رواية قلوب يتيمه الفصل الثاني عشر 12 - بقلم لينه سعد

#قصة #قلوب_يتيمه الجزء الثاني عشر
للكاتبة لينه سعد
...............

بعد مارفض رائد يوصلني.....
باعتبار تعبان والبارحة نازل من الواجب ومايكدر..... اتضايقت!!!
يجوز مو حقي اضوج هو الولد خطية جان بالجيش بس
جان اكو شي بداخلي.... حتى مااكدر احجي.. او مااريد اتخيلة بيني وبين نفسي
مااعرف يجوز مااحب اصدقة... او مااريد احس بصدقة يجوز بس ضنون..

دخلت الجامعه... واني بس افكر وين راح يروح بعد الريوك....معقولة يروح الهة ؟؟

شفت صديقاتي واكفات بمكانهم المفضل 
رحت يمهم
_صباح الخير بنات...
_صباحوووو ياوردة...
... ضلو يركزون بوجي...
_هااا اشبيج نيروز... اشو مو على بعضج....
_ماكو شي.. عادي
_عادي شنو..... دشوفي شكلج باهت شنو مرت عمج.... لووو..... ههههههه

.... فتحت اعيونة نيروز.... كانما اتضايقت من حجيهة
_لوووو شنو شهلاء....

.... جاوبتة رفل... وهي تخزر لشهلاء بان كافي لاتفتحين الموضوع
_لا نيروز قابل اشتقصد.... يلة ترة بدت المحاضرة
وانوبة اول محاضرة دكتور رشاد....
يعني لا بداية يومنه يصير زفت اذا اتاخرنه
جاوبتة شهلاء...

_اووووف لاتذكريني رفل...... اشكد غليض... اشكد مكروة
بالرغم هو حلو.... وجانتل مان... بس غلاضتة مخربة الشغل. هههههه

.... بدت ضحكات رفل وشهلاء.... وهنة يصنفون على دكتور رشاد... بس رغم هذا نيروز جانت فاصلة عنهم...
مبتعدة عن نقاشهم وضحكاتهم...

... بدو يجرونهة ويمشون وهمة يدخلون المحاضره..
جانت قاعة المحاضرة مخبوصة الكل تحجي وتسولف
وفجئة

..... بدت خطوات تدخل قاعة المحاضرة
وبدة السكوت يعم المكان
جان انيق.... شاب وسيم يمتاز وجهة بالجمود
رغم وسامته..... جانت بشرتة حنطاويه وشاربة الخفيف الي ينطي لون الذهبي وتسريحة شعرة المميزة الي تجذب بنات الجامعه الهة ..... وطوله المميز الي يمتاز بي
كل هاي الصفات..... بس محد تكدر تتقرب الة او تحجي وياه... لان الة طريقة يبعد اي بنية اتحاول تتقربلة بسخريتة من اي بنت

من غير وجهة العبوس الي  نادرا ما يلاحظون ابتسامه على وجة

_صباح الخير
.... جانت كلماتة الي ينطقهة باردة وبيهة قوة الي يجبر طلابة على الرد رغم هذا

بدء الدكتور رشاد يبدي يشرح الهم المادة
جانو الكل الطلاب يستمعون الة.....
لان يعرفون اي حركة او تصرف راح يضيع مستقبلهم فجانو منسجنين وياهه

.... جانت نضرات نيروز العسلية.... المركزة على قلم الحبر الي كامشتة....
وبدون ماتدري... كتبت على دفتر الملاحظات اسمة
""رائد"""""
ضلت صافنة على الاسم..... وشكد هو مستحوذ على تفكيرهة...
غمضت عينهة وبدت تحبس الهوة بنفسهة

وبدون ماتدري شافت شهلاء اخذت القلم من ايدهة وهي تبتسم وكتبت
"""رائد&نيروز"""""

هالحركة اربكت نيروز معرفت اشلون تتصرف

بس باوعت الهة بحدية.... وعاقدة حاجبهة
اما شهلاء غمزت الهة..... وارسلت الهة بوسهة هوائية
هذا الشي..... خله نيروز تبتسم...لان تعرف شهلاء هي الوحيدة الي تكدر اطلعه من اي شعور مزعج
وتكدر اتنسيهة حزنة بافعالهة الطفولية

