رواية خيِّال ومُهرة الفصل الخامس 5 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

                  

طَاريك چن رَشة عطر .

ـــــــــــــــــــــــــــــــ

«روسلينا»

مرت ثلاث ايام ايدي شويه صارت احسن وخف الورم منها الايام المرت كلش صعبه عليه حتى مالي خلگ اي شي اطلب اكل من بره والشقه وصخه وحالتي حاله حتى شعري ما مشطته كلش اختنگت حتى الموبايل ما اشوفه شگد يجني اشعارات ورسائل ما افتحهن اباوع التلفزيون يمكن شفت 10أفلم..

اول ما گعدت من النوم فتحت الشبابيك ودخل الضوه بقيت 3 ساعات انظف بالشقه لمعتها تلمع مابقه شي بيها وصخ و دخلت للحمام سبحت و شغلت الابتوب عدلت الصور مالت علي فتحت الموبايل مالتي لگيته مخابرنه 5 مرات ودازلي هوواي رسائل من ثاني يوم انضربت

ـــ هلو روسلينا شلونچ ايدج اذا وجعتچ كليلي
ارجع اخذچ للمستشفى..

ــ هلو روسلينا

ــ روسلينا ليش متجاوبين؟

و اخير شي اليوم قبل ساعه..

ــ روسلينا قلقتيني اني جاي..

رديت عليه برساله خفت يجي

ــ السلام عليكم ..
الحمدلله زينه بس ما چنت افتح الموبايل، اسفه...

ــ اني جوه باب العمار تكدرين تنزلين؟ 

ياااربي هذا المن اجه گمت لبست حجابي ونزلت
لگيته واگف يم سيارته ولابس ملابس رياضية
ونظارات شمسيه..

ــ الحمد لله  على سلامتچ قلقت عليچ متجاوبين الرسائل والمكالمات.

ــ اي چنت غالقه الموبايل..

ــ تمام..  يلا اني رايح طمنتيني عليچ..

ــ شكراً عيني..

ــ ادللي بويا.. يلا مع السلامه..

ــ الله وياك..

دخلت للشقه و حفظت الصور بموبايلي العدلتهن
ودزيتهن اله وگمت سويتلي قهوة و شربتها و شويه
خف وجع راسي...

باوعت للموبايل اجاني اشعار كاتبلي« عاشت ايدچ»
انطيته لايك وطلعت، وره شويه نشرهن ومسويلي
تاگ كاتب بالنگليزي (تصوير المصوره يوزري)  انطيته
لايك وحولته ستوري بصفحتي..

يمكن اجوني من صفحته أكثر من100 شخص على
الاقل شي استفاديت منه من صورته.

مرت ايام الأجازه بالگوه كلش ضجت وحتى بابا ما اجه على حضي..

من رحت للشركه طبعاً اخذت قهوة اول ما وصلت اجتني جوويل ضمتني وگالت..

ــ وين اختفيتي اشتاقيتلچ

ــ اني همين اشتاقيتلچ

اجو هووايه اشخاص سئلوني عليه و المدير همين اجاني شايل باقه مال الورد وگالي..

ــ الحمدلله على سلامتك..

ــ الله يسلمك استاذ..

ــ بتعرفي شو صار فينا من رحتي

ــ شصار؟؟

ــ تبهدلنا محدا عم بيصور منيح تعبت وانا اشرح بدي الصوره بتطلع متلك ما فيهن...

ــ هههههه...  اليوم رجعت ان شاء الله اعوضك..

ــ ايي اهم شي التعويض..

رحت للاستوديو لگيت العارضات مبدلات و منتظراتني
بديت بشغلي الحد ما طلعت من الشركه و اني اصور
هلكت حتى ايدي وجعتني رجعت للشقه لگيت امي
متصله عليه حچيت وياها وگبل نمت..

گعدت الساعه ٦ الصبح  رحت لبست ملابس رياضه و
نزلت رگضت ساعه ورجعت سويتلي عصير فواكه شربته
و سبحت وبدلت ورحت للشغل و بيدي قهوة اول ما دخلت للمصعد دخل علي همين..

ــ السلام عليكم..
ــ وعليكم السلام..

