رواية خيِّال ومُهرة الفصل الثاني عشر 12 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ‏ محمد»

چا ذاك التعب والشوگ ما غزر ؟

«مُهره»

ويه الوگعه مالتي بالگاع صاح راشد بصوت عالي..

ــ باباااا... لاااا..

رفعت راسي لگيت ياسر واگف يمي وعيونه
حمر وساد قبضة ايده بقوه بارزه شراينه و
راشد واگف يم ابوه وديار تبچي ..

لزم ايديه وگومني وگال الابوه..

ــ هاي المره راح اتخطاك بمزاجي، بس والله
اذا بعد مديت ايدك عليها احرگ البيت كله وما
اگول بيت ابوي..

لزم ايدي سحبني ويمشي بسرعه وطلعنه بره وصل للسياره فتح باب السياره و گالي صعدي..

صعدت وهو افتر وصعد و مشت السياره..

ضميت رجليه الصدري و بقيت صافنه بالشارع
وهو ساكت  ...

مرت نص ساعه و حچه...

ــ مُهره...

باوعت عليه حط ابهامه على طرف شفتي وگال..

ــ يوجعچ؟؟

نزلت رجليه وحطيت ايدي على گلبي وگتله..

ــ هذا يوجعني اكثر...

ــ مو گتلچ جاي ليش نزلتي؟؟

ــ انت تدري بيه؟؟

مد ايده بيها كلنسه اخذتها منه وحطيتها على طرف شفتي..

ــ اي ادري..

ــ ليش ما گتلي؟؟

ــ يوميا نتعارك اني وياه حتى ميگلچ لان متأكد منچ متقبلين..

هزيت راسي موافق احس بعقلي الف سؤال بس سكتت..

ــ وين رايحين؟؟

ــ مفاجئه

ــ تمام..

سكتت واني گلبي يوجعني و هسه يلا حسيت بخدي يوجعني وحلگي..

مرت ساعه واحنه بالطريق واني صافنه انتبهت هذا طريق مزرعتنه...

ــ رايحين للمزرعه؟؟

هز راسه موافق واني صدگ فرحت عبالك راح اروح لامي وابوي مو مجرد بيت محترگ...

لمن وگف السياره نزلت قبله و رحت ركض للبيت انتبهت عليه مو نفس اخير مره شفته محترگ ولونه اسود..

مصبوغ ابيض رحت للباب لگيت بيه باب وهو چان مكسور التفتت الياسر تقرب عليه وانطاني مفتاح اخذته من ايده فتحته و دخلت..

لگيته فارغ ما بيه اي شي بس كله مصبوغ ونظيف يلمع لزمت شالي فتحته وذبيته بالگاع وفتحت شعري و دخلت الغرفتي والفرحه ماليه گلبي..

رجعت طلعت للصاله وچان ياسر واگف باوع عليه وابتسم واني رحتله وحاوطت رگبته باديه وهو بالبدايه ما اتاحرك بس بعدين حسيت بـ أديه حاوطت خصري..

ابتعدت وگتله..

ــ شوكت سويته؟

ــ قبل اسبوعين بديت بيه و چنت مقرر اجيب اثاث يلا اجيبچ بس من شفتچ اليوم ضجتي قررت اجيبچ..

ــ شكراً، يعني صدگ ما اعرف شحچي بس فرحتي ما ساعيتها الدنيا..

ابتسم وگال

ــ يلا روحي شوفي الباقي..

رحت اباوع للبيت واني اضحك واطفر حسيت
نفسي رجعت مُهره القديمه..

ــ جوعانه؟؟

ــ اي..

ــ خلي اجيب اكل واجي تبقين لو تجين وياي؟؟

ــ لا ابقى..

راح ياسر و اني رحت الغرفة امي وابوي وسديت الباب وگعدت بالگاع ورجعت ذاكرتي الذيج الايام الدافيه..

