رواية خيِّال ومُهرة الفصل الثالث 3 - بقلم amna

«بسم الله الرحمن الرحيم»

«خـيَّـال و مُـهـره»

«آمـنـه عـادل»

========

«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ

بعدنا زغار و نِعثَر عَثرة الشياب...

====

«ديار»

من اخذ ياسر مُهره سلمت عليها وبعدني حتى ما شابعه منها..

رحت گعدت يم راشد بالصاله سولفنه شويه نوب
رحت جبت كتابي وكعدت يم ماما نسولف ونضحك
سمعت صوت موبايل يدگ رحت شفته اباوع ياسر
شعجب يخابر..

ـ الو هلو ياسر

ـ هلو ديار ابوج وينه؟؟

ـ يمكن بالمكتب.. مالته ليش؟

ـ ولج وصلت البنية ولگينه بيتهم محترگ..

ـ يمممه عزاااا العزاني وينها هسه؟

ـ وصلنه لگينه تابوتين بالكاع گاعده بنصهم وتبچي اني عفتها ورحت روحي گولي لابوچ..

ـ يلا... يلا...  رايحه

رحت ركضت والدموع تجري على خدي بلا
ما احس دخلت البابا...

ـ بابا ياسر خابر عليه يگول وصلت مُهره ولينه بيتهم محترگ..

ـ امشي بدلي خلي نروحلها.. 

اباوع البابا ما متفاجئ بس ما سئلته رحت
بدلت وسولفت الماما ورحنه البيت قريب
عليهم دخلت لگيت مُهرة گاعده وتبجي ويمها
نسوان اول ما شافتني گامت بسرعه شبگتني
وكامت تصرخ وتبچي...

ـ ولچ دياااار راااح امووت ..

ـ اسم الله عليچ...

ـ ليش اخذتوني وياكم هاااا ليش؟؟

بعدتني عنها وگامت تحچي بصوت مخنوگ..

ــ چان اني هسه محترگه وياهم ديااار اني احترگ گلبي احترگت رووووحي  وبقى بس جسمي  ...

تضرب على صدرها وتحچي بحرگه 
مديت ايدي لزمت ايديها واني ابچي..

ـ كااافي مُهرة عليج الله..

اخذتها من ايدها گعدتها ابوس بيه وامسح
دموعها واجت مره گالت ابوچ يريد يجي المُهرة
گتلها خلي يجي گالت للنسوان وره شويه دخل بابا..

ـ ها عموو مُهرة البقية بحياتج..

ـ عمووو وووين ارووح وين امي وابوي عافوني..

ـ اني ابوچ بعد اليوم تجين يمي وتعيشين حالچ حال ديار  ..

بعده بابا يحجي وما احس الامُهرة وگعت بحضني
بابا اجه بسرعه شالها وطلعنه للسياره..

ابو علي:  فتحي باب السياره بسررعه

فتحته وصعدت وبابا خله راسها بحضني
ورحنه للمستشفى بسرعه اول ما وصلنه
دخلوها للطوارئ واخذوها واحنه بقينه
بره ننتظر..

مرت ربع ساعه واجه الطبيب رحناله بسرعه..

ـ صاير عدها هبوط مبينه كولشي مماكله..

ـ اكدر ادخل يمها؟؟

- اي عادي بس وكلوها شي يلا طلعوها..

دخلت وعفت بابا يحچي ويه الطبيب ابوع المُهرة نايمه ونمرد گلبي مرد  عليها تمووت من القهر..

كعدت على الكرسي قربته يمها ولزمت ايدها...
ما اعرف شلون أواسيها لان ما كو كلام يگدر
أيطفي النار البگلبها..

بقيت لازمه ايدها ودموعي تنزل على وضعها
الى ان فتحت عينها..

ــــــــــــــــــ

«مُهرة»

فتحت عيوني لگيت ديار گاعده يمي ولازمه ايدي
وعمو واگف بصفها..

ديار:  ها يااعمري شلون صرتي.. 

