رواية قلوب يتيمه الفصل العشرون 20 - بقلم لينه سعد

قصة #قلوب_يتيمه الجزء العشرون
للكاتبة لينه سعد
................

حسيت بهذا اليوم..... بثقل جسمي.. ابتعبي
بديت احس باطراف ايد تسحبني بقوة.....
فتحت عيني.....بكل صعوبة... بديت المح الشعيرات الكثيفة..
بديت احس..... واوعى... اني وين
فتحت عيني واشوف نفسي اني نايمة على صدرة العاري والي جان قريب من وجي
كانما ام وتحضن طفلهة
رفعت راسي.... واشوفه نايم بديت اتعود على ملامح وجة الرجولية.... الحادة
جان وجة يختلف وهو نايم

... ابتسمت واني اتذكر اليله الي مراح اكدر انساهه...
او اتصور اي بنت مراح تكدر تنسى هاي الليلة
جان شعور حلو....
شعور بان الي ردتة اتحقق.... اخذت الي احبة
واني متاكدة مراح اكون سعيدة لو غيرة زوجي

بديت اتحرك بهدوء..... مااريد يحس واني هيج حالتي
جان شعري المتناثر على جسمة.... ونصة جوه راسة
بديت اسحب ايدي الي جانت جوة ظهرة
وابعد رجلية الي جانت متشابكة على جسمي...
حاولت اتخلص من قبضتة الي ماسرتني
واخيرا انتهيت بعد صعوبة ...

ابتعدت واني لافة الشرشف على جسمي واحاول الكي ثوبي الي يسترني
بس.......

حسيت بايد كمشت ذراعي وتسحبني بقوة وترجعني للجرباية... لصدرة المكشوف
_ااااخ....
..... باوع على عيوني وهو مبتسم..
_وين رايحة
_اريد... ادخل للحمام...
_بعد وكت.... وضحك....

............................................................

جنت بهذيج الليلة منايمة واني اللوب....
يعني صدك فلت من ايدي...... صدك سواهه وراح ازوج
... اااخ يابوية يااصيل...
ولك انت هيج اتسوي بينة...
انت هيج تكسر اختي

... جانت نظرات سميرة وهي تحترك وتاكل بنفسة..
جان عدهة استعداد بهذا اليوم اتخلي السم لاصيل وتموتة وتخلص منه
جانت النار الي بكلبة اكبر من اي نار مشتعلة
بس وعدت نفسة متخلي يتهنة لا هو...... ولاوهي

..... طلعت الصبح واني اشوف الكل متوتر... وهمة مستعدين لشوفه عروس اصيل

... جنت اباوع عليهم وهمة يعدلون البيت... وينتظرون بفارغ الصبر

وبلحظة اندك الباب.... ركض رائد يفتحة....
شفت الكل ركض لباب المطبخ وبدت وفاء اتهلهل بجية اصيل ومرتة
جنت واكفة واني اباوع واترقب واشوف منو هاي الي كتل اصيل نفسة علمودهه
... اتقرب سعيد وهو يذبح دجاجة جوة رجلين العروسة
جنت اباوع على خطواتة وهي ادوس على هذا الدم
جان تفكيري..... اشلون اخلي حياتة تنزف ندم لجيتة لبغداد....
بس كلشي بوكتة حلو.......
بديت المح معالمهة...... وكفت واني فاتحة عيوني واشوف جمالهة
جان شي ممتخيلتة... متصورت هي حلوة لهل درجه

دخلو من بعد ماسلمت عليهم... واني كلبي موجوع حييل
بديت اسمع وفاء وهي اتكول لام اصيل
_يمه حقة يموت علية...... ولكم اتخبل يستاهل والله

... حتى سعيد.... الي مكدر يرفع عينة من علية
اجة يمي وهو يكول
_ولج اتخبل... همزين مااخذ سراب
... باوعت علية بخزرة.... دار وجة وراح
اني جنت اشتعل...... ووعدت نفسي هاي النار الي بكلبي الة اصبهة بكلبك يااصيل
.................................................

كمشت الصوندة والمكناسة..... وبديت انظف السطح بعد ماكملت تنظيف الطابق الجوة والفوك
جنت اشتغل من بداية اليوم.... لنهايتة
مر على زواجي ٣اشهر.....
بس جانت اتعادل السنة.....
تعبت هواي.... تعبت تعب نفساني....

