تحميل رواية «قلوب عذبها الحب» PDF

رواية قلوب عذبها الحب الفصل الحادي عشر

كان منصور بيكلم قاسم وبيقول له ما تزعلش مني يا ولدي عشان مديت يدي عليك بس انت اللي مش محترم حد وعمال تهزق في ولد عمك

قاسم بضيق، انا مش زعلان منك يا ابوي بس الكلام اللي قولته في حق فارس مش كذب ولا افترى عليه ده طبعه انا مستحيل اقبل يا ابوي يكون جوز لاختي بلاش تظلم اختي افرض هي مش عايزاه هتجوزها لها غصب يعني

منتصر وهو واقف وراه كلام قاسم صوح يا بوي احنا لازم ناخذ راي رحيل الاول ولو هي قالت مش موافقه على فارس بلاش منها الجيزه دي من الاول اختي لازم تعيش مع حد تكون متقبله يا ابوي

منصور يا ولدي انا ما قلتش حاجه انا كل غرضي ان هي مش هتلاقي احسن من ولد عمها انا مش بغصبها ولا بفرض عليها حاجه واذا كان اكديه بكره الصبح ان شاء الله هشاورها واخد رايها بس بلاش ناكل في بعض ونتخانق وانت يا قاسم طول بالك شويه

،، ابوي فارس مش رايد اختي هو عايز ياخدها عيند عشان جاد طلب يدها في المجلس وانا اختي مش لعبه واي حد

،، منصور تصبح على خير يا ولدي واللي فيه الخير يقدم ربنا ان شاء الله

ــــــــــــــــــــــــــــــــــــــــــــــــــــــــــــــــــــــــــــ

اما عند جاد

جاد ابتسم عفرم عليك يا عثمان ازي غايبه عني الفكره دي يخرب بيت سنينك يا جدع

عثمان اي خدمه يا معلم ربنا يكرمك ان شاء الله ويوفقك وربنا يقدم لك اللي فيه الخير يا صاحبي

جاد انا وانت يا ابو الصحاب وعشانك انا يا سيدي مستعد اساعدك في اي حاجه تطلبها وهقف معاك

عثمان الموضوع اتعقد خلاص يا جاد وما فيش منه امل هتكون لغيري ربنا يصبر قلبي على فراقها ويسعدها انا مش عايز غير سعادتها

جاد وسعادتها وياك انت يا جدع ايه قولك انا هكلم ابوي ونروح انا وانت وابوي لابوها واي مبلغ هو هيقول عليه احنا هنوافق عليها ما تقولش لا يا جدع

عثمان بس يا جاد

ما بسش اعتبرهم دين يا جدع ولما تشتغل ردوا ليا ولا اقول لك احنا نكون شركه ان شاء الله انا وانت مش هيكون حد زينا

عثمان اللي فيه الخير يقدمه ربنا

جاد ابتسم، دلوقيت هلحق انام لي ساعتين وبعد كده اعمل اللي قولت عليه ونشوف ايه اللي هيحصل تصبح على خير

ــــــــــــــــــــــــــــــــــــــــــــــــــــــــ

تاني يوم الصبح، في بيت الجنايني الكل متجمع على سفرة الفطار،

الخدمه ـ، الشيخ رضوان برا يا حج شعبان وهيسال عليك

شعبان، غريبه الشيخ رضوان اهنه من وش الصبح خير

طلع شعبان على الدوار الضيوف ومنصور والشباب وراء

~صباح الخير وانا اقول الدار منور ليه اتاري الشيخ رضوان حدانا

~منور بصاحبه يا ابو منصور انت كيفك

شعبان، الحمدلله في نعمه يا شيخ قولي انت زين مش بعوايدك تجي حدانا في حاجه حوصلت ياك

رضوان، كله خير يا شعبان انا جاى وطلب منك طلب وكلي عشم انك ما ترفضش ولا تصغرني

شعبان، انا تحت امرك ياشيخ غالي وطلب رخيص

رضوان بهدوء،، انا جاى وطلب يد حفيدتك رحيل لي جاد ولد رؤف المنشاوي

فارس بغضب، كيف يعني تطلب يد رحيل ليه وهي هتكون مرتي شكلك كبرت يا شيخ ومش واعي بتقول ايه

منصور بغضب،، فارس اكتم وانت اخر واحد يتكلم واياك تدخل في حديت الكبار

شعبان، بس ياشيخ البت لي ولد عمها وانهارد الخطوبه

رضوان، اسمع ياشعبان زمن البت لي ولد عمها خلاص راح والجهل ده انتهى البت ليها الحق توافق او ترفض ولو هي موافقه على ولد عمها اعترب اني ماجيتش ولا فتحت وياك حديت بس انهدلي رحيل احدتتها

شعبان بس ياشيخ رضوان،

رضوان، مابسش الرجل جاي وطالب الحلال وكمان عشمان فيا انا هاخد راي رحيل وهمشي وكل حاجه بالخناق ماعد الزواج بالاتفاق

قاسم،،

الشيخ رضوان اللي بيقولو عين العقل ولغاية دلوقيت محدش خد راي خيتي انا هروح اندها

بعد فتره جات رحيل،،

الشيخ رضوان،، تعالي يابتي اقعدي جاري تعالي ماتتكسفيش انا كيف جدك

قعدت رحيل،،

~انا سمعت انو اليوم خطوبتك انتي وفارس ولد عمك الحديت ده صوح،

، ايوه ياشيخ

،، طيب قوليلي يابتي انتي موافقه على فارس شايفه الشخص المناسب ليكي

رحيل بصت في الارض وسكتت

قولي يابتي انتي شايفه الشخص المناسب ليكي جوابيني

،، انا موافقه على اللى يقولو عليه جدي وابوي انا مش هعرف اكتر منيهم

،، بس انا عايز اعرف رايك انتي يا رحيل مش راي جدك وابوكي

رحيل بنبرة متوتره، انا شايفه فارس كيف اخوي منتصر وقاسم معرفتش اشوفه غير اكديه بس انا هعمل اللي يقولو عليه جدي وابوي

رضوان بهدؤء،،،

طيب يابتي روحي انتي شوفي كنتي بتعملي ايه مش هعطلك

وخرجت رحيل،،،،،

رضوان، ايه قولك يا شعبان في راي رحيل مفيش حاجه غصب وقالت مش شايفه فارس غير اخ ليها وجاد شريها ومش هتلاقي احسن منه والنبي صلِّ الله عليه وسلم قال،

“إذا جاءكم من ترضون دينه وخلقه فزوجوه، إلا تفعلوه تكن فتنة في الأرض وفساد كبير”

فارس بغضب بس رحيل انا احق بيها من الغريب ومحدش هيتجوزها غيري

شعبان فارس اقفل الموضوع ده رحيل كيف اختك مش اكتر ولا اقل من اكديه

فارس بغضب يعني ايه ياجدي انت هتعوم على عوام ولد المنشاوي ده واحد كداب

رضوان بهدؤء قولت ايه يا شعبان ياولدي عشان امشي وكمان جاد مستني ردك عشان يجيب اهله ويجي يتقدمك قول الخلاصه خليني امشي قولت ايه

شعبان بهدؤء قولت لا إله إلا الله محمد رسول الله، سيبني لي نهاية اليوم يا شيخ رضوان هشاور ابوها واخواتها في الامر واخر النهار هرد عليك

وقف الشيخ رضوان وقال وانا هستنى ردك يا شعبان بس صدقني مش هتلاقي احسن من جاد وفي الاخر كل حاجه قسمه ونصيب

وسابهم ومشي ـ

فارس بغضب جدي انت انسى الكلام اللي قالو الشيخ رضوان وليله تقفل الموضوع بخطوبتنا انا ورحيل

شعبان بتفكير، روح يا فارس شوف مشاغلك، وانت يا قاسم انده اختك عشان هقولها كلمتين خلينا ننهي الموضوع ده

بعد شويه رجعت رحيل،

شعبان يلاه اتوكلو على الله وسبونا انا وابوكم،

مشيو الكل،

منصور، تعالي يابتي اقعدي انا وجدك هندردش وياكي شويه

قعدت رحيل بخوف وتوتر،

ن نعم ياجدي سمعاك

شعبان، انتي مش رايده فارس ولد عمك

سكتت رحيل بخوف،

منصور اتكلمي يابتي ماتخافيش انتي انسانه بالغه ويحق ليكي تختاري الشخص اللي هتكملي معاه حياتك و الموضوع مفهوش غصب

رحيل بخوف وتوتر،

حقك عليا يا بوي انت وجدي بس مفيش قبول من نحيتي لي فارس انا مش قادره اشوفه زوج ليا انا مش شايفه غير اخ ليا حاولت اتقبل الموضوع بس والله مش قادره غصب عني

شعبان، مفيش حاجه غصب يابتي انتي كنتي من الاوله انك مش رايده كنت انا وقفت كل حاجه انا شفتك ساكته قولت السكوت علامة الرضا بس خلاص يابتي اعتبري الموضوع منتهي

رحيل بفرح بتتكلم جد ياجدي

امال يابتي حاجه مش رايدها وانا مش هغصب عليكي ده انتي نوارت البيت ومحدش يقدر يزعلك

حضنتها رحيل بسعادة وحب، ربنا يخليك ليا يا احلى جدو في الدنيا كلها

شعبان بضحكه ماشي يابكاشه خلينا في المهم عاد انتي متقدملك عريس وانا سمعت انو كويس

رحيل بحزن بس انا مش موافقه ياجدي،،،،،

رواية قلوب عذبها الحب الفصل الثاني عشر

رحيل بحزن بس انا مش موافقه ياجدي

منصور، ايه اللي بتقولي ده يابتي انتي عرفتي مين العريس عشان ترفضي

رحيل بحزن،

من غير ما اعرف يا ابوي انا رايده اكمل تعليمي وبس

شعبان،

واه يا رحيل الناس تقول علينا ايه مش كفايه موضوع ولد عمك اتلغى لازم تشوفيه الجدع رايدك في الحلال لازم حتى تشوفي مره وبعد اكده ارفضي ولا انتي في حاجه شاغله دماغك

رحيل بتوتر،،،،،

حاجه ايه اللي شاغله دماغي ياجدي اني بس عايزة اركز في دراستي مش اكتر

منصور، بغضب،،

لا عاد يعني انتي لا عجبك كده ولا كده انتي هتتمردي علينا ياك عشان بنعمل اللي على هواكي ابن عمك وعرفنا كيف اخوكي لكن العريس التاني هترفضي ليه انتي هتشوفيه ورجلك فوق رقبتك

رحيل كانت بتعيط،،،،

شعبان،

خلاص يا منصور ياولدي اهدي الموضوع مش بيتاخد اكده سيب رحيل وانا هكلمها ونتفهم سوا

منصور طلع بغضب،،،،

شعبان،

شوفي يابتي مفيش حاجه هتحصل غصب احنا هنعمل ايه يجي العريس بليل يشرب ويانا كوبية شاي وشوفيه لو مفيش قبول اقفلي الموضوع و كانو ماحاجه حصلت قولت ايه

رحيل بدموع،،،،

حاضر يا جدي اللي تشوفو انا تحت امرك،

ــــــــــــــــــــــــــــــــــــــــــــــــــــــــــــــــــــــــ

كان جاد رايح جاي بقلق وبيقول"

يارب تقدر تتكلم انا عارفها جبانه ومش هدفع عن حبنا يارب فك العقده من لسانها وخليها تنطق ولو مره واحده

وبعد كده رن الموبايل،، رد بلهفه "

بشرني ياشيخ رضوان وقولي هنروح نطلب يدها الليله

الشيخ رضوان بزعل مصتنع،،،

معليش ياولدي ارضى بالمكتوب محدش بياخد اكتر من نصيبه

جاد بحزن،،

يعني ايه ياشيخ يعني ايه

رضوان"يعني جاهز نفسك انت واهلك وانا هعدي عليك بعد صلاة العشاء عشان نروح نقراء الفاتحه ونتفق على ميعاد كتب الكتاب والفرح

جاد بصدمة ممزوجه بفرح، ايه بتقول ايه طيب قول والله انت بتتكلم جد

رضوان بضحكه، جد يادكتور واخفي فرحتك الناس تقول عليك ايه

جاد بضحكه،

يقولو ايه رجل وبيحاول يوصل لي الحلال ياشيخ

ربنا يفرحك ياولدي روح خبر ابوك وجدك وجهز نفسك

جاد بحب"مشكور ياشيخ رضوان وجميلك ده فوق راسي ومش هنساها واصل

جميل ايه انت والدي وربنا يفرحكم ياولدي

جاد رمى نفسه على السرير بتعب وقال::::::::

