رواية قلوب على جرف الهاوية الفصل الثالث عشر 13 - بقلم الكاتبة نهى

قلوب على جرف الهاوية
للكاتبة nuha-d-h

فرح
ركبت مع حسام بالسيارة وشفت خواتي ركبو وية علي.
فرح هاي ليش ركبو وية علي انت مو كلت راح يجون ويانة
حسام -اكول ترة دتحسسيني اني خاطفج من اهلج يابة ترة هاي اني وياج لوحدنا بالسيارة لاتنسين انتي مرتي فعادي اليوم وحدنا بالسيارة الباجر وحدنا بغير مكان شلون بالله هم تحتاجين حماية وياج وين مترحين
التفتت منة بخجل وصارت وجهي على جهة جامة السيارة ولفت انتباهي شكل نسرين كاعدة بسيارة محمد اخوها عيونها تريد تطلع من الصدمة
اهووووو هاي والله نسيتها هسة راح تتخبل من تسمع بحسام راح يتزوجني هسة يبوي شيفكني منها بس خلي تطير حسام ملكي خاص بس الي
وصلنا عالقاعة وكانت الحفلة عائلية كلها تحضرها عمامي وجدو وجدتي واولاد عمامي وعمتي رسمية واولادها وبعد الجوارين وصديقات سلوى والبنات
فنزلت حتى اروح وية البنات
حسام -ترة الحفلة مختلطة شلون راح تدبرين حالج خو متطلعين بهيج ملابس مشخلعة
فرح -لا اني محضرة نفسي عندي سترة قصيرة متوالمة مع الفستان تجي فيت عليه
رحت رتبت نفسي بغرفة التبديل
وجاي اطلع ولزمتني ايد قوية من زندي التفتت شفتها
نسرين الشرر يريد يطلع من عيونها
نسرين-شتسوين ركبتي لوحدج بسيارة حسام
فرح - عادي اركب شنو يعني ترة هاي سيارة زوجي وعادي اركب بيها
نسرين واحس بيها تريد تطلع عيونها من مكانكم
-شنو ولج احجي عدل شنو قصدج بزوجح
فرح -مثل ما سمعتي ترة حسام خطيبي والاسبوع الجاي انتي معزومة على عرسنا

دخلت رشا -يالله بنات راح تتدخل سلوى تعالو شوفو
فرح رحت شفت بيبي كاعدة على ميز قريب على الكوشة
كعدت هاي بيبي اشو لوحدج گاعدة وين البقية
الجدة-والله شوفت عينج يمة كلمن ملتهي وية جماعتة
وهذني چنايني عشتو كاضياتها وية صاحباتهن سوالف
رفعت راسي شفت مجموعة شباب دخلت وية عامر الظاهر من اقاربهم من بيعد
شفت واحد صارت عيني بعينة رجعت دنكت وكملت كلامي وية بيبي
دخلت اختي سلوى كلش حلوى بالفستان
وكعدت وبعدها دخل نواف الفرحة ماسايعتة
وبعدها اشتغلت الاغاني والركص صار بفلس

