رواية قلوب يتيمه الفصل الخامس 5 - بقلم لينه سعد

قصة #قلوب_يتيمه الجزء الخامس
للكاتبة لينه سعد
...................
كعدت من النوم ....
واني اباوع على الجرباية
جنت  مخظوظ ......وجسمي كلة يرتعش
وكلبي يخفق بقوة

_جوان .....
غمضت عيني واني اتذكرهه ...اتذكر حلمي الهه
جان شي حلو
جانت نايمة يمي .....جانت قريبة كولش جانت كامشة خدي وتباوع على عيوني
واطراف اصابعه تفتر على خدي
وتنتقل لشعري وتمشطه باطراف اصابعه
جانت مبتسمة الية

ابتسمت واتقربت منه ...باوعت لعيونة الي تلمع مثل لمعان السما
بلعت ريكي ...ممصدك الي اشوفة
_جوان....اشلون اجيتي لهنا ...
...ابتسمت الية ...
_مشتاقتلك اصيل .....مشتاقتلك هواي

صفنت على كلمتة .....
جانت هادئة مثل هدوء البحر ...
جميلة مثل الجبل ....
جاوبتة

_والله مو بكدي ....انتي اذيتيني جوان ...
اذيتيني من كلتي روح
اني احبج ....احبج والله بلاني بحبج
مااكدر انتزعه من كلبي

بدت ايدي تتلمس خصرة الممشوق ....
وتصعد على جتفهة
قربتة لصدري اكثر .واني اشم ريحتة ...تشبة ريحة الهوى الي شميتة هناك بالوادي
صافية .......نقية .....مريحة

متحملت قربة مني ...اتمنيت اقطف شفايفة الي مثل ورد الجوري

اقتربت منة واني اتنفس انفاسة .....
........بـــــس........

انتهى ....كلشي ......
انتهى مثل اي حلم ينتهي
انتهى وانتهيت وياه

وخرت الغطى مني بقوة ....وكمت واني مثل بركان يثور
واني اللوب بالغرفة ....
رحت فتحت الشباك ....وبديت اتنفس ....
ياربي ....لاتحيرني .....يارب
قرب البعيد ....
لا تكسر كلبي .......ياربـــي

رحت فتحت الكنتور وطلعت ملابسي وطبيت للحمام
..................

فتحت الباب ....شفتهة نايمة
اتقربت منة بخطوات هادئة وبست راسهة ......
فزت من نومه

_هاااا يمه اصيل وين
_يوم اني رايح ......
...كعدت من نومته .....يااااا
كمشت ايدي
_وين رايح ...اشبيك
_رايح اله يوم .......راح اخطبهة
ادعيلي يوم .....ادعيلي ربي يحقق امنيتي الوحيدة

....باوعت على عيوني وهي تعرف تقراهه بدون مااحجي
_يمة بوحدك واذا........
مديت ايدي لحاكة وكتلة

_لاتكوليهه يوم ......لاتكوليهة ....مااكدر بلياهه
صار شهرين ...
واني مناسيهة ....ولا اكدر انساهه
بس ادعيلي

صفنت علية وكالت
_اتوكل على الله ....روح ابني الله يسهلك امرك وماترجع خايب

....بست راسة وطلعت ....
جان الجو بارد ....
ركبت عبرية ....واني متحمس لشوفتهة

من اتشوفني شراح اتكول ...
زين اني من اشوفه شكوول ....

غمضت عيني ....اريد افتحة والكة نفسي هناك
بديت اباوع من الجامة
واني ادعي ربي مايخيب ضني
...................

كعدت كدام الصوبة ......جان الجو بارد
ثلج ....
واني صافنة على النار الي بالصوبه....
واتذكر النار الي بصدري بعدهة تشتعل
بعدهة تاكل بكل كلبي
بعدة يعذبني كلبي ....على كل كلمة حجيته اله
ندمت هواي ...
اتصورت انساه بس .......لااااا

من راح واني اتخربطت حياتي ....
كل هاي المدة واني مااكدر انساه ....
جنت اعرف مراح اشوفه بعد ...
بس مااكدر امحي من ذاكرتي ....