هزيتلها راسي بـ زينه..

ابو علي:  يلا عمو صيري سباعية وشدي حيلچ..

مُهرة  : عمو نسوي فاتحة

ابو علي: طبعاً لعد شلون يا بنيتي..

مُهرة: عمو اريد اروح البيتنه اشوفه حتى لو مره أخيره...

ابو علي:  عمو شتسووين رايحه؟

ـ والله أخير مره..

ديار:  بابا وديها..

ـ خوش بس بشرط.. 
هسه اجيبلچ اكل وكله تاكلينه ونطلع..

هزيت راسي موافقة وطلع عمو  اجه وره نص
ساعه شايل بيده علاگة اطاها الديار وديار
كعدت توكلني واني ما احس حتى بطعم الاكل
لو شنو جاي اكل خلصنه كومتني ديار غسلتلي
وعدلت ملابسي طلعنه للسياره صعدت واني ساكته
الى أن وصلنه گلت بصوت مبحوح..

ـ لا تنزلون وياي..

ـ تمام براحتچ

نزلت واحس صدري مختنگ ورجليه اسحل
بيها سحل بس اريد اوصل للباب..

نزلت دموعي تتسابق وصلت للباب المحترگ
دخلت ورجف گلبي بيتنا ذكرياتنا كلشي تفاصيل
حياتي كلها من طفولتي الى هذا عمري انا بيه هيچ
راح كلشي بهاي البساطه ...

امي وابوي حتى ذكرى منهم ما بقت حتى وداع
ما ودعتهم كلشي بيه نّهار 

صحت بصوت عالي

ــ يمه كلتيلي... كلتيلي گلبي مقبوض واني اني حيوانه وغبيه ما سمعت كلامچ ..
يمممه اريدج تعالي يمي..
بابااا اني اسفه والله بعد ما اروح اشوف الشمس
ما اسوي ايّ شي..
تعالو... تعالو اني بقيت يتيمه...

كمت الطم وادگ على وچهي ملخت نفسي تملخ
اريد بس حرگت گلبي تروح ما اكو  كعدت لميت
رجليه الصدري وصفنت بالفراغ

وره هوواي وقت اجتني ديار گومتني رحنه للبيت
وسوينه الفاتحة مرت الايام واني مثل الجسد بلا روح مجرد اكل وعمو وديار يوكلوني غصب عني وانام...

مهما احاول انسى واعيش طبيعي ما اكدر مرت
أام واني ابيت ابو علي گاعده بغرفة ديار..

شكد حاولت و ديار خطيه ابد ما عافتني دقيقه اليوم
قررت انزل جوه ديار ساعه تتوسل بيه انزل اتغدى
وياهم اخير شي قبلت لان خطيه احس بيها شكد
تريدني ارجع مثل قبل..

اول ما نزلت جوه  اجتي ام علي باستني  ..

_ اي حبيبتي تعالي يمنه وسولفي ويانه شنو تبقين فوگ ساده عليچ الباب حتى تعبين اكثر ياعمري..

هزيت راسي الها اي

ابو علي:  اليوم نور البيت من نزلت مُهره .

_شكراً  عمو...  اني تعبتكم وياي..

ام علي:  لا بنيتي لا تحجين هيج..
انتِ حالچ حال ديار ماكو فرق بيناتكم..

اول ما گعدت على ميز الطعام نزل راشد
وگال..

_ اذا تحتاجين شي بس أشري..

ابتسمت بتصنع..

_ ان شاء الله

خلصنه الغدا سويت چاي

ديار: تجين نطلع بالحديقه نشرب چاي شتكولين؟

_ابكيفچ

ام علي: اي ماما طلعو خلي البنيه شويه تتنفس
صارلها شگد بهالغرفه حابسه نفسها..

أخذنه الچاي وطلعنه بره كعدت ويمي ديار باوعت
للسماء وغمضت عيني صارلي شكد مطالعه حتى
السماء اشتاقيتلها..

