رواية قلوب على جرف الهاوية الفصل السادس 6 - بقلم الكاتبة نهى

قلوب على جرف الهاوية
للكاتبة nuha-d-h

وصلنا لبغداد وكنت اني وسماح وسرور وسلوى صاعدين بسيارة علي
والغراض والجنط بسيارة عمي توفيق الظاهر الله ررازقهم من خيره مبين من سياراتهم
واتصلو على على جدي والعائلة كلها متجمعة عند بيت جدي
كان وجه سماح مرسوم عليه الخوف من المجهول
وسلوى وسرور مرسوم على وجوههم الامل الا انا كان الحقد مرسوم على وجهي

وصلنا لبيت جدنا وكان جدا فخم طبعا هذا مو نفسة البيت الي اخذنة الة مرة بابا حتى يشوف ابوه وعائلتة
وصلنا و شفنا باب واسع فتحة بنگالي ونزلو عمي توفيق وعمي جواد ونزلنا وراهم
شفت هناك مرة كبيرة بالعمر منتظرتنا بباب البيت وحولها نسوان واكفات قربه
دخلنا للبيت واستقبلتنا المرة العجوز بالدموع
واخذتنا بالاحضان يمة بنات وليدي العزيز يمة تعالن اشمكم واحضنكم خل اشم ريحة العزيز ابوكم
وصار البكاء والتعارف بين البنات والجدة اقتربت سماح
سماح ببتسامة مملوءة بالدموع
سماح-اني سماح الكبيرة وهاي
واشرت على سلوى
وهاي سلوى وهاي سرور وهاي فرح
اقتربت مني الجدة وحضنتني واني ابد ما بادلته الحضن
كنت جافة مع الكل احس گلبي ناغزني منهم
وجلسنا بالصالة وكانت سماح واني بصفها وسلوى بالجهة الثانية وسرور قرب جدتي وشفت نسوان عمي وبنات عمنا وكان باين على شكلهم الفضول الا وحدة كانت النظرات مملوءة بالشر
والي هي زوجه عمو نبيل
اسمها سندس ام حسين
ام حسين-وين اختكم الي فعلو بيها واغتصبوها وكسرت راسنا
فرح احس كلماتها عبالك شلون الضربة على الوجه نظرت على سماح الي وجه صار اصفر لان هذا الموضوع ابد ما فتحناه من عهد يوم الي صار بيها السالفة وما توقعنا ان همة عندهم علم بي
الجدة -سندس شلج بالهالكلام اشو گومي منا يالله على شغلج لاحلت بركة بيج يالله
سندس - من هسة اگلج ترة اني ما اشتغل خدامة لبنات ابنج
فرح اقتربت وحدة من بنات عمي كانت حبابة
-اني رشا بنت عمكم توفيق
-واني شهد بنت عمكم توفيق
واشرت على وحدة خلفها
وهاي اسراء بنت عمكم نبيل وهاي اختها نسرين
اقتربت اسراء من عدنا وسملت وكانت جدا حبابة مثل البقية لكن نسرين كانت تباوع علينا بحقد
وبقن يسولفن ويانة
وفجاءة صارت حركة غريبة واصوات برة البيت اتوقع كانت بحديقتهم
وبعدين اجت سندس تخزر بينا وگالت لبسو حجابات لكن فجاءة سمعنا صوت صياح عالي مال زلم وسمعت رجال يصيح اليوم نغسل عارنا بيدنا
بنت الفاجرة الزانية
اني گلبي بسرعة نغزني
وسمعت صوت عمي توفيق يرد عليه احترم نفسك نبيل لاتظل تگمز هذا الشي مو انت الي تحجي بي هذا ابوي هو الي يقرر
وتلاها اصوات عالية وصار مدافع مال زلم
شفت اسراء بنت نبيل دخلت علينا ووجهة اصفر واحنا جنا گاعدين بالغرفة يم الجدة
اسراء-بيبي لحكي صارت عركة بين عمامي وبابا وتضارب حسام وية حسين

