رواية قلوب يتيمه الفصل الحادي عشر 11 - بقلم لينه سعد

قصة #قلوب_يتيمه الجزء الحادي عشر
للكاتبة لينه سعد.......
...................
اتقدمت من المراية وبديت امشط شعري الاسود
والي جان طبعه مجعد...
جانت صفنتي مو على نفسي... ولا على سيت النوم الاحمر الي لابستة
جنت افكر.... وافكر..... وافكر
اشلون اخلي اصيل يتزوج سراب....
جانت الافكار هواية...... بس مالكيت غير هاية الطريقة
ابتسمت....
واللمعه بينت بعيني...
اخذت العطر... وبديت ارشة على جسمي

_اي...... ماكو غيرهة يااصيل.... ماكو غيرهه

_ماكو غير شنو!!!!!!
فزت سميرة..... وطلعت من خيالهة الي جان ماخذة لاحقر مكان... ولاتعس شي علمود اتسيطر على اصيل
فزت على كلمات سعيد وهو
عيونة الي تاكلهة.... اكل...
وهو يتفحصهة من فوك ليجوة

التفتت الة وكالت
_شكم مرة كتلك... لا تفززني.... من تدخل الغرفه
حجتة بعصبية

بدة بتقرب الهة وكمشهة من ذراعهة وهو عينة تصعد وتنزل من عليهة....
_هههههههه ولج مو جنت يمج ياعيني .. وسلمت وانتي بالج ماادري وين
بس حقج اذا لابسة هذا اللبس...
غمز الهة وعض شفايفة

... جانت اتباوع علية بخبث والابتسامة مرسومه على شفايفة
_ماطول هيج لعد..... اليوم ماكو طرشانه
_ههههههههه معقولة اتخليني جوعان.....
مو حبيبج.اني...
رفعت كف ايدهة وحضنت وجه بايدهة وابتسمت وكالت
_علمود ماتعيدهة.......
وغمزت بعينهة الي توكع اكبر واحد

.... جانت سميرة حلوة.... هي سمرة... وعيون كبار وسود وشعر مجعد..
جان الهة جاذبية بكل شي.... بمشيتهة.... وبكلامهة..
وتكدر تقنع المقابل بسهولة
.... الا..... اصيل
الي جان ابد ميطيقهة.... لان يعرفهة انانية وتنتهز الفرص علمود تصعد فوك الكل
لذلك جان يوكف بوجههة دائما...
اما هي فجانت اتحاول ترضي.... لان تعرف كلمتة مسموعه من الكل....
بس مكدرت ابد.....
..................................

جانت نوبات الاحلام اتراودني بصورة متكررة
جنت دائما ادخل لغرفة ضلمة.....
ادخل وامشي... وامشي..... بس وين ماادري
والمن هم مااعرف...
جان احساسي يكلي اطلع.... متفيدك هاي الغرفة
بس شي قوي يشدني الهة....
شي اقوة مني يسحبني
وجان هناك صووت خفيف دووم اسمعه باذني يهمس...
بس مااعرف شنو هو.... ومنو هذا الصوت  وحتى كلامه ممفهوم
بس كانما اعرفة.... سامعه من قبل جان حنين كولش
بديت ادخل للغرفة..
وامشي.....  بديت احس واني امشي تقريبا مسافة بعيدة بالخنكة كانما الاوكسجين قل... كانما انتهى
وكفت واني كامش ركبتي احس راح اموت...

شفت من الصعوبة اكمل يجوز اموت ومااحصل الي اريدة
حاولت ارجع التفتت ولكيت حايط مبني وراية....
بديت ادك على الحايط....
بديت اصرخ...واصرخ بعلو صوتي  واني احس بعد مااكدر راح اوكع... بديت اختنك
بديت احفر باضافيري على الحايط...
بديت اوكع اشوية اشوية واصابيعي منبتة اضافيرة بالحايط...
وهناك اوكع واني مختنك ودكات كلبي تضعف بس عيني مرفوعه ليفوك واكو ضوة خفيف
وينتهي لهنا الحلم

.... جان هذا الحلم يراودني تقريبا بالاسبوع مرة او مرتين....
مر شهر على هذا الشي...
واني نفسيتي يوم عن يوم تتعب
مااعرف شنو تفسيرة... ولا حجيتة لاحد
بس احس اني متغير... مو مثل قبل
بدت الايم تمشي وكلت اغير باب رزقي

فتحت محل البان... وتركت التريلة...
وبديت اشتغل...
بس كل هذا ومااكدر انسى هذاك الموقف...
مااكدر انسى اعيونة الذبلانه
وضعفي....  وهزيمتي.... كدام اهلة...
جنت متجتف مااكدر اتصرف
واني اشوف ملامح وجهة الي لحد هذا اليوم ماناسيهة
اول مرة اعرف بان هذا الحب يدمر... اول مرة احس كلبي يتيم
يتيم الهة يتيم لتواجدة... يتيم بان يلكه حب جديد .....................................

