رواية قلوب يتيمه الفصل التاسع عشر 19 - بقلم لينه سعد

قصة #قلوب_يتيمه...... الجزء التاسع عشر
للكاتبة لينه سعد
............................. اتمنى من كل المتابعين يعذروني لان مااكدر انزل اكثر من جزء باليوم...... 💋🌹بس اليوم استثنائي

ركبت السيارة واني ناوي احضر كلشي لجية جوان
نزلت من السيارة كبال بيت اختي وفاء
... اتقربت من البيت ودكيت الباب
وتتفاجىء وفاء بجيتي

_هلا خوية اشلونك
_الله يسلمج... اكول اريدج بشغلة
_خير... ادخل ليش واكف
_لا مااكدر مستعجل.....
اكولج ركزي وياي وبدون حجي زايد.... اني اتزوجت وجبت زوجتي وهسة هي بالفندق
اريدج اتروحين لغرفتي اتعدليهة...
وراح اروح اشتري مندر وشكو شغلات ناقصة..

..... جنت احجي وي وفاء الي جانت صافنة وفاتحة حلكة وكل اشوية تحجي وتكول
لا تشاقة... صدك والله تحجي
وكل اشوية اسكتة واكول كافي تحجين

.... اخذت وفاء بعد ماشلعت كلبي وهي ممصدكة الي يصير... نزلتة باب بيتنه اما اني رحت اشتري مندر جبير  لان جربايتي تعبانة واصلا كلةغرفتي قديمة وماكو بهذاك الوكت غرف للبيع الا نشتري مستعملة ولازم افتر وادور زين  ...

وهواي شغلات نقص وكلشي ممحضر...
حبيت اكمل الغرفة قبل لاتدخل مجنت متصور راح يصير هيج وياي ...

.... صارت مغربية واني بعدني مراجع لجوان...
تعبت.... كلش تعبت بهذا اليوم
بس ممصدك راح ارجع والاكيهة كبالي... جانت فرحتي الي بكلبي بعدت كل التعب الجسماني
وصلت البيتي بعد ماجبت الشغلات من السوك للغرفة

.... دكيت الباب وطلعت امي باوعت علية
_الله يساعدج حجية
... ضلت صافنة ومحجت شي.....
شلت العلاكة وكتلهة
_انطي هاي لوفاء... وخليهة اترتب الغرفه بعد يومين اجي......
ضلت امي اتباوع علية... مكدرت احجي اكثر
عفت العلاكة بالباب ورحت
مااريد اسمع كلام يقهرني.... كلت اروح احسن
.......................................................

جنت كاعدة وانتظر اصيل واندك الباب.....
كلبي كام يدك خفت... اتقدمت
_منو
_اني اصيل..
ابتسمت..... فتحتة
شفتة كبالي ومبتسم والتعب على وجة
اختفت ابتسامتي...
_وين جنت خفت من بقيت بوحدي.....
.... دخل وسد الباب والتفت الية وهو مبتسم
_اووووو صار عندي مرة وراح اتحاسب. هههههه

_ههههه لا مو احاسبك.... بس ضل بالي واني ممتعودة
_اعذريني جوان.... جان اكو شغلة مهمة لازم اسويهة  بعدين اتعرفية
_ان شاء الله خير...
_يلة راح اسبح علمود نطلع نتعشة... واذا شفت بية حيل اونسج ببغداد
_لا حبيبي.... اهم شي انت مرتاح

.... ابتسم بقوة... واقترب مني وهو يكول
_شنو.... بلة عيدي الي كلتي
... صفنت.....
_شنو الي اعيدة
_الكلمة....... كلمة ... حبيبي

... مااعرف اشصار بية من حجاهه... ماادري اشلون طلعت من حلكي... يجوز لان صدك هو حبيبي
لو لان بعد مالي غيرة
_هههههه وليش هيج صرتي حمرة....
اكولج ترة اني زوجج مو مال حجاب.... مو لو مو
غمزت اله
يلة اروح اسبح لان تعبان حيل
واطلع انروح نتعشى
_ماشي
.... جنت كاعدة واني متحظرة.... جنت لابسة حجابي ولبسي الي اشتريتة من السوك....
وكعدت انتظرة..... صفنت...... على الغراض الي جانت كدام الميز... جان مكياج الي اختاريتة والي جانت فىحتي بي متنوصف من اشتريته

