رواية قلوب يتيمه الفصل الرابع عشر 14 - بقلم لينه سعد

قصة #قلوب_يتيمه الجزء الرابع عشر
للكاتبة لينه سعد
...............
بديت اباوع.... من جامة السيارة... وهي تمشي بسرعه
وهي تنقلني من بغداد لدهوك
جان الهوة يحرك خصلات شعري
ممصدك راح اروح اشووفه
جانت ابتسامة خفيفة مرسومه على شفايفي
لاول مرة احس بفرح
جانت الفرحة بكلبي جبيرة حييل..... وممزوجة بخوف
خوف من المجهول الي راح اشوفه

... اتذكر من رجعت من الامام ودخلت للبيت...
اريد احجي.... اريد اصرخ....
اريد واحد يفهمني.... اريد واحد يسمعني
مااكدر احجي لاحد .... لذلك قررت اسكت واسوي الي يكوله الي كلبي

دخلت لغرفتي ولميت ملابسي بجنطة وبسرعه... ماريد اضيع وقت
كافي السنة الي ضاعت مني...
اني وبن جنت..... وين ضايع...
ليش مارجعت اشوفه.... يجوز منتضرتني
... ويجووز........
بس مو مهم اروح واتاكد.... وبعد اخلص ضميري واسكد كلبي الي يلومني.. كافي الي ضاع مني

... ضليت اضرب براسي.....
_غبي.... غبي

_. منو الغبي؟؟؟؟
... صوت ام اصيل.... وهي تدخل الغرفة
ومتفاجئة باصيل يلم هدومة
_وين لام ملابسك ورايح

... اتفاجئ اصيل بدخول امة....
_اريد اطلع.... اني وجماعتي قررنة نطلع للموصل
_للموصل... لو غير مكان
_لا يمه للموصل... قابل عبالج راح اهج... هههههه

... جانت ام اصيل مامرتاحة لهذا قرارة
_ماشي ابني.... الله وياك
................................

بديت امشي خطواتي الهادئة المترقبة... مستعد لشوفتة  كبالي
جان شعوري بهذا الوكت ماينوصف.....
مزيج من اشياق... لهفة..... شوك..... حب
... بديت اباوع على كلشي من يمي...
على كل ذرة تراب..... على كل قطرة ندى
على كل نسمة هوه اتهب
كلشي مو جود نفس مكانة
عبالك عايفة قبل ايام

.... وصلت للسياج القريب من مزرعتة....
وفجئ..... اتوقف كلشي يمي.....
احس حتى الهوه خلص....
ضليت صافن..... وكلبي يدك بقوة..... ونفسي ضايعه بين هجيان مشاعري
جانت اعيوني تلمع مثل الكرستال
تلمع وهي اتشوفهة واكفة على الدرج....... والهوه يلعب بثوبهة
وهي اتكطع البرتقال
مااعرف شنو الي حسيتة
بس الي اريد اوصل الة  اني احبة...... احبة لدرجة مااتخيل نفسي بدونه
ولا اكدر انساهه واغيرهه بثانية.......

...............................................................

مرت سنة من بعد الحادثة الي صارت
من دخلت لبيت خالي.....
وكفت كدام الكل...... وكلت بصوت عالي...
اول مرة اتحدى وهيج احجي وياهم....
اول مرة يسمعون صوتي
بس متحملت الي شفتة....
مااكدر انسى منظر اصيل وهو ينظرب بدون سبب
هو مااجرم.... ماغلط

... اتذكر وكفت وكلت
_اريدكم اتسمعون زين.... زواج من ولد خالي مااتزوج...
ولا راح اتزوج من احد
اني مااريد بطلت...
وهسة اترجعوني لبيتي.... واذا ماارجعتوني احرك نفسي
وانتم اتعرفون اذا وصل الخبر لعمامي...

.... بدو خوالي يهجمون علية ونسوانهم ضايجات من تصرفي وصلافتي
المهم ضليت يمهم اسبوع....
مانعه نفسي من الاكل... بالكوة تدخل علية بنات خالي ويسون الية واهس... يالة اكل

.... اتذكر بيومه اجة وند.... وكال اذا مترجع جوان راح اروح لعمامي
هنا عرفو بوند يسويهة
فقررو ارجع... بعد ماضمنو اصيل رجع لبغداد

رجعت لبيتي...  لكيت امي...
جانت مو امي الي اعرفة...
ضليت اباوع علية نظرات عتب
مكدرت اسامحة....
مكدرت انسى  الي سوته جان سلامي بارد وياهه
حتى هي مااعرف شنو الي غيرة علية
مو امي الحنينة... مو هذيج الي جانت مثل نسمة هوه صافية
شنو الغلط الي سويتة...
صعدت فوك... واني اعرف خسرتة
بعد الي شافة مراح يرجع...