بعدهة سمعت صوت قاسي خشن سكتهم كلهم وسمعت الكلمات التي تلت الهدوء
الجد-العار انة اغسله بيدي بوية توفيق جيب بنت اخوك حتى نغسل عارنا وندفنها

وهنا سادت لحظة صمت وفزع احاطت المكان
وصار تبادل الانظار بيني وبين خواتي المفزوعات وكان حالنا مثل النصبولنا. كمين وگعنا بي اني وخواتي
اخ الله كان المقصود بغسل العار اختي
لا ربي دخيلك مو اختي مو اختي
ما حسيت على روحي من ركضت على جنطتي وكنت دائما اخبي بيهة السكين الصغيرة
ركضت وطلعتها لكن شفت ثنين شباب دخلو علينا ومن ضمنهم عمو توفيق سحبو اختي سماح من بين خواتي
سودة علية كانت تحتمي بينا
و بانت على وجهة علامات الهلع والرهبة صارت مثل العصفور الواقع بفخ ويريد يهرب ويلوذ بروحة
ركضت عليها من شفتهم سحبوها
من زندها وكانت بيد عمو توفيق وعاينت على واحد من عمامي يصيحونة نبيل
نبيل -امشي ولج زانية فاسدة امشي كدامنا يالله

اخ الله هذا مو نبيل العار
فرح
بوكتها صرت مثل اللبوة الي تدافع على اولادها الي تريد بس تحميهم من المكروه
صرخت بعالي صوتي وركضت وراهم حافية لباب
الشارع ماكنت لابسة بس الشال
وكانت الشباب كلها تنظر علية وعلى اختي مصدومين
اني فاجئتهم وركضت على اختي كانو ما متوقعين ان اني اكدر اطلع هيج طلعة جسرة وسحبت اختي من ايد عمو توفيق
وخليتها خلفي
فرح طلعت السجين ووجهته عليهم
فرح-الي يقترب علينا والله اشك بطنة بيها واحسب الله ما خلقة
نظرت لعمي جواد وتوفيق بنظرة عتاب
فرح -ليش هيج خنتو الامانة ليش جبتونا هنا حتى تقتلون اختي ليش ولكم شسوت ولكم اختي مظلومة لاتظلموها فوك ظلمها
نظرت على رجال كبير بالعمر لازم عصا بس كان رغم هو كبير بالعمر لكن صحتة قوية
صارت عيني بعينة وكانت النظرات المتبادلة كلها عداء وجفاء
ضرب الجد العصا بغضب عالگاع
الحد بصوت غاضب-توفيق شتنظر معقولة جاهلة زعطوطة تخوفكم بتهديدها
ابتسم من شاف السجين بيدها واقترب علية واحد من اولاد عمي شخطت وجهة بحيث الكل اتفاجيء بجسارتي
فرح بصرخة-والله ما راح ارحم الي يقترب من اختي
مو عبالكم مالنا احد تستقون علينا

(سويت هيج غصب عني بس معذورة ترة هاي اختي ياعالم والكل دارت علينا شلون الذياب من تدور على الشاة اخ الله والله موقف ما راح انساه طول حياتي
حرت وين اخبي اختي منهم يردون ياخذونها ويكتلونها
سمعت صريخ اختي سلوى وانتبهت على سرور شلون ركضت علينا وكأن تريد تجي تدافع وياي عن اختنا وامنا وتخلصها من ايد هذولي الظلام لكن شفتها انشالت من الگاع شفت واحد من اولاد عمي شالهة حتى يمنعها تتقدم علينا وهي كامت تصرخ
لكن الي اذاني من شفت سلوى مقيداتها البنات تريد تطلع وتصرخ وفكت روحها منهم
وطلعت تركض علينا لكن الجد الطاغي ضربها بالعصا على ظهرها حسيت بيها انگطع النفس وصارت
زرگة من الالم
واني صرت بين الواكفة امام اختي خاف ياخذوها من بين ادية
وبين اختي الثانية الي وگعت من الالم بالگاع صرخت بصوت عالي
اخ اخ الله ليش هالظلم

