رواية خيِّال ومُهرة الفصل الثالث والعشرون 23 - بقلم amna

بسم لله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ
لا بيه اكُلك لاتجَي
ولا بيه أكول أرجعلي
دوامه وتودي لحربِ
مابين گلِبي وعقليِ
خايف أجيك بلا وعَي
وما بيك تستقبلني
أنه أعرف تحب تبتعد
بس ما عرفت تحَبني .

♡ـــــــــــــــــــــــ ♡
«ديار»

كل شي صار فوگ ادراكي كلهم يصيحون ويحچون
حچي على مُهره وما اصدگ اي شي منهم..

من رجعنه للبيت اني و ياسر المشتاط غضب
و اول ما وصل للبيت مابقه شي ما كسره وبابا
يصيح عليه و راشد يلزم بيه يريد يهدئه..

عبالك بركان وانفجر علينه...
اني واگفه ودموعي تجري بدون وعي اتمنا اروح اضمه الصدري وابچي ويا..
ما چانت كسرتنه قليله اني وياه نفس الشي..

ــ والله اذا صار بيها شي اندمك على اليوم الخلفتني بيه..

ــ هو اني هسه متندم لان مخلفك...

ــ لأنك عار...

ــ انچب لك ساااق*** يلا روح دور عليه وجيبها واخليها غصباً على ابوها توقع و اشمرها مثل الچلب بالشارع..

الفهمته من الصار بابا حارگ اهل مُهره ومن عرفت مُهره عافت كلشي وراحت ومحد يعرف وينها..

كلش انهاريت من دريت صديقة عمري و اختي طلعو اهلها مقتولين وبابا هو القاتلهم..

مر شهر واحنه كلنا القلق ماكلنه اكل..
ياسر ميجي للبيت بس بليل وبابا خايف من الراح
يسويه ياسر لان يوميا يهدد بيه اذا ما لگه مُهره ..

ويوميا من يجي اسئله على مُهره...

ــ دورتها بكل مكان اختفت مُهره ضاعت من ايدي..

ــ ياسر كافي لا تسوي بنفسك هيچ اكيد راح ترجع..

ــ ما ترجع... اني شنو السكتني على سوالف ابوچ الساق***.

ــ ليش ماگتلها؟

ــ حاولت احچيلها.. بس خفت تضيع مني وارجع الـ ياسر القديم الوحيد..

كلامه يوجع گلبي نزلت دمعه على خده بسرعه تقربت منه وضميته و وجع گلبي ما راح مني..

و بيوم كلش قلقت على ياسر صارت الساعه 2 باليل واني افتر بالبيت واتصل عليه وميجاوب اجه بابا يمي واني بالمطبخ و گالي..

ــ شبيچ بابا؟

ــ قلقت على ياسر بعده ماجاي..

ــ لا تخافين عليه عرج ما يطگه..

ــ بابا انت ليش تتعامل ويانه اني وراشد مو نفس ياسر وعلي؟ هما كلهم اولادك..

ــ انتِ ماتدرين ذولي السرسر*** شسوو بيه..

ــ شسوو؟

ــ ديار روحي نامي ...

طلع من المطبخ واني حسيت تعبت وحيلي مهدوود گعدت على الكرسي وقررت اتصل على مالك حتى اشوف ياسر وياه طلعت رقمه و ترددت اتصل بيه بالبداية بس قلقي على ياسر خلاني اتصل...

انتظرت شويه يلا جاوب صوته مبين چان نايم..

ــ الووو..

ــ هلو مالك شلونك

ــ هلا ديار شنو بيچ شي؟

ــ لا ما بيه شي..
بس قلقت على ياسر بعده الهسه مراجع للبيت...

ــ اني وياه لا تخافين عليه..

ــ يعني وينه هسه؟

ــ هذا نايم...

ــ ها يعني بـ بيتكم؟

ــ لا بيت اهل مرته..

ــ ها...

ــ اي عيوني..

بقيت ساكته وهو همين تنهد بصوت عالي گتله..

ــ شكراً مالك...
واسفه لان گعدتك من النوم..

ــ بالخدمه...

سديت الخط ورحت الغرفتي واني گلبي يدگ بصوت عالي عبالك مدري شصاير مو مجرد سؤال و جواب..