_الووووو.
_هلا ام رائد اشلونج
_لا هلا بيج.... انتي وحدة نصابة ودجالة ... وكل شغلج غلط ولج انتي اتقشمرين علية
انطيتج محبس ذهب.... وكتيلي راح اسوي مثل المحبس باديكم..
وهذاك هو... كاعد وكلشي مابي
يشتغل... ويروح ويجي ولا فكر يتزوج....

_على كيفج ام رائد عيني اشو كبيتي بوجي... انتي من اشوكت اجيتي
_تقريبا راح يصير شهر
_رحم الله والديج... واني اشكتلج
_كتيلي راح اسوي محبس
_اي... بعد اشكد...
_ماادري
_هااااا اشو منو الي غلطان هسة
كتلج بعد ٤٠يوم....
بعدههه تجيني واني ارجعلج المحبس وشتريدين حاضرة

... صفنت سميرة... مجان عدهة غير الانتظار
_ماشي ام صكبان....
راح انتضر... بس وربج... اخليج علج بحلوك العالم.. وانتي اتعرفين شكدر اسوي
_بدون متهددين.... كتلج... الي اتريدينه راح يصير

......
سدت التلفون
_مضل شي... اتاني عشر ايام....
وتاليتهة اشوف نتيجتك اصيل
.....................

فزيت من النوم.... واني كلبي مقبوض...
مااتذكر شنو الي شفتة... بس الي صار جان اسم اصيل على شفايفي

.... كامت ام اصيل من جربايتهة وهي تستغفر الله وتكول
_يارب استر علينة وجفينه شر بني ادم
لبست فوطتة.... وكامت
فتحت الباب بهدوء وراحت لغرفة اصيل
فتحتة على كيف
جانت غرفتة عتمة.....
فتحت الباب كله... علمود اتشوفة.. اتقربت...
شافتة يهذي بمنامه

ركزت علية.. قربت ايدهة وبدت تتلمس جبينه..
لكتة عركان... وانفاستة مامنتضمة
.. انخضت حييل.... اتربعت يمة واتلمست جبينه وبدت تقرة علية ايات...
ضلت على هاي حالتة لحد مااذن الفجر...
كامت وراحت تتوضة.... من بعد ماخلصت دخلت الغرفه
واتقربت منة شافتة احسن... ونفسة بدة يستعدل
بدت اتصلي يمة

... بدت اتسلم وتستغفر وتدعي لاصيل بان يرزقه ببنت الحلال الي اتسر كلبة وتبعد الهم عنة
وبدت دعائهة يتسلسل لسعيد ولسميرة بان يكومة بالسلامه ويرزقه بطفلةيسر قلبة وقلب سعيد ..... لحد ماكملت

كامت اتقدمت من اصيل شافتة كاعد
فاتح عيونة ومبتسم الهة
وعلامات التعب ظاهرة على عيونه
_ها يمة كعدت...
_اي يمة كعدت على احلى شي...... صوتج.... ودعائج
يمة تدرين هاي اول مرة انام مرتاح بي من تقريبا شهر
_ليش يمة اشبيك
_يمة حلم... يخنكني حييل كل يوم

... عدل كعدتة وهو صافن و يباوع على شباك القريب من جربايتة... على الضوة النهار الي بدة يهل ليعلن بداية يوم جديد
_يوووم اني مامرتاح
لا مرتاح بنومتي ولا بكعدتي.... تعبت والله
اول مرة احس ماعندي طاقه
اول مرة..........

.... جانت كلماتة تعبانه وتعبر على صدق حالتة وتعبة النفسي والجسماني
... التفتت لامه وكال

_يوووم اريد انام بحضنج
........ صفنت علية وعلى عيونه التعبانة وعلى شفايفه الجافة بدت الدمعات تنزل من عيون ام اصيل...

