رواية خيِّال ومُهرة الفصل التاسع عشر 19 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ

‏من وجد شمسهُ التي بداخله لن يبحث
عن أي نورٍ في الخارج .

♡ـــــــــــــــــــــــ ♡

«مُهره»

نزلنا جوه واني بعدني بالصدمه والف فكره مرت على بالي..

ــ معقوله اهلي نقتلو؟

ــ ما تتذكرين شنو موجود بصناديگ ابوچ؟

ــ لا ميقبل نفتحهن ابد..
اتذكر مره اني چان عمري 10 سنوات تقريباً وامي چانت تنظف بالسطح واني ردت افتح واحد من صناديگ بابا صار عصبي وگلي ديري بالچ تفتحينها..

ــ هاا.. لا تبقين تفكرين اني احل الموضوع..

حسيت بروحي ما اكدر اتنفس عبالك ماكو اوكسجين
والدنيا تفتر بيه اريد اثبت وگفتي ما اگدر صحت..

ــ ياااسر....

گعدت بالگاع منهاره حسيت التعب مال الفتره
المرت كله طلع..

گلبي يوجعني وما اكدر اسحب نفس..

ــ شبيچ مُهره

ــ اختنگت

شالني ياسر وطلعني بره و جاب بطل مي و غسل وجهي شويه اتنفست..

ــ شربي..

ــ ما اريد..

ــ كولي يا الله مُهره هاي انتِ القويه.

ــ حتى القوي يجي وقت يضعف بيه..
اني تعبت كلشي مريت بيه مو سهل..
كل المريت بيه اكبر مني..

گعد بصفي و لم شعري المنثور عل اكتافي ورجعه ليوره..

ــ اني يمچ وكلشي تمرين بيه مستحيل اعوفج وحدچ..

ــ انت اكثر واحد اثق بيه..
صرت سندي بوقت اني ماعندي سند..

ــ اسندچ بگلبي اذا چان الچتف مخلوع .

باوعت بعيونه الما شالهن من عيوني..

ــ شكراً على كل شي...

ــ بالخدمه..

بقينه گاعدين شويه بعدين گال ياسر..

ــ شلون صرتي؟؟

ــ احسن

ـ يلا تعالي ندخل انام نعست ..

دخلنه جوه اني رحت للحمام بدلت وغسلت
وجهي و طلعت لگيت ياسر فارشلنه بالگاع
اني يم الحايط وهو بنص الصاله..

تمددت بفراشي وهو شال الغطه وغطاني بيه .

غطيت راسي وهو طفه الضوه وراح بمكانه يباوع بالموبايل..

بقيت افتر بـ الفراش ودموعي تنزل بدون توقف
وكل ما اغمض عيني اتخيل البيت يحترگ...

مرت ساعه واني على نفس الوضع..

تذكرت لمن اجيت ولگيت التابوت بالگاع والبيت محترگ
تذكرت ابو علي من گالي بيعيلي المزرعه
وضربني كف عمري ما راح انساه
تذكرت اليوم التزوجت بيه ياسر..
تذكرت الغرفه الفوگ الفارغه...
اهلي مقتولين..
ما ماتو بحادث كله الصار چان لعبه...

مرت كل الايام من ماتو اهلي الهسه بذاكرتي..

شهگت بصوت عالي بعد ما اتحمل كتمت بچيتي هوواي..
بعدت الغطه و گعدت ابچي بصوت عالي احس اكو شي گاعد على گلبي مثل الهم الما يقبل يروح..

گعد ياسر تقرب يمي ..

ــ شبيج ياابه شكوو؟؟

من شهگتي ما اگدر حتى احچي وياه..
ضمني الصدره ويمسح على راسي بكفه..

بقيت بحضن ياسر ما وگفت دموعي

بعدين حسيت بنفسي تعبت يمكن نشفت دموعي من گد البچي، بعد وجهي بثنين اديه لزمني وگال..

ــ يلا گومي نغسل..

گام ومدلي ايده لزمتها وگمت مشاني للحمام واني طاقه ماعندي اتحرك ولا احچي..

وگفني گدام المغسله باوعت على نفسي عيوني البياض كله صاير احمر وشعري مفتوح وصاير على اكتافي وخصله على وجهي..