يااااه الف حمد وشكر ليك يارب يارب يتم الموضوع على خير

ـــــــــــــــــــــــــــــــــــــــــــــــــــــــــ

في الدوار تحت الكل موجود

جاد "جدي جهز نفسك انت وابوي باليل،

رؤف، ليه هنروحو فين باليل

هنروح نطلب يد بت منصور الجنايني ليا

زينات بقيت تزغرط،

سعيد بغضب اخرصي ياحورمه، انت بتقول ايه احنا مش توبنا من المره السابقة وبعدين ماقالو لي ولد عمها احنا هنعيد ونزيده في الموضوع ده كتير

بس هي مش لي ولد عمها ياجدي انا كلمت الشيخ رضوان ومشي في الموضوع وقالي هنروحو باليل نقراء الفاتحه

سعيد بغضب، منه لي الليل يحلها ربنا انا مش خابر ايه عجبك في العيله دي ولا بتها انت شوفتها عشان مصر تجوزها

البنت دي قدري ياجدي ومستحيل اتنزل عنها عن اذنك بقا عشان رايح لي الحلاق انا النهارده عريس

سعيد بغضب، انا خايف الواد ده يضيعنا بطيشه انا طول عمري ولا بحب ولاد الجنايني ولا بطيقهم اللي رايح

هو يجبلي واحده منيهم وتقعد في وشي 24ساعه

لما انت مش بطيقهم ياعمي زوجت بنتي ليه هناك ورميتها في نار فوزيه الكل عارف انو فوزيه مش بترحم

هان عليك حفيدتك

سعيد بسخرية، وانا حفيدتي هعمل بيها ايه ياك هتسافر وتجبلي القد ماهي اخرها هتتجوز بلاش وجع دماغك مات ولدي ونفسه في ولد من صلبه بس انتي خلفتك بنات وكمان وشك فقر قطعتيه بدري بدري

وسابهم ومشي

ميرفت قعدت تعيط بحرقه على بختها،

زينات ـخلاص ياسلفتي طولي بالك انتي هتزعلي من كلام عمي انتي عارفه طبعه اكديه من يومه

ميرفت بدموع، انا اللي غصبني اقعد اهنه بتي هدى تتجوز هي كمان وانا هروح بيت اهلي انا مليش حد في البيت ده غير سعد وسعد خلاص راح

زينات، اهدي بس احنا عيله ماتقوليش اكده

•لا ياسلفتي انتو اللي عيله وانا غريبه وسطيكم، انا هروح بيت اهلي في اسماعليه تتجوز هدي واروح اخدم ابوي وامي احسن من عيشت الذل اللي انا عايشها

ومشيت،،

يارب الطف بينا ربنا يصلح الحال ويهدي النفوس

ـــــــــــــــــــــــــــــــــــــــــــــــــــ

في بيت الجنايني،

كانت رحيل جالسه على السرير بحزن

، خلود وه يارحيل انتي لسه قاعده زي مانت انتي

رحيل بضيق، امال عايزايني امال ايه يعني

يامرات اخوي

خلود وه مش عارفه تعملي ايه قومي جهزي حالك عشان العريس يشوفك حلوه على الرغم انتي قمر ومش محتاجه حاجه

رحيل بحزن يعني انتي عارفه اللي فيها وكمان طايره من الفرحه وبتقولي يلا قومي جهزي حالك يابوي اشكي لمين حالي

خلود، ممكن تهدي وبلاش تضغطي على نفسك الل عايزه ربنا هيكون محدش يعرف هيحصل ايه يلا قومي جهزي حالك عاد وعيشي اللحظه

منتصر، انتي ياهانم بقالي ساعه بنده عليكي وانتي كيف الطرشه ولا بتردي

خلود ببرود، نعم لازمك حاجه انا كنت جايه اساعد رحيل

منتصر، تعالي جهزي ليا هدوم استحمى

حاضر اتفضل روح وانا جايه وراء منك

خلاص يارحيل روحي البسي وانا شويه وجايه

꧁꧁꧁꧁꧁꧂꧂꧂꧂꧂꧂

منتصر كان ماسك خلود من اذنها، لما انده عليكي تردي من اول مره مش بحب اللي يطنشني

وكمان بلاش نبرة صوتك دي تتكلمي بكل احترام يا هانم مش بحب النتر والفزع خلينا حبايب ها

خلود بدلع وبتمشي ايدها على لياقة الجلابيه

هو انا قولت حاجه غير حاضر ولا انت بتتلكك ليا عايز تزعلني من غير سبب، وسيب ودني عشان اجهزلك الخلجات عشان تكون اوسم واحد في القعده

منتصر كان واقف مصدوم من نبرة صوتها وحركة ايديها، وبعدين مسكها ولف ايديه حوالين وسطها

وهمس في اذنها

انتي اكده بتلعبي في عداد عمرك وياي انا في نفس اللحظه ممكن اخليكي تقولي على السكر مر

وبحركه منه كانو وقاعين على السرير، وخلود فوق منه ومكتفها بايديه،

خلود برتباك، انت بتعمل ايه سيبني عشان اروح اساعد رحيل انا جيت يامك

«لا ياحلوه مش اللي يحضر العفريت لازم يصرفه ولا هو لعب عيال

خلود بصدمه، مرات عمي انتي اهنه من امتى

منتصر وقف بصدمه،،

خلود وقفت عند الباب وبقيت تضحك، الحمام والهدوم جاهزين هروح اساعد رحيل

ــــــــــــــــــــــــــــــــــــــــــــــــــــــــــــــــــــــــــ

كان جاد وقف قدام المرايا وبيلبس الساعه،

دخلت زينات بسم الله ماشاء العين عليك بارده ربنا يحفظك ايه العياكه دي كلها «الشياكه»، تنحسد ياولدي

جاد ضحك ورد بسعاده، ماهو لازم يامه ولا انتي عايزه العريس مايطلش بطله تخطف

زينات حضنته ودمعت، احلى واجمل عريس في الدنيا كلها مش مصدقه جاد اللي كان عشيه«امبارح» طفل صغير دلوقيت بقي رجل ورايح يخطب الايام جريت قوام

جاد بضحكه، في فرق يامه بين عشيه وانهارده وبعدين بلاش عيط في حد يعيط في يوم زي ده

دموع الفرحة ياولدي مش مصدقه انك بيقت عريس ربنا يتمملك بخير ويرزقك سعادة الدرين ياولدي

ــــــــــــــــــــــــــــــــــــــــــــــــــــــــــــــــــــــــــــ

دخلت خلود لقيت رحيل لبسه كل حاجه بالون الاسود ومفيش اي حاجه ظاهرة منها

وه ايه يارحيل اللي لابساه ديه قطعت الالوان ياك ده لو عزاء مش هيبقا اسود بشكل ده

رحيل بحزن، ده اللي عندي واللي مش عجبه يمشي هي مش ناقصه،

عبله، يلا يا خلود تعالي جهزي الضيافة عشان الضيوف واصلو،

بصت على رحيل بصدمه، وه ايه اللي لابساه ده يابتي انتي عندك اللبس اشكال والوان

رحيل، مالو لبسي ماهو زي العسل

عبله، والله على كيفك يلاه يامرات ولدي خلينا نقدم الضيافه

ـــــــــــــــــــــــــــــــــــــــــــــــــــــــــــــــــــــــــــــــــ

عند الرجاله، كان بيتكلم سعيد بضيق،

اكيد انتو عارفين احنا جايين ليه، احنا جايين طلبين يدك حفيدتك لي حفيدي جاد واظن مش هتلاقي احسن من حفيدي،

شعبان، وانت لو لفيت البلد كلاتها مش هتلاقي احسن من حفيدتي ادب واحترام وعلام وشغل بيت في كل حاجه عشره على عشره زي مابيقولو

الشيخ رضوان، كلنا عارفين سمعت جاد ورحيل عشان كده لايقين على بعض

خلينا نتفق عاد

شعبان، احنا مش هنطلع عن العادات و التقاليد واحنا بنشتري راجل اللي هجبوه هاتو واحنا علينا كسوت بتنا،

سعيد، واحنا جاهزين من جنيه لي مليون احنا المنشاوي ومفيش اي حاجه صعبه علينا،

جاد بعد اذنكم كلها دي شكليات ومش هتفرق انا عايز اعمل الفرح بعد اسبوع

منصور، اسبوع وليه الاستعجال ده ماتخلو الفرح بعد التخرج

جاد حضرتك مفيش استعجال انا حابب نتجوز قبل الاجازه ماتخلص ونكون مع بعض في الحلال وهنكمل ونتخرج مع بعض ومش هقصر في تعليم رحيل انا معاها لي النهايه قولت ايه

شعبان، قولت لا إله إلا الله محمد رسول الله

رضوان، يبقا على خيرة الله نقراء الفاتحه

شعبان، قبل قراية الفاتحه لازم العريس والعروسه يشوفو بعض ولو حفيدتي رفضت يبقا كل شيء قسمه ونصيب

جاد حضرتك هو انا ممكن اشوف رحيل اكيد ليا الحق اشوفه مره

شعبان حقك بس هي مره واحده بس منتصره خده يشوف اختك،

حاضر ياجدي اتفضل

وهما ماشيين قبلتهم خلود، الف مبروك يا عريس عقبال الليله الكبيره

جاد الله يبارك فيكي يا خوخه

منتصر بغضب، لسه ماوفقناش وبعدين انت ازاي تدلع مراتي طيب ايه قولك مفيش جواز

جاد بصدمه، دي كيف اختي ياجدع انا اللي مربيها كانت طلعتك قدمي مهبب الجوازه هتبوظ بسببك

خلود، وانا مالي دي جازاتي اني بباركلك

منتصر خبط على رحيل،

رحيل بحزن اتفضل ادخل،

العريس جاي يشوفك عشان دلوقتي وقفين على موافقتك اتفضل ادخل والباب هيفضل مفتوح واحنا هنوقف اهنه معاك عشر دقايق بس،

دخل جاد وانصدم من لبسها وقبل مايتكلم قالت رحيل وهي عطياه ضهرها

شوف ياجدع انت انا مش موافقه عليك ومش عايزه اتجوز انا هكمل تعليمي ياريت لو الرفض يجي منك هشيل جميلك ده فوق راسي

جاد قال بابتسامة، بس الون الاسود هياكل منك حته ايه العسل ده هو في كده

رحيل اتصدمت ولفت تشوف مصدر الصوت ده حقيقي ولا تهيات،،،،

رواية قلوب عذبها الحب الفصل الثالث عشر

شوف ياجدع انت انا مش موافقه عليك ومش عايزه اتجوز انا هكمل تعليمي ياريت لو الرفض يجي منك هشيل جميلك ده فوق راسي

جاد قال بابتسامة، بس الون الاسود هياكل منك حته ايه العسل ده هو في كده

رحيل اتصدمت ولفت تشوف مصدر الصوت ده حقيقي ولا تهيات

هو هو انت العريس اللي بيتكلمو عليه العيله طيب ازاي وكمان خلود ما قالتليش

جاد بابتسامه حبيت اعملهالك مفاجاه ايه رايك مفاجاه حلوه ولا ايه

رحيل وقفت وكانت بتفرق في ايديها ومش عارفه تقول ايه،

جاد كنتي بتقولي انو انتي مش عايزه تتجوزي وهتكملي تعليمك ما تخافيش يا ستي هخليك تكملي تعليمك في بيتي قولت ايه

رحيل بعيند برده انا عند كلامي مش هتجوز وهكمل تعليمي

جاد بغضب مكتوم، نعم يا روح امك ايه هو اللي مش هتتجوزي

انتي قدامك خيارين الخيار الاول يا اما تتجوزيني برضاك او الخيار الثاني هتتجوزيني غصب عنك وفي الحالتين هتتجوزيني

مش انا طالع عين اهلي عشان اقنع العلتين انو نتجوز وتيجي انتي تقولي مش عايزه اتجوز انتي لغايه الان شايفه جاد الطيب بلاش تشوفي مني وش مش هيعجبك قولت ايه

رحيل كانت واقفه مصدومه من رد فعله و لاول مره تشوفه غضبان ردد بهدوء وقالت

انا هقول الرد لي جدي وايا كان قرري محدش ليه حاجه عندي

جاد بضيق، والله يا رحيل لو مش قولتي موافقه هخطفك النهارده ونتجوز غصب عنك ولو فيها موتي

منتصر يلا عشان العشر دقائق خلصوا

جاد بضيق، خلصوا ايه انا لسه ما شفتهاش ممكن تخليهم 15 دقيقه

منتصر ولا دقيقه يلا........

