رواية خيِّال ومُهرة الفصل الخامس عشر 15 - بقلم amna

بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

بالليَّل جَرحي رَطب
‏بَس الصُبح ناشِف
‏اضحك بكُل قوتِي
‏ماچني ذاكَ الچنِت
‏بالليَّل مِتراجف
‏والخُوف ماكلنِي اكل
‏بَس ما مبيّن ابَد
‏وتعرُفني كُلها القَوي
‏بَس بالصدُك خَايف .

♡ـــــــــــــــــــــــ ♡

«روسلينا ــ 2014»

كل المر عليه چان عباره عن تعذيب نفسي وجسدي..

صرت مثل المجنونه ما افكر بشي غير الحبايه الايام كلها تتشابه ما أدري اذا چان هذا صبح لو ليل المهم عندي يجيني مهند ينطيني حبايه..

گعدت من النوم جسمي كله مابيه طاقه ما اكدر اتحرك بس من يجي وقت الحبايه يجيني الحيل مادري منين واكوم اضرب بنفسي واكسر كلشي يمي واضرب الباب واصير مثل المخبله..

دخل مهند بيده صينيه بيها اكل گعد بالگاع وگال

ــ تعاي اكلي..

ــ اريد حبايه..

ــ اكلي واطيچ.. وبعد ماكو حب باليوم بس وحده..

گمت بسرعه واني اتوسل بيه..

ــ لا مهند عليك الله و بقيت اليوم اصير مخبله والله..

ــ تعاي اكلي بعدين نحچي..

چان خوفي من الحرمان من الحبوب يخليني اسمع كلامه بكل شي يحچيه رحت گعدت سوالي لفه اكلتها وهو يباوع عليه ويبتسم..

مايدري اني بداخلي اتمنى اگوم اذبحه واخلص منه.

ــ اجت البارحه اختچ آسيا..

ــ شتريد؟

ــ رادت تشوفچ وامي گلتلها طالعه هي ومهند..

ابتسمت واني داخلي يحترگ

ــ هسه تذكرتني، همزين گلتلها هيچ ما اريد اشوف خلقتها..

حاقده على اهلي كلهم هما الوصلوني الهاي
المرحله ولا واحد بيهم سئل عليه..

ــ اي احسن..

خلصت اكل وهو راح طلع الصينيه واسمع امه تصيح عليه..

ــ اني شنو اشتغل عد مرتك خلي تنزل تنظف تغسل اماعين لا اصعدلها اشمرها من فوگ..

ــ ماتنزل بعد انتِ اشتغلي ..

ــ امداك يا أغم اني امك شلون اشتغل وهي نايمه..

ــ هذا الموجود... مو انتم تعذبون بيه واني اعوفه تنزل تنظفلكم..

بقت تصيح وتغلط وهو دخل للغرفه عصبي ضل يشيل الغراض ويرگعهن بالگاع واني متت من الخوف رحت بزاويه گعدت و ارجف ودموعي تنزل ..

گعد على السرير يتنفس بصعوبه بعدين گام وتقرب عليه ضميت وچهي بأديه ومتت من البچي..

ــ شبيچ؟

ــ لا تضربني..

ــ ما اضربچ لا تبچين..

تقرب عليه وضمني واني مطايقه ريحته احس بيه يخنگني..

مرت دقايق هو گاعد ماد رجليه وظهره على الحايط و ضامني الصدره..

ــ اريد حبايه..

بعدني وگام طلع من جيبه كيس صغير بيه حبوب شرب وحده وانطاني وحده بسرعه خليتها بحلگي واني فرحانه شمرت نفسي على السرير واني مبتسمه..

و مهند شمر نفسه يمي باوعت عليه وهو يباوع بعيوني..

ــ اني احبچ...

غمضت عيوني و رحت الغير عالم..

ـــــــــــــــــــــــ

«ديار»

استغربت من گال ابوها چانت متزوجه باوعت الـ علي مصدوم مثلنه..

بقينه شويه و طلعنه بالسياره واحنه بالطريق وكلنه ساكتين حچه ياسر

ياسر : تدري بيها چانت متزوجه؟

علي : لا

ياسر : شلون لعد جاي تخطبها وانت كلشي ما تعرف عنها؟

علي : هي گلتلي عدها ماضي واني گتلها ميهمني الماضي.. وبعدني الهسه ميهمني بس ما چنت متوقع تطلع متزوجه..

ياسر : براحتك اني واگف وياك شنو تريده وياك..

علي : ادري بيك..

مُهره : ديار شفتيها شلون حلوه ما شاء الله.. (بهمس)

ديار: اي ولچ تخبل عبالك شفافه من گد بياضها..

