رواية قلوب على جرف الهاوية الفصل الثاني عشر 12 - بقلم الكاتبة نهى

قلوب على جرف الهاوية
للكاتبةnuha-d-h

فرح اليوم راح تجي عمة رسمية تاخذني حتى اشتري
ملابس واجهز نفسي
وطبعا اليوم مهر سلوى ومن خلال مراقبتي لعمة رسمية مبينة حبابة لان بس تضحك وتتشاقة وياي وسبورت كلش واتصلت علية رشا
وكانت متفاجئة بالي سمعتة عن خبر زواجي الاسبوع الجاي
بس اني ما قاهرني غير حسام الي مبين عليه متونس على السالفة
((بيني وبينكم الحجي بس مو تحجون اني احس گلبي من الفرحة يريد يطير طبعا ما راح انكر واگول ان اني مثلي مثل كأي بنية تكون مرتبكة ومتخوفة بس فرحانة بنفس الوكت لان المثل حالتي لا طالعة ولا ماشية ولا التقي باي شخص وصارت الظرف ودخلت حسام لحياتي يعني اصبح عالمي محصور امام هذا الشخص وهذا الشخص ماقاصر من حيث المواصفات الرجولية ما اكول ان هو جميل وجماله جمال ممثلين
بس حلو اسمراني مملوح لكن الي حببني الة اكثر شخصيتة ))

رشا-حبيبتي فروح حسام راح يجيبني عندج كال شوفي فرح شنو تحتاج ساعديها حتى تجهز نفسها
فرح-والله اجيتي بوكتج حتى تجين وياي لان عمة رسمية راح تاخذني حتى تكمل احتياجاتي
رشا-لعد هاي هي انتظروني
فرح طلعنا للسوك جنت لابسة عبايت راس اباوع لحسام شلون يباوع على شكلي عبالك مرة عجوز

اني جنت بغير عالم اباوع للشوارع والناس اخ الله عبالك جنت بسجن نزلنا للمول الي اختارتة رشا كالت راح نكدر نكمل احتياجاتنا من هذا المول
اباوع على البنات وملابسهم وشعرهم وحدتهم عبالك طالعة من المجلات غير اناقة ولبس على الاقل بنات عمي لبسهم مستور وهاي الاحذية العالية شلون يكدرن يمشون بيها
واباوع عليهن شلون اكلن حسام بنظرات عيونهن عمة حتى عمة عزة هاي شنو هذولي افات وهذا الاخ متونس عليهن يبوي والله ضعت بينهم هذا الظاهر شايف وعايف
بالله اني بيش الحگة حتى ادور عقلة واخلي يباوع علية ويتعلق بية
خاب ما اطير احسن لي
اهوووو لو ادري ماطالعة وشايفة هاي الشكولات جان عندي امل بنفسي بس من شفت هذني ايست والله
حسام -انة رايح وانتو اخذو راحتكم عندي شغل
من تخلصون اذا فارغ اجي امر عليكم ارجعكم واذا ما فارغ ادز واحد من الولد يجيبكم

حسام
الو هَـا هالة شكو متصلة
هالة-حبيبي هذولي منو الي وياك بالمول
حسام -وانت شكو تسئلين
هالة -حبيبي لاتصير خبيث وتحرك گلبي عليك الله گول
حسام -اهوو ترة ما احب الوحدة تتسئل هواي
يالله شو حضريلي نفسج اني جاي بالطريق محتاج حضنك ياحلو
هالة وبفرحة -صار حبيبي تدلل من عيوني

فرح يمة طاح حظنا من المشترة
رشا وهي تضحك على فرح-ولج هذا بس جزء بسيط
من التجهيز
فرح وهي متعجة-لا يمة هاي الغراض كلها وتكولين جزء بسيط ولج هذني احس بيهم راح يكفوني بعد ميت سنة شراح يلبسهم الي هذولي كلهم
رسمية-لاعيني دادا فرح شنو هاي ترة بعدنا ممخلصين شي لج عيني ورانة بعد كومة اشياء وبعد الحلاقة لازم هسة نروح يالله عجلو حتى نخلص من وكت ونلحك على الحفلة
رشا-يالله وهمزين اشترينا فستان للحفلة حتى فد نوب لحفلة مهر اختج اليوم
و خل اتصل على علاء يجيب لي الفستان مالتي للصالون

