رواية خيِّال ومُهرة الفصل السابع والثلاثون 37 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ
تكتم ما في قلبك لعدة سنين و
عندما تنفجر تصبح أنت الوغد الوحيد !

♡ـــــــــــــــــــــــ ♡

«سجى»

بعد التخرج اكثر من سنه اخيراً طلع تعيني بشركة النفط طبعي بكل شي انخبص قبل الدوام بيوم اخذني مالك اني وديار للمول اشتريت ملابس وغراض محتاجتهم ورجعت للبيت اني غرفتي وحدي فوگ وزينب غرفتها جوه..

صعدت غراضي وبديت ارتب بيهم بالكنتور ما احب اشوف شي مو بمكانه كملت و حضرت ملابس الاداوم بيهم باچر ورحت نظفت وجهي من المكياج وفرشت اسناني ونمت..

گعدت على صوت المنبه الساعه6 الصبح رحت سويتلي ريوگ اكلت وبدلت...

احب كلشي بحياتي يكون نظامي وبوقت مرتب ما احب الفوضى..

اخذت سويچ السياره الشترتليها ماما قبل شهرين رحت للمكان الاشتغل بيه ودخلت للمدير كملنه اجرائات ورحت للغرفه البيها مكتبي وشغلي واول مادخلت..

ــ السلام عليكم..

الكل: وعليكم السلام..

ــ انتِ الموظفه الجديده..

ــ اي نعم... رحت للمكتب مالتي طلعت كلينس مبلل من الجنطه ومسحته ومسحت الكرسي و گفت انتظرهم ينشفون رفعت راسي اباوع الكل يباوع عليه..

درت وجهي للمكتب اليمي واشوف رضا ابن خالت ياسر گاعد يكتب بالحاسبه الگدامه اني غلست سويت نفسي ما اعرفه...

چان اول يوم شويه صعب لان ما متعودهكلش على الوضع انتهى الدوام ورجعت للبيت تعديت ورحت نمت...

مر اسبوع كامل واني اروح وارجع وطلعت السالفه كلش متعبه و ابد ما حچيت ويه رضا وهو همين عكس الولد الموجودين كلهم حاولو يتقربون مني وصديتهم و كم مره اخلص كتابه من الابتوب ارفع راسي اشوف كم واحد يباوع عليه بس ولا مره لمحت رضا مسوي هيچ..

وبيوم رجعت من الدوام تغديت ونمت من گعدت مالك گال تجين ويانه نوصل ديار البيت ياسر ونبقى نتعشا يمهم ونرجع واني وافقت لان صار هواي محاچيه ويا ياسر مشتاقتله..

رحت بدلت على السريع ورحت ويه ديار لگيت زينب همين جايه...

زينب: شعجب اجيتي؟

ــ ليش شنو تردين؟

ــ ما اريد بس مو من ضمن جدولچ..

ــ معليچ زينب لا تدخلين بيه..

ــ اوووي عيني اسفين ادخلنه بحضرتچ..

ــ غثه...

ــ ماكو غيرچ غثه...

ديار: اليوم الدوام بالگوه خلص لعبة نفسي من الجامعه شوكت نتخرج ونخلص...

مالك: بعدچ مرحله ثانيه ياگلبي بعدلج ثلاث سنوات..

زينب: والله صدگ لعبان نفس..

ديار: نوب شايفه شلون صعب حتى ما جاي يدخل بعقلي شي من گد المحاضرات...

مالك: تحملي حبيبي حتى تصيرين احلى طبيبه..

ديار: ان شاءالله هو شنو المصبرني غيرك...

خلصو الطريق كله يتغازلون واني ما طايقه روحي ما احب هاي السوالف واحد يسويها يمي..

وصلنه اني چنت لابسه فستان طوله 90 ابيض وبيه ورد اصفر ناعم وفاتحه شعري ولابسه جنطه صغيره وحذاء كعب بيضه..

اول ما دخلنه احب بيتهم الخضار الموجود داير مداير البيت وهو البيت نفسه احس بيه طاقه ايجابيه..

دگ الباب مالك و زينب وديار يسولفن ويضحكن واني اتصرف عبالك مو وياهن لان تصرفاتهن مال زعاطيط..

فتح الباب ودخل مالك والبنات واني اخير وحده دخلت وشفته رضا واگف يم الباب الظاهر هو الفاتحه رفع راسه باوع عليه وبسرعه دنگ..

ــ السلام عليكم

ــ وعليكم السلام..

فتت وگعدت انزع بالحذاء من خلصت لگيت نفسي ساده الطريق وهو واگف داير وچه ومنتظرني اخلص دخلت مشيت سريع سلمت على مُهره شويه ودخل ياسر سلمت عليه وگعدو كلهم واني عيوني على ياسر شگد تغير من حب مُهره قبل من اباوع بعيونه الگه حزن الدنيه كلها متجمعه بيهن..

بس هسه عيونه تلمع من الفرحه ومن تحچي مُهره يبقى يباوع عليها ومبتسم..

علاقتي ويه ياسر كلش قويه واقرب شخص الي بس عمري ما فكرة بالحب وهاي السوالف لان ثنينه نعتبر نفسنه مثل الاخوان..

بس اول ما تزوج مُهره غرت منها كلش بس بعدين من گام يسولفلي عليها وشگد متعلق بيها تغيرت نظرتي عنهم..

كامن البنات للمطبخ يحضرون العشا واني بقيت گاعده..

رضا: شعجب ما اجه علي..

