حسيت بقهرة كل مره نتزاعل
ما ابچي بالعكس اغير الموضوع واحچي
عادي حتى متصير سالفه..

ودمعت عيوني درت وجهي على الجامه
وما حچيت شي وصلنه للبيت دخلت
للحمام سبحت وطلعت مشطت شعري
وهو متمدد على السرير ويباوع بالموبايل..

عفت شعري مفتوح ورحت للصاله اخذت شال
حطيته على راسي ورحت للمكان البيه النخله
گعدت و تچيت ظهري عليها وزفرت نفس چانت
الدنيا ليل والجو بارد..

حسيت بنفسي ضعيفه بدون ياسر هو اقرب اليه
من روحي..
هو كل عائلتي و معوضني وجود اي شخص
المفروض يكون يمي حتى الاطفال..

ابد ما يوم سمعته گالي اريدچ تصيرين حامل..

بالعكس كل ما اگول نروح للطبيبه يگولي ماله
داعي والرزق من رب العالمين..

كل ما يصير موقف بحياتي والگاه واگف وياي..
اگول اني بدوونه اضيع..

مرت ساعه ودخلت للبيت لگيته واگف
منطيني ظهره ولابس تشيرت اسود وبيجامه
يرتب المكتبه الشترالياها وكل ما نطلع
نشتري كتب جديده الحد ما انملت وصار
شكلها يخبل حطيناها بالصاله..

تقربت منه وحاوطت خصره باديه وخليت
راسي على ظهره وگتله ودموعي تنزل..

ــ لا تزاعلني..اسفه والله ماعبالي تضوج
اذا ابات يمهم..

عاف الكتاب ودار عليه بسرعه لان دره
بيه ابچي حاوط وجهي بكفوف اديه
مسح ادموعي وگال...

ــ لا تبچين يروحي...

ــ مادري شبيه بس احس تعبانه وانته زعلان
حسيت الدنيا من صدگ صارت ظلمه..

ضمني الصدره وگال..

ــ روحي انتِ وحياتي لا تبچين..

ضميت وجهي بصدره واحس ردت الي روحي..

رفع راسي بـ اديه وگال..

ــ نسوي عشا؟

ــ لا اريد انام صار يومين منايمه..

ــ لعد اني شگول بقيت حاير بزماني
ادور على ريحتچ بالبيت ..

حاوطت اديه برگبته وطبعت بوسه
على شفته وگتله..

ــ اني عبرت مرحلة اگلك احبك..
انته كلشي بحياتي بمعنى الكلمه
ما اريد ابتعد عنك..

حط راسه برگبتي وگال..

ــ اني ما مطيح حضي غير حچيچ هذا..

ــ هههههههه.. غيرك يتمنه زوجته تتغزل بيه
بس انته متعافي...

ــ نچبي مُهره...

ــ ياااا... ليش؟

ــ چا اني متعافي؟
انتِ احلى نعمه رب العالمين رزقنياها..

ــ اني ما طيح حضي غير حچيك هذا..

ــ هههههههه..

رفعني من الارض وهو يتغزل بيه ويطبع
بوسات على وجهي..

صنعنه عالم
لم يكن فيه احد
غيري انا وهو...
كان عالم مليء بالحب...
مليء بكل شيء حرمنه منه
في حياتنه..
عوضني..
وعوضته..
كل تعب تلك السنين....

ـــــــــــــــــــــــ

«افنان»

بعد ما تخرجنه وعشنه احلى لحظات بحياتنه..
بعد اسبوع للعرس واني مخبوصه خبص..

راحت مُهره ورحت الغرفتي رتبت الغراض
الجديده الشتريناها بالجنط و رحت الرضا
جاي اگوله تتعشى طلع نايم سديت الباب
ورحت للموبايل اشوف احمد وين اليوم ما
حاچين فتحت الموبايل لگيته متصل عليه
ثلاث مرات...

رجعت اتصلت عليه..

ــ الو.. هلا حبيبي شلونك؟

ــ هلا افناني وين چنت اليوم ناسيتني..

ــ لا مناسيتك بس الموبايل مو يمي..

ــ اوك.. اني قريب عليكم راح امرلكم
اشوفچ واطلع لان عندي شغل..

ــ هلا بيك..

سديت الخط ورحت بسرعه بدلت لبست
ثوب قصير و رتبت شعري وحطيت حمره
ورحت گلت الـ ماما.

