رواية قلوب يتيمه الفصل السادس عشر 16 - بقلم لينه سعد

قصة #قلوب_يتيمه  الجزء السادس عشر
للكاتبة لينه سعد
................... لخاطركم كعدت اكتب رغم انشغالي💋

وكف التكسي كدام باب بيت اهل سراب...
نزلت واني اباوع على الباب...
انطيت الكروة...
واتقدمت من الباب..... اخذت نفس. واني متاكد من القرار الي اتخذتة
اني غلطت وهذا الصح الي راح اسوي
دكيت الباب بحماس
.... واني ادري من الصعوبة على احد يسوي هيج خطوة جريئة....
بس ماعندي غير حل

... انفتح الباب.... وطلعت مره اخوهه..
_السلام عليكم
_اهلا وسهلا... اشلونك اصيل.... اتفضل
_زاد فضلج.....
.. دخلت.... والتفتت اله وكلت
_سراب موجودة
_لا والله طالعه للسوك..... بس هسة تجي
_ماشي انتظرهة
.... دخلت كعدت... واني اريد اعرف اشلون ادخل علية واصارحهة 
جانت فرصة علمود اصيغ الحجي
ضليت ساعه كاعد..... واني انتظر
......................

طلعت من غرفتي..... واني مفتقدة اصيل...
صايرلة مدة مجاي....
اشتاق اله وهو يمي..... جنت اعد الايام علمود اتزوج..
جنت فرحانة.... والفرحة قليلة بحقي
بيومة... رحت للتلفون وخابرت سميرة
_الو اشلونج سميرة
_هلا والله... انتي اشلونج امي وابوية اشلونهم
_ابخير الحمد لله
..... ضليت اسولف.... مااريد احجي الة خاف لاتكول تتصل علمودة.. اريد اعرف ليش غايب مدة
تعبان يشتغل... شنو عذرة

_لعد اصيل بالشغل
_لا مو بالشغل سافر المسعد... للموصل
_هاااا......
_شنو مكايل الج
_لا..... اصلا مشايفتة مدة طويلة

...... هنا صفنت سميرة.....
_ شلووون..... يعني اشكد
.... سكتت... مااكدر احجي بعد...
مااريد اتكوم اتلوم بية... مااريد تحجي حجاية اتخوفني

_مااعرف... المهم من اشوكت سافر
_صايرلة خمس ايام
_هاااا يرجع بالسلامه.... خلي يتونس شكو بية
_ولج اكو شي صاير بيناتكم
_لا قابل شيصير
_زين لعد.... هو هم اتقرب الج
_شلون يعني
_ولج اشكد غمة.... يعني باسج.. كمش ايدج من هاي السوالف

..... هنا مكدرت احجي.... صح مسوه شي... بس اني متاكدة لان هو ثكيل ومايريد يتصرف هيج سوالف
_يلة سميرة اروح... امي اتصيح علية
_يااا ولج اوووووكـ.......

..... سديت التلفون.... وكمت واني اكو شي بكلبي بس مااريد اصدكة
شي صعب افسرة...

.... ضليت كاعدة واني افكر..... والتفكير موتني... مااعرف منين تطلعلي الافكار وكلهة سوداوية...
احس اختنكت
... مر يومين واني تعبانه نفسيتي.... مااريد احجي ولااشكي كافي هو صار الية
مااريد اخرب فرحتي
كلت احسن شي اروح اللهي نفسي اشتري قماش وافصلة والتهي بي
...............................

دخلت للبيت وصلت لباب المطبخ ولكيت مره اخوية
_ولج ولج الحكي......
_هاااا ياستار شكو
_ولج اصيل هنا.... صايرلة ساعه كاعد منتظرج
_شنووووو.
.. بدت الابتسامة تترس وجي.... وكلبي يدك.. وكعت الغراض من ايدي....
صفنت.... الحمد لله رجع الية يعني كلشي ماكو

وضليت افتر.... مااعرف شسوي وين اروح وشسوي
لحد مامره اخوية اخذتني.... وغسلت وجي وكالت روحي عدلي نفسج زدخلي

.... فعلا دخلت عدلت نفسي ولبست دشداشتي الجديدة
وفتحت شعري....
ودخلت....
... لكيت الغرفة متروسة دخان جكاير.....
لكيتة كاعد مخلي ايدة على رجلة وبيدة الجكارة... او ظهرة منحني ليكدام
... جان شكلة تعبان..... اتقربت.. والابتسامة ممفاركة وجي
اتقربت منة
_اشلونك اصيل
..... جان بعدة صافن..... اختفت الابتسامة من وجي
صفنت علية.....
جانت لحيتة الخفية.... ولونه الحنطاوي وشعرة الكثيف الي حافرة من جانبين راسة... ومرتفع من الامام