جنت اتمنى اعرف هسة هو وين وشيسوي
متزوج وعندة اطفال لو اعزب

جان بمجرد التفكير بهيج امور ..اتكطع من داخلي..

...بهذا اليوم الجو جان مغيم ....وباردة كولش ..
امي نزلت للسوك
اما وند فساعدني بالحضيرة ...
انامن الدفو ...للحيوانات

....جنت غافية كدام الصوبة مخلية راسي بين رجلية وكاعدة وغمضة عيني
لحد ماسمعت الباب اندك ...

...فزيت كمت من مكاني ....
فتحت الباب ....بــس

...حسيت نفسي اتوقف عن التنفس ...حسيت بان الدنيا كلهة جمدت بمكانه
جانت هاي اللحظة اتمناهه من زمان
اللحظة الي اتخيلة بمنامي ....
جنت دائما اكول لنفسي اذا اشوفه شنو راح اسوي
...شنو الي احجي

....بس كلشي مكدرت احجي او اكول
اكتفيت بس بان اباوع
لسمارة .....ولشعرة مثل لون الليل
وعيونه الي تسحر اي واحد يطالعهه

بقبت واكفة متسمرة ..جانت ايدي ترجف وعيوني الي اتوسل بيهة
بان ماتطرح انهارهه كدامه
وكفت مااكدر احجي اي شي .
وهو هم جان وكاف ونظراتة الحادة
وتقاطيع وجة الاليفه

كل هاي الدقايق مرت بسرعه  اني مااحس بالوكت يمه

_شلونج جوان

....سمعت كلمتة ......اي هو هاي نبرة صوته العربية ...
نبرة صوتة المميزة
صوتة الي كلة رجولة

..مد ايدة وهو يسلم
...جنت خايفة من تصرفي ....
مديت ايدي بقلق ....وبرعشة
حسيت بقبضة ايدهة الناعمة والقوية ....جانت تعبر الي هواي تعابير

جانت كمشة ايدة اتسولف واسمعه ..
قريت كلشي بعيونه
...اتي مامتوهمة ...لا ....هو اجة الي ...
جان هذا احساسي ...
قريت عينة
وسمعت كلبة  ...
جان يكول .....احبج ومانسيتج

...لااااا مامتوهمة اني ....

_منو هذا جوان ....
التفتت ...اباوع لوند .....وايدي بعدهة بايده ...

....................

.....ها يوم صباح الخير
....اقترب سعيد من امة وهي كاعدة تنتظرة على الريوك
_صبحك الله بالخير .يمة
...يلة يوم اكعد اتريك
_اي والله حجية ...متاخر اليوم خلي اكل بسرعه واطلع
...وينج سميرة ...اشو ماكو بيض
_اهاااااا.....هذا البيض ...يلة
ولك رائد ..تعال اتريك
جاوبهة سعيد....

._هذا الليل كلة كاعد يلعب ماعودتي على النوم من وكت
هسة اشلون من يروح للمدرسة
_اي يمعود ....هسة خلي يدخل مدرسة والله كريم
...التفت سعيد لامه .

_صدك يووم لعد اصيل وينه ...طالع للشغل

.....معرفت الام شجاوبة ...ضلت حايرة تسكت لو تحجي
_لا طالع ....
_اشلون طالع ....والتريلة برة
... مجاوبتة ...
بس ضلت اتباوع على سميرة ...ورجعت تاكل

....كامت سميرة ...عرفت امه مراح تحجي لان هي موجودة
_اني راح اروح اكعد رائد يتريك....