دست بالطابق رقم 4 و هو ما داس دگمه عرفته جاي وياي للتصوير

ـ شلون صارت ايدچ؟

ــ الحمدلله زينه.. انفتح باب المصعد نزل هو اول و چان حاط عطر كلش قووي و لابس ملابس سوود قميص و بنطرون و كوت..

رحت للاستوديو لگيت استاذ جون وجولييت واكفين يسولفون و مخبوصين اول ما شافوني اجو يمي

جولييت: روسلينا لوتعرفين شنو صار اليوم
ــ شكو شصاير؟

ــ لاعب كرة قدم وافق على التعاقد مع شركتنا

ــ شگد حلوو

جون:  ايي... يلا خلي نروح الشغل اليوم وبليل نسولف

ــ باليل؟

جولييت:  اليوم حفله علمود التعاقد..

ــ اني ما اجي..

جون:  ما كو قرار الچ لان التصوير وهاي السوالف عليچ..

ــ ما اليه خلگ.

ــ اي شعلينه احنه لازم تجين ههههه..

بقو يضحكون واني اباوع عليهم شگد الهم خلگ.
أجه علي لابس قاط نيلي ولزم جنطه جوزيه ضمن التصوير..

صورنه هاي الملابس وراح بدل ورجع كملنه متت تعب وجوع اول ما خلصنه نزلت للكافتريا اتغدا اشتريتلي
وجبه وگعدت على الكرسي  بديت اكل، شويه واجه علي.

ــ  هلو روسلين. 
بس ردت اسئلچ على التصوير بالحفله اريد تصوير خاص بيه تگدرين؟

ــ صارت هوسه شويه لان المدير يريد اصور كل العارضين وانت من ضمنهم، يعني لازم تغير ملابسك واصور لو شنو؟

ــ لا اني مراح البس منتجات الشركه راح البس ملابس مشتريهن..

ــ ها اوك لعد...

ــ تمام..  مشه خطوتين مبتعد نوب رجع

ــ اااااا... روسلينا نسيت اكلچ.
شنو رقم البطاقه مالتج حتى احولج الفلوس مالت
الجلسه القديمه..

ــ اني گتلك شرطي ما اريد فلوس بس تكتب
اسمي تحت البوست وهاهيه..

ـــ احط اسمچ حتى لو انطيچ فلوس لان جاي تعبين وياي.

ــ لا بالعكس هذا شغلي واني احبه

ــ تمام براحتچ..

رحت كملت الشغل ورجعت للشقه هلكانه وبعد وراي الحفله وشغل كوومه وحتى ما اعرف شنو البس تمددت  نص ساعه ارتاح وبعدين گمت اختارلي ملابس.

وره ساعه كامله اخيراً اختاريت فستان رصاصي من الصدر والخصر ضيق وبعدين شويه عريض ومنفوخ ساده ما بيه اي شي ولبست شال ابيض وگلاده بيها فراشه كلش احبها والحذاء الكعب الشتريته قبل كم يوم وحطيت مكياج يبرز عيوني وحمره لون بيجي ولبست جنطه بيضه صغيره واخذت الكاميره وطلعت رحت للمكان البيه الحفله..

رحت للحفله الأجواء كلش حلوه عكس ما تخيلتها طبلات متوزعه بالمكان وكل طبله عليها ڤازه وبيها ورد احمر.

اما الحضور البنات يخبلن وكلهن ما محجبات ولبس
قصير وبدون اكمام..

و الولد يطكون بالگاع من جمالهم...

وگفت على وحده من الطبلات الفارغه اخذت عصير شويه واجت جووليت يمي وگفت..

ــ المدير يريدچ عباله مجايه ضاج بعدين كاله جون تجين..

ــ رايحه.. رحتله وبالگوه امشي من الكعب احس بس واحد يطخني اوگع وصلت للمدير بألف ياا علي...

وصلت كلها گاعده يمه ويسولفون ويضحكون

ــ لك روسلينا خفت كتير انك مابتجي

ــ لا اجيت.

ــ يلا تعي خلينه نصور

صورتهم واحد واحد وياه وبعدين صوره جماعيه
من خلصت رجعت اخذت عصير ورجعت المكاني 
صفنت افكر لو اني بالعراق اكيد ما راح اعيش نفس
ما عايشه هنا..

