رواية خيِّال ومُهرة الفصل الرابع عشر 14 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========

«لا تنسون التصويت آغاتاتي»

«اللهم صلِّ على محمد وآلِ محمد»

ايامنا ورق على وشك السقوط مع المطر...

« روسلينا ــ 2014»

بقى شهر كامل و هو لا طالع ولا شارب بس مجرد يروح للدوام ويرجع و حسيت الدنيا صارت وياي من بعد ما چانت ضدي...

وبيوم رجع من الدوام وابو استلمه صياح وضرب واني رحت الغرفتي حتى مينحرج مني وره شويه صار هدوء واجه مهند للغرفه و خشمه كله دم وقميصه مشگوگ..

بقيت واگفه و صافنه عليه وهو ولا حچه كلمه نزع قميصه ومسح بيه الدم البخشمه وشمره بالگاع و اخذ تيشيرت وطلع...

وهاي چانت نهاية حياتي الستقرت اقل من شهر...

مر اسبوع و هو للبيت مداخل اسئل ابوه وامه
يگولون شغل عنده ميرجع هسه..

مرت عشر ايام اني چنت بغرفتي اريد انام وما حسيت الا دخل وهو يروح منا ويجي من گمت من السرير و شفت الجنطه نفسها الجابها ذيج المره بـ أيده ورجف گلبي...

ــ ليش؟؟ مو وعدتني؟

ــ انعل ابوچ لابو الوعد خوش؟؟

ــ انعل ابوي اذا بقيت وياك.... اني قندره وصدگت راح ما تشرب بعد... اني.....

اجه خله ايده على حلگي ...

ــ اششششش... اسكتي.. اسكتي..

حط راسه على جبهتي واني اختنگت اريد بس ابعد ايده من حلگي... وخرها..

ــ لا تزمني بعد.... والله اخابر الشرطه واگللهم انته تجيب مخدرات للبيت.. والله لا اخاف منك ولا من اهلك..

نزع احزامه واني اباوع عليه اخر شي چنت متوقعته يضربني بيه...

ضربني الحد ما بعد مابقه بيه حيل ولا صوت يطلع ونشفت ادموعي..

من تعب شمر الحزام وتقرب يمي واني گاعده بزاوية الغرفه وخر شعري من وجهي و لزم فكي بقوه وحط حبايه بحلگي بقى حاط ايده على حلگي ما عافني الحد ما بلعتها..

ــ خلي نشوف منو يروح للشرطه... اذا ما اسويچ مثلي..
ضحك بصوت عالي...

واني حتى الوجع راح مني و حسيت الغرفه تفتر و گمت اضحك وبعد مااتذكر شسويت...

گعدت الصبح بعدني نايمه بنفس مكاني اريد اتحرك ما اگدر جسمي كله يوجعني و وجع راسي مينوصف
گمت واني اتعثر باوعت الروحي بالمرايه ومتت من البچي..

گعد مهند على صوت البچي وهو يصيح..

ــ اسكتي.... خرب يومج... من الصبح لطم..

ــ الله لا يوفقك يا حقير.... اكرهك....

گمت ادور على موبايلي اريد اخابر ابوي وهو يباوع عليه من شافني لگيته گام بسرعه واني شردت اريد اطلع من الغرفه ولزمني من شعري وسحلني وسحب الموبايل من اديه..

وضربني راجدي وگعت بالگاع قفل الباب وراح للجنطه طلع حبايه بلعها وجاب وحده واجه يمي...

ــ لا عليك الله.... مهند... لا.. لاااا

لزم فكي وحط واني ساده حلگي بقوه حتى ميگدر يدخل الحبايه ضغط على فكي حيل الحد ما مگدرت اقاوم الوجع وفتحت حلگي حط الحبايه و حط ايده على حلگي يخنگ بيه الحد. ما بلعتها وخر ايده...

واني بعد ما اگد اتحرك كولشي بيه تخدر حتى عقلي..

باوعت عليه تقرب عليه وباسني ونزل على رگبتي يطبع بوسات و يشمني حيل غمضت حسيت بروحي فقدت اريد ابعده ما اكدر اريد اقاوم ما اگدر..

فتحت عيني من شالني حطني على السرير لزم اطراف التيشيرت ونزعنياه..

وحاوطني الظلام...