ــ شگد محتاجتكم....
بابا تدري ابو علي شنو يگلي
يگلي اطيه المزرعه يعني اطيه تعبنه
يعني اطيه امي وابوي وعمري الگظيته هنا...

احچي وابچي بصوت عالي..
طول هاي الفتره اني ضامه حزني بگلبي وما اريد ابين اني ضعيفه..

سمعت سيارة ياسر وگفت رحت للحمام غسلت وچهي..

و طلعت من الحمام لگيته بالصاله يفرش فراش بالگاع رحت يمه وفرشت السفره و اني مدنگه لان ادري عيوني حمر ومبينه باچيه ما ردته يشوفني..

حط الاكل وگعدنه ناكل..

ـــ مُهره...

مدري ليش من يگول اسمي گلبي يرجف و تتخربط احوالي..

رفعت راسي باوعت عليه انطاني قوطية البيبسي..

ــ حتى لو انتِ مدنگه ادري بيچ چنتي تبچين..

باوعت عليه ودنگت شلون يعرف...

ــ يلا اكلي..

اكلنه ولميت السفره و سمعت صوت
المطر رحت فتحت الباب وطلعت بالباب..

ياسر: تردين نبات هنا؟؟

ــ اي..

ــ تمام...

ــ اكو فراش؟؟

ــ بس هذا الاكلنه عليه وبطانيه وحده..

ــ هاا...

ــ عندي بالسياره جنطه بيها ملابسي اذا بردانه اجيبلچ ستره منها

ــ لا ما بردانه بس نحتاجها...

ــ بشنو؟؟

باوعت عليه وضحكت، وركضت بنص المطر وگمت اطفر وارگض و گفت ورفعت راسي ليفوگ والمطر ينزل وكل حبة مطر تنزل على وجهي احس بيها تبرد گلبي اتمنا ابقى هنا وما ارجع للبيت ابد....

حسيت بيه وگف يمي ولزم ايدي..

ــ كافي يلا تعاي لا تتمرضين.. وخرت ايدي..

ــ بعد شويه.. و ركضت رحت ورجعت يمه وهو يباوع عليه ويضحك صرت واگفه گباله وسئلته...

ــ ليش تسويلي كل هذا؟؟

ــ شمسوي؟؟

ــ رممت البيت وتسويلي اكل وتهتم بيه؟

ــ رممت البيت لان انتِ تردين تعيشين بيه
واكل اسوي يوميا حتى من انتِ ما موجوده..

ــ امم..

مد ايده على خصله من شعري صايره على وجهي بعدها وگال..

ــ ماتردين اهتم بيچ؟؟ بقيت اباوع بعيونه وگلت..

ــ مادري..

عفته ودخلت جوه وهو واگف بمكانه صحت عليه..

ــ جيب الجنطه..

ــ اي مو اشتغل عندچ..

ضحكت ورحت جوه دخلت للحمام و دگ عليه الباب

ــ هاي بجامه وتيشيرت حطيتهن على اليده مال الباب..

ــ شكراً..

اخذتهن التيشيرت يوصل لركبي والبجامه يدخلون وياي اثنين لازمتها بيدي بس اعوفها توگع

غسلت ملابسي وطلعت وصلت النص الصاله وطاحت البجامه هو چان گاعد يباوع بالموبايل ..

طفه الموبايل ومات من الضحك واني همين ضحكت نزعتها و بقيت بس بالتيشيرت.

رحت شريت الملابس ورجعت وهو بعده يضحك..

ــ كافي مصختها..

ــ صار سنه ما ضاحك هيچ...

ــ خوش... اخذت من الجنطه تشيرت ثاني و گمت انشف بشعري..

باوعت عليه نايم على الفراش ومتغطي..

ــ اني وين انام؟؟

ــ هذا الفراش چبير تعالي نامي هنا...

ــ والغطه؟؟ البيت بارد كلش واني لابسه ملابس خفيفه كلش..

ــ تعالي نتغطه سوه... بقيت صافنه عليه..