... جان حلو بكل اشكالة حتى لو مجان معتني بنفسة

.... عليت صوتي وكلت
_شلونك اصيل
... فز.... كانما جان بغير عالم....
كام.. وهو مركز على عيوني.....
_الحمد لله.... انتي اشلونج.... شنو جنتي بالسوك
_زينه... ماطول انت زين.... اي عندي غراض محتاجتة

... كعد وجانت بايدة الجكارة.... قربة من النفاضة وكسرهه
جانت عيوني تتفحص كل شي يسوي
... شفتة اخذ نفس
باوع علية...... اما اني جنت ذايبة بهذيج العيون العسلية

... شفتة مرتبك... وعندة حجي...
بديت اني احجي اريد اطلع الي بكلبة
_كالو طلعت سفرة للموصل
..... رفع راسة الية.....
_اي صح.... بس مو للموصل
_لعد وين
_رحت لدهوك....

.... من حجة راح لدهوك كلبي دك بقوة..... مااعرف حسيت بالخنكة... جنت اعرف البنت الي رادة ساكنة دهوك
... سكتت.... محجيت... او مااريد احجي مااريد يكمل..
مااريد يستمر خلي هيج كاعد
... جنت خايفة...... خايفة حييل هسة....

_سراب....
.. باوعت على عيونة.....
انتي بنية الف واحد يتمناهه.... لان خلوقه وطيبة.... وهنيالة الي اتصيرين من نصيبة

... بدة الهوى يختفي... وبدت بس كلماتة الي اتسوي صدى باذني
... بدة يحجي ويحجي.... حجي. اعرف نهايتة
بدت الصورة تتغوش..... بس مااعرف ليش..
بدت الحرارة ترتفع عندي.... وصلت لحد اعيوني... وحسيت اذاني اختنكت من كلماتة

جنت اباوع على اصابيعه الي تنفرك..... وشفايفة اليابسة وهو ينطق هاي الكلمات
اما اني.. عبارة عن اعصار داخلي...
خربط كلشي
حسيت بحرارة وكعت على خدي.....

مدااحس باي شي.... وشنو هذا الي نزل
رفعت اصبعي.....اتلمست خدي واني حايرة...
عرفت هاي دموع..... دموع خذلان دموع حزن

يعني هسة شنو؟؟؟
شنو الي يريدة
.. انساه...... اعوفة ياخذ الي يحبة
واني..... المن اخذ..... منو الي احبة
ليش هو ميدري هو صار كلشي بدنيتي..... ميعرف اني احلم بي من زمان...
ميعرف اني جنت اكعد على سجادة الصلاة وادعي يصير من نصيبي

.... شفتة خلص كلامة
_القرار الج هسة سراب

..... اي قرار...... شيريد ابارك اله الي راح ياخذهة
لو اني اروح اخطبهة اله

... حسيت اني انهانيت...... جان كلبي يوجعني حييل بحيث حسيت بدفعاتة القوية
مكدرت ابقى يمة....
مكدرت استنشق دخان جكارتة.....
.... باوعت لعيونة...... وابتسمت
وكتلة
_سوي الي يريحك اصيل......
_اعرف بيج متاذية...... بس صدكي احسن مماتتاذين بعدين  انتي تستاهلين واحد يحبج.... الج
انتي انسانه مثالية..... وتستحقين الي يقدرج

..... وكفت....
_من رخصتك.....
طلعت من الغرفة واني احس الدنيا صارت سودة

......................................
شفتة طلعت..... كسرت كلبي...
اعرف صعبة....
دعيت الله يخفف عنة... ويرزقه بابن الحلال الي يسعدهة... لان انضلمت.... بس مااريد اظلمة اكثر

.... طلعت من البيت ورحت لبيتي.....
وصلت للبيت وشفت سميرة كاعد اترضع
نائل....
درت وجي ودخلت...
امي اجتي.....
_ها يوم... حمد لله على السلامه...
_الله يسلمج يووم

... يوم اني مستعجل.... اني راجع
... الام اتعجبت.... ولك وين راجع... اشبيك اصيل مثل اعصار داخل للبيت... وين راجع

_راجع لدهوك...
_هااااا..... انت موكلت بالموصل
... سحبتة من ايدهة... وكعدتة على الجرباية
_لا يوم.... جنت يمهة
_لكيتة منتظرتني...... هواي سوالف صارت من ارجع اسولف الج...

.... فزت ام اصيل.... وهي فاتحة اعيونه...
_ولك انت شتخربط....
وين رحت وشنو ترجع...... اصيل انت خاطب وياسوالف الي تحجيهة
... كمت ودرت وجي واخذت نفس عميق

... التفتت الهة وكلت
_فسخت الخطوبة.... وراح اتزوج جوان
يتبع