رواية قلوب يتيمه الفصل الخامس عشر 15 - بقلم لينه سعد

قصة #قلوب_يتيمه الجزء الخامس عشر
للكاتبة لينه سعد
................
ضليت امشي واني اعدل بملابسي وبشعري
جان كلبي يدك بقوة... واحساسي ونفسي متخربط
فتحت باب البيت ودخلت بسرعه اريد اصعد لغرفتي... بديت اصعد
_وين جنتي جوانا
...وكفت بدون حركة... مااكدر اباوع بوجة  التفتت ليورةشفت امي وراية
ارتبكت.... مااكدر اباوع علية....
_هاي اشبيج..... حجتة بصدمة..

... نزلت الهة.....
_لتخافين ماما... طلع جلب بالغابة... وركض وراية
واني اركض او وكعت وانجرحت
_يااااا... يمة اسم الله....
اجتي شبكتني.....

اتعجبت من شبكتني.... جنت فاقدة هذا لاحساس من سنة..
معقولة هسة يالة ذكرتني
هسة... من اجة اصيل يالة التفتت الية وتعطف علية

صايرلي هواي ماشبكتني.... ماادري بس شبكتني
بجيت بحضنهة
احس محتاجة ابجي.... وخاصتا بحضنة
مشتاقة
_هاي اشبيج جوان.....
... لا ماما بس جنت خايفة...... متصورت راح ياذيني...
اتوقعت يحبني...
راد ياكلني... واني ضعيفة كدامة
_اكو واحد يامن للحيوان.... ابسرعه ينكلبون على البشر. روحي اسبحي
وارتاحي
.. باوعت لامي كانما رجعت مثل قبل حنينة... وطيبة
ابتسمت الهة... ورجعت شفت ابتسامتهة
............................

دخلت غرفتي واني الرعشة بعدهة بجسمي
كلشي اتذكر.....
اشلون من هجم علية.... اشلون بدة ينهش بية كانما ياخذ ثاره من عندي
مااعرف اشلون كدرت اكعدة من الي جان بي
اتذكر... وحشيتة .. وحجايتة

_جذابة....... مراح اخلي ياخذج..
حجاهة وهو يلهث ووجة الي اتحول للون الاحمر دموي

_والله اصيل محد خطبني....
بدت اعيوني تنزل ادموعه.... واني كامشة قميصي الي  انشلعت اول دكمتين

حسيت بي حس على نفسة....
انتبة للرعشة الي بايدي..... وبشفايفي

... شفتة وكف..... ونفسة يصعد وينزل بقوة... كمش راسة..كانما صداع قوي اجاه....  وابتعد وهو يتلفت يمنة ويسرة
وضل يضرب براسة بقوة
اني خفت لميت رجلية لصدري ... مااعرف اشلون اتصرف وياة
التفت الية
اتقدم..... اني خفت بده الخوف يمشي بجسمي.... رجعت ليورة
اما هو وكف...
ورفع ايدة ويكول
_لاتخافين...... مراح اسوي شي... كعد بالكاع... وزحف الية... وكال وهو يتوسل
_عليج الله..... صدك تحجين

.... شفت اعيونة رجعت لطبيعتة....
جانت اعيونة تتوسل بية... اتريد تسمع الشي الي يريحة
_اي والله...... محد خطبني
_ليش لعد هيج اتسوين بية

... انتي اتفرحين من اتاذيني.... اتكيفين..
من اتشوفيني اموت ما  اتحسين بالنار الي بكلبي
اني سنة كاملة اتكلب بغداد.... وانتي هنا عايشة حياتج
اني الي عفت كلشي لخاطر اجي
كام وهو مقهور... ويباوع علية وعيونة بية حزن احس بي تعب ميكدر يحجي

وكفت واني كامشة قميصي...  وتقربت منة
وحجيت بقوة.... حجيت بعتب لان اتهمني بالراحة الي مشايفتهة....