فتح المي ياسر بلل ايده وبـ أيده الثانيه بعد شعري من وجهي..

بقه يمسح بهدوء على عيوني بعدين بلل ايده من جديد ومسح وجهي كوله..

ايده حنينه و احس گلبي يرجف من لمساته مرر ايده على شفايفي وحنكي..

ــ اول مره احس بالتعب..
من شفت عيونچ بهذا الوضع..
خربطتي حالي مُهره..

اباوع عليه بالمرايه وهو همين عيونه بعيوني.. لزم ايدي وطلعني من الحمام وداني بـ فراشي بقيت گاعده ما تمددت هو راح لفراشه..

ــ ياسر تعال يمي نام..

ــ ليش بيچ شي؟

ــ اريد تحضني حتى انام..

صوتي شبه مختفي و كلش مستحيه بس صدگ محتاجته يكون قريب مني واذا ابقه وحدي ارجع نفس قبل شويه..

ــ تمام...

قرب فراشه يمي ونام عليه شابك ايديه وحطهن فوگ بطنه ويباوع عليه وگال..

ــ يلا نامي..

تقربت يمه مديت ايده و حطيت راسي على ايده وحطيت ايد على صدره وگلت..

ــ باچر تنسى كلشي، لان حالياً اني ما جاي اگدر انام واريد تحضني علمود انام...

ــ بس اني ما اريد انسى..

ــ مو بكيفك..

ــ ههههههههه.. خوش يلا..

دار جسمه عليه و ضمني وگال..

ــ چا خلي اخذ راحتي اذا باچر تنسين..

غمضت اعيوني وهو يمسح على شعري وكل شويه يطبع بوسه على شعري..

تصرفاته مليانه حنيه ودفو تنسيني ضعفي وتنطيني قوة...

گعدت الصبح لگيت روحي نايمه بحضن ياسر اديه محاوطتني و رجلي بين رجليه بقيت على وضعيتي ما تحركت..

عبالك اهموم الدنيا تختفي كلها بحضنه..
بقربه الگه الأمان..

من تحرك غمضت اعيوني سحب ايده من جوه راسي و گعد فتحت عيني اباوع عليه يمسح بوجها..
باوع عليه وگال...

ــ صباح الخير... شلونج اليوم؟

ــ صباح النور.. الحمدلله احسن..

ــ يلا گومي بدلي خلي نروح... گعدت واني الم بشعري كبايه گتله..

ــ هسه نروح؟؟ خلي نرجع العصر لو باليل..

ــ مو للبيت... نروح نتريگ بـ مطعم..

ــ وبعدين نرجع؟

ــ اي بالليل نروح للبيت لان خاف عندچ دراسه..

ــ شكراً ياسر تعبتك وياي هاي الايام..

ــ مُهره شنو هذا الحچي...
احنه ثنينه مالنه احد..
واحد يسند الثاني حتى نصير اقوى..

ابتسمت على كلامه شگد لطيف ومريح..

رحت غسلت وبدلت وطلعت لگيت ياسر طالع بالسياره رحت صعدت وعبالك مو اني نفسي البارحه اليل كله ابچي رجعت نفسي مُهره الصلبه المحد يگدر يهزها..

ــ هاي مُهره الاصليه..
البارحه چانت تقليد..

ــ ههههه.. مو گلنه ننسه البارحه..

ــ يلا خوش نسيته...

دخلنه المطعم كلش حلو وهادء حسيته يشبه ياسر..

ــ اكثر مطعم احبه وما اشك بنظافته..

ــ هاا.. حلوو وهادء..

ــ هو اني احبه لان هادء..

گعدنه طلب ياسر اكل واني فتحت موبايلي لگيت مكالمات من ديار اتصلت عليها..

ــ هلا حبيبي شلونج

ــ الحمدلله بخير..
ليش متجاوبين اتصل عليچ ماكوو؟

ــ قبل شويه گعدنه من النوم هسه يلا شفت الموبايل..

ــ يا نوم ولچ الساعه بـ2 الظهر؟

ــ اي البارحه ما نمنه من وقت..