حسام
گام من السرير
وهو يدكم بقميصة -الو هَـا رشا خلصتو
رشا-لا حسام مخلصنا رحنا للحلاقة من نخلص نتصل عليك تجي تاخذنا
حسام وهو يباوع على هالة الي نايمة على السرير منتظرتة
-شوفي من تخلصون اتصلي على علاء خل يجيكم
وابتسم لهالة وكمل
-لان عندي شغل كلش مهم لازم اخلصة بعدين اشوفكم هناك بالحفلة
هالة ببتسامة شريرة وتفتح ايديه لحسام
حسام -يالله بَـــاي رايح بعد ما الحك
رشا -الله وياك

حسام وهو يغلق النقال ويقترب على هالة
تعاي ولج وين ترحين اليوم اكلج

فرح
طبعا من ردت اطلع اليوم الصبح للمول وية عمة رسمية
دخلت على سلوى وشفتها شلون مخبوصة ببدلتها والبنات جايبات الهة الحلاقة للبيت هي تسويلها شعرها وتكملها
وشفت سرور محضرة نفسها وبدلتها وكالت سلوى لايظل بالج عليها اني اخلي الحلاقة ترتبها
فرح وهي تحضن اختها -سلوى حبيبتي الله يمهدج ويهنيج
سلوى -مشكورة يالعزيزة ترة مو ماتجين للحفلة وماعليج بحجي نسرين وبكلامي بذاك اليوم والله احس بروحي جنت ثولة من قهرتج بكلامي
فرح
اعرف اختي سلوى شخصيتهة ضعيفة وبسرعة تتأثر بالكلام وكانت نسرين تحش براسها علية فهي معذورة

