رواية قلوب على جرف الهاوية الفصل الرابع 4 - بقلم الكاتبة نهى

قلوب على جرف الهاوية
للكاتبةNuha-d-h

ورجعت من السوك واني مشترية الغراض الي وصاني عليهاعمي ابونوال بس قبل لا ارجع شفت مخبز كاتبين بورقة صغيرة معلقة على الحايط نحتاج عامل
والله سئلت گالو ابو المخبز ماموجود الباجر مر علينا واحجي وياه كمت ادور على شغل لان العمل بورشة تصليح السيارات كان جدا متعب على بنية مثلي
يالله بلكي الله يسهل امري لباجر
رجعت عالبيت مريت على بيت ابو نوال وانطيتة الغراض وجاي اطلع
ابو نوال-بوية فرح عندي وياج كلمة
فرح-گول عمي
ابو نوال-انتي مو جاي تدورين على شغل
فرح-اي والله هل ادور وماكو ما لاگية لان طاح حضي من هذا الشغل
ابو نوال-تعالي اشتغلي عندي بالدكان لان شوفت عينج انة مريض وتعبان واحتاج واحد يعيني وشيطلع الج نسبة بي شگلتي بوية
فرح وهي طايرة من الفرح لان واخيرا اكو شغل
-اي عمي صار تدلل من باجر استلم شغلك مالت الدكان وانت ارتاح
واني ابقى على نفس ملابسي مالت الرجال احسن حتى المنطقة تفك مني ياخة
وصرت كل يوم ابسط بدكان ابو نوال واروح عالسوك واشتري سلعة واكمل النواقص مالت الدكان وارجع ارتبهن بالدكان وصرت من يمي اشتري اكياس صغيرة واشتري عصير ازبري واعبي بالكيس الصغير واجمدهم بالثلاجة واحطهم بالفريز ويجمدن وبما ان جهال المنطقة تحب هاي السوالف ورخيصة بس والله اسوي الهم نظيف مو مثل البائعة المتجولين ملوث
و يوم عن يوم اطور بالشغلة وگامو مرات بالليل يجون ولد المنطقة هذا الياخذ رصيد او ياخذ جكاير تك يعني مفردات يعني حتى بهاي فقر مدقع محد يگدر ياخذ باكيت هذا بس الطاك وحالتة زينة ياخذ مني باكيت جكاير المهم بس اني ابد ما انطي بالدين
لكن في يوم من الايام استغربت من شغلة مرة واني گاعدة بالدكان وعيني على باب بيتنا خاف وحدة من خواتي تحتاج شي اروح الهة المهم
شفت واحد لابس زي خاص عسكري
ودك بابنا والله دخلت جوة على بيت ابو نوال وطلبت منا ان يروح يشوف شيريد هذا العسكري
راح ابو نوال عليه واستفسر منه
العسكري-كان عندكم قبل سنة مقدمين على بلاغ اغتصاب للانسة سماح منذر صالح
ابو نوال-اي بوية وصلت شنو المطلوب
العسكري-استجدت عدة امور بالقضية ولزمنا اثنين مغتصبين ابنية فتم استدعاء سماح منذر حتى تجي وتتعرف على المشتبه بهم اذا كانو همة ام لا
ابو نوال -صار بوية ان شاء الله بس گول انتى شوكت اجيبها واجي
العسكري انطة لابو نوال ورقة ووقع عليها ابو نوال. وراح
اقترب ابو نوال على شباك الدكان وانطاني الورقة وقريت موعد الحضور كان غدا
فيوم
ثاني راح ابو نوال واخذ اختي سماح الي خطية
من بعد الي صار بيها ابد ما طلعت لحظة لخارج البيت واني ظليت انتظر على نار شلون يا ربي اتمنيت طير
واروح لعندها واشوف حالها