اتصل عليه طلعت للباب فتحته وگتله..

ــ تفضل..

اول ما دخل حط ايده على خصري وسحبني
عليه باسني بخدي ويشم بيه..

ــ شلونچ يراحتي؟

ــ الحمدلله..
تفضل..

دخل للاستقبال ورحت للمطبخ جبتله مي
ورجعت..

ــ متعشي؟

ــ اي.. وشارب چاي..

ــ عافيات..

ــ على گلبچ حبيبي..
رضا وين؟

ــ نايم..

ــ ها خطيه..

مديت ايدي البيها الگلاص اخذه مني شرب
ورجع انطانياه اخذته ورحت للطبله اريد احطه
حطيته وجاي ارجع ولگيته واگف گبالي..

سحبني عليه وباسني ايده على خصري
والثانيه مثبت بيها راسي ما عافني الى
ان انقطع النفس...

ــ شيخلص الاسبوع راح اطگ واموت..

ــ اسم الله شبيك..

حط راسه برگبتي يطبع بوسات..

ــ يعني مليت من الانتظار صار ثلاث سنين
يمعوده حضي طاح..

ــ اليوم شكو ليش هيچ تحچي؟

ــ مشتاقلج..

ــ حتى اني مشتاقتلك..

ما حسيت الا انفتح الباب ودخل رضا
بس شافنه بهذا الوضع بسرعه طلع وسد
الباب..

ــ طيح الله حضچ مو گلتي نايم..

ــ چان نايم يمكن هسه گعد..

ــ خرب والله فضيحه هسه شلون اسلم
على الولد..

ــ گلي شلون اشوف وجهي هسه..

ــ كله من وراج...

ــ ياا اني شعليه..

ــ راح اطلع اذا سئلچ گليله عنده شغل وطلع..

ــ اوك..

سلم عليه وطلع واني رحت الغرفتي همزين
ما شفت رضا والله عيب..

مر اسبوع انحضر والهوسه مالتي بكل مكان
يوميا يجن البنات وياي ويرتبن وياي وكل
يوم تطلع شغله نقص الى ان خلصنه وحجزنه
البدلات والصالون..

«يوم العرس»

گعدت من الصبح رحت اني ومُهره للصالون
واسترمت الگعده التكسر الظهر ساعات الى ان
خلصنه خلصت روحي.

اجه احمد بـ باب الصالون ومُهره راحت
ويه ياسر هي همين حطت مكياج ولبست
فستان مال محجبات طلعت تجنن..

ساعدني صعدت السياره لان البدله چبيره..
وصلنه للقاعه وهمين ساعدني انزل..

دخلنه للقاعه مليانه ناس سوينه الدخوليه
كولش حلوه ورحنه گعدنه بمكانه هو طالع
كولش حلو..

القاعه مليانه اقاربه والكل يباوع علينه
مشغلين اغاني ويرگصون ونص البنات
ملابسات حجاب من عنده وفساتينهن قصيرات
وضيقات بس هو ولا يمه ومبين متعود عليهن..

صارت اجواء القاعه كولش حلوه رگصنه اني وياه
وقطعنه الكيك واكلنه..

الى ان انتها وقت الحجز مالت القاعه ورحنه للفندق
كولش تعبت وگلبي يوجعني وبطني من الخوف..

دخلت للغرفه كلش حلوه وبيها شموع عطرهن
يخبل وباقة ورد كلش چبيره حمره حاطها على السرير..

اخذها من السرير وقدمليها..

ــ تجنن..

ــ طالعه تخبلين..

ــ حتى انته..

ــ هههههههه

ــ والله ترى اغار البنات بس يباعن عليك..

ــ هههههههه.... شعليچ بيهن اني ما اشوف غيرچ..

تقرب عليه وحضني

ــ يلا خلي نبدل ونتعشا ميت من الجوع
ونصلي..

ــ اوك..

ــ اني راح ادخل اسبح..

ــ تمام... بس..... ااااه...

ــ شنو؟

ــ افتحلي مالت.... البدله..

ــ هههههههه.... شبيچ مستحيه عادي ترى..
اكيد افتحه اني..

صار وراي وفتح السحاب النهاية ظهري..
طبع بوسات على كتفي واني راح ينغمي
عليه من گد ما استحيت...

ــ يلا اخذي راحتچ بدلي واني راح اسبح..