ــ ليش شتسووون... ههههه.. سولفيلي يلا متحمسه
بس لا تگليلي سوالف متزوجين وكذا..
احچيلي كلشي بالتفصيل..

ــ دياااار.... نچبي.. نيتچ دائماً خايسه..
همست.... هو بمكان واني بمكان لا تعبين روحچ..

ــ امداچ هو انتِ غمه المن اسئلچ وتعب روحي..

ــ ديار المن اتصلتي؟؟

ــ شوكت تجون؟

ــ باليل... بعد تردين شي؟

ــ لا ما اريد.. بس اشتاقيتلكم...

ــ تشتاقلچ العافيه..

ــ جيره بفرگج... يلا روحي

ــ هههههههه... باي.

سديت الخط وجابو الاكل تريگنه ورجنه للبيت اني بقيت افتر بالمزرعه ما دخلت للبيت من تعبت رحت گعدت جوه النخله الجو حار بس ما اريد ادخل للبيت كلش اكره الخنگه..

من قرب الغروب شفت ياسر اجه يمي گعد..

ــ الجو حلوو..

ــ اي هسه صار شويه زين..
قبل شويه كولش حار..

ــ اريد احط راسي على رجلچ..

مديت رجلي و هو حط راسه وغمض عيونه وهمس..

ــ تعبااان..

حطيت ايدي على شعره مررت اصابعي بين خصلات شعره عبالك امشطه عدتها كم مره حسيت بيه غفه بقيت صافنه على ملامحه شگد حلوه ومتناسقه..

رموشه طويله وكثيفه و خشمه رفيع ولحيته خفيف بقيت مركزه بشكله و جماله..

قربت ايدي بهدوء حطيتها على خده مسحت لحيته وتلمست رموشه ونزلتها الشفايفه..

ما اعرف ليش چانت عندي رغبه.
اول ما حطيت ابهامي فتح عينه وباوع عليه...

اني گلبي اجه يوگف من الخوف والگمزه وايدي اتمنا
اگصها واشمرها...

بس تظاهرت بالقوه و مابينتلها اني ما اريده يعرف
اني چنت مدري شسوي..

بقت ايدي بمكانها وهو عينه عليه يريد يعرف شنو نهاية هاي الحركه الخايسه..
نزلت ايدي على حكنه عدلت لحيته و مررتها على خده..

ــ گوووم...

ــ ليش مو چنه شحلاتنه الا تخربين اللحظه..

ــ گوم يااسر...

ــ اهااا گمت يلا...

گام واني وگفت نفضت ملابسي و گتله..

ــ راح اركض للبيت.... نتسابق؟؟

ــ يلا...

گام وثنينه وگفنه يم النخله..

1
2
3

وركضنه بالبدايه اني وياه نفس الشي بعدين سبقني و وگف بـ الباب ينتظرني ويضحك...

ــ يلاااا..

وصلت يما الهث بالگوه اسحب النفس و هو همين نفسي..

واگف منتظرني ويضحك واني همين ميته ضحك..

ــ والله طلعتي سريعه..

ــ چنت يوميا العب سباق ويه نفسي من اروح افتح شعري واركض للنخله ومن ارجع همين..
ومن اوصل امي وبابا يرزلوني وبابا يگلي انتِ خبله..

ــ هههههه، تونسين روحچ...

ــ ايي.. چنت دائماً لوحدي بكل شي و بابا وامي يضحكون عليه..
لان ما اشبهم بكل شي بس بابا دائماً يگلي تشبهين اختي...
بس حتى ما يگلي شنو اسم اخته واگعد اسئل عليها والح وهو ميجاوبني ابد..

ــ يلا خلي نروح..

رحت لبست حجابي وصعدت بالسياره و ياسر و لا حچه كلمه وحسيت بيه ضايج حيل..

دخلنه للبيت صعدت فوگ و سمعت ياسر اول ما دخل گال..

ــ وين ابوك؟

راشد: بالمكتب مالته...

رحت الديار للغرفه چانت نايمه على السرير اول ما شافتني وگفت وفتحت اديها رحت ضميتها..

ــ شلونج؟؟ شتاقيتلچ عبالك صار هوواي من رحتو..

ــ الحمدلله... تدرين اتمنا ما ارجع هنا ابد بس دائماً افكر بيچ وبالجامعه هو هذا المخليني اصبر..