بدت كلماتة تطلع وهي اتكول وبحزن

_اليوم شفتهة..... وبيبي طلبت منة يوصلني.....
سكتت واشوية....
وكالت
_بس كال  تعبان

... جانت شهلاء تستمع الهة.... وهي تعرف شكد اتحبه

..... بهاي اللحظة
_انتي الي اتسولفين..... كومي شرحيلي الي عدتة

فزت كل من شهلاء ورفل ونيروز... على صوت دكتور رشاد.....
.... اي انتي ام الشال السمائي.....
.... التفتت كل من رفل وشهلاء على نيروز...
كامت نيروز...
وهي متفاجئة.... ومرتبكة جانت منحرجة ومتعرف شتجاوبة...
_يلة عيدي الي حجيتة هسة
.... جانت عيونهة تلمع..... وهي متعرف اتجاوبة
اول مرة تتواجة وياه....
اول مرة اتصير بهيج موقف

باوعت على رفل وشهلاء الي جانو مصدومات من الموقف

جاوبتة بصوت متققطع.... وباهت ومهزوز
_اسفة... دكتور...

... بدة يتقرب منه ... وكف اكبالهة وهو يحجي كلماتة بكل قسوة
_مااريد اسف.... اريد اتعيدين الي حجيتة.... والا اطلعين من المحاضرة وماتحضرين بعد

رفعت عيونهة وباوعت علية.... لاول مرة اتشوفه بهذا القرب... جانت منحرجة ومتعرف شتكول او تتصرف
بدت اعيونة تتجمع بيهة الدموع...
مكدرت تتحمل الموقف
_اسفة دكتور...... اخذت كتبهة وطلعت من القاعه وهي تمشي بسرعه...
وطلعت والي خلت كل القاعه متفاجئين من تصرفهة...

... اما دكتور رشاد... جان متفاجئء من ردت فعلهة... ومن دموعهة... وحتى مدافعت عن نفسهة 
ضل صافن ميعرف شيكول....
بس كدر يعالج الموقف... وهو يكمل المحاضرة...
.............................................

بعد مااجاني رائد للمشفى وركبت وياه بالسيارة طلب مني اروح وياه نتغدة برة
بس اني رفضت وتحججت بالتعب...
فرحنه للبيت

دخلت للبيت وتوجهت للهول ...
وشفت بيبي... وسميرة
ورسل كاعدة
_السلام عليكم.....
ردو السلام.....
وشفت نظراتهم النه......... قريت كلشي بوجوهم
جانت نظراتهم
الي بيهة فرح وهمة يشوفون الثنائي الي دووم سوة
ونضرات الحب بعيونهم.... فرحانين
..... ونضرات الكرهه ببعض عيون

ركزت على عيونه
شفته نظراتهة الي كلهة نار وحقد 

من اشوفهة اتذكر كل شي....
كل دقيقة مرت بحياتي.....
كل هذيج الساعات الي جنت اعيشة...
اتذكر اذلالهة الية..
اتذكر.. من انام بليل بدون لا غدة ولاعشة
اتذكر من اتعاقبني وطلعني للسطح واني بدون نعال وتحترك رجلية من حرارة الشتايكر

رغم بيبيتي الي اتكفلت بحمايتي اني ونيروز بس مجانت تكدر الهة....
متكدر لجبروتة ولضلمهة

ماكرهت بحياتي بكدهة
اكره هاي العيون السود.... الي مثل لون كلبة
لحد هسة احس بالحقد والكره الي بكلبهة الية ولنيروز
لو بايدهة تشمرنة برة....