... بديت احس بنسمة هوى مرت على وجي الي جان عركان
ماادري ليش.... حسيت بيهة نسمة هوى دهوك اجتي لهنا

.... وكعت من ايدي المكناسة.... وبديت ادور وادور على شي يذكرني بالجبل.... يذكرني بالعشب
يذكرني بالمي.....
بدت ادموعي تنزل واني احس كلبي معصور
مشتاقة هواي لامي.... لوند.... للثريا

.... جانت حياتي هنا مختلفة.... شي ثاني ممتعودة علية
كلة يهون لخاطر اصيل ..... بس المشكلة ويه سميرة الي جان حقدة وكرهه الي الي مااعرف ليش....
حاولت بكثرة اتقرب منه... بس مكدرت تعبت
صح عانيت من عمتي.... بس كدرت تعرفني زين بدت تفهمني وافهمهه
بديت اعرف طبعهم المختلف عنا
كل الي بالبيت زينين.... بس سميرة

_هاااا جوان.... ولج شنو راح اتنامين بالسطح
... صعدت سميرة وهي اتعيط على جوان..
اتعودت جوان على هذا الشي..... الي عمرهه ماسمعت ولاشافتة بحياته
بس عدهة اهم شي اصيل.... جانت تتحمل لخاطرة وابد متحجي الهة عميالهة وياهه

_اشو صافنة وبعدج ممكملة شغل
_لا.. مو تعبت كلت ارتاح اشوية
_ترتاحين لو اتسولفين وي احد
.... بدت اعيونة تفتر على الحيطان

_منو قابل احجي وياه... اني بوحدي
.... رفعت حاجبة
_والله ماادري منو...
يلة كملي.... خلي انصب غدة

...............................

اشكد حاولت اتوكع اصيل وجوان....
بس مكدرت.. لان جان واثق بية.....
فجان كلما اتحاول اتسوي مشكلهة... اتشوف اصيل ويااهه ومتاركة.
لو يطلعهة... ويغير من نفسيتة..
مايريدهه تنحصر لو تتضايق... مايريد اتكول لو ماتاركة دهوك وجاية لهنا...
وحاول يخليهة متحن للزرع.... فجان دائما يجيبلهة بذور ويخليهةة تزرع وتتونس بي.... هاي جان احلى شي عدهه ويخفف علية
ابمشاكل الي اتلاميهة من سميرة

... وبيوم وجوان بالحديقة...
_رائد اكعد لاتوكع من الشجرة
_لا جوان اريد اوكع نبك...
_لا حبيبي... توكع تعال...
_زين وكعيلي انتي.....
.... اتقدمت جوان وباوعت لعيون رائد.....
_تدلل هسة اوكع الك
بديت اصعد مسافة مو بعيدة على الشجرة..
وبديت اهزهه....
بس وي اول هزة... بديت اتذكر واني من جنت اروح للغابة واجمع الجوز
بديت اتذكر هذيج الايام... كمت اشتاق الهة بكثرة
جان كلبي ينزف كلما اتذكر اهلي.....
مااحسيت الا ايدي فلتت من كمشة الشجرة
وبديت كانما اني طايرة  مثل العصافير الي بدت اتطير من اثر الهزة
وبدت ثمرات النبك الي توكع من الشجرة وترتطم بالكاع.......... مثلي بالضبط ...
... وكعت على ظهري واني اعيوني بعدهة على السما الصافية....
والعصافير الي اطير....
ونسمة الهوى الجافة........ بديت المح اعيون رائد وهو واكف فوك راسي وهو مخترع
ويصيح
_جوااااااان..... ماما جوان وكعت
وبلحظة نمت واني ما ادري باي شي

..................................................
بدت افتح اعيوني واشوف اصيل
شفت نفسي نايمة مو على جربايتي
جانت ام اصيل.. واصيل وسعيد يمي
_شكووو.... وين اني
_الحمد لله على سلامتج...... انتي بالمستشفى
_المستشفى.... ليش شنو الي صار
_مو مهم... وكعتي... بس الحمد لله ابخير هسة انتي

... اتقربت ام اصيل مني
وباستني من راسي وكالت
_مبروك جوان.... انتي حامل..
.... مااعرف اشصار بية من حجت
ابتسمت وبدت دمعات تنزل.. وباوعت على اصيل الي جان واكف ووجه اصفر.... وخايف بقوة... اول مرة اشوف الخوف على وجه
وبدة يبتسم اليه....
حجة سعيد وكال
_انتي الله حماج..... لو واكعه اكثر قوة يمكن طرحتي..
بس الحمد لله
ديري بالج على نفسج..... وبعد لتتحركين.. واخلي سميرة تعتني بيج

.... باوعت ام اصيل لسعيد.... وهي تضحك بكلبة
_خلي بس اتجفينة شرهة

...........................................
جنت كاعدة واني فرحانة....
والفرحة بكلبي جبيرة.... كون تتعو ق... لو تموت ويرجعهة لاهلة واخلص منه

