رواية خيِّال ومُهرة الفصل الحادي والعشرون 21 - بقلم amna

بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ

شكِثر وَصيتك
وگتلك مالي غيرك
يا مَلاذي وغيرتي
ولذة شَبابي هنّ بَس أنتَ و عيونك
چا بعد ياهُم أحبابي ؟!.

♡ـــــــــــــــــــــــ ♡

«مُهره»

لزمت ايده..

ــ ابقى نام هنا..

باوع عليه وابتسم وگال..

ــ نجحت الخطه..

ــ يا خطه؟

ــ خليتج انتِ تگليلي نام هنا..

راح للجهة الثانيه مال السرير وگعد واني صافنه عليه..

ــ لا تباعين...

ــ يعني ضحكت عليه لو شنو؟

ــ لا اتشاقه...
غطه نفسه ونام واني تعاجزت اكوم اجيب الغطه نمت بسرعه..

گعدت على صوت ياسر..

ــ يلا مُهره گعدي...
تأخرتي..

فتحت عيوني باوعت عليه يسد بـ ازرار القميص وشعره مبلل ونازل على جبهته..

ــ صباح الخير..

ــ صباح النور، گومي سويت ريوگ..

گمت دخلت للحمام غسلت وبدلت و رحت للصاله لگيته يصب شاي گعدت تريگت اكلت شويه و گمت خلصت تبديل و رحنه للجامعه من محاضره المحاضره هلكنه و رجعنه اني وديار للبيت بسيارة راشد..

رحت سبحت و مشطت ونمت كلش تعبانه مر وقت واني نايمه ..

من گعدت حسيت ميته من الجوع گعدت على طرف السرير الم بشعري الصاير كفشه لان چان مبلل من نمت ظفرته وغسلت وطلعت لگيت ياسر گاعد يحچي ويه علي..

من شافني طلعت باوع عليه وبقى صافن..
وعلي يسولف...

علي: خاب شبيك احچي ويه روحي؟
هاااا....
افتهمت اجه الحصان..
لان ما تصفن بس عليها..

ياسر: شبيك انته مو تصفن على روسلينا..

علي: وين شفتني؟

ياسر: من وصلتك للمطار..

علي:اهوو راح تلزگلي، وين مُهره؟

رحت جبت حجاب ورجعت گعدت يم ياسر..

ــ شلونك علي؟

علي: هلااا.. شلونج؟

ــ الحمدلله.. شوفي منو يمي دار الموبايل شفت روسلينا..

ــ هلو روسلينا شلونج

روسلينا: هلا مُهره الحمدلله..

علي: لا تقلديني هاي الـ هلا مالتي..

باوعت عليه وضحكت وگالت..

روسلينا: عادي انته زوجي واقلدك..

ياسر: هااا.. رد اذا بيك خير؟

علي: لا وين اگدرلها اني يابا..

ضحكنه وگال علي..

ــ راح اسولفلكم نكته

ياسر: بس لا تنسه البنات يمنه مو تچفص..

ــ اي..
اكو طالب شاف سحابت البنطرون مال المعلم مفتوحه..

ياسر: مبينه خايسه علي والله اذا بيها سوالفك
الخايسه اطيح حضك..

علي: دخلي اكمل شبيك لزگت..

ياسر: مو احذرك احسن..

علي: اي...
فـ گاله استاذ سحابتك مفتوحه
اتقرب الاستاذ يم الطالب وگال شكراً حبيبي بس المره الجايه گولي باب الأداره مفتوح لان عيب تگلي سحابتك مفتوحه گدام الطلاب..

الطالب گاله اي..

ثاني يوم اجاهم الاستاذ همين گاله الطالب استاذ سحابتك مفتوحه والمدير طالع منها....

اني بقيت صافنه مدري شسوي و روسلينا وخرت من الكاميرا وعلي ميت من الضحك..

ياسر: خاب كبر لفك يا اغم على هاي النكته الفاشله..

علي: شبيك والله تضحك..

روسلينا: محد ضحك بس انتَ...

ياسر: اني گلت معقوله تسولف سالفه بيها خير..

روسلينا: اول ما شفت علي ما چان هيج والله شو هسه تحول غير واحد...

ياسر: لا تغريچ البدايات...

علي: امداك عود انته اخووي..

مُهره: ترى مبين..

علي: شمبين عيني انسه حصانه؟؟

مُهره: مبين عليك واحد املعب...

علي: وياسر شنو مبين عليه بلا؟

ارتبكت من سئلني هذا السؤال باوعت على ياسر وگلت ..

ــ حباب..