علي: جاي تحچن على مرتي

مُهره: بعدها مو مرتك... مركز ويانه؟

علي: اذا الحچي على مرتي اركز طبعاً..

ياسر: خلي نروح مطعم على حساب علي..

علي: ما اسمع شتگول؟

ياسر : هاااا... هسه متسمع موو؟

علي: ما اسمع ابد..

ضحكو كلهم وگاللهم علي...

ــ ولا يهمكم هسه حصانه يعزمنه على حسابه..

ديار: شنو حصانه؟

علي: الگاعده بصفچ..

باوعت عليها و متت من الضحك ومُهره ضااجت..

مُهره: هو صوچي اني المن اجيت وياك..

علي: على اساس شسويتي انتِ وديار كلمه ما حچيتن واني عود جايب نسوان وياي شلون اثنين فاهيات..

مُهره: اني مو فاهيه بس اول مره ادخللهم خو ما تريدني اخذ واطي وياهن...

ياسر: كافي علي... مُهره عبالها صدگ ترى..

مُهره: گلت شعجب حچيت.. لو ما حاچي احسن..

علي: اي تعاركو خلي اضحك عليكم..

ديار: علي شبيك؟ مُهره ..
علي هو هيچ طبعه لا تضوجين..

مُهره: من اجه الهسه يگول حصان و ياسر بس يضحك

علي: ياابه بعد ما اكول احصان مادري بيج احصان حساس...

ياسر: علييي كاافي..

علي: نعتذر منچ انسه مُهره الحساسه..

ياسر: شنو انسه هي غير مرتي؟

علي: يبو سطرتوني مدااام مُهره..

ياسر: شنو هسه نروح مطعم؟

ديار: اي حباب ياسر والله ما اريد ارجع للبيت خنگه..

ــ خوش يلا..

رحنه للمطعم و مُهره ولا حچت كلمه كلش ضاايجه حتى حاولت احچي وياها واضحكها وهي متضحك وضايجه..

المطعم كلش حلو شكله و مرتب اكلنه ورجعنه للبيت واحنه نسولف ونضحك ونسيت همومي كلها..

من دخلنه للبيت استقبلنه بابا و نساني الفرحه كلها...

ــ وين چنتو؟

علي: اخطب.

بابا: واني شنو هنا ناطور خضره شو لا گتلي لا سئلتني؟

علي : ميحتاج اگلك انت تدري بحياتي شلونها هسه اسئلك عليمن..

بابا: ولك اني ابوك تگلي و اروح وياك ونخطبلك..

علي: اشكر احساسك الأجه متأخر ميحتاج
اني بعد ما اطلب منك شي نسيت الوعد؟

بابا: خوش علي بسيطه، دار عليه
وانتِ شو طلعتي بدون علمي.

ياسر: ما طلعت ويه غريب طلعت ويه اخوانها...

بابا: عبالكم افوتها الكم بسيطه..

مُهره عافتهم و رادت تصعد..

بابا: انتِ قررتي لو بعدچ..

مُهره و گفت باوعت عليه واشرت على نفسها..

مُهره: تحچي وياي..

بابا: منو غيرچ.. يلا اريد الارض بأقرب وقت..

مُهره: عمو اني گتلك بنفس الوقت لا ما اگدر ابيعها هي كلشي بحياتي..

بابا: خوش لعد ما الچ مكان بـ بيتي تطلعين و ياسر يطلگ وهاهيه تنتهي علاقتنه وياچ..

مُهره: اول ما ماتو اهلي گلت صح اني صرت
يتيمه بس رب العالمين عوضني بيك،
ما چنت ادري انته تطمع للگاع ما ميت عليه مع الأسف...
بس انا نفسي عزيزه ما ابقى ابيت ما يرحب بيه..

بابا: عبالچ راح ينكسر خاطري عليچ..
لا والله اشمرچ مثل الچلب..

مُهره: ههههههه..  اني عمري ما ردتشي منك
والى الآن اني ما محتاجتك..

عافته وصعدت راد يروح وراها و ياسر لزمه وهو يگله..

ــ عبالك بكيفك هاي مرتي لو نسيت...
هاي اخير مره تحچي وياها هيچ ما اريد
اتصرف وياك تصرف مو حلو وانته تدري بيه شسوي...

ــ مرته ابن النع*** هو اني جبرتك على الزواج منها شنو مرتك تريد تضحك عليه لو شنو...

علي: شنو جبرك.... ياسر هذا شيحچي؟

ياسر: يسربت....

عافه ياسر وصعد وره مُهره وعلي گل

ــ انت عود هم تنحسب اب؟

ــ الكم اني مو اب لان انتم چلاب مو ولد..

ــ خاب الحمدلله والشكر ربِ ما اكول غير شي...

طلع علي وهو يصيح ويغلط واني رحت بدلت و رحت گعدت يم امي.