دخل للحمام واخذت الجنطه الـ ماما حضرتلياها
طلعت سيت النوم لبسته بسرعه وفتحت
التسريحه ومسحت المكياج ورحت توضيت.
طلع هو من الحمام لابس دشداشه بيضه وشعره
مبلل شافني افرش بالسجاده تقرب يمي..

باسني بجبهني وبدينه نصلي..
خلضنه تعشينه ومن صدگ ثنينه ميتين
من الجوع اكلنه الاكل كله..

دخلت لاحمام غسلت وفرشت اسناني وخليت
عطر ومكياج خفيف..

طلعت من الحمام لگيته شايل الغراض
وفاتح باقة الور ويخلي بيهن ورده ورده
بالفازه بيها مي..

تقربت يمه وگت احط وياه وكل شويه اشم
ورده ريحته تجنن..

ــ من صدگ اموت على الورد شكراً..

ــ عفواً..راح اغركچ بالورد منا ورايح..

ــ احلى غرگ بالدنيا..

ــ احلى غرگ بالدنيا ان اني غرگان بحبچ..

اخذ ورده صغيره وحطها يم اذني..

وطبع بوسه على شفايفي بهدوء وهو يمشي
ايده على خصلا من شعري قريبه على وجهي..

ابتعد مني سحب ايدي وباس راحت ايدي وگال..

ــ كلشي بيچ احبه..

لزم الروب ونزله من كتفي بهدوء باس كتفي..
ولزم ايدي وسحبن للسرير..

واني ميته من الخوف..

بس تصرفاته الهادئه وكلامه خلاني انسه
كل الخوف وابادله بكل حب...

كان كل شيء كالحلم الجميل الذي
لا اريد ان استيقظ منه انفسه الدافئ
اختلطت بأنفاسي..

اصبحنه گأننا واحد
روحي روحهُ
و روحهُ روحي

ـــــــــــــــــــــــ

« سجى»

قبل يومين اجه صديق مالك هو وامه
طلبو ايدي وماما ومالك مقتنعين بيه
گلولهم انطونه مجال نفكر..
اني اول ما طلعو رفضت..

بس مالك ما قبل گالي فكري عدل
الولد حباب و بقه يمدح بيه..

بس اني ما احب اتزوج زواج تقليدي
احب اتعرف عليه قبل ما اتزوجه..
اتعرف على عائله على حياته..

اي واحد يريد يخطب الابنه لازم يسوي
ابنه ملاك وماعنده اي مشاكل..

و وره الزواج تطلع السوالف الحقيقه..

كل يوم اروح للدوام واني امنع گلبي
وامنع عيوني ورغبتي وعقلي من رضا..

اگول نسيته وراح احب شخص صح..
يحبني نفس ما اني..

بس من ارجع النفسي واحط راسي على المخده
ما يجي ابالي غيره..

اي اني حبيته وما جاي اعرف شلون اطلعه من
گلبي وانساه..

اليوم من الأيام چنت گاعده باليل الوحدي
بالغرفه اباوع بالموبايل و طلعت اغنية...

معقول انساك
معقوول
تنساني انا على طول
معقول
منعود احباب
نمررق مثل الاغراب
ولا نبقى سوى ولا نبقى
ياماقالو الهوا غلاب ولا مره حسبنه حساب.....

كلمات الاغنيه أثرت بيه الدرجه الليل كله ابچي
ما اعرف على شنو وليش اني صايره حساسه..

رحت للدوام لابسه بنطرون وقميص بيومها حتى
ما حطيت مكياج ولفيت شعري عيوني مورمه..

واليشوفني من داومت اول فتره ويقرنها بهذا
وضعي هسه عبالك كبرت سنوات هوواي..

بيومها اجاني واني گاعده على الميز مالتي
حطلي عصير على الميز وگالي..

ــ بيچ شي؟
صارلچ كم يوم مو طبيعيه؟

ــ مابيه شي و بلا زحمه اخذ العصير وياك..

هاي اخير مره حچينه بيها بدينه واحد يتجاهل
الثاني بس مرات تلتقي عيون بدون وعي
الگه نفسي ادير وجهي عليه والگاه يباوع عليه
او اني اراقبه بدون ما يحس و يشوفني واسو
روحي اباوع على غير شي..