اول ما گعدت الصبح نزلت وكـ العاده..
يوميا امي وبابا يگعدون غلط و رزايل على مُهره وياسر واذا فتحت حلكي ودافعتلهم يطبگوني وياهم...

احس البيت يخنگني ومينطاق قبل مُهره وياي ونداوم شويه نغير جو..

افنان هاي الايام كلها تتصل عليه ونسولف احچيلها شويه على وضعنه بس مو كلشي طبعاً لان تبقى غريبه..

سويتلي لفه وشاي وعفت الهوسه ورجعت الغرفتي اتصلت على افنان..

ــ ولچ وضعنه بالبيت مينطاق..

ــ الله يساعدچ قلبي...

ــ مليت واشتاقيت المُهره

ــ حتى اني مشتاقتلها..
زين ماكو مالگيتو اي شي؟؟

ــ لا اختفت... حتى رساله ماعافتلي...

گلتها ومسحت دمعتي النزلت من عيني..

ــ يااروحي... لا تضوجين ان شاءالله ترجع وياكم وترجع علاقتكم اقوه من قبل..

ــ ان شاءالله...

ــ و ياسر وين؟؟

ــ ميجي للبيت بس من يريد ينام..

ــ اوووي خطيه مبين يحبها..

ــ اي يموت عليها...

ــ زين اذا يحبها ليش ماگللها على الأبوچ سواه؟

ــ انتِ شمدريچ؟

ــ هااا... يعني شمدريني غير انتِ گلتيلي...

ــ اني ما گايلتلچ على ابويه شمسوي افنان...

ــ ياااا... هاي شبيچ قابل منو گالي غيرچ...

ــ افنان انتِ جاي تتواصلين ويه مُهره؟

ــ اذا اتواصل وياها ليش ما اكلچ مثلاً...
اخليچ تتعذبين وانتِ قلقانه عليها؟

ــ شمدريني بس اني متأكده مگايلتلچ...

ــ لعد منو گلي الجني الازرگ؟

ــ اندري اني اسئل مو انتِ؟

بقينه شويه نسولف وهي تحاول تذكرني اني مسولفتلها بس اني متأكده من نفسي محاچيه..

مرت يومين واني انام واكل واهس ماكو وبدون شغف احس الحياة ممله وما بيها معنى..

الساعه بـ 3 اليل اني چنت گاعده بغرفتي اقره كتاب..
وسمعت صوت طبه قويه على اثرها فزيت وگبل گمت ركضت فتحت بابا غرفتي وشفت يااسر ينزل بسرعه و راشد طلع نزلنا جوه وياسر ركض للحديقه مادري شبيه بقينه صافنين عليه اني و راشد..

طلع بابا من الغرفه هو و ماما..

بابا: شنو هذا الصوت؟

راشد: والله مادري...

ماما: صوت قوي فززني من نومتي...

ــ اي ماما كولنه سمعناه بس مندري منين..

راح بابا يباوع بالبيت يشوف اذا اكو شي واگع او مكسور..

راشد: مو عائله مستشفى المجانين..

ديار: اني وياسر مو منهم...

راشد: اول شي انتم الاثنين..

ــ ولك.....

قاطعنه صوت بابا الجاي من المكتب ركضنه ثنينه نشوف شكو...

بابا: ولكم القاصه واحد فاتحها..

راشد: شنو ماخذين الفلوس؟

بابا: لا ولك ياريت ماخذين الفلوس...

ماما: لعد شنو ياعيني احچي مو گلبي خلص....

بابا: الاوراق كلهن ماكو..

چانت قاصة بابا كولش چبيره مخلي بيها كل اوراقه واملاكه وذكرياته..

عفتهم وطلعت ردت اشوف ياسر وين راح..

افتريت بالحديقه ادور عليه ما لگيته من جاي ارجع ادخل شفته دخل بس ما شافني حط ايده على خصره ومسح وجها بـ أيده و رفع شعره صحت عليه...

ــ ياسر شكو شصار؟

ــ ما صار شي..

ــ لعد ليش طلعت ركض... خوفتني..

ــ ما اكو شي ديار دخلي جوه...