ياسر ضحك بصوت عالي..

علي: حباب؟؟
ترى اني تعلمت من عنده...

ياسر: كافي علي روح الله وياك لا تلح..
تورطت اتصلت عليك..

علي: ليش تخاف افضحك يم انسه حصان..

ياسر: انچب..

علي: ترى اني الچبير لا ياخذك الواهس..

روسلينا: ياسر عبالك اكبر منك..

علي: اني ميبين عليه..

روسلينا: لا اقصد ياسر ثگيل..

علي: واني خفيف؟
شايفتني هاز خصري بالشارع؟

متنه ضحك على سوالفهم شويه وسدينه الخط و رحت للمطبخ ادور شي اكله اجه وراي ياسر..

ياسر: جبت اكل وياي..

مُهره: اي والله ميته من الجوع وبعدني ما قاريه اي شي...

گعدنه اكلنه ورحت ادرس واجت ديار يمي شويه ونزلت..

رحت يم ياسر بالصاله متمدد على القنفه ويباوع بـ الموبايل من شافني عدل گعدته و أخذ جگاره شغلها و هو يباوع عليه استحيت من نظراته سويت روحي اباوع بالموبايل مالتي..

ــ تردين؟

باوعت عليه مادلي ايده بيها الجگاره..
ابتسمت وگمت اريد اخذها سحبني بسرعه و گعدني على رجله باوعت عليه مستغربه من السواه..

ــ كيفتي؟

ــ اي..

بعد خصلات من وجهي وباوع على شفايفي و قرب الجگاره من شفايفي واني متت من الخجل..

ــ سحبي...

باوعت بعيونه وهو يباوع على شفايفي منتظرني.

سحبت نفس بعد الجگاره مني وخلاها بحلگه..

ردت اگوم خله ايده على خصري مثبتني ما اتحرك..

چنت لابسه دشداشه طويله اكمامها قصيره وبيها فتحات من الجوانب و اكيد شعري مفتوح..

اخذ خصله من شعري و شمها وباسها..

اني گلبي راح يوگف من الخجل اباوع على حركاته عبالك مو نفسه ياسر..

گلت بصوت ناصي ويرجف..

ــ ياسر...

غمض عيونه بقوه وطفه الجگاره..

ــ همم.. گمت من رجله مد ايده لزم ايدي وگعدني يمه وحط ايده برگبتي من وره وسحبنه بسرعه وباسني..

نسيت اني وين..
نسيت كل الم بداخلي..
نسيت اني وين..
حسيت عقلي تخدر وما افكر بـ شي..

غمضت عيوني واحس گلبي يدگ بسرعه..
ودگات گلب ياسر فاضحته..

ابتعد عني وهو يسحب النفس بالگوه بقه قريب مني فتحت عيوني اباوع عليه و هو عيونه على شفايفي گال بصوت يرجف..

خلى حالي يتخربط..
واطير مثل الفراشه الغير عالم..

ــ اني احبچ مُهره..

باوعت عليه مصدومه وفرحانه..
يبقى شعور واحد يعترفلچ بحبه شعور مفرح..

وبـ الأخص من شخص انتِ تحبيه وگلبچ مايله..

رجع باسني ونزل على رگبتي يطبع بوسات متفرقه..

قاطعه من اندگ الباب.. اني طفرت بسرعه رحت للغرفه وجسمي كله يرجف ومبتسمه..

ما اعرف شنو احساسي يخليني فرحانه وعبالك مو اني..

رحت للمرايه اباوع عل نفسي مبتسمه.
شلون اذا اجه للغرفه هسه شسوي؟

گبل رحت للسرير سويت نفسي نايمه هو شويه ودخل للغرفه وطلع..

سمعت الباب مالت البيت نرگع بقوه گمت اخذت موبايلي واتصلت على ديار..

ــ اكلج شصاير؟ شو ياسر نزل بسرعه وعصبي..

ــ جاي يتعارك ويه بابا مندري شنو الموضوع..

ــ هاا..
يلا انتِ نامي باچر دوام..

ــ تمام گلبي..
اني احبج مُهرتي...

ــ واني امووت عليچ دياري...

ــ ها ولج بديتي تحچين نفس ياسر...

ــ ههههههه .. تأثرت..

رحت نمت ومرت الايام وياسر اغلب الوقت طالع و من يرجع متأخر كولش وضايج گبل ينام بالصاله واني كلش ضايجه من تصرفاته ساعه يگول احبچ ساعه يبتعد عني و يعاملني عبالك ما موجوده...