مرت ثلاث سنوات

واني اقوي نفسي واتجاهل مشاعري.
اليوم عرس افنان وديار گالت تعالي وياي
وچانت زينب هناك موجوده..

لبست فستان اسود بسيط وفتحت شعري..
حطيت مكياج ولبست اكسسوارات..

ودخل ابن مالك اسد عمره سنتين..

ــ عمه، ماما گول يله...

ــ يروح عمه يا گلب عمه اجيت..

شلته ونزلت اني وياه هو لابس
قاط طالع يجنن..

لگيت ديار مبدله وشايله مرام عمرها
6 اشهر لابسات نفس الشي ومالك
هو واسد لابسين نفس الشي..

ــ شنو هالعائله التخلي الواحد غصباً عليه
يتزوج...

مالك: مجبورين نسمع كلامها خاف ننطرد بالليل
مو اسد..

اسد: ماما گول اني هباب «حباب»

ديار: يلا امشو تأخرنه...

مالك: حاضر مدام بعد شنو تأمرين؟

ديار: ماكو شي بس خلي نروح..

طلعنه مشغلين اغاني واسد ومالك يرگصون.
واني ميته ضحك عليهم..

اخير سنه كلش تغيرت وصار اسد كل اهتماتي
ينام يمي بأيام العطل و يلعب وياي وحتى
اني اشتريله ملابس و اوكله..

وصلنه للقاعه نزلنه اسد راح ويه ابوه واني
وديار دخلنه بقيت گاعده بمكاني ابد ما تحركت
واصفگ واباوع على افنان والبنات و زينب
جابت اطفالها التوم عافتهم يمي وراحت ترگص
وهما نايمين بالعربانات مالتهم..

شويه وگعدو وخبصو الدنيا كلها بالبچي اجت
اخذت واحد والثاني اني شلته اريده بس يسكت
وهو يعيط افتريت بيه ميسكت اخير شي اخذت
العربانه مالته وطلعت بره القاعه وانطيته الممه
يلا سكت..

كمل الممه وبقه يباوع افتريت بيه بالحديق
ورجعت جاي ادخل ولگيت رضا وزوج افنان
وراشد واگفين..

دخل احمد للقاعه وراشد اجه اخذ كنان
مني وراح واني ردت ادخل مريت من
رضا گال كلام خلاني اوگف بسرعه..

ــ شوكت تحنين عليه بنظره من عيونچ..

رجفت اديه بس ما توقعت راح ينتبه..

ــ ترى اني همين مثلچ يرجف گلبي
من اشوفچ..

درت عليه وگتله...

ــ اني وياك منرهم..

ــ ليش؟

ــ ثقافتنه تختلف..
مثلاً اني ما البس حجاب..

ــ بالوقت تلبسين...

ــ واذا ما لبست؟

ــ اني حبيتچ وانتِ مو محجبه..

ــ انت شتريد؟

ــ اريدچ..

ــ شسويلك؟

ــ اخبطچ وتقبلين..

ــ اول شي اخطب بعدين افكر..

عفته ودخلت وگلبي يدگ على السريع..

رجعنه للبيت ورجعو فتحو الموضوع
مالت هذا الولد الخطبني واني گتلهم
ردي ما تغير اني ما قابله وهاهيه..

رحت الغرفتي نمت ثاني يوم جمعه
گعدت من وقت نظفت غرفتي و رتبت
ملابسي و نزلت جوه لگيت البيت هوسه
ومليان العاب الاطفال..

سويتلي ريوگ اكلت ولمعت البيت تلمع..
گعدت امي متفاجئه بشكل البيت..

ــ شوكت لحگتي تنظفينه هيچ..

ــ گعدت بـ7 الصبح.

ــ احب تنظيفچ بالجمعه..

ــ هو بس يوم الجمعه انظف.

ــ اي بس تگلبينه على البطانه..

طلعت للحديق غسلت الزرع رشيته
واني استشق العطر الممزوج بريحة التراب
غمضت عيوني وابتسمت..

دخلت للحمام سبحت وطلعت لگيت ماما
تريد. تسوي غده سويت اني بدالها و رحت
للحديقه العب ويه اسد..

لابسه ثوب قصير وظافره شعري..
كلش احب اظفر شعري واني طفله..

دخلنه جوه تغدينه وخلصنه ديار غسلت
الماعين واني اخذت مرام واسد وبقينه
نلعب بالحديقه..