ــ بابا لگه اوراقه مختفيه... ركض عليه بسرعه وگال...

ــ ياا اوراق؟

ــ ما اعرف يگول اوراق كلش مهمه...

راح دخل قبل وهو يحچي بـ همس..

ــ شنو ناويه تسوين لو بس افتهم...

راح الـ بابا وهو يشرحلهم على الاوراق الختفت وچان ياسر كل شويه يسئله على فد شي اوراق مهمه ويگله وياهن...

اخير شي سئل ياسر...

ــ غراض امي الچانن بـ المزرعه؟

ــ وياهن...

هز راسه وصعد وبابا گعد يصيح اذا اخذوهن للشرطه ممكن بابا يدخل السجن...

ابد ما چان بـ بالي بابا هيچ يسوي اشياء مو قانونيه او حرام كل هذا اكتشفته هسه واحس مصدومه..

ياسر مكسور وما اگدر اوصف عائلتي شلون تشتت وصارت كل واحد تفكيره بـ اليهمه..

ـــــــــــــــــــــــ

«مُهره»

ــ راح اروح للحمام وارجع..

ديار: تمام حبي انتظرچ

رحت للباب الثاني مالت الجامعه لگيت سيارته واگفه قريبه ركضت بسرعه فتحت الباب وصعدت...

ــ يااااامرحباااا..

باوعت عليه وابتسمت وگلت..

ــ بدينه بـ العب...

ــ انطلااااق.....

اول ما نطقها مشت السياره رحنه لأفنان چانت واگفه على الشارع..

افنان: خطيه ديار...

مُهره: شبيها؟

افنان: هسه تقلق عليچ..

رضا: خليها تقلق
وتقلق اخوها وياها..

مُهره: خليهم ميعرفون ليلهم من نهارهم...

رضا: نخليهم واحد واحد يتندمون..

افنان: شبيكم عبالك فلم اكشن...

ضحك رضا بس اني گلبي يوجعني واحس
الراح اسويه صعب عليه لان احب ياسر ويمكن
راح يتأذه بدون قصد مني بـ أذيته...

رحنه البيتهم واني مستحيه من ام رضا كلش...
اول ما دخلت للبيت دافي ويشبه بيتنه قبل وبيه
ريحه مالت مسك..

ــ السلام عليكم..

ــ وعليكم السلام هلا بيچ يمه نورتي بيتنه يا بعد گلبي...

بوستها وكميت الخجل العندي متنوصف..
گعدنه شويه وبعدين افنان اخذتني الغرفتها واطتني
ملابس بدلت وگعدنه اني وياها ورضا نخطط ونفكر
ونحط احتمالات الى ان سمعنه صوت ام رضا تصيحلنه
على الغده رحنه فرشنه السفره اني وافنان وبعدني
مستحيه مهما يكون مو بيتي واخذ راحتي وياهم..

وهم يعاملوني عبالك صار سنين وياهم علمود ميخلوني اتقيد بشي...

گعدنه تغدينه وخلص اليوم واحنه نشتغل بالليل نمت
بغرفة افنان سهرنه نسولف اخير شي نامت افنان واني
اريد انام ما أگدر تذكرة اليوم التعرفة بيه على رضا...

«فلاش باك»

بنفس اليوم الحچالي بيه ياسر على ابوه باليل چنت اريد انام ما اگدر وتقريباً الساعه 3 باليل اجتني رساله من رقم افنان فتحتها...

ــ اذا تردين تعرفين الحقيقه كلها تعالي بـ الباب مالت بيتكم...

ــ يا حقيقة؟؟

ــ قصة ابوچ وابو علي...

اني هنا تخبلت شنو افنان منين تعرف ابوي منين تعرف ابو علي گمت من مكاني بسرعه لبست بشت وشمرت شال على راسي وطلعت بهدوء شفت ياسر نايم اخذت مفتاح البيت حتى من ارجع افتحه بدون ما ادگ الباب..

مشيت على كيف حتى محد يحس بيه وطلعت بره چان الخوف ماخذ گلبي بس حاولت ما ابين هذا الشي وگلت هي افنان قابل منو...

