رواية قلوب على جرف الهاوية الفصل الرابع عشر 14 - بقلم الكاتبة نهى

قلوب على جرف الهاوية
للكاتبةnuha-d-h

فرح
مرت الايام والتهيت بجهيز نفسي وخطية عمة رسمية ابد ما تركتني لوحدي ورشا التهت بتجهز الغرفة وغراضها لان ماعندي وقت اطلع اختار وياهم الغرفة
كنت احس بروحي اسعد انسانة
كانت صادف الفترة عطلة البنات وسلوى استلمت عني المطبخ وسرور حبيبتي استلمت البيت لان اني هاي الايام كلش انشغلت
سرور حبيبتي احس بيها كبرت
وانتبهت على نظرات علاء ابن عمي ومعاملتة وية سرور
شلون يحرص عليها ومرة شفتة شلون اعترض وما قبل سرور تروح لوحدها ما رادت تروح مشي للمدرسة مالتهة لان سيارة السايق عطلانة وكانت المدرسة قريبة
لكن علاء رفض تطلع لوحدها تمشي واصر ان يوصلها مو هنا الحجي استغربت من موقف اختي سرور شلون صارت خدودهة طماطة حسيت من نظراتها ان اختي كبرت وبدت تحب
بس الحمدلله على الاقل اختيارها موفق وحبت علاء لان هو كلش حباب
وهذا الشي طمني
الحمدلله يا رب اسعدني واسعد خواتي
كنت كل قطعة اشتريها بملابسي احس بيها ريحة فرح وسعادة وكان الاشتياق مرسوم على وجهي

حسام
من يوم الي اقتربت على فرح وصارت بحضني
بلحظتها حسيت النفس طابت مايحلالي غير حضنها حاولت اروح لعند هالة لكن ما كدرت حسيت بطعم الحضن فاهي وبارد
مو مثل النار الي صارت بيني وبين فرح هذا كان شعور غير ابدما حاس مثلة وية اي وحدة من الي جنت اتزوجهن
صرت اعد الايام والساعات لحظة لحظة
حسيت الاسبوع عبالك سنة
وصرت اريد بس اشوفها لكن دائما يصير لقاءنا بوجود الجميع
صرت اغار اذا اشوف سيارة عامر عند بيت جدي
اتغيرت بية هواي اشياء
انتبهت على فرح شلون معتنية بفهد ابني وشلون اشوفة دائما بحضنها كنت مرات حتى اغار عليها من فهد من اشوف اعتناءها. بي هو وجدي
احس صرت اناني واريدها بس الي
والله ابد ما اتمنيت ان يوم من الايام وحدة من هذني الي جنت متزوجهن ان تجي تسكن ببيتي واشوفها ام بيتي ابد
لكن فرح لا غير كنت اريدها تصير ام بيتي ومو بس هيج حتى كمت اتمناها تصير ام جهالي وصرت اتصورها شلون تحمل باحشاءها ابني بوقتها راح احس بالفخر

الجد -توفيق اليوم جيب المحامي وياك من تجي
توفيق -صار بوية ٺــڊٍلََُلََُؖ بس خل اخلص الشغل العندي وبعدين اجي واجيبة وياي

فرح
هلو رنوش شلونج شخبارج
رنا -الحمدلله زينة بس هذا موتني عبودي لعب بحالي لعب يريد يطلع اسنان الرحى ومأذيني
فرح-يبوي الله يساعدج
رنا-عوفج مني انتي شلونج ووين وصلتي بالتجهيزات
فرح-اهووو سكتي اليوم اشتريت بدلة العرس بس تجنن
علية طلعت ما اتصورتها هيج حلوة علية
ودزيت غراضي هناك لبيت عمي توفيق بيد سلوى
هي راحت تسفطهم وترتبهم بالغرفة

سكتي ولج اني نسيت احجيلج عن سرور اختي وكعدت فرح تسولف لرنا شنو سوت بهاي ايامها الفاتت