شويه و ديار اخذت مرام بقينه بس اني
واسد ومالك اجه لعب ويانه شويه ودخل..

اندگ الباب رحت فتحته واسد يطفر يريد
هو يفتحه واني اضحك عليه.

باوعت منو اجانه ولگيت رضا وامه واكفين
واني فشلت فشله شكلي يموت ضحك..

ــ هلا بيج خاله تفضلي

ــ هلا بيج حبيبتي..
دخلت بوستني وفاتت وبقه رضا بره

ــ تفضل..

گتله ورحت اصيح المالك..
صعدت فوگ لبست بيجامه وتشيرت ونزلت
خالتي گاعده بالصاله وهو بالستقبال سويت
چاي وكيك اخذه مالك واني اخذته وگعدت يمهم.

شويه ورحت الاسد سمعته يبچي اخذته بغرفة ماما
ونومته طلعت لگيتهم طالعين..

ــ اجو عليچ خطابه..

ــ منو؟

ــ رضا..
عود ارفضي علمود ازوجچ غصب..

ــ شنو ماما شكو؟

ــ ولج هو المثل رضا ينرفض؟؟

مالك: اي والله..

رحت الغرفتي واني صافنه

ــ اني يمكن احلم
معقوله صدگ خطبني؟

ياااا اني شبيه؟

صعدت على السرير اقفز

والله صدگ خطبني يااااربِ

دخل اسد وبقه يطفر وياي..

الاحد رحت للدوام وهمين نفس الشي عبالك
واحد ميعرف الثاني..
طلعت من الدائره جاي اصعد بالسياره وشفته
اجه باتجاهي وگفت انتظره يوصلي

ــ شلونج سجى؟
ــ الحمدلله..

ــ اليوم گليلهم موافقه وفضيها ليش تطولين
السالفه..

ــ ليش منو گلك اني موافقه؟

ــ فنچ متقبلين...

ــ لا والله؟

ــ والله صار سنين صابر..

ــ رضا روح حباب لا تخليني اضوجك بالحچي..

ــ رايح... بس اليوم خابري امي وگليلها موافقه..

ــ استغفر الله..

صعدت بالسيارة واني اضحك على سوالفه
وصلت للبيت تغدينه كولنه سوه..

الكل ساكت وملتهي بالاكل بس صوت اسد

ــ اليد لهمااااااااااايه ماماا «اريد لحمايه»

گلت واني صافنه بالاكل...

ــ اني موافقه اتزوج رضا..

رفعت راسي اباوعلهم كلهم صافنين عليه
حتى اسد ساكت ويباوع عليه..

ــ شكووو؟

ــ عمه لااا لاح تتذوجين وتعوفيني
«راح تتزوجين »

ــ يروح عمه ما اعوفك انته گلبي..
اكو واحد يعوف كلبه؟؟

ــ لاا ماتو..«لاماكو»

مالك: صدگ موافقه؟

ــ اي..

ديار: حياتي الله يتمملچ على خير..

ــ ان شاءالله..

مالك وماما بعدهم صافنين عفتهم بصفنتهم
ورحت نمت گعدت قبل المغرب غسلت
وتوضيت وگعدت على سجادتي اقره قران
ومنتظره الأذان..

خلصت صلاه ونزلت جوه كلهم يسولفون سوه..

ديار: ولچ تعالي شوفي رضا يکول الثلاثاء العقد..

سجى: ياا عقد؟

مالك: مو گتلچ يمه اختي واعرفها..

سجى: شبيك؟

ديار: شبيچ انتِ خابرتنه عمه ام رضا وگلنالها
سجى موافقه والظاهر محضرين للخطبه الثلاثاء..

سجى: هااا

ام مالك: خاف هاي بعدها نايمه..

سجى: شنو السالفه امي گاعده والله بس شسوي
ترديني انخبص على الفاضي..
راح اشوفلي كوشه من النت وكيك وباجر نشتري
فستان ومكياج اني احط النفسي هاهيه..
والاكل هسه احجز يم المطعم الحجزنه
منه بعرس زينب وهاهيه...

ديار: والله تفتهمين..

مالك: اول مره اشوف بنيه
متنخبص بهاي السوالف..

اني صح چانت هوسه بعقلي
بس ما احب ابين الواحد اني
مخبوصه احب اشتغل بهدوء..