خلود بقولك ايه روح انت وانا هقعد معاهم ربع ساعه

منتصر نعم ايه هو اللي تقعدي معاهم ربع ساعه يعني هي كلها خمس دقائق اللي شفتك فيها

خلود بس انا مش منتقبه ويمكن رحيل مكسوفه ترفع النقاب قدام جاد عشان اول مره وكده

منتصر، احنا فيها ارفعي يا رحيل النقاب يا بنت ابوي ليه الحق يشوفك مره واحده

رحيل بارتباك، حاضر يا اخويا

رفعت رحيل النقاب ومكملتش دقيقه وراحت منزلاه بسرعه

جاد كان واقف مصدوم من جمالها،

منتصر يلا يادكتور وانتي يارحيل كمان شويه وهجي اخدك المقعده عشان جدي ياخد رايك

ومشيو كان جاد بيبص لي رحيل بحب وصدمه في نفس الوقت

في المقعده،

جاد نقراء الفاتحه يا جد شعبان والفرح زي ما اتفقنا

شعبان، انا ياولدي معنديش اياعتراض بس لازم اخد راي حفيدتي انا مش هغصبها على حاجه، روح يا منتصر انده اختك

بعد فتره كانت رحيل في المقعد،

شعبان قولي لي يا بنتي موافقه ولا لا على الجواز

كان جاد بيبص لها بنظرات كلها غضب

رحيل بتوتر وصوت يكاد مسموع اللي تشوفه يا جدي انا تحت امرك

شعبان انتي اللي هتتجوزي وانتي اللي هتعيشي معاه يا بنتي يعني انا مش هشوف حاجه معاكي القرار يرجع لكي قولت ايه

رحيل سكتت بخجل وما عرفتش ترد

الشيخ رضوان بابتسامه، السكوت علامه الرضا يا شعبان ولا انت ليك راي تاني

شعبان انا كل غرضي اسمع قرارها عشان بعد كده ما يكونش في سو فهم قوليلي يا بنتي انتي موافقه و مقتنعه بالزواج ده

رحيل بارتباك انت هتعرف الصح اكتر مني يا جدي وانا موافقه على اللى تقول عليه

شعبان اللي سمعته يا بنتي ان الكل بيشكر في اخلاق جاد وانا ما عنديش مشاكل بس عايز اسمع موافقتك

رحيل بتوتر وصوت ضعيف، انا موافقه يا جدي

الشيخ رضوان على خيره الله نقرا الفاتحه وروحي يا بتي هاتي لينا الشربات،

وقال بصوت عالي سمعونا زغروطه يا اهل الدار

خلود بقيت تزغرط بفرحه

فوزيه بغضب وصوت واطي اكتمي يا بت سعد احسن ما كسر خشمك ده بتزغرطي على ايه دي زواجة الشوم والندامه

خلود ببرود زواجه الشوم والندامه ليه يا ستي دي يا سعدها يا هناها اللي هتاخد جاد ابن عمي

ده امها ده عيالها في ليله القدر

فوزيه بغضب، اللي هيحوشك عن يدي الرجاله اللي قاعده بره يا بنت سعد يلا غوري اخفي من وشي

ـــــــــــــــــــــــــــــــــــــــــــــــــــــ

في غرفه فارس كان بيكسر كل حاجه في الغرفه بغضب

زينب، اهدى يا ولدي ما فيش داعي للي بتعمله ده اللي حصل حصل

فارس بغضب انتي عاجبك اللي بيحصل ياما عاجبك اللي بيعملوه جدي وعمي قبلو الصلح على قتل ابوي وبقيو حبايب هم والمنشاويه مكفهمش كده

خدوا مني رحيل وهيدوها لي ولد المنشاوي

بيبقو عليا الغريب والله ما هيحصل ومستحيل اسيبها ليه

زينب بحزن، هي مش من نصيبك لو مكتوبه ليك محدش هياخدها غيرك صدقني

فارس بغضبك هي نصيبي وهي مكتوبه لي ومش هسيبها لي ولد المنشاوي لو هصور فيها قتيل مستحيل اتنازل عن رحيل

وسابها ومشي بغضب

ـــــــــــــــــــــــــــــــــــــــــــــــــــــــــــــــــــــــــ

تم قراءه الفاتحه واتفقوا على كتب الكتاب وخلصت السهره وكانوا ماشيين

كان جاد لسه هيطلع العربيه لقي فارس جاي،

جاد بتكبر، ازيك يا ابو الفوارس امال ما حدش لمحك يعني في قراية الفاتحه بقى كده ما تحضرش ده حتى انت ابن عمها

فارس بغضب مكتوم، هو انت بقرايه الفاتحه دي هتفكر انك انت اخدت رحيل مني مستحيل لو مفكر هتنزلك بسهوله دي تبقى انت غلطان

جاد، أنت لسه بتفكر وتخطط، وأنا خلاص نفذت.. أنا قطفت الثمرة قبل ما عينك حتى تلمحها، والقلب اللي أنت عايز تملكه بالعافية، بقى ملكي أنا بالأصول والمودة من زمان. يعني تعبك ضايع، واللي بتتمناه بقى 'محرم' عليك."

فارس ضحك، هو انت مفكر اكده انتصرت عليا تبقى غلطان وانا خابر زين ان انت مش بتحب بنت عمي وان انت واخدها عيند فيا بس مش هسيبها ليك

جاد بغيظ، ايوه مش بحبها وواخدها عيند فيك عشان بس احرق قلبك مين قال لك اني بحبها انا بعشقها ولو في حاجه بتخصني مستحيل اسيبها حتى لو بين انياب الفهد هسيبك بقى عشان تخطت براحتك

وسابه ومشي

ـــــــــــــــــــــــــــــــــــــــــــــــــــــــــــــــــــ

ماشي ياولد المنشاوي نهايتك على يدي قريب صبرك بالله

منصور، فارس خد تعال اهنا عايزك في كلمتين

في الدوار كانو قاعدين كلهم،

فارس نعم ياعمي تحت امرك

منصور، انت زعلان مني ياولدي صدقني انت كيف قاسم ومنتصر عندي قولي مختفي ليه انهارده اوعك تكون زعلان عشان رحيل هتجوز جاد والله لو قالت رايدك محدش غيرك كان يقدر يقرب منها

فارس، ايه يزعلني ياعمي هي خلصت بنات الارض ياك انا بس كنت مشغول مع العمال عن اذنكم انا خارج مع اصحابي

شعبان، ربنا يكملك بعقل ياولدي ويصلح حالك

قاسم والله مش مستريح ليه حاسس هيعمل حاجه تخرب الدنيا

منصور بضيق، قاسم قولتلك ولد عمك بلاش حديتك الفاضي ده

ــــــــــــــــــــــــــــــــــــــــــــــــــــــــــــــــ

في غرفه رحيل،

لا بجد انا زعلانه منك قوي يا خلود انا معتبركي اختي وصحبتي وصندوق اسراري طلعتي بتخبي عليا

خلود قلبك ابيض عاد جاد كان حابب يعملك مفاجأة، بس قوليلي عملتي ايه خليتي جاد غضبان اكده ومتعصب

، قولتلو مش موافقه اتجوز، بس مكنتش مفكره هيتعصب اكده، انا زعلت عشان ماقلش هو بيختط لي ايه قولت وانا كمان اصدمه بقراري بس مكنتش اعرف انو هتعصب اكده

بس ايه رايك اهو هتتجوز ياعم محدش قدكم بس شوفتي جاد انصدم ازاي لما رفعتي النقاب جننتي ولد عمي من غير مايشوف ايه تحت النقاب دلوقتي هتعملي ايه فيه

رحيل بكسوف، اتحشمي عاد انا عملت ايه ما انا كنت واقفه معملتش حاجه

خلود بضحك، ده انا كنت حاسه انو جاد كمان حبه وهايخدك بالحضن ويلف بيكي البيت كلو، والصراحه حقه يعمل اكتر من كده، انتي فراسه،

رحيل، خلود انتي شكلك خرفتي مش عارفه بتقولي ايه قومي شوفي وراكي ايه

خلود لسه هتتكلم الموبايل رن،

شوفتي ابن الحلال على ذكره بيبان،

ايوه يا عريس شكلك رنن بالغلط ده موبايلي انا مش حبيبة القلب

جاد، بلاش فزلكه انا عارف رنن على مين ادي الموبايل لي الدكتوره اللي جبك

حاضر بلاش زق خدي يا دكتوره كلمي

جاد بغضب شيلي البلوك عشان عايز اكلمك دلوقتي علاقتنا بقيت راسمي المفروض تشيلي البلوك من نفسك

رحيل، مش هعمل اكده وانت استأذنت من ابوي او اخواتي عشان تكلمني

منتصر بتكلمي مين؟

الموبايل وقع من ايد رحيل بتوتر، هو هو،

رواية قلوب عذبها الحب الفصل الرابع عشر

منتصر بتكلمي مين؟

الموبايل وقع من ايد رحيل بتوتر، هو هو،ياخوي ده جاد بقوله استأذن من ابوي واخواني قبل ماتكلمني

منتصر، هو خد اذني وقالي انو هيكلمك

بس ما تطوليش عشان السهر وحش بينفخ العينين تصبح على خير ومشى وخلود معاه

رحيل شالت البلوك جاد رن عليها،.....

ممكن افهم انتي ايه اللي كنتي بتعمليه ده انتي عارفه انو بنحب بعض ورايدين بعض وانتي بتنرفزيني وتحرقي دمي وتقولي انا مش موافقه

رحيل بزعل.... انت كمان استغفلتني وما قلتليش انو انت جاي تطلب يدي وانا لما رفضت من غير ما اعرف انك انت اللي جاي جدي وابوي استغربوا وقعد يسالوني اسئله كثير

جاد.. ما تزعليش مني حقك عليا بس انا كنت عايز اعملك مفاجاه تسعدك

رحيل.. خلاص وانا مش زعلانه انت كمان ما تزعلش مني

جاد. في حد يزعل من روحه ده انتي روحي بس قولي ايه القمر ده في حلاوه كده يابوي كان هاين عليا اخدك في حضني وما سابكيش ثانيه واحده

رحيل بكسوف، تسلم ربنا يخليك

جاد بصدمه. هو ده ردك بدل ما تقولي عيونك الحلوه يا حبيبي

رحيل. على فكره احنا لسه قاريين فاتحه مش كاتبين الكتاب يعني انت لسه ما بقيتش جوزي

جاد. عدي على يدك ست ايام وهتكوني حرم جاد المنشاوي هتكوني ملكي وعلى اسمي

ودلوقيت اقدر اقولك تصبحي على خير يا بيضه وهتوحشيني قوي قوي لغايه ما اكلمك الصبح وفصل

راحيل بصت للموبايل بابتسامه وقالت اهدي يا رحيل وهدي من روعك واه يا ابوي ايه كميه المشاعر دي كلها حاسه اني هطير من على الارض

»»»»»»»»»»»»»»

اما عند جاد كان نايم على السرير وبيبص للسقف، عدي على يدك بس ست ايام يا رحيل وهتكوني ليا ما حدش يقدر يقيم عينه فيكي واللي يفكر يبص عليكي اقلع عينه من مطرحها

«««««««««««

اما عند فارس كان قاعد في غرفته وماسك الطبنجه وبيقول، مفكر هسيبلك رحيل بسهوله دي يا ولد المنشاوي تبقى غلطان انا وراك والزمن طويل والله ما هسيبك

»»»»»»»»»

عدوا خمس ايام وكان الكل مشغول في تحضير الفرح والدنيا زيطه بقى دربكه كانوا في بيت المنشاوي بيودوا العزال وحاجات العروسه كانت الرجاله خلصت

وفارس لمح منه وعرف بالصدفه ان هي اخت جاد وكان بيبص ليها بطريقه مش كويسه وبيقولوا هو بيفكر،

لقيت نقطه ضعف ليك يا ولد المنشاوي اخلص حقي منك في اختك و هخليك ما تقدرش تمشي في وسط البلد

قطع تفكيره قاسم وهو بيبص عليها، شيل عينك من عليها يا فارس دي حاجه تخصني من زمان مش من دلوقتي يعني بلاش تشغل دماغك بحاجه محجوزه لغيرك

فارس. الله يحرقكم هو انا ليه حظ دكر في كل خرابه يطلعلي عفريت. سهله نركز اهم حاجه على الهدف الاساسي التخلص من ولد المنشاوي بعد كده اخته مش هتفرق عندي،

»»»»»»»»»»»

عدت مراسم الفرح وكان يوم الفرح وشغال الاغاني والدنيا هايصه كان،

جادو رحيل بيرقصوا جاد قال ابتسامه. النهارده اهم واجمل يوم في حياتي مش مصدق ان انتي بقيتي على اسمي حاسس اني بحلم يا ناس

رحيل بكسوف، لا مش في حلم انت على ارض الواقع

زينات قربت من جاد وقالت. كفايه يا ولدي عاد رقص ما تعبتش ما تنساش انت الليله دي عريس

جاد قاعد بابتسامه وقال في حد يتعب يوم فرحي ياما ده انا حتى من الفرحه عايز نقعد نرقص ونغني لغايه الصبح