ــ شنوو؟؟ ترى ما اكلچ..

ــ تمام..

رحت تمددت وهو بقه يباوع بالموبايل شويه وطفاه بقينه ساعه كامل نحوس محد گدر ينام واني متجمده من البرد غطيت راسي وغفيت...

ـــــــــــــــــــــــ

« روسلينا»

گعدت الصبح رحت للدوام ولگيت الهوسه والكل يباوع عليه بنظرات غريبه..

عرفت علي اشتكى على الولد اول ما دخلت القاعة التصوير شفتهم واگفين علي و المدير وهاري يحچون..

تقربت يمهم والمدير گال هاي وصلت روسلينا ونحل الموضوع...

ــ اهلاً روسلينا..

ــ اهلاً استاذ..

ــ الصار البارحه تردين تشتكين على هاري..

باوعت العلي يهزلي براسه اوافق..

ــ هاري: اذا تشتكي عليه اني همين اشتكي على علي لان ضربني..

ــ لا ميحتاج... بس اذا تكرر الموضوع اتصرف غير تصرف...

علي: روسلينا..

المدير: احسن حل للكل..

راح المدير وهاري راح و رجع بيده باقة ورد قدمها اليه وگال..

ــ اني اعتذر بس چنت سكران و ما ادري بنفسي..

ابتسمت وهزيت راسي انطاني الباقه و راح .

باوعت العلي يباوع عليه مستغربه..

ــ شنو؟؟

ــ تحچين صدك؟؟ نوب اخذت الباقه من عنده

ــ لعد شسوي اذبها بالزباله؟؟

ــ ايي.. اخذها مني وذبها بالحاويه ورجع يمي

ــ ترى عجبني اريده...

باوع عليه فاتح عينه على وسعهن وگال..

ــ اني اشتريلچ..

ــ شوكت.. ضحك وگال

ــ من يخلص التصوير..

هزيت راسي موافقه ورحت جبتلي گهوة و بديت بالتصوير خلصت من علي وچانت عندي جلسه ثانيه وره ساعتين يلا خلصت و طلعت من الشركه اروح للبيت..

اول ما طلعت لگيت علي واگف لابس تيشيرت اسود وبنطرون ولازم باقة الورد بيده ومنتچي على السياره
طالع شكله يخبل..

نوب يگلي فكري هو بس شفتك هيچ لابس
وجايب ورد هاهيه حبيتك ..

ابتسمت وتقربت عليه وهو نزع مناظره وابتسم وياي و قدملي الورد احلى من مالت هاري الباقه اكبر وكلها حمره تجنن..

ــ شكراً... يخبل..

ــ تدلل روسلينا.. تعالي نروح مطعم نتعشى؟

ــ لا راح اروح للشقه تعبانه..

ــ بسرعه نرجع منتأخر..

ــ بس ملابسي وصخه..

ــ تعالي نروح للشقه بدلي وتعالي..

ــ تمام صعدت بالسياره وياه وحسيت نفسي اتصرف مو نفس طبعي اني همين حبيته...

وصلنه رحت للشقه احتاريت شنو البس اخير شي لبست فستان اسود وربطه وجنطه وحذاء تأخرت نص ساعه يلا خلصت حطيت مكياج و خليت الورد بفازه بيها مي وطلعتله گاعد بالسياره چان يباوع بالموبايل..

من فتحت الباب قفل الموبايل وباوع عليه..

صعدت بالسياره ورحنه المطعم على البحر اطلالته..
گعدنه على طاوله..

ــ گمت اخاف من البحر..

ــ اني همين ما احب ادخل بيه بس احب شكله..

ــ شلون لعد من نقذتني دخلت بيه..

ــ اي خو ما اعوفچ تغرگين..

ــ ايي.. اني حتى ما اتذكر شصار.. بس اتذكر گعدت بالمستشفى..

ــ اي اني انخبصت حتى ردت اروح للمستشفى بدون تيشيرت...