ماما: هو اني واحد ما متحملته نوب رجع ذاك الثاني..

ــ ماما ما اقبل تحچين على اخواني يمي..

ــ خاب باع هاي... امداچ وامده اخوانچ...

ــ يبووو... الواحد وين يروح ويخلص منكم...

گمت طلعت بالحديقه گعدت على الكراسي صايره ما اطيق البيت كلش يخنگني لو اروح اگعد يم راشد شويه اغير جو لو يم مُهره..

اندگ الباب رحت فتحته دخلت عمتي ام مالك سلمت
عليها هي و زينب و سجى..

ام مالك: يمه اجه مالك ويانه ..

ــ ها عمه راح ادخل وانتِ دخليه و ياچ..

ــ يلا حبيبتي..

رحت رگضت شعري مفتوح ولابسه تراك وبعدني ما واصله للباب مال المطبخ وهاي گبل گالت

ــ تعال يمه مالك..

طبيت بسرعه وگلبي يدگ بسرعه واتنفس بصعوبه بقيت اباوع عليه من الشباك..

كالعاده لابس اسود ميلبس غير لون شعره شويه طويل ولحيته طويله ولابس مناظر شمسيه مدري ليش انتبهت على نفسي اباوع على كل تفاصيله ومبتسمه الى ان وصلت للحلقه البيده هنا نعصر گلبي و رحت للغرفه و دموعي تجري بدلت لبست طويل وحجاب و نزلت...

رحت للمطبخ سويت چاي وصبيته الهم ورحت للصاله گاعدين كلهم قدمتلهم كلهم و من وصلت يمه وگلت

ــ هلو مالك.. شلونك؟

ــ هلا ديار.. الحمدلله انتِ شلونج؟

ــ الحمدلله..

اخذ الچاي رحت وديت الصينيه ورجعت گعدت يمهم كل شويه اباوع على ايده البيها الحلقه و ينعصر گلبي.

استمع الهم و جسمي يمهم...
بس اني بعيده كل البعد عنهم..

ام مالك: صدگ ديار مبروك حبيبتي..

ــ الله يبارك بيچ..

زينب: والله فرحتلچ كلش حبي تستاهلين..

ــ حياتي شكراً..

بابا: تدرين خويه ام مالك البارحه صديقي طلب ايد ديار مني حسيت ديار كبرت وگامو يطلبون ايدها..

اني مدنكه وسمعت صوت شي انكسر رفعت راسي على الصوت لگيت مالك واگع منه الكوب ومتبدي الچاي على رجله والكوب متكسر وبالگاع...

ام مالك: يممممه وليديي احترگ يمممه..

گمت بدون ما ادري حسيت گلبي الحترگ..

ــ مالك انزع مالتك البنطرون وراح اجيبلك من راشد..

هو بقه صافن بعيوني وردت فعلي...

رحت جبت بنطرون من راشد ركض واجيت انطيته اله وراح للحمام واني واگفه يم الدرج مد ايده بجيوبه طلع المحفظه و باكيت جگاير وجداحه..

مد ايده انطانياهن ويحچي..

ــ خليهن يمچ..

اخذتهن منه واني امشي طاحت من ايدي المحفظه لان چبيره واني لازمتهن كلهن بأيد وحده..

شلتها من الگاع لگيتها مفتوحه باوعت بيها واني اسدها انتبهت على صورتي من چنت صغيره بداخلها استغربت وبقيت صافنه ابتسمت..

فزيت من طلع من انفتح باب الحمام تخردلت ردت اسدها طلع قبل لا اسدها و شافني بقه يباوع عليه وعبالك تذكر شي... تقرب عليه

ــ مو قصدي افتحها بس وگعت مني وانفتحت وو...

ــ مو مهم...

اخذهن مني و رجع گعد، اسلوبه البارد يخليني اموووت من القهر...

رحت الغرفتي و اجت وراي زينب گعدنه نسولف..

زينب: راشد وين؟

ــ طالع.. بعدكم متزاعلين؟

ــ ايي... والله مليت منه يريد يتحكم بلبسي..

ــ زينب ترى لبسچ فضيحه وانتِ جسمچ يخبل وبارز لازم تعرفينه هو شيريد وتسمعين كلامه..

ــ ديار ترى هو زوجي ويتحكم بيه

ــ زينب مالي خلگ مشاكلكم والله حلوها بيناتكم..

ــ شكو شبيچ؟

ــ مابيه شي...

بقو للعشى سوينه اني وماما وزينب و يسولفون ويضحكون واني باليولا يمهم بس افكر بالصوره و الصار تعبت نمن التفكير وكولشي..

اريد تفسير للصوره مالتي البـ محفظته بس ماكوو.