ياسر: ملتهي بمرته حامل كولش تعبانه بين يوم ويوم تروح للمستشفى يصير عدها هبوط..

ام رضا: يااا يمه خطيه سوده عليه..

ياسر: ايم الله عليچ..
اكلچ خاله افنان وين؟

ام رضا: ما قبلت تجي تگول عندي دراسه..

ياسر: ها خطيه...
شلونچ سجى؟

چنت مدنگه راسي واللعب باظفري من حچه ياسر رفعت راسي وابتسمت..

ــ الحمدلله...
انت شلونك؟

ــ الحمدلله..

ام رضا: فدووه للابتسامه هاي دوم ابتسمي تلوگلچ...

ابتسمت وخجلت من حچيها..

ياسر: هاي سجى الورد خاله انتِ تشوفيها من بعيد تحكمين عليها شكل ومن تتقربيلها تحكمين عليها شكل..

ام رضا: الله يحفظها ان شاءالله...

سجى: شكراً خاله..

ام رضا: گومي ويه البنات خاف ماترتاحين ويانه..

گمت رحت وياهم للمطبخ البنات يسولفون ويضحكون..

ــ مُهره عادي اطلع بره اتمشى

ــ اي عادي..

رحت للصاله اخذت موبايلي وطلعت بره الجو حلو وريحة الزرع تخبل احب هاي الأجواء چان القمر كامل گعدت على كرسي جان موجود طبله صورت كم صوره للقمر وحطيت الموبايل على الطبله وگمت وگفت حتى اصور نفسي متعوده هيچ اصور لان ما اگول الواحد يصورني..

گعدت باوعت الصور وقفلت الموبايل ورفعت رجليه ضميتهم الصدري وبقيت اباوع للقمر..

ــ صبو عشا يصيحوچ..

ــ اجه يوگف گلبي هو هيچ..

رضا: شمدريني بيچ صافنه...

گمت جاي ادخل وسمعت صوته التفتت عليه..

ــ موبايلچ..

ــ شكراً..

دخلت جوه صدگ لگيتهم فارشين السفره وگاعدين گعدت يم مالك من الجها الثانيه واكلت قليل وگمت تأخر الوقت كلش يلا رجعنه للبيت بس همزين ثاني يوم عطله...

ـــــــــــــــــــــــ

«افنان»

رحت للجامعه اول ما دخلت اجت ابنيه ويانه بالقسم گالتلي..

ــ العميد يريدچ بالمكتب...

ــ يريدني؟

ــ ايي... غير انتِ افنان؟

ــ ايي..

ــ اي روحي...

رحت واني گلبي ناغزني حسيت راح يصير شي اول ما وصلت گلت بسم الله ودگيت الباب..

ــ تفضل..

فتحت الباب ودخلت وتفاجئت من شفت دكتور احمد گاعد ومحد بالغرفه غيره...

ــ تعالي افنان...

دخلت واني الرجفه لزمتني واحس گلبي يدگ بسرعه..

گعدت وگتله..

ــ نعم استاذ..

ــ اريد اعرف ليش رفضتي؟

انصدمت من سؤاله واحترايت شگول دنگت راسي اباوع لاديه الترجف..

ــ اسمعچ..

ــ يعني شگول؟

ــ يعني گولي سبب الرفض..

ــ ليش اگلك استاذ ما وافقت وهاهيه...

ــ ها هيچ؟

ــ اعتذر استاذ بس اني ما اگدر اتزوج هسه..

ــ ليش؟

ــ احس نفسي مو جاهزه...

ــ تمام..

گمت طلعت بره والدموع تنزل على خدي وما اعرف ليش ابچي بس صدگ مقهوره..

اول مره بحياتي يصير وياي هيچ گعدت على الكراسي مسحت وجهي وبقيت گاعده شويه ورحت للمحاضره لگيته هو..

دگيت الباب وگتله..

ــ اعتذر استاذ على التأخير..

ــ اعتذارچ ما مقبول..

ــ يعني شنو؟

ــ يعني متدخلين..

باوعت بعيونه وگلتله..

ــ تمام

عفته و طلعت عباله راح اضوج گعدت بره عباله
وصدگ ضجت بس ما بينتله بقيت افتر واصور
مليت يلا طلعن البنات سولفلي انو شرح الماده باجر امتحان..

رجعت للبيت وگعدت اقره وكلشي ما مفتهمه منه لان مادخلت للشرح بس مستحيل استسلم واخذ اعلى درجه مرت يومين واني ما اتحرك الى ان الاحد داومت واول محاضره امتحان...

چانت الأسئله كلش صعب بس مو عليه لان درخت الماده درخ خلصت اول وحده وانطيته ورقتي وطلعت...

عباله يگدرلي ههه ميدري بيه احب هاي السوالف...

گعدت بالنادي طلبت قهوة وطلعت الملزمه اقره لان ماقريه شي غير للامتحان..

ــ منو شرحلچ الماده؟

رفعت راسي شفته واگف..

ــ محد اني درست وحدي...

گعد على الكرسي الگدامي والطلاب كلهم يباوعون علينه...

ــ شلون بيج كل ما اريد اخسرچ
اطلع اني الخسران..

ــ استاذ ممكن تروح لان الطلاب كلهم يباوعون علينه..

ــ عبالچ راح استسلم من رفضتي..
راح يصير عندي اصرار بالزايد..

يتبع🦋.....

ـــــــــــــــــــــــ

لا تنسون التصويت والتعليق بين الفقرات