رواية خيِّال ومُهرة الفصل الثالث عشر 13 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

لِيضحَك وَجهَكِ دائِماً كَي أرى أنَ للحَياة مَعنى غَيرَ الذي نَعيشهُ الآن .

ــــــــــــــــــــــ
«روسلينا »

فتحت عيوني والغرفه تفتر بيه و راسي موتني
اريد استوعب اني وين وشنو صاير وياي..

بقيت صافنه وتذكرت اخير شي مهند يهمس بـ أذاني كلام ما اتذكره...

گعدت بسرعه باوعت النفسي بلا ملابس ومهند يمي منطيني ظهره..

لفيت نفسي بالغطه ومتت من البچي اول مره بحياتي انخذل الهاي الدرجه..

گمت دخلت للحمام اسبح حطيت علبة الصابون السائل كلها على جسمي وافرك بيه واتذكر بلمساته وهذا من غير وجع راسي راح يموتني..

طلعت من الحمام لگيته گاعد و على راسه منشفه...

رفع راسه شافني وبسرعه گام تقرب عليه..

ــ أذيتچ؟؟

ضحكت بصوت عالي و سحبت ايدي منه و هو عيونه حمر ومدمعه..

ــ شربتني سم من عندك..

ــ لاااا... لاا...

ــ و اغتصبتني... و ضربتني...

ابتعد شمر المنشفه بالگاع و لزم راسه وضل يروح ويرجع..

خفت من حركاته چانت اكو عطور على الميز شمرهن
بالگاع وهو يغلط على نفسه و يسب ويكفر گعدت
بالگاع وحطيت اديه على اذاناتي..

اتقرب گعد يمي واني ميته من الخوف..

ــ اسف..

ــ ما اريد اشوفك روح...

ــ ما ردت اتقربلچ و الله ادري بنفسي اني مو بشر
ما استاهل وحده مثلچ...

ما تقربتلچ حتى يفوت كم شهر واطلگچ وتروحين
تعيشين حياتچ...

بس البارحه من اجيت وشفتچ
مبدله وگاعده طالعه تخبلين..

شربت حتى ما افكر بيچ...
بس... ما ادري بروحي هيچ سويت..

ــ ليش تشرب؟

ــ اني مدمن..

ــ طلگني..

ــ اني احبچ... بس التردينه اسويه مو مهم
مشاعري انتِ اهم شي..

ــ راح ابدل وديني لاهلي..

ــ التردينه اسويه...

گمت بدلت واتصلت على امي گلتلي جاي يرحون
للعمره گتلها اريد اجيكم گلتلي من نرجع تعالي
لان اليوم طيارتهم العصر والبيت محد بيه..

ــ ما اروح هسه.. لاهلي راح يرحون للعمره..

هز راسه موافق رحت شربت حبايه الوجع راسي راح ينفجر..

نزلت جوه سويت غدا ونظفت و هو يباوع عليه كل ما افوت من يمه و امه تتأمر عليه سوي هذا نظفي هذا..

خلصت اماعين الغدا وگبل صعدت للغرفه ونمت..

مر اسبوع هو ابد ميطلع و مرات حتى يشتغل وياي من يشوفني اتعب وامه وابوه يغلطون عليه وهو ميهتم الهم ابد...

مرات انقهر عليه واگول اكيد صار شي وياه خلاه يشرب.
وارجع اكول ماكو واحد عنده سبب يأذي نفسه الهلدرجه..

وبيوم خلصت تنظيف دخلت سبحت وطلعت من الحمام لابسه ثوب قصير ولافه شعري بالمنشفه نظفت الغرفه و اني امشط بشعري دخل مهند..

وگف وراي ويباوع عليه بالمرايه ..

من اول ما شفته عرفته شارب عيونه حمر ويباوع عليه بنظرات اقرف من نفسي..

تقرب عليه حاوط خصري بايده ويشم برگبتي و بشعري..

بقيت جامده بمكاني وگلبي يدگ بسرعه دارني عليه..

ــ لا تسوي شي مهن....