_مُهره

_هممم

_ شنو رئيچ نطلع؟

_لا

_كبر شبيچ... حتى لو نروح للاسواق ياخذنه راشد

_لا

_ وسم لزگتي مو بكيفج..

مادري وين راحت اني شربت الچاي مالتي
وصبيتلي ثاني جاي اشرب بي واجتي تركض 
شمرت عليه بشت..

_ هاچ هذا بشت البسيه علمود نروح

_ما اروح شبيچ

_حتى بابا كالي اخذيها لا تخلينها وترحين

_لا تچذبين..

_ باعي حتى راشد اجه يوصلنه..

درت وچهي اباوع صدگ اجه وبيده مفتاح السياره

_ الله يطيح حضچ

_دگومي گومي..

سحلتني سحل واخذتني وياها وصلنا للمحل
وهي تجيب وتخلي بالسله واني بس اباوع عليها.

_أخذي شنو محتاجه ليش صافنه؟

_ما محتاجه

_يلا اني راح اخذلچ..

_ شبيچ انتِ ماتسمعيني شحجي؟

_  لا اسمعچ بس مغلسه

خلصت رحنه يم الكاشير وعافت راشد وجرتني
من ايدي تعالي نصعد بالسياره هسه راشد يجيبهن
ورانه..

رحت صعدت بالسياره افترينه صار المغرب
واحنه بعدنه نفتر بس صدك غيرت جو چنت
عبالك ما اگدر اتنفس من گد مامختنگه..

رجعنه للبيت بقيت واگفه وياهم بالمطبخ سوينه
العشا وتعشينا  ردت اصعد ما قبلت ام علي گالت
بعد يوميا تنزلين يمنه.

رحت يم ديار تغسل اماعين واني اشطفهم من الزاهي ونسولف ودخل ياسر اول ما دخل باوعلي  وگال..

_ السلام عليكم.. 

أتذكرت اليوم الوصلني بيه حتى ما نزل
وشافني ولا حچه وياي واني چنت بوضع العدو
اذا شافني ينقهر عليه ولا چنت متذكره..

_وعليكم السلام.. 

جاي يطلع وحچت وياه ديار

ــ ياسر بقى عشا تريد اصبلك

ــ لا حبيبتي اني اسويلي فوگ لا تعبين نفسچ..

عافها وراح واني همين شويه وصعدت للغرفه
شويه واجت ديار گلتلي..

_ بابا اشترالچ  موبايل.

_اليه.. ليش؟

_كال حالها من حالچ.. 

اطتنياه وگعدت يمي تعلمني عليه و نزلتلي برامج وطلعت حلوياات من الشترتهن اليوم وشغلت التلفزيون طلعت فلم كلش حلوو مدري منين تجيب الافلام كلهن يخبلن وگعدنه نباوع.

من خلص الفلم گبل نمنا اني انام بصفها على السرير.

كعدت نفس قبل من چنت بيتنه قبل شروق الشمس
گمت وتذكرت كلام ديار من گالتلي رجعي نفس قبل
روحي شوفي الشروق..

گبل گمت اخذت الشال حطيته على راسي
وطلعت من الغرفه..

صعدت فوگ من خلصت الدرج چان اكو باب خشب
على جهة والجهه الثانيه باب حديد عرفت الباب
الحديد للسطح فتحت الباب على كيف وطلعت
  السطح كلش چبير وعالي ما اشوف شي اكو
طابوگات مشمورات على جهه اخذتهن حطيت
وحده فوگ الثانيه وصعدت عليهم بقيت اباوع
مرت نص ساعه تعبت من الوگفه گعدت بالگاع
ضميت رجليه الصدري واحس اختنگت كلش
ضميت رجليه الصدري و نزلت ادموعي واحس
بحنين الذيچ الأيام يم امي وابوي..

