رواية خيِّال ومُهرة الفصل الثامن 8 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ
كل ما تگـرَب لگلبي ..
أخاف إعليك من حزني !

           
                  ♡    ـــــــــــــــــــــــ    ♡

«روسلينا»

حسيت الظلام بعده محاوط عيوني بس
اسمع الكلام اليمي احس البروده واصله
لعظامي فتحت عيني  بتثاقل ورجعت
سديتهم سمعت صوت قريب مني..

ــ روسلينا....

فتحت عيوني شفته علي ركزت بيه بدون ما احچي شعره مبلل ومبين الخوف من عيونه..

ــ وصلنا... وصلنا..

رجعت غمضت ما حسيت الا انرفعت من الگاع..

وبعد ما حسيت بأي شي

.............

«علي»

چنت واگف يم السايق يسولف وياي و ما اسمع بس
واحد يصيح بأسمي..

جولييت:  عليي...... علييي...

رحت ركضت بلا شعور حسيت صاير شي

ــ شكو...

ــ روسلينا... طاحت بالمي و عبالي تعرف تسبح وانتظرتها تطلع و ما اكو..

خرب يومچ الكلام بالگوه تحچيه موتتني يلا
خلصت الجمله بألف يا علي..

بسرعه ذبيت روحي بالمي يجمد..

دورت عليها و ما لگيتها طلعت راسي من المي
واخذت نفس ورجعت سبحت بسرعه..

وگلبي يوجعني خاف ما الگاها...

لمحت شي ورحت بسرعه الها لفيت ايدي على
خصرها بأيد وبايدي الثانيه سبحت..

الى ان وصلت السطح  المي ورحت للقارب..

خليت راسها بحضني و جولييت اجتي تركض سوتلها الاسعافات الاوليه..

فتحت عيونها باوعتلي ورجعت غمضت.

وصلنه واخيراً واني حتى نسيت بلا تيشيرت
شلتها ورحنه السيارتي و جوليت انطتني
التيشيرت لبسته وصعدنه بالسياره..

وصلنه المستشفى  و احس من الخبصه ما اعرف
شسوي باوعت عليها حلكها صاير ازرگ من گد ما
المي بارد..

شلتها و هي تهمس حچي ما افتهمته اخذتها
ورحت للطوارئ..

بقينا واگفين بره ساعه كامله يلا اجو وطمنونه عليها..
جولييت راحت واني رحت يمها لگيتها نايمه..

باوعت عليها شالها مخربط وطالع شعره تقربت يمها
حطيت ايدي على شعرها دخلته بالحجاب..

وفتحت عيونها مدري ليش أرتبكت من حطت
عينها عليه و شافتني..

گالت بصوت مبحوح

ــ شتسوي؟؟

ــ اااا..... شعرچ...... طالع و دخلته بالحجاب..

صفنت شويه وگلتلها

ــ شلون صرتي؟؟

ــ تعباانه..

ــ گولي يا الله يمعوده......

نزلت دموعها كلش انقهرت من شفتها بهاي الحاله..

ــ اريد ارجع  لامي بعد ما اريد ابقا هنا..

ــ لا...  قابل هسه شصار ترى كلشي ما بيچ...

ــ اريد ارتاح وين ما اروح اتعب كلشي يتعبني..

ــ ماكو شي بالحياة سهل، اني من يشوفوني عارض
ويلبس ويصور عبالهم ماعندي هم ولا غم وحياة
عشتها حالي من حالهم بصعوبتها وقساوتها..

كلنا گلبنه نكسر ورجعنه من جديد نقاوم
ونحاول ننطي حق النفسنه تعيش...

لا تخافين رب العالمين واياچ كلشي يصير سهل...

ــ بس من ١٥ سنه واني احاول تعبت...

ــ لعد شتكولين عليه من نولدت واني احاول
و الحد خذا عُمري..

ــ اريد ارجع للبيت...

ــ تگدرين تگومين؟؟

ــ اي يلا لعد...

رحت دفعت فلوس المستشفى و رحتلها لفت ايدها
بأيدي وبالگوه تمشي ايديها ترجف ومن تمشي
حسيتها جسمها كله يرجف..

ـــــــــــــــــــــــ

«آسيا»
       
قضينا اسبوع من العطله واحنه مسافرين فرينها
فر كلش تونست ما بقه شي ما اشتريناه..

بيوم الرجعنه بالمطار اتصلت بيه حتى اسمع صوته
لان من رحنه الحد ما رجعنه ابد ما تواصلنه..

چان اشتياقي اله اكبر من ما انتظر ارجع للبيت
واسمع صوته الاحبه و الاقرب الگلبي...