لكن الشخص الي دخل قبل شوية صار كدامي وراه عامر اجو يسلمون على بيبي
-عامر اشو ماعرفتنا على الحلوة
استدار عامر وخزرة
لكن سمعت صوت من وراهم
حسام-اعرفك على زوجتي وبنت عمي فرح
التفت الشاب على حسام -اخ هاي شوكت اتزوجت
لعد وذولاك البقية وين وديتهم
فرح وهي تعكد حواجبها بستغراب وتسائل شنو ذولاك البقية يقصد منو
حسام -اكول اشو جنك شايل همي روح بابا لاتخاف علية يالله توكل منا وخليني اكعد يم عروستي واشبع منها شوف
الجدة-اي يمة تعال اكعد يم مرتك لان انشلع گلبي كل ساعة وحدة تجي تخطبها مني
حسام -هههههههه. وانتي شتجاوبيهم
الجدة -اگللهم روحو ذاك رجلها روحو خطبوها من عندة
حسام-هههههههه والله يابيبي انتي تحفة
الجدة-فرح اشو ماكمتي لعند اختج روحي يمة
حسام فعلا ابد ما شفتها اتحركت من مكانها
لاهي ولاسرور
حسام-گومي خل اوديج تاخذين صور وية اختج
التفتت على مكان سلوى شفتها اتأشر علية حتى اجي يمها
سلوى - شنو وينج ااشر عليج ماكو انتي بغير عالم تعاي كعدي يمي
حسام-يالله هاي اختج ههههه اثاري جعفر طلع يخجل
نواف-بشرفك هذا الجمال كلة وتصيح عليه جعفر
حسام -اكول انجب وخلي عينك على مرتك وشيل عينك عن مرتي
نواف-اهوو هاي شنو اشو جني اشم ريحة غيرة بالجو.
فرح
اخذنا صور اني وسلوى وسرور سوية وكانت سلوى كلش فرحانة وبعدها اجو البنات واتجمعو كلهم واخذنا صورة

شوية وحست على سرور اتأخرت گالت راح اروح للحمام
اشو ماكولحد هسة
خل اكوم اشوف وين صارت
رحت لخارج الصالة لان شي اكيد الحمامات برة
طلعت برة وشفت اثنين شباب متزانگين واحد لازم قميص اللاخ من رگبتة
وسرور واكفة على صفحة تبجي
رحت اركض لعندهم
انتبهت لي سرور وركضت علية وحضنتني وهي تبجي
سرور-لحكي فرح هذا علاء ومحمد اتعاركو
فرح -وانتي شلج غرض بيهم ليش ما تركتيهم ودخلتي شنو قابل انتي تريدين تفكيهم
سرور-لا مو هو العركة كلها من وراي
فرح بخوف -ليش ولج شمسوية احجي
سرور وهي تبجي -جاي اروح للحمام ومحمد قطع علية الطريق وجرني من ايدي يگلي انتي الي ديري بالج اشوفج واكفة يم احد لو تضحكين وية واحد
واني ردت اسحب ايدي منة وكتلة عوفني لا اكول لفرح تجي تلعب بيك طوبة بس فجاءة ماحسيت على علاء ابن عمو توفيق من ركض على محمد وزنگة من رگبتة
ويكلة هاي هاي المرجلة ان تستقوى على ابنية ولك هاي بنت عمك يالعار تتعرض لشرفك انة اعلمك تعال

فرح وحست النار صارت بگلبها وما اتحملت

حسام افتقدت وجود فرح ماشفتها يم بيبي ولا عند سلوى
واني الشك ظل يلعب براسي رحت ادور عليها واني جسمي يرجف لكن انصدمت من طلعت من القاعة واشوف سلوى ركضت على محمد وسحبتة من رباطة بس كانت الصدمة من لزمت تحفية كانت موضوعة على ميز منظر وگامت وحطت التحفية براس محمد وطشرتها على راسة
اخ الله هاي شنو مو معقولة هاي البنية راح تجلطني والله عمي ضبعة
رحت اركض عليهم وشلتة من خصرها وبعدتها عن محمد الي صار عبارة عن وجه وشعر وقميص كلة مهوس وقطع مكسرة هههههه عبالك بزونة هادة عليه لاعبة بي طوبة بنت الاوادم
فرح وهي تقاوم وتدفع الي سحبها وقيدها من خصرها وتهدد محمد
فرح والنار تطلع من عيونهة -شوف يالنجس اذا اقتربت من اختي والله لسوي بيك سواية اخلي الناس كلها تحجي بيهاواحسب الله ماخلقك
علاء-لا تشيلين هم اني موجود واحطلة حد لهل العار