حسام بالشغل
-الو هَـا هالة ليش متصلة
هالة وهي تبجي-ليش ولك هاجرني وعايفني بالبيت لوحدي لاتسأل علية ولاتكول هاي مرتي حسام عفية والله اشتاقيت لك لاتتركني لوحدي ترة. جاي اخاف
حسام وهو متضايق من هالة
ما اعرف ليش صرت اتخبل من وحدة تفرض نفسها علية مو مثل قبل جنت اتونس على هاي الحالة بس هسة. ما اعرف ليش صرت اختنك من وحدة تتودد الي وتتوسل حتى اجيها بالعكس احس بالنفور منها
حسام -هالة كم مرة اعيد واكول ما مسموحلج تتصلين علية وتبقين تنتظرين اتصالي شوكت ما اريد اني اتصل
واظن كلش زين تعرفين شنو شروطي يالله حبابة روحي كعدي ببتج وسكتي لاتخليني اضوج منج واصدر القرار
بحقج

فرح
سمعت صوت سرور تحجي وية بيبي ورحت لعندها وجلست قربهم واني اباوع عليها
وبعدها جلست سلوى قريب علية
الجدة -اي يمة ومثل ماكتلج ابوج كان كلش شاطر وصار هو اعلى واحد باخوانة بشهادتة
وصار جدكم وين مايروح ياخذة وياه حتى يفتخر بي
احنا گبل جنا الي عندة شهادة نكعد نفتخر بي
وجدكم كان واحد من هذولي الناس
لكن اجتنا خدامة فلسطينية متزوجة جندي عراقي
وزوجها استشهد وجابت من عندة بنية اسمها فاتن
وجابهة جدكم النا للبيت خطية كانت بوقتها تكسر الخاطر
واني خليتها تساعدني بشغل البيت لان احنا قبل هواي تجينا ناس فبيتنا عليه الرجل
وربيت فاتن بنته وية رسمية بنتي
ويوم عن يوم كامت تكبر فاتن وصارت جميلة ملفتة للنظر اكثر وحدة بيكم تشبهة هي فرح
وبوقتها ابوكم منذر كان مسافر ببعثة دراسية للخارج
وجدكم ابد مايفرق بينها وبين رسمية عمتكم ودخلهم بنفس المدرسة
كان دائما يگول عليها يتيمة خطية و اكسب بيها ثواب