ــ الووو

ــ عبالك هسه شميت الهوى..

ــ اشتاقيتلك...

ــ جنت مختنگ حيل اشتاقيتلچ.. وين انتِ هسه؟

ــ بالمطار....  بس ردت اسمع صوتك واروح منتظريني..

ــ ها.... الحمدلله على السلامة..

ــ الله يسلمك...... راح اروح بس اوصل للبيت اتصل عليك..

ــ تمام عيوني....

سديته ورحت ركض رجعنه للبيت نظفناه لان
وصخ كلش وامي ما تحب تأجل شغل..

لمعنا البيت تلمع يلا امي عافتني وهلكت من التعب ...

صعدت فوگ لگيته متصل عليه كلش هواي ورسائل دازهن..

ضجت من شفتهن وحسيت بنفسي مقصره وياه...

اتصلت عليه وبقيت احچي وياه الصلاة الصبح ابد ما سكتنه حچيت تفاصيل السفره كلها وهو همين حچالي شلون چان يمل ويحس وحيد وتعبيره بالأشتياق يجنن شگد حچيه يفرحني..

مرت ثلاث ايام من رجعنه و العصر اني چنت گاعده اقره چنت ستوني طالعه من الحمام و سويت كيكه حطيتها بالفرن واجتي امي گلتلي

ــ اجو اقارب ابوچ..

ــ منو؟؟

ــ حتى اني ماعرفهم..  سوي چاي والكيكه من تستوي همين حطيها..

ــ  خوش..

حضرت ورحت اللصاله جاي اصيح امي ولگيت نسوان گاعدات  انصدمت امي حتى ما گلتلي رحت سلمت..

ورحت  جبت شاي و گعدت شويه و رحت الغرفتي خابرت مهدي و گعدنه نسولف..

وره ساعه صاح عليه بابا  و سديته من مهدي ونزلت للصاله الخطار رايحين..

غسلت الماعين  واجتي امي تحچي وياي..

ــ تدرين ذني اجن المن؟؟

ــ المن؟؟

ــ  يخطبنچ..

ــ  اني ما اريد اتزوج..

ــ ابوچ گللهم نشوف البنيه ونسئل عليكم...

ــ  ميحتاج تسئلون ما اريده...

ــ  ليش؟؟  يمكن خوش قسمه...

ــ لا يمه عفيه لا تگليلي هيچ اني اريد اخلص  دراسه
اريد اتنفس ما اريد اتزوج هسه...

ــ  خوش بكيفچ اني راح اكول لابوچ ما تقبل..

ــ اي خوش...

خلصت الماعين و رحت اريد اصعد واسمع بابا يگول..

ــ  شني شبسرعه رفضت خلي تفتهم شنو السالفه؟

ــ  والله گتلها فكري خلي نسئل عليه گالت لا اريد اخلص دراسه يلا وراها افكر بالزواج...

ــ  هو يريدها تخلص دراسه همين... راح أسئل عليه واذا علمود الدراسه اني ما اقبل اطيها الواحد ما يخليها تدرس
عفتهم وصعدت و گعدت ابچي  وافكر شلون اذا شافهم بابا واقتنع بيهم هي الحجه مالتي الدراسه شلون اذا الولد گللهم عادي تدرس..

اتصلت على مهدي..

ــ  الوو

ــ شبيه صوتچ؟؟

ــ هذول الخطار الگتلك اجونه..

ــ اي شبيهم؟

ــ اجو يخطبوني..

ــ ايييي.. و شنو يعني وافقتي؟

ــ طبعاً لاا..  بس اني گلت لامي اريد ادرس ما اريد اتزوج..  وبابا يگللها هو يگول اخليها تخلص دراسه اكيد ما انطيها الواحد تعوف دراستها علموده...

ــ آسيا ترى عادي ترفضينه حتى لو يخليچ ادرسين..

ــ اي ما اقبل اكيد..  بس بابا الكل شي يريد سبب واني سببي الوحيد انت ما اريد اتزوج غيرك..

احچي و دموعي تنزل..

ــ ترى امووت اذ قبلتي بغيري....  والله ماا بقه شي سنتين بس...  ونتزوج و نعيش اني وياچ احلى حياة..

ــ  مستعده انتظرك عمري كله وما اهتم مو سنتين..

ــ روحي گعدي يمهم وقنعيهم حبابه...

ــ  اي رايحه ادعيلي...

ــ ان شاءالله  يا روحي...

رحت نزلت لگيت بابا طالع وبقيت اسولف الماما وقنع بيها....