قاطعني حط ايده على حلگي ونزلها طبع بوسه على
شفتي و عافني و راح نام على السرير واني جسمي
كله يرجف طفيت الضوه وگعدت بالگاع متت من
البچي الى ان غفيت بالگاع بدون فراش...

حسيت بنفسي نرفعت من الگاع عرفته هو شالني تظاهرت اني نايمه حطني على السرير و خر شعري من وجهي و بقت ايده تتلمس بملامح وجهي..

الى ان وصل الشفتي حط ايده على حلگي وحسيت انفاسه على وجهي باس ايده الـ على حلگي وعافني و راح..

احساسي من يتقرب مني كلش غريب اول مره احس بهذا الشي گلبي و رجفتي و وضعي كله مو نفسي انا..

مر شهر واحس بيه يحاول يبتعد عني وبس من يطلع يجي شارب مرات اتمنا ميطلع..

من يجي يحاول ميلمسني ومرات اسوي روحي نايمه وهو يجي يضمني و يكرر نفس الحركه يخلي ايده على حلگي ويبوس ايده..

رجعو اهلي من العمره و حتى ما گتله اريد اروح وهو همين مغلس..

و بيوم راح امه وابوه الكربلاء وهو بالبيت بقى ما طلع

ــ نطلع نتعشى بمطعم؟؟

ــ مادري بكيفك..

ــ يلا بدلي خلي نروح..

رحت بدلت واني فرحانه وادعي رب العالمين يهديه ويبعده عن هذا السم اليشرب بيه...

طلعنه بسيارته مشغل اغنيه ويغني وياها..

لا تسولف علينه من يسألون
عيون الناس لا تحسد عشگنا

واذا طلعت شمس
فوت انت للبيت

لان شمسين معناها احترگنا

من احضنك احضن الدنيا بـ اديه
حبيبي وغاليه عيونك عليه

بسرعا الوگت صاير يخلص ويااك
هوى انت واذا رحت اختنگنه..

اني مركزه بكلمات الاغنيه و صوت المطرب
يخبل اول مره اسمعها..

رحنه تعشينا بالمطعم ورجعنه للبيت واني احس اول مره الدنيا تضحكلي من تزوجنه الهسه و اني حياتي تدمرت...

دخلت للغرفه بدلت وطلعت لگيته يباوع على التلفزيون گعدت شويه باوعت بعدين حسيت نعست رحت للغرف اول ما دخلت دخل وراي گعدت على طرف السرير واني احط الأديه مرطب وامسح بيهن اجه قرفص گدامي ولزم ايديه اثنينهن وگالي..

ــ اني راح اتعالج.. ما اريد اشرب بعد..

هزيت راسي بـ أي

ــ ماتردين تعرفين ليش؟؟

ــ ليش؟؟

ــ من قبل لا نتزوج ماعندي شي اهتمله اذا شربت راح يتأذه.. وما عندي احد احبه..

ــ وامك وابوك؟؟ ابتسم وگال...

ــ منو دمرني غيرهم. اني احبچ اكثر من روحي گمت اشوفچ بكل شي اسويه من تصرفاتي و اجبر نفسي ما اطلع حتى ما اشرب بس الأدمان مو بسهوله يروح..

حط ايده على خدي و گال بصوت ذايب..

ــ اني اريدچ روسلينا، اريد اعيش وياچ مثل اي زوج و زوجته ما اريد اي شي يبعدني عنچ..

تقرب عليه وباسني..

اول مره ما امنعه اول مره احس بنفسي اريده يمي..
و هو خلاني اروح الغير عالم وياه و بكل ثانيه تمر علينه وهو يهمس شكد هو يحبني...

ما چنت ادري شراح يصير وشلون اتندم على كل لحظه سلمته نفسي...

ـــــــــــــــــــــــ

«روسلينا ــ الحاضر»

اليوم عطله گعدت متأخر نظفت البيت و نويت ابقى بالبيت اباوع تلفزيون واقضي وقت ويه نفسي وارتاح لان الاسبوع الفات كولش تعبت...