...ضلت اعيون الام اتابعه من طلعت
ادنت على سعيد وهي تحجي
_راح لدهوك .....
_شنوووو....شيسوي راح

_حاب ابنية هناك ....وراح يطلبه من اهلة
_صدك جذب يمة ....
رايح لدهوك ويخطب شنو طماطة هي ويجيب
ولكم شصاير ...... واحنى شنو خراعه خضرة
اشو لاحجة ولا كال ...
ومنين هاي من ياعمام

.....سكتت الام وحجت بخوفه
_كردية
_ولكم صدك جذب .....
كام سعيد من مكانة وهو شايط من القهر
اشلون ...كردية ...
يعني مالكة غيرهة ...اشوكت شافه وعرفه

......
_ادري شنو ...ماله جبير يستشيرة ...
ماكو واحد ياخذ رأيه ....حجته سميرة
ويجوز هاي مو خوش بنية اشلون اتقبلين عمة بهيج امور اتصير

....دخلت سميرة من بعد ماجانت ورة الباب تتسنط ...مكدرت تسكت وتتحمل دخلت بقوتة وطلعت شكو بكلبة

._ولج سميرة ....تتسنطين على الباب ....
شوف مرتك سعيد

_يمة هسة اني وين وانتي وين ...
شوفي هذا البلوة الي راح يسوية

_ليش بلوة .....كامت الام متحملت حجي ابنهة على اصيل
...شنو الي سواه عجبتة البنت ورادهة ...
ومابيهة شي حتى لو كردية ...تركية سوورية
المهم خوش بنت

...باوعت على سميرة وهي تخزر بية
وجاوبتة
_اصيل اعرفة زين ...مايخطو خطوة اذا مادارسهة عدل

...جاوبتة سميرة
_احنى القصد يجوز مو خوش بنت اشمدرينه ...
غير يسئل

_ولج خافي الله ياسميرة .... لج انتي حامل وراج ولادة
خلي الله يسهلج ...لاتحجين على العالم ...ولج باجر تجيج ابنية وتعرفين هتك عرض شنو

_ليش عمه ليش.......ليش تدعين علية بالبنية ..
فوك مااخاف على حماية
غير هو مثل اخوية وانتي مثل امي
وسمعتكم اتهمني

....بدت سميرة تنزل دمعاته ....وهي اتباوع على سعيد ..

_اهووووو بديتو خل تطلع احسن من اكابلكم

...طلع سعيد بعد ماسمع من امه ومرتة حجيهم ...

التفتت الام لسميرة
_هااا ارتاحيتي ....وهاي ادموعج لتصبيهة يمي لان محد حافضج غيرج

...._ماشي عمة .....باوعت لام سعيد بطرف عينة وهي تعرف شراح اتسوي ....

بس المفروض اصيل مياخذ غير سراب

........................
جنت كاعد اكبالة .....
واسولف وي وند ....بعد مااجت امهم من السوك وبعد ماحجيت الهم الي صار الية وشلون خلصت الايام بعد مارحت منهم

...جانت الام تسال ...
ووند يجاوبهة بالعربي ....

...بهاي اللحظة حسيت لازم احجي ....باوعت لجوان الي جانت هادئة ...
وماسمعت صوتة ابد ......
جانت بس نضراته ..الذبلانه ....الي مااعرف شنو نوعه ..
ماادري فرحانه لجيتي ....او لا

..صفنت واخذت نفس واني ادعي ربي مايردني خايب
...التفتت للام ....وكتلة
_اني رجعت الكم ....بعد مدة
بس بالي ابد مكدر ينساكم .ولا ينسة المعروف الي اتفضلتو علية

...ببهاي اللحظة جان وند يترجم الكلام للام ...
والام مبتسمة
وترد الجواب بالكردي
_بالعكس احنى ماسوينه غير الواجب ...والله هو الي لطف بيك

...دنكت راسي وتنفست بقوة واني رجلية تهتز من التوتر
رفعت عيني لعيون وند وكلت
_اني جاي رايد بتكم جوان الي ....

.....محسيت بشي بعد ....بس جان السكوت هو الحاضر بهذا الوقت
...شفت الدهشة على عيون وند ...الي مكدر يحجي لامه هذا الكلام
..التفتت لجوان .....وشفتهة عيونه تلمع ...
وصفنه طويلة على وجهة

....حسيت بيهة كامت دخلت جوة .....
والام اتباوع..
متعرف شنو الي صار ....
بس الي عرفت ......
عيون وند .....الي جانت تحجي غير حجي
يتبع