ـــــــــــــــــــــــ

«مُهره»

چنت نايمه و سمعت موبايلي يدگ باوعت عليه
رقم غريب عرفته ابو التوصيل جابو ملابس الرياضه...

لبست حجابي ونزلت رحت الراشد انطيته الموبايل حچه وياهم دلاهم  على البيت...

ــ اني صاير بس ارد على اليتصلون
من يوصلون طلبياتچن...

ــ والله انته خوش ولد وحباب

ــ من اجيب طلبيتچ اصير حباب طبعاً

ــ  لا والله انت حباب بدون متجيب الطلبيه...

ضحكنه وانطيته الفلوس وراح جابهن واجه انطانياهن شكرته واخذتهن وصعدت فوگ منازله من العرس الهسه وديار بالمدرسه وامه ما شفتها...

ياسر ما موجود لبست الملابس تخبل بجامه ضيقه كولش لونها نيلي وتيشيرت نفس الون ولبست الحذاء ولميت شعري ذيل حصان عالي  باوعت بالمرايه شگد حبيت شكلي بيهن..

البارحه اليل كله اباوع على مقاطع فيديو
لليلعبون رياضه كلش صارلي واهس..

رحت الغرفة الرياضه لعبة اول شي بـ مال الركض
نص ساعه بعدين فريت الأجهزه كلهن لعبت بيهن
بس هلكت من التعب وجسمي كله تشنج ومتت
من الجوع...

طلعت من الغرفه بالگوه امشي لگيت ياسر داخل للصاله  ينزع بـالحذاء..

رفع عينه باوعلي اني بيدي المطاريه مال المي چنت اشرب بيها صفن شويه وبعدين دار عينه وراح گعد واني رحت للغرفه اخذت ملابسي وسبحت وطلعت...

نشفت شعري بالخاولي و عفته مفتوح اريده ينشف
وطلعت اريد اكل شي متت من الجوع...

لگيته بالملابس مالته ما مبدل واگف بالمطبخ تقربت يمه وگتله..

ــ شنو حتسوي غدا؟؟

ــ اي..

ــ تتأخر؟

ــ نص ساعه...

عوجت حلگي هو حتى ما يباوعلي رحت فتحت الثلاجه اخذت تفاحه غسلتها وگعدت على ميز الطعام واكل بيها و اباوع عليه مرتب وحتى ميعوف شي وصخ اول ما يخلص من الخاشوگه يغسلها ويرجعها والماعون نفس الشي...

باوع عليه وگال

ــ انتِ متعرفين اطبخين؟

ــ لا...

ــ  تعلمي... تبقين تنتظريني يلا تاكلين؟

ــ  ما منتظرتك، بس چنت اتمرن و جعت ولگيتك تسوي اكل سئلتك على الغدا...

ــ  اممم..  بس لازم تتعلمين يمكن اني ما ارجع
للبيت يوم او اتأخر..

ــ انزل جوه يم ديار..

ــ لا.... لا تنزلين تاكلين منهم..

استغربت رده السريع وبانفعاله الماله داعي..

ــ ليش؟

ــ  اني اسوي اكل واحطه بالثلاجه وانتِ حميه من تجوعين... بس لا تنزلين جوه..

هزيت راسي موافقه ورحت مشطت شعري وظفرته
وحطيت عطر وطلعت لگيته مكمل صاب وحاطه على الميز..

گعدت اكلت كلش طيب طبخه

ــ عاشت ايدك   طبخك طيب.

ــ وايدچ..

شگد تندمت لان گتله غير لازم يگولي بالعافيه شي..

گمت غسلت الماعين و گعدت اقره لليل اندگ الباب گمت فتحته دخلت ديار شبگتها حيل واني احچي وياها..

ــ شگد حقيره انتِ يعني صار يومين ما شايفتچ..

ــ مشتاقتلج كومه والله..

ــ تعالي نگعد نسولف... ميته من الضوجه

ــ والله ضوجه كلش مليت من السادس و من البيت..

ــ تعالي نسويلنه اكل ونطلع فلم ونتونس اوك..

ــ يلا..

سوينه اكل و خلت رضا يجبلنه حلويات ورتبنه الصاله و فرشنه سفره و اجه ياسر گعد بالگاع..

ــ دياري شعجب يمنه؟؟

ــ والله مليت من الدراسه واجيت يمكم اغير جو شويه..

ــ تعالي يمي..

راحت يمها بوسها وشبگها احس حنيته على اخوانه واهتمامه يختلف عن ابوه وامه ما اعرف ليش...

اني جبت البيبسي وگعدت وياهم طلعت ديار فلم و شفناه كلش تونست عبالك ديار هي الوحيده اشوف اهلي وياها...