زينات بابتسامه، ربنا يفرحك يا ولدي ويجعلك دايما مبسوط بس العين تاخد فيك داري على شمعتك تقيد

جاد بابتسامه ماشي يا ست الكل اللي تقول عليه

طلع فارس على المسرح قال، الف مبروك يا ولد المنشاوي قصدي يا نسيبي

الله يبارك فيك يا ابو نسب عقبالك لما بنفرح بيك شد حيلك بقى على الله تلاقي واحده تقبل فيك

مدي ايده لي رحيل و وقال الف مبروك يا بنت عمي

جاد مسك ايده قال. للاسف ما بتسلمش على رجاله بغير عليها من الهوا الطاير

فارس رجع لورا خطوتين وطلع الطبنجه وقال، الف مبروك يا ولد المنشاوي رقدتك الليله دي هتكون في الجبانه«القبر» وراح ضرب رصاصه جت في كتفه،

الدي جي وقف والدنيا سكتت والكل انصدم، كانو متوقعين فارس هيضرب طلقات تفريح، لكن كان العكس،

قال، الرصاصه دي حق ابوي والرصاصه دي عشان فكرت تاخد حاجه مش ليك

ولسه هيضرب مسكوه منتصر و وقاسم بغضب

سعيد بغضب حد يلافيني الطبنجه خدنا على خوانا ولد الجنايني عملوا لنا الفرح فخ والله ما هسيبكم تفلتوا بعملاتكم دي،،،

رواية قلوب عذبها الحب الفصل الخامس عشر

سعيد بغضب حد يلافيني الطبنجه خدنا على خوانا ولد الجنايني عملوا لينا الفرح فخ والله ما هسيبكم تفلتوا بعملاتكم دي،

رضوان وقف قدام سعيد وقال، اهدى يا سعيد خلينا بس نطمن على جاد الاول

سعيد بغضب مش ههدى غير لما اجيب حق حفيده هات الطبنجه بسرعه يا نوح ده انا مش هسلمك لي البوليس انا هخليك تروح لي ابوك

جاد بتعب، ياجدي اهدى انا بخير بلاش اللي بتعمله ده

كان رحيل بتضغط على الجرح وبتعيط،، حد يطلب الاسعاف بسرعه هو نزف دم كتير

زينات بتعيط، ولدي حد ينقظه اهم حاجه حياة ولدي

جاد بتعب، اهدوى انا كويس بلاش تطلب الاسعاف عشان البوليس مايجيش ويعمل شوشره حد بس يطلب الدكتور

سعيد بغضب، عايز تسيب ولد الجنايني يفلت بالي عمله

فارس زاح منتصر وقاسم وجري،

جاد وخلاص عينيها بقيت بتغرب، ياجدي سيبك منه ده واحد جبان المهم دلوقتي حفيدك

وبعدين اغمى عليه

زينات بقيت تصرخ، ابننا يا رؤوف انقذ ابننا ولدي هيروح مني

بعد فتره كان جاد في غرفته والدكتور والممرضين معاه

سعيد بغضب، مش هسيبك ياولد ابراهيم مش هسيبك تفلت بعملتك انا هنسفه من على وش الدنيا

شعبان، اهدى ياسعيد وجاد هيكون بخير وانا هحاسب حفيدي على اللي عمله ده

سعيد بغضب محدش هيجيب حق حفيدي غيري، كان نسابكم اسود

الشيخ رضوان، وه ايه اللي هتقولو ده احترام وجودي يعني عشان طيش فارس هتاخد العيله كلها في رجليك عيب يا سعيد انت مش صغير،

سعيد بص بغضب وسكت،

بعد فتره خرج الدكتور،،

سعيد بخوف، طمني يادكتور حفيدي بخير لو محتاج مستشفى ناخدوا المهم حفيدي مايجرلوش حاجه

الدكتور،اهدى حضرتك هو الحمدلله كويس ومفيش حاجه تستادع الخوف انا كتبتله علاج مساكن وخافص للحراره، وماعليه غير العافيه،

سعيد، ينفع ندخل نشوفو يادكتور

هو حاليا تحت تأثير البنج ومش هيفوق دلوقتي، بس اطمنو هو مفيش حاجه تخوف

مشي الدكتور، والكل دخل غرفة جاد

زينات قعدت جنبه وبقيت تمشي ايدها على راسه،

سلامتك ياقلب امك ياريت عدوينك وانت لا ياولدي

جاد بدا يفوق،

انت سمعني ياقلب امك طمني عليك،..... جاد بتعب، انا زين يا امي اهدى وبلاش تخافي

زينات قبلة جبينه بحنيه، يارب دايما ياولدي اشوفك زين وفي اتم صحتك،

سعيد شد حيلك يلا وقوم عشان تاخد حقك من اللي عمل فيك اكده

جاد بتعب، يوووووه ياجدي انت كل همك ده فارس كيف اخوي واحنا مش هنوقف لي بعض على الواحده، احنا دلوقيت بقينا عيله واحده

شعبان بابتسامة، ربنا يكملك بعقلك ياولدي ويبارك فيك

سعيد بص بغضب وقال، خليك اكده طول عمرك مخلف لي كلامي... وسابه ومشي،

منصور، متزعلش من فارس ياولدي، هو اكده طول عمره طايش ومش بيعقل اي حاجه يعملها، امسحه فينا ياولدي

جاد، متقولش كدا ياعمي احنا ببقنا عيله وانا مش هاخد على فارس هو معذور

منتصر، الحمد لله على سلامتك المهم انك بخير وحاليا نسيبك تستريح عشان واخد علاج واكيد تعبان

وفعلا خرجو اهل رحيل، زينات، هروح اجبلك لقمه اكيد جعان ياضنايا

جاد بتعب، لا يا امي مش هاكل انا هنام بلاش تتعبي روحك

مفيش تعب ياقلب امك بس مدمت مش جعان خلاص ارتاح اكيد تعبان ياولدي

رؤف، سلامتك ياولدي

جاد، الله يسلمك يابوي ياريت تروح لي جدي وتقولو اللي بيعمله غلط انا فاهم ومقدر انو خايف عليا، بس بلاش يقل من نسايبي، بسبب واحد طايش وتافه

رؤوف، حاضر ياولدي على الرغم انو ولد ابراهيم مش ناوي يجيبها لي بر طلع كيف ابوه ماشي يقول ياشر اتشر بس احنا هنبص لي الحاج شعبان ومنصور وولاده عشان ماشوفناش منهم حاجه عفشه،

يلا ياولدي اللي حصل حصل المهم انك بخير تصبح على خير

الكل مشي وقعد جاد ورحيل كانت رحيل واقفه بعيد وبتعيط،

جاد بتعب، ايه هتفضلي وقفه اكده كتير وهتفضلي تعيطي انا لسه عايش ماموتش

رحيل بقيت تعيط اكتر،

جاد، طيب ايه قدري اني تعبان ومش قادر اقوم قريبي تعالي

رحيل قربت بدموع،

جاد رفع النقاب، كانت عيونها، تشبه الدم من العيط،

يابوي عينيكي كيف كاسات الدم ليه اكده يابت الناس ارحمي نفسك وهدي من روعك

رحيل بدموع، انا قلبي كان هيوقف حسيت الدنيا اسودت في وشي مكنتش متخيله اللي حصل انا حاسه الدنيا جايه عليا والله قلبي داب من الوجع

جاد شدها لي حضنه، بعيد الشر عنك ربنا يكفيكي شر الواجع طول ما انا في حياتك مش هتشوفي وجع واصل،

بس ايه العسل ده حتى وانتي معيطه قمر هو في كده،

رحيل سكتت، بخجل،

انا دمي محروق من الطور ابن عمك ده اللي ضرب علينا الليله، انا كنت رسم ومختطط، لي حاجات كتيره، واحد غبي،

«يعني انت كل همك اكده ومش بتفكر في نفسك انت كنت هتروح في شربة مياه

جاد بابتسامة، مقدرش اروح واسيب ام العيون السود انا ماصدقت انك بقيتي ليا، ده انا لفيت سبع لفات عشان اوصلك وتكوني حلالي،

كنت ماشي من غير عقل كل ماافكر انك لي فارس كان يجن جنوني مش عارف عملتي فيا ايه ملكتي قلبي وملكتيني، والله انا مش بحبك انا بقيت مجنون فيكي انتي بقيتي ادماني

رحيل انتي سمعاني رحيل، بص عليها لقيها نايمه في سبات عميق، وكانها، ارتاحت بعد عمر من التعب

قبل جبينها بحنيه، تعبتي ياقلبي انهارده نامي لعل الغد اجمل بوجودك،

نام هو كمان ومازالت رحيل في حضنه، هو كمان نام وهو مشدد على قبضته وكانو طفل خايف انو يضيع من امه، ذهبو هما الاتنين في سبات عميق بعد تعب،،،،،

رواية قلوب عذبها الحب الفصل السادس عشر

شعبان وصل البيت بغضب، فارس فارس انت فين انت فين يالي ناوي تخرب بيتي، ماكدبش المثل اللي قال اللي خالف مامتش انت طالع كيف ابوك هتسد دياري، هو فين

زينب بخوف، اهدى ياعمي فارس لسه صغير ومش عارف بيعمل ايه هو واخده مهاب الريح بالله عليك ماتقسى عليه

شعبان بغضب، مين اللي صغير ده اللي زيه متجوز وفاتح بيت فين هو مش عامل نفسك سابع رجاله في بعض تعال اهنه

قاسم ياجدي اهدى عشان ماتتعبش

شعبان بغضب اكتر، اهدى كيف وفارس مش ناوي بجيبها لي برا

فارس دخل بغضب، نعم ياجدي عايزني اسيب رحيل لي ولد المنشاوي ده نجوم السماء اقرب ليه

شعبان ضربه بالقلم على وشه، خلاص رحيل بقيت مراته على سنة الله ورسوله، مش احنا اتكلمنا في الموضوع وقولنا مفيش حاجه غصب هو بالعافيه،

فارس بغضب، ايوه بالعافيه ورحيل ليا ومحدش غيري هياخدها ولو فاضل في عمري يوم هقتل ولد المنشاوي،

شعبان حط ايده على قلبه، وقال بتعب، انت هتجيب اجلي بعميلك دي قبل سابق ابوك ودلوقيت انت، ااااه قلبي قلبي،... واغمى عليه

منصور بخوف ابوي ابوي رد عليا، عجبك ياسي فارس ولسه، اطلب الاسعاف يا قاسم بسرعه

مفيش وقت يا ابوي لازم ناخد جدي المستشفى بسرعه، قالها منتصر وهو بيشتال شعبان،، شغل العربيه بسرعه ياقاسم

فارس كان واقف مصدوم،

فوزيه بعضب بعد ما الرجاله مشيو، كلو بسبب مقصوفة ألرقبه اللي رفضت تتجوز ولد عمها خربتها وقعدت على تلها، خلت المنشاوي تفرق بيناتنا وبقينا نقف لي بعض على الواحده

عبله بضيق وهي بتبص لي فارس، بتي ماغلطتش يامرات عمي والزواج مش بالغصب حاسبي حفيدك واللي بيعمله

مش كفاية كسرة فرحة بتي وكان عايز يرملها ويحرمها من زوجها

فوزيه بغضب، انتي هتردي عليا وتبجحي والله عال يا عبله قولي قولي كل اللي في نفسك

عبله بضيق، انا ولا عندي حاجه في نفسي ولا هقول حاجه انا هروح اشوف عمي اللي بينا الحياة والموت بسبب حفيدك،.. يلا ياخلود تعالي وياي.. وسبتهم ومشيت

فوزيه بغضب امشي امشي انتي وبت سعد بعد بتك ماخربتها ولا كانو في حاجه حصلت

ـــــــــــــــــــــــــــــــــــــــــــــــــــــــــــــ

تاني يوم الصبح، في بيت المنشاوي

سعيد بغضب وصوت عالي الصبح صبح امال فين العروسه مش لازم تصحى وتشوف البيت عايز ايه

زينات، ياعمي وطي صوتك قولي عايز ايه وانا اعمله، انت ايه ناقصك

سعيد بصوت عالي، مش المفروض العروسه تنزل وتشوف البيت عايز ايه ولا مش عارفه العادات والتقاليد

زينات،احب على يدك ياعمي وطي صوتك بلاش فضايح الناس تقول عننا ايه

سعيد، مش هوطي صوتي انا حر اعمل اللي انا عايزه في بيتي

ـــــــــــــــــــــــــــــــــــــــ

فوق كانت رحيل بتلبس النقاب بسرعه جاد بص باستغراب، انتي بتلبسي رايحه فين وايه الدوشه دي

رحيل، مش عارفه بس انا راحة عليا نومه ولازم انزل بسرعه

جاد اتعدل في قعدته بتعب ـ

على مهلك لسه جرحك ماطبش، قالتها رحيل وهي بتسند جاد،

هتنزلي فين انتي ناسيه انو احنا عرسان جدد وكمان انا تعبان

ـــــــــــــــــــــــــــــــ

زينات ياعمي انت عارف اللي فيها جاد تعبان وطول الليل سهرانه جنبه يعني غصب عنها

سعيد بغضب، غصب عنها كيف مش عارفه نفسها انو بت معايش مكنتش اتجوزت،

ـــــــــــــــــــــــــــــــ

الصوت وصل لي غرفة جاد ورحيل،

يلا بقا انا لازم انزل عشان اتاخرت،.....