رجعت من الدوام هلكانه اريد انام دخلت للغرفه نزعت ملابسي لبست بجامه والقميص مالتها بديت بـ أول دگمه و انفتح باب الحمام وطلع ياسر لاف على خصره المنشفه و جسمه مبلل وشعره ينگط مي..

بقيت صافنه على شكله طالع يخبل...

وانتبهت على نظراته على الدگم المفتوحه بسرعه درت
و سديت القميص وطلعت من الغرفه..

ــ يوميا باليل يلا يرجع هسه حضي جابه..

شغلت التلفزيون وگعدت اباوع و بالي مو يم التلفزيون ابد..
طلع من الغرفه وگف يمي..

ــ اريد انام..

گمت من القنفه گعد هو وچان موبايله بيده واتصلو عليه فتح الخط..

بس يسمع لليحچي وياه و ميرد بس..

ــ اممم..
وعيونه احسها غرگانه تريد تدمع..

عفته براحته خاف ميريد يحچي يمي رحت للمطبخ اريد اكل شي طلعت خيار وطماطه قطعتهن وسويت لفه واكلتها..

و رحت للغرفه شفته نايم ومخلي ايده على عيونه..
گعدت اقره لليل اجتني ديار..

ــ اگلچ باچر عدنه امتحان واني ما فاهمه هذا الموضوع..

ــ تعالي ندرسه اني وياچ..

گعدت يمي و هي جايبتلنه قواطي بيبسي من خلصنه گلتلي..

ــ اگلچ مُهره
ــ گولي..

ــ شبيه ياسر؟؟

ــ والله مادري..
حتى اني احس بيه ضايج..

ــ حاولي تحچين وياه..

ــ استحي..

ــ مُهره... ترى ياسر كلش تعب ويانه حياته وهو صغير الهسه هو متعذب عليچ الله حاولي وياه بلكي يقبل يحچيلچ..

ــ يوم يتقربلي وعشره ميباوع بخلقتي ديار اني همين استغرب تصرفاته ساعه يگول احبچ ساعه يكرهني..

ــ گلچ احبچ؟

ــ اي..

الضحك شگت حلگها و وگفت على السرير..

ــ عليچ الله؟؟

ــ اي شبيچ؟ گامت تطفر

ــ ياااربي شكدددد حلوووين..
والله راح اكلكم ثنينكم...
خرب شنو هاي... شمرت نفسها نامت على السري وتباوع على السقف وگالت

ــ اريد واحد يحبني...

ــ واحد لو مالك...

ــ خايبه لا تذكريني بيه... يلا راح انزل وعليچ الله گومي احچي ويه ياسر..

ــ افكر...

راحت ديار واني گمت لعبت رياضه صارلي هوواي ملاعبه..

دخلت سبحت لبست ثوبي المفضل الابيض مشطت شعري واني افكر بـ كلام ديار وقررت اروح احچي وياه..

باوعت على نفسي بالمرايه و حطيت عطر وطلعت لگيته متمدد ويباوع بالموبايل..

رحت تقربت منه و گعدت على القنفه النايم عليها باوعلي مستغرب..

ــ نحچي؟؟

قفل موبايله و حطه على المخده النايم عليها باوعت بعيونه الذبلانه واحسها جامعه حزن العالم بيها..

ــ هاا مُهره؟؟

ــ ضايج من شي؟ بقى يباوع بعيوني تحسر وگال

ــ لا.. بس تعبان شويه..

ــ ها.. تمام بقى بالي يمك لان اشوفك ضايج ومتحچي وياي.. ردت اگوم سحبني و وگعت على صدره..

ــ قلقتي عليه؟

ــ اي شويه...

ــ ابقي يمي..

باوعت عليه وگتله..

ــ انته شتريد؟
يوم تگول احبچ..
يوم متباوع بوجهي..

ــ عبالچ سهله عليه ابتعد واني ميت بيچ؟

ــ ليش تبتعد؟؟

مديت ايدي تلمست بأطراف اصبعي شعره النازل على جبهته وهو ما بعد عينه مني..

ــ اني كل خليه بجسمي تريدج..

تقربت منه وطبعت بوسه سطحيه على شفايفه وابتعدت گعدت عدل و هو گعد ابسرعه و رفنعي ونومني بمكانه وصار فوكاي..

ــ اموت بـ بعدج..
وبقربچ اعيش..

تقرب باسني انفسنه اختلطت چانت لمساته اليه بحنيه و هادئه واحس بيه يخاف عليه حتى من نفسه..

نام يمي وضمني الصدره بقوه و گال..

ــ بعد ما ابتعد..

ــ وعد؟ ضحك وگال

ــ وعد...