من اجيت الهذا البيت اصعب شي واحد يحس بنفسه
ثگيل لان مو بيته ولا اهله چان اصعب شعور بالعالم..

بس ديار شگد حاولت توخر هذا الاحساس
من عندي و من تزوجت ياسر حسيتها راحت
لان اكثر الوقت اني وحدي...

خلص الفلم وگعدنه نسولف ونضحك شويه
وراحت ديار لان ثاني يوم عدها دوام وگالت
تأخر الوقت..

اني گمت شلت الماعين و ياسر همين گام شال
الماعين وياي غسلتهم و هو نظف الصاله...

خلصت لبست چاكيت واخذت موبايلي و طلعت
للسطح صار هواي ما گاعده بيه..

شگد اغلس على مشاعري و على اشتياقي الحياتي
قبل بس من اطلع بالسطع واشوف القمر احس بعد
ما اكدر اقاوم...

شغلت اغنيه (لحظه) وگعدت الجو كلش بارد ...

مرت ساعه واني گاعده وصافنه بالفراغ وكل ما تخلص الاغنيه ارجع اعيدها...

انفتح الباب و دخل ياسر  بيده باكيت الجگاير تقرب
وگعد على الكرسي وشغل الجگاره وسحب منها نفس..

ذاكرتني اخذتني البيتنه اول مره شربت جگاره
چان عمري ١٥ سنه اخذت من باكيت ابوي جگاره
قبل شروق الشمس ورحت المكاني الأحبه و
شغلتها و جربت اشرب منها بالبدايه اختنگت
بعدين صارت عاديه بس كلش حبيتها بوقتها
بقيت اسبوع يوميا اخذ..

الحد ما اجه يوم و ابوي گام يصيح يگول
جگايري جاي تقل منو ياخذ منهن وبعد ما شربت...

ابتسمت وبنفس الوقت حسيت الدموع تجمعن بعيني...
باوعت للقمر علمود ماتنزل دموعي..

ياسر:  اكو وقت أي انسان يضعف حتى لو چان اقوه واحد..
تظاهري بالقوه وانتِ يم الناس بس من ترجعين النفسچ بنهاية اليوم آخر اليل قبل متنامين طلعين كل الضعف العندچ، فا لا تخفين دموعچ عادي ابچي..

حسيت كلامه صدك و بعد ما اكدر اتصرف طبيعي
من يوم العرس واني اتناسه...

بس ما چنت اريد شي غيرر.....

ــ اريد جگاره وحده...

ــ شنو؟؟

ــ اريد اشرب جگاره  اطيني وحده؟

ــ تدخنين؟؟

ــ لا... بس احس وقتها مو يگولون تنسي الهم...

ــ ترى هاي مخدرات التنسي، مو جگاره..

ــ اي... عفيه بس هاي المره اطيني وحده...

ــ وين اكو بنيه تدخن؟؟

ــ هسه تنطيني لو لا؟

ــ  لا طبعاً...

ــ  خوش...

ــ شو عبالك جاي تهددين بيه؟؟

ــ اي علمود اذا تريد شي مني ما اطيك...

ــ ما اريد هو انتِ طبخ متعرفين شطلب منچ مثلاً...

ــ نشوف..

گمت دخلت جوه  و اني اعصابي محترگه اريده
يطلب مني فد شي لازم اسوي فد شي يخليه يحتاجني
رحت نمت الوقت كلش متأخر..

من گعدت الصبح على صوت المطر و ريحة كلش
طيبه گمت لبست الجاكيت واني مبتسمه شگد
احب هاي الأجواء..

طلعت بره للسطح اتذكر امي چانت دائماً تگلي.

ــ  من تمطر الدنيا ابواب الجنه مفتوحه ادعي
كلشي تردينه رب العالمين ايحققه الچ...

استنشقت بعمق وزفرت النفس وطاحت دموعي و ما گلت غير..

ــ ياااا رب  وكلتك كل اموري بـ هاي الدنيا واني ما عندي غيرك يا رب....

مر هواي وقت يلا دخلت جوه...

بدلت لبس الرياضه ورفعت شعري اريد اتمرن
حتى التشنج البرجليه يقل كلش يوجع..

دخلت للغرفه ولگيت ياسر هناك اني عبالي
طالع هو باوعلي چان يركض من دخلت
گعدت شويه انتظرته يخلص من جهاز الركض...

طفاه و وخر رحت اني بديت ركض مرت نص
ساعه تقريباً يلا رحت الغيره..

حسيت بيه يراقبني من اتحرك كلش استحيت منه لان الملابس ضيقات كلش و اول ما شفته هنا ماتذكرت چان رحت بدلت..