اريد أرجع الحياتي قبل كلش چان يختلف
احس الدنيا وگفت وما اكو واحد وياي صح
ديار وعمو ما عافوني بس اريد امي وابوي
اشتاقيتلهم كلش صعبه واحد بليله ويوم يلكه
نفسه يتيم بعد ما چانو امه وابوه يمه وصعبه
يلگه نفسه بلا بيت وبلا أحلام لان احترگت
وياهم كلش فقدت مابقالي شي احبه بس ديار
وراح احاول ابقه وياها لاطول وقت ممكن..

مسحت ادموعي وقرره راح اصير قوويه وارجع نفس
قبل واحسن وهاي أخيره مره ابچي حتى لو ابچي بس محد يشوف دموعي راح اعتمد على نفسي وادرس وانجح وابني حياتي الوحدي ورب العالمين ميعوفني اني متأكده..

گمت نفضت جسمي من التراب ودخلت للبيت 
فتحت الباب طبيت وسديته وراي اول ما درت
وچهي لگيت ياسر واگف..
_______

«آسيا»

مرت ايام واني مو آسيا نفسي ذيج البنيه الماعدها واهس بكل شي وتحس بنقص ووحده حياتي ببساطه چانت بلا لون..

رجعت من المدرسه رحت الغرفتي بسرعه لگيته دازلي رساله

_ شلونچ اسيا من ترجعين من المدرسه دزيلي رساله..

_هلو مهدي اني رجعت للبيت راح اروح اتغدى..

دخلت للغرفه  اختي الصغيره صف خامس ابتدائي

_امي تكول تعاي تغدي.

_أي اجيت

بدلت ورحت تغديت وغسلت الماعين بسرعه ورحت
الغرفتي لگيته متصل عليه رجعت اتصلت عليه انطاني رفض وخابرني..

_ السلام عليكم

_وعليكم السلام...  شلونك؟

_الحمدلله بخير...  انتِ شلونج بالمتحانات؟

_زينه باجر عندي كيميا شويه صعب..

_اقري بالملزمه اسهل..

_ماعندي ملزمه ملخصه بالدفتر اقره بيه..

_ها تمام.

سولفنه نص ساعه وسديته ورحت قريت لليل
الساعه بـ١١  اتصل عليه جاوبت..

_اسيا انتِ وين؟؟؟ 

اخترعت من حجه هيچ بسرعه..

_بالبيت... يعني وين؟

_ها خوش..

_تعاي انزلي خليتلج علاگة بالباب

_شنو علاگه مالمن؟

_ تعاي انزلي وشوفيها..

وسده بوچهي كمت بسرعه حطيت شال على راسي
ونزلت رحت للباب لگيت علاگه اخذتها بسرعه
وصعدت فوگ اول ما دخلت للغرفة فتحت العلاگه
لگيت  بيها ملازم للكيميا والفيزيا ودفتر صغير واقلام
جاف 4 أقلم و ورقه صغيرة مكتوب بيها (( اقري زين))

وصلت رساله الموبايلي فتحتها كاتب فتحي الدفتر..

رحت بسرعه للدفتر لگيته كاتب

( جبت هذا الدفتر علمود تكتبيلي بيه اي شي
واريدچ انتِ همين تجيبين دفتر الي اكتبلج بيه
بعدين كل واحد يرجع الدفتر الصاحبه)

سديت الدفتر وحطيته على قلبي واني ممصدگه اني بحلم لو حقيقه حسيت الدنيا ماتوسع فرحتي بيه..

اچذب لو كلت اني ما حبيته من اول يوم حچينه احس كلشي چان بيه ناقص الحد ما تعرفت عليه وكملني...

اتصلت بيه

_الوو......

_ هلا آسيا..  سكتت شويه وگتله

_ شكراً مهدي

_عفواً تدللين... 

تمنيت اكوله اني احبك  بس گلت هسه يگول ماصدكت جبتلها ملازم..

بس بنفس الوقت اعرفه ما يگول  هيچ  ..
يمكن انتظرته هو اليگولي بالبدايه.