_ليش مااخلي مكياج اصير احلى
واخلي ينعجب بية اكثر
جان شعوري اتجاهه بالفرح واريد يشوفني احلى شي بحياتة... واني جانت امنيتي اخلي من هذا المكياج الي ممجربتة بحياتي ولا اعرف اخلي
... اتقربت من الحمرة واني اتلمسهة ... خليت منهة
ضليت اباوع على معالم وجي بدت تتغير واصير احلى...
رحت خليت من الكحلة الي جنت دووم اشوف مرت خالي اتخلي منهة
بديت اخط جوة العين....
بدت اعيوني تبرز اكثر واكثر..... وبدة لون اعيوني يبرز لونه...
..... ابتسمت لان شفت شكلي بدة يحلى اكثر

.... كعدت واني منظرة اصيل يطلع..... حسيت باب الحمام ينفتح...
كلبي كام يدك وي كل خطوة يخطيهة.... جنت مستحية يشوفني هيج مخلية...
... رفعت راسي...
جان جسمة الفوك عاري وجان لابس بجامة .... والخاولي على راسة... وهو يفرك براسة
... بديت اشوف جسمة وتقاسيمة.... وكثرة الشعر الي على صدرة الي اتبين رجولتة
اول مرة اباوع لجسم رجال بحيااي
استخيت حييل واني اباوع... وبلحظة

... اجت عيني بعينة من بعد مارفع الخاولي عن راسة...
  نزلت راسي.... واني دكات كلبي ادك بكل قوة... واحس بالحرارة تمشي بكل اطراف جسمي

..... حسيت اتقرب مني....
وكعد بصفي على الجرباية...... بدت ايدة تصعد لوجي..
بدة يحرك راسي باتجاهه
بديت استسلم لحركة ايدة
حركتة... وبدت اعيوني تصعد... وهي اتباوع على هاي الذراع والجسم  العريان واخيرا....... وصلت لعيونة الحادة والي جانت بيهة لمعه غريبة وهو يباوع
على كل تفاصيل وجي
كانما اول مرة يشوفهة......

.... بدت ابتسامة خفيفة ترسم على وجة..
بدت اصابيع ايدية تصعد على عيوني.... وهي تمسحك  الكحلة الي رسمتة... وتطبع اثرة على الجفن من اثر حركة ايدة

.... وبدة ابهامة يتحرك وهو ينزل على شفايفي ويبدي يمحي اللون الي جان محدد حدود الشفايف

... وحجة بكل عذوبة
_انتي احلى بدون مكياج..... ميحتاج اتكونين اجمل
جان الابهام موجود على شفايفي.... وهو يتحرك بكل بطىء
على كل زاوية منه 
ردت احجي... وابرر ليش سويت هيج...
مااعرف ليش استحيت....
جانت حرارتي ترتفع بحيث حسيت خدودي عبارة عن جمرة... بدت شفايفي تتحرك وهي اتريد تنطق

_اششش.... لتحجين اعرف الي اتكولينه...
..... جانت كلمتة الي ميريد بهاي اللحظة اي كلام
بدة يتقرب.... اكثر واكثر
وعيونة الي احس بية ذايبة ومذوبتني بي...
جان قربة بكد شعراية... جانت انفاسة القوية قريبة بحيث احس بحرارتهه

...... بديت احس بحرارة شفايفة...... بسخونة انفاسة..
بخشونه شاربة

.... جانت عبارة عن اعصار من المشاعر مختلطة.... ماخذتني لابعد مكان... مرة توكعني بجليد بارد...... ومرة بنار مشتعلة...
جانت عبارة عن صاعقة كهربائة..... بدت تتوهج بكل انحاء جسمي
اول مرة احس بهذا الاحساس الحلو... جان نفسي مكطوع لمدة طويلة...
وعيوني مغمضتهة... واني كانما اطير......... لابعد مكان يكون
بدت ايدة تلمس ربطتي..... وهو ينزعهة بقوة.....
فتحت عيني بقوة
واني اشوف خصلات من شعري بدت اطير وتتبعثر من كثرة الشحنة الكهربائة
بدة كلبي يدك وييحسسني بالخطر....
جانت هاي اللحظة اتذكرني...  بالي جان يصير بالغابة
بديت ابتعد وكطع كل هاي الاحاسيس الي جانت تربطني بي

... حسيت بي كانما بدة ياخذ نفس بقوة...
كانما جان جوة قاع البحر يغوص....بدون اوكسجين
... بدة لونة ووجة يرجع لطبيعتة
بس اعيونة بدت ذابلة....... واني احس بانفاسة المتسارعه... الي يقذفة باتجاهي....

..... كام بسرعه وكال
_يلة جوان اتحظري.... راح نطلع....