ــ من رحتو الهسه بالي يمچ..

ــ لا تخافين عليه..

ــ ادري بيچ قويه...
وانتِ صغيره اني اتمنا اصير مثلچ..

ــ لا تصيرين مثلي احسنلچ..

ــ ليش؟؟ احبچ اني...

ــ اني همين احبچ..
بس لا تصيرين مثلي.....

سمعنه صوت ياسر يصيح و ركضنه ثنينه للباب فتحته ديار و نزلت على السريع ما مفهوم اي شي من صياحهم وصوت تكسير بالغراض..

گلبي وجعني عليه حسيته مقهور..

صعدت فوگ نظفت البيت ولعبة رياضه شفت الساعه بـ12 دخلت للحمام سبحت ومشطت شعري..

طلعت للصاله اشوف ياسر اجه لو لا ماكو البيت فارغ..

اتصلت على ديار..

ــ اگولچ ياسر جوه؟

ــ لا.. طلع.

ــ هاا.. ما عرفتي شصار؟

ــ لا كلشي ما افتهمنه بس صياح ياسر وعصبيته..
اسئل بيهم محد يجاوبني..

ــ ها خوش.. يلا بيباي..

ــ يلا گلبي الله وياچ..

رحت سويتلي لفه مالـ جبن وسويت شاي واكلت واني اباوع على التلفزيون وبالي كوله يم ياسر..

گمت غسلت ايدي والكوب ورجعت اباوع على التلفزيون..

شويه ودخل ياسر عيونه حمره وميباوع عليه ابد حط مفتاح السياره على الميز ودخل للغرفه..

بقه نص ساعه و طلع حط المخده على القنفه نام وتغطه اني گمت طفيت التلفزيون ورحت للغرفه بس ما اعرف ليش حسيت انقهرت من تصرفه رحت للسرير وحابسه البچيه بداخلي..

حسيت ما ادري شبيه..
حاولت انام ما گدرت..

گمت رحت للصاله شفته حاط ايده على عيونه..
رحت اريد اطلع للسطح شفت على الميز المحفظه مالته و مفتاح السياره و باكيت الجگاير والجداحه..

باوعت عليه ما متحرك اخذت جگاره والجداحه وطلعت للسطح و گلبي يدگ بسرعه..

عبالك سويت جريمه..

چنت لابس ثوب ابيض خفيف جوه الركبه حسيت بـ البروده تدخل بعظامي...

الجو يجنن احب ابرد و بعدين ادفي نفسي فتحت اديه وافتريت بعدين خليت الجگاره بحلگي و شغلت الجداحه وقربتها للجگاره و سحبت نفس و زفرته حسيت فرحانه مدري ليش وگمت اجرب كل الحركات ارفع راسي وازفر النفس و حطيت الجگاره بين اصابعي وارفعها الحلگي اسحب نفس على البطيئ و ازفره واگعد اضحك على حركاتي...

سحبت نفس وسمعت صوت ياسر وراي...

ــ لو ادري الجگاره هيچ تفرحچ چاان اطيتچ البارحه بالليل..

اريد ازفر الدخان ماگدرت بلعته من گد ما خفت گمت اگح وهو اجه يمي يدگ على ظهري حاصرته الضحكه..

ــ اجه يوگف گلبي من وراك ...

ــ بس ما وگف..

ــ ياااسر... والله خفت..

ــ لو ما مسويه مصيبه متخافين..

ــ ممسويه شي..

ــ والجگاره... والحركات..

ــ اخذت منك جگاره اعتذر لان متدري واخذتها
المره الجايه اشتريلي باكيت الوحدي..

ــ لا... لاتعبين نفسچ اني اجيبلچ وياي..
واذا تردين نرگيله همين اجيبلچ..

ــ لا ما احبها بس جگاير...

قلص عيونه يباوع عليه وتقرب عليه واني گمت ارجف من نظراته رجعت خطوتين ليوره وهو مستمر...

ــ شبيك ياسر؟؟

ــ اريد اطلع ضيم گلبي بيچ تعاي...