ثاني يوم واني چنت اقره اجتي اختي گالتلي

ـ بابا يكول بدلي راح نروح مطعم بس بسرعه

گمت بسرعه بدلت وخلصت وشفت موبايلي  وتذكرت مهدي..

دزيتله رساله::
مهدي بابا راح ياخذنه مطعم...

ورحت بسرعه نزلت لان سمعت صوت بابا يصيحلي رحنه تعشينا يمكن بقينه ساعتين ورجعنه للبيت..

گعدت يم امي سولفنه شويه وگمت صعدت رحت للموبايل گبل..

لگيته متصل 4 مرات ورسائل

يا مطعم

آسيا؟؟

شنو رحت 4مطاعم ادور عليچ..

بس گليلي اسم المطعم اريد اشوفچ...

تصلت عليه گالي اول ما فتحت خط

ـ بس لارحتو الهذا ــــــــــ المطعم..

ـ اي هووه..

ــ وگفت بالباب گلت اكيد مو بهذا

ـ هههههه هو بيه..

ـ خرب الحظ..

ـ يلا ان شاءالله  غير مره

ـ ان شاءالله

مر الوقت واني احچي وياه وغفيت مادري بنفسي

ثاني يوم الجمعه گعدت بغرفة امي ادرس واهلي كلهم كاعدين بالصاله حتى بابا يباوعون مسلسل ايراني گلولي باعي ويانه گلتلهم عندي امتحان صعب.

گعدت اقره خلصت فصلين وبعدين دگ موبايلي الساعه ١٠ بليل اول مره اجاوب على اتصاله واني جوه حطيت الهيتفون وجاوبت احجي بهمس.

_ هلو مهدي  شلونك؟

_الحمدلله..  شنو  اليوم ماكو كولش مختفيه؟

_اي والله الاحد امتحان صعب گعدت اقراله من هسه لان ذاك الشهر درجتي على الحافه فقررت هذا الشهر ارفعها..

_ايي عفيه عاشت ايدچ..

_وايدك... انت همين ماكو؟

_ اني اليوم يم بيبي هسه قبل شويه نامت
واتصلت عليچ  اشتاقيتلچ كولش هوواي..

اول مره يگولي هيچ حچي حتى ما اعرف شجاوب احس وچهي تطلع نار من عنده..

_ اممم

_شنو اممم..  انتِ ما مشتاقتلي؟

احتاريت شگول كلش انحرجت جاوبت وره شويه

_ ايي

_شبيچ آسيا شني اجدي منچ شنو اي؟؟

_ اني همين مشتاقتلك..  ضحك وكال

_ اني بعد ما اكدر اضم عليچ اكثر صبرت هوواي حتى ما ابينلچ اني احب بسرعه بس ما فاد اريد اكلج اليوم كلشي بگلبي.

_ شنو؟ گلبي كام يدك بسرعه

_أني احبچ..

حسيت اجتني رجفه بكل جسمي مو بس گلبي
بقيت صافنه والكلمه تنعاد بعقلي ياارربي يمكن
احلى شعور بالعالم ممكن الواحد يعيشه من يعرف
ان اليحبه يبادله الحب نفسه ما اگدر اتخطى كولشي
وياه يختلف كلشي وياه يفرحني...

قاطع سلسلة افكاري من انفتح باب  الغرفه حيل وانرگع بالحايط اخترعت خرعه اجه يوگف گلبي اجتي اختي الصغيرة

_أمي تصيحلچ

_ انتِ ما عندچ غير وظيفه بس امي تصيحلچ

_غير امي كل ساع موديتني صيحي الاختج ما تودي
محمد الا اني عبالك محد بالبيت غيري..

_ خاب اي اجيت....

عافتني وراحت تذكرت الموبايل

باوعت  بالموبايل اني ما ساده الخط غميت گصتي من الفشله وعفته ورحت حتى ما سديته ابينله اني ما ادري...
بقيت الثاني يوم لا خابرته ودزيتله رساله هو دزلي رساله الساعه بالوحده كاتب بيها..

« احبُكَ حُبينِ
حُب الهوى
وحبًا لأنك أهلٌ لذلك.»