فرح ماحسيت على روحي من ركبت السيارة التفتت هذا منو الي ركبني درت وجهي عليه شفتة حسام والنار بعيونة تجدح
وصلنا للبيت ونزل من السيارة ودخلني لبيت جدي وهو لازم زندي قوي ويسحبني للبيت
اول ما دخلنا للبيت دفعني كدامة واني التفتت عليه وجمدت بمكاني
حسام-اكول اشو انتي ضاربة الدنيا بعرض الحايط وما حاسبة عندج رجال شلون ترحين تهدين على محمد انتي ماتستحين
فرح وبعناد وغضب-انت ماتعرف شنو سوة محمد لاختي
حسام -لو مهما كان الي سواه لاختج اكو رياجيل ترحين الهم وتحجين وياهم مو ترحين تهدين عبالك زلمة
فرح-مالك حق تجي تحجي وتحكم علية انت ماتعرف هذا العار شسوة وية اختي هذا كل مرة يتحارش بيها
وهي تخاف منة ماتكدر تحجي لان يهددها ويكللها محد راح يصدك كلامج من تكولين اتحارش بيج
انتي اختج كتلوها لان شرفها ضايع
تعرف شنو يكون احساسي من اشوف واحد يأذي وحدة من خواتي او يمسهم بكلمة اصير وحش واهجم وما اهتم لاكبر واحد لو اعرف على كص رگبتي بس اهم شي اخذ حيفي منة وابرد گلبي وگلب خواتي وبعدين شنو تردون تسوون بية سووه ما راح اهتم لان بوقتها اكون اخذت حقي من العار وجنت اتمنى عندي السجين الصغيرة مالتي والله ما اتردد لحظة وحدة واحطهة بصدره ترة كافي سكتنالكم هواي بعد ما راح اسكت
كانت فرح تحجي وتتنفس بغضب
وكان حسام ينظر الها وهو بغير عالم ينظر لشكلها وعنفوانها الي مالة حدود
الي يشوفها يحسبها انثى بمعنا الكلمة
يعني الغلاف الخارجي كلة انوثة
لكن المحتوى غير يختلف كان الداخل عبارة عن ولد مشاكس يعاند ويطالب بحقة وحق خواته
بس غير الصدك بديت افتخر ان هاي الانسان الي واقفة امامي راح تصير زوجتي فعلا الواحد مايخاف على بيتة من تكون هيج بنية ام بيتة هاي الي راح تصونة اذا غاب عن البيت
ودخلت نبضة جديدة الى قلب حسام وكسبت نقطة لصالحها
اقترب حسام من عندها وهي تتنفس بغضب وما يعرف ليش هو رايح لعندها بس حس بروحة يريد ان ياخذ هاي الانفاس الغاضبة بين شفايفة ويتنفسها
وبمفاجئة سحبها لحضنة وسحب شفايفها وحبسهة بين شفايفه
وهي بين المصدومة وبين الي بدت تستوعب وضعها بحضن حسام
لكن حسام الي عرف شلون يبدي وياخذها وياه لعالمة وامتلك شفايفهة واخذ يطبع عليهم ملكيتة لكن ما عرف شلون ينهي الي بداه يحس بروحة اصلا مايريد ينهي الوضع
فرح اتفاجئت بي من سوة هيج وياي لكن مفاجئتي كانت
اكبر بستسلامي الة وذبت بين اديه معقولة اني هيج
اخ ياربي هو هذا الشعور الي يحسون بي البنات
اوف احس بروحي صرت قطعة نار
حسيت على نفس حسام صار ثگيل وحسيت بي لزمني من خصري وقطع الاتصال بينا وصار ينظر الي بشغف
اكول فرح هذا خصرج مو طبيعي

هي صارت طماطة من الخجل
حسام اول مرة اشوف بنية خجلها يزيدها جمال
حسام-اخ الله شوكت يخلص الاسبوع وتصيرين ملكي وحلالي بوقتها تصبحين بحضني

يتبع