مفيش نزول هتفضلي اهنه،

رحيل بس بقا انا هنزل عن اذنك

علي الطلاق ما انتي نازله ولا رجلك هتعتب تحت

رحيل بنفعال، ليه ياجاد ليه تحلف بالطلاق، وبعدين حلفان الطلاق بيقل البركه من البيت،

بس قريبي ساعديني عشان اقف، رحيل قربت منه وساعدته، طيب انت رايح فين....

مفيش شويه وجاي،

ـــــــــــــــــــــــــــَـــــــــــــــ

زينات ياولد عمي قول لي عمي حاجه ماينفعش اكده البنيه تقول عننا ايه

رؤوف، انا مش هتكلم انتي عارفه ابوي زين سبيه هو هيسكت

سعيد بغضب، مش عارف ايه ده ياعمي بنات اخر زمن الواحده فيها لسان تتكلم لكن عند حاجة البيت مانشوفهاش

جاد بتعب وصوت مبحوح، في ايه ياجدي ايه اللصتباحه دي يعني مش عارف انو في واحد تعبان في البيت

سعيد بضيق، امال فين بت منصور ولا عشان مسكت ورقه وقلم هتنسى نفسها والعادات والتقاليد

» يعني انت مش عارف اني تعبان وبين الحياه والموت والليل كله سهرانه حداي،

بدال متقول اطلع اطمن على حفيدي صاحي تنكد علينا وبتتكلم في حاجه تافه، بص ليا ولي تعبي

وسابهم وطلع، السلم، وبعدين وقف وبص عليهم، وصح ياجدي انا مراتي مش خدامه لي حد هي لو نزلت من نفسها وعملت حاجه في البيت ماشي

لكن لو منزلتش يبقا براحته دي حاجه حسب راحتها هي

سعيد بغضب وصوت عالي، والله عال لسه ماكملتش يوم في دارنا وبتمشيك على العجين ماتخلبطوش بشايرك يابت منصور،

زينات بخوف ياعمي احب على يدك خلاص اللي انت عاوزه انا تحت امرك وسيب جاد ومرته في حالهم

سعيد بغضب عجبك اللي بيقولو ولدك ياروؤف لادد عليك حديته

رؤوف، يا ابوي زينات معاها حق اللي انت عاوزه قول عليه لي زينات وسيب جاد في حاله هو مرته،

وبعدين يا ابوي يعني جاد تعبان وهي طول الليل جنبه لازم تعذره وبعدين دول عرسان

سعيد، يعني الكل صح وانا اللي غلط طيب انا مهملها وماشي

ـــــــــــــــــــــــــــــــــــــــــــــــــــــ

جاد دخل الشقه بتعب رحيل قربت سندته،

على مهلك شكلك تعبان مكنش لازم تنزل، "

جاد بتعب، يعني وانتي عجبك اللي بيقولو جدي

الزمن اتغير والعقليات زي ماهي،

رحيل طيب يلا ارتاح عشان اغيرلك على الجرح،

ـــــــــــــــــــــــــــــــــــــــــــــــــــــــــــــــــــــــــ

في المستشفى،،،

الدكتور كان بيمر على شعبان، منصور، طمنى يادكتور ابوي بقي زين دلوقيت عادي ناخدو ونمشي،

الدكتور لغاية الان هو حالته مستقره بس اي زعل بسيط او توتر هينصب بجلطه المره دي قدرنا ننقظه وكان اشتبه جلطه، يعني خلي بالكم كويس

الحج كبر واقل حاجه هتاثر عليه،

منصور حاضر يادكتور اللي تقول عليه،

خرج الدكتور وفي الوقت ده دخل فارس الغرفه،

شعبان قولو ليه جاي يعمل ايه اهنه خلوه يروح من وشي

فارس مسك ايده وباسها، حقك عليا ياجدي انا غلطان سامحني انا هعمل اي حاجه بس انت ترضى عني ومتزعلش مني عشان خاطري ياجدي

شعبان، شعننتك. دي اللي موديك في دهيه ومغطيه على طيبة قلبك ليه ياولدي بتعمل اكده

فارس هتغير وهتحكم في غضبي ومش هعمل حاجه تزعلك ياجدي، بس انت بلاش تزعل مني

شعبان بحنيه ربنا يصلح حالك ياولدي ويحسن سؤالك،

لما انتو كلكم اهنه محدش جهز فطور لي رحيل وكمان كام ساعه وهتروحو الصبحيه مين هيجهز لي كل ده

فوزيه بضيق، صبحية ايه وزفت ايه لما نطمن عليك الاول والباقي يغور في داهيه،

انا بخير مالكيش دعوه بيا، عبله خدي مرات منتصر وروحو جهزو فطور لي رحيل ماتتاخريش،

عبله حاضر ياعمي تحت امرك ربنا يعطيك الصحه والعافية

ـــــــــــــــــــــــــــــــــــــــــــ

واكده خلصنا معافي ان شاءلله،

لو موت كنتي هتزعلي عليا ولا كنتي هتتجوزي فارس، وتنسيني"

رحيل بدموع ايه اللي انت بتقولو ده فال الله ولافالك، انت مصر تزعلني منك ليه

لا بجد كنتي هتنسيني وتتجوزي ولا هتعملي ايه مش هتكملي حياتك يعني

انا حياتي ليك ابدت بيك وهتنتهي بيك انا مش هكون غير مرات جاد المنشاوي وبس وهفضل عمري كله شايله اللقب ده حرم جاد المنشاوي،

ابتسم بسعادة، وجاد حياته كلها ليكي ياقلب جاد وروحه، والله بموت فيكي، بقولك متيجي نشوف السرير عايز ايه المفروض انهارده صباحيتنا انهارده،

ارتاح ياحبيبي انا هنزل اجبلك فطار عشان تاخد العلاج،

انتي قولتي حبيبي!!!!

رحيل بكسوف انا محصلش انا بقول هنزل اجبلك فطار،

طيب انا عايز افطر حاجه تاني، وغمزلها .... قولت ايه،

قولت هنزل عشان اجبلك فطار...

مفيش نزول امي هتجبلنا فطار تعالي هنا

بس اكده ماينفعش يقولو عني ايه لازم انزل

هيقولو عروسه قاعده مع جوزها،،

الباب خبط. هقوم اشوف مين، ايوه يالي بتخبط، فتحت، كانت عبله وخلود

امي تعالي اتفضلي، عبله دخلي الصينيه ياخلود جوه، عامله ايه يابتي طمنيني عليكي

انا كويسه يامه انتو اخباركم ايه،

الحمدلله بخير يابتي، عامل ايه ياولدي بقيت احسن عن الاول

الحمدلله ياحماتي في نعمه

يارب ديما بخير ياولدي متزعلش من فارس هو طايش شويه

عادي ياحماتي كلو يهون عشان عيون القمر ده، وغمز لي رحيل،

وه وه ياولد عمي طيب استنى لما نمشي

صبرت كتير يابنت عمي لغاية ما الصبر زهق مني،

ربنا يهنيكم ياولدي، يلا استأذن منكم،

نزلو معاها رحيل وجاد،

بالحق يا امي جدي اخباره ايه اكيد زعلان دلوقيت ربنا يستر ومايتعبش،

عبله بحزن امال احنا اتاخرنا ليه في المجيه عندك، جدك شد هو وفارس وتعب ونقلوه المستشفى والدكتور قال اشتباه جلطه،

سعيد بصدمه بتقولي ايه،،

رواية قلوب عذبها الحب الفصل السابع عشر

سعيد بصدمه بتقولي ايه شعبان تعبان

عبله ، تعبان شد هو وفارس وتعب بس الحمدلله جات سليمه

سعيد سابهم ومشي،

جاد، طيب لحظه احنا هنجي معاكم عشان نشوف جدي،

عبله، تجي فين ياولدي انت لسه تعبان ومش قادر تمشي لما تخف تعال زوره يلا تقعدو بالعافيه،

رحيل بحزن، هو ينفع اروح ازور جدي لازم اطمن عليه،

سميحه بغضب، تروحي فين انجنيتي ياك يعني لسه ماكملتيش يوم في دارنا عشان عايزه تروحي

بنات اخر زمن،

زينات بارتباك، ازيك يامرات عمي ليكي وحشه

انا الحمدلله بخير ارضيكي اللي بتقولو مرات ولدك، بدال متقولي ليها تروح تشوف ترويق البيت واكل الطيور،

جاد، ازيك ياستي لسه فكره تجي بعد ايه انا زعلان منك،

وه زعلان مني انت خابر انو عمتك سنيه تعبانه كان غصب عني، وبعدين هو فين الفرح ما كان عايز يخلص عليك ولد الجنايني اللي منه لله

جاد، خلاص عاد ياستي اللي فات مات احنا ولاد النهارده، تعالي اتعرفي على مراتي رحيل،

رحيل دي ستي سميحه مرات جدي التانيه ودي ياستي رحيل مراتي،

سميحه بضيق، يعني خلصت بنات العيلة رايح تجيب من بره وبت عمتك سنيه، نورا يعني كيف القمر،

جاد نصيب ياستي والقلب ومايريد وبعدين رحيل ست البنات كلهم

سميحه بضيق، ربنا يسعدك ياولدي،

رحيل سلمت عليها، ازيك ياستي اخبارك ايه،

سميحه بضيق، الحمدلله بخير، متزعليش مني في اللي قولتو بس انتي لسه عروسه ماينفعش تروحي بيت اهلك

رحيل بحزن، لا مش زعلانه انا هكلم جدي في الموبايل واطمن عليه

سميحه، سمعت انك بت مدارس على اكده ليكي في الطبيخ وشغل البيت

انا تحت امرك في اي حاجه،

. طيب روحي جهزي ليا فطار انا ونورا عبال ماتجي من عند خالتها

ــــــــــــــــــــــــــــــــــــــــــــــــــ

في المستشفى، قاسم راح لي منه، وقال لو سمحتي يامس!!

؛ منه اسمي منه،

طيب لوسمحتي يا مس منه تجي تشيلي الكانيولا لي جدي عشان هيخرج وياريت رقم موبايلك عشان لو في حاجه ممكن اسالك بخصوص جدي يعني،

منه، افندم، لو في حاجه تعال المستشفى مش تاخد رقمي عن اذنك هشوف المريض. وسابته ومشيت،

ـــــــــــــــــــــــــــــــــــــــــــــــ

في بيت الجنايني وصلو وكانو في غرفة شعبان،

شعبان بتعب الكل يروح يرتاح، اليل كلو سهرانين وانا كمان هنام،

الكل فعلاً مشى،

في غرفة منتصر، ألقى بنفسه على السرير، وأنفاسه متقطعة من فرط الإرهاق،

خلود نظرت إليه نظرة طويلة تجمع بين الغضب والخوف خايفه عليه ومضايقه منه ثم دلفت الى الحمام، جابت تشت في مياه وملح قربت من رجليه وقلعت الجزمه،

منتصر اتعدل بتعب، وضعت رجله في المياه وبدات تدلك رجليه بهدؤء

منتصر بتعب، والله حاسس جسمي مفسخ من بعضه

مش قادر اتلم على اعصابي

*معلش انت تعبت بقالك يوم لف ومش قاعد، واللي عامله ولد عمك مش هين

*الواحد مش مستوعب اللي حصل، فارس كان ناوي يخرب بيتنا بعمايله واحد مجنون مش بيفكر قبل مايعمل حاجه انا مسكت يدي عن بالعافيه عكر صفونا وكسر فرحة اختي واحد غبي

*الحمدلله ربنا سترها وعدت على خير، يلا قوم استحمى ونام وريح جسمك

*انا هنام عشان فاصل ولما اصحى استحمى، وضع يده على خدها وقال، شكراً رجلي مكنتش حاسس بيها من الواجع، بعد ساعتين صحيني،

ـــــــــــــــــــــــــــــــــــــــــــــــــــــــ

في بيت المنشاوي،

رحيل جهزت الاكل ورصته على السفره، اتفضلي ياستي الوكل جاهز،

سميحه، طيب شويه و نورا جايه،.... قعدو على السفره، في الوقت ده دخلت نورا،

ياااااه اتوحشتكم قوي ياجماعه، جادو ليك وحشة ياولد خالي انا زعلانه منك قوي، وحطط ايدها على كتفه اللي واجعه