وره شويه دزلي رساله ثانيه كاتب شغلي أغنية  حاتم

« ربع حبي يعادل كُل اليحبون
ونص حبي الك ما حبتك امك »

طلعتها وما گدرت انام من الفرحه البگلبي
اول مره بحياتي ما أگدر أنام لان فرحانه
مو لان ضايجه...

ثاني يوم الظهر يلا اتصلت عليه وقررت اگوله
اني همين احبه ما جاوب وره نص ساعه اتصل

_ هلو حبيبتي مادري بالموبايل چان بالغرفه واني گاعد بغرفت امي من متصله عليه.... 

اني عفت التفاصيل كلها ورحت على كلمة
حبيبتي ابتسمت ونزلت راسي خجلانه بعدين كتله.

_ لا عادي ما صار شي..  شلونك

_ الحمد لله بخير.. وانتِ شلونچ؟

_زينه الحمد لله  ....

سكتت  شويه وكتله

_مهدي..

_عيون مهدي..

_اني همين احبك..

تمنيت تجي اختي وتكلي امي تريدچ بس
ما اجت حسيت بروووحي مادري شحچي..

_بس اتخرج  اجي اخطبچ ونتزوج وتصيرين احلى
عروسه بالدنيه.

_ ليش عبالك اعرفك صار سنين مو عشرة ايام ؟؟؟

_نفس الشعور

بدت علاقتنه تطور وتعلقت بيه تعلق كلش قوووي احس بنفسي بعد ما اكدر ابعد نفسي من عنده مهما صار راح ابقى وياه....

ـــــــــــــــــــــــــ

«ديار»

مرت أيام و مُهرة بغير عالم لا تحجي و تبچي مرات اگعد بنص اليل الگاها گاعده وضامه رجليها الصدرها وصافنه بالفراغ...

كلش صعبه عليه اشوفها هيچ چانت من تضحك
ضحكتها تفرح گلبي.

انكسرت وگلبي انكسر وياها..

بيوم رجعت من المدرسه  كعدت يم ماما اسولف
ورضا گاعد يمنه أجه بابا كلش عصبي ويصيح..

_ هذا ابنچ ووووينه ووينه هذا الأدب سز؟؟؟

ماما:  شبيك ليش تصيح ياسر فوووگ..

_ ياااااااااسر ياااااسر

وياسر حتى ما يكوله ها نزل من الدرج بخطوات
ثابته حتى ما مخبوص على صياح بابا..

_ شكو؟؟؟

_ انت بكيفك تلعب ليش كاتل بسام ولاغي العقد وياااه؟؟

_ انت منطيه فلوسنه وتگله كل سنه يتضاعفن
تدري شلون يضاعفهن بيا طريق يمشي؟؟؟

_ لا مادري ولا اريد ادري شنو جاي يتزوج بنتي
المهم يجيبلي فوسي زايدات شعليه بيه..

مسح ياسر على وچها وكال بهمس استغفر الله العظيم

_ يبيع مخدراااات ويطيك فلوس يعني فلوسنا تصير  حرررااام.

_منو گلك؟

_ محد اني شفته..

_ زين تدري من لغيت العقد لازم  ننطي فلوس هذا من شروط العقد الموقعينها وقابلين بيها ولازم هسه نطيه ٤٠ مليون..

_ اي ادري  احسن من ماناكل حرام..

_ ومنو يطيه امك؟؟

_ لا ابوي

_ مو ابوك  كلب ابن كلب لان مخلف واحد مثلك حيوووان..

عافه ياسر وصعد من اجت مُهره الهسه بابا وياسر ابد ما متعركين قبل متجي كل يومين عركه وحتى منعرف السبب يدخلون المكتب بابا ويبدي العياط و التكسير وحتى محد يسئل شنو السبب..

صعدت المُهره لگيتها كاعده يم الشباك وبيدها كتاب گاعده تقرا بيه اجيت گعدت يمها بستها گلت..