وبعد اربع ساعات من الانتظار
رجعت سماح وهي فرحانة لان المشتبه بهم الي محجوزين بالحبس طلعو همة نفسهم الي اعتدو عليها
والف الحمد لله ربي ما يضيع حق الظلوم
بس شنو الفايدة الناس يبقى بيهم المتخلف والمريض بتفكيره
ومرة اني جالسة بشخصية فلاح بالدكان
وجان يجون ثنين شباب غربة اول مرة اشوفهم بالمنطقة وشكولهم ولد خير
ااهوووو هاي گعدة الدكان خربتني وخلتني صرت فضوليةً مثل اهل منطقتي اقتربو من الدكان مالتي واستفسروا مني
على بيتنا
وسئلوني على عائلة بيت ابو سماح وبناتة الي هما اني وخواتي
يمة هذولي شيردون من عندنا ومنين اجونا
وصارت الافكار تلعب براسي
فرح-اخوية هذني البنات الموجودات بهذا البيت ذهب مصفى شعندك تسأل عنهم شنو تقربلهم شي وجاي تسئلون عليهم ترةصحيح هنا بنات وحيدات بس وراهم سند مو حسبالكم ماعندهم احد يدافعلهم
المهم هذولي الشباب الثنين الي سئلو طلعو سائلين هواي ناس قبلنا من المنطقة
وانة گلبي گام يلعب منهم

في مكان اخر في بغداد
الضابط علي
كنت اقرة في ملف القضية للاشخاص المشتبه بيهم وبعدين ثبتت إدانتهم عن طريق الشهود الي كانت فتاة قبل سنة مغتصبيها ومن خلال متابعة قرائتي لملف القضية شفت ان كان هناك تشابه باسم الجدواللقب
بس ما معقولة
اهوووواحسن شي اسويه اتأكد بالاول

علي
في بيت الجد
كان الجد صالح وابنة الكبير توفيق كالعادة جالسين يشربون جاي
علي -السلام عليكم
الجد وتوفيق-وعليكم السلام والرحمة
علي وهو يروح على جدة ويبوس راسه وبعدها اوبوه نفس الشي
الجد-شنو هالغيبة ماگمنا انشوفك من رفعوك وشديت الرتبة الجديدة صرت بالسنة حسنا تجي نشوفك ماتگول هذولي جدي وجدتي اشوفهم وامر عليهم

حسام -السلام عليكم
الكل-وعليكم السلام والرحمة
دنك على راس جده وابوه
وراح لاخوه علي-هلة يالذيب شخبارك عاش من شافك شنو يابة محد يشوفك هالايام
علي -والله ملتهي عندي شغل كومة وما فارغ احك راسي
انت شلونك الله يساعدك الشغل كلة فوك راسك
حسام -والله ياخوي تعبان ماتعرف شي يصير بيا من اسافر وارجع صد ورد كلش اتعب وهمة الله يحفظهم ذابين الشغل كلة فوك راسي وهذولي الشياب گاعدين هنا يشربون جاي ويلعبون طاولي
علي -جدي اليوم جيتكم بموضوع كلش مهم
الجد-گول ابني اسمعك
علي-قبل اسبوع بالصدفة اجة صديقي لعندي وحجالي عن قضية محوليها لبغداد وكانت قضية اغتصاب لفتاة شابة
مو هنا موضوعنا الموضوع الي جيتكم بي ان هاي الشابة كان اسمها
سماح منذر صالح كانت تشترك وياي بالجد الاول والثاني واللقب كلش غريب اني اعرف عدنا من جنا صغار عم متوفي وهو صغير زين اريد افتهم عمي اسمة منذر يعني معقولة اكوهيج صدفة تشابه بالاسماء

الجد والاب وهمة مصدومين
الجد وجسمة كلة گام يرجف من الي سمعة
يعني مو بس خبر ان ابنة عندة بنية لا والمصيبة هم هاي البنية مغتصبيها
دخيلك ربي شجاي يصير شنو العار من تالي عمري يركبني
الاب توفيق وهو يتذكر اخوه منذر الصغير ويحن عليه