گعدت لگيت نفسي الوحدي بالغرفه بقيت بمكاني بچيت الحد ما مليت و دخلت للحمام سبحت وطلعت اريد الباب مال الغرفه ينفتح ماكو مقفول...

دگيته حيل واني اصيح...

ــ فتحو الباب الله لا يوفقكم يا حقيرين.... فتحو البااااااب

تعبت من الدگ على الباب رحت للسرير ومدري شبيه هيچ بس اريد انام...

نمت وگعدت من حسيت بيه لزمني من فكي بقوه..
باوعت عليه مصدومه عاد نفس الحركه مال الحبايه لحد مابلعتها يلا عافني و اني دموعي تنزل...

ــ ليش؟؟

ــ حتى متعوفيني.

ــ شسويتلك حتى هيچ تسوي بيه؟؟

ــ ما سويتي... بس اني مدمن مخدرات و مدمن بيچ..
ما اگدر اعوفكم ثنينكم... فقررت اسويچ مدمنه وياي حتى بعد متگدرين تعوفيني...

بده مفعول الحبايه وگمت حتى ما اسمعه شيگول اباوع عليه نام بصفي وحط ايده على خدي..

وحاوطني الظلام...

ـــــــــــــــــــــــ
«الحاضر»

خفت من شفت كمية الاتصالات والرسائل من ابوي وامي رجعت اتصلت على بابا...

رد بصوت خلاني ارتعب...

ــ هسسسسه تحجزين ووو ترجعين للعررراااق

ــ ليش بابا شكو؟؟

ــ روسلينااااااا... بدون حچي..

ــ اي بابا راح احجز..

دخلت على التطبيق مال الحجز للعراق بعد
ثلاث ساعات حجزت و رحت لميت الغراض
مالتي بجنطه و بدلت وطلعت للمطار حتى
الحگ واني ميته خوف افكر بابا شصاير وياه
ليش هيچ يصيح ويريدني ارجع..

وصلت البغداد بعد تعب الطريق وساعات طويله..

لگيت بابا منتظرني اول ما طلعت من المطار سلم
عليه بدون حچي صعدت بالسياره وياه و رحنا
للبيت لگيت امي خايفه اول ما شتافتني ضمتني..

ــ شكو؟؟ شصاير؟

بابا: ارتاحي هسه وبعدين نحچي..

اخذت جنطتي ورحت الغرفتي ما عبالك محد گاعد بيها تلمع لمع..

حطيت الجنطه بالگاع ورحت للشباك واني صافنه بالفراغ واتذكر ذيچ الايام السوده الچنت بيها اتعذب..

اتذكر نفسي شگد چنت ضعيفه..

كلشي مريت بيه سواني اقوه ظاهرياً...

بس من داخلي بعدني ذيچ الطفله الزوجوها واحد مدمن...

چنت هنا اوگف وافكر شلون اقتل نفسي..
هنا اوگف واحس بنفسي مو اني نفسي..
ضعت..
ومحد لگاني..
الى ان قررت  اسافر واغير كلشي بيه..

صفنت متذكره علي حتى ما گتله اني رجعت
للعراق گعدت على السرير واتصلت بيه..
ثواني وفتح خط...

ــ صدگ تحچين؟؟ ما شفتي كم مره اتصلت عليچ؟

ــ لا.. اعتذر.. الموبايل مغلق هسه يلا فتحته..

ــ ليش مغلق؟

ــ چنت بالطياره... رجعت للعراق.

ــ ليش صاير شي.. شو صوتچ مدري شبيه؟

ــ مادري.. مختنگه.. اكره كلشي بهذا البيت..

فتح الباب بابا و اني نزلت الموبايل و ما سديته
الخط بابا تقرب يمي وگعد..

ــ منو هذا الولد؟

دار عليه الموبايل بيه صوره اني وعلي واحنه
نمشي بالشارع وصوره ثانيه جاي اصعد وياه
بالسياره.. باوعت على بابا بصدمه و گتله..

ــ تراقبني؟

ــ من شفته ذاك اليوم بالشقه ما ارتاحيت..

ــ شكراً بابا على ثقتك بيه..

ــ اني لو ما اثق بيچ ما ابقيچ وحدچ بدوله
لا تفرين الموضوع واحچي شنو هاي ليش طلعين وياه؟

ــ هو خطبني ويريد يحچي وياك..