قطع تفكيري صوت علي من گال..

ــ اهلاً  روسلينا...

ــ هلاو علي...  يلا نصور

ــ اني اجيت اگلچ خليها على غير مره

ــ هاا... ليش؟؟

ــ شفتچ تعبتي اليوم

ــ لا عادي... يلا تعال نشوف مكان حلوو وبيه ناس قليل

ــ لا والله صدگ احجي خلي نأجلها..

ــ والله عادي متعبانه..  اخذت گلاص مال العصير بدون ما ابوع من الكارصون وشربته مره وحده بس طلع طعمه يلعب النفس اجيت اتقيء بالگوه لزمت نفسي..

لگينه طاوله شويه فارغه

ــ يلا تعال هنا هذا المكان مرتب وفارغ شويه..

أجه وگف چان لابس قاط لونها رصاصي كلش كشخه وقميص ابيض والدگم اكيد مفتوحه ولابس سلسله برگبته فضيه..

بديت اصور بس احس الدنيا گامت تفتر بيه حيل دخت..

ــ  روسلينا راح اوگف هناك تعالي شويه تقربي مشيت خطوتين وحسيت بطني موتتني لزمتها وبيدي الثانيه
لازمه الطبله علي اجه يمي..

ــ هاا روسلنا شبيچ؟

ــ مادري...

ـــــــــــــــــــــــــ

«علي»

جمالها وهيبتها من دخلت للحفله خطفت گلبي ما
اعرف ليش حتى عيوني ما اشيلهن منها كل حركاتها
و نظراتها و برودها يعجبني كلش...

أكثر شي لفت نظري بلبسها الگلاده البيها فراشه،
بالضبط نفس مالت أمي..

من شفتها صارت غصه بصدري بالگوه نسيتها..

وهي تصور بالمدير وهو يتشرط عليها كلش ضجت منه
بس ما گدرت احچي خاف احرجها من خلصت راحت
شويه ورحت وراها اگوللها نلغي تصويري لان حسيت
بيها تعبت من الصبح وهي تصور..

رحت حاچيتها ما قبلت گالت تعال نصور لا تهتم
مابيه شي و شفتها أخذت كلاص مال مشروب بيه
نص شربته كله مره وحده....

بقيت صافن عليها معقوله تشرب حسيتها نزلت من
عيني من هيچ سوت بس ما بينتلها اي شي..

بدت تصور و اباوعلها  وجها كلش تعب وكل شويه
تريد توگع اخير شي حطت الكاميرا على الطبله وحطت ايدها على بطنه ودنگت وگالت

ــ أخخخ

رحتلها بسرعه احجي وياها حتى متحجي رفعت راسها وضحكت ضحكه بصوت عااالي الناس گامت تباوع عليها..

ــ خوفتك.... ههههههه

ــ شبيچ روسلينا...

ــ شبيه مابيه شي اخبل..

لزمتها من ايدها واخذت كاميرتها وطلعت صعدتها
بالسياره وهي تروح منا وتجي منا...

داست الدگمه مالت المسجل اني چنت مطلع اغنيه مال
(معقول لفضل شاكر)

ــ احب هاي الاغنيه.. 

وبدت تغني وياه وتضحك يمكن من عرفتها الهسه
ما شايفها تضحك..

ـ معقول انساك مقووول
تنساني انا على طوووول
معقول منعود احباب نمرق مثل الأغراب...

وترجع تضحك الحد ما خلصت الاغنيه...

ــ علي.....

ــ هااا

ــ ووجعا...

وضحكت بصوت عالي اني همين گمت اضحك وياها
واحس بنفسي تافه وياها بلا هي سكرانه اني شمالني ..

وصلت نزلتها من السياره وهي متثبت ابد

ــ علي الگاع شبيها ليش تروح منا وتروح مناا...
و هي تكول منا ومنا تذب روحها على اللجها اليمنى
نوب عليه

ــ روسلينااا شبيچ خبلتيني اثبتي شويه.. رفعت اصبعها السبابه  وخلته بوجهي

ــ اششش لا تصيح.. لزمت ايدها وسحبتها

دخلنه للعمار وگفت يم المصعد منتظره ينزل يشلع الگلب

ــ علي....... نعسانه خلت راسها على كتفي و غمضت  ورادت توگع خليت ايدي على خصرها بسرعه قبل لا توگع انفتح باب المصعد تعبت اريد اوصلها و اروح  شلتها ودخلت للمصعد فتحت عيونا باوعتلي و گالت كلمه خلت گلبي يرجف..