ـــــــــــــــــــــــ

«مُهره»

جسمي كله يرجف و اني اصعد الدرج و الدموع تجري
و اني احس نفسي بعد خلصت روحي وما بيه حيل
اسمع اي كلمه..

فتت للغرفه نزعت حجابي شمرته بالگاع و
دخلت للحمام فتحت الدوش مي بااارد
عكس جسمي التطلع منه ناار
اختلطت دموعي الحاره ويه المي الينزل ..

اندگ باب الحمام..

ــ مُهره..

ــ هااا ياسر... هسه اجيت.

لفيت جسمي بالمنشفه لان نسيت اجيب ملابس ومديت راسي ما موجود بالغرفه رحت للباب اريد اقفله تقربت للباب وانفتح دخل ياسر باوع عليه اني جمدت بمكاني، دنگ وگال

ــ اسف...

طلع واني قفلت الباب و بقيت واگفه وره الباب وگلبي يدگ بسرعه وصارت رجفه بأديه..

رحت بدلت و عفت شعري مفتوح وبعده مبلل..

فتحت الباب..

ــ علي. موجود؟

ــ لا بعده جوه مدري طلع..

طلعت امشي وخطواتي ترجف مادري شصار بيه..
رفع عينه باوع عليه شعره و وجها مبلل..

ــ كم مره گنالچ بطلي هاي العاده ولمي شعرچ لو تجففينه بالشسوار...

ــ ما تگول الروحك منگع... تحمحم وعدل گعدته...

ــ اني شعري مو طويل نفسچ ويبلل ملابسي..

رحت جبت المنشفه ورجعت امسح بشعري وهو طبطب على المكان يمه وگال..

ــ تعالي هنا..

ترددت اروح مادري شبيه تلازمني الرجفه بقربه..

رحت گعدت سحب المنشفه مني و مد ايده تحت
شعري لامس رگبتي غمضت عيوني و ومال راسي
و هو اكيد حس بيه بقه يمسح بالمنشفه يمررها
على شعري من فوگ ليجوه..

ــ لا تبقين تفكرين بالموضوع هوواي...

ــ يا موضوع؟؟

من غبائي نسيت ابوه والحچي كله من اول ما دخل للغرفه وشافني..

ــ اقصد ابوي من حچه وياچ..

ــ هاا... لا مو مهم..

ــ اني ادري بيچ مقهوره بس تحاولين متبينين..

ــ اني ما احب ابين ضوجتي..

حط شعري على كتفي باوعت لگيته ظافره عدلت گعدتي..

ــ اذا گلك طلگني را....

ــ لا ما اقبل نفس اتفاقنه حتى لو طلب مني اطلگچ اني مو بكيفه...

عبالچ ابوي بس انتِ يهددچ ويضغط عليچ ترى بحتى اني وعلي گضينها وياه عرك

علي سافر وشرد من وراه و اني ردت اعيش الوحدي بـ بيت بس ماقبل وبقه يهدد بيه بنيت هنا علمود ما اشوفه بعد...

اندگ الباب واحنه نسولف

ــ مُهره اجه علي.. گمت لبست حجابي ورجعت گعدنه نسولف..

ـــــــــــــــــــــــ

«علي»

حسيت غصه صارت بصدري من سمعت ابوها گال بقيت على هدوئي وحتى الـ ياسر ما بينت من رجعنه للبيت بسرعه طلعت واتصلت عليها...

ــ روسلينا اريد اشوفج..

ــ علي اني هنا مو نفس امريكا ما اگدر اطلع شوكت ما أريد..

ــ اريد احچي وياچ..

ــ تفضل...

ــ تگدرين تحچيلي؟

ــ دقيقه راح اروح احچي ويه بابا اذا قبل اطلع اتصل عليك ونطلع لان الموضوع مينحچي بـ مكالمه..

ــ تمام انتظرچ..

مرت خمس دقايق و رجعت اتصلت..

ــ بابا قبل بس باجر لان الوقت تأخر..

ــ تمام..

ثاني يوم اول ما گعدت رحت البيتهم
وصلت الباب البيت واتصلت عليها طلعتلي ملامح الحزن البيها متنوصف احس لو ابقى طول عمري افسر بعيونها التحچي ما اگدر افهم الغموض المليانه بيه..

ــ السلام عليكم..

ــ وعليكم السلام...

التزمنه الصمت الحد ما وصلنه مقهى بشوارع الكراده گعدنه طلبت قهوه واني چاي..

ــ راح احچيلك كلشي وانت قرر اذا تريد تكمل البديته وياي او لا وتظن راح اضوج او ازعل لا عادي نبقه اصدقاء...

يتبع🦋

ـــــــــــــــــــــــ

حبايب لا تنسون التصويت والتعليق بين الفقرات..