غفيت بحضنه للصبح ...

ـــــــــــــــــــــــ

«ديار»

مرت ايام واني و مُهره نروح للجامعه ونرجع خلصنه امتحانات وچنه كلش تعبانين..

اجيت الـ ماما وگتلها..

ــ اريد بهاي العطله اسوي جوله حول العالم افرفر الدنيا كلها..

ــ منو اله خلگ يطلع؟

ــ اني...

ــ روحي طلعي..

ــ ماما من اني عندي دوام وامتحانات ما گعدتي بالبيت دقيقه هسه من خلصت امتحانات ما تردين تطلعين..

ــ ديار روحي لاخوچ يطلعچ لا تجين يمي روحي طالعه.

ــ خوش ماما
خوووووش..

ــ دولي شنو تهددين بيه..

رحت بدون ما احچي سبحت ولبست دشداشتي الجديده
و سويتلي قهوة وگعدت بالحديقه كلش ضايجه ومختنگه من خلصت الگهوه رحت الغرفة راشد اريد اگوله طلعني ما لگيته رحت الـ ماما اسئلها..

ــ راشد وين شو ما اكو بغرفته؟

ــ بـ الستقبال گاعد..

رحت للاستقبال لگيته گاعد يخابر بـ زينب..
گعدت يمه و هو گال..

ــ يلا زينب بعدين نحجي راح اروح..

سده وباوع عليه و گال..

ــ شبيچ؟؟

ــ ضايجه..
خلي نطلع..

ــ وين نروح؟؟

ــ بكيفك حتى لو بالسيارة نفتر..

ــ يلا گومي بدلي..

گمت وگفت واني مبتسمه بسته وصعدت ركض بدلت ونزلت اباوع لامي وگتلها

ــ على عنادچ راح اطلع.. هزت ايدهاا وضحكت واني همين ضحكت و رحت الراشد گتله خلصت..

رحنه المكان يبيع وجبات سريعه جابلنه لفات و رحنه الحديقه گعدنه ناكل ونسولف بعدين رحنه المقهى..

گعدنه بيه المكان هدوء و ريحة الگهوة تجنن..

ــ خاب اريد گهوة بسرعه انسحنت روحي..

ــ تتنسين شبيج؟

ــ اي والله ما اتحمل اشم ريحتها وما اشربها..
اطاني المنيو وگال..

ــ يلا اختاري قبل ما تطلع بخشم ابنچ..

ضحكت على كلامه وطلبت وبقيت اصور بالمكان و سمعت صوت مستحيل انساه..

ــ السلام عليكم..

رفعت راسي شفته بهيبته وطوله و ملابسه السود التجنن گمت اعشق الأسود لان هو يحبه احب كل تفاصيله..

راشد: وعليكم السلااااام..

گام يسلم عليه واني بقيت اباوع بالموبايل..

مالك: شلونج ديار؟ رفعت راسي جاوبته ورجعت..

ــ الحمدلله...

راشد: تعال اگعد ويانه..

مالك: لا وياي ولد راح يجون راح اگعد هناك...

ــ ها تمام براحتك..

راح واني قفلت الموبايل وبديت اشرب بـ القهوة و اسولف ويه راشد و هو گاعد بطاوله وره راشد كل ما اباوع عليه الگاه يخزر بيه مدري هو هيچ نظراته بس قلقني..

اجو اصدقائه گعدو يسولفون و شكلهم هادئين نفسه باوعت عليه يسولف وياهم ويشرب بالقهوة ونتبهت الأيده نازع الحلقه..

مدري ليش فرحت وما نتبهت على نفسي ابتسمت..
باوع عليه واني هيج صافنه..

تمنيت الگاع تنشگ وتبلعني صار ساعه مسويه روحي شخصيه وما اباوع عليه..

ــ راشد نروح؟

ــ يلا گومي..

گمنه اني وياه جاي نطلع صاح ولد غريب..

ــ راااشد ...

وگفنه ثنينه التفتت لگيت واگف ولد لابس لبس رسمي و راشد اول ما شافه راح يسلم عليه ويسولف وياه..

اني بقيت اباوع عليهم اسمعه يگله..

ــ شوكت تزوجت؟
شو ما عزمتني بعرسك؟

ــ لا وين بعدني عايش بجفاف هاي اختي..
اذا تزوجت انته اول واحد اعزمك..

ضحكو وهذا الولد كل شويه يباوع عليه بس هو شنو يخبل..

گمزني من گال...

مالك: شتسوين واگفه؟؟

ــ منتظره راشد..
يعني شسوي؟

ــ طلعي بره انتظري متشوفينهم كلهم يباوعون عليچ..