ــ علي.. لا تعوفني اني بيه تعب مال سنين عمري الراحت اجيت هنا اريد اعوضهن عوضلياهن...

هي صح سكرانه ومتدري شتحچي بس حسيت
كلامها چان من گلبها...

ــ يا طابق؟؟ 

ــ نزلني..  نزلني... 

نزلتها وهي داست رقم اربعه ورجعت ليوره ونرگعت بيه
صار ظهرها على صدري بقت واكفه واني نار اشتعلت
بگلبي دنگت شميت حجابها بيها عطر مال ورد الگاردينيا  ...

انفتح باب المصعد مشت خطوه ليكدام ورجعت

ــ  خاب نعلتي والديه نعل.....  امشي..

مشيتها اشرت على شقتها وصلنا للباب فتحت
جنطتها ساعه تدور على الكارت...

اخذتها منها طلعته وخليته بالباب وگلتلها

ــ طبي... اني رايح

سوتلي بيدها بيباي ورگعت الباب

شگد ما هي عاقله يوميا مخبله هسه هزيت ايدي ورحت...

ـــــــــــــــــــــــــــــ

«مُهره»

باوعت عليه وعيوني مليانه دموع بس ما ابچي لو اموت
ما اخلي دمعه تنزل مني كدامه.

ــ ادري بيك ما طايق وجودي بهذا البيت بس هذا مو
بيتك بيت عمو وهو الما قبل اروح اذا تريد تحجي
احچي ويه عمو مو وياي..

ــ تدرين انقهر عليچ مصدگتهم....

  دار وچها يريد يروح و اني بسرعه گمت وگفت اگباله وباوعت بنص عيونه الخضر و هو همين باوع بعيوني..

ــ شنو قصدك مصدگتهم؟؟ 

ــ وخري..

راح البيته و رگع الباب عفيه بابا شلون بعد ما مكسور
كل ما يضوج يركعه.

اني گبل نزلت الديار دخلت الغرفتها

ــ اگلچ هذا شبيه اخوچ شنو مخبل؟

ــ شنو شكو شصاير؟

ــ اجاني للسطح يكلي منو گلچ تسوين هيچ ماخذه
راحتچ وتجيبين وتحطين عبالك بيتچ...

ــ يااسر؟؟

ــ اي اكو غيره صاخم..

ــ ولچ هو ياسر هيچ طبعه..

ــ شنو هيچ طبعه اني شمسويتله اذا ما عاجبه السويته بالسطح يگلي لا تسوينه ليش يحچي هيچ وهو يدري
اني ما عندي غيركم..

ــ تعالي يا گلبي لا تضوجين والله هو ياسر هيچ..

رحت شبگتها و بقيت يمها تأخر الوقت يلا صعدت نمت گعدت الفجر صليت و احس نار مشتعله بگلبي من حجه ياسر الهسه..

فتحت الباب اول ما طلعت من الغرفه لگيته واگف وبيده جگاره و لابس  فانيله داخليه وبجامه اول ما شفته رجعت للغرفه وسديت الباب

رحت للشباك وخرت البرده شويه و باوع عليه باقي واگف ويشرب چكاره من خلصت الجگاره ذبها بالگاع و داس عليها وگبل باوع للشباك..

فزيت فزه گلبي وگف يمه  شلون عرف جاي اباوعله كبر لفني اني هسه المن باوعت شگد ثوله بقيت گاعده بالغرفه و لا طلعت..

مرت ايام و بدت ديار تداوم بالمدرسه و اني ٢٤ ساعه اقره حتى اني و ديار منلتقي هواي

قدملي عمو على المتحانات  الخارجي و جابليي الجدول  وبدت امتحاناتي و يوميا يوصلني راشد و يرجعني اشكد حباب هذا الولد ولا يوم سمعني كلمة مو حلوه وكلشي
اكوله يسويلياه ابد مو صعب ..