بس الشخص الي يوكف بوجهة.... هو نفسة الشخص الي اتخاف علية مني

... اني منتظرة الوكت الي اخذ كلشي منهة...
اخذ كلشي اتحبة
ماانتظر انتقام الله منه..... اريد بس الوكت المناسب الي اامن على نيروز بي واكدر انتقم من كل شي سوتة

.... جانت هاي الدقايق الي اتباوع بعين سميرة...
كفيلة بان اترجع كل ذكرياتة الي متنساهة ولا راح تكدر تنساهة....
اتقدمت من بيبيتهة وباست راسهة وعيونة الي مركزة على سميرة
لان تعرف هي اتموت ولا اتشوفة وي رائد
الشي الوحيد الي تستمتع بي فيروز.... وهي اتشوفهة تحترك بالرغم هي تتمنى متاذي رائد
لان تعرف كلبة وحنيتة
هو الوحيد الي جان يدافع عنة ويحميهة من امه

.................................................

جنت كاعدة بالهول واني اوكل رسل.... سمعت صوت السيارة اجتي عرفت رائد
وفجئة دخلت فيروز من باب الهول

نفس متوقعت..... راح لفيروز للمشفى
شفتهة من دخلت وبشفايفة ابتسامه السخرية كانما اتكول الي....
لتحاولين... ابنج الي...  رغم الي اتسوينة....
شفتهة من دخلت وهو وراهة.... والابتسامة الحب على وجهة فرحان بوجودة بالقرب منة
مستمتع لدرجة مكدر يضم هذا الشي

جان منظرالباب
الي يشوفهم كانما واحد يحب الثاني حب جنوني...
بس محد يعرف فيروز بكدي
هي متحبة...... ولا راح اتحبة.... هي اتريد تاذيني الية وبس وعرفت نقطة ضعفي.

..... جنت اقرة افكارهة بدون ماتحجي... جانت تشبهني هواي بالتفكير وبطموحة الي اتريدة
عكس نيروز... الي جانت هادئة وضعيفة ومهزوزة

..........................................

دخلت غرفتي اتقدمت من جربايتي... وكعدت..
والا هي لحظات واشوف الباب انفتح بطريقة قوية اتقربت مني وجرتني من قميصي
_كلشي ولا رائد........ اتشوفين شي مشايفتة..
مااخلي ياخذج لو تموتين

... كمت بكل هدووء واني مخايفة منه وعيوني الي كله تحدي الهة... ابتسمت ابتسامه خفيفة.... ورفعت حاجبي

_صدكيني...... يوم الي اشاور اله باصبعي الصغير
راح اتشوفينة زوجي
.... بس حظج خدمج هاي المرة..... لان اني مااعتبرة بس اخ الي
ولو جنت اتمنى يكون هو الضربة القاضية الج

دفعتة....... وابتعدت منه وطلعت برة غرفتي رايحة للحمام
وقبل لا اطلع كمشتني من جتفي وهمست بهدوء

_يوم الي اتفكرين تنتقمين مني راح اتكون نهايتج فيروز.... واتذكري زين
نهاية اختج قبل نهايتج.....
جانت كلماتة مثل رشاش حربي وهو ينطلق بكلب فيروز
الي متخاف بحياتة بكد متخاف على اختة

.... بهاي اللحظة...... جان صاعد رائد الدرج.... اتقرب رائد.....
_هااا. يوم شكو......

... ابتسمت سميرة وهي تحجي وعيونه على فيروز
_لا ماكو شي...
بس ردت اكوللهة ديري بالج على اختج صايرة متاكل زين

..... هنا فيروز....... جانت تعرف سميرة تكدر اتسوي كلشي....
جانت اعيونة الي مفتخةةحييل وهي متريد تتخيل شنو الي تكدر اتسوي لنيروز....

اتحركت ابسرعه من مكانة ودخلت للحمام..
وكلبة يريد ينفجر من غضبة

.... تعرف سميرة بشنو تكسرة.....
بــ......... نيروز.......

.........................
صفن رائد على فيروز.... وشلون ددخلت بقوة للحمام
التقت لانة وهو عاقد حاجبة.

_هاااا يوم اشوكت اتعوفية.....
اشوكت اشوفهة مبتسمة يوم

_هااااا رائد.... اشو كايم ادافع علية.....
ولك شمسوية الهة... موزين انصحه
_لا يوم اني اعرف انتي اتكرهيهة...... بس اول مرة اطلب منج طلب
حبيهة يوم...... حبيهة لخاطري
يتبع