الفصل الثالث

رواية قلب خارج السيطرة الجزء الثالث 3 بقلم نون قلب خارج السيطرةرواية قلب خارج السيطرة الحلقة الثالثة ليلة الفرح لبست فستان بيبي بلو هادي جداً بس شيك لدرجة تخطف العين وعملت شعري ويفي وسيبته على ضهري وحطيت ميك اب رقيق جداً لأول مرة كنت شايفة نفسي ليل اللي بجد مش البنت اللي بتعاند وخلاص. نزلت السلم وسيف كان واقف مستني تحت لابس البدلة الميري الرسمية بكامل وسمته منظره كان يخض من كتر الهيبة والجمال.

سيف أول ما شافني سكت تماماً النظرة اللي في عينه اتغيرت من التحدي لـ الذهول فضل باصص لي لثواني وكأنه نسي إنه الظابط اللي مبيتهزش. ليل بدلع إيه يا سيفو؟ الكمين واقف ليه؟ في مخالفة في الفستان؟ سيف بصوت هادي وغريب لا.. بس الفستان ده ضيق شوية والروج ده لازم يتمسح قبل ما نخرج ليل بضحكة لا يا بابا ده الذوق الرقيق اللي إنت طلبته يلا بينا عشان هنتأخر دخلنا القاعة وكل الأنظار كانت علينا.. المقدم سيف وعروسته

سيف كان حاطط إيده ورا ضهري ومحاوطني كأنه بيقول للكل دي ملكي ومحدش يقرب فجأة سيف سحبني من إيدي وروحنا عند البوفيه اللي كان مليان أكل فخم جداً سيف بابتسامة خبيثة كلي يا ليل.. إنتي تعبتي في الممبار لازم تعوضي ليل بشك إنت كريم أوي النهاردة يا سيف في إيه؟ سيف أبداً ده واجب أكلت قطعة سوشي كانت محطوطة قدامي وفجأة.. حسيت إن زوري نار سيف كان متفق مع الشيف يحط ماستردة حراقة جداً في القطعة اللي هاكلها

ليل وهي بتكتم صرختها وبتحاول تحافظ على برستيجها آآآه.. يا سيف.. إنت عملت إيه؟ سيف بضحكة واطية وحدة بوحدة يا ليل.. الممبار قصاد السوشي والبادئ أظلم ليل كانت خلاص هتقوم تقتله بس فجأة النور هدي والمزيكا بقت هادية جداً.. سيف مسك إيدي وقال بصوت رجولي واطي تسمحي لي بالرقصة دي؟ ولا هتطلبي لي النجدة ؟ ليل بغضب مكتوم مش قادرة أتكلم بوقي نار

سيف شدني ليه بلمسة حنينة مفاجئة وحط إيده على وسطي وقربني منه لدرجة إني شميت ريحة برفانه اللي كانت بتسكر رقصنا سلو على أغنية هادية. سيف همس في ودني تعرفي يا ليل.. إنتي النهاردة شكلك يجنن لدرجة إني كنت عايز أكنسل الفرح وأحبسك في البيت عشان م حدش يشوفك غيري ليل قلبها بدأ يدق بسرعة ده تثبيت ده ولا إيه يا سيادة المقدم؟ سيف بص في عيني بصدق لأول مرة لا.. ده اعتراف.. إنتي مجنونة ومتعبة ولسانك عايز قطعه

بس مفيش حد عرف يشغل سيف زيك.. بس برضه هربيكي واحنا بنرقص فجأة لقيت واحد داخل القاعة وبيزعق بصوت عالي يا غدارة بقى تسيبي مورد بطاطس قد الدنيا وتروحي لده؟ ده كان مدحت بتاع البطاطس دخل القاعة وهو سكران وواقع على نفسه من العياط وبص لـ سيف وقال يا باشا رجعهالي دي كانت بتغرقني مية معدنية وأنا راضي القاعة كلها وقفت والناس طلعت الموبايلات تصور لايف التريند بدأ يولع سيف ساب إيدي ووشه اتحول لـ وحش وبص لمدحت وقال

إنت إيه اللي جابك هنا يا روح أمك؟ مدحت جيت أسترد كرامتي يا ليل لو سيف ده سجنك أنا عندي مخزن بطاطس واسع أوي وأمان ليل بضحكة هستيرية إلحق يا سيف المنافسة بقت بين الكلبشات وشكاير البطاطس سيف مسك مدحت من قفاه وقال للعساكر اللي واقفين تأمين خدوا الأستاذ ده مأمورية ليلية في القسم تهمة إزعاج مقدم شرطة وإفساد لحظة رومانسية🤣 سيف بص لي وقال بغيظ عجبك كدا؟ الفضايح دى مماشية وراكي في كل حتة

اركبي العربية يا ليل.. الحساب لسه مخلصش ليل بضحكة انتصار الحساب لسه هيبدأ يا سيفو استنى عليا يا ترى مدحت هيعمل إيه في القسم؟ وسيف هيتصرف إزاي في اللايف اللي انتشر ده؟ لقراءة الفصل التالي : لقراءة الرواية كاملة اضغط على : (رواية قلب خارج السيطرة) مدونة كامومنذ 23 ساعة 0 2 دقائق