رواية قلوب على جرف الهاوية الفصل الحادي عشر 11 - بقلم الكاتبة نهى

قلوب على جرف الهاوية
للكاتبة nuha-d-h

فرح
صرت اعرف للنقال وفجاء اجاني طلب صداقة من اسم
(طيف راحل )
دخلت عالصفحة مالتة شفتة مبينة هاي بنية
مبين من كتاباتها ومنشوراتها
اني وافقت على طلب الصداقة وبعدها
دخلت لي على الماستجر
وسئلتني انتي فرح منذر
-نعم اني فرح منذر
طيف راحل-اني شفت اسمج بالفيس بالصدفة وماصدكت عيني
فرح-منو حضرتج
طيف راحل-اني اصير صديقة سماح اختج
فرح-منو بيهم انتي
-اني رنا صديقتها بالكلية
فرح وهي تتذكر-اي صحيح عرفتج شلونج رنا
رنا-هلو حياتي بشريني شلونها سماح وخواتج
فرح بحزن-حبيبتي سماح انطتج عمرها اتوفت
رنا-الى رحمة الله هاي شوكت اشو اني محد كلي ليش
سودة علية سماح
فرح - صارلها سنتين ونص من انتقلت الى رحمة الله

رنا- ياخطية والله من مريت على بيتكم وشفتة مقفول ورحت على جاركم كال اجو بيت عمهم عليهم واخذوهم

فرح وصارت و بمرور الايام علاقتي بصديقة سماح كلش قوية وصرت كلشي يضوجني او يفرحني احجيلها
وهكذا اتعودت عليها بحياتي

علي-جدي وصلني خبر عن عمي نبيل متورط وية عالم ماخذ منهم فلوس بالفايز ومتداين من اكثر من شخص
فلا تستغرب احد يدك بابك هاي الايام ويطالب بفلوسة

الجد والله هذا نبيل راح يموتني بسوالفة
بس بسطة هذا حسابة عندي انة الة
الجد -اي صدك توفيق شخبار الامانة الي امنتك اياه
توفيق ببتسامة-لاتخاف يابة بالحفظ والصون. امانتك

فرح
الباجر مهر اختي سلوى
والبنات كلهم اجو عندنا لبيت جدي
وكل وحدة منهن جايبة وياهة جنطة جبيرة مالت ملابس ما اعرف شنو يسوون بيها وصادف اولاد عمي موجودين متجمعين عند بيبي وحدي بالصالة
وحتى عمامي موجودين بس نسوانهم ماكو كالعادة نادرا ما اشوفهن بالمناسبات وصرت اشوف بعيون بيبي والجد الطاغي لمعة فرح بجمعة احفادهم واولادهم قربهم
وصار كلما يندك الباب تدخل مجموعة بنات من بنات عمي اول مرة دخلت رشا وشهد وبعدها زمن وراء بنات عمة رسمية ووراهم اجو اسراء ونسرين وهاي السالفة والجنط وراهن تسح
علاء كاعد يم بيبي -هاي شنوشصاير بنات صالح مطلكات لو زعلانات اشو وحدتهم تدخل ووياهة جنطة شكبرها شكو
بيبي وهي تضحك على كلامه-انجب ولك عوفهن لاتضوجهن
عامر-اي والله حجية صحيح يعني خفت من خواتي بيوم دخلن ووراهن جنطهن وخفت اشوف جهالم وراهم وتكمل السبحة
حسام منتجي على القنفة ولازم بيدة سبحة وحاط رجل على رجل وسرحان

دخلت فرح على الكاعدين يصنفون وشايلة بيدهة صينية كيك وعصاير
والجدة تحجي على عامرالي عينة صارت على الي دخلت عليهم -ولك انتة ليش ما تسكت هسة لو بيك خير جان اتزوجت وجبتلك كم فرخ تفرح بيهم بدال ماظال جنك مطلكة كاعد فوك راسي
عامر وعينة على الدخلت -اي بيبي ادعيلي كون تصير الاحبها من نصيبي والله اصير ملك ومحد بگدي

حسام وهو يعدل كعدتة ويشوف نضرات عامر على فرح الي دخلت عليهم حس بركان حس اكو شي خطاء بالموضوع ولازم يتصلح

فرح-ليش ماتجون تگعدون بالحديقة والله گعدة تشرح الگلب
الحجية -اي يمة امشينا بس گوموني مابية حيل اكوم
خل اشم هوى ترة البيت هواه يكتم النفس
الجد ينهض ويمد ايدة للجدة حتى يگومها
علاء-هالله هالله مهند ونور الجزء الثاني
اكول جدي خف علينا بالرومانسية ترة الله وكيلك كلنا حدايق
عامر-ولك اثول اذا انت حديقة وهاي الكبلات كلها لعد اني شكول المزرعة السعيدة
الجدة وتضرب علاء بالعصا وهي تمشي على كيف
-اكلك حجي هذا شي يهيس اشو ما افتهمت على يا حديقة يحجي