الجد -شوف ابني انتوا ما تدرون ان عندكم عم اسمة منذر عايش مامتوفي من هو وصغير
هذا الولد طلع عن شوري بيوم من الايام
كانت قبل مرية فلسطينية تخدم عدنا هي وبنتها
وهاي بتها كانت شابة جداً جميلة اسمها فاتن
وفعلاً مثل الفتنة الي تتنقل بالبيت امام عيون عمامك
وجانو بوقتهم شباب
المهم حبوها اثنين من ولدي الي هو عمك منذر وعمك نبيل الي اكبر منة كان نبيل متزوج
لكن منذر ما متزوج
ليش مايوم اجاني منذر وفتح وياي موضوع زواجة من فاتن لكن اني رفضت فكرة الزواج لان احنا من العوائل العريقة الافندية ومن بيت سعاد خاتون واحنا مو اي واحد نتناسب وياه الا كون صاحبين جاه ومال واسم
لكن عمك منذر عاند واصر ان يتزوجها ويكسر كملتي
وبعدها صارت مشاجرة بين نبيل الي يريد يتزوج فاتن على مرتة وبين منذر الي عشك فاتن ويريد يتزوجها
الى ان اجة اليوم الي كبرت بيه السالفة وگام منذر اخذ السلاح وصوب عمك نبيل برجله واخذ فاتن وراح شرد بيها واتزوجها
وحسب المعلومات هو سكن وعاش بالناصريا
لكن اني طردتة من العشيرة وحرمت عليه ان يعتب عتبة باب البيت وگام اول السنين كان يجيب عائلة ويجي للباب لكن اني ارفض اشوفة فكان يبقى بالباب فترة ويرجع لكن بالسنين الاخير ظل ما يجي وهذا الشي خشن خاطري عليه وقهرني منة كانت توصلني منة رسايل لكن بعدين حتى الرسايل انقطعت
حسام وعلي متفاجئين بكلام جدهم الي سمعوه
التفت الجد وكالعادة دائما يسلم المهمات الصعبة براس حسام الي اصلا اتعود على حمل المسؤلية

حسام
يصير ابن توفيق الكبير وعمرة ٣٠سنة كان متزوج بنت عمة نبيل لكن اتوفت بالولادة وصار عندة ولد منها اسمة فهد وعمرة سنتين
الى الان ما اتزوج لان اتعقد من الزواج من ورة زوجتة الاولى الي لزمها تخونة مع صديقة بالنقال ومحد يعرف بسالفتهة بس هو وماتت وما حجة لاحد عن موضوعها
لذلك لم يتزوج
الكل عبالهم ان هو وفي الها ولان يحبها باقي الى الان مامتزوج
لكن حسام فضل ان يسكت وما يصحح توقعهم بس
حسام بالمقابل ليس بالملاك الصالح
يوجد لديه عشيقات متزوجهم
زواج متعة وكل فترة مبدل وحدة
مثلا عندة
وحدة متزوجها ببغداد بس مگعدها ببيت بمنطقة راقية هذولي كلهم متزوجهم زواج متعة بالسر محد يدري عنة يعني صدك لو گالو ماتحت السواهي دواهي واي وحدة تظل تتدلع وتلعب بذيلها گبل يطلك ابد ما يحب وحدة تمشي براسة كلامها بس الي تصير من نصيبة يا سعدها يدللها دلال من سيارات من ذهب هو كلش كريم
شغله الخاص معرض مال سيارات لكن جده وابوه حملوه شغلهم المتوارث اباً عن جد شغلة العائلة بالوراثة الي هي صياغة الذهب عندهم محلات بالكاظمية للذهب
اربع محلات ثنين محلات جده وواحد مالت ابوه والرابع ملكه من ماله الخاص لان هو على گد ما يلعب بذيله وصاحب مزاج ونسوان على گد ماهو شاغول وسبع

حسام -صار جدي تآمر بس خلي ارتب وية علي واشوف موقع السكن والباقي عوفة علية

يتبع