ــ هههههههه... والله؟؟

ــ اي.. جوليت جابتلياه من صعدنه بالسياره..

جابو الاكل اكلنه و هو يسولفلي من اجه هنا وشگد تعب يلا وصل لهنا بس ابدما سولف على حياته بالعراق..

ــ اهلك اعترضو على جيتك هنا؟

ــ لا بس اخوي ما حچه شي بس حسيت بيه مقهور..

ــ ها خطيه.. اني امي ما قبلت بس بابا حچه وياها وقنعها وهو هسه كل ١٠ ايام يجي يطمن عليه..

ــ اي احسن لازم هيج يصير..
من يجي گليلي..

ــ ليش؟

ــ اريد اخطبچ من عنده..

ــ علي.. مو بعد وقت انت متعرفني متعرف شنو الچنت عايشته..

ــ ما اتوقع اكو شي يخلي حبچ يقل..

ــ اكو علي... اني چنت مو نفسي هاي الگاعده يمك..

ــ كلنا هيچ... يعني اني من اجيت هنا نفس هسه.. طبعاً مو نفسي كل ما واحد يكبر تتغير شخصيته..

ــ مو بس شخصيتي كل حياتي..

ــ حتى اني نفس الشي.. اني اكدر اگلچ شلون چانت حياتي بالعراق بس مو مهم واذا شي يفيد علاقتنه چان سولفتلچياه..

ــ المشكله اني ما اگدر احچي.

ــ ليش؟

ــ اتعب..

ــ لا تحچين... من تشوفين نفسچ تردين تحچيلي بذاك الوقت نسولف...

هزيت راسي موافقه ورجعنه للبيت معاملته وياي كلش حلوه خلاني انسه القيود البيناتنه واسلوبه يخلي الواحد يروح الغير عالم..

ـــــــــــــــــــــــ

«ديار»

بيوم الخطبه مالت مالك كلهم راحو الظهر واني بقيت جوه گاعده و ميروح من بالي سوالفنه ولعبنه من چنه صغار الحد هسه..

العصر رجعو اهلي من الخطبه ماما تسولفلي على العروسه وعلى مالك..

بابا گالي صيحي مُهره رحت صحتلها ونزلنه سوه عفتهم يسولفون ورحت للمطبخ اسويلي گهوة بس ما حسيت الا بابا صاح على مُهره بصوت عالي طفيت الگهوة ورحت اشوف شكوو..

انصدمت من شفت بابا ضرب مُهره و وگعت بالگاع حسيت الدموع تجمعن بعيوني و حتى ما اگدر اروح اشوفها او اتحرك.. راشد بسرعه راح البابا ..

والصدمه دخل ياسر بنفس الوقت گلت هاهيه بعد راح يتعاركون و عركه چبيره بس ياسر اخذ مُهره وطلعو..

راشد: بابا شلون تضربهاا؟؟

بابا: وانت شعليك؟

ــ شنو شعليه البنيه ممسويه شي..

ــ بس لا تحبها؟؟

ــ باباااااا شنوو احبها هي غير مرت اخووي؟؟

ــ لعد لا تتدخل لا والله اشحتك نفس ما طردت القبلك..

ــ تتباها؟؟

ــ راشد روح من يمي لا والله بعد محد يخلصك مني..

راشد راح الغرفته وهو يصيح واني گلبي بقى يم مُهره مرت ساعتين وهما ماكو اتصلت على ياسر..

ــ ياسر وين مُهره؟؟

ــ اخذتها البيت اهلها.. وراح اجيب عشا..

ــ بيها شي؟؟ بچت؟

ــ لا شتدرين بيها تبچي يم واحد..

ــ دير بالك عليها ياسر حباب..

ــ ان شاءالله حبيبت روحي..

سديته و رحت يم راشد لگيته متمدد على السرير ويباوع بـ الموبايل و عيونه حمر..