فرح
التمو البنات وردت اصعد فوك لعندهم لكن مافرغت لان هم وراي البيت بي شغل هواي
كعدت احجي بصوت ناصي
-هسة شدعوة عليهن على الاقل جان وحدة منهم گالت هاي الحمارة خطية خل اشوف شبيهة شمحتاجة
حسام دخلت عليها للمطبخ وشفته تدردم وية نفسها عبالك عجوز ودائما اشوفها لو بالمطبخ لو تشتغل بالييت شنو هاي ذابين صرتها بمشغل مال تنظيف
سمعتها شنو حجت وعرفت هي محتاجة مساعدة والله خطية مكروبة كراب ابد مايوم شفتها تتصرف بدلع او تتملل اوعندها مياعة مايوم شفتها مغيرة بنفسها عبالك مايهمها تعدل نفسها علمود شخص يشوفها ويعجب بيها
ابد هاي الاشياء مو يمها
كمت اتصلت على بيتنا وخليت امي تدز خداماتنا لهنا حتى يساعدونها لان لوحدها ومبين عندها شغل كومة علمود باجر مهر اختها هم يالله تلحك تهتم لنفسها
هههههه انة صارت عندي خبرة بالنسوان من ورة خواتي
والتحف الي اتزوجهم كانو ينخبصن ويحركن الدنيا بالطلعات للسوك اذا عدهن مناسبة عبالك مو عندهن مناسبة عبالك عندهم جهاد
لكن هاي الواكفة كدامي مو عبالك عايشة بعالمنا ابد
دائما احس بيها حايطة نفسها بهالة خاصة عبالك عايشة بعالمها الخاص الي محد يكدر يخترقة

علي -السلام عليكم
التفتت فرح وتفاجئت بوجودي بدون ما تحس
ودارت عيونها على علي بفرحة
فرح-هلة وعليكم السلام شلونك علاوي
حسام هاي شنو متطورين اشو هذا علاوي
وذاك يتمناهة عروستة
شكو واني الطرن گاعد بينهم عوزني بس بعد ازفهة الهم للمطاية اخوتي بس بسيطة
علي-شلونج فروحة
فرح بخجل -اني زينة انت شلونك عاش من شافك مداشوفك هالايام
علي وهو يكعد على ميز الطعام -والله ما فارغ عندي شغل وسفر وملتهي
دخل علاء -هلة بالشباب شلونكم
حسام وهو يگلب بعيونة -
حسام -ليش عفتو الشياب واجيتو هنا شعندكم
علي-شنو بوية لازم ناخذ اذنك حتى نجي هنا لهذا البيت والشياب ترة دخلو من ساعة جوة للبيت وانت كارص هنا ما ادري شعندك مضيع بالمطبخ
دك نقال حسام
حسام كام من عندهم
حسام-الو هَـا هالة ليش متصلة علية اني مو گلت ماتتصلين علية الا انة اتصل
هالة -لا حياتي بس ضايجة وانت ماكو اختنكت تعال عفيا والله مشتاقتلك
حسام وعيونة على فرح ويشوفها تضحك ومنطلقة وية علاء وعلي -عندي شغل هاي الايام ما فارغ

فرح كنت بالمطبخ ملتهية وكان فهد جوة رجلي يلعب بالسيارة مالتة وعلاء وعلي يسولفون وصبيت الهم جاي
وليش ما سمعت صياح جدي وعامر عالي شكلهم جاي يتعاركون
اهوووو هسة ويامن متعارك هذا الطاغي
صارت عيني بعين حسام من نهى الاتصال ودخل للمطبخ حسيت اكو كلام بعيونة
ما اعرف ليش من اشوفة يكوم يدك گلبي حيل وهو الوحد الي ينعقد الساني عندة

رشا دخلت للمطبخ وجهة اصفر -حسام علي جدي اتعارك وية عامر وبابا ضرب عامر ما اعرف ليش