ــ وليش ما يحچي وياي؟؟

ــ انتظرك تجي اليه ويحچي وياك..

ــ وين اكو هيچ يجي البيتي ويخطبج.. وانتِ موافقه؟

ــ اي...

ــ تحبينه؟

بالبدايه استحيت احچي وارد عليه بس تذكرة من گالي بعد شنو تقررين بحياتچ اذا صح اوگف وياچ مهما يصير..

ــ اي..

ــ تبقين هنا وهو يجي يطلب ايدچ مني

هزيت راسي وطلع بابا..

واني گمت بدلت و امي جابتلي عشا اكلت و رحت انام و شفت علي داز رساله كاتب..

ــ سمعت..

بقيت صافنه تذكرت من حچيت ويه بابا گبل غميت گصتي وقفلت الموبايل ما رديت عليه و رحت نمت...

ـــــــــــــــــــــــ

«مُهره»

ــ انتِ منو؟

ــ انتَ منو؟

ياسر: علي؟

و راح ضمه و يبوس بيه واني صافنه عليهم..

ياسر: تعال ادخل..

علي: مشتاقلك.

ــ ميت على شوفت وجهك اليرد روحي..

مُهره: ياسر..

ياسر: نسيت اعرفكم...

علي مدنگ ينزع الحذاء ويباوع على ياسر..

ــ علي هاي مرتي مُهره.. مُهره هذا علي اخووي الچبير..

بقيت صافنه ولا مره واحد ذكر عدهم اخ..

ــ شوكت تزوجت ولك؟؟
مو احچي وياك دائماً شو ما تگول؟؟

ياسر: صار كلشي بسرعه ماگدرت اسولفلك..

ــ اهلاً وسهلاً خوويه شلونج.. ابتسمت

ــ الحمدلله...

دخلو گعد على القنفات يسولفون واني رحت جبت گلاص مي وانطيته الـ علي..

ياسر: جوعان؟

ــ ميت من الجوع وعليك الله اريد تسويلي طماطه مالتك.... والله هناك اسوي ما تطلع نفس مالتك مدري ليش..

ضحك ياسر و گام يسوي وعلي دخل للحمام يغسل ويبدل واني رحت الـ ياسر..

ــ شنو عود صدگ هذا اخوك؟

ضحك وگال

ــ عبالچ اتشاقه شنو؟

ــ لا بس ولا مره واحد ذكره يمي استغربت..

ــ اي صح.. اني وعلي من ام وحده.. محد يذكره هواي لان هو مسافر وعايش بره..

ــ هاا..

ــ تعالي سوي چاي سويت الچاي وعلي گعد على كرسي يم ميز الطعام و يسولف ويه ياسر و مندمجين بالسوالف حسيت نفسي لازم انسحب واخليهم براحتهم.

رحت للغرفه بدلت ملابسي و نمت لان تعبانه و اني متعوده انام من وقت..

گعدت الصبح نفس يوميا رحت لعبت رياضه من خلصت باوعت على علي و ياسر فارشين بالگاع واحد بصف الثاني ونايمين ابتسمت وفهمت من فرحة ياسر شگد يحب اخوه ما واسعته الدنيا من الفرحه..

رحت سبحت ولبست شي طويل وحجاب طلعت
لگيت ياسر يسوي ريوگ وعلي يلم بالفراش

ــ صباح الخير..
ــ صباح النور..

ــ عوفه الفراش اني المه..

ــ لا ياابه.. فوگ ما البارحه ما خليت رجلچ ينام يمچ تلمين فراشنه..

ابتسمت وباوعت على ياسر..
ابتسمت من گال ياابه نفس ياسر بالضبط..

ــ لا عادي...

ياسر: يلا تعالو نتريگ..

رحت گعدت يمهم و ياسر مركز ويه كل حرف ينطقه علي.. يسولف على حياته و شنو يشتغل..

ــ شعجب رجعت؟

ــ اريد اخطب بنيه...

ــ ااااه..

ــ چا شنو تريد بس انته تتزوج و تتونس واني ابقه حال الضيم حالي..

ــ ياابه هسه اني شگلت اكلتني و شربتني على كيفك.
بس استغربت تخطب منا وانته عايش بـ أمريكا..