فتحت باب الشارع ولگيت سياره بيضه واگفه على جهة تقربت منها وشفت افنان و بجهة الثانيه مالت السايق ولد..

هنا صدگ حسيت اعضامي گامت تطگطگ من الخوف نزلت افنان و الولد الوياها بنفس الوقت وگالت...

ــ مُهره لا تخافين اجينه نحچيلچ كلشي حتى متضلين جاهله عن الحقيقه..

ــ انتِ شمدريچ افنان راح اتخبل

ــ تعالي نگعد بالسيارة ونحچي..

ــ لا والله خاف تزعلين مو اني زوج..

ــ براحتچ... بس اسمعينه وركزي ويانه تمام...

ــ احچي مو موتيني...

رضا: احنه ولد عمتچ..

ــ شنو؟؟

افنان: لا تقاطعينه مُهره سمعينه للأخير وبعدين نشوفچ على كل كلمه عدنه دليل...

هزيت راسي بـ أي وكمل رضا...

ــ امي وابوچ وام ياسر اخوات من ام واب چانو عايشين بـ الريف و واحد يحب الثاني وابوچ مدلل اخواته بمعنى الكلمه ويخاف عليهن من الهوى..

وچانت المزرعه العايشه بيها انتِ ثلاثتهم عايشين بيها وبيوم واحد اجه يريد ياخذ الارض مالته حاول يقنعه ما اقتنع لان ابوچ كلش متعلق بيها ويحبها...

حاولو ويه شهر كل يوميا واحد يجي شهرين ثلاثه ابوچ قافل...

تزوجت امي بهاي الفترى وراحت عاشت ويه زوجها بـ بغداد بقت ام ياسر وابوچ بالبيت ابوچ اغلب الوقت طالع يشتغل وهنا عمتچ اجه واحد ضحك عليها وحبته وصارت وياهم سوالف طايح حضها...

اجه ابوچ من الشغل ولگه بالبيت اخته وياها ولد..

راح ركض اخذ رشاشته ورجع لكه الولد شارد ركض وره يريد يلزمه ما لحگه راد يرجع الاخته يقتلها ويغسل عاره لگاها واگفه وراه..

حاول يرمي عليها ويغسل عاره ويخلص بس ما گدر لان كلش يحب اخته الصغيره وچان مدللها دلال ولا توقع بيوم تسوي بيه هيچ لان رباها على ايده..

ــ گليله يجي يخطبج و تتزوجون..

هنا مُهره چانت ما مصدگه من فرحتها...

ــ بس تنسين عندچ اخ...
واني اعتبرچ ميته..

ــ والله العظيم ما لمسني والله
اني شلون اخذلك والله خويه ما خليته يطخني...

ــ روحي من وجهي مُهره....

مر اسبوع واجه هذا اخذ اخته من بين اديه و راح چان ابوچ ميگدر ينام اليل على فراگ مُهره...

راح الأمي وگللها خطبيلي بنيه اني ما اگدر اعيش وحدي بعد...

لگت بنيه وخطبت امچ مرت 5 سنوات وهما ماعدهم طفل وبيوم الحبلت بيه امچ ابوچ چان طاير من الفرح...

مرت اشهر وهما عايشين احلى حياة ومنتظرين شوكت تنولدين..

بيوم گاعدين هما بالمزرعه يسولفون ويضحكون دخلت مُهره وبيدها طفل يمشي وطفل شايلته بعده بالگماط و وياها زوجها رادت تشوف اخوها بلكي يتقبلها ويتصالحون..

بس ابوچ رفض وطردهم وحتى ما سمحلهم يحچون وياه...

و من دخلت امچ بشهرها انصدم ابوچ من اتصل عليه ابو علي وگاله مُهره حرگت نفسها...

هنا ابو علي تخبل عليها راحلها وهو يبچي ويصرخ وحتى مالحگ يشوفها مره اخيره راح للنجف لگه بس ابو علي دافنها وهنا ابوچ تقبل ابو علي وبدت زيارتهم واحد للثاني..

ولدت امچ وسموچ مُهره من گد ما تشبهين خالتج مُهره..

