رواية قلوب على جرف الهاوية الفصل الرابع والعشرون 24 - بقلم الكاتبة نهى

قلوب على جرف الهاوية
للكاتبةnuha-d-h

فرح ظل بالي على رنا صارلها يومين ماكو
لكن بثناء هاي الايام صارت حركة غريبة ببيت جدي وصارت جيات علي وعمي توفيق للبيت كلش هواي ومرة من المرات شفت علي داخل لبيت جدي ولازم بيدة ولد صغير ستوة يمشي فدوة شلون حلو ودبدوب وكوة يمشي من اللحم ابو خدود
رحت عليهم وسألت علي
-هذا منو الدبدوب الي جايبة وياك
علي وكانت عيونة حمر وارتبك من شافني
-هلة فرح اةة هذا ابن صديقي خطية امة اتمرضت وهو ماعندة اخد بخلي يمة
فرح دنكت عالطفل وشالتة وشمتة
-اووي سودة علية خطية ربي يگوم امة بالسلامة
انتبهت اكو واحد دخل بالمطبخ التفتت شفتة حسام اهووو صارلي شكد ما شايفتة جان لازم بيدة ابنة فهد
وباوع علية شايلة الطفل وعيونة صارت بيهن لمعة
اي لمعة گمت اعرفهة هاي اللمعة كانت لمعة شوگ ولهفة وحنين
اني دنگت وسويت نفسي مشغولة بالطفل
رفعت راسي وسألت علي ماگلتلي شنو اسمة
-اسمة احمد
اجة لعندي فهودي واخذتهم اثنينهم وطلعت ما اكدر ابقى اكثر بنفس مكان البي حسام والله لو باقية بعد شوية جان بجيت
ومر يومين بهاي اليومين كل مرة اشوف علي واسمع. صياحة بالاستقبال وعمي توفيق طلع من الاستقبال وجه اسود وصار وجهة بوجهي بس دنك وراح حتى مسلم علية ما اعرف شبيهم شسصاير
المهم اني التهيت بدراستي وسلوى ما بقة شي على
عرسها

واني بعدني بالي مشغول على رنا الي جهازها انغلق
وماجاي بنفتح دخليك ربي ليش هيج شصاير وياهة هي ابد ما گطعت عني
ونوب اني ما اعرف رقم زوجها ولا اعرف رقم احد يقربلها حتى اطمن عليها
وصرت كل يوم من يجي علية الخط اشوف حسام ياخذ ابنة للروضة
وصار عدنا تعود ان لازم اشوفة ويشوفني ونتبادل النظرات المحملة باللهفة كل يوم
لكن اليوم ولاول مرة اشوفة ابتسملي
واني ابتسمتلة
بس عودك شنو احس روحي اسعد وحدة بالعالم
صعدت بالسيارة وشفت اسراء بنت عمو وجهة اصفر دخلت لبيت جدي
استغربت شعندها جاية من الصبح وشفت سيارة حسام اتحركت وعبرت سيارة الخط وراح كبل وافترقت الطرق
وصلنا للكلية
نزلت وصلت لباب الكلية
وجان تطبك علية سيارتين نزلو منه ثنين لابسين زي عسكري
-انتي فرح منذر صالح
فرح بستغراب -اي نعم اني فرح
-اتفضلي ويانة للمركز للاستجواب
-اكدر اعرف عشنو
-اتفضلي ويانة وانتي هناك تعرفين
-زين بس انتظروني اتصل على اهلي حتى يجون وياي
حجة واحد منهم- ميحتاج اصلا ابن عمج علي توفيق راح يكون هناك
من سمعت اسم علي ارتاحيت
ورحت ركبت وياهم بالسيارة وشفت ايهاب من بعيد اجة يركض باتجاهي ويأشرلي بحركة لا لا استغربت مافتهمت عليه شيريد مالحك يوصل
لان كانت السيارات اتحركت ومشت بينا
التفت علية واحد من الضباط
-العفو اختي ممكين تسلمينا نقالج
فرح بستغراب -ليش شتسوون بي
-اختي اجراء امني لازم نتخذة مع الكل
فرح اقتنعت نوعاً ما بكلامه لكن بدت تدخل على گلبي اول بوادر الخوف ما اعرف ليش
سلمتة النقال وسمعت صوت نقالي دك وانتبهت عليه هو قفلة
وصرت انتظر شوكت نوصل للمركز اشو طولنا شنو قابل المركز هيج بعيد لهدرجة
وبدت الوقت يطول اني زاد التوتر وبدت الافكار المخيفة
تلعب بعقلي وكلش خفت بلحظتها حسيت اكو شي غلط بالموضوع بعد ما اتحملت اسكت
-العفو اخوية انتو وين ماخذيني ترة شغلتكم مو مريحة واحس انتو مو ضباط اصلا
-لاتخافين ماعندة شي وياج احنا شغلتنا وية اهلج وحسام وانتي صيري حبابة والتزمي بالهدوء حتى ما تتأذين
فرح وبخوف
عزة العزاج يفرح
-يعني شنو انتو خطفتوني شتردون مني
صار جسمي كلة يرجف من الفزع لا ياربي سترك لاتوگعني بيد هذولي
طبعا عقلي صار ساحة من الافكار المخيفة والتخمينات السيئة التزمت الصمت والهدوء وصرت كل ساعة اتحسس السجين الصغيرة الي بالجوراب
طال الطريق لدرجة حسيت على روح نعست واريد انام