التفتت ويه كلمته اريد اشوف منو يباوع عليه..

حچه وهو ساد اسنانه..

ــ خااااب رااح اكفخچ كفخه...

ــ شبيك؟؟

ــ لا تباوعين...
امشي تعاي وياي..

طلعت وراه وگفنه يم سيارة راشد..

ــ ابقي واگفه هنا هسه يجيچ راشد..

ــ اي..

ــ شلونج بـ الامتحانات؟؟

ــ زينه الحمدلله..

ــ متجينه صايره؟

ــ هاي اول مره اطلع من بده الدوام الهسه بس اروح للجامعه وارجع للبيت ..

ــ ها..

اجه راشد فتح السياره صعدت بيها هو شويه حچه ويه مالك وصعد بالسياره وسئلني..

ــ عرفتيه منو هذا الچنت احچي وياه؟

ــ لا..

ــ استاذ بالجامعه مالتكم..

ــ هااا.. بس ولا مره شايفته...

ــ يمكن بغير قسم..

ــ تعرف ياقسم؟

ــ لا ما اعرف.. بس الاعرفه هو استاذ بهاي الجامعه..

ــ ها..

رجعت للبيت رحت المُهره سولفتلها على الطلعه چان ياسر طالع..

اندگ الباب وراحت مُهره تفتحه دخل ياسر وباسها بخدها اني استغربت بس بقيت اباوعلهم مبتسمه و مُهره مستحيه...

انطاها علاگه ودخل..

ــ هلا.. اليوم يمنه الگمر..

گمت سلمت عليه وحضني وگعدنه نسولف..

اجتي مُهره بيدها موطه انطتني وانطت الراشد وگعدنه ناكل ونسولف شويه ونزلت..

رحت نمت ثاني يوم گعدت الصبح نزلت جوه لگيت ماما تسوي غدا باوعت للساعه بـ 1 الظهر رحت ساعدتها ونسولف..

شويه واندگ الباب ودخلت عمه ام مالك والبنات سلمت عليهم ورحت جبت مي...

ام مالك: شلونج ديار؟
ليش صايره ماتجينه ولچ؟

زينب: من اجت مُهره يمها بعد ما اجتنه؟

ــ لا مُهره شعليها..
بس دوام وخبصه و كولش صعب..

ام مالك: الله يساعدچ حبيبتي..

رحت ويه ماما كملنه الغدا و صبينه تغدينه و لميت الماعين وبقه تمن زايد يوميا اطلعه بره للحمامات بالحديقه ياكلونه طلعت حطيته بالمكان نفس يوميا ومن رجعت انفتح باب الاستقبال وطلع مالك بقيت صافنه وهو همين صفن..

اني لابسه بجامه وتشيرت اكمامه قصيره ومدخلته بالبجامه و رافعه شعري كبايه ومنزله خصلات على وجهي..

ركضت دخلت جوه وهو دنگ ودار وجها بعديش...

دخلت گبل غميت كصتي واغلط على نفسي..

زينب: شبيچ؟

ــ ما بيه شي..

غسلنه الماعي وسجى بس تباوع علينه..
رحنه گعدنه يم عمه نسولف ونشرب چاي ونضحك رحت لبست حجاب و رجعت لان مالك اجه يمنه..

عمتي اتصلت على ياسر گلتله ينزل هو مُهره تريد تشوفهم..

وره شويه نزلو ياسر و مُهره..

مُهره صايره الابتسامه متفارگ وجها حسيت بيها هي وياسر علاقتهم صايره زينه..

گعدنه كلنه سوه نسولف ونضحك صارلنه هوواي ما متجمعين هيچ و راشد و سوالفه التضحك والولد وياه يحششون ويضحكون كلش تونست..

وره شويه ياسر اخذ موبايله وطلع بره يخابر واحنه بقينه نسولف..

ام مالك: اگلچ ديره عمه اريد قهوة من هاي مالتچ الطيبه..

ــ اي عمه ادللي..

گمت جاي اروح و مُهره گالت..

ــ اخذيني وياچ اساعدچ..
مديتلها ايدي لزمتها ورحنه سوه للمطبخ..

ــ ولچ اليوم صارت سالفه وياي..

ــ شكو؟

ــ هسه اسولفلچ..

دخلنه للمطبخ و انصدمنه اثنينه من شفنه سجى ضامه ياسر وتبچي......

يتبع🦋....

ـــــــــــــــــــــــ

حبايبي لا تنسون التصويت والتعليق بين الفقرات...