اتصلت على امي وابوي حچيت وياهم من سديته شفت علي دازلي رسائل..

ــ اني جوه تعالي.. رديت

ــ شسوي اجي ؟

ــ تعالي منتظرچ...

گمت بسرعه لبست هودي واني لابسه بجامه ولبست شال وحطيت حمره وعطر وطلعتله..

صعدت بالسياره وگتله..

ــ شكوو؟؟

ــ وعليكم السلام..

ــ حتى السلام نسيته من وراك...

ــ ههههه.. راح اخذج المكان احبه...

ــ حتى ما مبدله علي..

ــ احب هاي الملابس اكثر من البقيه.

ــ حتى اني احبهن.. بس وين راح نروح..

ــ غير گتلج مفاجأة...

ــ شيصبرني...

ــ هههههه.. شويه و نوصل..

هزيت راسي موافقه... صح شويه و وصلنه..

المكان قديم ومتروك فندق قديم ومكتوب عليه سنة 1947 وشكله يجنن شگد احب هاي السوالف..

التفتت عليه وگتله..

ــ شنسوي هنا؟؟

ــ ماعندچ ذرة صبر..

ــ شنيه احچي علمود افتهم..

مشه ومشيت وراه صعدنه درج طويل اخير بايات وصلنا الباب فتحه وگال..

ــ غمضي عيونچ...
ــ شلون امشي؟؟
ــ اني امشيچ..

غمضت ومشيت وياه حسيت بالضوه مالت الشمس

ــ اوگفي هناا.. 

ــ فتحي عيونچ...

فتحت وبقيت مذهوله بجمال المكان..

سطح عالي وكلش چبير وبدون سياج والشمس جاي تغيب الجو يجنن..

باوعت عليه وابتسمت.

ــ يجنن...

ــ هذا مكاني الخاص اول مره واحد يشاركني بيه..

گعدت بالگاع وبقيت اباوع و هو گعد مسافه صغير بيناتنه..

ــ تحبين المرجوحه؟؟

ــ اي... احبها احس بنفسي طايره...
تعرف احب اي شي يطير و مرات اتخيل نفسي فراشه او حمامه واطير واحلق و اشوف كلشي من بعيد ما اتقرب للناس..

ــ تدرين اول ما شفتچ گلت انته تشبهين الفراشات ما اعرف شلون...

ــ ههههه... اول مره تگولي..

گام وگف ومدلي ايده وهو يگول..

ــ تعالي...

ــ وين؟؟

ــ من تشوفينها تعرفين..

ــ عود ليش ما تگول؟؟

مديت ايدي اله وهو سحبني گمت انفض بـ ملابسي.

ــ الاشياء من تشوفينها مو نفس واحد يحچيلچ عنها..

ــ منو احلى؟؟

ــ اذا شخص تحبينه وشرحها الچ راح تتخيلينها احلى من الواقع.. واذا شخص عادي تحسين بيها عاديه..

ــ يمكن..

مشينا شويه وچان اكو درج اربع بايات..

من صعدت شفت مرجوحه مشدوده بحبل ..

باوعت عليه وضحكت وركضت الها گعدت وهو يمشي وراي بثبات ومبتسم تقرب وراي وگف و دفع المرجوحه على كيف..

ــ علي.. ادفعني قووي..

ــ خاف توگعين؟

ــ لا ما اوگع ادفعني.

دفعني حيل واني اضحك بصوت عالي صدگ حسيت نفسي جاي اطير نزلت راس ليوره ورفعت رجليه و غمضت عيوني والهوى يضرب وجهي والأبتسامه ماليه روحي...

ــ گعدي روسلينا راح توگعين لزم المرجوحه واني گعدت عدل وهو يدفعني على كيف..

بقينه نباوع على غروب الشمس و بده الجو يبرد اكثر..

ــ روسلينا..

ــ اممم

ــ اني ما أگدر اشوفچ گبالي دائماً و ما أكدر الزمج و ما اگدر احضنج... خلي نتزوج...