لعبة و اني ما منتبها للوقت مال الجهاز..

ــ لازم تحسبين الوقت حتى ثاني يوم تزيدين شويه..

ــ اي اعرف چنت صافنه شويه ما انتبهت..

تقرب عليه و حط ايده على ظهري و گال..

ــ لازم تقوسين ظهرچ..

قوست ظهري وهو وخر ايده بسرعه.

ــ ولا تشربين مي هوواي..

ــ تمام، اني تعبت راح اروح اسبح..

عفته وطلعت مدري شصار بيه وقررت ما العب
وياه بعد ابد...

سبحت و عفت شعري مفتوح حتى ينشف ما احب المه 
اذا مبلل ابد رحت للمطبخ گلت خلي اسويلي اي شي
اكله ما اريد انتظره..

رحت للمطبخ واجه هو وراي..

ــ سويت دجاج بالفرن تلگينه اسبح واجي نتغدا..

راح دخل للغرفه و اني طلعتلي ماعون واخذت من الاكل البلفرن و گعدت اكل هو اجه عباله منتظرته شافني ما حچه طلع الاكل و گعد يااكل..

واحنه ناكل بهدوء ما حسينا الا الباب اندگ حيل وصوت عمو ابو علي صاح..

ــ ياااااسر..

ـــــــــــــــــــــــ

«روسلينا»

وصلني علي للشقه ابد ما عافني چنت احس بالتعب
جسدياً و نفسياً..

التعب البجسمي و الأرهاق  ما اگدر اصيطر على رجفتي الهسه جسمي كله يرجف..

لزمني من ايدي اني لازمه ايده كل قوتي ما اعرف
ليش هيج صار بيه احس كلش ضعفت وما اگدر
اسوي اي شي طاقتي مصفره.

طلع الكارت مال الشقه من الجنطه وحطه بالباب
واني اباوع الحركات ايده و عيوني ماليانه تعب...

دخلنه للشقه گعدت على القنفه وهو راح الغرفتي
جاب مخده وغطه حطلياهن واني نمت و غطاني..

ــ شكراً علي...  تعبتك وياي...

ــ نامي روسلينا..

ابتسمت وياه وغمضت عيني مر وقت واني نايمه..

گعدت من سمعت صوت علي يگول  اسمي..

ــ روسلينا...

ــ هاا..بعدت الغطه وگعدت

ــ جبتلچ شوربه گعدي اكلي حتى تشربين دوه...

ــ تمام  .. 

گعدت وانطاني الصينيه اكلت الشوربه كولش
طيبه انطاني العلاج و كلاص مي اخذتهن من ايده

و شربت..

ــ اني راح اروح للبيت اذا تحتاجين شي اتصلي عليه..

ــ تمام.. شكراً..

ــ شكرتيني خمسين مره...

ــ لان تعبتك..

ــ  ما تعبتيني يابه.. شنو السالفه..

طلع واني گمت نزعت ملابسي و لبست غيرهن
وجسمي ما راحت منه الرجفه كلش تعبت خلصت
تبديل وگعدت  بالگاع بچيت بصوت عالي ما اعرف
ليش كل المريت بيه رجع الذاكرتي...

وره هوواي وقت مر گمت نمت على السرير
للصبح يلا گعدت على دگة الجرس مالت الشقه
رحت للباب شفته علي رجعت لبست حجاب
ورحت فتحت الباب..

من فتحت الباب لگيته واكف لابس ملابس
رياضه مبينات وبيده علاليگ..

ــ السلام عليكم..

ــ وعليكم السلام..

ــ صار ساعه ادگ بالباب..

ــ جنت نايمه اعتذر..

ــ لا عادي جبتج اكل ادري بيج ما راح تاكلين الا تشلعين گلبي يلا...

ابتسمت وهو دخل حط الاكل الجايبه على الطبله و گال..

ــ  يلا تعالي اكلي...

ــ اجيت بس اغسل... 

رحت اكلت بلا شهيه وهو اصر عليه اكل واني ما اشتهي ابد..

گمت شلت الماعين بيهن اكل حطيتهن بالثلاجه وهو اخذ الزباله حطها بالكيس..

اندگ الجرس مال و راح علي يفتحه...

گلت يمكن اجه اليجيب مي لو الياخذ الزباله

بس انصدمت من لمحت بابا من وره كتف علي..

وهو يگله..

ــ  انته منو؟؟

يتبع🦋......

ـــــــــــــــــــــــــ
حبايبي لا تنسون التصويت و التعليق بين الفقرات..

ولاتنسون تشتركون بقناة التلي