طلعو من المطبخ
فرح وهي تسأل رشا-شنو شصاير
رشا-والله ما ادري بس اليوم عامر كلي راح يفتح موضوع خطوبتة يريد بخطب البنية الي يحبها
وما اعرف شكل جدي عرف واحتمال اعترض
فرح
تحجي وية نفسها
الله ياخذة الطاغي هذا شنو مصيبتة كل عزة لاطم ادري لا انطيك ولا اخلي رحمة الله تنزل عليك
فرح-خطية عامر بس لا الجد يعنطز عليه ومايقبل
رشا-لا الله لايگولها خطية عامر مبين عليه يحب هاي البنية ما اتوقع راح يتنازل
دخلت نسرين وهي تهز بيدها
نسرين-تعاي ام المشاكل من دخلتي لهذا البيت والمشاكل ثارت علينا مثل المطر خربتي جدي على بابا وهسة جدي اتعارك وية عامر من وراج
بعد عليمن تطلعين بنت امج
فرح -نسرين اكلي تبن احسنلج لا اجي امسح بيج الگاع واتقي شري ترة مو عبالج اسكت من تهينين لهنا وحدج
نسرين تعرف بفرح قوية ففضلت السكوت لان ماضيها يشهد ما تخاف من اي واحد وعادي عندها احتمال حتى تحركها
سرور-فرح جدي يريدج
فرح استغربت ليش جدي يريدني

حسام
انصدمت من سمعت حجي جدي
وشنو طالب منة عامر
بساعتها صدك احس بصدري اشتعلت نار جانت خامدة وشبت هاي النار من عرفت ان عامر طالب ايد فرح من جدي
يعني يريد يتزوجها
الجد -عامر ترة فرح متزوجة
عامر بصدمة -شنو هاي شوكت ماكو هيج شي
الجد- اي بوية مثل ما حجيت ترة فرح متزوجة اخوك حسام
عامر نهض من مكانه -شنو اخوي حسام مامعقولة
هاي شوكت ليش اني وين جنت
حسام -وهسة انت عرفت ان فرح مرتي يالله اكطع
عامر-لا شنو تحجي اصلا انت مامهتم بيها ولامعتبرها زوجتك طلگها واني اتزوجها

حسام اخ الله اذا اكو احساس يقتحم الگلب مثل العاصفة فهذا الاحساس زارني بلحظة نطق كلمات عامر حسيت اكو شي راح ينسرق مني
حسام لزم عامر من ياخة القميص
حسام-اشو گمت تسربت بالحجي شنو شايفني گدامة مگرن اطلك مرتي حتى تتزوجها حضرتك شنو وين گاعدين
عامر وهو ينفض ايد حسام-اي احجي صدك اشو انت عايش حياتك طول بعرض وكل يوم وحدة بحضنك وتارك
هاي المگرودة معلكة لاطايلة سما ولاطايلة ارض
شنو هاي الانانية العندك اعتقها يا اخي خلي غيرك يعرف قيمتها اكثر منك خليها تعيش حياتها
حسام ما اتحمل كلام عامر
ضربة واخوه على وجهة ودفعة وطاحو سوية بالكاع وصار المضارب بينهم
وعلي وعلاء گعدو يفكوهم علي ردع حسام وعلاء لازم عامر
حسام وهو يدفع بعلي ويريد يهد على عامر
حسام -علي عوفني رحمة لوالديك اتركني عليه خل اربيه
هذا العار ولك ساقط حاط عينك على زوجتي
عامر وهو هم يدفع بعلاء -عمي دروح هاي يازوجة جاي تحجي بيها وانت مامشتريها بفلسين
الجد وبصوت عالي ويضرب العصا بالگاع
- حساااااام عاااااااامر اشو انتو ما تحشمون الاكبر منكم
حسام وهو يتنفس بغضب وشعرة منفوش
وعامر نفس الحالة
حسام-محشوم جدي بس ما اتحملت اسمعة شلون يمسلت واسكت
عامر -اسف جدي بس اني ماحجيت شي غلط كان كلامي كلة صحيح
الجد-شوف بوية انت جبير مو صغير الكلام الي صار هنا ما اريدة يطلع برة غرفة الاستقبال سامع
بوية البنية مرت اخوك ومايجوز انت تاخذها حتى لو هو طلگها واحنا ناس معروفين وعلينا العتب عيب تطلع من عندنا هيج سالفة
عامر وهو مقهور عافهم وطلع برة البيت

شوية وسمعو باب الاسقبال يندك
ودخلت عليهم فرح وعلى وجه التسائل ليش دزو عليها
الجد-تعاي بنتي فوتي دخلي جوة اريدج بكلمة
فرح-نعم تفضل اسمعك
الجد-بوية حضري روحج الاسبوع الجاي عرسكم انتي وحسام
فرح بفزع -ليش جدي اني ماسويت شي هلمرة حتى تتخلص مني وتزوجني شنو بدر مني
حسام من حجة جدي هذا الكلام احس ماي بارد نزل على گلبي ما اعرف ليش مع العلم اني ماجاي اتخيلها مرة وتنام بحضني بس ما ادري اريدها تصير ملكي حتى محد يشوفها ويخطبها
((شنو حسام تضحك على منو ترة الكتاب واضح من عنوانة))

يتبع