_  اي هيچ اريدچ تصيرين قويه وترجعين نفس قبل واحسن  حتى هسه اجيبلج كتب سادس اعدادي وبس اكمل الخامس نكعد ندرس سوه وانتِ تقدمين خارجي واني بالمدرسه..
شنو رئيچ؟

_ان شاءالله...

_ يا عمري اريدچ ترجعين نفس قبل سوي كولشي تحبينه رجعي باعي شروق الشمس وهاي كتبي كووولها گدامچ اقري اليعجبچ.

_ما أكدر ديار والله اني عبالچ عاجبني وضعي بس كولش صعب ارجع ويمكن ما ارجع حتى..

_ لا ترجعين بس سولفي واحچيلي كلشي بگلبچ لا تبقين ساكته والله امووت من القهر من اشوفچ هيچ..

هزت راسها مووافقه شبگتها وبقيت اسولفلها على الدوام وراح تقرب الامتحانات بس اريدها تنسى شويه بس كل شويه الكاها صافنه..

____
«روسلينا»

رجعت من الشغل لگيت بابا بالشقة سويت عشا
وگعدنا ناكل گال بابا..

_ شلونچ بالشغل

_ الحمدلله زينه

_ الحمدلله ديري بالچ على نفسچ

_ ان شاءالله بابا

شلت   الماعين وغسلتهن ونظفت الشقة بابا طلع ساعه ورجع، بابا يجيني كل فترة ينطيني فلوس ويشوفني ويروح..

گعدت الصبح بدلت ملابسي بنطرون و هودي عريض
كلش احب هذا الستايل، لبست حذائي وطلعت من
الغرفه لگيت بابا گاعد يتريگ سلمت عليه وردت اطلع..
گال..

_ بابا اليوم اني راجع عندي شغل ضروري

_ هاا بابا ما صارلك هوواي من اجيت

_ اي بابا صح حتى ما شفتج بس بعد شنسوي.
راح ابقيلچ فلوس هنا واي شي تحتاجينه اتصلي عليه..

_بابا ترى عندي فلوس بعدهن ممخلصات و راح
استلم راتب همين..

_ ميخالف كلشي يصير بالدنيا

_ تمام بابا يلا اني رايحه تأخرت

سلمت على بابا ورحت  اول ما وصلت بديت  بالتعديل مال الصور الى ان صار وقت الغدا رحت اني وجووليت المطعم قريب تغدينا ورجعنا أجه الاستاذ جون هو ولد شاب ابن المدير (بالنگليزي)

_ روسلينا باچر التصوير مو هنا بالشركه على الشاطئ..

_ تمام

_ الساعه ب9 لازم انتِ هناك

_ اوك

طلع من المكتب وجووليت فرحت كلش اما اني
متفرق وياي عادي بأي مكان المهم اكمل شغلي..

رجعت للبيت  كلش تعبانه باوعت بحسابي مالت التصوير الخاصة بيه مو للشركه كلش فرحت من شفت التعليقات واعجابات الصور تعبر الالف لايك، طفيت الموبايل ونمت..

كعدت الصبح الساع بـ8 احتاريت شلبس لازم شي مناسب بقيت نص ساعه يلا رهمت لبسه فستان  صيفي الوانه فاتحة و لبست القبعة من القش اشتريتها اول ما اجيت هنا و وياها جنطه قش همين..

حطيت مكياج خفيف وطلعت..

وصلت للمكان نزلت من السيارة مشيت مسافه يلا شفتهم كلهم متجمعين شفت واحد يأشر عليه وكلهم باوعولي.

ياااااا شبيهم ذولي اول ما وصلت گال استاذ جون

_ تأخرتي روسلينا. 

باوعت للساعه تسعه وربع هي ربع ساعه شبيكم.

_ اعتذر لان خليتكم تنتظرون

_ يلا تعالي ابدي كلشي محضريلچ..