فرح-دروحي اصلا والله ناسية كلامكم ولا اتذكر شي منة واشحدج ماتخليني اجي هو بكيفج اجي واركص واهوس واكطع السير واشوف منو يحجي
سلوى وبضحكة-فديت جعفوري شلون حمش من يريد يفرح
ترجع للوقت الحاضر على صوت رشا وهي تصيح
رشا- واااااو فدشي موطبيعي شنو هذا التغيير
التفتت للحلاقة-اكول احسنلج تطلعين جعفر ابن عمي هسة بسرعة يالله كولي وين ضميتيه
الحلاقة وهي مفتخرة بانجازها الي سوتة بفرح
فرح وهي تنظر لنفسهة بالمرايا وكلساعة ترمش
-هاي شنو معقولة اني مداصدك بالله شو كرصيني خل اشوف نفسي اني بحلم لو حقيقة
رسمية -لج عيني ماشاء الله عليج طالعة تجننين
والفستان طالع عليج روعة الف عافية حبيبتي يوم لفستان العرس
فرح -اشكرج عمة
اتصلت رشا على علاء
واجة علينا بالسيارة واستغربت ليش ما اجة حسام
رشا-حسام عند شغل مهم فما يكدر يجي علينا ياخذنا
فرح
وصلنا لبيت جدو ورحت صعدت فوك لعند البنات ونزعت الكاب الي جنت لابستة فوك الفستان والبنات ملهم بصوت واحد
وااااااو شطالعة ولج روعة
سلوى-ولج كسرتي علية وهسة حسبالهم انتي العروسة مو اني
فرح -اشكركم بنات بس سلوى انتي ماقاصرة كلش حلوة طالعة ودرت على سرور شفتها لابسة فستان قصير نفش يجنن بناتي عمر ١٤سنة
اباوع عليها صلوات على محمد هاي شوكت كبرت يابعد عمري
رحت سمعت صوت بيبي تصيح على البنات وحسيت بالذنب خطية اليوم كلة تاركتها لوحدة وماشفتها شمحتاجة
رحت نزلت عليها وادري محد بالبيت لان الولد يعرفون البنات كلهم هنا وماخذات راحتهم
رحت لبيبي وجنت لابسة فستان طويل قالب يصير حصر على الجسم بحيث لاول مرة انتبه على تقاسيم جسمي حلوة وممتلئة بالاماكن الصحيحة وصاحبة خصر مميز
دخلت على بيبي
-ماشاء الله يمة فروحة طالعة حلوة تعاي يمة عندي خل احصنج بالمعوذات عن العين
اني صرت اضحك عليها خطية بيبي شكد جنت قاسية عليها
اتذكرت صديقتي رنا شفتها متصلة علية هواي
رحت اتصل عليها
فرح-هلو رنوش شخبارج اسفة متصلة علية واني ماشفت الاتصال لان كنت ملتهية بعد تعرفين اليوم مهر سلوى ولازم اجهز نفسي للي بالي بالج
لالا عادي حبيبتي
اكلج بوسي لي ابنج هذا اليلعي شكد يبجي دخيل الله
اي ان شاء الله اسلملج عليه يوصل
يالله ديري بالج على حالج بَـــاي حبيبتي
فرح
والله هاي رنا الله رسلها الي من السما هدية اشكد اتحملتني واتحملت الشكوى مالتي من اشكيلها
لان كنت بذيج الفترة امر بمرحلة حيل صعبة لان محد كان بعمري احجي واسولف وياه غير الولد
والبنات من يومهم ملتهيات كليات ويرجعون الظهر تعبانات ياكلن لكمة ويلفن راسهن وينامن وبعدين يكعدن يدرسن وراهة يتعشن ويحضرن ملابسهن لليوم الثاني كلة هيج مخلصاتهة علية لذلك ما احصلهن واكعد وياهن
حتى لو احصلهن ويكلفن روحهن فد ساعة من وقتهن بس
لذلك احس رنا اجتني نعمة من الله شكد جانت تساعدني بكلامها ونصايحهة الي
اوف
خل اروح البس بيبي ملابسها قبل لايجون ياخذونة لقاعة الحفلات
حضرت بيبي وكملت وخطية هي بس تدعيلي
ورحت شفتهم ماخذين فهد ابن حسام الظاهر هناك يعدلولة صدك اتعلمت عليه
اخذت نقالي ودخلت على الهول وشف بباب الجبير الي يفصل بين الهول والصالة مراية عاكسة يعني انتي تشوفين امامج مراية لكن الخلف يشوفج
المهم
اني اقتربت عليها وكفت مقابيل المراية وكعدت اعدل بحمرتي ونوب رجعت عدلت وكفتي وكعدت اتدرب على حركات الدلع مالت البنات واتذكرت اسراء ورشا وشهد
شلون من يردون ياخذون صور سلفي شلون يسوون حلكهم حلگ البطة ويسون ايدهم علامة النصر المهم
اختكم رادت تسوي هاي الحركات جنت لابسة حذاء كعب عالي ونلوت رجلي طحت بس بسرعة كمت وباوعت منا منا خاف واحد شافني شلون طحت مثل العوبة كعدت اعدل ببدلتي وعدلت صدري لان اتهوست من طحت بس الحمدلله محد شافني ههههه

لكن
كان هناك في الجهة المقابلة من يرى هذه الحركات مصدوم هاي منو البنية اخ الله كعدت اركز بيها وبحركاتها اي غير سطرتني على وجهي وكفخت گلبي
سمعت صوت بيبي صاحت
-فرح جدة فرح تعاي
وهي بسرعة التفتت على اتجاه الصوت
-هَـا بيبي اي هسة جاية جاية رجعت على المراية عدلت شعرها وفستانها لكن ما انتبهت على خيط ملابسها الداخلية طالع صفح ولازم تضمة
اوف يابة ولك حسام هاي وين جانتلك خرب بالحظ يعني معقولة احد يصدك هاي البنية فرح محد يصدك هذا جعفر انة ما انكر هي بالاصل حلوة بس كان ينقصها بعض العناية لكن الي ماجنت اتوقعة ان بعض العناية هيج تصنع صاروخ خطير على عائلة بيت صالح وتنسف المقر الخاص بية
اوف يابة