رحيل كانت بتبص بصدمه، جاد بتعب حسبي كتفي اللي منصاب، وبعدين تزعلي مني ليه انا اللي مفروض ازعل عشان محدش حضر فرحي

*انت خابر زين انو امي تعبانه وبعدين اجي بي اي وش عاد،

زينات، مش كفايه كلام يلا الوكل هيبرد تعالي يا نورا انتي على طول اكده مش بتشبعي رغي

*بحبكم يامرات خالي ومش بشبع من قعدتكم، وقفت قدام رحيل، امم انتي العروسه عاد طيب ليه مكمكمه حالك اكده حتى الجو سخون يفطس ماخايفاش على روحك طفتسي، ولا في حاجه مخبيها تحت القماشه دي

*كل واحد بيلبس اللي يريحه وانا لبسي مرتاحه فيه وعجبني ، اتفضلي كلي انتي ضفتنا، ولازم نتوصى بيكي،

قعدو ياكلو، سميحه بضيق، ايه الوكل الماسخ ده مش طابخه بسمن بلدي ياك

جاد رحيل ساعديني ادوق الوكل، بدات رحيل تاكل جاد، الوكل طعم قوي اول مره اكل طبيخ حلو اكده بعد اكل امي، متهيالك ياستي انو الوكل ماسخ،

سميحه، امال لازم تشكر في عمايل مرتك امال مين اللي هيشكر غيرك

*انا مش بشكر ولا بدافع عن مرتي انا بتكلم صوح ياستي مش بذوق الكلام

*ربنا يبرك انت ومرتك قومي يا نورا هاتي اكل اللي غير ده

كاملو اكل في صمت، جاد يلاه يارحيل نطلع عشان عايز اخد العلاج وسابهم ومشي،

*طلعت وسابت السفر اكده مفيش ذوق واصل بنات اخر زمن ولسه

*انا موجوده يامرات عمي هروح اعمل شاي والم السفره

ــــــــــــــــــــــــــــــــــــــــــــ

جاد قعد بتعب، لفيني العلاج الواحد امتى يخف عشان تعبت وزهقت من القعدة الممله دي

رحيل بغيظ، ليه يا جادو يعني الجو ده كلو مش عجبك

جاد ضحك، ايه ده ايه ده شمم ريحة غيره في الموضوع

*غيره ومن مين من دي اللي شبه الارجوز بس هي بتحرق دمي لما تتكلم عن لبسي

*انتي رديتي عليها وبعدين انتي قمر المفروض الجمال ده محدش يشوفو غير جاد وبس، وبعدين بلاش غيره عشان انا مفيش حد في دماغي وقلبي غيرك انتي

ولسه هيقرب منها، الباب خبط،*مين الفصيل اللي بيخبط ده، مين اللي بيخبط،

زينات، صاحبك عثمان ياولدي تحت في المندره مستنيك،

*حاضر يا امي قدمي ليه ضيافه وانا شوي ونازل،

هنزل اشوف عثمان نتفق على يوم نروح بيت سلمى، وهجي ياريت اجي الاقي حاجه حلوه من اللي شوفتهم في الدولاب، وغمز ليها ومشي،

رحيل، اكلم جدي واطمن عليه، رنت على عبله،

الو يا امي ازيكم جدي اخبارو ايه بقي احسن،

*الحمدلله بخير يابتي بقي احسن عن الاول لحظه هودي ليكي التلفون عشان تكلميه ....... عمي خد رحيل عايزة تطمن عليك،

زيك يا حبيبي طمني عليك كنت حابه اجي اشوفك بس مقدرتش قولي دلوقتي بقيتاحسن، وبقيت تعيط،

*اهدي يا عصفورتي انا عال العال مفيش حاجه تهز جدك، واول ما اخف هجي ازورك، انا كويس ومفيش اي حاجه، ركزي في بيتك وجوزك،

*ربنا يعيطك الصحه والعافية ياجدي وتفضل تاج راسنا، الحمدلله اطمنت عليك، هسيبك ترتاح، مع السلامه، وفصلت،

*افتح نت واشوف الدنيا من فترة مفتحتش،،، قعدت تقلب في الواتس وتشوف الرسايل، فتحت رساله،،

جاد بيقول، ايوه مش بحبها وواخدها عيند فيك عشان بس احرق قلبك مين قال لك اني بحبها،،

رواية قلوب عذبها الحب الفصل الثامن عشر

*افتح نت واشوف الدنيا من فترة مفتحتش،،، قعدت تقلب في الواتس وتشوف الرسايل، فتحت رساله،،

جاد بيقول، ايوه مش بحبها وواخدها عيند فيك عشان بس احرق قلبك مين قال لك اني بحبها،،

وبعد الفويس رساله مكتوب فيها،

*اهو الغريب اللي بقيتيه علي ابن عمك طلع بيتسلى بيكي، صوته ده ولا لا،

رحيل سابت الموبايل من ايدها وكانت مصدومه جداً ـ، معقول جاد يكون فعلاً اخدني عيند في فارس وهو مش بيحبني، ياربي ازاي مقدرتش اخد بالي من كده

ــــــــــــــــــــــــــــــــــــــــــــــــــــ

كان فارس ماسك الفون وبيشوف الرساله،

*أخيراً شوفتي الرساله هستنى رجعتك يابت عمي، وهستنى كسرتك ياولد المنشاوي

/تحت في البيت، سعيد دخل بارتباك،

*يا اهل الدار انتو فين،

عبله اتفضل ياعمي تعال بيتك ومطرحك،

سعيد، جيت اشوف شعبان واطمن عليه،

*اتفضل تعال عمي في غرفتة تعال

*دخل سعيد باحراج، سمعت انو كنت هتموت،

*بس لسه ليا عمر على دنيا، عمر الشقي بقي زي مابيقولو

*سعيد بحزن شديد ظهر في نبرة صوته،

خوفت عليك، خوفت تفرقنا الدنيا زي ما فرقتنا الايام

*لسه زي ما انت الايام ماغيرتكش، تظهر قسي، بس مفيش احن منك المشكله غضبك سابقك من يومك متهور،

سعيد، محدش في الدنيا دي فهمني غيرك الكل واخد عني صوره غلط معاده انت،

*هو احنا عشره يوم انت اخوي اللي جابته الايام، فكر كنا ايه، بس العدواه عملت فجوه بينا، مش كفايه اكده

الغضب كان عميك مش خدت بطار ولدك وحرقت قلوبنا، يعني شربنا من نفس الكاس،

*انت خابر زين يا شعبان انو ولدك كان مفتري، بس كل حاجه نصيب محدش بياخد عمر حد، انا جيت اطمن عليك تقعد بالعافيه، وساب وطلع،

شعبان بص في اثره بحزن،

ــــــــــــــــــــــــــــــــــــــــــــــــــــــــــــــــــــــــ

، بليل في غرفة منتصر كانت خلود جالسه جنبه وهو نايم،

طيب اصحي ولا لسه شويه، شكلو تعبان، بس هو قال صحيني بعد ساعتين، وهو بقالو 9ساعات نايم، عن يشندل حالي

! قربت منه ولي لحظه ركزت في ملامحه ،

كان نايم على ضهره، ووشه هادي خالص. بشرته سمرا صافية، ودقنه تقيلة باينة أكتر وهو ساكن. شعره كثيف وناعم، بس متلخبط على المخدة من غير ترتيب. كل الحِدّة اللي في وشه اختفت، وبان مكانه الهدوء وبس،

ياربي اللي يشوفك وانت نايم ما يشوفكش وانت صاحي، في قمة وسامتك واشياكتك، خبطط ايدها على دماغها بخف وقالت، ايه اللي بتقولي ده

*ورجعت غيرة رأيها وقالت، وفيها ايه ده زوجي واقول اللي انا عاوزه محدش شريكي،،

*فتح عينيه لقاها قاعدة بتتأمل فيه، ابتسم نص ابتسامة وقال:

"سمعتك على فكرة... كنتي بتقولي إيه؟"

قبل ما ترد، شدّها عليه حركة واحدة سريعة خلت قلبها يقف.

"اللي عايزة تقوليه قوليلي وأنا سامعك كده أحسن".كملي بقا بتقولي ايه

*خلود برتباك، وخجل شديد من نظراته، انا هو كنت جايه اصحيك مش اكتر،

*هعديه عشان خدودك اللي بقيت كيف الورد الاحمر من شدة خجلك، قومي جهزيلي الحمام والهدوم عشان الحق اروح المصنع،

" هو بصراحه مش هينفع تروح،

*غمز ليها وقال، ليه عايزاني اقعد وياكي، اصلو انا وسيم وشياكتي تخطف، لسه من شويه كان في واحده بتتحرش بيا وانا نايم،

*غمضة عينها وقالت هو بصراحه، احنا الساعه 6،يعني في المغربيه،

"ليه اكده يا خلود!! قولتلك ساعتين بس وصحيني

الاسم وقع على ودنها كأنه أول مرة يتقال. اتجمدت مكانها، وبصّت عليه من غير ما ترد. "خلود" منه ليها ليها طعم تاني، كأنه بيصحي حاجة نايمة جواها.

سرحت ثانيتين، عينيها سرحت في ملامحه، قلبها خبط خبطة مكتومة ومش فاهمة السبب. لما فاقت لقت نفسها بترد بصوت واطي ولسه متلخبط:

"شفتك تعبان ومحتاج انو تفصل شويه وترتاح، الشغل مش هيطير اهم حاجه صحتك

*رد عيلها بابتسامة، بتخافي عليا يعني يهمك امري

*هملني عشان اجهزلك الحمام وانزل اشوف شغل البيت واجهز العشاء

*اسمع اجابتك الاول يهمك امري ولا لا

"اي كان اجابتي في الاول والاخير انت زوجي،

منتصر سابها بضيق، طيب يلا قومي شوفي هتعملي ايه، مشيت خلود، قال بضيق

في الاول والاخير انت زوجي، يعني انا مفروض عليكي، وانا اللي مفكر انو بدات تخلق حاجه بينا،

ــــــــــــــــــــــــــــــــــــــــــــــــــــــــــــــــــــــــــ

في بيت المنشاوي،

عثمان بضحك، ايه يا عريس طمني عليك بيقت احسن،

*جاد حرك ايده اللي منصابه، هكون احسن ازاي وانا بشكل ده، واحد غبي ومتخلف، خربلي كل خططي

*المهم انك بخير والاهم رحيل بقيت مراتك، الشباب حاول يتصلو بيك عشان كانو جايين يطمنو عليك

*من يوم الفرح مش مسكت الفون ياجدع، المهم يومين كده وهنرح نكلم ابو سلمى عشان انت كمان تدخل القفص الذهبي،

" يا ابوي امتى ياجدع انا قلبي داب نفسي تبقا من نصيبي، عايز اغمض عيني وافتحها الاقيها في بيتي،

جاد حط ايده على رجله، قريبا جداً يا حبيب اخوك انت تستحق كل خير،

عثمان، تسلم ياجاد انت احسن حد عرفته في حياتي، ربنا يدوم المحبه بينا، هسيبك عن اذنك، تقعد بالعافيه،

*الله يعافيك حبيبي،

ـــــــــــــــــــــــــــــــــــــــــــــــــــــــ

في غرفة رحيل،

كانت واقفة قدام المرايا، إيدها بتمسح دموعها بسرعة كأنها بتداريها. وشها محمر وعينيها وارمة من العياط، وبتبص لنفسها كأنها بتحاول تقنع نفسها بحاجة مش قادرة تصدقها.

هو دخل من وراها، دراعه الشمال متعلّق، خطواته بطيئة من الوجع. وقف، بص عليها من انعكاس المرايا، وقلبه وقع لما شاف الدموع.

من غير كلام قرب، لف دراعه السليم حوالين وسطها وسحبها عليه براحة. حضنها من ورا، دفى صدره لمس ضهرها، وحط دقنه على كتفها قدام المرايا.

همس جنب ودنها بصوت مبحوح، فيه قلق:

"مالك يا رحيل؟ مين مزعلك؟، بتعيطي ليه؟

هي اتنفضت على صوته، حاولت تبعد وشها عنه، بس هو شدّ عليها أكتر كأنه بيقولها مش هسيبك تبعدي كده.

"بصيلي... أنا واقف قدامك مين مزعلك قولي،عايزةتعيطي عيطي، بس ما تعيطيش بعيد عني".

هي بلعت ريقها، وعينيها في المرايا على وشه اللي تعبان علشانها. مش عارفة تقوله إنها فاكراه مش بيحبها، وهو بيضحك عليها

" اتكلمي يا رحيل في ايه ما تقلقنيش عليكي ياقلبي

*رحيل بصوت مبحوح "طلقني

*ايه الهزار الرخم ده قولي كلام كيف الخلق

رحيل، بدموع، طلقني بقولك طلقني انا مش عايزة اعيش معاك ثانيه واحده لو رجل طلقني

" وشّه اتقلب 180 درجة في لحظة.