اخير يوم امتحان دخلت سلمت و صعدت الغرفتي چانت كلش هووسه حتى ما الحك انظفها عفتها بهوستها ونمت

ما حسيت بنفسي گعدت على دگة الباب گلت تفضل محد دخل گلت أكيد مو ديار ليش هي ديار يا يوم داگه الباب..

گمت لبست حجاب ورحت فتحت الباب و لگيت عمو ابو علي واكف بالباب استغربت اول مره يصعدلي فوگ..

ــ عمو مُهره اذا ما عندچ شي اريد احچي وياچ شويه..

ــ اي عمو ما عندي شي..

ــ تعالي نگعد هنا...  أشر على الكراسي الشتريتهم هزيت راسي موافقه واحس گلبي گام يوجعني على گولت امي گلبي نقبض..
رحت گعدت وهو همين گعد وگال....

ــ عمو انتِ عندي واني وعدتچ ما اعوفچ لان ابوچ غالي على گلبي والله شاهد شگد احبچ.. هزيت راسي  بـ أي

ــ خوالچ البارحه هدو عليه واني بشغلي، 
يردونچ طامعين بگاع ابوچ و اني گلتلهم
ما اطيها گالو احنه وياك عشاير بعد تصير...

ــ منو خوالي هسه يلا عرفوني؟

ــ عمي اني گلتلهم اني زوجتچ ابني و رادو العقد يشوفونه.

ــ بس عمو اني ما اريد اتزوج

ــ لعد ترحين الخوالچ ياخذون گاع ابوچ الحارب
الناس كلها علمودها وبعدين يشمرونج
تتزوجين ياسر لو تردين ترحين اني اسوي التردينه.. 
راح ابقيچ تفكرين..

ــ عمو اني ما اكدر اتزوج ياسر  و هو اكيد ميريد يتزوجني.

ــ انتِ شلعيچ بـ ياسر؟ 

ـــ شلون شعليه يعني اتزوج واحد ميريدني

ــ لا اني حچيت وياه وما رفض وهسه اجيتچ ابقي فكري..

عافني و راح  عافني بحيره وضياع يعني شلون بلحظه انگلب كلشي.

حياتي كلها بكووم و وجع گلبي بكوم وحچي عمو هسه بكوم

ـــــــــــــــــــــــــــــ

«آسيا»

ــ بابا هاي صديقتي

ــ بلا اطيني الموبايل 

اخذ الموبايل من ايدي واني حتى النفس نسيت اخذه.

فتحه لگه رقم كاتبه عليه حوراء رجع اتصل على الرقم نفسه وحط الموبايل على اذانه وما حچه

اني راح ينغمي عليه من الخوف اخاف يحجي مهدي..

حچه بابا بعصبيه....

ــ  وقت مخابره هسه گومي امچ وحدها تنظف روحي وياها..

تنفست دريت يعني مهدي ما حچه شمر الموبايل يمي وطلع اني همين گمت بسرعه كملت الشغل ويه امي وحتى بعد ما رحت للغرف لليل

دخلت الغرفتي الوقت متأخر اتصلت عليه

ــ  صدك تحچين آسيا يعني اني خفت خوف عمري مخايف هيچ

ــ و الله ولا كدرت اتصل حتى الغرفه ما دخلتلها

خفت كلش گلت اذا حچه مهدي وبابا سمع صوته شسوي؟

ــ لا غير سمعته من دخل وسئلچ مبين هو اتصل علمود يتأكد.. بس گلت خاف اخذ الموبايل منچ..

ــ لا ما اخذه مني الحمدلله

بقينه نسولف الحد مانمت..

كعدت الصبح لگيت اهلي من الصبح رايحين واني نظفت البيت ومرت اخوويه وياي سولفتلها على مهدي ابد ما اعترضت بقت تستمعلي سويت غدا ورحت حضرت ملابسي البسهم بليل من يجي مهدي واني اسمع الموسيقى النحبها..

بليل بدلت لبست فستان ازرگ وشال اسود  اتصل عليه گال طلعت من البيت مرت اخوويه گعدت يم اخواني تسليهم حتى ميشوفوني..