رفعت راسي للسما وبكل هضم اشتكيت لرب العباد
ربي لجئت لحصنك المتين يتيمة ربي وجارو علينا الظلام

لكن لكن شفت ولد شاب لابس دشداشة وحواجبه حادة صاح
حسام - محمد عوفها علية هاي المهرة الجامحة انة خيالها
شفتة اقترب مني وعيونة بيها المكر
وفتح ايديه اثنينهم ورفعهم ليفوك شلونج يامهرة تعاي فتحي صدر خيالج
واني وكأن حسيت بالتهديد وركضت بكل سرعتي وشخطت صدرة بالسجين من صفحة اليسرى
وما حسيت عليه من لوى ذراعي خلف ظهري وصرت وجه بوجه وعين بعين كانت عيوني بيها نار الغضب والانتقام
وعيونة بيها المتعة والحيلة والاعجاب
لكن سمعت من خلفي صوت سماح وهي تصرخ بعالي صوته وجروها. من زندها ويسحبونا اخ الله والله منظر يمزق نياط القلب
شفت عمي توفيق شلون يگود بيها وركبها السيارة هو وعلي بالسيارة
واخذوها
سماح-لالا لا عمي والله مظلومة عمي مظلومة
فرح -لا لا لا اااااا لج سماح
ودفعت الشاب الي جان مقيدني من صدره وركضت
ركضت على الجد الي هو الوحيد الي يگدر يوقفهم

وطحت على ايدة
فرح-الله يخليك احلفك بعزيز گلبك تعتقها والله مظلومة
ابوس ايدك هاي اختنا وامنا وسندنا لاتدمر حياتها وحياتنا
شفت البرود على وجه الرجل العجوز
ويأست من الترجي وشفت السيارة تحركت واخذو اختي بيها

ورحت اركض ورة السيارة مثل الطير المذبوح من الخوف القهر على اختي

لكن مع الاسف
ما گدرت الحك على اختي الي كانت تنظر الي من خلف السيارة ودموعها تنزل بخوف والله ابد ما راح اكدر انسى نظرات الخوف الي شفتهم بعيونهة
اخ الله گعدت بالگاع على التراب وصرت مثل المخبلة الم بالتراب واشمر على راسي فقدت فقدت ولاول مرة بحياتي
تطيح دموعي حتى بوفاة ابوي امي ما نزلت دموعي الا هسة لان صعبة على الواحد يشوف نفسة لاحول ولاقوة
حتى ينقذ حياة اعز انسان عليه ويشوفة كدام عينة شلون راح يقضون على روح وردة شابة وانتي مابيدج شي غير النظر باستسلام وتشوفين شلون ينفذون العقوبة باعز ناسج والي هي اختج كان الموقف يهد الحيل
(
فرح حست على واحد يگومها من الگاع وكانت هاي الجدة الي عيونها متروسة دمع
فرح وبصوت عالي وهي تدفع ايد جدتها
تركيني ولاتلزميني
لاتسوون روحكم خايفين علينا
كلكم جذابين
نظرت لعمي جواد
فرح-ليش هيج عمي مو امنتكم نفسي وخواتي
شفتهم كلهم دخلو للديوان واني تركت الجدة ورحت وراهم
بالديوان ورحت وكفت بكل قوة وصلابة گدام الجد الطاغي

اذا الدينا ما علمتني شي فمن صرت بدور الولد علمتني هواي صفات وحدة منهم عدم الخوف والجسارة
فرح وبعالي صوتها الي خلة العيون كلها تتعجب على هيج قوة وجرءة
فرح صاحت-صااااااالح ليش يالظالم تجير علينا بحكمك تعرف انت غضب الله راح ينزل على راسك من ورة سوايتك هاي راح تقتل نفس بريئة وشريفة