شمرت الجگاره بالگاع و رگضت اريد اروح للباب ادخل جوه لزمني من زندي و سحبني عليه  رفعت راسي اباوع عليه..

عيونه حمره وذبلانه وشراين بجبهته كلها بارزه..
حچه وهو ساد اسنانه..

ــ ليش تشربين جگاير؟

ــ احبها...

ــ تحبينها؟؟

هزيت راسي بـ اي...

ــ نوب متخاف.. اذا شربتي بعد لو مديتي ايدچ على جگايري والله اسوي اشياء اخليچ تتندمين على اليوم الصرتي بيه..

ــ خوش...

وخر ايده من زندي و بعد خصلات شعري عن وجهي..

ــ ليش گمت تصيح... مو تگول متخافين..
من سمعت صوتك تصيح جوه خفت..

ــ ليش؟؟

يحچي وياي و عيونه تتنقل بعيون وبشفايفي حط ايده على خدي ويتلمس شفايفي...

واني مدري ليش ما اريده يبتعد مني بقيت على وضعي واحچي وياه...

ــ مادري صوتك من تصيح حسيتك مختنگ..
گلبي گام يوجعني..

ــ سلامة گلبچ ياابه..

ــ ليش تصيح على ابوك؟؟ مستمر بحركاته واني بالگوه مسيطره على نفسي

ــ يولي...

تقرب على شفايفي واديه حاوطت خصري و رفعني من الكاع وهو ضامني و حاوطت اديه برگبته..

ــ ياااسر نزلنـ ....

قاطعني من باسني بوسه طويله و بلهفه
واني ما مانعته ولا ابتعدت چانت رغبته بيه
خوفتني بالبدايه بعدين بادلته نفس الرغبه..

اختلطت انفاسنه..
اول مره احس بنفسي..
اني احب..
احب ياسر..
شگد غريبه اول ما اجيت بهذا البيت اكثر واحد اكرها وهسه لو ما هو وياي يمكن چان اني بالشارع و ما اعرف وين مصيري...

نزلني بالگاع و عيونه تحچي شي وهو يحچي شي ثاني نفسه ثگيل حجه بصوت ناصي ..

ــ يلا تعاي ندخل تأخر الوقت..

مشيت بسرعه دخلت للغرفه اباوع الاديه
ترجف رحت للمرايه اباوع على نفسي
خدودي حمره حطيت ايدي على شفايفي
واني اتذكر غطيت وجهي بثنين اديه خجلانه
واضحك شمرت نفسي على السرير واتگلب بيه
مثل الطفله وادفر برجليه..

لفيت نفسي بالغطه ونمت والابتسامه ماليه مو
بس وجهي گلبي همين..

ـــــــــــــــــــــــ

«زينب»

صار 3 سنوات علاقه اني وراشد واني من وعيت
على الدنيا وان احبه..
حبي اله اكبر من كلش بحياتي اهتمامه بيه وبكل تفاصيل حياتي..
ما اگدر اعيش بدونه يوم اذا يزعل عليه لا اكل لا اشرب لا انام كولشي اهجره احس عايشه وياه وبيه..

ما اتخيل يوم اعيش وهو مو وياي..

طلعت من الجامعه ويه ديار و مُهره راشد وصلنه..

و راشد زعلان عليه واحاول اصالحه ميقبل..

دخلنه للبيت زينب صبتلنه غدا وهو صعد فوگ گعدنه تغدينه واني الدمعه بطرف عيني وبالگوه اكل استحي من ديار..

ــ زينب خلصي غدا و روحي احچي وياه لا تبقين غبيه. ادري بيچ تحبينه وتموتين عليه..
وهو همين.. بس بـ هاي تصرفاتچ راح ينفر منچ صدگيني كسبيه بدل هذا العناد..

ــ ادري بروحي جاي اضوجه بتصرفاتي..
بس اني اهلي قابلين وهما علموني على الشي البس براحتي صح مالك يبقى يحچي بس بابا ميخليه يگله عوفها براحتها..
جاي احاول اسوي اليريده..

ــ يلا خلصي و روحي احچي وياه و تفاهمو..

ــ ما اگدر اكل.. راح اگوم احچي وياه..

رحت غسلت ورحت الغرفته اول ما دگيت الباب گال..