حطيت جنطتي على الطبله ورحت للكاميرا 
لگيت العارض گاعد ويمه ولد ما اعرفهم
گاعدين يسولفون صاح عليه استاذ جون..

_ علي تعال..  دار باوع عليه..

نوب باوع عليه وكام تقرب بخطوات رزنه وشكله كولش هيبه لابس شورت فوگ الركبه بشويه وقميص مفتوح وشعره منزله على جبهته. كل مره يرفعه اول مره اشوفه منزله..

بدينه بالتصوير غير ملابسه يمكن 4 مرات استمرت الجلسه ساعتين واني متت تعب وحتى مماكله شي راح هو يغير ملابسه واني رحت اشتريت لفه ورجعت لگيته واگف منتظرني اجيت للكاميرا گال بالعراقي

_ خلصي اكل وبعدين نكمل التصوير. 

هزيت راسي وفتحت الفه وبديت اكل وكل ما ارفع راسي اشوفه يباوع عليه واني استحي وادير وچهي وهو ولا يمه...

كملت ورجعت للتصوير خلصنا ورحنه نشوف الصور بالابتوب  والولد الچانو گاعدين وياه بالبداية اجو همين يباوعون بالصور گال واحد منهم..

_ خرب يومك علي طالع تشك شك

علي:  اسكت.. وخزره

_ ابن**** * هو منو اليفتهمنه شو هي كلها ترطن انگليزي

رأسن باوع عليه واني سويت نفسي ولا منتبها عليهم

_اسكت ابن الكلب..

_سكتت سكتت

خلصنه كمت شلت جنطتي

جون: متبقين ويانه راح نبقه نتعشا

_ لا شكراً ما اكدر تعبانه كُلش..

عفته ورحت تمشيت ما اريد اقوي علاقتي بيهم
ابد شكد ما اكدر ابتعد يكون احسن

طلعت كاميرتي جان الجو يجنن و الشمس نازله على البحر وصاير الون يخبل مالت السماء ونسمات الهوه بارده..

صورت كم صورة ورجعت للبيت ميته تعب گبل غيرت ملابس ونمت..

مرت أام كلها تتشابه من الشقه للشركه من الشركه
للبيت الى ان اجه موعد الراتب..

استلمت أول راتب اليه وقررت اطلع اليوم لان
عطله واسوي كلشي بنفسي وچنت محرومه منه
بدلت لبست فستان صوف ضيق اوف وايت وفوكه
كوت لونه بيجي وحذاء بووت اسود وشال وشال
اسود وجنطة خصر ..

رحت للمول اشتريت ملابس وعطور ومكياج واكسسوارات وحذاء كعب بعدين رجعت للشقه عفت الاغراض ورجعت رحت للشاطئ علمود اشوف الغروب كلش اسمتعت واحس الدنيا واخيراً انطتني فرصه اعيش وفرح واستمتع بكل تفاصيلها من قبل حلمي اعيش وحدي بدوله غير العراق واعتمد على نفسي واشتغل بحيث هذا اليوم ما راح انساه ابد .

رحت للمطعم كلش غالي وشكله يجنن  طلبت اكل
وتعشيت اكلت كومه لان ميته من الجوع بعدين
طلعت لابتوبي وكعدت اعدل بالصور الصورتهن اليوم
اريد انشرهن بالانستا وطلبت قهوة يمكن ثلاث مرات..

حسيت تعبت  رفعت راسي من الابتوب حتى اريح
عيني شويه التفت واشوف العارض علي گاعد الوحده 
گبالي ويباوع عليه بس شفته دار وچها بسرعه اسغربت
گلت هذا شجابه هنا..

رجعت عدلت كم صوره ونشرتهم وضميت الابتوب بالجنطه وجاي اكوم واسمع صوت خطوات  واحد اتقرب على الطاول مالتي بالبدايه عبالي الكارسون رفعت  راسي اشوف منو وانصدمت علي واگف بصف الطبلة  مالتي..

يتبع♡

_______

حبيباتي لا تنسون التصويت واشتركو بقناة التلي❤