سمعت واحد منهم يگول لصديقة يالله.
-خلي ننفذ الخطوة الثانية من الخطة ترة راح نوصل خاف تندل المكان
-يالله ماشي
فرح ماعرفت شقصدهم
خفت خاف يريد يسوي بية شيء كبل رجعت اتلمست السجينة الصغيرة الي
طبعا تعودت عليها وين ما اروح اخذها من كد ما اتعرضت لصدمات هواي خلتني دائما على اهبة الاستعداد لحماية نفسي بحالة حمل السلاح للامان النفسي
اتوقع هاي حالتي تسمى بالصدمة النفسية
المهم التفت علية واحد منهم وبيدة مرش بخاخ رشة بوجهي على حين غفلة وكنت مامتوقعة هذا الشي وبعدهة ماحسيت على شي

حسام
التقيت اليوم بفرح كالعادة مثل كل يوم لازم اشوفها الصبح صرت ما اطلع للشغل اذا ما اصبح بوجها حسيت ان الزمن كان كفيل بتهدئت غضبي من ناحيتها وشفتها شلون التزمت بكلامي ونهت سالفة خطوبتها من ايهاب وحسيت عليها شلون بدت تتقرب مني وتتودد الي بس اني كنت جداً مقهور منها وشايل بگلبي عليها الى متى تبقى تتهجم علية وتصدر الاحكام بحقي حتى بدون متحاول تجي تسألني المفروض احنا نحب بعض ومتفاهمين وتدري كلش زين اني احبها وحجيتها مو بس مرة گلتها الف مرة اني احبج يابنت الناس وما بعيني غيرج
وفهمتها بسالفة الصور والبنات الكنت متزوجهن
بعد شسوي اكثر من هيج
وهي بلحظة وحدة هدت كلشي سويتة وياهة
وسمعت واقتنعت واصدرت الحكم باتجاهي بمجرد ما سمعت وحدة تكول هذا زوجي
اوك اني وياج يفرح بهاي حقج ان كانت متصلة من نقالي والصور كانت كلها بدبي اي على الاقل تعاي سئليني انتظريني اجي واحجي وياي يعني ما اتوقع مكدرت تصبر عشر ايام علية حتى تفتهم مني شسالفة واني هم كنت غلطان ما اتواصلت وياهة لكن كنت متأكد ان هي سمعت بأختفاء نقالي وجنت متأكد مرتاح ومطمن ان سالفة الخطوبة من ايهاب انتهت
لان قبل لا اسافر تركتها واحنا متفقين على الزواج وكنا حبايب ومابينا شي يعني ماخليت واحد بالمية ان اكو واحد كان يحوك مؤامرة ضدي اخ الله لوبس اعرف هذا منو الي يشتغل ضدي وية هالة ومخليها تعرف بكل تحركاتي يعني العجيب بالامر محد يعرف اني وفرح راح نرجع لبعض غيري بس اني وفرح
يعني هالة ماظهرت بحياتي الا من اني وفرح قررنا نرجع لبعض
والله شغلة توگف العقل راح اتخبل منو الا ايد بالسالفة وشنو مصلحتة بالله افتهمت هالة تنتقم مني زين الثاني شنو غايتة بأذيتي
واني بالطريق رايح للشغل بعد ما ودعت فرح بنظراتي وابتسمت الهة وابتسمتلي ظليت امشي مع سيارت الخط مالتهة لحد ما افترقت الطرق
ورحت للمعرض بس دك نقالي
-الو هلة علي شنو شنو شلون هاي شوكت
لابربك ستوني شفتها ما صارلي نص ساعة انت
شتحجي
علي-حسام خل نلحگ على فرح ترة عمي نبيل راح يخطفها والسالفة كلش جبيرة فوك متتصور

حسام وكفت السيارة بالطريق احس گلبي راد يطلع من ظلوعي
-علي منو كلك هذا الحجي منين جبت هاي المعلومات
علي-حسام هسة مو وكت اسئلة اكلگ خل نلحك على فرح لان احتمال يخطفوها من الكلية لان اسراء مذكرت
ابوها من اي مكان ناوي يخطف فرح
حسام وبدة الخوف ينتشر بجميع انحاء جسمه
-يالله يالله راح اتصل على فرح بسرعة سد النقال
علي -يالله لعد اني راح اتصل على ايهاب بلكي يلحك ينتبه عليها
غلقت النقال من علي وايدية بدت ترجف اريد ادور على اسم فرح واحصلة والله وبسرعة اتصلت وهنا اجيت اتخبل وعقلي شده الاتصال انقطع وبعدها عدت محاولة الاتصال انطاني الجهاز مغلق
رجعت اتصلت على علي بلكي حصل ايهاب
-الو هَـا علي بشر شنو حجيت وية ايهاب ترك فرح اتصلت عليها وجهازها دك ونوب صار مغلق
علي وبخوف على بنت عمة
-حسام فرح انخطفت ايهاب شافها ركبت مع اثنين نزلو من السيارة وكانو لابسين زي ضباط
وحسب كلام صديقتها ان همة حجو وية فرح
على اساس ان هي مطلوبة للتحقيق وطمنوها ان اني ابن عمها راح اكون هناك منتظرها بالمركز وهي اطمئمنت الهم وراحت ركبت وياهم بالسيارة وباثناء اتصالي مع ايهاب راح ركض عليها حتى يمنعها لكن هي منتبهت عليه ومن وصل لمكانهم كانت السيارة متحركة وماشية بعيد عنة مع الاسف مالحگ عليهم

حسام حسيت الزمن توقف وبردت اطرافي بوقتها عرفت عندما يجتمع شعور الجزع والخوف سوف تؤدي الى دفعك بكل قوة الى حافة الهاوي وبوقتها راح يكون سقوطك من على حافة الهاوي شي اكيد
حست اكو حصرة بگلبي صارت نزلت من السيارة وگعدت بالگاع

حسام وهو بصيح بعالي صوتة
-اخ الله لااااااااااا ياربي الا فرح الا فرح