ــ هي عراقيه عايشه بـ أمريكا صارلها فتره..

ــ هاا..

ــ و وجعا شبيك؟ شو گلبت خلقتك..

ــ يااا شسويت؟

ــ چا اني شگول من اجيت وشفتك متزوج حصان ..

يااسر مات من الضحك واني بقيت صافنه هذا يحچي عليه..

ــ اسمي مُهره.. مو حصاان..

ــ هي المُهره حصان..

ــ اي بس اني نفس اسم الحصان مو حصان..

وهذا ياسر ميت من الضحك..

ضجت من عده اكلت وهما بقو يتشاقون ويضحكون شلت الماعين غسلتهن و گعدت بالغرفه شويه واجه ياسر للغرفه گال..

ــ طلع قبولچ بالجامعه..

چنت گاعده على السرير ولابسه ثوب  و فاتحه شعري اول ما گال گمت وگفت على السرير..

ــ اي شنو الاختصاص الطلعلي؟

ــ تمريض... گمت اقفز على الچربايه وتذكرت ديار..

ــ وديار؟

ــ نفس الشي..

ــ والله....
ــ ايي...

نزلت من السرير ردت انزع الثوب گدامه نسيت..

ــ اطلع بس ابدل اريد انزل الديار..

ــ لا هي تجي هسه راح اخابرها..

ــ خوش...

طلع واني بدلت وطلعت شفت ديار دخلت رحتلها واني الضحكه ماليه وجهي..

ــ طلعلنه نفس القسم..

ــ لا الله عليج؟؟ والله؟

ــ اي والله.. هاي عاطت وگامت اتطفر واجتي ضمتني.

علي: اخبال... اخبال..

ديار: شبيك علي؟ غير فرحانه.. اختك حتصير ممرضه..
اجه يمها ضمها رفعها من الكاع

ــ احلى اخت بالدنيا..

ــ اني همين ضموني وياكم..

ــ تعال يالزگه... تقرب يمهم وهما ميتين ضحك..

چانت اكو بداخلي فرحه تمنيت اهلي موجودين حتى اشاركة فرحتيو يفرحلي ويضمني مثل ديار واحد شاركها فرحتها بحب..

واني واكفه مبتسمه واباوع عليهم ديار گالت

ــ راح انزل اگول الراشد وماما وبابا..

علي رجع المكانه و ياسر تقرب يمي..

ــ مبروك مُهره..

ــ الله يبارك بيك..

علي: شنو هالـ أدب شو ما چنكم متزوجين خاب لو هاي روسلينا چان اخذتها وشردت..

ياسر: اني مو نفسك مفجوع..

ــ ادب سز اني اخوك الچبير لا تحچي وياي هيچ...

ــ هو انته اكبر مني بسنه ونص وخابصني اكبر منك..

ــ حتى لو يوم اكبر منك تحترمني...

مُهره: سطرتوني..

علي: روحي نامي حص... اقصد مُهره اذا دختي.

مُهره: مصختها ترى... وياسر بس يضحك
وانت عليمن تضحك؟

ياسر: علي كافي..

علي: يلا كافي اعتذر..

دخلت للغرفه ما طلعت الحد ما صاحلي ياسر على الغدا طالبينه من بره..

اول ما طلعت..

علي: عيب عليچ.. تطلبون اكل من بره واني مشتاق للاكل مال بيت..

ــ اني ما اعرف اطبخ..

ــ هاا.. خوش چا تطمنت على اخووي..

گعدت اكلنا وخلصنا غسلت الماعين ونظفت البيت وهما طلعو بقيت اباوع على التلفزيون مليت كلش..

گمت سويت قهوة وشربتها طالعه روحي من الملل..

تأخر الوقت يلا رجعو ياسر وعلي گعدو يسولفون واني اخذت موبايلي وطلعت بالسطح..

گعدت اباوع على النجوم والقمر كامل احب اتأمل السماء اذا ليل واذا نهار...

مرت نص ساعه و شفت ياسر طلع..

اني چنت گاعده بالگاع تقرب يمي وگعد..

ــ وين چنتو تأخرتو؟

ــ رحنه لأمي..

باوعت بعيونه كميت الحزن البيهن متنوصف وحمر..