اول ما گال نسيت نفسي بالمرجوحه وعفت الحبل والتفت عليه و وگعت على ركبي وايديه تزلغت بالگاع هو اجه يركض..

ــ كل من وراك...

ــ اسف ياابه مادري بيچ تتخربط احوالج من اگلچ خلي نتزوج..

رفعت راسي باوعت عليه حابس الضحكه اول ما شفته هيج ضحكت و هو همين ضحك بصوت عالي..

ــ بلا خلي اشوف ايدچ..

مديتله ايدي لزمها يباوع بيها وقربها و طبع بوسه براحت ايدي واني گلبي رجف واني اراقب حركاته..

سحبت ايدي من عنده و گتله..

ــ نرجع..
ــ يلا..

رجعت للبيت واني الفرحه غامره گلبي و اريد ابقى وياه يمكن الانسان الوحيد الخلاني انسه العشته..

هو علي..

ـــــــــــــــــــــــ

«مهُره»

فتحت عيوني اكو ضوه خفيف انتبهت ايدين تحاوطني وحده نايمه عليها والثانيه فوگ اديه وحسيت بجسمه يلامس ظهري ..

بعدت ايده وگمت و الجو باارد..

اول ما گمت سمعت صوته فززني..

ــ وين رايحه؟

ــ اشوف الشروق...

ــ اممم..

ــ لييش شابگني؟؟ گعد و بالگوه فاتح عينه..

ــ انتِ گلتيلي باردانه دفيني و من ضميتچ گلتيلي هسه يلا دفيت..

ــ شوكت؟؟ والله ولا حاچيه نمت واني ما محاچيتك..

ــ انتِ گلتيلي ... قابل شنو اني اريد احضنچ...

طلعت واني احچي ويه روحي..

ــ والله جذاب شوكت گتله... شنو اني زوج يريد يضحك عليه..

ركضت المكان النخله وگعدت اسولف كلشي بگلبي ودموعي تجري كلش تعبانه والدنيا ظلمت بعيوني بعد الصار البارحه بس ياسر هوواي غير من نفسيتي من جابني هناا...

شرقت الشمس وبدت اصوات العصافير تعله اكثر مسحت دموعي واني اباوع للأشجار بصفي ولمحت ياسر يمشي اتقرب عليه و عيونه حمر مبين ما نايم..

گعد بالگاع وتمدد وحط راسه على رجليه..

ــ ما نمت اليل كله..

ــ ليش؟؟

ــ من وراچ..

ــ شعليه اني؟

ــ غير اليل كله ترجفين..

ــ شنو شوكت؟؟ ليش ما اتذكر؟

ــ لان نعلتي عشيرتي ما تذكرين...

ــ شنو شبيك ليش تحچي هيچ؟

ــ لا هيچ سلامتچ...

مديت ايدي ومررت اصابعي بشعره و هو نظراته مو نفس قبل متغيره حسيت بيه يباوع على حلگي.. وخرت راسه من عندي بسرعه..

ــ شبيج ؟

ــ اني همين اريد انام..

تمددت وخليت ايدي جوه راسي والتشيرت مالته قصير لميت رجليه البطني و غطيتهن بالتشيرت..

غفيت وحسيت بيه من حط شي على جسمي و وخر خصلات شعري النازله على وجهي..

فتحت عيوني بتثاقل ورجعت غمضت چان گاعد قريب على راسي رفعت راسي وحطيته على رجله..

ــ مو تگليلي اني شلت راسج من تگعدين..

ضحكت وگتله

ــ لا گاعده.. بس بالبيت ما اتذكر..

ــ يلا مُهره خلي نرجع للبيت..

حسيت گللبي نعصر وصار الم بطني..

ــ ما اريد ارجع اريد ابقى هنا عوفني وارجع وحدك..

ــ لا مهُره شنو متفقين احنه؟

ــ والله البيت يخنگني..

ــ هسه تبدي الجامعه وتلتهين وكل فتره اجيبچ هنا..

هزيت راسي و رحت للبيت رجعت لبست ملابسي وانتظرته شويه واجه ورجعنه للبيت حسيت الطريق كله دموعي متجمعه اريد ابچي..