طلعت بالحديقه انتظرت شويه وبيدي الموبايل وجبت الهديه حضرتها واروح منا واجي منا بالحديقه اديه ترجف
ما اعرف ليش مرتبكه كلش..

اتصل عليه گال اني بالباب رحت فتحته
بيتنه صاير يم الباب مال الشارع گراج والباقي كله
حديقه كلش چبيره و بالكراج جانت اكو سيارة بابا..

دخل لابس تشيرت نص ردن لونه اسود وشعره شويه طويله ملامحه تخبل اول مره اباوعله هيچ  عيونه كبار و رموشه طوال وسود وعنده لحيه...

ــ السلام عليكم، شلونچ آسيا؟

ــ الحمدلله بخير وانت شلونك؟

ــ الحمدلله زين

دخل بين السياره والحايط و اني  همين خليت مسافه بيناتنه و گعدت و فرحتي ما ساعيتني...

ــ شبيچ شو مرتبكه؟؟

ــ  مادري اني يوميا احچي واسولف بالموبايل ما ارتبك وبالعكس انطلق بالحچي حتى ويه صديقاتي ما اسولف وياهن مثلك انت شي خاص عندي يمكن شويه مستحيه..

ــ  خوش.. يعني اني اقرب واحد الگلبچ

ــ ايي،  احلى ايام حياتي عشتاها وياك شلون متصير قريب الگلبي اذا انته عيشتني ايام ما راح انساها طول عمري..

ــ اني ما چنت عايش قبل ما اشوف عيونچ من اطيتچ الملازم تذكرين، حسيت بنفسي تورطت بحب ما منه رجعه..

ابتسمت و تذكرت گتله..

ــ صدك حتى ما گتلك تشرب شي؟

ــ لا كلشي ما اريد بس ابقي گاعده هيچ اريد اشبع منچ..

ــ تمام

ــ من نتزوج ما اخليچ تجين لاهلچ..

ــ ياا شنو عود صدگ تحجي؟؟

ــ هسه احنه تزوجنه؟؟ 
بس اذا تزوجنه ما اخليچ تجين احرم ابوچ
منچ نفس حارمني هسه.

ــ هو لازمك ما تجي تخطبني هسه؟

ــ غير اريد اعتمد على نفسي واشتغل علمود نعيش وحدنه مو ويه اهلي...نعيش حياة دافيه كلها حب  و حنيه...... وتجيبين ولد ونسميه علي..

ــ احب اسم علي..

ــ اني همين..

سمعت صوت اختي تصيح

ــ آسيا......... آسيا....... آسيا

ــ ترى بديت اكره اختچ...

ــ يااا ليش؟

ــ شكو لحظه حلوه بحياتنه طبت بالنص و خربتها ..

ــ هههههههههه...  اي والله حتى اني اكول نوب ما تسكت كلشي تشوفه تروح تكول لامي..

  ذاك اليوم گايله لامي كل ما اروح لآسيا الگاها تخابر وامي اجتي تصيح عليه وتغلط تگلي حتى صديقاتچ بعد ممنوع تخابرينهن..

ــ ههههههه..  خرب يومها بعد نسميها مخربة اللحظه الجميله..

رجعت صاحت اسمع مرت اخويه صاحتلها تحجي وياها...

ــ  يلا اني خلي اروح..

ــ تمام...  بس دقيقه هسه اجي
رحت جبت الهديه مخليتها على جها علاگه مالت هدايه جوزيه ورجعت يمه..

ــ شنو هاي؟

ــ هديه... 

قدمتها اله من اخذها مني تعمد يلمس اديه صارت
بيه رجفه بكل انحاء جسمي..

ــ شنو هذا الدلال كله اليوم شكراً حبيبتي...

ــ عفواً..... وگف شويه باوع بعيوني عبالك يگلي خلي اشبع منهن شوف...

ــ يلا مع السلامه

ــ في امان لله

طلع واني طايره من الفرح فرحت گلبي كلها ما توسعها الدنيه دخلت بدوون ميشوفوني صعدت بدلت ونزلت

ــ صار ساعه ادور عليچ وين چنتي؟

ــ شتردين مني تفترين وراي..