وهنا مرت الايام وابو علي بعده خادع ابوچ الحد ما اجه اليوم الأخذج بيه البيتهم هو چان ناوي حتى انتِ يحرگچ وياهم وياخذ الارض اله بس من عرف اذا مايبقى وريث للمزرعه احنه ناخذها وتصير كلها ملك امي رفض واخذچ وياه حتى ياخذ الحصه الأكبر اله انتي وياسر وعلي وحصتچ الاكبر لان نصها لابوچ ونص الثاني خالتي وامي...

حصة خالتي علي وياسر اخذوها...
فيصير ربع بس النه...

مُهره: ليش ما عرفني بابا عليكم؟؟

ــ احنه من زمن السقوط رحنه لايران و من مات والدچ رجعنه...

ــ راح اتخبل..

افنان: اريدچ تحطين ايدچ ويانه حتى ندمر حيات ابو علي نفس ما دمر حياتنه كلنه مُهره...

امي وابوچ وخالتي مُهره هو خله حياتهم تدمر خله خالي يشك بـ مُهره وهي بريئه ممسويه اي شي ضحك عليه وخلاه يثق بيه حتى يعرف شلون يسحب كلشي منه...

ــ اني شلون اصدگ بيكم وحتى مشايفتكم؟

رضا: شوفي هاي الجنسيه مالت امي شنو اسم ابوها..

باوعت عليها صدگ نفس اسم جدي...
حسيت كل شي مريت بيه حتى الايام اليم اهلي چان كلشي مضموم ومختفي واني عبالي حياتي قبل هادئه..

طلعت اني غافله عن الحقيقه الخفوها عني...

چان كلشي صادم اكبر من ادراكي حسيات الدنيا ضربتني على راسي و ما طتني فرصه افتهم شي كوله سوه...

گلولي باچر نكمل ونجاوب اسئلتچ هسه دخلي لا واحد يشوفنه...

دخلت البيتنه ياسر ما اكو بفراشه و شفته طلع من غرفتي مستعجل يريد ينزل وشافني اتنفس وگال...

ــ وين چنتي؟؟

عفته ودخلت للغرفه حسيت ما اگدر حتى اجاوبه لان ما طايقته شمرت الشال بالگاع والبشت ورحت للسرير لفيت نفسي بالغطه ودخل ياسر...

ــ وين چنتي؟؟

ردت اگوله وانته شكو بس ردته يطلع من الغرفه وميضل ايلح...

ــ يم ديار...

عافني وطلع واني دموعي تنزل على قصة بابا وعمتي ام ياسر شگد تقهر والله يعلم شنو سوه بيها هذا النذل
ويمكن يطلع هو الكاتلها ويگول حرگت روحها...

..........

الساعه بـ 2 ونص لبست ملابس سوده بالبدايه اعترض رضا على دخولي اني اجيب الاوراق وياه بس اني ما قبلت ورحنه سوه..

لبست الثام ودخلنه للبيت چان هدوء كلش ومبينين نايمين كلهم..

دخلنه الغرفة المكتب مالت ابوعلي اني قبل لا اروح ويه افنان ورضا خليت كاميره بتجاه القاصه حتى نعرف الرمز بسهولة..

فتحها رضا واخذ الاوراق كلهن حتى المو مهمات وطبعاً ما اخذنه ربع من الفلوس...

رضا طلع قبلي واني بقيت انتظرت شويه من ضمن الخطه لازم اخليهم يگعدون واحد منهم يشوفني حتى يخاف من الراح اسويه...

و چنت متأكد الراح يشوفني ياسر بس ما توقعته هيچ يسوي..

سديت باب القاصه الكلش چبير وثگيل بكل قوتي طلع صوت قوي و ركضت للباب واني اركض من الحديقه بكل سرعتي حتى اطلع حسيت بشخص حاوط خصري بـ أديه وهمس بـ أذاني..

ــ عرفتچ ما راح تعوفيهم و ترحين بدون ما تخليهم يندمون..

حسيت جسمي كله رجف من قربه اليه وكلماته وصوته اليخليني اذوب بحنيته..

ياسر: اشتاقيت المُهرتي

يتبع🦋........

ـــــــــــــــــــــــ
...

لاتنسون التصويت والتعليق بين الفقرات لان الروايه حتى متطلع بـ البحث... ♡♡