ــ مُهره...

ــ هاا..

ــ تردين تحچين؟

ــ ياسر هذا اسلوبك يخليني احچي حتى لو چنت ما عندي شي..

ضحك بصووت عالي واني باوعت عليه مصدومه يعني يعرف يضحك..

لابس مناظر نزعهن وحچه..

ــ والله احسچ مختنگه..

ــ اي.. ما اريد ارجع واشوف عمو..

ــ لا تشوفينهم روحي فوگ بسرعه..

ــ والله حبيتهم صدگ هو و زوجته... بس صدمني..

ــ لا تنصدمين كلشي توقعي من الناس..

ــ وامك؟

ــ هاي مو امي.

ــ شنو مو امك؟

ــ مرت ابوي..

ــ حسيت بيك متحبها.. تتذكر من صحت عليه ثاني يوم العرس؟

ــ امم..

ــ شنو رادت؟؟

ــ تريد تشوف الدم.

ــ يا دم؟

همس استغفر الله و مسح وجها

ــ يعني تريد تشوف انتِ عذراء لو لا..

بقيت صافنه شلون اني چنت هيج عميه ولا يوم شفت حقيقتهم..

ــ سولفتلچ علمود ذول الثنين متنطيهم وجه ابد ولا تحچين وياهم كلشي يصير گليلي واني احل الموضوع..

هزيت راسي موافقه وبعدني مصدومه...

دخلنا للبيت وابو علي اول ما شافه گام يصيح ويغلط وياسر ولا مهتم حاوط كتافي بـ أيد ومشينه للدرج صعدنه فوگ..

نزل ايده من كتفي و لاول مره ابچي گدامه طاحت دموعي بدون ما احس دخلنه للبيت وسد الباب وباوع عليه وتقدم عليه وضمني الصدره..

ــ ابچي وطلعي حزنچ كله.. بس ديري بالچ تبچين يمهم او تضعفين...

ابتعدت عنه مسحت عيوني واني اسئله.

ــ امك وين؟؟ ليش منروح يمها نعيش؟

ــ ماتت.. حچاها بغصه و عيونه مدمعه..

ــ شلون ماتت؟

راح گعد عبالك رجليه ميحملنه بعد..

ــ حرگة روحها..

باوعت لعيونه حمره متت من القهر عليه حسيت بيه شگد ضام بگلبه اشياء ميگدر يحچيها وهذا الحزن البعيونه كله بسبب امه..

رحت گعدت يمه وگتله

ــ احنه نتشابه.. اني همين اهلي احترگو..

ــ ياسر... باوع عليه..

باوع عليه وعيونه حمره..

ــ انتِ تشبهينها.. حط ايده على خدي و ابهام يمسح على خدي..

نفس عيونها الكبار ورموشها وبشرتها..
كل ما اشوفچ ينعصر گلبي واختنگ شلون
هذا الشبه بيناتچن مادري..

مديت ايدي على خده مسحت دمعته وگتله..

ــ تعال نام على رجلي..

ابتسم وگال..

ــ مو بعدين تگليلي ما گتلك نام على رجلي..

ضحكت وگتله ما اگول..

حط راسه على رجلي عبالك هم الدنيا كله على گلبه..

مسحت على شعره وهو مغمض.

ــ كل ما تريد تحچي شي اني استمعلك بكل وقت..

ــ اول مره احچي الواحد...

غفه على رجلي واني افكر بأمه شلون گدرت
تحرگ نفسها و تعوف ابنها شگد چانت تعبانه ..
حسيت عندي فضول اعرف قصتها..

قاطع تفكيري صوت دگه خفيفه على الباب...

سحبت رجلي وحطيت مخده و فتحت الباب و شفت ولد غريب ما اعرفه بيه شبه من ياسر هوواي..

ــ انتِ منو؟؟

ــ انت منو؟؟

واجه صوت ياسر من وراي...

ــ علي...

يتبع🦋

ـــــــــــــــــــــــ

حبايبي لاتنسون التصويت والتعليق بين الفقرات ..