اليل كله گاعده افكر شسوي
وشجيب وحجزت و الساعه
بـ 1 باليل نزلت جوه نظفت
البيت لمعته تلمع خلصت الساعه4
الفجر رحت نمت..

گعدت بـ8 الصبح رحنه للسوگ
وبقينه طول اليوم نحضر ونتسوگ

«يوم الخطوبه»

حطيت النفسي مكياج بسيط وسويت
شعري ولبست تاج ناعم كلش ولبست
الفستان التعبت يلا اختاريته «نفس الصوره»

گعدت بمكاني وغطتني زينب بالوشاح وخلتلي
سوالف العقد والمصوره تصوره كل التفاصيل..

ــ نعم قبلت وانت وكيلي..

گلت هاي الجمله واني گلبي طاير من الفرح
ورجفتي واضحه..

ما حسيت الا من وخرو المي من رجليه
والقران من بين اديه ورفع الوشاح رضا
من وجهي ابتسملي ابتسامه تطمن وگال..

ــ مو گتلچ نخابريني بالليل موافقه..

ضحكت ونزلت راسي خجلانه..
باسني بجبهتي وهو يضحك انطته امي
الحلقات لبسناهن و المصوره كل شويه
تگوله سوي هاي الحركه وهو يماشيها
بس ادري بيه ميحب واحد يلح وياه..

ــ كافي ارجوانه..

همس يم اذني..

ــ رحم الله والديج موتتني..

ــ ادري بيك..

شابك ايده بأيدي وگال..

ــ كلشي صار مباح حتى لو اگوم اضمچ الگلبي
گدام الناس عادي..

باس ايدي وحطها على گلبه وگال..

ــ شوكت يهدء گلبي واني يمچ..

ــ اذا هدء يعني يصير ميحبني..

ــ بعد شسوي بيه اذا ميحبچ...

ـــــــــــــــــــــــ

«روسلينا»

انخبصبت خبص وگعدت من الصبح انظف بالبيت
قبل متگعد ريانه بديت اسوي بالاكل ما خلصت الا الظهر..

غسلت الماعين على السريع ورحت للصاله لگيت
علي شايل ريانه ويلعب بيها دخلت للغرف بدلت ملابسي ورجعت يمهم شلت الالعاب المطشره
بكل مكان و شفت ريانه تباوع على التلفزيون

تقربت من علي وبسته وگتله..

ــ احبك..

ــ انتِ غرامي..

سويت زلاطه و رحت گعدت يمهم بالصاله
الى ان بدو يجون لان اليوم عازمين الكل
يمنه..

اول شي اجو ياسر و مُهره بعدين رضا وامه
و عائلة مالك وراشد وزينب و افنان وزوجها..

البيت نمله بيهم وبصوت الاطفال..

صبينه غده وچانت السفره كلش طويله
وشكل الاكل طيب گعدنه كلنه سوه
نسولف ونضحك وچان يوم كلش مميز..

خلصنه غده سويت چاي وگعدنه نشرب چاي
وناكل حب ما توقفنه الى ان گام ياسر من مكانه
وگال...

ــ احب اعلن عن موضوع مادامكم متجمعين كلكم
سوه اريد تشاركونه فرحتنه..

ــ مُهره حامل...

وهنا من صدگ صار يوم مميز الولد يهوسون
و ام رضا وام مالك يهلهلن والبنات راحن المُهره
يباركلها..

نظرت اليهم
جميعنا عاش معانات مختلفه..
لكن كل واحد تجازه بما صبر وكانت نهاية سعيده..
هي ليست نهاية..
لان لا توجد نهاية في الحياة ولا توجد بدايه..
لكن في الكتابه فقط الكاتب هو من يخط بيديه
بداية الحكايه
ونهايتها...

اكتملت🦋

ـــــــــــــــــــــــ

طبعاً ما اعرف شگول. ..

بس عشت وياهم وبتفاصيل اشخاص مستحيل انساهم
كل كلمه وكل موقف صار كتبته بحب..
«ومن القلب الى القلب» 🤍

اتمنا تكون الروايه عاجبتكم..

ان شاءالله القادم افضل و عندي رواية جديده
فتره بسيطه ارتاح وابدي بكتابتها..

لا تنسون التصويت والتعليق بين الفقرات ❤❤

احبكم كوووووومه

كتبولي رئيكم بالقصه🦋♥

اشتركو بقناة التلي