ــ تفضل..

فتحت الباب باوعت عليه متمدد ويباوع بالموبايل اول ما شافني گعد..

ــ شعندچ جايه هنا؟؟

ــ اريد احچي وياك..

ــ امشي نزلي زينب...

ــ شبيك راشد اگلك اريد احچي وياك..

ــ زينب انزلي نحچي جوه شنو جايتني الغرفتي هسه شيگولون عليچ...
امشي نزلي... جاي وراچ.

نزلت طلعت بالحديقه والدمعه بطرف عيني.. دزيتله رساله..

ــ توصلني البيتنه لو اتصل على مالك يجي ياخذني..

ــ گتلچ جاي لا تاكلين نع***

بقيت واگفه شويه واجه رحت دخلت جبت جنطتي ورجعتله..
فتحت باب الشارع جاي اطلع ولزم ايدي بقوه طببني وسد الباب..

ــ تصرفاتچ مال الزعاطيط بطليهن...
شتردين تحچين؟

ــ ما اريد احچي اريد اروح البيتنه...

عبالي راح يصر عليه بس گلي..

ــ امشي يلا...

طلع و طلعت وراه فتحت الباب الوره جاي اصعد عاط عليه...

ــ اني مو سايق الخلفچ تعاي اصعدي هنا..

رگعت الباب بقوه و صعدت بالصدر وهمين سديت الباب حيل..
اريد اضوجه ادري بيه كولش يحب سيارته..
همس استغفر الله وگال...

ــ لعنه على والديه اليگول الحب حلوو..

ــ الحب اتفه شي بالحياة اصلاً...

ــ ها هيچ... عود تعاي گليلي ما اگدر انام لو اكل لو تخربطت.

ــ شتسوي مثلاً؟؟

ــ اتزوج...

ــ حتى احرگك انته و مرتك بالعرس..
اخليها بدال العرس فاتحه..

ضحك بصوت عالي واني دموعي تنزل و شهگت بصوت عالي وگف السياره وبقه صافن عليه..

ــ ليش تبچين؟؟

ــ كله من وراك..

ــ شسويت؟؟

ــ تريد تعوفني..

ــ اني اعوفچ، هو اني اگدر اعيش بدونچ وبدون اخبالچ..

ــ مو تگول اتزوج..

ــ اي اتزوج وحده تسمع كلامي مو بنيه العناد يمشي بدمها..

ــ خوش... لزمت اليده مال الباب فتحته وردت انزل و هو لزم ايدي حيل ورجعني وميت ضحك..

ــ اتشاقه وياچ والله اتشاقه..
هو اني اشوف غيرچ بهاي الدنيه حتى اتزوجها..

ــ راشد والله گلبي يوجعني من تزاعلني..
بطل هاي السوالف يوميا زعلان..

ــ وبعدچ ما تايبه..
بعدچ تعاندين..
بعدچ اتعبيني..

ــ والله بعد اسمع كلامك..
وما اعاند..
مديت ايدي لزمت ايد وگلت..

ــ وعد هاي اخير مره..

ابتسم وگالي

ــ خلي نشوف..

ــ صاحبتني؟

ــ اي..

ضحكت و مسحت ادموعي وشغل اغنيتنه مالت سعد رمضان..

شو محسودين انتِ وانا
شو محسودين..
علمنا الناس كيف بيكونو المغرومين
منقط حب وسعاده واحساس
فصارو يقولو عنا مجنييين
ما حدا خصو فينه نحنه حرين..
نحنا من الحب اخلقنه
وهما انخلقو من طين...

ونقره اني وياه بيها ولازم ايدي وكل شويه يبوسها..

وصلنه للبيت سلمت عليه ودخلت واسمع امي تصيح وبابا ومالك يحچون بصوت عاليي..

ــ شكو شبيكم؟

مالك: انتِ وين چنتي الساعه بـ5

ــ چنت ويه ديار..

ــ هاا..

ــ شكو شبيكم؟؟

بابا: اخوچ التحفه يريد يفصخ الخطوبه....

ماما: ولك يمه والله عيب... عيب

يتبع🦋.......

ـــــــــــــــــــــــ

لا تنسون التصويت والتعليق بين الفقرات..