كأنّه بقى شخص تاني.

عروقه برزت من شدّة الغضب، وعينيه اسودّت.

وضربها بقوّة.،،،

رواية قلوب عذبها الحب الفصل التاسع عشر

رحيل، بدموع، طلقني بقولك طلقني انا مش عايزة اعيش معاك ثانيه واحده لو رجل طلقني

" وشّه اتقلب 180 درجة في لحظة.

كأنّه بقى شخص تاني.

عروقه برزت من شدّة الغضب، وعينيه اسودّت.

وضربها بقوّة.

عمّ الصمت فجأة. تراجعت هي خطوة إلى الوراء، ووضعت يدها على خدّها،

أما هو فلم يشعر بندمٍ للحظة. التفت إلى التسريحة وضرب بكل ما فيها فتناثر الزجاج وسقطت الأشياء محدثة ضجيجاً ملأ الغرفة.

ثم استدار ومضى خارجاً بغضب، دون أن ينطق بكلمة واحدة، تاركاً خلفه صمتاً أثقل من الكلام.

وما إن أغلق الباب خلفه، حتى انهارت قواها. سقطت على الأرض وجلست تبكي بصمت، وصوت شهقاتها هو الوحيد الذي كسر سكون المكان.،

ـــــــــــــــــــــــــــــــــــــــــــــــــــــــــــــــ

تحت كان جاد مشي بغضب ومش شايف قدامه،

*جاد جاد ، وه بقا اكده ياجاد بت عبله لحقت تاكل دماغك، بنده عليك مش بترد ولسه يا حفيدي

*نورا وهي بتنهج، مش واكله دماغه ياستي دي مطلعه عن طوره (في قمة غضبه) في خناقه بينهم كبيره

"كيف خناقه يعني دول ماكملوش يومين مع بعض وكمان دول كيف السمن على عسل شكلك متهيالك مش اكتر

" والله حقيقي ياستي وكمان شكلها وصلت لي الضرب، امال جاد طالع غضبان ليه

سميحه بضحك، عال والله اكده نقطة لي صالحنا المفروض انو نكبر الخلاف اللي بينهم عشان يطلقها ويتجوزك انتي

*انا معاكي من يدك دي لي يدك دي قولي اعمل ايه وانا انفذ

ــــــــــــــــــــــــــــــــــــــــــــــــــــــــــــــــ

عده الوقت الساعه بقيت 12منتصف الليل، في غرفة منتصر كان قعد بيلعب في الفون بملل وبعدين نظر لي خلود بضيق، اعمل فيكي مش قادر انام كان يجرى ايه لو عملتي زي مقولتلك،

*وه انا غلطانه اني قلبي عليك شوفتك تعبان ومرهق صعبت عليا، بعد اكده هخلي قلبي كيف الحجر

"خلاص عاد مش هتذليني كل شويه هو انتي عملتي المستحيل، طيب بقولك ايه، نجي نسلي وقتنا ونلعب" لودو "

*ايوه امال عشان تروح عليا نومه وستك تشندل حالي وهي مش بطيقني من اصلو

"وليه تشندل حالك،...... عشان شغل البيت والبهايم لو ماصحيتش بدري تطين عيشتي،

*طيب مفيش صاحيان بدري وعايز اشوف ايه اللي هيحصل بكره انتي مراتي انا مش خادمه لي حد

سكتت لما سمعته بيقول: "أنتي مراتي، مش خادمة لحد".

الكلمة مش غريبة عليها، هو دايمًا واقف معاها قدام سِتّه ومبيسيبهاش لوحدها.

" فحست بحاجة دافية عدّت على قلبها.

، فمجرد ما سمعت منه "مراتي"، حسّت إن في حد شايفها وبيحمي مكانها.

مردّتش عليه على طول.

خافت لو اتكلمت صوتها يتهز ويبين قد إيه الكلمة دي لمستها.

هي متعودة تكتم، بس عنيها فضحتها وبان فيها لين مكنش موجود من شوية.

جواها كان بيتردد سؤال بسيط:

"يعني أنا ليا حد بيقول عليّا بتاعته؟"

، حرك ايده امام وجهها، هااااي روحتي فين بكلمك

"ردت بارتباك، موافقه يلا

*بس بشرط لو انا فوزت هتنامي في حضني لو انتي فزتي عادي انام انا في حضنك، نهى كلامه بغمزه،

*ايه اللي بتقولو ده اتشحم عاد.... ضحك منتصر، اتحشم كيف انتي مراتي بقولك مرتي انتي فاهمه ولا لا وبعدين ياستي عادي لو فوزتي حطي الشرط اللي انتي عايزه،

*اهو قولت بلسانك هطلب اللي انا عايزه خليك قد كلمتك عاد

*انتي لسه متعرفيش مين منتصر الجنايني، انا لما اعطي كلمه مستحيل ارجع فيها لو على موتي

يلا نبدا

---

قعدوا يلعبوا لودو على الفون، والسكوت بينهم خفيف والشاشة تنوّر وشّهم.

هي بتحرك الحجر وهي تعبانة، وهو يهزر معاها على كل خسارة، بس صوته وطي شوية.

مع الوقت، عينيها بدأت تتقل.

تعب اليوم كله كان مستني اللحظة دي… لحظة ما تحس إنها قاعدة في أمان ومش وراها شغل ولا كلام.

خلصت اللي وراها، فجسمها قال خلاص ارتاحي.

مسكت الفون، ودورها جه، بس إيدها وقفت.

نعست فجأة، وراسها مالت على كتفه.

نامت وهي لسه ماسكة الفون، واللعبة مفتوحة على دورها.

هو حسّ بيها لما سكتت، بصّ عليها لقى نفسها غلبها النوم.

شال الفون من إيدها بالراحة، وحضنها عليه بحنان.

حسّ إنها أخيرًا ارتخت، والشدّة اللي كانت في جسمها طول اليوم فكت.

غطّاها بدراعه وسكت، وقال في نفسه:

"نامي يا مراتي… بكرة الدنيا لينا."،

ــــــــــــــــــــــــــــــــــــــــــــــــــ

جاد رجع البيت وظاهر عليه التعب والارهاق،

ظهرت نورا، جاد انت جيت تعال اقعد هروح اسخن الاكل

*مش جعان، اتقدم خطوتين، وقفت قدامه، لا مش هسيبك تطلع جعان لازم تكل الاول،

" بغضب مكتوم، ابعدي عن طريقي ومالكيش دعوه بيا اطفح ولا ما اطفحش مايخصكيش، وسابها ومشي بغضب

*وه بتفش غلك فيا ليه، اللي ما يقدرش على الحمار يتشطر على البردعة"،،

دخل جاد الغرفه نظر لي رحيل كانت ناس واثر الدموع في عينها واثر صوابعه على خدها،

قال بندم، ايه اللي سببك تقولي اكده وتخليني امد يدي عليك، انا سايبك كويسه، مش عارف ايه اللي حصل

*، رحيل فوقي نتكلم شويه رحيل يلا اصحي، كانت رحيل نايمه بتعب ولا حاسه عيطت كتير لغاية ما النوم غلبها،

قبل جبينها بحنيه وقعد يفكر ايه اللي حصل يخلي رحيل تتغير كده، محدش قابل رحيل انهارده خالص امال حصل ايه يخلي رحيل تطلب الطلاق،، وبعدين عينه جات على الفون،

مسك الفون وبدا يقلب فيه وقال اكيد السبب هنا، اتصدم اول ماشاف رسايل فارس، يا وكل ناسك بقا اكده طيب ماشي ياولد المركوب، مستحيل توصل لي اللي في دماغك،

بعت ليه رساله متحواها،، مفكر بالي هتعملو هتفرق بينا ده في احلامك يا ابوالفوارس، معلش بقا هعملك بلوك عشان بغير قوي على مرتي،

ــــــــــــــــــــــــــــــــــــــــــــــــــــــ

تاني يوم الصبح، عند منتصر وخلود

فتحت عينيها على إحساس دافي غريب عليها.

لقِت نفسها مسنودة عليه، ودراعه حاضنها كأنها أمانة خايف تضيع.

في الأول اتلخبطت،

حاولت تتحرك، بس لما حسّت إنه لسه نايم وما صحّاهاش، سكنت.

رفعت عينيها شوية، لقيت وشه قريب وملامحه هادية.

مفيش أمر، مفيش طلب، مفيش لوم.

بس في حضن بيقول لها: "ارتاحي، أنا هنا".

قلبها خبط خبطة سريعة، مش خوف… استغراب.

كأنها أول مرة تحس إن في حد شايل عنها، حتى وهي نايمة.

رجعت غمّضت عينيها تاني، بس المرة دي وهي مطمّنة.

حسّ بحركة خفيفة في حضنه، فتح عينيه لقى عينيها مفتوحة عليه.

، وبعدين ابتسم ابتسامة هادية، كأنّه كان مستني اللحظة دي.

"صحيتي" قالها بصوت واطي، خايف يكسّر السكون اللي بينهم.

هي هزّت راسها براحة، وما نطقتش. الكلام كان زيادة عن اللي حاسة بيه.

شال إيده شوية عشان تتحرك براحتها،، اتحركت بارتباك

سكتوا.

الصمت بينهم المرة دي مكنش تقيل ولا محرج، كان دافي.

قالت بارتباك، انا هقوف اجهزلك الحمام وهنزل اشوف البيت تحت واجهزلك الفطار

ــــــــــــــــــــــــــــــــــــــــــــــــ

في الشارع، كانت ماشيه في الطريق ومفيش اي حد غيرها، طلعو في طريقها 3شباب كلهم يخوف، وكان بينظرو ليها نظرات مقرفه،

هدى قالت بخوف، في ايه يا جدع منك ليه وسعوا اكده من طريقي

قرب اوحد منها، وقال اهدي بس ياحلوه انا هنبسطك وندلعك شويه،

*هدى بخوف، انتو مش عارفين انا بنت مين كل واحد يخاف على روحه،

قربوا عليها، احنا مايمهناش انتي بت مين،

واحد سحب الطراحه صرخت، والتاني شد الكم اتقطع، هدى بقيت تصرخ جامد وتقول ساعدوني،

وفجاه بنيه قويه نزلت على وشي اللي سحب الكم من،

رواية قلوب عذبها الحب الفصل العشرون

*هدى بخوف، انتو مش عارفين انا بنت مين كل واحد يخاف على روحه،

قربوا عليها، احنا مايمهناش انتي بت مين،

واحد سحب الطراحه صرخت، والتاني شد الكم اتقطع، هدى بقيت تصرخ جامد وتقول ساعدوني،

وفجاه بنيه قويه نزلت على وشي اللي سحب الكم

وقع على الارض،

فارس بغضب ياولاد الكلب انا هربيكم انتو ازي تعملو فيها اكده ونزل ضرب فيهم، وهدى كانت بتعيط وبترجف من الخوف،

فارس غلبهم وجريو من قدامه بخوف، وقرب من هدى اللي كانت ميته من الخوف، مسك ايديها،

اهدي مفيش حد يقدر يلمس من شعره واحده طول ما انا موجود، اهدي،

قلع اللاسه من على كتفه في لحظة ورماها عليها، غطى كتفها اللي كان باين"

قالت وهي بتزقها من عليها: "غطي نفسك بيها انت، ياللي يدك كانت هتطول ولد عمي!" فكرني هنسى اللي عملته ياك،

فارس بهدؤء، اهدي انا كان الغضب عميني مش اكتر، سيبك من اللي حصل قبل سابق، احنا في النهارده، طمنيني عليكي انتي زينه ولا اخدك المستشفى،

وقال بغضب وهو بيجز على سنانه رايحه فين بدري اكده وكمان ماشيه في طريق مقطوع

ردت بغضب هي كمان، انا ممرضه وريحه شغلي،

رجع حط اللاسه على كتفها تاني، طيب يلا امشي قداميه انا هوصلك على المستشفى واياكي تفتحي خشمك وتعرضيني، يلا على العربيه طوالي

هدى شدة اللاسه بغضب وبعدين مشيت،،

ــــــــــــــــــــــــــــــــــــــــــــــــ

عند رحيل وجاد،

الوقت ماشي بطيء... بطيء لدرجة إن جاد سامع دقات قلبه بتعد الثواني.كل دقيقة تعدي عليه قد ساعة. يبص في الساعة، يلاقي العقرب ما اتحركش. يرجع يبص لوش رحيل، يلاقيها لسه نايمة وساكتة.

*رحيل فتحت عينيها، بتبص قدامها ومش قادرة تتكلم.