كنت اشوف بنظرات عمكم نبيل لفاتن اعجاب وجنت اخاف عليها لان احنا بوكتها خاطبين بنت عمة الة وعيب
يكسر بنت عمة
فكمت عجلت بزواج عمكم حتى يشيل عينة عنها لان ادري كلش زين ان جدكم ما راح يقبل يزوجة فاتن لان عدنا هاي عيبة انتو جيل هسة راح تكولون شدعوة هيج متشددين
لكن احنا بزمنا هاي تعتبر اهانة ان واحد ياخذ مرة مو من ديرتة غريبة اجنبية لان مانعرف اصلها وفصلها منين
فمن زوجت نبيل لبنت عمة انشغل بيها
بس ماجنت حاسبة حساب رجوع ابوكم واعجابه وتعلقه
بفاتن ابوكم من رجع من الخارج وخلص دراستة هناك واستلم الشهادة رجع شاف فاتن كبرانة وحلت بعينة وعشكهة
لكن صادف بفترة رجوعه وفاة جدهم والتهيت عن البيت
بفاتحة عمي ابو صالح وما دريت شصار بينهم
الا من يوم اجتني ام فاتن تشتكي تحرش نبيل
ببتها فاتن واني اتخبلت
ورحت هديت على نبيل بغرفتة وجانت سندس كاعدة بصفة
وبوكتها طيحت حظة على سوايتة ببنت العالم
لكن اتفاجئت من دخل منذر علينا بالغرفة وهد على نبيل وكعدوا يتضاربون بينهم
بوقتها عرفت ابني منذر عشك فاتن والمصيبة فاتن هم حبت منذر وردت اتلاحك الموضوع
وطلبت من جدكم يخطب لمنذر بنت عمة لكن هنا بدت المشاكل تطيح على راسي وصارت اول مشكلة بين منذر وابوه واعترض ورفض طلب ابوهة بتزويجه بنت عمه
لكن بعدها بفترة اجة لابوه يريد يطلب ايد فاتن من عندة
وهنا اشتعلت نار الفتيلة وكأن عاصفة هدت على بيتنا
وصارت مشاكل جدكم صالح ومنذر بصفحة
ومشكلة منذر ونبيل بصفحة
بس الطامة الكبرى من صارت المصيبة وهد ابوكم بالسلاح على نبيل بيوم الشاف نبيل بغرفة فاتن معتدي عليها ورايد يغتصبها
وساعتها ابوكم صوبة برجلة واخذ فاتن من بيت ابوه
وشرد بيها وسمعت بعدين اتزوجها واستقر هناك بالناصرية لان اتعين هناك
فرح وهي سرحانة بكلام جدها -الله بابا شكد كان زلمة وعند كلمتة وماترك البنية الي حبها گلبه
الجدة -اي يمة والمصيبة انتي طالعة على ابوج راسج يابس اتذكر من اجيتي باول يوم دخلتينا كلنا بالانذار
اوف والله ايام
فرح بحسرة الم
الجدة كأنها رادت اتغير الموضوع الي ماجاب غير الالم للبنات
-كومي يمة سلوى فتحي كنتوري تلكين بي صدوق جيبي لعندي
راحت سلوى واجبتلها الصندوك
سلوى -هاج بيبي
فتحتة كدامهن وطلعت من كلادة وسوار وتراجي
هاج يمة سلوى هاي الكلادة الج
وهذا السوار لفرح والتراجي لسرور
اني متعودة كلما وحدة تتزوج من بناتنا انطيهة قطعة من ذهبي هاي عادة عدنا حتى تستبرك بيها فد شي حگ البركة
سلوى كامت وباست راس بيبي وايدها
واني وسرور سوينا مثلها واجينا نكوم نطلع
الجدة-يمة فرح مو تطلعين اريدج بشغلة سدي الباب وتعاي
سديت الباب ورحت كعدت يمها
الجدة-شوفي يمة انتي عكب باجر ترحين لبيت رجلج وتعيشين عند عيالج فيا يمة اوصج تصيرين سباعية
وكعدت الجدة الحنونة تعلم فرح جميع الامور الي كانت تجهلها التي تحدث بين الزوج والزوجة في اول ليلة زواجهم
وكانت فرح حيل خجلانة من كلام جدتها

حسام
الو صار يابة اي كملت وحضرت كلشي
شنو هَـا تمام لعد لازم اجيب بعد خرفان يعني الله يحفظة جدي عازم نص بغداد على عرسي هو يعزم واني تطيح فوك راسي
خلص الاتصال بين خسام وابوه والتفت على اهوه عامر المساعد والايد اليمنى وباوع عليه وامف فوك راسه جنة عندة كلام يريد يحجيه
عامر-حسام اريد احجي وياك
حسام وبثكل لان بعدة زعلان عليه من اخر مرة
-اتفضل اسمعك
عامر-خوية حقك علية ما اعرف شصار بية بس والله انصدمت من سمعت حجي جدي والله اتفاجئت خصوصا من شفتك مامهتم لفرح
لكن من شفتك عجلت بالزواج وشفت فرحتك ولهفتك على زواجك من فرح عرفت ان انت تحب فرح
وانت سعادتك وفرحتك من سعادتي فاطلب منك السموحة ياخوي والف مبروك عليك الزواج
كام حسام وحط ايدة على كنف عامر وحضنة
-الله يبارك بيك ويوم الالك وهكذا تصافت الانفس
وبدأت التجهيزات الي يوم العرس