رحت فتت جوة لكييت علاء لازم ايد بيبي ولابس قاط اسود رسمي وجاي يمشي بيها حتى يركبها بالسيارة
واني استغليت الفرصة ودخلت على البزونة مالتي الي دخلت لغرفة بيبي اول ما دخلت سديت الباب وراي واتكأت عليه وهي التفتت حسبالهة وحدة من البنات
بس من شافتني شهگت وحطت ايدهة على صدرهة
فرح -يمة كمزتني والله راح گلبي
حسام وهو ينظر عليها -اجيت للبيت هنا بس ما لكيتج كالو بعدها بالصالون فانتظرتج حتى انطيج هذولي
وهو يأشر على العلبة الي بيدة
بالله شو تعاي يمي اقتربي خل البسج حلقتج وسوارج
بالله اتطيني رايج بذوقي
مو عبالج ترة اختاريتلج كم قطعة ذهب عبالك تحف
فرح اني وكعت عيني على حسام واني گلبي صار طبل اوف يمة شلابس غير يموت يبوي وين اضمة من عيون البنات
اقتربت منة شلون عبالك شي يسحبني لعندة بدون ارادتي عبالك منومة مغناطيسيا شكلة وشخصيتة تخلي الواحد ينفذ اوامره غصباً عنه
اوف
صرت واكفة مقابيله
وهو فتح علبة وطلع منه الحلقة ولبسنياهة
وراهة السوار وبعدهة الگلادة كانت جدا جميلة ونازكة
شفتة قرب راسة من ركبتي وهمس بصوت ناصي بحيث انفاسه الدافية صارت على بشرتي الي اقشعرت من اثر انفاسه
همس بكلمات
حسام
عطرج يجنن عيونج تجنن شعرج يجنن كلج على بعضج تجننين بس احلفج بالله ان تعطفين علية وتنطيني بوسة
من هالشفة الي صارلها ساعتين تحرك بدمي من تريد تتعلم على وضعية حلك البطة اوف يابة
فرح الي رفعت راسهة وصارت عيونهة بعيونة وظلت ترمش من الخجل والارتباك وكأن بهاي حركتها راح تكدر
تتعدة هاي اللحضة
حسام -هَـا شكلتي تحنين على ابن الناس
فرح-لالا الله ينطيك روح ما عندنا بنات يسوون هاي الحركات وعيب يالله استحي على روحك وخر روح منا
حسام اذا كان عندكان. ولو شك واحد ان هو راح يتقبل
فرح بحياتة فبهذا تصرفها وبتصرفاتها الي فاتت راح تجننة وتخلي على اهبة الاستعداد لكي ينال ويحسن رضاها فهي حقاً نادرة على بنات جيلها وفصيلتا
حسام وهو يتقدم واشكد اتونس من شاف الخجل بخدودها وهذا الشي جديد عليه ان يشوف بنية تخجل وتصير خددها حمرة لان اليعرفهن صاحبات خبرة وجريئات بهيج مواقف فالخجل يكون جدا بعيد عنهن
-تعاي خل اكلج شغلة
فرح برتباك-اة اة شنو الشغلة كولها من بعيد يالله ترة اريد اروح وية بيبي راح اتأخر
حسام -بالله شو اوكفي ثبتي ترة ما راح اكلج
مد ايدة باتجاه صدرها
وهي جمدت بمكانها من اثر الجرئة مالتة
لمس بظهر ايدة بشرتها وارتفعت لحد خيط مشد الصدر
وعدلة الهة وهاي باقية جامدة وابد ما رمشت انتبه عليها
حتى جانت حابسة الانفاس
فبتعدت عنها وانطيتهة مجال حتى تاخذ راحتها لان الظاهر البزونة مالتي كلش فقيرة وبعدهة وردة مغمضة
وماعندهة علم بهالحركات
يالله جهزي حالج راح نطلع اني انتظرج بالسيارة تركبين وياي اني اخذج للنادي انتي وخواتج

يتبع