حتى من الفرحة رحت سويت كاستر..... ووكلت الجهال... لو بيدي اطش جكليت
وبلحظة... اندكت الباب
رحت فتحت..... واشوف
عمتي وسعيد نزلو من سيارة التكسي....
وبدة اصيل يشيل جوان وهو اعيونة متفارك وجهه

... جانت هذا المنظر... مااتخيلتة ابد
اول مرة اشوف رجال يشيل مرتة....
باوعت على سعيد... ابعمرة ماسمعني كلمة حلوة
ولا عاملني برقة... مثل الي اشوفه عند اصيل وجوان
اول مرة اشوف اكو هيج تعامل... اول مرة احس اني عندي نقص

ماانكر حسيت بالغيرة...... اتمنيت بهاي اللحظة لو اني واكعه... ردت احس هذا الاحساس... معقولة سعيد هيج يخاف علية
... بدو يدخلون جوة
واني على وكفتي....
اباوع على اصيل وهو يداري جوان.. ويوديهة للغرفة

.... دخلت واني مذهولة وصافنة....
_سميرة..... سميرة... اشبيج
.... هاااا.... فزيت على صوت سعيد
_اشبيج..... باركي لجوان حامل

.... هاي الكلمة سطرتني..... انوبة زيدت النار ابكلبي...
دخلت غرفتي...
واني لاول مرة ابجي..... اول مرة
اشوف الدمعه...... جنت دومي قوية... والكل اتهابني ومحد يكدر علية
ليش هيج احس بنفسي شي مهمش....
ليش من اجتي واني احاول اصير احسن منه... احلى منه...
اريد ااذيهة
لاول مرة..... احس اني نكرة كدام احد
.........................................................

بدت الايام اتمر بسرعه.. طبعا ...... مكدرت اكعد ولا اذوك طعم الراحه من يوم دخلت البيت
وخاصتا من عرفت سميرة بية حامل
جانت تدخل غرفتي واتعيط وتكول كومي..... اشتغلي
حتى عمتي متكدر تحجي وياهه... جانت جبارة
ومتكدر اله واذا عمتي اشتكت لسعيد اتكب عركة جبيرة لذلك جانت دووم تنصحني اصبر علية
وبيوم......
جانت بطني جبيرة وعلى وجة ولادة اجتني وكالت  تعالي امسحي المطبخ...
رجعت امسحة.... مع العلم امنظفتة من رجعت شفتة وصخ
محجيت شي رجعت امسح
ومن امسح.... تجي وتذب مي وتكول عيدي...
انتي متعرفين اتنظفين.... شنو هاي الوساخة
متحملت....
جانت نفسيتي تعبانة حييل
شمرت الوصلة بالكاع وكتلة
_سميرة.... ليش اتعامليني هيج.... اني شمسوية
اتمنيت اتصيرين الية اخت...

.... صفنت علية وكالت
_متعرفين اشيويتي
_لا والله.... كولي واذا غلطانة اني اعتذر منج
_مو انتي.... اصيل هو الي سوة بس بسببج انتي
... من وراج عاف اختي بعد ماخطبة...
هو جان يموت علية..... تركة وكسر كلبة

... هنا اني وكفت.... مكدرت احجي لان ممصدكة
_اني مااعرف بهذا الشي... ولو ادري مااترك اهلي علمودة
_لا بس سويتيهة واخذتي

... اتقدمت جوان الهة
_والله مااعرف..... ومالي ذنب... ليش اتخاسبيني على شي اني ممسويتة
والي عرفتة سراب متزوجة ومرتاحة
_اي بعد مادخلت المستشفى من وراهه
... اتقدمت مني بكل قوة ودفعتني وكالت
._مراح اتركج تتهنين بحياتج

... متحملت حجايتة... وشمرت الوصلة وكتلة
_لهنا وكافي... بعد مااتحملج..

.... ومنا وجاي متكدرين اتهينيني اكثر
واخذي الوصلة وانتي بعد كملي

_شنووووو ولج... اشو صاير حسج يطلع... مو احجي لاصيل على بلاويج

بهاي اللحظة.... شافت سميرة خيال اصيل واكف يم الباب وهو يسمع....
كالت هاي فرصتي

_اي بلاوي الي تحجين عنه
_على سالفه السطح
_انتي شتخربطيتن... ياسطح...

.... دخل اصيل.... وهو واكف ورة جوان
_لا ماكو شي....
رادت اتطب سميرة لغرفتة
كمشة اصيل.. وهو اعيونه تجدح.....
_احجي... شنو سالفه السطح
_اسئل مرتك..... كلما اصعد الكاهه اتسولف ومن ادخل مااشوف احد....
ماادري ويامن... استغفر الله..
اني مااعرف... طلعوني من قصتكم
يتبع