.............................................
جانت واكفة على الدرج...
واني امارس يومي العادي... اكطع الفواكة
واحصد الخضرة
مثل كل يوم
بديت انزل الدرج......
وحدة ورة الثانية......... لميت البرتقال الي واكع بالكاع
ضليت اللم
رفعت راسي واني اريد اعدل ظهري الي تعب من شغل اليوم
الشغل الي اريد الهي نفسي بي
كمشت خصري وبديت اسوي حركة الرياضة علمود اريحة من الوجع... لفه لليمين ولفه لليسار....... وهنا وكفت

..... ضليت صافنة مثل الجماد.....
واكفة... متسمرة.... عقلي يكول مستحيل
وكلبي يكول هو.
جان بعيد...... واكف بدون حركة... بس يباوع
جنة اثنيانتنه.. كانما اتوقف الزمان...... واختفت اي مسافه بينه.... وبدت الكاع اتقربنه
_اشلو........ ليش... اجيت ؟؟؟

... ضليت صافنة..... مااكدر اسوي شي.
اركض ابتعد عنة
لو اروح اشبكة..... واكلة خذلتني من عفتني
محاربت مثل ماحاربت اني

بدت خطواتة تتقدم باتجاهي... بدة يتقرب بهدوء... بتخوف
ضل يتقدم ويتقدم
بدت ملامحة اتبين...
جان وجة باهت.... تعبان.... والسهر امبين علية من الهالات الواضحة
وكف مسافة... قريبة مني.....
_شلونج جوان

.... جان صوته باهت تعبان
_ليش اجيت

_اشوفج.... مشتاقلج
_ارجع اصيل...... انسى وارجع
درت وجي ومشيت... بسرعه... مااريد اشوفه مااريد اتوجع... كافي هذيج الايام الي مرت علية

..... مشيت ومااحس الا جر ايدي وجرني اله....
صرت قريبة من وجة

بقريبة لدرجة  احس بدكات كلبة الي تعزف وي دكات كلبي..
بدت انفاسة الي تعله وتهبط
وعيونه الي تلمع..
وادور على شي بوجي كانما مفتقدة

جاوبني بعصبية
_مو بكيفج ادورين وجج..... مو بكيفج اتعوفيني

مثل ما سلبتي حياتي مني..... رجعيهة
رجعي كلبي.... كلبي اليتيم بحبج...
رجعي اصيل الي مثل زمان
قوي.... الضحكة تارسة وجة
انتي اذيتيني....... جوان
تعبت..... لو اعرف بهذاك اليوم مكتول ولا شايفج
ولا متقرب منج
اني تعبت... تعبت بدونج.... مااكدر اسوي اي شي
جواااان
احبج....

... جانت شفايفة اليابسة ولونه الباهت  الي تنطق هاي الكلمة...
صدمتني وصفنت مكدرت احجي...
اي مااكدر.... لان اني هم احبة..... احبة بنفس العذاب بنفس المستوى الي وصل الة

بس مااكدر استمر وياه...
كلشي ضدي... ومااريد ااذي ااكثر من الي صار قبل
الكل وكف بوجهنة.
لويش انطي امل بهذا الشي

دفعتة بصدرة.... شفتة من ابتعد نتيجة الدفعة
بدت اعيوني تدمع
وكلت
_عوفني اني مو نصيبك.... اني انخطبت
ورحت اركض للبيت

..........................................................

من بعد ماشافتني.... حسيت بية..
واكفه.. مرتبكة.... متعرف شتسوي
اما اني جان بودي اروح احضنة واشمة

اتقدمت..... وبكل خطوة احس بانفاسي اي تتخاطف وترجف..
اتقدمت منة
ضليت اعيوني اتزور كلشي بوجة
اعيونة..... خدهة...... شفايفة... حواجبة
ركبتة الي مثل كرستال

اشتاقيت كلشي بيهة...
لخصلات شعرهة..... ولثوبة الي يختلف عن اي ثوب شفتة
ابتسمت الة

... حاولت تبعدني عنة.... وراحت
مكدرت اعوفة.... اني تركت كلشي علمودة
اني منسيتة.... وبكل بساطة اتكلي انساني

اشلون باي حق...... رحت ركضت وراهة كمشتة من ذراعة بقوة...
وجريتة لصدري....
_اي جوان.... هو هذا مكانج.....
لاتنكرين حبج الية....
.... بس الي صدمني.... ومكدرت اتحرك
من كالت هي مخطوبة

معقولة اتاخرت... لو هي اختارت.....
اذاا هي اختارت
مااشوف كل هذا الشفتة بعيونة
شفت لهفتة... واشتياقهة
دفعتني بقوة..... ابتعدت عنة
وراحت تركض لبيتهم.... ضليت واكف...
واني ممستوعب الي  سمعتة

..........................................................