جاد قاعد على حرف السرير. قاعد ساكت وبيبص ليها

صوته طلع واطي بس ناشف، والكلام نازل زي الحجر

* عايزة تطلقي

: بس قبل ما تطلبي الطلاق... اعرفي اللي سمعتيه من ابن عمك حقيقي ولا كدب.مش تجي.تخرفي في الكلام، وتقولي كلام كان ممكن ادفنك حية بسبب كلامك السم بس احمدي ربنا مسكت نفسي عنيك بالعافيه

رحيل اتصدمت انو عرف انو فارس اللي قال كده وبعدين قالت بقوه مصتنعه يعني ده صوتك ولا مش صوتك هتنكر اللي طلع منك، وانا عند كلامي وهطلق منك مستحيل اقعد معاك ثانيه واحده،

جاد مسك درعها بغضب وضغط عليه جامد، يعني انتي مصره تعصبيني وطلعيني عن شعوري صح اكده،

رحيل بدموع سيب دراعي هيتخلع في يدك حرام عليك،

جاد ساب درعها بغضب، انا مش ملزم اني ابررلك اللي حصل عشان انتي من البدايه معندكيش ثقه فيا عشان لو وثقه فيا وفي حبي ليكي مستحيل تصدقي اللي سمعتيه

بس قبل ماطلقك هسمعك الحقيقه الكامله عشان تعرفي اني ابن عمك بيوقع بينا وانتي نولتيه اللي في باله، اسمعي بقا

*، ايوه مش بحبها وواخدها عيند فيك عشان بس احرق قلبك مين قال لك اني بحبها انا بعشقها ولو في حاجه بتخصني مستحيل اسيبها حتى لو بين انياب الفهد ،

انا خابر زين اني فارس دماغه سم وكان بيسجلي عشان كده سجلت انا كمان، عشان عارف مش هيسيبنا في حالنا،

بس مادمت كدبتيني وصدقتي فارس مستحيل تكون في بينا عيشه قدمك نص ساعه تكوني

لميتي هدومك وهجي اخدك لي بيت ابوكي معززه مكرمه ويادر مدخلك شر، وسابها ومشي،

رحيل حطت ايدها على بوقها وبقيت تعيط

ـــــــــــــــــــــــــــــــــــــــــــــــــــــــــــــــــــــ

عند قاسم في المصنع« قاسم مهندس ميكانيكا»

صوت اللحام بيزن في الورشة والشرز طاير حوالين قاسم.

واقف قدام مكنة الدرفلة، مركز في الشغل بس عقله مش معاه.

في دماغه رسمها ساكت...

طرحة بيضا مظبوطة على راسها، طرفها نازل على كتفها.

سرح... إيده الشمال راحت على السيخ المولع غصب عنه.

الشرز لزق في بطن كفه.

"ااه..." كتمها بين سنانه. ريحة شياط طلعت ووجع نار مسك دراعه كله.

العامل جري عليه مرعوب: "يا باشمهندس إيدك!" انت لازم تروح المستشفى بسرعه

قاسم ما ردش. عينه على الباب بس.

*حضرتك اتفضل معايا اخدك المستشفى،

ــــــــــــــــــــــــــــــــــــــــــــــــــــــــــــــ

فارس وقف العربيه على جنب، ونزل،

"رايح فين المجنون ده وكمان قافل العربيه"

بعد فترة رجع فارس، خدي جبتلك هدوم شبه اللي لابسها عشان محدش يقولك حصل ايه وتقلقي الكل عليكي،

بعد فترة وصلو المستشفى"

، يلا انزلي وخلي بالك من نفسك زين ولو عوزتي حاجه قوليلي، ماتجيبي رقم تليفونك عشان اطمن عليكي من وقت لي التاني،

هدي بص ليه بقرف وبعدين مشيت،

*ماشي يابت الفرطوس هعلمك الادب على البصة بقرف دي هخليكي تدفعي تمنها غالي، وبعدكده مشي،

ــــــــــــــــــــــــــــــــــــــــــــــــــــــــ

في بيت الجنايني، نزلت خلود قالت بارتباك وتوتر، صباح الخير، ولسه هتتحرك وقفتها فوزيه،

*مابدري يابت سعد لسه فاكره تنزلي هو البهايم هيفضل جعان وماحلبش لغاية متنزلي ياست الحسن والجمال،

خلود، غصب عني فيها ايه يعني راحت عليا نومه وبعدين انا مش خادمه لي حد ومش ملزمه اعمل اكده انا بعمل اكده لجل خاطر زوجي،

فوزيه ضربتها بالقلم جامد، منتصر كان نازل رد بغضب مكتوم، ستي ايه اللي عملتي ده انتي ازي تمدي يدك على مرتي،

فوزيه بغضب، مراتك بجحه وبتبجح فيا بقولها منزلتيش لي البهايم ليه تقولي انا مش خادمه لي حد،

منتصر بهدؤء عكس العاصفه اللي جواه، ايه قولك انو مرتي كلامها صوح هي مش لي الخدمه وبعدين انتي ست كبيره ليكي تقعدي واكلك وشربك يجي لغاية عندك ومالكيش دعوه بشغل البيت،

"فوزيه بغضب، ايوه عايز تلغي وجودي، الحريم بقيت ممشياك والله عال بت سعد بقيت بتتحكم فيك كيف ماهي عايزة الله يرحمك يا رجوله،

، منتصر بغضب، ستي اعرفي بتقولي ايه انا لي صبري حدود والله لو حد غيرك كنت دفنته مطرحو، وبعدين محدش يقدر يمشيني على كيفه حد قالك اني خروف،

*فوزيه بغضب، امال مين يعمل شغل البيت مين يصحى بدري لي البهايم

*قولتلكم بدل المره الف اكري ليكم انفار يخدمو البهايم والكلام ده من قبل ماتجي مرتي عشان امي ومرات عمي وانتو اللي رافضين

شعبان دخل بغضب، ياوليه اتهدي انتي مش بتتعبي مش بتصدعي،

فوزيه بغضب، انا غلطانه اني عامله على البيت لو سبت البيت يقلب يضرب هيخرب

شعبان، خليكي في حالك ومش هيخرب،

فوزيه بدموع، انتو عايزين تلغو وجودي بتقللو مني قدام الحريم،

منتصر لسه هيرد تليفونه رن، الو ايوه يا جمال في ايه على الصبح،

اييه مالو قاسم يخرب بيت الاصتبحات انا جاى حالا وطلع يجري

عبله بخوف في ايه يامنتصر مالو اخوك، رد عليا ياولدي

بص في عينيها وحاول يثبت صوته:

"ولا حاجة يا أمه صدقيني. شرز جه في إيده وهو شغال واتحرق حرق بسيط. راح المستشفى يحط عليها غيار ويرجع"عن اذنك هروح ليه وهجيبه معايا متخافيش وسابها ومشي

عبله بخوف، جيب العواقب سليمه يارب، يارب احفظلي ولادي من كل شر، يارب

*اهدي يامرات عمي كلو خير ان شاءلله وقاسم مفهوش حاجه،

فوزيه بغضب، هنشوف الخير منين وانتي عايشه وسطينا،

خلود بصت عليها بحزن وسكتت، عبله بضيق، ابوس يدك يامرات عمي مش وقت كلامك ده انا قلبي حرقني على ولدي وانتي مش همك حاجه وبعدين هملي مرات ولدي في حالها، فوزيه بصت بغضب ومشيت،

ــــــــــــــــــــــــــــــــــــــــــــــ

في المستشفى،

منتصر دخل بيجري وعينه جات على قاسم اللي قاعد على الكرسي.

قرب منه وقعد قدامه على ركبة واحدة: "قاسم"

قاسم رفع وشه وحاول يبتسم ابتسامة باهتة، وسحب إيده وحطها على رجله:

"ماتقلقش ياخوي أنا زين والله. مفيش حاجة تخوّف"

منتصر عينه نزلت على إيده اللي متبهدلة حمرا وملتهبة، وصوته علي غصب عنه:

"كيف مفيش حاجة شايف إيدك عاملة ازاي متبهدلة أهو!"

قام وقف وعصبيته بانت على وشه، وبص حواليه يزعق:

"فين الممرضين اللي هنا فين الدكاترة

الباب اتفتح ودخلت منه شايلة صينية الاستقبال عليها شاش ومطهر ومرهم. وقفت قدام منتصر بثبات وقطعت كلامه:

"حضرتك اهدي لو سمحت. إحنا هنشوفه دلوقتي"

منتصر سكت غصب عنه ووسع ليها.

منه حطت الصينية على الترابيزة وسحبت الكرسي وقعدت قدام قاسم. مدت إيدها تاخد كفه من غير ولا كلمة.

قاسم فرد إيده بالراحة وهو ساكت

أول ما منه شافت وشه وهي بتشيل الفوطة عن الحرق... جسمها كله وقف لحظة. . الصدمة بانت على وشها

سحبت نفس وبدأت تشتغل. إيدها وهي بتحط المطهر بقت أبطأ من العادي ومركزة زيادة. كل ما القطنة تلمس جلده تبص في وشه بصة سريعة كأنها مش مصدقة.او خايفه توجعه

قاسم قاعد متخشب. كل ما تلمسه يتألم ويسكت.

منتصر واقف وراها مربع إيده وعينه رايحة جاية بينهم: "مالك اتلخبطتي اكده وايدك بتترعش الحرق صعب؟"

.

كملت لف الشاش حوالين كف قاسم بهدوء : لا الحمدلله مش صعب قوي "سطحي يا فندم. هنغير عليه كل يوم والمرهم ده 3 مرات"

قامت وقفت وشالت الصينية عشان تمشي.

وقفها صوت منتصر، مش إنتي أخت جاد زوج أختي

منه وقفت مكانها واتجمدت. باصتله وبعدين باصت لقاسم بسرعة: "أيوه يا فندم. أنا منه"

منتصر، طيب ده انتي مننا وعلينا ابقي عدي علينا كل يوم عشان تغيري ليه علي الجرح،

ابتسمت منه بارتباك، حاضر عن اذنكم والف سلامه لي حضرتك، ومشيت

قاسم اتنهد بتعب ورجع راسه لي وراء، منتصر حط ايده على كتفه تعبت معلش يلا قوم اخدك البيت

ـــــــــــــــــــــــــــــــــــ

جاد واقف عند سور السطح. ضهره محني شوية. في إيده سيجارة مولعة والدخان طالع قدامه وبيختفي في الهوا.

زينات وقفت على بعد خطوتين. شافته وعرفت من وقفته إن في حاجة كاسرة ضهره.

صوتها طلع هادي بس فيه عتاب أم:

زينات: تاني تدخين يا جاد البت اللي بتحبها واتجوزتها، ايهمزعلكتاني رحيل زعلتك؟

جاد اتفاجئ ولف نص لفة. طفى السيجارة بسرعة تحت رجله وعفرها: ولا حاجة يا أمه. مزاج.

زينات قربت منه وبصت في عينه. وشها اتكسر لما شافت الإرهاق والغضب اللي فيه: ايه اللي مزعلك يا ولدي

جاد سحب نفس وبص بعيد عن عينها. عروق رقبته بانت: مفيش يا أمه. شوية مشاكل وبتعدي.

زينات هزت راسها بحزن: من يوم ما اتجوزتو وإنتي ضهرك مش مفرود. بتحبها ومتجوزها بإيدك... امال في إيه عاد

جاد بلع ريقه وماردش. عينه رجعت للسما

زينات طبطت على كتفه: اللي بين الراجل ومرته ماحدش يدخل فيه... بس أنا أمك. قلبي حاسس إنك بتولع في روحك.احكيلي في ايه وريح قلبي

*هطلق رحيل يما

زينات* لطمت على صدرها بخفة وقالت بذهول:

طلاق ايه يا ولدي انتو لسه عرسان؟ في ايه حصل بينكم بس

دانا كنت فرحانة بيكم. قولي يا جاد... رحيل عملت ايه زعلتك في ايه

جاد سحب نفس وبص بعيد: مفيش يا يما... حاجات مينفعش تتحكي.

*مفيش دي اللي بتخرب البيوت يا جاد. احكيلي، يمكن أعرف أصلح بينكم.

سكتت وبصت في عينه:

فكر زين قبل ما تخرب بيتك بإيدك. الطلاق آخر حل، مش أول كلام.بس ريح قلبي وقولي حصل ايه

جاد، حكى ليها كل اللي حصل،

*عشان اكده عايز تطلقها ياجاد، غصب عنها ياولدي قالت اكده من حمقتها «غضبها» وغيرتها عليك استهدى بالله انتو لسه عرسان،

وبعدين هيهون عليك تطلق رحيل حبيبة القلب اللي حربة عليها عشان تاخدها، بلاش تهور ياولدي اهدى اكده وانا هنزل اتكلم مع رحيل

نزلت زينات لي رحيل اتصدمت اول ماشفتها......