ــ هاا راشد.. شبيك؟؟

ــ ها حبيبتي ..

ــ لا تضوج.

ــ ما شفتي شلون ضربهاا.. فوگ السواه كله يجي يضربها..

ــ ماتعرف بابا...

ــ لا تخليني اغلط...

ــ يلا تعال نام هنا.. گعدت على طرف السرير وهو اجه نام على رجلي..

ــ هم حچيتي ويه زينب؟

ــ لا..

ــ ليش؟؟

ــ تعاركنه..

ــ ليش؟؟

ــ لابسه ملابس ضيگه ومخليه المكياج و ولد خالتها يفترون گتلها خففي من المكياج ولبسي شي اعرض تعاركت وياي..

ــ اي غير خطبة اخوها..

ــ اي وشنو.. يعني اذا خطبة اخوها تسوي شي حراام؟؟

ــ لا بس تريد تتونس..

ــ ديار... عادي تگدرين متدافعيلها مره بحياتچ وتوگفين وياي...

ــ والله ما جاي ادافع بس ما اريدك تصير عصبي..

ــ تمام... يلا روحي نامي..

ــ اوك..

طلعت واني التعب البـ روحي جاي يزيد..

ـــــــــــــــــــــــ

«آسيا»

من وخرو الوشاح من راسي بقيت مدنگه و اهله يهوسون...

لبسني الحلقه باوعت عليه ملامحه كلش حلووه ومرتب لابس قاط وشعره طويل و ابتسامته كولش حلووه..

لبسته الحلقه شويه و راحو نزعت البدله ومسحت المكياج

باليل اتصل عليه وگمنه نتعرف على بعض بقينه شهرين مخطوبين..

اني بديت احبه وهو اسلوبه كلش حلوو بيوم العرس اجه بالي مهدي واني بالغرفه مالتنه اباوع للسرير الابيض والغراض..

باوعت النفسي لابسه تاج وشعري كله مرفوع ومكياج كلش حلو والبدله كولشي يذكرني باحلامي البنيتها وياه..
انفتح الباب ودخل محمد جان لابس قاط اسود وقميص ابيض ورباط طالع مرتب كلش اول ما شافتي ابتسم..

مر اسبوع واحنه عايشين احلى ايام محمد اسلوبه يخبل و تعامله وياي و تفهمه كولش خلاني اتعلق بيه و هذا الشي الخلاني انسه مهدي بسرعه..

هو عنده اخ واحد واخت متزوجه و ابوه و امه..

اخو كلش منعزل حتى ما اشوفه قليل وامه بالبدايه تعاملها زين وياي بعدين بدت تغار مني وكلش تضغط على محمد وتشتكي عليه و اني كلشي ممسويه..

شغل البيت كله عليه..

وانصدمت بعد ما مر شهرين صرت حامل ومحمد كلش فرحان و حتى ما يخليني اشتغل لو اتعب..

مرت الأيام والحمل متعبني، صرت بشهر السابع و خالتي گالتلي اريد اخطب اختچ الصغيره المهند..

اني ما اعترضت لو حچيت لان ادري مستحيل يقبل بابا اختي عمرها ١٤ سنه..

والصدمني من راحت خالتي وحاچت بابا وافق و هي همين وافقت...

محمد اشترى بيت النه وحدنه وگال الخالتي بس يتزوج مهند احنه نعزل بيت الوحدنه...

ولدت ولد سميناه علي الأكبر

ورها بشهرين صار عرس اختي و بعد العرس مباشرتن شلنه البيتنه الجديد..

«____»

من انخطبنه واني احس مهند بيه شي يتقرب اليه اوقات واوقات يريد يبتعد وحتى من اتصل عليه ميجاوبني..

صار العرس و آسيا وياي بكل شي دخلت للغرفه مالتي كلش حلوه باوعت النفسي بالمرايه واني فرحانه...