طلع جگاره حطها بحلگه وشغلها و سحب منها نفس وبعدها.. زفر النفس..

اراقب بيه واتمنا اخذها من ايده واسحب نفس منها..

ــ بعد يومين ترحين ويانه نروح نخطب الـ علي؟

ــ مادري... بكيفك.

ــ ميريد ام راشد تجي ويانه راد بس انتِ وديار..

ــ بس اني و ديار؟

ــ واني و علي..

ــ برئيك اندبرها؟

ــ ان شاءالله..

گالها و سحب من الجكاره نفس واول ما بعدها بين اصابعه و اخذتها منه وخليتها بحگي وسحبت منها نفس و زفرته رجعتها مره ثانيه همين سحبت نفس وزفرته..

باوعت على ياسر صافن عليه عيونه على شفايفي.

مديت ايدي ارجعها اله وهو بغير عالم..

ــ تريدها لو اخلصها..

مسح على شعره بسرعه واخذها من ايدي و حطها بحلگه بعدها وگال..

ــ بعد لا تعيدينها..

ــ ما اضمنلك نفسي لا تشرب يمي احسن..

ــ گومي خلي ندخل...

دخل وگمت وراه دخلت علي نايم على القنفه بدون غطه شفت ياسر جابله غطه حطه على جسمه..

دخلت للغرفه نزعت الحجاب وفتحت شعري اكره المه..
دخل وراي ياسر استغربت لان ميدخل للغرفه بليل ابد..

ــ انام هنا اليوم.. لان ما اريد علي يعرف بـ زواجنه..

ــ تمام..

رحت للحمام لبست غير ثوب اضوج انام بنفس الملابس احب اغيرهم قبل لا انام..

رجعت للغرفه ياسر ماكو رحت لفراشي ونمت بسرعه لان الوقت متأخر واني اگعد من الصبح..

فزيت من النوم احس اكو شي مقيد حركتي فتحت عيوني و استوعبت اني بحضن ياسر راسي على صدره واديه محاوطتني ورجله مخليها فوگ رجلي بقيت صافنه بس متحركت الى ان رجعت غفيت..

مر يومين واحنه نحضر للروحه البيت خطيبة علي اخذونه للسوگ اشترينه ملابس وعلي اشترى همين وثاني يوم علي جاب باقة ورد وعلبه مالت كاكاو مبين على علي شگد مرتبك وبنفس الوقت فرحاان و كل شويه يظل يهوس هو و ياسر..

بدلنه وطلعنه بيتهم مو كلش بعيد عنا نزلنا
من السياره و اني وديار مستحيين شلون ندخل..

ديار: مُهره انتِ دخلي قبلي..
ــ ليش مو انتِ؟

ــ غير انتِ متزوجه و كذا يعني لازم تصيرين اقوه مني..

ــ بلا كلاواتج ديار..

فتحو الباب چان بيتهم كلش چبير وبيه ريحه كلش طيبه و مميزه ويلمع لمع من النظافه..

دخلنه للاستقبال بعد ما سلمنه على رجال مو چبير وجماله طاغي رغم الشيب البيه كلش حبيته و دخل گلبي...

گعدنه وابوها راح يجيب مي ورجع قدملنه شويه واجت زوجته لابس عبايه سلمنه عليها وگعدت نسولف سوه..

ياسر: عمو احنه اجينه بطلب منك نتمنى ما ترده..

ــ تفضل عمي اني بالخدمه..

ــ احنه اجينه نطلب ايد بنتك لاخوي الچبير..

ــ بالخدمه عمي على راسي احنه همين ننطي مجال للبنيه تفكر و نسأل عليكم والله كريم..

ــ ان شاءالله...

بهاي الأثناء دخلت بنيه تجنن بياضها وعيونها ملونه ولابسه فستان وشال بقينه اني وديار صافنين عليها من گد ما حلووه...

قدمت القهوة ورجعت بوستنه وگعدت بصفي...

بقينه نسولف كلنا سوه وانصدمنه صدمه من
گال ابوها بقينه واحد يباوع على الثاني...

ــ روسلينا من بعد زواجها السابق قررنا تسافر.......

يتبع🦋

ـــــــــــــــــــــــ

حبايبي لاتنسون التصويت والتعليق بين الفقرات..