_اني مااريد ااذيك...... اني الي سويتة كلة لخاطرك
لان اعرف مراح اتحصل شي
وثانيا اتلومني... وتكول عفت كلشي
انت متعرف اني اشسويت علمود مااخذ غيرك..
اني سويت اكثر ماسويتة انت
وكفت بوجوه خوالي ومخليتهم يزوجوني ابنهم ....
وكلشي حاولو  وياي القسوة..... الخوف... الغصب
وبقيت معاهدة نفسي مااخذ احد

اريد اعرف انت شسويت ؟؟؟؟
... حجيتة بقوة بصراخ

.... التفت الية....
_شتريدين اسوي....
اني اجيت وتقدمت وكلشي مستعد انطي واخذج
واخر شي...
امج تغدر بية...... لا مغدرت بية... غدرت بيج انتي...
شتريدين اسوي اكثر من الي سويتة

جاوبتة والسخرية بحجايتي

_اني اكلك شسويت.... اتريد تكسرني وتذبني لاهلي.. وبعدين تجي مثل النشمي تستر علية
هو هذا تفكيرك....
هو هذا الي تكدر علية
انت متصور اذا هيج سويت راح ينطوني الك...!!!
راح يكيفون لان راح يسترون بتهم
هو هذا تفكيرك....
غلطان هواي اصيل..... بدت ادموعي تنزل

اول مايسونة.... يكتلوني ولا ينطوني الك
ومايعوفك حي.. الا اذا ياخذون روحك

مااعرف اشلون اجتك الجرئة وهيج اتحاول وياي
المفروض الي يحب يحافظ على حبيبة
مايوصخة

وانت اتريد اتوصخني... اصيل
مااعرف اشلون حبيتك....... لهنا وتنتهي كافي بعد
....

_لا جوان... انـ.....
_لاتحجي...... كلشي انتهة..... مااريدك اني بعد
مااريد واحد هيج... مع الاسف على كل حبي الك
مع الاسف
درت وجي... وابتعدت عنة....
............................................
اتقربت من المراية....
باوعت لوجي الي بهت ولونه مايل للاصفرار
باوعت على ركبتي الي لحد هسة احس برطوبة شفايفة
غمضت عيني
واني اتذكر الخوف الي جان متملكني من اعز شخص..... من احب شخص
بجيت بقوة....
... مااعرف ليش......
لان بعد مااشوفه...... لو لان خوفني منة
مداافهم شعوري اتجاهة.... بس الي اعرفة
اني احبة.... احبة
.........................
مر اسبوع من بعد ماشفت اصيل....
جنت كل ماانام... اتذكر الي صار وياه
ماعرف لحد هسة شعوري..... المفروض اني اكرهه
بس مدا الكة هذا الشي...
تعبت من التفكير...... ضليت يومين نايمة بالفراش واني ماانسى شكلة ولا تصرفه
... وبيومهة العصر جنت كاعدة واني سرحانة اندك الباب...
رحت فتحت....
بس انصدمت..... بس مو اي صدمة....
شي اكبر من توقعاتي...
لكيت عمامي بالباب....
التفتت لامي الي جانت وراية
امي صفنت معرفت شتسوي.....
اما اني من الصدمة مكدرت ارحب بيهم....
وبعد وقت قصير  رحبت بيهة...جنت فرحانة بيهم  لان من ريحة ابوية الغالي

دخلو كعدو جوة.... اجة وند سلم عليهم
وثريا
اما امي جانت متخوفة من جيتهم.....
... لحد هسة مااعرف ليش تكرههم.... مع العلم جانو عطوفين ويانه وماشفنة منهم شي مو زين
... جانت امي دووم اتحاول اتكرهنة بيهم
بس من كبرت ماشفت الا الخير منهم
عكس خوالي... رغم حنيتهم على امي... بس جانو قاسين علينة

... بدو يسلمون علينة....
... صفنو علية... وبدة عمي الصغير يحجي وكال

_قبل ايام اجة واحد علينا طالب يخطبج..
.... بدة وند وامي يلتفتون الية.... واني مصدومة

_الولد رايدج وشاريج... ومتقدم الج.....
بس الظاهر اكو ناس معرفت تتصرف عدل وياه  متصرفه موخوش تصرف

... جان يحجيهة ويباوع على امي....
_منو الي مايعرف يتصرف....
حجت امي بعصبية

_مااعرف... بس الولد من اجة خطب ودك بابكم... المفروض لو اتقبلون لو لا...
مو اتسوون عصابة... وتتهجمون علية
مااعرف اشلون سكت عليكم... وما اجة يفصلكم
لان انتم اتهجمتو علية بدون سبب

..... هنا الكل صفن عرفت عمامي ليش اجو.... ومنو الي طلبني... جان صفنتي ودهشتي جبيرة اكبر من اي توقع