..........................................................

جان الجو بهذا الوكت حار.... يعني ممتعودة على هيج شي...
اتذكر من كمشت ايدة
مثل كل اثنين متزوجين جديد... او مثل اي حبيبين جانت مشاعرنة اتفيض بالحب
شي كولش حلو واني كامشة ايدة بخجل وامشي فوك جسر واباوع على نهر دجلة وجمالة
اول مرة اشوف بغداد... جانت مليانه بالناس
هواي ناس تمشي وحركة قوية...
اول مرةاشوف .. هيج كمية من الناس...
من بعد ماتعشينة بدينة نتمشة... وهو يحجيلي عن اهله وعن حياتة
جنت مااعرف عنة اي شي ..
بس اني اعرف.... مراح انخدع بي ابد.... هو اصيل وراح يبقة اصيل

..........................
وصلنة للفندق.... جنة تعبانين من المشي
بس جان شي حلو اول مرة اشوفه
مماشية ومطالعه ابد بحياتي
صعدنة للغرفة..... وكال

_جوان دخلي... هسة اجي اريد اخابر وارجع
_ماشي بس.... لا تتاخر
_لا... بس قفلي باب الغرفه
_ان شاء الله

..... صعدت جوان اما اني رحت اخابر بيت اهلي اسئل اذا كملت الغرفه
واذا اكو نقص.. اتحاول اتكملة
لان مااكدر ابقة بالفندق ازيد
وفعلا خابرت وكالت وفاء كملت كلشي.... وماعندك بعد اي نقص واني هسة رايحة لبيتي
اتشكرت منه...
وجان الفضول كالتة اتريد اتشوفهة
ضحكت لان متكدر تصبر لباجر

..... من بعد ماخابرت واطمأنتيت
رجعت للغرفة.... فتحت الباب...
شفت ماكو جوان...
بلعت ريكي بصعوبة واني ايدي ترجف لان باب الغرفة ممقفول
رحت للحمام... لكيتة مقفول...
_جوان
_اي اصيل...
_والله خفت عبالي رحتي لمكان لان الباب مفتوح

...... انفتح الباب.... وبديت مذهول....
سبحانك ربي ماابدعت وصورت

بدت اعيوني متجمدة بمكانة وهي اتباوع على الملاك الي نزل بالغرفة
... بديت اتنفس بصعوبة وصدري متوجع من كثرة التنفس

اتقدمت وهي جانت لابسة... سيت النوم الي اشتريتة الهة

..اتذكر من وصلنة للسوك... اشترت كلشي
واني جان بالي كلة يم هذا الشي
لاتكولون تفكير وسخ..... لا..
لان جنت اتمنى اشوفه لابستة.... واتلمس قماشتة وهي بي...

... بس مااعرف اشلون لكتة... متصورت راح اتلبسة
رجعت ليورة واني مركز على كل تفاصيلة..
على شعرهة مثل اشعه الشمس.... وطولة الي واصل لخصرهة....
لو وجهة الي كلة انوثة وجمال

... ابتسمت وكلت
_جوان... اني امي داعيتلي
.... ابتسمت بخجل وهي منزلة راسة

... اتقدمت منة... ولزمتة من جتفهة وحركت راسة ورفعتة.....
جانت شي حلو..... لا احلى بهواي من الحلو
بلعت ريكي.... وبديت التهم هاي الشفايف
حسيت بان اني راح افقد توازني للمرة الثانية

ابتعدت عنة وكلت
_مستعدة اتصيرين مرتي
بدت اعيونهه ترتفع مثل الؤلؤ.. ونزلت راسة
بديت اتقرب منه واني اشمه مثل وردة برية.....
وردة مزروعه يم جبل
مالهة بالمدينة ودوختة
جانت هادئة ومنسجمة وياي لابعد الحدود
بدت ايدي تمشي على خصرة وبدت تصعد على اجتافهة واتلمس ركبتة الي مثل زجاج
حسيت برعشتة.....
اتذكرت من جانت جوة ايدي بالغابة وهي ترعش
قربتة من الجرباية وكعدتة
وكلت
_جوان..... يااحلى شي صار بحياتي...
يكفيني هسة انتي يمي... مااريد ازيد من هذا
مااريدج اتخافين مني او تستحين...
هذا الشي حق مشروع النه
... بدت اعيونة تلمع...... واني ذبت بهاي نظرتة
مديت ايدي للضوة القريب.... وطفيتة
مثل ماطفيت رغبتي الي جانت مشاعلة مثل نار
يتبع