فرح استدارت وباوعت للكل
ولكم احنا شريفات واشرف من الشرف احنا ما انطينا نفسنا رغم العوز والحاجة انتو تعرفون شلون عشنا
شلون كدرنا نحمي نفسنا من عيون البشر والذياب
راحت وكفت مقابل الجد
واشرت عليه بكل عناد
انت تعرف شلون جبناها من ذاك اليوم لهذا اليوم عايشات ولك يالظالم اختي راحت بالرجلين واغتصبوها
ظلم والله ظلم جانت تريد تدبر خبزة تعيشنا بيها بشرف
لكن انتو شنو فرقكم عن الي اغتصبوها همة بدون رحمة وانتو بدون گلب الاثنين ميت ضميرهم الله لايوفقك
تعرف شلون من بعد ما اختي انكسرت شلون محد رضى يشغلنا واحنا ماعدنا احد يسند ظهرنا بس رغم هذا كلة وما سلمنا نفسنا وما انطينا شرفنا

اقتربت من الجد نزعت فرح شالها امام الكل
-حجت بصوت مهزوز لاول مرة بحياتها لازم تدافع عن شي مقدس ما تتوقع ان راح يجي اليوم الي توكف بي حتى تثبت ان هي واخواتها شريفات
فرح -هاك شوف انجبرت احلق شعري مثل الولد وانزل للشارع علمود ادبر اللگمة الي ولخواتي لكن ما انطينا شرفنا انجبرت ان اصير زلمة البيت ودارت عيونها عليهم كلهم وهمة مستغربين
اي صرت رجال البيت احسن من كل زلمة بيكم
ونزلت للشارع حتى اصون عرضي گعدت امسح سيارات وابيع وانظف في سبيل العيشة
بس اخ الله
والله كفر تجون انتو هسة على الحاضر بدون متعرفون بحالنا وتگعدون تحكمون على شرفنا وبلحظة تضيعون اختي ولكم تعرفون الاخت شلون عزيزة ولكم هاي امنا ام سرور الي انحرمت من حضن امي وهي صغيرة
وهي تمسح دموعها
حسيت على وجه جدي وعيونة صارت تعاين على الشخص الواقف خلفي التفتت شفت عمي توفيق قميصة وايدة كلها دم ووجه اصفر
توفيق وبقهر وصوت متعوب دنگ-غسلنا عارنا يا بوي غسلناه وذبحتها بيدي الثنين
ودنگ يباوع لديه متروسة دم
فرح هنا انهارت-لا ااااااااااااااااااااا لا يالله

فرح وبشهگة قهر
ولك بوية تعال عاين علينا انولينا من بعدك يبوي انولينا ولونا الظلام الماعندهم رحمة بگلوبهم ركضت على عمي توفيق ولزمت ثوبه من صدره
وشفت دم الغالية اختي مغطي ثوبة
فرح - يعمي شگالت روحك من ذبحت اختي
وهي تتوسل احلك حتى تعتقها لله
اسألك بالله ماحن گلبك عليها من شفت وجه وعيونها من تترجة بيك ترحمها وتعفيها من الذبح

ولك شلون هانت عليك بنت اخوك وريحته تذبحها جا ماكسرت خاطرك يتيمة ومظلومة
يمعمي بالله انشدك من حطيت وجها عالتراب هم صاحت اختي من الم حد السجين لو بسرعة ذبحت الشاه حتى تخلص منها
بس اخ الله كون تشوفوها ببزركم وعيالكم وشبابكم
كون الله يحرك كلبكم مثل ما حرگتو گلبنا على اختا روح الله لا يوفقكم لا دنيا ولا اخرة يا ظلام

يتبع