_اصييل... حجيتة بدون ماادري
... حسيت امي... اعيونة اتجمدت مكدرت ترمش.... وهي اعيونه علية

.... ضل عمي يحجي ويلوم بامي وخوالي.....
وكال مو من حق اخوانج يتصرفون هيج..... احنة موجودين
الولد خوش ولد..... وطلب ايد جوان
واني اشوف مابية شي
ماطول هي رايدتة... واتصور كال شتريدون اسوي حتة بيت هنا يشتري
وين تلكون واحد هيج.....
واني راح اسئل عليه بغداد
صفن على امي.... وكال
اني اكول زوجي بنتج.... واستري علية... ماطول القسمة زينه...
كامو عمامي.... من بعد ماذبة القنبلة الي صدمتنه كولنة
...
.... بدو يطلعون...... واني واكفه من الصدمة
اشلون اصيل وصل لعمامي...
اما امي....
فجانت مدمرة..... وعيونة مثل نار تجدح....
وترجف من العصبية
اجت وكفت كبالي..... وكالت
_اصيل... رجع لهنا...... ؟؟؟؟؟؟؟؟؟؟

..................................................

من بعد ماعافتني جوان بمكاني
وحجت علية....وكالت هي سوت المستحيل علمود ماتتزوج
اما اني عفتة ورحت
خفت.... استسلمت.. للكل...

وشسويت.... اي صحيح... مسويت شي
رحت خطبت... وحدة مااحبة....... ولا اكدر اعيش وياهة

.... كعدت بالكاع... وحطيت ايدي على  راسي واني مصدوم من الي ردت اسوي
... اشلون ردت هيج اسوي..... اشلون اريد اكسرة علمود اخذة اني تفكيري وين جان

... باوعت على كلشي بالغابة واتذكر خوفة وهي جوة ايدي ورعشة شفايفة
... اني غلطت......
. اي غلطت ولازم اصلح الغلط..... واعرف اشلون
... كمت عدت نفسي
ونكتت شكو شي مجلب بشعري وملابسي... ورحت نزلت للسوك...
ادور على وند....
... اني اعرف وين الكاه يبع غراضهم...
مشيت... وشفتة جوة المحل
شفتة طلع.....
التفت وشافني...... صفن علية...  اتقرب مني
_ها اصيل اشو هنا
_اجيت على جوان...... ومراح اروح اذا مااخذهة

_انت مخبل..... شنو هذا حجيك...
روح منا لا تعرف شلون اتصرف وياك
...... راح ابتعد مني

.... اجيت الة..... وكمشتة من جتفة
_وند..... اني احبة..... ومااكدر بلاها.. ليش متحسون بية
ومستعد الي اتكولة اسوي
_انت ليش متفهم.... انت شفت اخر مرة اشصار..
شفت خوالي اشسوو
_هو ليش اجيت الك..... انت انطيني حل....
واني مستعد اسوي

... ضل صافن علية.... ميعرف شيكول صفن
... شفت اصيل ميجوز من جوانا...... واعرف هو يحبة وهي مثلة
مكدرت امنعه... ماادري ليش حسيت يكدر يسوي شي وياخذهه
_انت اذا اتريد تضغط على امي وخوالي... روح لعمامي اذا اقنعتهم... فاني اضمن الك جوانا من نصيبك

.... صفن اصيل.... ممتصور راح يلكة حل... ابتسم ابتسامة جبيرة وضحكة
_صدك تحجي وند....
لعد ليش ماكتلي من البداية واروح الهم...
_مجنت متصور الامور راح تتعقد.... راح انطيك عنوانهم بسليمانية....
روح الهم... همة ناس متفهمين وماخذين نسوان عرب وينطون الهم .... بس اهل امي لا
اذا كدرت تقنعهم.... ان شاء الله جوان الك...

.......................................
من بعد ماوصفلي وند عنوان عمامه... رحت الهم
وشفتهم ناس فاهمين ومو عنصرين
... رحت الهم وحجيت كل شي.....
شفت رحبو بية... وكالو راح انشوف البنية وناخذ رائية اذا تقبل....

.... اما اني فلازم ارجع اصلح الي خربتة بغداد
ركبت سيارة
واتوجهت لبيت سراب.... واني متاكد الي راح اسوي هو الصح
يتبع