حسام وهو جالس يكمل شغلة المتراكم حتى يفضي ويتفرغ لعرسة ولعروستة
دك نقاله
حسام وهو بنتبه على المتصل ويعقد حواجبة وصار لازم ينهي علاقتة وية هالة لازم يبدي حياة جديدة وية فرح ومابيها اي شي يعكر صفوة حياتهم
-الو هالة اني جايج للبيت
راح حسام وشغل سيارته وكبل على بيت هالة
دخل عليها وشافهة تبجي
هالة-ليش حسام صدك هذا الخبر الي سمعتة تريد تتزوج علية لك حسام اني شسويتلك حتى تتزوج علية
حسام -شنو عيني ترة لا يكون مصدكة روحج مرتي وعايشة الدور شوفي حبابة
ترة اني ماضربتج على ايدج وانتي بيوم الي قبلتي جنتي تعرفين شنو دورج فلا تسوين نفسج متفاجئة
واني جيت اليوم حتى انهي كلشي وياج لهنا وخلصت رحلتي وياج يابنت الناس
اني رجال عندي التزام وراح اتزوج وديري بالج تلعبين بذيلج وتحاولين تجربين حظج وياي والله لو ترحين لسابع ارض اجيبج وبوكتها جيبي الي يخلصج مني

فرح بيوم العرس
جنت طايرة من الفرح واجت سلوى وسرور وكعدت من النوم على اصواتهم وضحكتهم
سرور يالله كعدي ياحلوة ترة وراج شغل يابو شغل
ههههه ولج كلساعة حسام يتصل حركني حرك
فرح اتذكرت البارحة تركت النقال جوة عالشحن يبوي
كمت واني كلي نشاط ولهفة نزلت وحضنت بيبي
طبعا جدي ابد ابد ما اقترب منة ولا ابادلة اي شعور بتجاهة
راحت سرور وسلوى وباسو ايد جدي وراسه
لكن ابد مو يمي
واتركيت واجت عمة رسمية هي وبناتهة ورشا هي وشهد اجت تهلهل وتصفك خطية تسويلي اجواء للعرس
وبعدين اجة علي علينة واخذنا للصالون
ركبنا بالسيارة وسملت عليه واني خذي طماطة
وصلنا للحلاقة
علي -من تخلصون اتصلو علية
رشا-اوك
حسام
التهيت بالعرس وراسي ما احكة يعني صدك جذب يعني الواحد من يعرس كون يطيح حظة اي هسة غير اني عريس واتدلل اليوم
علاء-عمي دروح زين انت العريس وتشتغل اني شلي دخل
يعني صدك لوكالو
العروسة للعريس والجري للمتاعيس وانة اكبر تعيس ابن تعيس
حسام خلصت من الحلاق وسبحت ولبست قاطي وردت اتصل على فرح اشوف الوضع عندها لان مابقة غير ربع ساعة اروح اخطفها من اهلها وتصير حلالي
ودك نقال حسام

فرح بعدما رجعنا من الحلاقة وبيبي شافتني كعدت تقرة المعوذات
رشا-يالله كومي ياحلوة تعاي كعدي بالصالة لان راح يجون خلي شوية نشغل الديجي وناخذ بروفا وياج على ما يجون
دخلت على الصالة وشفت عمتي وبناتها ووالكل جاييين من اقاربهم والبيت مالك محط رجل بي
ركضت شهد-يالله بنات حضرو نفسكم ولبسو لان راح يجون
توفيق-علي اتصل على اخوك شوفة وين صار
علي -يابة اتصلت عليه كال بمسافة الطريق جاي بس خلي اكمل هاي الشغلة ويجي
بعد نص ساعة
توفيق -علي يابة ارجع اتصل على اخوك شنو وين صار ترة الناس وزلم عليهم العتب واكفين منتظرين ترة والله زحمة
علي -يابة اتصلت عليه انطاني رفض يمكن جاي بالطريق
شنو هذا ليش اتاخر
لكن ورة لحظات اجت رسالة على واتس اب علي
علي وبصدمة -لا يا الله لا اااا مستحيل ليش ليش حساااااام

يتبع