ــ  حتى نسيت شريد گلبت البيت عليچ گلاب

ــ ديلا امشي.. امشي

رحت گعدت يمهم شفنه فلم الحد ما نامو و گعدت اسولف المرت اخوي شصار....

ـــــــــــــــــــــــــ

«ديار»

مرت الامتحانات ما صدگنه نرتاح اني و مُهره اجه
بابا ولعب بيها لعب خلاها ما تعرف ليلها من نهارها
تنام تبچي وتگعد تبچي...

اني ادري بـ ياسر ميريد يتزوج مُهره وهي همين ما تريد وبابا قافل كلش صعبه هاي الفتره كولنه ما النه خلگ نسوي شي وضايجين بس ماما وبابا ولا يمهم

بابا ميشوف شلون ياسر محترگ گلبه ومن يحچي گلبي يوجعني بابا كولش قاسي ويه ياسر..

ياسر اكثر واحد انظلم بعائلتنه

چنت گاعده اتريگ وطلع بابا من غرفته گالي

ــ  أحچي ويه مُهره كليلها اليوم خلص الاسبوع گليلي
شنو ردچ؟

ــ بابا شنو يعني تغصبهم غير ثنينهم ميقبلون

ــ ديار لا تدخلين.. بدال ما تقنعينها تبقا هنا احسن ما تروح ويشمرونها بالشرع مثل الچلب

بلعت الحچي البگلبي وسكتت گمت صعدت المُهره وگلبي محترگ لگيتها گاعده بالسطح

ــ ها حبيبت الروح...  شلونچ؟؟

ــ زينه الحمدلله

رحت گعدت يمها خليت راسها على صدري واني
امسح على ظهرها.

ــ يعني هي هاي وضعيه لا تقبلين تاكلين ولا تقبلين تنزلين...

ــ اسكتي ديار عفيه ترى گلبي خلصان

ــ بابا يگول شنو ردچ؟؟

ــ ليش عندي غير حل شنو الكاسر ظهري لان ما
عندي غير حل..

حچيت وياها شويه ونزلت رحت البابا قبل گال العصر
اجيب الشيخ ويعقدون اني وماما بدينه نحضر و راشد وصلني المحل جبتلها فستان ابيض يجنن واشتريتلها
حذاء كعب سوده..

اول ما وصلت صعدتلها نزلتها بغرفتي وهي حتى
متعترض على شي اسويه الها..

سويت شعرها وحطيتلها مكياج ولبستها الفستان شكله يجنن بيه اكمام ومسدود من فوك ومن ظهره شويه دلع يوصل النص ظهرها و طويل وبيه چاكه فوگ الركبه..

ــ ديااار.. وهي تباوع على روحها بالمرآيه

ــ هاا مو طالعه تجننين؟؟

ــ لو انزعه وامشي مصلخه مو احسن؟؟

ــ نچبي لا تصيرين سخيفه..

ــ والله اتمنى ارگعچ راجدي افرچ فر..

ــ يا ادب سز من الصبح الهسه گاعده اعدل بيچ صدگ
سوي زين و ذب بشط..

ــ اهووو.. بدت بمنيتها....

نزلنا جوه وماما تهلهل واخواتها جايات وعماتي تعجبن بيها وبس يباوعلها..

گعدت شويه وبابا گال راح يدخل الشيخ غطيتها بقماش ابيض وخليت رجليها بمي بيه ورد وخليتلها القرآن و هيل  بين اصابعها وهي بس تغلط عليه وتگلي عود شنو هاي الكلاوات....

دخل ياسر و وجها ما يكصه السيف

والشيخ وراه عقدلهم وطلع وياسر بقه گاعد وخرت منها القماش والقران والطاسه ولبستها الحذاء..

اباوع الوجها عيونها مليانه دموع كلش انقهرت وياسر حتى ما تعب نفسه وباوع عليها..

ماما اجتي شايله الذهب وحلقاتهم

ــ يلا عريسنا گوم لبس مرتك الحلقات.. 
باوعلها بخزره وگام ومُهره همين گامت..

يتبع🦋.........

ــــــــــــــــــــــــــــ

لا تنسون التصويت واشتركو بقناة التلي..