دخل هو للغرفه تقرب باسني براسي وگعد على السرير نزع حذائه واني نزعت الطرحه وفتحت شعري وهو گاعد يباوع عليه..

البدله كلش چبيره  ضايقتني اريد انزعها وهو نظراته اليه تخوفني عرف اريد ابدل..

گام وخر شعري من الحبل مالت البدله وطبع بوسات على رگبتي و سحب نفس...

واني تجمدت بمكاني وگلبي يوجعني من الخوف..

فتح الحبل و اخذ ملابسه وطلع..

نزعت البدله ولبست الروب الأبيض نمت على السرير وتغطيت حسيت بنفسي من گد الخوف بسرعه نمت..

فزيت من اجه نام بصفي بس حتى ما تقربلي..

اتطمنت ما راح يسوي شي ورجعت نمت.. حسيت اطول ليلة بحياتي هاي كل شويه اگعد وارجع انام...

درت وجهي عليه لگيته صافن بالفراغ واني ميته خوف من تصرفاته..

واني اباوع عليه گال..

ــ تصلين؟؟ آذن..

ــ كمت صليت وهو همين صلى اول ما نزعت الچادر وخليته على الميز حسيت بأديه حاوطت خصري من الخلف واني جسمي كله رجف...

دارني عليه..

ــ لا تخافين ما راح اسوي شي..

حطيت ايدي على خده والرجفه البيه بالگوه مسيطره عليها..

مر اسبوع واحنه عرسان لازم يگعد بالبيت.

بس هو كل الوقت طالع و آسيا شالت بغير بيت و ااني تحملت مسؤليت البيت كوله والخطار والطبخ من بعد ما چنت كلشي ما اسوي للبيت و حتى ملابسي امي تغسلهن..

و بيوم بقيت للساعه بـ 1 باليل گاعده منتظرته يجي..

اني مبدله وگاعده على السرير وهو دخل عيونه حمر وبيده جنطه صغيره گعد بالگاع.. گمت تقربت اشوفه شنو يسوي ورجف جسمي كوله من شفته..

حاط ورقه وداخلها شلون الطحين ولفها وخلاهاا بحلگه و شغل الجداحه تقربت منه وسحبتها من حلگه وگتله..

ــ تشرب مخدرات؟؟
اخذها مني ورجع شغل الجداحه وقربها للجگاره وهز رااسه بـ أي..

ــ هسه تطلگني..

ــ تؤ...

ــ مو بكيفك تطاكني لاا اكوم افضحك بالبيت كله..

ــ كلهم يدرون.. بقيت صافنه من گالي كلهم يدرون..

ــ حتى آسيا؟

ــ لا متدري..

گمت طلعت جنطه و حطيت بيها ملابس وگتله..

ــ وديني لاهلي..

وهو مغمض عيونه و متچي راسه على السرير..
تقربت يمه ولزمت ايده وهزيتها..

ــ راح ابدل وديني لاهلي..

گمت اني چنت لابسه مال نوم ماروني طويل وبيه فتحه صلوخ وفاتحه شعري ومخليه بس حمره..

طلعتلي ملابس اريد ابدل وما حسيتا الا انجريت من ايدي حيل شمرني على الچربايه و صار جسمه فوگاي واني ابچي واصرخ واريده بس يبعتد مني بس حتى ميتحرك حط راسه برگبتي و لزم اديه بقوه واني حسيت حتى دموعي خلصت..

ضربني حتى اسكت..
بعدين قرب ايده الحلگي وحسيت بلعت شي..

ــ ووووخر شسووويت؟؟

ــ اششش هسه ترتاحين.. وبدت الدنيا تفتر بيه وبعد حتى ما قاومته شگ الثوب الابسته و يتحسس جسمي ويقبلني بكل انحاء جسمي...

ــ شسويت..

ــ غمضي روسلينا......

يتبع🦋

ـــــــــــــــــــــــ

لا تنسون التصويت والتعليق بين الفقرات
اشتركو بقناة التلي..