... جرتة وشبكتة لصدرهة وبدت اتبوس براسة
_اشبيك يمه...... ولك حاسة بيك مامرتاح...
ليش هيج اصيل.... ليش هيج اتسوي بنفسك...
... ليش ماتسمع حجايتي..
انت عبالك بس انت التعبان.... حتى اني والله
من اشوفك انت وسعيد مامرتاح اني هم اتعب وياكم

ليش ماتتزوج.. يجوز كل هذا الي بيك من ورة الكردية
اكسر الي بكلبك
وابدي من جديد اتزوج.... وشوف والله يااصيل راح ترتاح وراح تنسى كل شي
... جانت تحجي وتمسد براس اصيل
وهو غافي على حركة ايدهة
كانما طفل صغير.....
_مااعرف يوم يجوز صح حجايتج.....
بس اني مااحب. ... اهاف اخذ وحدة واضلمة وياي

_معليك انت... ماتضلم.. صدكني اني ابوك جنت اموت منه... ومن اتزوحنة
كمت مايحلى بعيني بس هو
فالحب يااصيل... يجي ورة الزواج... صدكني

... سكت اصيل وهو بين مؤيد لحجيهة ورافض
بس هو يريد يرجع مثل قبل
اصيل الي يضحك
اصيل الي يعرف شيسوي باجر
اصيل الي مايهمة  احد وكلبة ملكة اله

................................................

يوم الاربعاء...... بدة الجو يتحسن.... بدت اشعه الشمس تدخل للشباك
وتنطي الحرارة والدفو... وتعلن بداية الربيع

اتقربت من الشباك الي قريب للشارع...
وهو كلبة يدك بكل قوة..... جانت الابتسامه مرسومه على شفايفة...
جانت فرحانة... والفرحة امبينه عليهة
جان كلبة ينبض بحبة...... اصيل وبس
جانت منتضرة هاي الفرحة من زمان.... جانت تحلم بيهة
وجانت تتوقع هذا الحلم  سراب..... سراب على اسمهة
مجانت اتضن يجي هذا اليوم.... اكتفت بالحلم.... لان هو الوحيد الي يسمحلهة تتتصرف اي شي بدون ما احد يمنعهة او تتحاسب من نظراتهم

_هاااا سراب يمعودة اتحضري بدلي....
... جانت كلمات سميرة..... وهي تدخل لغرفه سراب
والي شافتة واكفه يم شباك الغرفه و صافنة
... التفتت سراب والفرحة بعيونهة....
_ماشي....
... اتقدمت من سميرة وكفت كبالهة..... وكالت
_سميرة..... كوليلي هذا مو حلم
اشو لحد هسة ممصدكة

... ابتسمت سميرة... وكالت بكل ثقة
_لا موحلم...... لان مراح يلكة احسن منج
_ممصدكة والله...... ادعيلي سميرة.. الله يتممهة على خير
_ولج كافي.....
اشبيج هسة الي يسمعج يكول راح اتموت علية
_هو صدك اموت علية.....
... اتقدمت من كنتورهة وهي اتباوع على فستانهه الي محضرتة قبل اسبوع لهاي الخطبة.

بدت تنزع ملابسة وتلبس الفستان الي بدون اردان
وكفت كدام المراية
وهي اتباوع على كمية المكياج الي حطتهة ام الصالون
والتسريحة المميزة الي لاول مرة
اتسوي هيج تسريحة
جان ههذا الحلم منتظرتة من زمان.. تسريحة ومكياج والاهم
هو كاعد يمهة

... جانت مواصفات سراب ضعيفة.... سمرة وشعر قليل النعومة
جانت اقل جمال من سميرة... واقل جاذبية
بس الفرق الوحيد...... هو القلب.... جانت تمتاز بطيبة كلبة وحنيتة الزايدة

بدت تلبس فستانه السمائي الي مزخرف بالكرستال
جان احلى شي بيهة جسمهة...
والي دائما تسمع بنات عمامهة يمدحون ويتمنون مثل جسمهة كانما جسم عارضة ازياء

طلعت من غرفتة وبدو كرايبهم يهلهلون ويسلمون عليهة اتقدمت من الكرسي الي المخصص الهة
كعدت وهي تسمع دكات كلبة... وتورترة وهي اتشوف كل العيون علية
مجانت اتضن هي حلوة لهل درجة...
جان الشعور الي اتحس بي... شعور حلو والاول مرة اتحس بي اول مرة اتحس هي مهمة
والكل ينتظرون منهة نظرة
بدت الاصوات تتعالى ابيت ابو  سراب يعلنون جية اصيل وعمامة علمود يخطبوهة
دخلو النسوان العريس وهمة يصلون على النبي.. بشوفه سراب...
اما الرياجيل
فدخلو للاستقبال ينتظرون موافقة ابو العروسه
يتبع