... دخلت للبيت واني كلبي يدك... وصدري يعلى ويهبط بقوة....
رحت ركضت للشباك...
شفتة واكف.... مااتحرك كانما.. صار جماد
بدت ادموعي تنزل...
واني اعرف بحبة.... اعرف اني احبة اكثر
بس شلون ياربي
ساعدني....... مالنه نصيب

.... ضليت الليل كلة منايمة..... افكر
_ليش رجعت.... ليش زودت همي... ليش فتحت جروح ككلبي

...................................................

كعدا الصبح... مثل كل يوم...
كملت شغلي...
وند نزل للسوك يبع الغراض.. امي تعبت ضلت بلبيت تشتغل مو مال نزلة سوك
اني رحت للبستان احصد شكو شي مستوي
وبعدين اخذت سلة ورحت
الكط جور من الاشجار المنتشرة يم الجبل
تقريبا تشبة غابة...
اتصير كثيفة
... بديت امشي... واني اعرف بعد مااشوف اصيل هنا

دخلت.. وبديت ادنك والكط الي واكع بالكاع....
اخذتني رجلية لنفس المكان الي شفت بي اصيل
وكفت... واتذكرت هذيج الايام
ابتسمت.... احلى شعور ... حسيتة من شفتة
اني مندمانة لان عرفتة
لان اول مرة احس هذا الاحساس بس وياه رغم الالم والتعب الي شفتة
درت وجي اريد ارجع

.... وفجئ... فتحت عيني.... جان واكف وراية
_اصيل
_ليش اجيتي لهنا

... ابتعد منة وضليت امشي ارجع لبيتي... كمشني من ايدي..
_لتتصورين اعوفج جوان
انتي الية
... التفتت الة.....
_شنو قصدك
_يعني خطيبج مراح ياخذ وحدة واهبة نفسة لغيرة
فتحت عيني..
... حسيت اني صرت بخطر
حسيت بالخوف منة
شفت عيونة الي كلهة تحدي.. مو مثل كل مرة اشوف بية الحب والحنية

... دفعت ايدة... بقوة وبديت اركض...
حستة ركض وراية
بديت اركض بقوة واني خايفة

.... بس هو جان اسرع كمشني من جتفي... وكعت بالكاع وهو وكع وراية.

... اتذكر...رفعت راسي واني اشوف الكاع الي متروشة حجار واوراق اشجار ميتة جانت لمستي لاوراق الاشجار الميتة
الي جان لونة غامق مايل للسواد
حسيت نفسي راح اصير هيج....

حاولت اكوم... بس كمشني من رجلية وسحبني الة
... بديت اصرخ... واني كامشة الكاع واضافيري الي اتترست طين

دار ظهري... علمود اشوفة
... وشفتة.... شفت شعرة الي متروس ورق الشجر...
وملابسة الي متبهذلة... ووجهة الي اختلف
مو هو اصيل

صار فوك صدري..... بدة صدري يعلى ويهبط..
جانت اصابيعة الي خاضنة اصابيعي... ومقيد حركتي
ممصدكة... هو هذا اصيل الي احبة

.... جاوبتة برعشة وبخوف
_اصيل..... اني جوان

... جاوبني بصوت مختلف... لاول مرة اسمع هذا الصوت
_لان انتي جوان..... لان انتي الي مااكدر اعيش من دونة...
سامحيني ماعندي غير طريقة

... بدت اعيوني تدمع.... وبدت شفايفة الي تمشي بكل وجي...
بديت احس بنفسة الي يعلى..
جنت مخنوكة مااكدر اصرخ.... مااعرف
يحوز لان مااتصور اصيل راح يسوية
لو لان احس نفسي راح اموت بايدة... او اني مصدومة من الي ديصير

... بدت ايدة تنزل على قميصي.. ويحاول يفتح الدكم
... بدة صوتي يطلع
واني كامشة ايدة
واكول
_اصيل.... والله ممخطوبة
والله... والله
احجيهة ودموعي تنزل

... اما هو جان ساكن..... صافن...
_جذابة....
_والله اصيل.... سويت هيج علمود تتركني وتروح
يتبع